@qesasanani

بارت 4

في بيت العم خالد :


سميه : جالسه مع صاحباتها تلفونها📱 رن جاوبت ..


يوسف : هيا انزلي للدرج شلي الجعاله اشتريت لش انتي ورهف ..


سميه : ضحكت بتحانكه هههه 😜 يامسكين حبيبه القلب ماجتش قالوا عمتي معاها امتحان سارت تذاكر مع بنت جيرانهم ...


يوسف : بضبح 😤 أوووف ماهو هذا وبعدا أنا قلت لش تنبي عليها ماعدبش سيره بيت جيرانهم هذا معاهم عيال وأنا مابيعجبنيش ..


سميه : هيييا ناهي ياخفيف العقل سعمن القول قوولك عمي راضيين مادخلك ذلحين طلعلي الجعاله للدرج شررق البيت ملان ...


يوسف : بغرق 😤 ماعدبش عصيد وغلق التلفون 📱 ...


@qesasanani
........ ....... ........


في بيت 🏬 أحمد :

رهف : بتتسمع أغاني 🎧 بالسماعات ومنسجمه ...


سلا : خرجت للمطبخ تدي لهن ماء ...


مهند : فتح باب الغرفه🚪 مشو داري ان رهف داخل وبيتحاكى ... سلا عتخرجي معي أشتي أشتري لي 👕👖 لده جداد للجامعه لان هذا الإسبوع ... إبسر سلا قدامه سكت 😳 ماكملش ...

رهف : مقفيه عايشه الجو منسجمه مع الأغنيه وبتترقص ماسمعتش ..


سلا : ع جيتها من المطبخ إبسرته واقف حملت 🏃🏽‍♀ هزرته من الشميز من وراه مابتفعل هانا ...

مهند : ضحك هههه😁 خرج للصاله وبيبرر لها والله مانا داري إنها هانا بس تشتي الصدق والله إنها إحلوت قووي ع ماهي من أول صح بينبسرها محجبه بس هكذا الصدق قمممر ..


سلا : خفعته وضبحت 😤 أخطى من هانا ورجاء ماتدخل غرفتي الإ بإذن فلتته ودخلت للغرفه ..


رهف : بتترقوص قدام المرايه والسماعه 🎧 في اذنها ولا مركزه في شي ..


سلا : وقفت من وراها وسحبت السماعه 🎧 .. أنتي غر اترقوصي لش ياقمر بس قد للأخ مهند سااعه بيتفرجش ..

رهف : لفتت لها بسرعه ويدها في وشها 😱 قلي والله أيحين دخل ماهو كييفه ..


سلا : تمددت فوق السرير وبتضحك ههههه 😂 أهم شي قليلي كيف رقصتي رقص سواء ولا من حقش المجنانه ههه ..


رهف : بتهزورها بضبح 😤
مش وقت الخباله ذلحين ماهو صدق ..


سلا : بتحكيلها وتضحك عليها ههه ...


مهند : بيخطى ويتذكر مجنانتها ويضحك 😂 ..

محمد : ع جيته من خارج وفي يده كيس الجعاله إبسره بيسأله ماله ..

مهند : حكى له وبيضحك 😂..


محمد: عقد حواجبه بضبح وخطي 😠..


🌹meme_abdalgaleel

@qesasanani

بارت 5
@qesasanai

ثاني يووم في الجامعه 🏫 ...


رياان : واقف مع أصحابه بيتجابروا 👬..


محمد : بيفتح باب سيارته 🚘 يروح ابسره بيأشر له 🙋🏻‍♂ ويصيح له .. هييا عترروح معي ولا عاد معك محاضرات ..


رياان : صاح له 🙋🏼‍♂ايووه الان معاك .. ..


....... ....... ......

في بيت 🏡حسين :


هيفاء : جالسه جنب حسين تاعب ... ذلحين ماعيوقع بك لو قمنا نبسر الدكتور ابسر كيف انت تاعب مارقدت طول الليل ...


حسين : ارتكز يجلس ... ما أسير أفعل قدهو نفس الكلام حق كل مره أنت مريض قلب ولازم تبطل الدخان 🚬 وتهتم بصحتك أكثر وتشرب علاجك بإنتظام ماعد عيقلش شي جديد ...

هيفاء : هزت رأسها... أيييوه ما الحفظ حافظ لكن انك تنفذ وتبطل الدخان 🚬 ماشي ..


حسين : ضحك هههه 😃 هييا قومي ادي لي حبه 🚬 أفعل نخس واسكبي لي عليها قلص شاهي ☕ ...


هيفاء : ضبحت منه 😤 انت هكذا بس مكني محانكه لما ترجع تموت وخرجت من الغرفه وهي بتحطم ...


رنا : فالمطبخ بتفعل الغداء 🥘 ... هييا ماقد لكم من الصبح ...


هيفاء : بعصبيه 😠 هذذا عمش قد جنني في روحي تاعب طول الليل وماسارش العمل وعادهو بيحانك يشتي يشرب شقاره ولا رضي يخطي عند الدكتور ..


رنا : سكبت لها قلص عصير🍸 ومكنتها .. اشربوه ذلحين واهداؤا وانا شاحاكي ماجد يقنعهم يخطيهم العصر لعند الدكتور ..

@qesasanai

هيفاء : مسكت القلص 🍸سعمنهو عيسمعه انتي داريه محد عيقدر فيه الإ رهف شاخليها تحاكيه لما تجي من المدرسه ..

رنا : قفت وشها سعمنها بتكمل عملها ماعجبهاش الكلام وعوجت فمها 😏...

...... ....... ......

في بيت 🏬 أحمد ...


أحمد : وصل من الشركه حقهم بيداعي من الدرج ... ييييه يابنات .

غاده : سمعته حملت🏃🏽‍♀ تنزل لعنده تجاوبه .. هااه بتداعي ..

أحمد : وين مهند قد شبعت اتصالات له مابيجاوبش ..

غاده : عادهو راقد😴 خرج امس يسمر عند العرس ماروح الإ فجر ..


أحمد : هيا إطلعي قيميه بسرعه قليله يقطب مراعي له فوق السياره ..

غاده : بإستغرراب 😳 أين عتسيروا هذه الساع قدهو وقت غداء ..


أحمد : مششو علييش عنتغداء خارج وقليله يلبس سواء والجنبيه مش من حقه المحزق والملزق ويمشط ساع الناس ...


غاده : طلعت تقيمه وهي مستغربه اين عيسيروا ...



🌹meme_abdalgaleel


@qesasanai

بارت 6
@qesasanai

فوق السياره 🚘..

ريان : بيتفرج السيديهات لقي أغنيه عجبته 💿 فتحها ورفع الصووت وبيغنى معاها ..

محمد : إبسره و ضحك عليه 😂 ماهي الزقعه هذه شكل الأغنيه من الحب وغمز له 😉..

ريان : إرتبش وحمر 😅 هاااه هههه أين حب ماابش معي ..

محمد : ضحك هههه 😂 نااهي لك سعم ما انت مابش معك قلب ❤ أو كييف قدهي فطره من الله ..

ريان : لفت له وابتسم 😄 لييش وأنت بتحب ...

محمد : يده ع السكان حق السياره لفه يمين ووقف السياره 🚘..

ريان : إستغرب 😳 مااالك وقفت ..


محمد : بملامح جديه إشتي أحاكييك في مووظوع بس أول قلي إيش رائيك فيني بشكل عام ومن كل النواحي ..


ريان : 🤨 رفع حاجبه بتركيزز ماالك ماهو مارائي فييك ماتشتي ..

محمد : نااهي جاااوب أول وعتعرف كلشي ..

ريان : رجااال بمعنى الكلمه أدب وأخلاق وإبن ناس وقلبك طيبك ومحترم وانت داري إنك أخي الي ماولدته أمي وصاحبي وبتفهمني أكثر من ماجد الي
هو أخي صددق ..


محمد : إبتسم 😄 يعني لو أفكر أخطب عيوافقوا أهلها ...


ريان : ضحك هههه 🤣 ووقفتني تسالني هذا السؤال أكييد عيوافقوا ع طوول اتحداء أحد يقلك ماشي شفعل خيمه ⛺ باب بيتهم وأعتصم لما يزوجوك ببنتهم .


محمد : حك شعره .. يعني أتقدم لها ع ضمانتك ..

ريان : دق صدره بيده 👋🏻 إبشر بس منهي سعيده الحظ هذه الي دعت لها أمها في يوم أبيض بك ..


محمد : بخزا ☺ أختتك رهف ..

رياان : بهرر عيونه تفاجاء 😳 ممممن ...

@qesasanai
....... ....... .........


في بيت 🏬 حسين :

فالغرفه ...


ماجد : بيبدل عادهو روح من الدوام ...

رنا : بمسكنه 😔كمل البس وادخل أبسر عمي تاعبين قلهم تشلهم المستشفي قد بينقل لعمتي شاخليك تقنعهم قالوا مع ولا مايشتوا الا رهف ليش مدري مشنا داريه منهو الرجال في هذا البيت بيفعلوا لها قيمه قووي ...


ماجد : بضبح 😤 هاااه مابلا رهف هييا عنبسر من عيخطيهم ومن عيجلس فالبيت اقسم بالله ماتدي خطوه معانا باب مستشفى ...


رنا : سنبت جنبه وبتوضع له الفنيله 👕 حق البجامه يووه مع مالك مش هكذا هو بس سعم قصدهم لأن عمي بيحبوها قووى وبيسمعوها أكثر منكم لاهم عيرضوا يسيروا هي اختك لاتسخاش ..

ماجد : بعد يدها ..ناهي ناهي أنتي مسكينه مدراش اخطي قربي الغداء ولا قد جت دلوعه ابوها خليها تعاونش وتقرب معش ...


🌹meme_abdalgaleel


https://t.me/qesasanani/1240


@qesasanai

بارت 7


فوق السياره 🚘....

محمد : بيتفرج ريان قلق 😰 من رده فعله ...

ريان : سكت شوويه ولفت له ... بتحب رهف ؟؟؟؟.

محمد : تنهد ....ورد عليه... وشااريها وإشتيها بالحلال ولو عيوافق عمي حسين أتقدم لها ذلحين قبل ما أكمل دراستي مستعد ...


ريان : ابتسم وغيوز عيونه 😁 ورهف دارريه ...

محمد : ضحك وقفى وشه 😄 والله مابيني وبينها الإ كل خير والي ما شرضاه ع أختى ماشرضاه عليها وأني صاينها وشاريها لما تكون مرتي وحلالي ...


ريان : مد يده 🤝🏻 هات يدك واحلف لي انك ماعتفرط فيها وتحافظ عليها مثل ما أنا شاحلف لك إن سلا في عيووني وربي يجمعنا ع خير ويكون عرسنا الأربعه في ليله واحده ...


