6 ♥️🔫💣



ياسر : اهلا عمو محمد كيف انتوا هذه القمر بنتكم

محمد : أيوه بنتي مارأيك أزوجك بها ..
ياسر :خزي وحمر وشه ☺هههه وضحك وقال لمحمد ممكن ياعمو أشلها معي للبقاله أجعل لها

محمد : تمام شلها بس اوبه لها وبساعتكم لاتتأخروش

هاني : منيحين قدنت كريم عتجعل لها وأنت حاذق

ياسر: بهرر عيونه وقله مشو عليك اخطى نجعل لها سكته



.... وصلوا البقاله ...

ياسر : ملاك ماتشتي من جعاله

ملاك : إشتي كيندر بوينو

ياسر : اتحاكي عربي يادلوعه قلنا لش جعاله مش علاج هههههه

ملاك :خزيت أنا آسفه خلاص اشتري لي الي تشتي

ياسر: تحيلى لها يوووه جبر المأدبه هيا ياعم عبده ادي لها طرزان وبفك ولبان شونجم وزيد مليم أبوبقره لارجعت هههه

ملاك: ضحكت قالت ماهن هذولاء لاكن يله نطعمهن شكرا

روحوا من البقاله وياسر فارح قوى انه جعل لها وجلسوا يلعبوا مع الجهال وكان يدافع عنها ومايخليش العيال يلعبوا معاها يصيح فوقهم ههههه ...
إستمر الحال هكذا ويوميه بتسير ملاك مع أبوها وياسر يراعي لها بكيس الجعاله وملاك فارحه ببيت عمها وصاحبتها الجديده سميه وطبعا نجلاء بتأكل نفسها سكته وقدهي بتعد الأيام أيحين عيكمل الموت ...

7 ❤️🔫💣



طبعا إسم ملاك الجديد في بيت عمها البرنسيسه بعد ماسماها ياسر هكذا لأنها ماكانتش ترضى تاكل إلا في صحن وحدها وتفتجع ع لداتها لاتمتهد تراب ولومسكت شي بيدها تفعلها معقم وماترضاش تتخاون معاهم بالجعاله يفعلوا حفله ...



.....الجهال بيلعبوا فالحوش ..

سوسن : ياعيال هيا غداء

دخلوا يأكلوا ومحد فيهم غسل يده نسيوا

ملاك: كيف عتأكلوا وأيديكم ملان وسخ
سميه : نسينا يابرنسيسه

هاني : ادي لي من حقش المعقم حق يدش والله ماعاد قدرت أقوم أغسل

عبدالله : وأنتي مادخلش مننا الي يسمعش عيقل انش بتأكلي معانا مشو بتاكلي في صحن وحدش يادلوعه
سمعهم ياسر : ماهو ماهو ماسمعتش بينشم لقانه ع البرنسيسه يله سكته قبالي كل واحد يقوم يغسل يده وغمز لملاك 😉

ملاك : ابسرت ياسر وضحكت قالت له شكرا يا آسو

ياسر: سرجين عيونه 😍 وقعين قلوب ماهو ماهو منهو آسو أنا وهو مستغرب

ملاك : أيوه أنت أحلى آسو الي بيدافع عني ويشتري لي سوبر مان

ياسر : ضحك ههههه سوبر مان إسمه طرزان ياخبلا

ملاك: ماهو ماهو وهي حاطه يدها ع خصرها منهي الخبلاء ياأبو شعر طويل ساع البنات

هاني : هههه ماهذه حللتيها مابيرضاش يحلق بيخبي زلط الحلاقه وحقه حق الجعاله علشان يجعل لش

ياسر: حمل يسد فم هاني هكذا تفضحني والله مازد أقلك حاجه وخرج الحوش زاعل

ملاك : خرجت بعده آسو أنا آسفه خلاص لاتزعلش هيا أضحك بعدا شاسميك خاسر ههههه

سوسن: جهال أين جيتوا هيا برد الغداء ....



🌹meme-abdalgaleel

8 ❤️🔫💣



.....فوق الغداء ...
.
ملاك : ماهو هذا ياعمو الي بتاكلوا

علي : هذه عصيده ياملاك ليش مابتاكلوش منها

ياسر : وهو بيتفرج لملاك بمحانكه هذه برنسيسه ياعم علي مابيأكلوها إلا من هذك الخبزه المثلثات الي بتمطط حق التلفزيون وخرج لسانه ههه

ملاك : اوووف منك ياخاسر بطل لقانه وبعدا هذك إسمها بيتزا ياقبيلي

سميه : وأنا أشتي يابابا من هذا الي بتاكل ملاك

سوسن : خلاص شسأل جارتنا كيف بتفعلها وأفعلش طعمتها عندها هذك اليوم غر حقها مابتمططش يله شرق القطبه عيجين النسوان



....العصر فالحوش ....

