🐈 🐈
🐈

بارت 149


في السفاره اليمنيه 🇾🇪 في مصر ..


توفيق : جالس مفتجع ومبلود 😰 يا أخي ماتشتوا مني ذلحين ماهو ليش جو شلوني من الشقه الي انا فيها ..


موظف السفاره : جالس وحاطط يده 🙇🏻 فوق المكتب ... أديناك نشربك قلص شاهي ☕ ونتجابر معك شويه ..

توفيق : بيهز أرجله ومرتبك 😰... يعني بتجابروا كل اليمنيين الي هانا ..

موظف السفاره : ضحك بسخريه 😬 أيووه المهمين الي مثلك بنهتم بهم خاصه لما تجي لنا اوامر من اليمن نبحث عن هذا الشخص ونشوف أماكن تواجده ونستضيفه عندنا ..


توفيق : فتح عيونه وبهرر 🙄 وبيقرح أصابيعه ذلحين ماتشتوا مني لاني مستعجل معي عمل وشلتقي بناس ...

موظف السفاره : مابلا نشتي نجلس نتجابر شويه وبعدها يمكن عتسافر اليمن ومعاك أحد من أصحابنا وبعدا عيكملوا معاك المجابره هاناك ...


توفيق : بداء خلاص يرتبش ويفقد توازنه ويفكر ايش عيقلهم 🤔 وكيف عيخارج نفسه من موظوع علي . (مسكين مشو داري ان علي قد حاكى أيمن ع قتل جده وقد به قضيه ثانيه غير قضيه قتل علي ) ..



........ ........ ......

في بيت هاشم ..


الباب🚪 بيدقدق ✊🏻...


هاشم : فالديوان جالس مراعي لهم ..أشر لناديه تقوم هي وسندس ..

أيمن : قام فتح لهم الباب 🚪 وبيسلم ع سامي ..ولفت لعفاف اهلا وسهلا ياخاله كيف أنتوا اتفضلوا .


عفاف : قلبها بيرجف ❤ وبتدعي في نفسها ياررب انه يطلع هاشم هذا هو نفسه هاشم أخوها ..لفتت لأيمن وهي بتتفرجه .. اهلا وسهلا بك يا ابني .. دخلت وهي ماسكه لسامي بتحس خطواتها ثقيله 🚶🏻‍♀...


هاشم : إبسرهم دخلوا وقف وسنب اهلا وسهلا ومد يده كيف حالك ياسامي .. ووطي راسه حياش الله يا اختي واشر بيده 👋🏻 اتفضلوا ...


أيمن : جلس جنب سامي بيحاكيه دلا .. مابه ..

سامي : لفت لعنده وبصوت واطي .. علمي علمك خلينا عنسمع ذلحين مابه ...


هاشم : لفت لعند عفاف .. خير يا أختي قال سامي تشتي تحاكيني .


عفاف : فتحت شنطتها👜 وخرجت الدعوه ✉ حق العرس وفتحتها هذه الدعوه حق عرس بنتك صح ..


هاشم : مستغرب 😳 أيووه بس ماحصلش نصيب والتغى العرس ..


عفاف : هزت رآسها ... أيووه قد دريت بس أصبر راعي شاجي لك فالكلام وبتقراها .. إسمك هاشم عبدالله حسين ال**** ...



هاشم : هز رآسه وملامحه كلها تساؤل .. أيووه ..


أيمن : اتفرج لعند لعند سامي واشر له بحواجبه ماهو..

سامي : رد عليه بحركه مدري بفمه ..

عفاف : بتحس قد قلبها عيخرج من بين ضلوعها ❤ أنت أمك إسمها لطيفه وكانت المره الثانيه ومعاك 2خوات من أبوك ..


هاشم : إبتسم وفرح 😃 أيووه تعرفي خواتي أنا بيندورهن من حين رجعت من كندا..


عفاف : إبتسمت وتشارغت عيونها بالدموع وسنبت وهي بتبكي 😭 أنا عفاف اختك ياهاشم ...


هاشم : نزل العرق من جبهته😅 وحمر وشه يعننني أنتي أختي وسامي ابنش صح وقرب يحضنها ...

سامي : ابتلد 😳 مااااااهو اخته خالي كيف ..