محمد :قرح ضحكه 😂 هههههه هههههه يعني جيت أحكي لك بينحب أختك وإشتيها وإنك طلعت أنت وسلا سديين كل واحد بيخطي الثاني ومخبي وأنا قدنا بينهم ماعتقلي لما تدرى لكن الحمدلله انك مجرب وفاهم لكن ماراحت لك كنت عتجلس مخبي عليا أومه ...


ريان : ضحك 😂 وخفعه بيده ... ناهي خلاص لك ذلحين مد يدك ونتعاهد ....



........ ....... ......


في بيت صاحب أحمد 🏬...


أحمد : جالس وسط الديوان هو ومهند ..

مهند : ذلحين ماهوو مافهمتش ليش إديتوني معاكم ..


أحمد : شرجع أفهمك لما نروح أهم شي خليك ذكي وحاول تتقرب من الرجال وحاول تخليه يعجب بك قوي وبين له إنك مابتفلتنيش وجنبي ع طول حتى مع دراستك بتوفق بينها وبين الشركه معي وماقلت عنك انت جاريني واكد كلامي ..


مهند : هز رآسه 😄 وإبتسم .. تمام بعدكم ولو عادنتوا تشتوا أخترع قصص بعدكم ههههه ..


أحمد : مع لاتألف ولا أهم شي خلي الرجال يعجب بك وبأخلاقك ولاتنسى وقت العصر ماتقوم تسير تصلي فالجامع ...


مهند : ضحك هههه 😂 عصر مه ماقد صليت فجر ولا ظهر كنت راقد ..


صاحب أحمد : دخل بيداعيهم ... هييا بسم الله غداء 🍛🍜🍲..


أحمد : غمز لمهند 😉 وقاموا ...


🌹meme_abdalgaleel


https://t.me/joinchat/AAAAAERja9LRzSkmuZYIRw

بارت 8


الساعه9⏱ الليل ....


في بيت أحمد 🏬....

كلهم سامرين ..

محمد : كل شويه يلتفت لعند سلا ويبتسم 🙂...

سلا : ضبحت منه 😤 جننها ... لفتت لعنده هيييا ماالك اليوم كل شوويه بتبسرني سعم اننا نكته ..


مهند : خفع راسه بيده بيتليقن ع محمد ويضحك هههه 😅 صرررعتك ...


محمد : بيتخمر عليه اي اي اي مششو عليك ياسماجه انا وأختي عنسد انت قوم حمم شعرك قدهو قاعف عترجع تصلع من كثر مابتفعله من قلافد ...


غاده : ضحكت هههه 😂 الله يهديكم أيحين عتعقلوا ولفتت لمهند ذلحين قلي اول أين سيرت أنت وأبوك اليوم ..


مهند : وأنا مدراني وابتسم 😅اليوم تعرفت ع نفسي طلعت واحد جديد حالي وسابر قووي ههههه ...


سلا : خفعته بالوساده ... فووق من احلام اليقضه ياساابر قووي والله انه غبني ع من عتودف بك ..


محمد : لفت لها وإبتسم أومه غبني عليها صح ويابخت من عتكون من نصيبي أنا وريان أومه وغمز لها 😉 ...


سلا : دخنت 😤 وحست جسمها كله بيبوخ ... ماقصده او قد عتعرف إرتبشت ... هااه مدري يوووه نسيت الواجب ما أحله أقوم أتصل لرهف تمكني دفترها من فوق الجدر اخرج ادعيها ...


محمد : خرج بعدها للحوش لعند الجدار الي بينهم وبين بيت أحمد أكثر منطقه بيلتقوا عندها لما احد يشتي يمكن الثاني أي شي ..



........ ........ .......


في بيت عم رهف خالد ...


يووسف : دخل لعند سميه في غرفتها.

سميه : فاتحه شنطتها بترتب الجدول 📚...


يوسف : في يده كرت تلفون 💳 سميتي أختي حبيتي أشحن لش كررت تلفوون ..

سميه : فررحت 😄 أكيد وسحبته من يده ..

يوسف : بشرط تتصلي لرهف تجابريها شوويه وتفتحي السبيكر أسمعها وتسلمي عليها مني ...

سميه : خلاص أووووكي سدينا أدي تلفوني من الشاحن ..


....... ....... ........


في بيت 🏡حسين ...


رهف : جالسه جنب أبوها بتشربه العلاج 💊...

ماجد : ابسرها بطرف عيونه ذلحين ماهو ماتشتي كودش بتدخلي نفسش لأبي سعم ماهو تشتي يقلوا محد سابر وبيفعل كلشي فالبيت هذا الإ أنتي او كيف ..


رهف : إبسرته بإستغراب 😳 يووه مالك يا أخي مابه مافعلت ..


ماجد : ولافعلتي شي قوومي يله من الفراغه حقش عاوني مرتي افعلي العشاء معاها سعم لاقدش بتقري ماتفعلي شي اوذا هي بتذاكر لفارس وتبزيه هو وفراس وتفعل عمل ...


ريان : إقتهر ع أخته من أسلوب ماجد 😞... مالك يا اخي الله الغني ع العشاء الي عتفعله مرتك لاقد عتنغط أختي لاتصدقيش أنتي غر افتهني في سعادتي وسعاده أمي وابي ...


حسين : إبسره وهز رأسه وقلب صووره فووقه 😠 يييه لاقد عتمكن أختك من هذا الهدار شليت مرتك وجلست أنت وياها فالدور الثاني وحدكم وعنفعل أكلنا لنفسنا ماقد أحد عيجي يحاسب بنتي ويعاقبها وعادنا ع وجه الأرض ..


ماجد : بداء صووته يعلى وضبح 😤 زيددتوا لها الدلع مابعدا قد عتخرجوني وحدي علشان خاطر عيونها ..

ريان : بيرد عليه وبدات اصواتهم ترتفع ..


هيفاء : سمعت أصواتهم ودخلت .. عتهجونا بتبسروا أبوكم مرريض وانتي ياررهف قوومي جاوبي سلا بتدعيش من فوق الجدر ...



رهف : زعلت من كلام أخوها ومعاملته لها خرجت تجاوبها وعيونها بتتشارغ بالدموع 😢..


🌹meme_abdalgaleel

https://t.me/qesasanani/1240


@qesasanani

بارت 9



في بيت صاحب أحمد ...

صااحب أحمد : بيحاكي مررته والله أننا تفاجاءت ماشاء الله ع ولد معه وأدب وأخلاق ورغم إنه صغير بس شكله مفحوس قووي ورجال ..


مرته : ماشاء الله وبعدا شكله مصلي ويعرف الله قووي وأنا قد فعلت ساع ماقلت لي والكل قلت لسمر ع دخلتهم سعم تدي لي حاجات من الطاقه وأبسرته ...


صاحب أحمد : وماقالت لش ماتحاكتش كيفهو ولا سالتيها .

مرته : مع ماتحاكيناش أنت قلت لا أبين لها شي لما تبسر الولد لاهو عيعجبك ..

صاحب أحمد : والله لو تشتي الصدق إنه عجبني قوي وبعدا نفسي أناسب أحمد قووي بيينا عمل وشغل خيرات وعينفعني والكل وبيني وبينش قد حسيت انهو والكل يشتي يناسبني بس قلت لا أبين له بشي نخلي الكلمه تجي منه هو مشي حاليه في حقنا ...


مرته : أيووه خير مافعلت بس مدري للمه ما أدى معه الإ ذيه والكبير مع ولا قدهو خاطب..

صاحب أحمد : علمي علمش بس كانه من كلامه حسيت أن هذا مقرب من أبوه قووي الله يسهل مافيه الخير ...


......... ........ ..........

في بيت 🏡 حسين :

رهف :مسنبه فوق السلام عرض الجدر بتحاكي سلا وتحكي لها ماحصل مع ماجد ..


سلا : فالجهه الثانيه فوق السلام في بيتهم .. ولا تقتهري ولا تزعلي نفسش أكيد هذه رنا قد علمته الله يشلها ...


رهف : الي بيقهرني أكثر أن كلهم بيتهيألهم إنها طيبه بتمثل الدور قووي ..

سلا : اسهل ابردي هااانت قدوذا محمد سنه ٢ باقي سنتين وتتزوجوا وتفتهني منها ... وذكرت 🤔 أيووه ذكرتيني ماقد قلتيش لمحمد حاجه عليا أنا وريان اليوم كل شوويه بيلمح لي كأنه داري ..


رهف : إستغربت 😨 ماااشي والله ماقد حاكييته وأنا بينقل ماله اليوم محمد رسلي وقلي مارائيش لو تخطبي سلا لأخوش وقدحنا نتزوج جمعه ...


سلا : نزلت بطونها افتتتجعت 😱 يوووه هذاا ماقصده يووه يا أمه لو قد دري ماعيفعل بي عيصيح فووقي صح ..


رهف : ضحكت😂 هههه ياخبلاء حرام عليش محمد مايفجعش وبعدا لاقلش شي قليله أحمد الله بينقنع ريان علشان يوافقوا عليك ههههه ..

سلا :خفعتها ..👋🏻 ثقيله دم .. ماحست الا السلام تحتها اهتز صااحت يممه وانه محمد تحتها فجعها ..

محمد : ضحك هههه 🤣 بتحشين عليا هاااه ياهوانم هاه لاراحت لكن وانتي يله نزله جي ابسر مابينش وبين ريان قد اليوم تجابرنا أنا وياه وكل واحد حكى للثاني ...

رهف : ماعد دريت كيف تهرب لما سمعت صوته كانت بشعرها نزلت من السلام وصاحت له مااهو يعني رياان دارري..


محمد : ضحك هههه 😂 أيووه يله سيري شلي قسمش منه وأنا أستلم القمر الي عندي نبسر عمايلكن..


سلا : نزلت من الدرج وهي مفتجعه منه 😥 ..

محمد : مسكها وجلسها جنبه وجلس يتجابر معاها وأنه عيساعدها يخلي أبوه يوافق ع ريان بس أهم شي تحكيله كلشي وتنتبه لدراستها هذه السنه ثانويه ...

نفس الكلام هذا سمعته رهف من أخوها ريااان وادولهن الثقه ...


💭 مافيش أحلى من لما يكون معك أخ أو أخت قريبه منك تحكوا لبعض أسراركم وحياتكم الخاصه وتكونوا كتاب مفتووح 📖 لبعض وتاخذوا بنصايح بعض وتوثقوا ببعض ...



🌹meme_abdalgaleel




https://t.me/joinchat/AAAAAERja9LRzSkmuZYIRw

@qesasanani

بارت 10


بعد شهررين ....

في بيت🏬 أحمد :

فالمطبخ ....


ناديه : بتحاكي بنتها هناء ... هيا مه كل شي جاااهز ..


هناء : أيووه قد فعلت فطاير 🍕🌮 وبيتزا والجاتوه 🍰 والحلويات الي اشترى مهند .. لو عادنتوا تشتوا شي قلوا لي عاد به وقت بس مشنا داريه مالكم مهتمين بهم قووي وخليتونا نجي من بيوت أزواجنا ..