هاني : من يتحداني سباق

عبدالله وابراهيم وياسر كل واحد قال أنا

بدأوا السباق والبنات بيشجعين هاني لانه الحريف وملاك بتتفرج لياسر وساكته

ياسر: ملاك بتتفرج لي والله لأفوز أوريها أننا حريف

فاز هاني

ملاك خرجت لسانها لياسر😜 تستاهل ياخاسر هي هيه

ياسر: هياناهج يابرنسيسه دوري من يجعل لش اليوم

ملاك : شاسير وحدي البقاله قريبه

ياسر:خطي من عندها وبيركض الحجار برجله وهو مقفى يلفت وماعادبحد ملاك جنبه وبيصيح ياعيال من ابسر ملاك

عبدالله : جنب الباب بيشخبط بالطباشير ابسرتها هي وسميه خرجين يجعلين

ياسر: حمل بسرعه بعدهن وقدهو ضابح أنا أوريها تخرج وحدها عم محمد قلي اوبه لها



🌹meme-abdalgaleel

9 ❤️🔫💣



ملاك وسميه عند عم عبده بيجعلين

عم عبده : يابنتي جننتيني من أول ولاعجبش شي

ملاك : أصلا ياعمو مابش معاكم من الي يعجبني

سميه : خلاص ابردوا لكم منها هي دلوعه ادوا لها من الي بيشتري ياسر يوميه

ملاك : خفعت سميه أنا أوريش منهي الدلوعه

كملين يجعلين وقدهن راجعيات وملاك بتلعب بالكيس حق الجعاله وياسر بيحمل لاعندهن بيصيح

سميه : هيانحمل بسرعه للبيت ياسر عيضربنا

ملاك :إبسرت لياسر ويدها في خصرهاومدت لسانها أتحداه سعم انهو بابا وخطين

ياسر: زعل منها ووقف مكانه وقال لسميه صح ياسميه مادخلني منها يله امشي قدامي أنتي بنت خالتي وهزر سميه وخطي

ملاك : أحسن أعرف أروح وحدي مابينفتجعش

لفتت ملاك وابسرت مجنون بيخطى فالشارع إفتجعت وبتحمل قووي وتبكي وتصيح ياياسر راعي لي مجنون

سميه: راعي لها حرام بتداعي

ياسر: عيس خليها تستاهل هي قالت تتحداني

ملاك : حنبت رجلها وهي بتحمل فالغرقه حق المجاري (الي تجي فالشارع أبو حديد مفتوح علشان المطر) وصاحت

ياسر : قلبه بياكله ويشتي يلفت غر بيكابر قال لسميه تلفت

سميه : يوووه احمل احمل ياياسر ملاك ادربت

ياسر : ملاك ماوجعتي يوووه رجلش حانبه وبعدها لها

ملاك: ماعاد بينقدرش أحركها وبتبكي قوى

ياسر وسميه : شبحوها وخطوها للبيت وحملوا العيال يدعوا عمتهم أنيسه خرجت وان قد رجل ملاك معتاصه وهي بتبكي

ياسر: ياخاله كله بسببي أنا فلتها تجعل وحدها

أنيسه : مش وقت بسببي وسببها سير أنت وعبدالله ادعوا أمكم حظيه المعصبه تجي تعصبها لها
........

10 ❤️🔫💣



نجلاء : إبسرت ملاك في حضن محمد ورجلها معصبه حملت مفتجعه بتصيح مابه ماهو مالها بنتي

محمد: مابش شي مالش إهدائي ادربت واعتاصت رجلها

نجلاء : أنا بينقلك مشتيش تسير عندهم إبسر أهلك مافعلوا ببنتي راعيلي ألبس البالطوه نشلها المستشفى

محمد: مايحتاجش مستشفى خلاص مابش فيها شي قد أختي أنيسه خلت أمي حظيه تبسرها

نجلاء : سعم انها دكتوره اذا ماعتخطاش معي شاخلي السواق يشلنا

في بيت علي ......

ياسر: جالس مطنن وزاعل ع ملاك ومارضيش يتعشى ولا يلعب مع العيال

عاتقه : هيا قوم اتعشي مع الجهال ماعاد شروحش أفعل عشاء لاراسك

ياسر: يوووف منكم قلت شابع

هاني: خلوه ياخاله هو زاعل لأنه اكتسرت رجل ملاك بسببه

عاتقه : انتوا قلتوا ادربت

سميه: هو فلتها وحدها وكانت تداعيه وبتبكي دعممها افتجعت وادربت

عاتقه: إكسرت رجل البنت ياباهر ذلحين مايسكتنا من مره محمد يله قدامي البيت وأنت عتبسر حسابك سوى سوى فالبيت وأشرت بيدها لاعينها لاراحت لك فأنا أمك

روحت ملاك من المستشفى بعد ماجبسوها لها تاعبه وصلت ترقد ونجلاء ومحمد فعلوا نون ومايسطرون وقعت ليله حاميه ونجلاء حنقت ورقدت عند ملاك في غرفتها .....



🌹meme-abdalgaleel

11 ❤️🔫💣



....ثاني اليوم الصبح ...