أيمن : حط يده ع راسه وضحك ههه 😃 يعني بندورهم وهم عندنا ومعانا ...


عفاف : بتحضنه وتبكي 😭 سامحنا يا أخي فلتناك وقاطعناك وصدقنا أمي وكرهناك من كرهها لخالتي وفلتنا أبي ..


هاشم : مسكها بيدها وجلس وجلسها جنبه أيووه جابريني عنش وكيف أختي أميره ...


سامي : مطنن .. أيحين طلع لي خال أنا ماعرف الإ خالتي أميره ...


عفاف : ابسرته وتنهدت ... آآح يابني بس هذه قصه طويله عنشرح لكم ونجابركم بكل شي أهم شي حين قد لقينا خالك ..


هاشم : سكت شوويه وطنن 🤔 .. يعني ذلحين زوجش توفيق وعلي زوج أميره صح ..


سامي : حسه راسه بيلف 😇 مشو فاهم شي .. الشي الي فهمه انه هاشم خاله ..


عفاف : أيووه أزواجنا وللاسف عادنا دريت اليوم بقصه القضيه وان ابي ماتوا مقتولين وانهم المجرمين ..


أيمن : عادهو ركز ان معنى هذا ان ريم طلعت بنت عمته ... ما ابسروه الا بيصيح ويبتسم 😁 ييييس ييييس يييس ..


كلهم لفتوا له مستغربين مالك مابه ..


أيمن : ضحك 😅 خزي هاه ... هيا نسير نبسر عمتي اميره ونتعرف عليها حرام نوقف جنبها هي بعد موت ...


هاشم : فهمه ع طول وضحك 😂 ناهي يا عمتك أميره ادخل ادعي امك وخواتك يتعرفوا ع عمتك ...

سامي : ركز وضحك غمز له 😉 عمتك هاه ..

أيمن : خزي☺ وخرج يدعي أمه واخوته يتخارج منهم ..


دخلوا كلهم وتعرفوا ع بعض .

سامي : بيتفرج جمال سندس ماتوقعش ان اخت ايمن تطلع هكذا..

وقاموا كلهم وخرجوا يسيروا بيت أميره ...

أيمن : بيسوق وحسه عنده ريم فارح وبيفكر في رده فعلها 😍

مهما خبأنا الحقيقه لابد وأن يأتي اليوم الذي تنكشف فيه ..


تقولوا ايش عيكون موقف ريم لما يطلع أيمن ابن خالها 😍..


🌹meme_abdalgaleel


@qesasanani

🐈 🐈
🐈

بارت 150


في بيت توفيق 1 ..


ليلى : وصلت باب 🚪 بيتهم وفي يدها شنطه 👝 لداتها بعد ماطردتها مره أبوها بتدقدقه ✊🏻 وهي بتبكي ومقهوره مش داريه كيف عتواجه أمها بعد كل الي فعلته بها .. جلست تدقدق محد بيجاوب ومابش معاها تلفون📱 مره أبوها شلته تبيعه .. حطت شنطتها وجلست فالقاع مراعيه باب البيت لما تجي أمها .. وان الوقت قد بيتأخر والمغرب بيأذن فكرت ماتفعل 🤔 خطيت لعند صاحب البقاله الي في حارتهم تتصل من عنده لأمها ...

عفاف : فوق السياره 🚘 حق أيمن في طريقها لبيت علي إبسرت رقم غريب في تلفونها مكنت سامي يجاوب .

سامي : الووو من معي ..

ليلى : وهي بتبكي 😭 هاه سامي أين أنتوا أيحين عتروحوا أنا عند البيت قدلي خيرات مراعيه ...

سامي : افتجع عليها 😰 لما سمعها بتبكي .. ليلى مالش بتبكي مابه ليش روحتي ..

ليلى : شاقلك لما تروحوا ذلحين أيحين عتجوا بسرعه أنا فالشارع ..


سامي : أدخلي عند بيت الجيران وأنا شاجي لش ذلحين عنسير بيت خالتي أميره ..

عفاف : كانت بتسمعه وقد وشها مقلوب مفتجعه 😰 مالها اختك ليش تدخل بيت الجيران أينهي ...


سامي : هذه ليلى روحت بيتنا يعلم الله ماحصل قالت مره أبي طردتها من البيت ومراعيه لنا فالشارع قد قلتلها تدخل بيت الجيران أمد ماسير أديها لو سمحت وقف لي يا أيمن أسير أديها وألحقكم لبيت خالتي ..