ناديه : عترجعي تعرفي خليني اخطى ألبس وأبسر واحده من خواتش تتفقد البيت بعد الشغاله وتبخر ..


سلا : بتتصل 📱 لرهف ..

رهف : جاوبتها بتتليقن 😜.. يووه مسرع فقدتيني عادوذا روحنا ماقد بدلتش ولو بتتفقدي ريانش ماقد روحش هههه ...


سلا : ضحكت هههه 😂 ناهي يالقانه مابلا وصلت وشكل به في بيتنا جلسه مدري من عزموا بس مادام خالتي ناديه مهتمين بالترتيب يعني ناس مهمه قلت أقلش تجي نحش براحتنا هههه ....


رهف : ضحكت هههه 😂 حق حش اكيد مدام من طرف خالتش من حقها الصاحبات الي بيشمين الدنيا جيفه خلي لي حالي أمانه اقرى لي كلمتين ماعاد الا شهرين للإمتحانات ...


سلا : بتراشيها ... أمااانه هييا بطلي لكن مراعيه وجي نلبس الفساتين 👗 الوردي القصار الي اشترينا ...

رهف : ناهي يالغجه أسير احاكي ماما أتراشاهم ..

سلا : يله تمام .. وأنا شاسير اخلي ماما يتصلوا لهم يجوا والكل بس أهم شي لاتديش الكريهه حقكم نشتي نحش براحتنا ههههه ...


@qesasanani
....... ....... .........


في بيت صاحب أحمد 🏬توفيق...


سميره : أبسرت سمر ... يووه ماقد تجهزتيش راكنه ان قدش بتبدلي ...

سمر : ممدده فوق السرير في يدها التلفون 📱... يووه مسرع ماراس مالي أنا شاقوم ألبس فستان خفيف ومشطت بسرعه أنتوا قلتوا هو بس مابلا إحنا ...


سميره : بعدت التلفون من يدها 📱 وبتسحبها .. يله يله شررق قومي قايسي فساتينش أبسر الحالي فوقش وإشتيش تقعي قمر ...

سمر : بإستغراب 🙄 ليش سعم وأنتوا ..

سميره : هاااه .. مابلا قالوا معاهم بنت قمر ومشتيش تقع أحلى منش وفتحت الدولاب بتخرج لها فساتين وتختار ...


....... ....... ......


في بيت خالد .....

فوق الغداء 🍝🍜...

خالد: هييا ماله ولدي بيلعب بالملعقه 🥄 لعب ماقد ابسرته أكل ...


مرته : ابسرت يوسف وإبتسمت 🙂مابلا أنت داري هو من أمس قلي أحاكيك في موظوع ماقد صديش ..


خالد : مستغرب 😳 مووظوع أييش .. ماابه ..

سميه : غطت فمها وضحكت 🤭 مابلا يشتي يقلكم تخطبوا له رهف بنت عمي وخازي ...


خالد : ضحك ههههه 😂 وإبسره إنا منك صدق تشتي تتزوج ...


يوسف : أحرج 😅 وحط الملعقه هاااه ... مابلا قلت رهف قد عتكمل الثانويه بعد شهرين واكيد عمي لو احد يتقدم لها عيوافقوا قلت لو تحاكوهم بس..


خالد : وكيف تشتي تتزوج وماقد كملت قرايتك ....


يوسف : هاااه مع مع .. بس اقل شي حاكوهم خطوبه 💍 بس وانا أكمل الجامعه وهي لو تشتي تدرس عادي ..


خالد : هز راسه ... إن شاء الله خير أنا قدلي فتره بينقل أسير أبسره وأخزن عنده شامر هذه اليومين واحاكيه ونبسر كيف ...



🌹meme_abdalgaleel


@qesasanani

https://t.me/joinchat/AAAAAERja9LRzSkmuZYIRw

بارت 11
@qesasanani

في الجامعه 🏫...

ريان : مراعي لمحمد بيصور ملازم 📑 قبل مايروحوا ...

ياسمين : مندوبه دفعه محمد في يدها ملازم📑 بتخطي للتصوير تحطهن عنده يصورهن للدفعه ..

وليد : طالب👦🏻 معاهم فالدفعه بس صاايع وحق بنات إبسرها بتخطى خطي لعندها بيستظرف نفسه سحب الملازم 📑من يدها ...


ياسمين : بضبح 😤 إيش الخباله هذه ومدت يدها هاات الورق لو سمحت ..


وليد : بيتفرجهن ويقلبهن يعاندها .. ماشديهن الا بشرط تدي لي أول رقمش ..

ياسمين : عصبت منه 😡 لووسمحت يا اخ وليد اديهن وبطل قله ذووق ..


وليد : إبتسم 😄 يووه محلاش لما تعصبي تعجبني البنت الشرسه ..

ياسمين : 😡 أنت شكلك مابش عندك خووات وإسلوبك مبين إنك بدون أخلاق هاااتهم بالذوق قبل ما اشتكي عليك ..

محمد : كمل يصور الورق وبيخطى هو وريان 👬 ابسرهم بيتصايحوا وهو داري باسلوب وليد .. مكن ريان الورق 📑 هاه هاه إمسك إبسر هذا ماله ع البنت ..

ريان : راعي بقعته أمد مايجي ..

محمد : قرب لجنبهم .. مالكم بتتصاايحوا اييش في ..

ياسمين : باين الضبح في وجها وملامحها مقلوبه 😡 هذا انسان قليل أدب مشنا عارفه كيف مخلين له يدرس عندنا خليه يرجع الملازم سحبهن من يدي ...

محمد : لفت له ومد يدده ✋🏻 أدي ورق البنت ..


وليد : إبسره من فوق لتحت بإستحقار 😏 بيت من بتدور يابابا هيا سير إلعب بعيد ياشااااطر مششو علييك ...


محمد : ضبح 😤 وهزرهن من يدده إبسر قليل الأدب هم مايردوا عليه لأنه مستواه واطي ..

ولييد : 😡 تششنج من الوواطي يا واااطي وهزره من الشميز 👔...

محمد : مسك يده وبعدها ... أنا ما شارد عليك إحترام للبنت هذه لانفعلهاش مشكله مش علشانك انت .. وبهرر فووقه 😠 يلله من قدام وجهي ولفت لياسمين بصييتح يله شلي ورقش وريحيلش ..

وليد : رفع صوووته ...😡 اللله اللله وطلع لك صووت وانا كنت راكن انك أعجم ...


ريان : إبسر ان قد اصواتهم بترتفع حمل بسرعه لعندهم 🏃🏼‍♂ مااهو يا محمد ماابه ...

محمد : ولا به شي اخطي لنا بس نروح واحد مش متربى وكان لازم شوويه تربيه ومسك ريان وخطيوا👬 ..


وليد : معصب 😡 وحمل يشتي يلحقهم إبسر قدامه خشبه شلها وخفع محمد من وراه في رااسه ..


محمد : صااح حط يده ع راسه وقد الدم بيسير .. ..


ريان : لفت لوليد بسرعه وبيضربه 👊🏻 .

وليد : بيخفعهم بالعصيه وبيتضاربوا ..


ياسمين : حملت🏃🏽‍♀ تدعي الحراسه .

الحراسه : مسكوا ريان ووليد لما يعرفوا الموظوع وشلوا محمد للمستشفى يسعفووه قد وجهه كله دم ...



🌹meme_abdalgaleel


@qesasanani

بارت 12


بعد العصر ...

في بيت 🏬 أحمد ....


سلا : في غرفتها .. بتتراشى رهف هييا أمانه أفعلي لش روج 💄وردي عيطلع يجنن عليش مع لون الفستان ...

رهف : بتهز رااسها .. نوووو مشتيش قدنا هكذا حاليه وبعدا يله قد ماما خلوني اجي بعد كرهن قالوا مذاكره وعادش تشتيهم يبسروني بالروج 💄 ويصيحوا ..


سلا : ضحكت 🤭 ههه خلاص وانا شمسحه علسب يزوجوني بإبنهم ..


رهف : ضحكت ههه أيووه 😂 .. وسكتت صددق ذكرتيني مدري مالهم اليوم تاخروا ماقد روحوش ..

سلا : هيا ناهي لش ذلحين قد اكيد روحوا زمان بس يمكن دخلوا بيتكم لان عندنا نسوان ..


رهف : مدري بس معتقدش لوشي إن قد محمد إتصلي يطمني إن قد وصل .. وخرجت تلفونها 📱أتصله. أبسر أينهو ..


سلا : سحبتها من يدها👐🏻 .. هييا مش وقتهم أمانه قومي نبسر من جاء مسكتها وطلعين ..



....... ....... .......

في المستشفى 🏥 ....


محمد : كملوا يجارحوا له وربطوا راسه 🤕 ...

الدكتور : يستخدم هذا العلاج ولازمه راحه هذا الأسبوع وبعد 3 أيام يرجع نجارح له ..

ريان : طيب حاضر يادكتور إن شاء الله وسند محمد ينزله يروحوا ...


محمد : ماسك راسه بيده 🤕 مازد فعلتوا ..

ريان : ولاشي طلعونا للإداره وفتحوا تحقيق وعرفوا الي حصل والبنت حكت لهم ماحصل ووقفوه اسبوع وكتبوه تعهد ..


محمد : بضبح 😤خليني أفتهن بس والله ماراحت له اااح ياراسي .

ريان : بيضحك 😂 هههه ناهي ياامعوق أنت ذلحين أفتهن بس والله ان قدنا ناوي له ع نيه بس خلينا اول نروحك وبعدا عيبسر عمله سواء ...


محمد : نااهي .. ذلحين ماعنقلهم فالبيت أنا قدنا مربط 🤕 وانت قد وجهك ويدك خريطه الشرق الأوسط ههه مدلكم ومشخط..


ريان : بهرر 😳 صدددق قل والله وفلت محمد وخرج تلفونه يبسر وجهه بالكاميرا ...

محمد : بيتليقن عليه 😜 هههه خلاص حررمت ماشزوجش اختى بواحد مشووه ..


ريان : بهرر فووقه 🙄 عييد كلامك عييده يله علسب ازيد افعل لك دكمه سواء تفقد الذاكره ...

@qesasanani
......... ......... ........

في بيت🏬 أحمد .....


في الديوان ....


غاده : جالسه جنب هيفاء بيتجابرين ومنسجمات ..


سلا ورهف : بيتجابرين مع سمر ويتعرفين عليها ...


هناء : والله اننا حااسه ان امي وراهم شي هم وتيه البنت ...

بلقيس : هيا ناهي لش قدش ساع أمل ..

هناء : اصلا كم بيجوا عندنا ناس بس هذولاء أمي مهتمين بهم قووي حتى أبي اتصلوا يسألوا لو ناقص شي ..

بلقيس : هزت رآسها .. علمي علمش لاهم يشتوا يخطبوها لمحمد ولا شي بس لوشي أن خالتي غاده جنبها ..


امل : هنييت لكن خالتكن غاده مابش فيها الطلس حق امي خلنها منسجمه مع خالتي هيفاء ..