علي : اتصلين لمره محمد اسألين كيف رجل ملاك شوعه حن اكتسرت رجلها عندها

سوسن : لو تتصل لمحمد أنت تسأل عليها مشتيش أتصل لهذك الزناطه إبسرت مافعلت بنا يوم الموت ع بنتها وردت لنا لده بدل حق سميه عاد ماذلحين ماعتفعل

أنيسه : إبردي منها تزنط لماتقرح هي بنتنا عادنا بينقل أتصل لمحمد لاهو فالبيت أسير أبسرها

علي: خير ماقلتي هيا قومي البسي أشلش وأدخل معش نبسرها ونشل العيال مساكين زاعلين من أمس

........
نجلاء : كيف قد روح ماما عاد رجلش بتوجعش

ملاك : أيوه قوويه

نجلاء : هذا جزاء الي مايسمعش كلام ماما ستر الله عليش أخر مره تزيد تسيري عند هذولاء الناس أصلا ناس بيئه ومش من مستوانا

سامي وسمير: خلوها تستاهل لأنها سارت عندهم ..

أيوه صح تستاهل بتسير البقاله والشارع قدهي ساعهم

محمد: كان مسنب عند الباب وسمع كلامهم واجتغرت طبيعته

سامي سمير يله غرفتكم وحسابكم معي بس مشهي الحجه عندكم عند الي بيعلمكم بس أنا شعرف كيف اخليكم تحترموا أهلكم

ملاك: يابابا مشهم بيت عمو هو أنا الي ادربت والله انهم بيحبوني وطيبين قووي



.......في بيت علي ....

جهال أنيسه هيا بسرعه شاسبق لافوق السياره شرق عليا

أنيسه : جهال هيا بسرعه شرق ياسميه وين عتسيري

سميه: أدي حاجه بسرعه لملاك وأجي
طلعوا العيال فوق السياره وسميه عادها داخل وأبوها بيطرق ع جيه ياسر وأمه عاتقه

عاتقه : يووه عتخرجوا كان خاطركم غر قلت أجي أعاونكن

أنيسه : يوه ياعيبتش الي عتروحي من الباب سوسن داخل هو غر قلنا نسير نبسر ملاك بنت محمدبساعتنا

ياسر: بيسمع مابيقلين وبيهزور أمه ماما قوى قوى لوسمحتوا خلوني أسير معاهم أبسرها

عاتقه : إجلس لك جلاس مايكفيش اكسرت رجل البنت

علي: هيا خليه يجي معانا وأنتي جاهل سعم انه بالعاني

ياسر: وطى راسه وغيوز عيونه وقال بصوت واطي هيه هيه شابسرها..

12 ❤️🔫💣



....وصلوا بيت محمد ...

علي : يله ياعيال انزلوا وإشتي أدب نبسر كيف قدهي ونرحلنا

عبدالله: يوووه يابابا هذا البيت الحالي بيت عمي

هاني: أيوه ياأخبل كان مشنت داري للمه مره عمك زناطه فوقنا لأنهم أغنياء قوووى

ياسر: طنن شويه وقال يوووه هذا كله بيتهم ماعندها حجه ملاك تقع برنسيسه


....دخلوا الحوش وياسر أبسر ورد حمل قطع ورده يديها لملاك وخباها قفاه لحد يبسرها وأنيسه بتداعي يييييه يا أهل البيت أين جيتوا

علي: الله الله محمد واااو محمد

نجلاء : سامي هذا به صوت نازل اسكه أبسر من

سامي: ياماما ياماما هذا عمو علي بيداعي

محمد كان راقد سمع صوت أخوه وقام هاه علي أدخل ادخل ياخي

نجلاء : بقرف وإستهزاء اوووف ماجو يفعلوا طول عمري بعيده عنهم ماجاءبهم

نزل محمد ورحب بأخوته والعيال دخلوا فارحين بالبيت أول مره يبسروا بيت هكذا وقدهم بيطحطحسوا فالسيراميك

علي : جهال جلسه بأدب

محمد: مالك ياخي خليهم يلعبوا جهال

ياسر: جالس فوق الكنبه محرج قووى بعد ما أبسر بيتهم لأنه جاء بحذاء ربل وتخايله انه عيخلسها خارج مشو داري انهم يدخلوا بجزماتهم

محمد: ياسر مالك خازي يابني أشرب عصير

أنيسه: هو من أمس مقهور قال حن ماسارش يجعلها وادربت

محمد : هيا ناهي لك ياياسر كم قد نكعنا واحنا جهال هيا قوم أطلعك تبسرها

ياسر: نبع بفرحه من فوق الكنبه والورده مخبيها قفاه هيا شلوني لاعندها

أنيسه : عيال ييييه ييييه عيال أنتوا جيتوا تبسروا ملاك ولاتمهدوا بيت الناس

محمد: يوووه ياعيبتش قد بيت أخوش بيت ناس والله انش غثيتيني هيا عليا الحرام ماتبدوا اننتوا عتتغدوا عندي أبسر منهو الغريب يامكنسه

علي : هههههه عادك ذاكر حن كنا نسحبها بشعرها ونداعيها مكنسه

ياسر : ❤ قلبه بيدق قوي ومراعي يبسر ملاك هيا عمو محمد مشو وقت المجابره اشتي ابسر البرنسيسه

محمد : نجلاء يانجلاء أين أنتي جي ابسري من عندنا احنا في غرفه ملاك


🌹meme-abdalgaleel

13 ❤️🔫💣

.....في غرفه ملاك....