أيمن :بيسمعهم وقد بيهم عادهو انتبه أن ليلى طلعت بنت عمته وقد بيهم رده فعلها.. لفت له .. يووه .. الله المستعان . ليش شاوقف لك عنسير نديها مع طريقنا ..

سامي : مع أسهل لاناخرهمش أنا شاسير وشلحق ..

أيمن : خلاص عننزل عمتي مع بابا يسبقوا هم وإحنا نسير نديها ونلحقهم ...


........ ....... .......


في بيت علي ..

أميره : بتحاكي ريم .. هيا مه إتصلتي لأخوتش يجو ..

ريم : أيووه هم في بيت جيراننا مخزنين قريب قالوا قدهم جيين بس ليش مابه خليتونا نرفع الديوان حتى الجيران الي بيسمرين عندنا خليناهن يدخلين داخل حين أخوتي عيجوا رجعين يروحين ..

أميره : أشرت بيدها مدري والله مالي علم أتصلت خالتش قالت أرفع الديوان وأتصل للعيال يجوا عتجي ذلحين هي وسامي ومعاها ناس ...

ريم : إستغربت 😳 ناااس مه .. يعلم الله مابه ... ودخلت غرفتها تتصل لأيمن 📱 كان يكنسل .. رسلت له شكلك مشغول .. بس مدري من عيجي عندنا يعلم الله مابه خالتي اتصلوا ويشتوا حتى أخوتي يجوا ..


أيمن : وهو بيسوق .. قري رسالتها وإبتسم 🙂 عقبال ما أجي أخطبش ...


سامي : جنبه فالكرسي ... خلاص وقف هانا وبياشر له بيده 👆🏻 هذك البيت حق الجيران الي فيه اختي .

أيمن : طيب حاضر ووقف له .


سامي : خلاص راعي . نزل دق لهم الباب 🚪 ودعى ليلى وخطي معاها للبيت حقهم دخل شنطتها ..

ليلى : شاراعي لكم هانا لما تروحوا مشتيش أجي معاكم بيت خالتي ..

سامي : ماشفلتش وحدش وبعدا تجي تعزي خالتي وريم عمي علي مات وتحكي لي فوق السياره ماحصل معش وبه خبر عادحنا درينا به اليوم عتتفاجاي من الخبر ..


ليلى : حطت يدها ع وشها 😱 يووه أيحين مات ماحصل.

سامي : ناهي مش وقت ذلحين ششرح لش كلشي واحنا فوق السياره 🚘 مابش وقت نشتي نلحقهم نبسر ماعيحصل وعيب أيمن مراعي لنا من أول فوق السياره نخطى .

ليلى : فتحت عيونها وبهررت 😳 أيييمن صاحبك مع خزا أطلع معه خليه يروح وعنستاجر تاكسي 🚖..

سامي : ضحك هههه 😂 ماعادهوش خزا ماذلحين اخطي اطلعي بس وأنتي عتفهمي كل شي ..

ليلى : فتحت باب السياره 🚘 حق وراء وطلعت وهي موطيه راسها بتهم أيمن بعد كل الي حصل بينهم طلعت سكته وجالسه بتقحص أظافيرها من تحت اللثمه ..

أيمن : بيسوق وفاعل نفسه مش مركز معاها أو في حسه ومن داخله مخنوق ..

سامي : لفت لها لاوراء .. أيووه ماحصل ذلحين كيف لش روحتي عندنا وليش مره ابوش طردتش اوذا قالوا قدش حريوه عتتزوجي ...


ليلى : استغربت 😳 من طريقه كلامه هكذا قدام أيمن دخلت يدها من وراء الكرسي حقه وبتهزره وقربت جنبه .. اوووص مالك من الخباله تتحاكى هكذا قباله..

سامي : لفت لأيمن وبيضحك ههه 😂 بتخزا منك راكنه انك صاحبي وبس ماقدهيش داريه بشي نقلها ولا نخليها ع عماها وجيزها من جيز الباقي ..

أيمن : لفت له وهز رآسه .. خليها مع الباقي ورجع يسوق سكته ..