بلقيس : عصرت وجها 😏 هييا ناهي ماناش داريه مامصنف لها هي وبنتها فيهم ..


أمل : لييش حررام عليكن والله انهم طيبين وجيران اعظم من أهل ..

بلقيس : بزنط مثل أمها .. بس إحنا بيت فلان وأسرتنا عريقه والمفروض مانصاحب الإ نفس طبقتنا الإجتماعيه ...


أمل : كلنا فالهواء سواء ناس وهم ناس محترمين وقبايل يكفيش شهامتهم في اي موقف بيحصل ..


هناء : ناهي لكن ذلحين مش وقت المحانيه فصفصين البنت سواء لما نبسر كيف ومه هههه ...



ناديه : بتحاول تتقرب من سميره قووي وبتعرفها ع الكل ..


سميره : بتتحيلى🙂 لرهف قووى وعيونها مانزلت من عليها ... وهذه بنت طبينتش والكل ..


ناديه : مع هذه بنت جيرااننا هذه امها الي جنب غاده ...



رهف : شاوورت سلا دلا 👂🏻 شنزل غرفتش أتصل لمحمد مدري مالي جالسه قلقه ماله ماقد اتصل ولا حتى رسل رساله ...




🌹meme_abdalgaleel

@qesasanani



https://t.me/joinchat/AAAAAERja9LRzSkmuZYIRw

@qesasanani

بارت 13

في بيت 🏡 حسين ...


ماجد : مخزن وبيتسمع أغاني 🎼....

رنا : جالسه جنبه بتذاكر لفارس 📖 ويتصايحوا ..

ماجد : لفت لها بضبح 😤 ييييه عنخزن ساع الناس سيري ذاكري له خارج ولا مكنتي عمته تذاكر له ...


رنا : بتمط صوووتها ... ليييييش أينهي عمته ... عمته مفتهنه عند سلا سارت هي وعمتي معاهم عزومه ...


ماجد : وضع المدكى ..وأنتي ليش ماتسيري مدام وهي عزومه ..

رنا : بمسكنه 😔 لييش سعمنهن حاكني أو عبرني وبعدا أصلا أنا مايعجبنيش أسير عندهم كود سلا ورهف يجلسين يتشاورين 👂🏻 عليا ويتفرجني ويضحكين ..

ماجد : غررق 😠 وللمه بيضحكين عليش هذه رهف ماعترحلهاش من قله الأدب تشتي من يربيها خليها تروح بس وشاربيها ....

فارس : إبسر أبوه وبكل براءه .. ليش يابا عمتي رهف مؤدبه ومسكينه وتحبنا قووي❤ لاتصيحوش فوقها لو سمحتوا ..

رنا : مسكت وشها بيدها 😱 يوووه مع حسبي الله مشو قصدي شي بس أنا قلت سعم ليش مايعجبنيش أسير عندهم ولا تغثي نفسك ولا افتهن وارتاح وانا شاشل الورد وأنزل أذاكر له نازل ....


........ ........ ............


في بيت 🏬 أحمد .....

ريان : وقف السياره 🚘 كان بيسوق هو ومسك محمد بينزله ..


العيال الصغار عيال البنات بيلعبوا فالحوش إبسروا محمد مربط 🤕 حملوا لعنده خاالو من ظربك وواحد منهم حمل 🏃🏼‍♂ لاداخل بيصيح ياماما خالو محمد صدموه .


رهف : فالدرج ع نزلتها لغرفه سلا تتصل سمعته 😱 افتتتجعت عليه حست انه وقف قلبها 💔 ماعد دريت كيف تحمل لانازل ...


ريان : عند الباب مكنه داير السياره 🔑 يله عتقدر تدخل ولا أدخلك ...


محمد : مع اخطى لك بس ودخل من باب البيت ..


رهف : بتحمل بسرعه 🏃🏽‍♀ تبسر مابه ..ع دخلته إبسرته مربط 🤕 قدامها بتصييح مااالك ماااحصل ...


محمد : ابسرها قدامه بالفستان 👗 ومصلحه إبتسم 😊 كنت مرريض بس أفتهنت ذلحين ..


رهف : إبسرت نفسها وذكرت أنها بالفستان.. ماعد ركزت من الفجيعه كيف حملت غطت وشها بيدها 🤭 وحملت بسرعه لغرفه سلا تتخبى ...

محمد : بيتفرجها ويضحك 😂 ويدعيها .. يييه جي كذا ..


رهف : دخلت الغرفه وقد قلبها بيدق ❤ من الخزا و الخوف عليه ارتزحت عرض الباب ..


غاده وسلا وناديه وبناتها : كلهن حملين يبسرين ماحصل ايش في ..


غاده : ابسرته بتبكي 😭 وتمسكه مااالك مافيك ماوقع بك ..

محمد : بيهداءها .. مابش شي يا أمه خلاص أهدواء قدنا بخير وقعت مضرابه فالجامعه بس والحمد لله قدنا بخير..


سلا : طييب اتصل لمهند وبابا نشلك المستشفى 🏥...

محمد : أبتسم وهذا الي في راسي مااهو 🤕 قد شلني ريان وغمز لها 😉 أنا راسي ماااهو قدهو خريطه اليمن مدلكم ومشخط وضحك هههه ..


ناديه : بنخيط .. الله يهديكم حق جنان ومشاكل أنا شطلع ياغاده عيب المره طالع وفلتت وخطيت ...

رهف : داخل فالغرفه حانبه لاقدرت تخرج ولا أطمن ع محمد تعرف مافيه مسكت تلفونها 📱 بتتصل لسلا ...


سلا : فلتت تلفونها 📱طالع ...


رهف : فتحت باب الغرفه 🚪 دلا بتتشقر تبسر لو تقدر تخرج ...


غاده : مسكت محمد ودخلته غرفته ..


سلا : ذكرت🤔 ان رهف نزلت غرفتها سارت لعندها تقلها ....



🌹meme_abdalgaleel


@qesasanani

@qesasanani

بارت 14


سلا : فتحت باب الغرفه 🚪 بتداعيها رهف دريتي ماحصل لمحمد وريان ...


رهف : بتضحك 😂 خازيه اول جي اقلش أنا ماوقع قد إبسرني هكذا ماعد دريت كيف أحمل لما قال ابن اختش انه صدموه وأنا فالدرج ونسيت ان مشنا مغطايه وحمله حمله لاوشه ..

سلا : ضحكت هههه 😂 زكاه رمضان .. جي أول نتصل لريان قال محمد انهو مضروب والكل..

رهف : بهررت عيونها 😳 يووه واخي صدموه ..

سلا : بتتصل 📱 ماصدموهمش تضاربوا فالجامعه راعي نتصله ونبسر كيفهو ...

ريان : جااوب 📱 هلا هلا هلا بالسلا ..

سلا : مش وقت الهلا والسلا أول قلي كيف أنت ماحصل لكم ..


ريان : مابش شي مضرابه مع واحد صايع كان يشتي يستقوى ع بنت ووقع له قسمه .


سلا : ضبحت 😤 ومطت صوتها هااااه بننننت وأنت مادخلك ...


ريان: ضحك ههههه 😂 بتغيري عليا ...

سلا : 😤 ولا لي دخل ليش أغير بس عيس قدوذا وقع لكم قسمكم اتصلها تجي تعالجك ..


ريان : ممدد فوق السرير وطارح يده وراء رآسه 😂ضحك هههه. ماعليا أنا سعمني أعرفها تجي تعالج أخوش هي صاحبته هو بتقرى معه ما انا أرحم الله هو غر دافعت عنه بس ..


رهف : سمعت كلامه وزعلت 😔 بتحاكي نفسها يعني بيحاكي بنات وهو حلف لي مايعرف أحد وزد ريان داري وساكت طزز فيه والله ما أحاكيه ولا حتى أسال عليه ....



سلا : كملت تكلم ريان وتطمنت عليه وقفلت . لفتت لرهف وابسرتها زاعله 😔 مااالش قدوذا بخير..


رهف : بضبح 😤 طززز ياارب وهو زد ضربه سواء يتعلم كيف يدافع ع صاحبته سواء...

سلا : مسكتها من كتفها . هييا لكن من الدلع قدوذا سمعتي ماقال ريان انهم دافعوا عنها بس من واحد يعني شهامه...


رهف : خلاص إبردي مشتيش أتحاكى منه يله قومي نطلع ولا أقلش خلاص أنا شاقوم ألبس واروح قدنا ضابحه 😤 وقلي لماما قد روحت أبسر ريان ..

سلا : مسكتها .. رهف بطلي خباله راعي أبسر لو ماما قد طلعوا من عنده ندخل نبسره وحاكيه ..

رهف : ماشي .. وقامت لبست البالطوه وروحت ..


....... ....... ........


العشي 🌚....

في بيت🏬 توفيق ....


توفيق : بيجابر مرته .. هييا مه كيف وقعت جلستكن مارأئيش ماحسيتي ...


سميره : والله انه وقع يوم حالي وناس مميزين بس إبنهم مدري هو ومن إتضارب وادوه وقد راسه مفلوع 🤕...

توفيق : 😱 يوووه كيف لوما سعم شكله ولد عااقل..

سميره : هااه مع مع مش مهند قد اطقست هذا ابنه الثاني الكبير ..

توفيق : هز راسه ...اااااها أظاهر أنه حق مشاكل مدام أبوه بيركن ع أخوه .. المهم ماحسيتي البنت ابسرنها اعجبتهن...



سميره : كانين البنات بيتفرجنها حسيت انهن بيتحاكين منها لكن لاجينا للصدق أمانه أن معاهم بنت جيرانهم بنت سااع فلقه القمر 🌝 وصاحبه بنتهم قووي من عيون لاشعر لاقبله أمانه من كثر ماتحيلت لها مقدرت أبعد عيني منها أعتقد ماعيخلوهاش تفلت من يدهم ..


توفيق : طنن شوويه 🤔 ااااها كان قلتي لي بنت جيرانهم وقمريه ...


سميره : أيووه قمر قوووي 🌝 ماتشبع عيونك منها ..

توفيق : ساع منهي يعني ممكن يخطبوها له ..

سميره : ثالث ثانوي هذه السنه ...


توفيق : كان قلتي لي .. يله تمام الله يقدم مافيه الخير ادي تلفوني 📱 اتصل لاحمد اتشكره ع استقبالهن لش ونتجابر شويه..




🌹 meme_abdalgaleel



https://t.me/joinchat/AAAAAERja9LRzSkmuZYIRw


@qesasanani

بارت 15


في بيت🏡 أحمد .....


حسين : ياريان قووم إدعي اختك تجي تتعشى 🍲🥘..


هيفاء : قد دعيتها مارضيتش قالت شابعه اكلت العصر خيرات هي وسلا..


ماجد : بيقسم الروتي 🥖قدوذا قالت لكم شاابعه خلاص هي أخبر بنفسها وبعدا الصدق أنا مابتعجبنيش مسايرتها لسلا وكودهن جمعه أنا شمنعها منها ...