طبعا العيال عادهم نازل بيلعبوا شدفهم البيت ماقدطلعوش يبسروا ملاك مابلا ياسر مزاوط هههه قد عيونه عيخرجين بيتفرج كل الأبواب أينهي غرفه ملاك

محمد: فتح باب الغرفه وخلاه مشقي وقل لملاك مفاجاءه اتحداش تدرى من جاء يبسرش

ملاك : وهي مبتسمه قدنا داريه
سمعتكم بتداعوا ماما عمو علي

محمد : هههههه يانزغه بتسمعي سكته ومن زيد

ملاك : أكيد سميه وهاني وعبدالله وإبراهيم

محمد : وعمتش أنيسه ومن

ياسر : سنب عندالباب والورده مخبيها قفاه وشكله زاعل انها ماذكرتش وأنا ماتشيش أجي خلاص شارحلي

ملاك: أبسرت لاعنده بحنق وبتهزوز أكتافها ماعه أنت ماتحاكينيش خليت المجنون يلاحقني

محمد: ملاكي عيب تزعليه يله تصالحوا

ياسر: قرب لاجنبها وخرج الورده وهو موطي راسه ومكنها أنا آسف وخطي لاعند الباب ولفت عمو علي شاراعي لكم فوق السياره

محمد: ههههه هيا جي كذا ياهندي جبر الحنوقه عتتغدوت هانا لو أنا بك لازد أكسر يدها هههه

ملاك : والله يابابهكذا خلاص حذ ومدت يدها لاعند ياسر قالت له خلاص ياخاسر صلاح علشان الورده بس

نجلاء :دخلت ووشها مقلوب وببتحاكى من طرف نخرتها أهلا وسلمت عليهم

علي :تضايق من اسلوب نجلاء وقال أنيسه ادعي هذولاء العيال مازد طلعوش شرق ادعيهم يبسروها نخطى لنا

محمد: يييه ماسمعتش يميني حلفت ماتدوا خطوه الغداء عندي

نجلاء : إبسرت محمد بإستغراب وعوجت فمها حيالهم الحياه أنزل أبسر الشغاله مافعلت

ملاك : بابا إشتروا لنا بيتزا أطعم هذا القبيلي الخبزه الي بتمطط

ياسر: ضحك وغمز لها قلها تشتي أكسر الثانيه أومه هههههه

طلعوا العيال وسميه أدت دبدوب صغير لملاك وجلسوا يلعبوا في غرفتها وأنيسه ومحمد وعلي نزلوا الديوان لمايتجهز الغداء

14❤️🔫💣



...فوق الغداء....

العيال جلسوا فالكراسي جنب بعض وسميه جنب ملاك بعد مانزلها أبوها حطها فوق الكرسي

ياسر: ماهو هذا كيف عنتغدا فوق كراسي

محمد: ههههه هيا ماهو ياهندي ماعجبنكش الكراسي نفرش فالقاع

نجلاء : يشتي ينزل فالقاع ينزل هو ماعنغيرش نظامنا علشان طفل

محمد: بهرر لها بعيونه وقلها هذا ياسر القمرى علشانه ننزل

ياسر: عادي ياعمو أجلسوا بس أنا شابع أصلا وسحب الكرسي عيقوم

محمد: مسك يده وين عتسير شزعل منك

ملاك: يوووه والله شزعل منك والخبزه الي بتمطط من عياكلها

ياسر: شابع

علي وأنيسه بيأكلوا واللجع بتحنب في حلوقهم ونجلاء بتتفرج للعيال بقرف كيف بيأكلوا

علي: يله اقطبوا شرق علينا

محمد: خليهم ياخي يجلسوا وبعدا شاروحهم العشي

سميه: أيوه أيوه يابابا أجلس عند ملاك

نجلاء : كان نفسي يجلسوا بس معي خرجه

أنيسه : غمزت لأخوها علي الحمدلله سفره دايمه كثر خيركم هيا عيال شرق علينا

المهم روحوا بعد ماياسر والعيال ودعوا ملاك وقالوا لها مراعيين لها لماتفتهن تجي عندهم ونجلاء قالت ماشي ماعد عتجيش وهم اصترعوا 😔
محمد ونجلاء تصايحوا قوى ع تصرفاتها مع أهله وحنقت منه قالت له انه قد بيفضل أهله عليها وجلسوا اسبوع متقالعين ...


🌹meme-abdalgaleel

15 ❤️🔫💣




بعد مرورو 6أشهر جاء وقت المدارس وملاك فارحه عتدخل المدرسه هذه السنه وطبعا مازد سارتش بيت عمها من بعد حادثه رجلها أمها منعتها

ملاك : باباحبيبي هيا نسير نشتري الشنطه وحاجات المدرسه

نجلاء: بابا تاعب عادهو روح من العمل العصر شخرجش أنتي وأخوتش

ملاك : وهي زاعله وبتحرك أكتافها ماعه أنا أشتي بابا يخرجوني مشتيش معاكم
محمد: إبتسم وبيتحيلا لملاك خلاص قومي إلبسي ياروحي نخرج ذلحين

ملاك : حجفت أبوها وباسته شكرا وحملت وهي بتتنبع فارحه عتسير تشتري حاجات المدرسه......



