عشنا على مصامخ الدنيا بعزم وحماس
‏لو أن توافيقنا عيّت على روحها

‏- علي ال صبيح

العمار محددة والرزق وّزع
من بطون الغيد لبطون المقابر .

‏اثر ضياع الغلا كنّه ضياع الجميل
‏لا صار في واحدٍ ماهوب يستاهله ".

لا تذل النفس دايم وترضى بالنزول
‏ولا يجي منّك رخامه و تحريض وريا

‏مستحيل تحصل العز وتنال القبول
‏وانت ما عندك كرامه ولا عندك حيا

طويتك حافظه الصفحة ممله والسنين كتاب
‏كتاب العمر عنوانه : نغيب أن ضاقت البقعه

‏فمان إللي كتب بعد هذا العمر نصير أغراب
‏ولا به شيء يعطيني على وصلك أبد دفعه

‏فمان الشوق والذكرى وأماني لمة الأحباب
‏فمان الله وخذ حبك ماعاد الصدر يتسعه

صباح الخير
‏أمّا بعد كما قال جمال بندر :

‏ليه أترك الحلم وأذرف من وراه الدموع
‏وأحلام الإنسان توخذ غصب ما تنعطى

‏ تشكّلي يا ظروف الدهر ومن أيّ نوع
‏بـ أجيك هادي ومتوازن و واثق خطى

‏القلب ضد الكسر والراس ضد الخضوع
‏والمتن للشيل واليمنى لبذل العطا"

انا الله خلقني ماقبل الذل والتهميش
‏لو اخسر طموح العمر واغلب علاقاتي

القلوب اللي نجيها ولا نلقى مكان
‏لو تعرينا الليالي ما عاد نمرها

وللنفس عزه لاكرهت شي صدت .

يجيبك الشوق والا تجيبك الحاجة
‏مصيرك اليا صفعك الوقت تذكرني

‏كنت احسب انك طبيب القلب وعلاجه
‏وأثرك تدور على أدنى شيء يكسرني

‏تسهر وترقد وشوقك طافي سراجه
‏وأنا أتململ وطاري الشوق مسهرني

‏يمكن مع الوقت حظي يضحك حجاجه
‏يجيبك الله وتقول ابطيت واعذرني ..

ايه طاوعت الصبر دامك تطاوع صبرك
‏من متى المجني عليه يشيل ذنب الجاني

‏اختبار الصبر اصعب حاجةٍ تختبرك
‏كان لوني واحد وصارت كثير الواني

‏نتجافى والثمن من عمري ومن عمرك
‏الجفا بين الاوادم فعل غير انساني

‏تنتظرني كل يوم وكل يوم انتظرك
‏غير ما الله عان احد منا يجي للثاني

ما عادني بـ الحشيم الهادي الليّن
‏أركى علي الزمان و ثقلت متوني

‏يا ربّ هذا الحزن بالوجه لا يبيّن
‏وش عذري من الشموخ ليا أنخطف لوني
‏
‏و أنا إن شكى لي صديقي همه الهيّن
‏بانت على حد رمشي دمعة عيوني

‏أنتزع عن وجه حلمك كل خوف
‏وأفرض بروس المعالي سطوتك

بتصد؟ صد وروح لاتمتحني
‏مصيري بنساك مهما تعلقت

‏كنت اتضايق منك لاغبت عني
‏واليوم لو غبت الدهر ماتضايقت

‏مابي اقول الوقت ماخذك مني
‏انت الذي قفيت فجأه مع الوقت

مانقصت سود المقادير قدري
‏للحين أمر العاليه واعتليها

‏بعض الوجيه أحطها بجوف صدري
‏وبعض الوجيه أمر وادعس عليها

‏وأصحابي اللي ماحتموني بظهري
‏تحرم علي والله مصافح يديها

لا تستفزّك ، ذكريات الراحلين
‏ما فيه أحد يبقى معك إلى الأبد

‏تظاهر بضحكتك لو قلبك حزين
‏ملامحك فيها من الغربة .. بلد

‏حاول تعيش العمر بـ إحساس السنين
‏عابر ، و إذا مرّيت ما ترجع لـ أحد

‏و إذا ذبحك الشوق وأوجعك الحنين
‏تذكر إنك ما أنت وحدك من فقد

والله اني ما أتردى و لا أحب القصور
‏و أتجاهل كل من هو ضعيف ومبتلي
َ
‏رافعتني عزة النفس لـ حد الغرور
‏و الثقه بـ النفس لـ أعلى مكانٍ معتلي
‏َ
‏لا دعولي والديني بـ تيسير الأمور
‏ما علي من باقي الناس لو تدعي علي

انت الشعور الصادق وغيرك سراب
‏وانت المقرّ الثابت وغيرك ممر

‏غلاك بضلوعي تربّع لين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏ومْواصلك مثل السحاب المنّهمر

‏حتى ولو قلبي شَعر بـ الإغتراب
‏انت الوطن واجمل ملذّات العمر .

لا تعاتبني .. ترى ما على مثلي ملاّم
‏والحبيب اللي يغيب مايغيب بلا سبب

‏والله انك لو تحاول اني أحكي ألف عام
‏بسكت ولو راعد الشوق في قلبي ضرب

‏والغياب اللي تشوفه ماهو من قل اهتمام
‏الغياب اللي تشوفه شخص من همه تعب

‏لا تبرر .. والعذر مّا عاد باقي له مقام
‏شخص حبك مايبي غيرك ولو غيرك عرب

والله اني رحت صامل وانا ودي عليك
‏رحت مقفي عنك وامال نفسي مقبله

‏كل يوم من ضنوني ابيعك واشتريك
‏ان قربتك مشكله وان تركتك مشكله .