ريان : كان في يده قلص الشاهي ☕ حطه ولفت له ببهراره 🤥 لييش يااسعم ومالها سلا ما قد أبسرت فيها عييب عليك ..


ماجد : بصياح 😠 وانت مادخلك منها أو قدك المحامي حقها أنا حر مشتيش وبس ..

حسين : رفع صوته 😡 وصيييح بببببببس عتهجعوني وأنت أسمعني ياماجد كلمه قصيره نفاعه من اليوم ومطلع مالك دخل با أختك ولا عليك منها في صغيره ولاكبيره وقلتلك واعقل وهجعني شغلتك استقل انت ومرتك فالدور الثاني وحدكم ولا عد اشتي أسمع لك حس .

ماجد : رجم اللقمه من يده وحنق وقام خرج وهو بيصيح ويحطم 😡 هذا قدهو زياده دلع وشخاطه ماعاد عتخلوها تحترمني ..

....... ...... .....

في بيت 🏬حسين ....

محمد : كمل يتعشى 🍱 في غرفته بيجابر نفسه 🤔مستغرب مالها رهف ولا عبرته ولا حتى برساله يمكن خازيه منه بعد ما إبسرها خرج تلفونه 📱ابسرها متصله رسلها ...( هييا أين القمر حقي 🌝 غايبه ولا حتى تقلي سلامتك )..

رهف : كانت ممده فوق السرير بتسمع أغاني وفاتحه تلفونها 📱 قريتها طنشته ...


محمد : رسلها :(😳 رهووفي مالش سااكته وقد قريتيها )..

رهف : ردت عليه ( 😤 لاتحاكينيش ...

محمد : 😨 ليييش ... حررام أنا واوح 🤕 عتسخي ..


رهف : أيوووه شسخى وعيس تستاهل يا 💪🏻 رامبووو ...


محمد : 😂😂😂 يعني ذلحين حبيبتي زاعله لأني تضاربت مع الرجال تشتي تشحطني اكن أبطل مضرابه خلاص ذلحين اطمني عليا اليوم بس وشابطل هههه ...


رهف : مع مع مشتيش أشحطك وأنت حر ومشتيش أحاكيك خلي صاحبتك الي كسرت راسك 🤕علشانها تتطمن عليك ... باي


محمد : يييه رهف بغير خباله 😡 جي كذا ..

ييييه

الووووو ...


رهف : قفلت تلفونها📱 وغطت وشها ترقد 😴...

محمد : بيتصلها 📱 مغلق ... وصلته رساله من رقم غريب ..

( كيف قدك ذلحين ممكن تتطمني عليك)..


🌹meme_abdalgaleel


https://t.me/qesasanani/1240


@qesasanani

@qesasanani

بارت 16



محمد : 🤔 استغرب .. من داري اننا تاعب وهذا رقم معرفش ... رد (عفوا من معي )...



ياسمين : (أنا ياسمين آسفه أني رسلت بس قلقه عليك وحبيت أعتذر لأنه كل الي حصل بسببي 😔)...

محمد : ضحك 😂 وبيحاكي نفسه هههه. يووه لو تدرى رهف لا تذبحني ماذلحين صدق .. رد عليها ( ماابش شي يا اختي عادي كلنا معانا خوات وماكنت شرضى إن أحد يزعجها بس منين شليتي رقمي ...

ياسمين : 😊 هيا مه نسيت إني مندوبه الدفعه .. المهم قلي مافعلوا لك كيف الضربه ...


محمد : مايشتيش يفتح معاها مجبر ... الحمدلله مابش شي حصل خير ...

ياسمين : ألف شكر تسلم والحمدلله ع سلامتك ولاتهمش الحضور والغياب خذ وقتك وارتاح وشاكن أسجلك حاضر ...


محمد : تمام شكرا تسلمي يا أختي .. ذلحين أستأذنش أقفل أرقد 😴 راسي بيوجعني ..


ياسمين : تمام .. انتبه لنفسك وألف شكر مره ثانيه ..


محمد : سلام ..

ياسمين : باي 🌹...

......... ......... .........

بعد يومين ....

في بيت🏡 أحمد ..

أحمد : بيداعي ... ياغاده ادعي مهند وجو لعندي ..


غاده : دعته ودخلوا لعنده 👫..

أحمد : أشر بيده 👋🏻 للبقعه الي جنبه ... جي إجلس جنبي هنيه ياولدي ..

مهند : جلس جنب أبوه وإرتزح ... هاه مااالكم ...

غاده : خير ما أحمد مالك ..


أحمد : كل خير إن شاء الله .. أول قليلي مارائيش في بنت صاحبي الي جت عندكن وامها ..

غاده : بإستغراب 😲 مالهن شي طيبات وحبوبات ليش ...

أحمد : والبنت كيفهي أقصد حاليه شوعه من هذه المجابير حق النسوان يعني عجبتش نخطبها💍 لمهند ..

غاده : تفاجاءت 😲 لأنه ماكنش عندها خبر أحمد كلم ناديه بس لأنها تحب المظاهر .... تخطبببها لمن ..

مهند : بضبح😤 يهي يهي وأنا بينقل مالكم فعلتوني سوبر هيررو عند الرجال وأننتوا شليتوني يعاين البضاعه ... من قلكم إن قدنا إشتي أخطب وأتزوج ..

أحمد : لفت له بقلبه 😠 أنا أشتي أنا الرجال معه ملايين لايوم الملايين ومابش معه عيال الإ تيه البنت يعني كل الي معه عيرجع طريقك ..


غاده : مالك يا أحمد إذكر الله مشي الزلط 💷 كلشي. وبعدا خلي الولد يشتحط أول ويكمل قرايته ..


أحمد : ببهراره 🙄 أنا قلت الي عندي وعتخطبها برضاك أو غصب عنك ..

مهند : سنب ومعصب 😠 وانا ماعليا تشتوا تزوجوني بها اوذك به معاكم ولد ثاني زوجوه بها هو.

أحمد : بصياح 😡 أنت بتسمع كلام او ماشي أخوك أخبل مابش عنده هذا الكلام لكن أنت أبني وفاهمني وتفكيرك مثلي وإشتي أظمن لك مستقبلك وبعدا معي عمل مهم مع أبوها لما نتناسب كلشي عيسبر ..


غاده : البنت الصدق مابش فيها شي يتعيب لكن أنا ع المبداء نفسه بس وتفكيرك..

مهند : بس انا مشتيش أتزوج هكذا أشتي أختار البنت الي شتزوج بنفسي ..

أحمد : إفعل مثل أبوك زوجني جدك الله يرحمه الأوله بالي يشتي وتزوجت انا بالثانيه الي أشتيها ...

مهند : فلت وخرج ونزل وهو ضابح 😤 ..


🌹meme_abdalgaleel


@qesasanani

@qesasanani

بارت 17


في المدرسه 🏫...

سلا : بتلفلف كتبها 📚 براحتها مبورده ..


رهف : بتستعجلها ... يييه سلا هانم شرق علينا عنرقد فالمدرسه أو كيف ..

سلا : بإبتسامه 🙂 هاااه قدنا شاكمل وبعدا وأنتي ليش مستعجله مابه ورانا البيت مراعي لنا ..

رهف : انتي مابش وراش شي أنا أشتي أروح أساعد ماما حرام قد العمل كله عليهم من حين طلع ماجد وحده ....


سلا : بتغلق شنطتها 🎒 يله خلاص كملت هيا ننزل ..

خرجين من باب المدرسه لقين محمد فوق السياره 🚘 مراعي .


محمد : بيطرق لهن 🚘 ويدعي يييه يله اطلعين جيت اروحكن ..


سلا : إبسرته وفرحت 🙂 هييه هييه وقربت لبابا السياره بتفتحه هيا ابسر محلاك لو انت بتجي لنا تروحنا يوميه .

رهف : دعممته وقفت وشها وبتخطى 🚶🏼‍♀...

محمد : خرج رآسه من الطااقه .. بيدعيها .. يييه رهف بغير خباله يله اطلعي من الجنان ..

رهف : سنبت وبتحاكيه بضبح 😤 مشتيش اروح معاكم انا حره معي أرجل شخطي وبعدا انت سير روح صاحبتك ..

محمد : إبسرها وإبتسم 🙂 يووه جبر الضابحه حقي انا الي بتغير عليا وقدلها يومين مقاطعه لي وحانقه مني ذلحين أطلعي اروحكن وبعدا عنتفاهم ...


سلا : فتحت لها الباب ... هيا من الخباله اطلعي ذلحين وبعدا احنقي لاعاد تتاخريش ع خاله حرام ..

رهف : فتحت باب السياره رجمت الشنطه 🎒 بضبح وطلعت ..

محمد : ضحك عليها 😂 ههههه الصددق شكلش يجنن وانتي هكذا بتفجعيني يووه كيف عتكون تفعلي بي لمانتزوج ..

رهف : قفت وشها منه ودعممته وبتفتح الزجاج...

محمد : يشتي يعاندها غلقه من عنده وامن الزجاج وابسرها من المرايه وخرج لسانه 😜..


رهف : بتتحاكى بزنط مشتييش سعم فارحه بسيارتك وقفت ..

سلا : بتضحك عليهم هههه 😂 جهال امانه ششتري لكم ابو عودي 🍭.

محمد : أصلا لو قد سمعت الكلام ياسلا وتلثمت إننا شفتح لها الزجاج بس هكذا مابش زجاج مشتيش أحد يبسر القمر حقي بينغير 🌝...


رهف : مااشتلثمش أنا حره لاذلحين ولا بعدين شاجلس كاشفه وبعدا ماقلتليش صاحبتك الي كسرت راسك علشانها حاليه ..

محمد : رفع حواجبه بيحانكها 😌 قممر تجنن احلى منش ..

رهف : سكتت زعلت 😔 ودعممته ..

محمد : رهف بطلي خباله والله ماجيت اروحكن الا علشان افهمش وتبطلي زعل اسمعي ماحصل وبعدا احكمي ... وبيحكي لها ...

رهف : بعد ماسمعت منه وتفهمت الموظوع خلاص سامحته ..


محمد : حكى لها كل شي بس ماقلهاش انها رسلت له علشان لايكبر الموظوع وتتحسس وتزعل منه ....


........ ....... ........


في الجامعه 🏫...

ياسمين : بتدور ريان ابسرته واقف مع اصحابه دعته ..

ريان : سار يجاوبها ... هااه مالش ..


ياسمين : اول شي كيف حالك كيف قدك وحبيت اشكرك ..


ريان : الحمدلله قدوذا بتبسريني قدامش مثل الحصان هن شويه دكمات والحمدلله وبعدا مابش شي انتي اختنا ..


ياسمين : طيب ومحمد كيف قد راسه ماقد عيداومش ..


ريان : الحمدلله غطوه عيرجع للمستشفى يجارحوا له واكيد قد عيداوم هذه اليومين ..