في المكتبه :

ملاك : بابا إشتي شنطه باربي وزمزميه باربي وهذولاء الأقلام واشتي هذا وهذا

محمد: بيسبرها ويضحك شلي الي تشتي كله

ملاك: وأخوتي اشتري لهم

محمد: أخوتش عيخرجوا مع أمش يختاروا مايشتوا

ملاك : جالسه بتلوي وتتنبع فارحه بتختار ماحست إلا يد من قفاها بتغمض عيونها .. لفتت وانها سميه بنت عمها
حجفتها قووى قدنا فاقده لش قوووي
سميه : وأنا والكل ماجيتي تفعلي

ملاك : أشتري لي للمدرسه جي ابسري ماشتريت وانتي وريني ما أشتريتي

سميه: انا ماشقراش هذه السنه قالوا بابا إسهل عادنا صغيره السنه الثانيه مابش معاهم زلط خيرات هذه السنه
ملاك : أنتي ومن جيتي

سميه : أنا وخالتي عاتقه يشتروا حاجات لياسر

ملاك : إبتسمت وفتحت عيونها الي بتلمع وينهوا هذا الهندي
وخطيت مع سميه لاعند ياسر وأمه وسلمت عليهم وببتفرج ياسر وتضحك وهو بيوطي راسه خازي
سعم وبيتشاقر بيرفع عينه يبسرها بسرعه ويوطي

محمد: إبسر ملاك مع العيال سار لاعندهم ..سميه وينهو بابا .. اهلا بالهندي

ياسر : أهلا إحنا جينا وحدنا وهي معانا
محمد: يله أروحكم معي ادعي امك

عاتقه : وهي موطيه راسها مع ياخي اسلم عنروح إحنا

محمد: الله المستعان مابش شي وقدهو مع الطريق أبسر علي حن اطرح سميه

ياسر : شبح الكيس حقه الي أشترى الحاجات وخباهن قفاه خازي من ملاك تبسرهن لأنهن شويه ومشهن غاليات ساع حقها لأنها قد ججفت نص المكتبه هههه

....وصلهم بيتهم وأشرت ملاك لياسر بيدها وقالت له باي وهو أشر لها وغمز وسميه خفعته في راسه حن غمز ههههه

🌹
16 🌹
🌹



.....في السياره وهم مروحين عرف محمد من ملاك إن سميه ماعتدخلش المدرسه


بعدها باسبوع بدأت المدرسه وملاك سارت مع أبوها وأخوتها تسجل مارضيتش تخلي أمها تشلها تشتي أبوها

محمد: لو سمحت اشتي 4استمارات تسجيل

سامي: بابا مالكم نسيتوا احنا3

محمد: شاسجل سميه بنت عمك مع ملاك

ملاك : صدق يابابا شكرا تسلموا يا أحلى بابا وحبته


وهم مروحين سار محمد لابيت علي وطرح الاستماره ومكن عبدالله حاجات المدرسه وشنطه ولبس لسميه قله قل لبابا يجهز ملف سميه وأنا شتصله

علي : ماهو هذا ياخي

محمد: اوووص ولا كلمه ولا نقاش في هذا الموضوع جهز ملف البنت شامرلها الصبح تسير مع ملاك المدرسه ...

ملاك فارحه طول الليل مارقدتش انها عتسير المدرسه وزيد فوقها سميه عتدرس معاها وطبعا نجلاء ميته قهر بحسرتها خايفه ع ملاك لاتتاثر بسميه وماصديتش تحاكى محمد بعد ماصيح فوقها أخر مره ........

بدأت المدرسه وملاك كانت أشطر بنت فالفصل وسميه بعدها وقدهن خوات مش بس صاحبات وملاك طبعا ممنوعه من سيره بيت عمها



🌹meme-abdalgaleel

🌹
17 🌹
🌹



..... عدت الأيام وملاك مبسوطه بالمدرسه وبدأت تبطل دحس من سيره بيت عمها لأنها بتجلس مع سميه فالمدرسه وكانين يتسلفين دفاتر بعض لما واحده تغيب

ياسر: في بيت خالته بيلعب مع العيال ...سميه جي إلعبي معانا

سميه : ماشي إشتي أكمل أنقل علشان ارجع دفاتر ملاك الصبح فالمدرسه

ياسر: امممم وتحيول بعيونه وقال في نفسه كيف أفعل اشتي أبسر دفاترها
...خطش ياسميه شوعه صح ملاك خطها أحسن منش

سميه: والله ان خطي حالي جي إبسر

ياسر: خطش حالي اسكه خط ملاك فتح الدفتر وهو مبتسم كيف يفعل يشتي يقطع ورقه فعل حركه خطيره هههه وسعم اقتطعت بدون قصد وبعدا خباها في جيبه

سميه : 😱😱 ماهو هذا ملاك عتصيح
وبتبكي

ياسر: أسف أسف خلاص اناأسف وروح فارح جلس يتفرج خطها وخبى الورقه بين دفاتره


فالمدرسه ....