ليلى : جالسه وراء بتتبرقط وتهز أرجلها تشتي تعرف مابه ..


🌹meme_abdalgaleel


@qesasanani

🎬
🎬
🎬


بارت 151


في بيت علي ..

أسامه : جالس فالديوان .. مستغرب .. وبيحاكي محمد تقل من الناس الي مع خالتي مابه ..

محمد : طارح يده فوق المدكى ومطنن 🤔 والله مديلك خبر بس انا بينقل هكذا بيني وبين نفسي لاقد سامي حكى لها القضيه وان ابوه وراه قتل أبي وعتقل تجي لعندنا سعم ومعاها واسطه نتنازل ع القضيه علاسب عيالها لايقلوش الناس عليهم أبوهم قاتل ..


أميره: كانت عتدخل للديوان لعندهم ..الباب مشقي سمعت من عند لاقد سامي حكى لها القضيه وقفت سكته وراء الباب 🚪 تسمعهم ...


أسامه : هز رآسه .. أممم يمكن صح بس لو تنازلنا إحنا معتقدش أيمن وأبوه عيتنازلوا عاد معاهم هم قضيه لاراسهم حق القتل صح إن أبي شريك والكل بس ماقدحناش داريين ببقيه التفاصيل الإ لما يشبحوا عمي توفيق ..


محمد : خفع رآسه .. اووه ذكرتني أنت داري أنه أتصلي الظابط حق القسم قال أمر له اليوم وليد سلمهم سيديهات وتسجيلات يشتي أتعرف الي فالفيديوهات أبي أو لا للتأكيد ويكملوا إجراءات التحقيق ..

أسامه : أنت داري ماذلحين خلاص قدوذا كملت أيام العزاء والكل وقد أمي أحسن وريم ضروري يكون عندهم علم بالموظوع وإن أبي مات مقتول والي قتله عمي توفيق ...


أميره : حطت يدها ع المغلقه حق الباب 🚪 وفتحته مصدوومه 😱 وحطت يدها ع صدرها وبتصيح ...توووفيق قتتتل أبوووكم ...


محمد وأسامه : تباسروا وافتجعوا عليها😰 حملوا بسرعه لعندها يمسكوها ويجلسوها ..


ريم وسماح : سمعين صياحها أفتجعين مالها وحملين لعندهم ..

أميره : جالسه قاعه الديوان وبتبكي 😭 وعيالها حولها .. وحاطه يدها ع راسها .. ليش قتله يعني أبوكم ماماتش بحادث ..

ريم : اتفاجأءت 😳 مااااهو أبي ماتوا مقتولين ..


أسامه : لفت لها .. أسكه أجلسين وأهدائين وإحنا عنفهمكن الموظوع كله .. وبداء يحكي لهن . تعرفين أيمن صاحب سامي الي هو وابوه موقفين معانا فالموت وبيشرح لهن ...


ريم : صاااحت 😱 وابسرت سمااح .. يعني بابا قتلوا جد أيمن وفعلوا هذا كله ..وقرحت بكاء 😭 وفي نفسها يعني خلاص استحاله أحد عيرضى من أهله بي وأنا قدنا فارحه وعندي أمل اتخارج من الشيبه هذا بس أيمن ليش ماقلي شي وعادهو رسلي يشتي يخطبني معقووله انه يشتي ينتقم لجده من البدايه ويخليني أحبه ويرجمني ..

سماح : فهمت إحساسها وقربت تحضنها وتهداءها . مالش اهدائي اذكري الله تمي اسمعيهم مابيقلوا اوذا بيقلوا مع يمكن مشهو القاتل انه عمي توفيق وهو بس كان يفجع الناس ويستلم زلط ..

ريم : ماعدهيش مستوعبه شي ولاعاد حسها مع أحد دموعها بتنزل بس 😭 فلتت وقامت خرجت من عندهم ..

الباب بيدقدق ✊🏻...

أسامه : لفت لأمه قووى خلاص اهداؤا يمكن قدهم خالتي والي معاها ادخلوا داخل أمد مفتح الباب 🚪 نبسر من معاهم وقام يفتح ..


عفاف : مسنبه وجنبها هاشم وفي يده سام ووراه سندس وناديه ..

أسامه : إبسر هاشم مع عفاف استغرب 😳 ومد يد يسلم عليه أهلا ياعم هاشم اتفضلوا ..