ياسمين : مدت يدها 📑📒 مكنه هذه الملازم حق المحاظرات الي فاتته وهذا الدفتر كتبت له حق الدكاتره الي مابينزلوش ملازم علشان لو يشتي يذاكر وقله لايقلقش من الغياب بينسجله حاضر .

ريان : مد يده شلهن 📒📑 وضحك 😂 هنيت له هيا لو انا داري ان احد في دفعتي عيكتب لي شاسير اضارب بكم افتهن وارقد فالبيت ...


ياسمين : ابتسمت 😊 الله يكفيكم شر المضرابه ويستر من وليد لما يرجع يداوم كماهو حق مشاكل .. ذلحين يله استاذنك اروح تاخرت ..

ريان : يله تمام والملازم اوك شامكنه تسلمي ...


🌹meme_abdalgaleel


@qesasanani

@qesasanani

بارت 18


بعد العصر ...

في بيت 🏡 حسين ...


حسين : حيا الله بمن جانا والله ان البيت منور اليوم يا أخي ..


خالد : بنورك يا أخي.. سامحني والله اني مقصر معك كل يوم اقل شاجي اخزن معك ابسرك وانشغل ..


ماجد : ماابش عتب ياعم وبعدا قد بنبسر انفسنا كيف بننشغل ويوسف كيفهو ماله مايجي معاكم قدحنا نبسره ..


خالد : ضحك ههه والله ما انا داري ما أقلك يوسف خازي ماجزمش يجي معي ..


حسين : وضع الوساده حق المدكى .. وليش خازي أحد يخزى من بيت عمه ..


خالد : هو خازي من الموظوع الي أشتي أفاتحك فيه وانا والله مانا داري كيف ابداءه ..

حسين : ماالك يا أخي خير ماابه .

خالد : مابلا يوسف يشتي بنت عمه ع شرع الله وقال افاتحك فالموظوع بيهم حين قد رهف عتكمل الثانويه لو احد يتقدم لها وتوافق قال اقلك ولو به نصيب عيقدم الله مافيه الخير..


ماجد : فرح 🙂 يشتي يخلص منها.... وين عنلقى أحسن من ابن عمها الله يكتب مافيه الخير..


حسين : طنن شويه 🤔 مايشتيش يكسف أخوه وفي نفس الوقت ماقد يشتيش يزوج بنته ويشتي تكمل دراستها ...

خالد : هييا مالك طننت يا أخي ..


حسين : هااه ولاشي بس والله مانا داري ما أقلك انت معك بنت والكل وداري ببنات هذه الايام يشتين يكملين قرايتهن ولازم أسالها والقرار لها ...

ماجد : بضبح 😤 قرار ماهو لها مابش بنات يقررين الكلمه كلمتنا إحنا الرجال..


خالد : لفت له .. مع ياإبني والله انها هي الي عتتزوج وهي بنتي مشتيش أظلمها مثل مايوسف أبني وماعنخطى الإ بعد ماتقل...


حسين : ذلحين ماقدهوش وقت هذا الكلام نفاتحها فيه نخلي البنت تكمل امتحاناتها لاقد نربشها وكما كملت من عيوني احاكيها ونبسر رائيها ولو به نصيب ما شلقاش أحسن من إبن أخي لكن معي شرط مابش عرس الإ بعد مايكمل يوسف جامعته ويخلي رهف تكمل دراستها ...


خالد : إبشر وأعتبر شرطك منفذ من ذلحين وبنتك عتخرج من بيتهم لبيتهم ومن عند أبوها لعند أبوها ....



........... .......... ..........

في بيت توفيق ...


أحمد : جالس خازي ماقدرش يتوضع بيتقلب يمين وشمال ..


توفيق : هيا مالك اليوم مشنت وضيع ماشي قوم بقعه ثانيه لاهذه مشهي سابره ...



أحمد : إرتبش 😅 هاااه مع مع الإ وضيع بس يا اخي في فمي حكايه ماجزمت اخرجها..


توفيق : ماااابه ...

أحمد : أنا داري إن الناس في هذه المواضيع يدوا واسطه لكن أنا قلت قدنت أخي وماعدبش بيننا ..


توفيق : ابتسم 😄 فرح .. حس ان الي بيخطط له هو ومرته سبر .. وااسطه لمه يا اخي ..


أحمد : مابلا البيت ماشاء الله عجبتهم بنتكم المصون قووي يوم ما جوا عندنا والبنات حبنها قوي وقد علقين جلدي مابلا أحاكيك أخطبها لمهند ...


توفيق : تنهد بفرحه😁 ... الله يهديك ومالك محرج وين شلقى احسن منك ومن ابنك أكيد موافق عاد شي به نسب أحسن منكم روح وحط في بطنك بطيخه صيفي وإعتبر البنت لكم بس قدهو من الواجب نزيد نحاكيها هي وأمها ..


أحمد : تنهد .. اوووف وتوضع ... ريحت قلبي الله يريح قلبك 😁 هيا نقراء الفاتحه ...


توفيق : مد يده وبيقروها 🤝🏻..



معقووله حسين يووافق وتنخطب 💍 بطلتنا رهف ليوسف ...

https://t.me/qesasanani/1240


🌹meme_abdalgaleel

@qesasanani

@qesasanani

بارت 19


بعد إسبوع .....

في الجامعه 🏫...

محمد : دخل قاعه المحاضرات وطبعا راسه عاد فيه شاش مكان الجرح 🤕 ..

الشباب : بيسلموا ع محمد ويطمنوا عليه بعد ماعرفوا بالي حصل ..

ياسمين : إبسرته جاء فرحت 😁 ان قدهو بخير حطت دفاترها 📚 فوق الكرسي وسارت لعنده .. حمدلله ع سلامتك ماتشوف شر ولمعت عيونها 👁 والله إني فرحت قوي لأن قدك بخير ...

محمد : خزي من طريقه كلامها وفرحتها 😊 قدام الطلبه .. الله يسلمش يا أختي وخطي 🚶🏻‍♂ ..


ياسمين : دعته .. محمد لحضه راااعي ..

محمد : لفت لها .. هااه أيش ..

ياسمين : لما قدك مروح قلي أديلك بقيه المحاضرات قد جهزتهن كلهن لك وبينديهن معي كل يوم علشان لو داومت ..

محمد : هااه تسلمي شكرا والله ماكان به داعي تتعبي نفسش كنت شتصرف ..

ياسمين : بإبتسامه 😄 تعبك راحه أنت تأمر بس ..


محمد : حك رآسه خزي 😊 وخطي ...

وليد : كان جالس في نهايه القاعه وبيتفرج وقد عيجنن لما إبسر محمد وأنه فصلوه بسببه فكر🤔 في شي ينتقم منه ومن ياسمين ع الي حصل معه ...


......... ........ ..........


في بيت🏬 أحمد ....


سلا : غايبه من المدرسه جالسه ترتب شنطه الخطوبه 👛 حق مهند ...


غاده : دخلت لعندها وبتبسر كل شي فالشنطه فالأرض 😱 يوووه مابتفعلي ماهو هذا الجنان ليش ندشتيها وقدهي مرتبه ..


سلا : بضبح 😤 سألتكم بالله ماهو هذا من ترتيب ماعجبنيش ..

غاده : قد خواتش طول امس بيرتبين ويصلحين عيزعلين ..


سلا : أشرت بيدها بلامبالاه 👋🏻 ابردوا لكم بس سعمنهن عيدرين وبعدا ماهو هذا كله قدهن حاجات خيرات قووي ..


غاده : هي خالتش إشترتهن قالت مابلا نزيد نفعلهن وقدش تعرفي حقها الهدار وأحنا إبردي افعليهن وبس وبعدا أبوش يشتي يبيض وجهه ..


مهند : دخل لعندهن ... هييا مه مارائيكم ألبس هذا الشال ولا هذا أين أحلى ...


غاده : قربت لعنده وباسته 😘 يووه جبرني بالي قد اليوم خطوبته عقبال محمد ياررب ..

سلا : لفتت لها بضبح 😤 والله مابلا محمد بس وانا للمه ماتقلوا عقبالي ..

مهند : ضحك هههه 😂 وخفعها بالشال استحي استحي قدهي تشتي تتزوج وبعدا من عيرضى يودف بش ..


سلا : سنبت بتخافعه .. ياماما أشهدوا عليه كوده بيحانكني يووه جبرك يامحمد ياصاحبي ...


مهند : يووه صدق ذكرتيني أتصله لاعاد يتاخر فالجامعه 🏫 حبكت يداوم اليوم ومعانا خطبه وخرج يتصله 📱..


........ ......... ..........

في بيت 🏡 أحمد ...


فراس : جالس بيبكي أمه ضربته 😭 نزل بيدور عمته بيداعيها من الدرج .. لهف يااالهف ..


حسين : ع رواحته من العمل بيفتح باب البيت 🚪 إبسره بيسأله ماله ..

فراس :👶🏻 ماما طربتني هي شوعه مع أنا أحبها أحب لهف بس ..

حسين : ضحك وحضنها باسه 😘 خلاص ابرد منها هيا نخرج نشتري جعاله من البقاله ...

فراس : فرح 😄 أيووه هيا ..

حسين : بيصيح ... ييييه يااهيفاء قدوذا جيت لاقد جت رهف قربين الغداء أمد ما أخرج للبقاله بساعتي أجعل لفراس بيبكي ...



هيفاء : يله الآن حاضر شاجهزه قدهو وقتها الآن عتوصل ..


حسين : مسنب عند البقاله وحس بنخزات ووجع قووي في قلبه ❤ وكتمه ...استند بالجدار ..


صاحب البقاله : حمل مسكه .. ماالك يااعم حسين تااعب ..

حسين : بداء يحس بثقل في جسمه وأطرافه وارتجم للأرض ..


رهف : ع وصلتها من المدرسه بتخطى ابسرت ابوها بيسندوه وواحد بيشربه ماء افتجعت عليه وحملت بسرعه لعندهم وبتبكي 😭 تبسر ماله ...


🌹meme_abdalgaleel


@qesasanani

بارت 20
@qesasanani


فالجامعه 🏫....


كملوا المحاضرات ...


محمد : لفلف حاجاته وخرج من القاعه مستعجل يدور ريان يروحوا علشان الخطوبه لايتاخر ....🤔ذكر ان ياسمين تشتي تمكنه الملازم رجع يدورها بيسأل عليها ...

صاحبتها : ياسمين خرجت بعدك لحقتك لما خرجت اكيد قد سارت لعند سيارتك 🚘 علشان تمكنك ..


محمد : يله تمام تسلمي وخطي لعند سيارته 🚘..


وليد: لمحه كان يشتي يلحقه يزيد يسمعه كلمتين إبسر ياسمين واقفه عند سيارته مراعيه له ابتسم 😈 ابتسامه شيطانيه ووقف بقعته يتفرج ..


ياسمين : إبسرت محمد .. هييا أين جيت خطيت وبس وانا لحقتك ماعد لقيتك ..