سميه :بتبكي ملاك أنا آسفه ياسر الأخبل شط دفترش

ملاك : هذا خاسر الهندي والله لأضربه قد بينكرهه خيرات كسر رجلي وذلحين دفتري


..... مرت الأيام وملاك شايله في قلبها ع ياسر وياسر كل يوم يفتح الورقه ويتفرجها يبتسم ويخبيها تحت الوساده ويرقد

🌹
18 🌹
🌹



بعد مرور سنوات قد ملاك وسميه هذه السنه صف تاسع وبدأ ❤ قلب سميه يدق يدق

وهن جالسات مراعيات لهم يجولهن يروحين من المدرسه ....


سميه : ملاك أنتي قد حبيتي أي واحد

ملاك :هههههه ماشي أو قد بتحبي يابنت عمي

سميه : وهي خازيه ووجها محمر مدرى هو هذا الحب ولا مع

ملاك : وهي بتضحك عليها وقالت لها بلقانه هيا هيا منهو قلي لي ياعبله ...

سميه : عبلوا راسش هيا والله ماقلش

ملاك: ببتريحم وتفعل حركات سعم بتمسح الدموع خلاص آسفه هيا قلي لي

سميه : بينفقده قوى لما ما أبسرش ولو أبسرته أجلس فارحه ولما أحاكيه أخزا قلبي يجلس يدق قووى تخايلي انه عيسمعه وبينجلس أفكر فيه خيرات

ملاك : وهي بتتكركر هيا ياحبيبتي هذا مشو حب هذا قد عتجنني عليه هيا قلي له بسمه كيفهو خالي

سميه : وهي بتتبع وتحرك لسانها ماعليا أصلا أنتي ماتعرفيش لاكن حالي ساع القمرى يوووه جبرني براسه

بيييييب بيييييب سميه : يوووه الطريقه حقنا قذا هاني جالي قد كمل محاضراته


ملاك: يله تمام مع السلامه هيا ابسرتي جلسنا نتجابر ع حبيب القلب وغمزت بعيونها ونسيت اديلش رقم تلفوني الي اشتروا لي بابا شديه لش بكره

سميه : قومي نوصلش معانا شكل السواق حقكم ماعيجيش قد تأخر قوي
ملاك : اسهل شاراعي زد شويه

سميه : بغير خباله ماشفلتش وحدش
هاني بيطرق قووى

سميه : راعي أبسر ملاك عاد السواق ماجاش جي ادعيها نروحها

نزل هاني يدعيها وقلها عيتصل لعمه انهم عيوصلوها



🌹meme-abdalgaleel

🌹
19 🌹
🌹

طلعين البنات فوق السياره وراء سميه ركبت وراء هاني وملاك وراء الكرسي الي جنب السواق



سميه : هيامالك ماقد خطيت

هاني : مراعي لهذا للغجه نزل للبقاله
إفتتتح باب السياره وطلع 😉😉

هاني : قلتلك لغجه محد يفلتك تنزل وحدك

ياسر: ناهي ياسماجه ولفت لاوراء وهو بيقل هيا كيف بنت خالتي سمي.. وعلق جت عيونه في عيون ملاك ..😉

سميه : هيا ماله مايتم اسمي
ييييه يامطنن يييييه غلق فمك عيدخلين الذبان

هاني : ههههههه مالك

ملاك : ابسرته ووطت راسها ع طول وقالت في نفسها الله منهو هذا الوسيم طبعا قد كانت نسيت ياسر قدلها منه وهي طفله.

ياسر: إبتسم من ذيه الشق للشق الثاني هذه البرنسيسه صوووووح

هاني : هههههه عادك ذاكر

ياسر : ابسر فالمرايه لاعند ملاك ورفع صوته أحد ينسى عيون الملايكه هذه ولا الدلع وسوبر مان وعاد هذك الجعاله بسمها بسمها ياهاني ....

هاني : ييييه عتغازل بنت عمي قدامي كان زد استحي

ياسر: ههههههه بصراحه ماقاومتش عيونها ياخي بحر لوحده من أبسره غرق

ملاك : قدهي مستحيه ووجها محمر ولاعد قدرت ترفع راسها

سميه: قلبت وشها وقالت بهنجمه ماهي قله الأدب هذه رجاء لاعاد تروحش مع أخي دور من يروحك سخافه وعصرت وشها

هاني: سميه مالش هو بيمزح ذكر ماكانت تجننه وهي جاهله أو مارأيش ياملاك

ملاك : ساكته ولا كلمه جالسه موطيه
سميه : هذك زمان يازمان قدهو رجال وهي مره من قله الحياء

ياسر: خلاص آسفين ياقله حيا والعفو منش ياملاك

ملاك : بصوت واطي سميه قليله يسرع اشتي أروح

سميه : هيا اقطب شرق ع البنت روحها بساعتك وابسرت ياسر وقالت ثقاله
ملاك وصلت وهي بتنزل من السياره ....

سميه : يوووه نسيتي ماتدي لي رقمش الي اشترولش عمو

ملاك : ***

نزلت ملاك وطبعا عيون ياسر بعدها ولا فلتها بيتفرجها لما دخلت من الباب..

🌹
20 🌹
🌹



فوق السياره ......