هاشم : إبسره بإبتسامه وهزره لحضنه بيسلم عليه قلي ياخال هاشم مش ياعم ..

عفاف : فتحت الباب سواء وبتحاكى ناديه وسندس هيا ادخلين حيا بكن ودخلت بتداعي ييييه يا اميره أين انتي جي كذا ودخلتهن الديوان ..

محمد : إبسر نسوان دخلين للديوان لعنده سنب ووطى وخزي ويشتي يخرج ..

عفاف : مسكته من يده .. ييه راعي مالك بتخزي أجلس مشهن غريبات راعي أوذا عيجوا الباقي . .


أسامه : مستغرب من طريقه هاشم وليش قله ياخال .. بيأشر بيده اتفضلوا ودخله..


أميره : سمعت عفاف بتداعي سارت تجاوب بدت من الديوان ابسرت قبالها رجال مع النسوان رجعت ع طول وغطت وشها ... ومن خارج هاه اختي جي كذا ..


عفاف : كانت جالسه داخل عادي جنب هاشم وفاتشه والعيال مستغربين منها 😳.. قامت سنبت ومدت يدها لهاشم جي معي ومسكته ..

هاشم : وقف ومسك يدها وبيخطى معاها..

محمد وأسامه تباسروا ..

محمد : سنب .. خاله يييه أين عتشلوه امي فالعده مايصلحش يحاكوا رجال غريب ..


عفاف : لفتت له وابتسمت 🙂 مشو غريب وخرجته لباب الديوان ..


ناديه : فارحه من قلبها 😁لزوجها انه اخيرا عيجتمع بخواته وأهله ..

سندس : بتتفرج مبتسمه 🙂 عاجبها الاكشن وسام بيشاغلها يشتي يقوم يبسر ..


أميره : أبسرت عفاف خرجت لعندها بتصيح فووقها 😡 ماهو هذا يامجنونه كيف تدعيني وبه رجال ..

هاشم : خرج من الباب 🚪 وقاطعها ... مشنا غريب يا أختي أنا هاشم أخوش أخيرا لقيتكن بعد كل هذه السنين ..

عفاف : أبسرت أميره وابتسمت 🙂 وهزت رآسها ... أيووه هاشم يا اميره طلع بيدورنا واحنا كنا ظالمين له ...

هاشم : مد لها ايديه ماتشتيش تسلمي ع أخوش ..

أميره : قربت بتسلم عليه وتحضنه وتبكي 😭 ..


أسامه ومحمد : واقفين عند الباب بيتفرجوا مبلودين .. كيف يعني ماهو اخو من ..

هاشم : سنب فالوسط وحط يده ع اكتاف خواته واحده فاليمين وواحده فالشمال ودخل معاهن للديوان وجلسوا ...

محمد : بيتفرج امه .. كيف خالي يا أمه منين معاكم أخ ..

هاشم: هذه قصة طويلة يا عيالي عنرجع نحكيها لكم ذلحين خلينا نعرفكم ونعرف امك ع مرتي وعيالي هذه ساميه مرتي وهذه بنتي سندس وهذا الدبجي ابني سام وطبعا أيمن تعرفوه ...


أميره : بتسلم عليهن وتحضن سندس وتتحيلى لها ولسام وتبكي 😭.

عفاف : سامحنا يا اخي بسبب كرهنا لك ان ابي تزوج ع امي خسرنا اخ وسند وظهر وتزوجنا ومالقينا من ينصفنا من ازواجنا لأن مابش معانا رجال وأخوالنا يله يخلصوا من حملنا زوجونا ولاعاد سألوا علينا بعد ماماتت أمي ..


هاشم : مسك راسها وحبه 😘 وذلحين انا اخوكن وسندكن وظهركن ..


أميره : الله يعوضنا بك يارب ..

محمد : إبسر هاشم .. يعني ماهو طلعتوا ذلحين خالنا معنى هذا ان عمي توفيق وأبي قتلوا جدي ..


هاشم : أيووه يا ابني جدك أبو امك بس ليش فعلوا هكذا وماهي أسبابهم وماحصل ماقد دريناش بشي ان شاء الله كله عيبان لو مسكوا توفيق مدام قد ابوك مات ...