محمد : العفو منش نسيت والله سامحيني ..


وليد : خرج تلفونه 📱 بيصورهم ..

ياسمين : مكنته كيس 🛍 هاه اتفضل الملازم ..

محمد : بيبسر الكيس ثقيل . يووه كل هذولاء ملازم وبيفتحه لقي علبه شوكلاته 🍫 وورده 🌹 جنب الملازم خرجهن بيسالها ماهن هولاء ..


وليد : تننهد وارررتاح 😄 يهي يهي وبتدقها شرف لعندي وبس ناهي ناهي لاراحت لكم وكمل تصوير 📸..


ياسمين : وطت راسها 😊 هذا اقل شي أشكرك ع موقفك معي يكفي قد كسرت راسك ..

ريان : جاء .. ابسره واقف معاها استغرب 😳 هييا اين انت سيرت ادورك ..


محمد : أشر له بيده 👋🏻 يله إطلع ذلحين هيا شرق ولفت لياسمين يله تمام تسلمي الف شكر استاذنش ذلحين لا أتاخر اليوم خطوبه أخي ..


ياسمين : إبتسمت 🙂 أوك وعقبالك ..

محمد : طلع السياره ورجم الكيس وراء 🛍 وبيجابر ريان ...


....... ......... ........

في الشارع ...

رهف : بتبكي 😭 ع ابوها ماله .. وبتقلهم احد يحمل يدعي ماجد يسعفوه للمستشفى ..


صاحب البقاله : حمل لبيتهم 🏃🏼‍♂ يدوره ..


ريان ومحمد : وصلوا بالسياره 🚘 إبسروهم ..

ريان : فتح الباب وبيحمل بسرعه 🏃🏼‍♂ مااهو ماابه ..

رهف : ودموعها 😭 ملان عيونها وسانده أبوها اوول هييا نسعفه .

محمد : حمل مسكه مع ريان وجارهم وطلعوه للسياره ..


رهف : طلعت معاهم وبتصيح لجارهم يروح فراس ويقلهم فالبيت انهم اسعفوه هو وريان ومحمد ...


هيفاء : بعد مادريت بتبكي 😭وتصيح لرنا تدعي ماجد يسيروا للمستشفى..


رنا : نزلت لعندها بتقلد أنها بتبكي 😭 عليه .. ماجد مابحدهو سار هو واصحابه من الصبح معاهم عمل وبينتصله مغلق ...


هيفاء : بتتصل لريان 📱 تعرف اي مستشفى ساروا مابيردش جلست فالأرض وتبكي 😭..

فراس : حضنها بيبكي 😭 هم جدو نكعوا ومع اشتروا لي جعاله ..

رنا : بعدته وجلست تواسي عمتها وبتحاول تتصل لريان📱...



تقولوا أيش عيحصل في عم حسين الله يشفيه

🌹meme_abdalgaleel


@qesasanani

@qesasanani

بارت 21


في بيت أحمد 🏬...

أحمد : بيصيح 😡.. وهذا أينهو عديم مسؤليه داري إنها خطوبه أخوه سار يداوم ..


غاده : بتحاول تهداءه ان شاء الله قدهو فالطريق اهداء لاتزعلش نفسش ..


ناديه : بتتحاكى وتقلب عيونها 😏 ذلحين هو شكله مراعي لريان قدهو السواق حقه مشنا داري ما عاجب عيالك فيهم ...


سلا : ضبحت 😤 ليش يا خاله ومالهم وبعدا مافيها لو راعى له صاحبه وابن جيراننا واكثر من اخوه ..


بلقيس : ضحكت بسخريه 😄 ما انتي ماعتقلي انتي نسخه منه ..


أحمد : بعصبيه 😡 شررق إحنا ماعد عنراعيش عنتاخر ع الناس عيب قد الرجال مراعيين وكما جاء لاهو يشتي يلحق لحق ماشي برضاه وفلت وخرج ...


غاده : أبسرت سلا 👀 إسكه قوى زد جربي اتصلي لاخوش قووى لاعاد يفعلوا لنا هدار اليوم ..


سلا : دخلت غرفتها وبتتصله 📱 بعد عده محاولات يله رد ..

محمد: بصوت مضطرب هاه سلا مالش مش وقتش ذلحين ..


سلا : استغربت 😳 يووه مالك اين انت قد أبي عيجننوا تاخرتوا ..



محمد : قليلهم يسيروا ماشاجيش انا مع ريان إسعفني عمي حسين للمستشفى ارتجموا فالشارع ..

سلا : يووه 😱 وذلحين مااهو كيف قدهم ..


محمد : مدري دخلوهم العنايه والله إنهم تاعبين قووي ..


سلا : يووه الله يشفيهم اوذا شاسير لعند رهف وخاله هيفاء ..

محمد : رهف معانا سيري أبسري خاله هيفاء لاتفلتيهمش وحدهم وطمنيهم مش تزد تفجيعهم ..


سلا : خرجت وبتقل لأمها سبب تاخيره واستاذنت منها تسير لعند هيفاء ..

غاده : يووه مساكين .. يله تمام اخطي وانا ازيد أبسر ابوش واخوش والحقش ..


بلقيس وناديه : بيحطمين ويستخفين بهن وليش مهتمين بهم هكذا ...

امل : غطت فمها وضحكت 🤭 الله يعينهن أيحين عيمزين ويعرفين أنحنا من مستوى وهم مستوى ثاني ...


........ ........ ...........

في المستشفى 🏥...


رهف : جالسه فوق الكرسي وموطيه راسها بتبكي 😭...


ريان : واقف مع الدكتور هو ومحمد ..


الدكتور : ضروري نفعله العمليه لاعاد تسوء حالته الشريان مسدود ...


محمد : خلاص يا دكتور اتوكل ع الله جهزوه لاتتاخروش ..

الدكتور : خلاص انزلوا ادفعوا مصاريف العمليه والحساب ونشتي احد من اهله يوقع ..

ريان : طيب حاضر الان شاروح للبيت ادي زلط 💷 وابسر اخي الكبير علشان يوقع بينتصله من اول مغلق ...


محمد : مع انت خليك هانا عندهم لو يحتاجوا شي وانا شاروح للبيت ادي خاله هيفاء وزلط 💷واجي ..


ريان : إبسر رهف بالشنطه 🎒 وزي المدرسه .. خلاص تمام وروح رهف معك تبدل ولاهي تشتي تجي ترجع مع امي وماجد ..


رهف : سنبت .. قد عيونها مورمات 👁 مشتيش اروح شجلس مع أبي ..


ريان : صيح فووقها 😠 رهف مش وقت الجنان يله روحي وابسري امي وماجد وجي معاهم ذلحين قدهم قلقين ..


رهف : نزلت سكته وطلعت وراء فالسياره 🚘 وبتبكي 😭..

محمد : بيسوق ويحاول يهداءها ... رهف بس قووى بطلي بكاء ادعي لهم ان شاء الله عيفتهنوا ...


رهف : 😭 هم اخر فتره تاعبين ولارضيوا يسيروا عند الدكتور وبيعاندونا ويشربوا شقاره 🚬 ..

محمد : طيب اهداءي قوى علشان خاطري والله انهم عيفتهنوا ذلحين عيفعلوا لهم العمليه ويقوموا مثل الحصان 🐴..


رهف : رفعت يدها للسماء 🤲🏻 يااارب ياارب ..

محمد : سحب فاين ومكنها .. مسحي دموعش يله 😭 لاتفجعيش خاله وبعدا العيون الحاليه هذه عتقع شوعه ..


رهف : محمد مش وقت الخباله ..

محمد : إبسرها من المرايه وإبتسم 😊 ليش خباله حر احبش ..


رهف : ابتسمت ووطت راسها .

محمد : بيسوق مسرع علشان لايتاخروا طلع من فوق مطب قوي ..

رهف : إبسرت الكيس 🛍 نكع بترفعه وبتدخل الملازم وإبسرت الورده 🌹 والشوكلاته 🍫 وكرت مكتوب اسفه ع الي حصلك بسببي ياسمين .. ضبحت ورجمت الكيس 😤 ورجعت تبكي 😭 من قهرها وع أبوها ...


........ ...... ........

في بيت توفيق 🏬...


سمر : فارحه 😊وبتتشقر من الباب هي والبنات مهند ..


سميره : باستها 😘 ألف مبروك ياروحي عقبال ماقدهو عرسش..


خالتها : ماشاء الله والله ان بنتش توفقت عقبال ابني ياارب لما نلقى له بنت ..


سميره : والله ان قبالي بنت ساع القمر وع مايشتي ابنش ..

خالتها : صددق 😃 منهي ..

سميره : بنت جيران خطيب سمر لما نفعل حفله الخطوبه شاقلهم يعزموها والكل وإبسريها ..

خالتها : إن شاء الله ..

الرجال : دخلوا شنطه 👛 الخطوبه وهن حملين يتفرجنها ويبسرين ما ادوا وعجبهن كلشي..


أحمد : داخل قد عيجنن من لامبالاه محمد ومتحلف له لما يروح يوريه عمله ....


🌹meme_abdalgaleel

https://t.me/qesasanani/1240

@qesasanani

@qesasanani

بارت 22


في بيت 🏡 حسين ...

رنا : ماسكه التلفون 📱 بتحاول تتصل لماجد جالس مغلق ..

هيفاء : بتبكي 😭 وتدعي له ..

سلا : حاضنه هيفاء بتحاول تهداءها ..


باب البيت بيجرس 🚪..

فارس : حمل يفتح الباب ..


رهف : دخلت مستعجله بتداعي .. ياماما هيا ألبسوا بسرعه أمد ما أبدل ونشل زلط محمد مراعي لنا خارج ...



هيفاء : سنبت وحملت لعندها 🏃🏽‍♀ مسكتها هييا مه كيف أبوش ..

رهف : بكيت 😭 تااعبين يشتوا يفعلوا لهم عمليه هييا بسرعه البسوا وانا ابدل بدل لداه المدرسه ...

سلا : شلت منها الشنطه 🎒 يله بسرعه إدخلي البسي ..


محمد : دخل بسرعه لبيتهم 🏬 بدل وشل معه زلط 💷 وبيداعي أمه يقلها إنهو عيرجع للمستشفى.


ناديه : سمعته بيصيح نزلت له تصيح فوقه 😡 مستشفى مه خلاص قدوذا اسعفته أخطى الحق أبوك واخوك للخطبه قد ابوك عيجنن منك ..

محمد : خطوبه مه يا خاله مش وقتها عمي حسين تاعبين قوي وأنتوا مفتهنين ..


ناديه : مريض الله يشفيه أوذك معه عيال واهل مادخلنا وبعدا انت حر سد انت وأبوك ..


محمد : فلتها وخرج مستعجل 🏃🏼‍♂ بيدقدق باب بيت حسين ..


رهف : خرجت هي وهيفاء ..