ياسر: هو هذا بيتهم الي جينا وعادحنا صغار شكله تغير ولا بيتخايلي

هاني: هههه هنيت لك ياتغير الله يرزقهم هذا بيت ثاني ساع هذاك 4مرات ومسبح داخل البدروم وواحد فالحوش ومعاهم داخل حيوانات وماحكيلك لاهاناك لاهاناك

ياسر: الله يرزقنا ساع مارزقهم لاكن شكلهم متفتحين قوى أو بيتخايلي بينبسرها لابسه غر جاكت طويل وجينز وهي زد قمر ماهي عتشدف خلق الله ليش مايلثموها وزد معاها تلفون


سميه: بمقارحه ماعليكم من الناس ياأستاذ ياسر كل واحد حر في بناته ومن الأخير مالكش دخل ببنت عمي وقفت وشها لاعند الزجاج

هاني: ناهي وأنتي خلاص سعم مدرى ماقال

ياسر: خلاص ناهي يابنت عمي ماعد عندخلش

وصلوا البيت سميه نزلت وصرعت الباب

هاني : مارأيك ندخل نتغدا وبعدا عنشتري القات

ياسر: ماشي أنا شارحلي امي مراعيين
هاني : حنقت من سميه

ياسر: ماشي غر مدرى مالهم هذه الايام كودهم سومه أسير أبسرهم
في أمان الله .....



🌹meme-abdalgaleel

🌹
21 🌹
🌹


في بيت محمد ....


نجلاء : مالش تأخرتي لاذلحين قد شجنن وتلفونش مابترديش

ملاك: يوووه آسفه ياماما كان سايلنت من لما كنت في الكلاس المس بتصتيح

نجلاء: ومالش تأخرتي

ملاك: السواق ماجاش وروحني هاني ابن عمو علي

نجلاء: ماهو ياابن عمي يله خلصنا منهم عنرجع من جديد قدنا ساكته أن سميه بتدرس معش لاهانا وبس

ملاك: ليش بتكرهوهم هكذا
نجلاء: بصراحه مش من مستوانا و طباعهم قبيليه مشتيش تتأثري بهم

ملاك: بس مهما كان هم أهلي وأنا اشتي اتعرف عليهم سوى قدلي منهم واحنا صغار حتى فالعيد بابا كان يسيروا واحنا ماشي

نجلاء : ولاعتتعرفي عليهم اخطي غيري أخلي الشغاله تجهز الغداء أمد ماصحي بابا نايم

ملاك : طلعت غرفتها وامتدت فوق السرير بتتذكر كلام ياسر فوق السياره وابتسمت وبتحاول تتذكر شكله وهو صغير ....

إبسرت تلفونها بيسرج لأنه صامت ......

🌹
22 🌹
🌹




ملاك: طبعا ماقد بش أرقام مسجله في تلفونها جديد فتحته ألو أهلا

سميه : هههه ياحركات قلك أهلا الناس اول يدروا من معاهم

ملاك: بتضحك سميه ياهبلا هو أنتي

سميه: أيوه قلت أسمع صوتش في هذا التلفون كيف عيقع وأقلش ابردي من كلام الأخبل ياسر

ملاك: نبعت من فوق السرير وبصوت عالي يس يس ياسر

سميه: مالش صرفوا

ملاك : وات از ذا مين اوف صرفوا

سميه: شاقلش بعدا وات از ذا مين للمه صيحتي

ملاك: أصلا من أول بينحاول اتذكر شكله واسمه وانتي ذكرتيني هذا الي اكتسرت رجلي بسببه صح أكرهه

سميه: أيوه هو اكرهيه بس يله شتصلش بعدا أقوم أقرب امي عيدسعوني

ملاك : أوكي باي تيك كير



في بيت علي .....


سوسن : ساعه بتبدلي هيا غداء قدو مقرب ياقمر

سميه : اتصلت لملاك عمي اشتروا لها تلفون قلت ابسر الرقم صح او غلط أشتروا لي يابابا ساعه

عبدالله: مابش معانا بنات يشلين تلفون ولا عتصدقي نفسش لاقدش بتدرسي في مدرسه خاصه

علي: ماعليكم من بنتي ماعتخليهاش أقل من صاحباتها لمايقع لي زلط من عيوني

أمل : وأنا يابابا

علي : لكن الثنتين كم معي بنات

سميه : قربت تحبه وهي بتخرج لسانها لعبدالله الله يخليكم لنا

أمل: كانت خزويه قوي مشي لقنه ساع سميه قالت له الله يحفظكم

هاني: إبسرتوا يابه مافعلت بنتكم بياسر مازد دخلش يتغدا وقد سدينا نذاكر جمعه تعذر ان خالتي عاتقه مريضه وحكى له ماحصل

سوسن: يوووه هيا أقوم أتصلها ذكرتني هيا قدلها أسبوع بتقل راسها ......