محمد : كيف انتوا ياخاله اطمنوا خير إن شاء الله عيفعلوا لهم العمليه ويفتهنوا ...


هيفاء : إسلم يا إبني تعبناك معانا 😔..

محمد : لا تقلوش هكذا عتزعلوني بعدا تعب مه أنتوا أمي وهم أبي والله يقيمهم بالسلامه لنا كلنا ...



....... ........ ..........

في بيت 🏡 وليد ....

وليد : جالس مخزن هو واصحابه إتصلهم يجوا عنده ...

صاحبه : هيا مالك شابح التلفون 📱 من حين جينا جينا نخزن عندك ولا تمكنا دعممه ..


وليد : إبتسم 🙂 لا لا بس ماقدناش مصدق يا اخي ياسمين دقتها شرف لعندي والبطل الهمام جاء يضارب وانا راكن إنه شهامه منه وأنهم شكلهم مأنتمين وحبيبه ..


صاحبه : فتح عيونه 🤪 قل بغيرها ... محمد شكله مش حق هذه الحاجات وماقد إبسرناه أبدا معاها ..


وليد : مكنه التلفون 📱 هاااه إبسر لو مشنت مصدق لي قد صورتهم لأننا داري إننتوا عتكذبوني ..

أصحابه : بيتهازروا التلفون 📱 يتفرجوا. وكل واحد بيرسل له الصور ..

وليد : بيتفرجهم بلئم 🤪 ومبسوط أنه عيخرب سمعتهم .. عاد لو انتوا داريين ولا اقلكم يس قد واحد يسكت له أحسن..


أصحابه : تباسروا 👀 ماهو مابه والله لاتتحاكى ..

وليد : لو ماحلفتوش بس هو ربي قال ياساتر طلعت معه فوق السياره 🚘وفتشت وابسرته بيمسك يدها وأنا فلت وخطيت وهم خطيوا مدري أين ساروا ...


صاحبه : ضحك ههههه 😂 كيفهي حاليه ولا ما ابسرتش سواء..

صاحبه الثاني : كان عيراعي لما يخرجوا من الجامعه ويخليها تفتش ..

وليد : ضحك ضحكه شريره 😈ههههه حرام ياخبره قدهو فاقد لها قدله اسبوع غايب ...



🌹meme_abdalgaleel


@qesasanani

بارت 23



في المستشفى 🏥..


ريان : واقف باب غرفه العمليات ..


محمد : طلع وفي يده سندوتشات 🌮🥙 نزل يشتري لهم لأنهم بدون أكل وبيمكنهم ...

ريان : شله وجلس يأكل ..

هيفاء : إسلم يا إبني والله ماله طريق ..

محمد : قوى ياخاله قدهو مغرب وماقد اكلتوا شي ..

هيفاء : شلته 🥙..

رهف : جالسه فوق كرسي وحدها نهايه الممر بتقرى قرآن وتدعيله 🤲🏻..


محمد : خطي لعندها وبيخرج لها سندوتش 🌯 من الكيس .. هااه قلبي قد اديته لش ع مايعجبش وخليته يزيد الشطه ..


رهف : رفعت رآسها ابسرته وملامح وجها 😔 كله زعل .. شااابعه مشتيش حاجه ..

محمد : رررررهف قووى روحي إبسري ع قد صوره معش عتموتي نفسش هكذا ...


رهف : بضبح 😤 مشتيش بتفهم ..

محمد : تنهد زاعل عليها 😔 وحطهن جنبها لو كنا وحدنا كنت شقدر اتصرف وأخليش تاكلي شويه وعتجوعي وكليهن ...


الدكتور : خرج من غرفه العمليات ..

ريان ومحمد : حملوا لعنده .. هاه دكتور طمنا ..


الدكتور : الحمدلله العمليه ناجحه وفتحنا له الشريان المسدود عينزلوه ذلحين العنايه والباقي ع الله ...


ريان : الحمدلله تسلم يادكتور ..

ماجد : عادهو وصل وطلع بيصيح 😡
لييش ماتقلوا لي لذلحين وانا اخر من يعلم ...


هيفاء : قد اتصلنا لك لما قلنا بس وتلفونك مغلق مانزد نفعل قد ركنت ع مرتك تحاول معك لما تجاوب ..


ماجد : ماهو ذلحين ماقالوا ..

ريان : بيشرح له ماحصل ..

رهف : إبسرتهم خرجوا أبوها من غرفه العمليات حملت معه ينزلوه للعنايه ..

محمد : اشر لريان ..ولحقها ينزل معاهم وخلاهم يكملوا كلامهم مع ماجد ..


ماجد : إبسره 👀 وهذا ماله عادهو جالس معاكم مايروح ..

هيفاء : بدل ماتحمد الله عليه واقف مع اخوك وإسعف أبوك ..


ماجد : قصدي معانا بنت مايسبرش جلسته علشان رهف ..
وزد نزل معاهم ...


هيفاء : ضبحت 😤مابش بيننا وبعدا هم اخوه وتربوا جمعه ومابش حقك التفكير هذا عيال غاده عيالي وعيالي عيالها ... ومش وقت هذا الكلام أبوك تاعب وانت جالس مبعسس فلتته وخطيت ..


رهف : تشتي تدخل العنايه مع أبوها قد وجهها شاحب وعيونها مورمات 👁. من كثر البكاء .

الممرضين : منعوها ..

رهف : بتبكي 😭 بتحاكى الممرض وتتراشاه قووى خليني شويه بس ..


محمد : ابسرها وقلبه 💔 بيتقطع عليها .. رهف خلاص قوى بس المفروض ذلحين الحمدلله تتطمني نجحت العمليه .

رهف : جلست فوق الكرسي بتبكي 😭 لكن شكلهم تاعب ابسر كيفهم ..

محمد : عادهم مخدرين بعد العمليه اهداءي ذلحين يله قوى علشان خاطري ..وسمع 👂🏻صوت ريان وماجد بعد من جنبها ...


ماجد : ذلحين ماهو عيجلسوا فالعنايه ..

محمد : أيوه قالوا عيخلوهم تحت الملاحظه 24 ساعه ..


ماجد : لفت لأمه 👀 خلاص مدام قدوذا اطمنتوا عليهم جلستكم مابش منها فايده قوموا اروحكم أنتوا ورهف ..


رهف : مااعه ماشاروحش شجلس عندهم لما يفوقوا ..


ماجد : بهرر فوقها 😠 مشو حالي نتصايح قبال الناس يله قومي قبالي اروحكن ..


هيفاء : عيروحنا اخوك قدهو تاعب من الصبح يروح يفتهن له شويه وأنت إجلس بدله ..

ريان : إبسرها 👀 مع ماشروحش أنا شاجلس عندهم روحوا لكم مع محمد بس ..


محمد : انا مع ماشافلتك شاروحهم وارجع ..

ماجد : لا لا شكرا رحلك بس وانا شاروحهم انا وارجع قد تعبناك معانا ..

هيفاء : مع مع لاعاد تروحنا ولا محمد قدهو تاعب وراسه وجيع عيروحنا هو ويفتهن له شويه ..


محمد : لفت لريان وطنش ماجد 👀 خلاص شاروحهم ياريان ولو احتجت شي اتصلت لي والصبح شاجي بدلك وانت تروح ترتاح ..


ماجد : تفرج له بنظرات حقد وضبح 😠...


🌹meme_abdalgaleel


@qesasanani

@qesasanani

بارت 24


العشي 🌚..

في بيت 🏬 أحمد ...


كلهم سامرين بيتجابروا ع الخطوبه ...


مهند : عادي لافارح ولا زاعل لأنه عارف انه زواج مصلحه ومعه تصريح يتزوج وقت مايشتي ...


سلا : في يدها التلفون 📱 بتتراسل مع ريان تتطمن عليه وع عم حسين ..


محمد : وصل وقدهو تاعب إبسرهم .. مساء الخير ومبروك يا أخي سامحني انشغلت ..


أحمد : قرح 😡 وعصب ... ورفع صووته انشغلت بمه ياشاطر تفلتنا في هذا الموقف وقد الناس بيسألوا عليك ما أقلهم إبني مستهتر يوم يرجع لي مضروب وراسه مكسور ويوم يدعممنا وهي خطوبه إخوه ..


محمد : أنا قدحاكيتهم قد إتصلت يقلوا لكم اني سيرت مع ريان نسعف عمي حسين ...


أحمد : بعصبيه 😡 معه عيااال بخست بوجهي قبال الناس ..وبيصيح ..

غاده : تشتي تغالط وعلشان يسكت .. طيب وذلحين كيف قدهو ..

محمد : تاعبين فالعنايه دخلوهم بعد العمليه ..

سلا : ورهف وخاله روحين ..

محمد : أيوه روحتهم معي ذلحين بس لو تقومي تبسري رهف لو عترضى تسمعش وتقنعيها تاكل حرام ماقد دخلت فمها شي من الصبح وبتبكي😭..


بلقيس : كانت ممسيه عندهم .. ابتسمت بمعراصه 😌 وانت للمه مهتم بها هكذا تاكل ولابرضاها ..


محمد : دعممها .. يله تصبحوا ع خير شدخل ارتاح لي شويه وخطي 🚶🏻‍♂...


سلا : قامت لحقته 🏃🏽‍♀ ابرد لك منها هي بلقيس هكذا ذلحين قلي كيفهم خاله ورهف ..

محمد : خاله متماسكين بس رهف والله انها تقطع القلب💔. اتصلي لها قوى حاولي تقنعيها تاكل ولا في نفسها شي شخرج اشتري لها ..


سلا : طيب تمام ذلحين وخطيت تتصلها 📱..

محمد : دخل غرفته ارتجم فوق السرير قدهو تاعب ..


........ ....... ..........


ثاني يوم الصبح 🌞

في الجامعه 🏫..

ياسمين : دخلت القاعه وبتسلم ع البنات .


ثنتين من البنات : إبسرنها دعممين وقفين وشهن استغفر الله بس الله يستر علينا ..

ياسمين : استغربت 😳سألت صاحبتها .. مالهن هولاء ..

صاحبتها : علمي علمش عادنا وصلت الان قبلش .. وخطين دخلين جلسين فالكراسي ...


وليد : دخل هو وصاحبه وبيتفرجوها 😉 بيتحاكوا عليها ويتغامزوا ..


واحد من العيال دخل وخطي من جنبها 🚶🏻‍♂ وبصوت واطي قلها واحنا الخرجات معانا حاليه والكل مارائيش تجربي وضحك هههه🤣 وجلس ..


ياسمين : لفتت لصاحبتها مستغربه 😨 مابيقل هذا مالهم خلق الله اليوم بيتفرجوني هكذا ويراجموا كلام ...


صاحبتها : 😥 علمي علمش خلينا نتم المحاضره وعنبسر ماهو شسأل البنات ليش دعممنش وقالين هكذاك ...


🌹meme_abdalgaleel

https://t.me/joinchat/AAAAAERja9LRzSkmuZYIRw


@qesasanani