🌹meme-abdalgaleel

🌹
23 🌹
🌹



ياسر: طبعا ساكن في بيت جده معاهم نازل 2غرف وحمام ومطبخ ساكن هو وامه فتح باب البيت وهو مبتسم وبيغني (عيناها سبحان المعبود) والدواير في يده بيلعب بهن

عاتقه : إبتسمت هيا ماقد معانا ياعيناها

ياسر: يووووه يايمه ع عيوووون تسحر

عاتقه: هيا تم قرايتك ياعيون دخلنا الجامعه نقرا مش نشتدف أوبه لقرايتك ادخل بدل أمد ماقرب الغداء

ياسر: شابع شابع لاعاد أشتي أكل ولاشرب قد شوفتها اشبعت جوعي لاتقيمونيش شدخل ارقد

عاتقه : يعلم الله ماقد معاه هذا الله يهديه ماقدهوش وقت لايحب ولايتزوج يله نكافح مصاريف قرايته

ياسر: دخل ع طول يفتح دولابه يخرج الورقه الي شطها من دفتر ملاك و تمدد فوق السرير بيتفرجها يضحك وجالسه يتذكر شكلها

خفع راسه :اووووووه ع نسوه وقام بسرعه يفتح جيب الجاكت وخرج تلفونه وكتب حاجه وابتسم ....😉😉
تقلوا ماكتب ....

🌹
24 🌹
🌹



ملاك : كملت تذاكر ونزلت تسمر مع أبوها

محمد: أهلا بحبيبه بابا جي جنبي هيا كيف المذاكره هذه السنه تاسع نشتي أوائل مثل كل سنه

ملاك : المذاكره تجنن ساعي وأن شاء الله أوائل جمهوريه إطمنوا

سامي: ماهو هذا الحب كله لملاك قدلنا ساعه انا وسمير عندكم ماقلتوش نجي جنبكم

سمير : هههه ياخي هذه حبيبه أبوها احنا لنا الله

نجلاء: أنتوا حبايب قلبي

محمد: هيا ياحبايب قلبي إشتحطوا هم رجال قذا عتسافروا تدرسوا جامعه عند خالكم في أمريكا وعادنتوا تشتوا تجلسوا جنبي

نجلاء: ذكرتوني صدق قال خالكم ترسلوا له الشهايد وبقيه الأوراق

كملوا يسمروا وطلعت ملاك غرفتها ترقد قدهو وقت نومها

عاتقه : هيا ذلحين عتقلي مالك اليوم مشدوف هكذا يعلم الله منهي الي شلت حسك

ياسر: آآآح يايمه لاكن أين احنا وأين هم بيتنا ساع غرفه الحارس حقهم

عاتقه : مد لحافك يابني ع قدر رجلك لاتبسرش مطلع عتكتسر رقبتك الله يقنع قلبك أوبه لقرايتك وعيدي لك الله واحده من قيسنا

ياسر: وطي رآسه ودخل غرفته جالس مطنن في كلام أمه ماقدرش يرقد بيتقلب
رجع قام مسك تلفونه بيتفرجه ويضحك



🌹meme-abdalgaleel

🌹
25 🌹
🌹




ياسر : امممممم يارب وهو هو أجرب مع مع ماينفعش خلاص أرقد وبس والله ان كلام أمي صح

رجع يتقلب يمين شمال ولاقدر يرقد شل الوساده يغطى وشه ربط عيونه
يوووف من هذا الجنان مايرقدني خلاص شاجرب وع الله لاكن ما أكتب وجالس طارح يده ع صابره بيفكر
أيوووووووووه 😁 لقيتها

ملاك : في غرفتها راقده سمعت صوت رساله في تلفونها وبتجابر نفسها من عيرسلي محد داري بالرقم إلا بيتنا وسميه أكيد قدهي هذه المجنونه بترسل من تلفون عمو والله ماقوم

ياسر: ماسك التلفون بيده وعيونه مبهرره يارب يارب


خطيت ربع ساعه وهو جالس مطنن رجع ضبح وطرحه جنب راسه شكلي غلطت حميت السمره لاهذه الساعه ورقد


...... مسكين ياسر تقلوا مافعل بتلفونه لما كان مراعي 😜

🌹
26 🌹
🌹




وقت صلاه الفجر ....

عاتقه : ياسر هيا أبني عتقوم تصلي أذن فجر

ياسر: يمه ملاني نوم عادنا رقدت خلوني أرقد شاصلي قبل ماخطى الجامعه

رجع ذكر التلفون قام يبسره مالقي شي ضبح وطار النوم رجع قام يصلي وصيح لأمه أوذا شخرج اشرب قلص بن عند عم صالح أديلكم معي

عاتقه : اسلم ياروحي وانا ادخل افعلك صبوح دافي قبل ماتسير الجامعه

ياسر: خرج وهو ضابح ووشه أسود ولاحتى فكر يمشط شعره الحالي *___^


عاتقه : يووووه ربي يقنع قلبك يابني يعلم الله منهي هذه الي قلبته هكذا الله يسخرلك القلوب القاسيه ويجعلها من نصيبك لافيها خير لك وان فيها شر الله يبعدها عن طريقك

عم صالح : مسرع بكرت اليوم

ياسر: بيتحاكى بضبح أشتي بن مركز ياعم صالح أصحصح عادنا بغير نوم

عم صالح: إبسره وهو بيضحك وقرب لاجنبه ومسكه من كتفه كلنا كنا هكذا يابني أمانه ان عمك صالح كان قيس الملوح لاكن وقت الصدق ماعتتزوج الا بواحده تختارها لك أمك وعتتعود

ياسر: تنهد بعد كلام عم صالح
خلاص ياعم صالح شبعت لاعاد تدوش بن شاسير البس واخطى الجامعه



🌹meme-abdalgaleel