أميره : ابسرت هاشم وأيمن اينهو اشتي اتعرف عليه ليش مايجي معاكم ..

عفاف : سار مع سامي يدوا ليلى وعيجوا ..

اميره : فتحت عيونها 🙄 ليلى عترجع ..

عفاف : اوذا عتجي ونعرف مالها وبتحكي لها ماحصل فوق السياره ..


سندس : طبعا قدهي عارفه منهي ريم بعد ماحكى لها أيمن واليوم دريت انها بنت عمتها ... لفتت لأميره .. ياعمه معاكم بنت صح ليش ماتدخل نتعرف عليها ...


أميره : يوووه لهينا ونسينا ريم قوم قوم ادعيها ياأسامه هي فالغرفه هي وسماح ولا قومي انتي لعندها وادعيها يابنتي ..


عفاف : أوذا شاقوم أنا لعندها ادعيها وافهمها مش تدخل مسكينه تنصدم ...



🌹meme_abdalgaleel



@qesasanani

🎬
🎬
🎬


بارت 152



باب البيت بيدقدق ✊🏻..

أيمن : فارح مبتسم وقلبه بيدق بسرعه 😍 اليوم أكيد عيبسر ريم لأنها خلاص بنت خاله واخيرا عيعرف شكلها ..

ليلى : واقفه جنب سامي ومستغربه ليش أيمن نزل معاهم عيدخل ...


سامي : لفت لأيمن 👀 تقل ماكانت رده فعل خالتي أميره والله ان شكل الأكشن كله فاتنا ..


أيمن : ضحك وغمز له 😉 عاد الأكشن الي ع أصوله عيبدا حين ادخل ويعرفوني ..

سامي : مافهمش قصده .. بياشر له بعيونه 😌 ماهو ...


عفاف : ع خطيتها تدعي ريم وتحاكيها سمعت الباب 🚪خطيت تفتحه لهم ... فتحته وهي ماسكه الباب .. هاه جيتوا وابسرت ليلى قدامها حضنتها وبتسلم عليها ونزلت دموعها 😭 مالش يابنتي ماحصل ليش طردتش مره أبوش ..

سامي : سحبها .. ناهي يله ادخلوا وعتتجابروا داخل وتحكي لكم ماحصل .. وين خالتي والباقي قد دريوا ..

عفاف : وهي حاضنه ليلى .. أيووه قدهم فالديوان ادخلوا وانا شخطى ادعي ريم تدخل تسلم ع خالها ماقدهيش داريه ..


أيمن : ركز 🤔 أممم يعني ريم ماقد دخلتش ولا دريت ابتسم شاجننها شويه .. ولفت لسامي . ياسامي لحضه نسيت حاجه فوق السياره شخرج بسرعه .. خرج وبيتصل لريم ..


ريم : كانت في غرفتها هي وسماح بتبكي 😭 بعد مادريت ان توفيق قتل أبوها وقتلوا جد أيمن .. إبسرت تلفونها بيرن إسمه مادريت ماتفعل ..


أيمن : أبسر انها مابتجاوبش قال يجننها شويه رسل لها ( ريم ليش مابتجاوبيش أنا باب بيتكم اخرجي الان اشتي أكلمش ولا شدخل أنا لعندش ...


ريم : قريتها واستغربت منه 😳 مش اسلوبه ولا هذه طريقه كلامه يعني ممكن صدق انه حبها بس ينتقم لموت جده ويرجمها ... بتوري سماح .. سماح ابسري ماهو هذا مفعل ...


سماح : قريتها حطت يدها ع وشها 😱 يوووه ماهو هذا الجنان ماله هذا ..

عفاف : دقت الباب عليهن ودخلت وليلى معاها .. 🙂فارحه يابنات ليلى رجعت ..


ريم : ابسرتها ونزلت راسها مقهوره منها كيف انتي ..

ليلى : قربت تسلم عليها .. كيف انتي وعظم الله أجرش عادنا دريت بالموت الله يصبرش ويعصم قلبش مع انه المفروض انش فارحه ..


سماح : ابسرتها من طرف عيونها 😏 محد يفرح لموت أبوه حتى لو كيف ماكان .. واصتوت صلا عفاف .. من جاء معاكم ياخاله مابه قالوا عيجوا معاكم ناس يجو العيال ...


عفاف : أيووه اوذا جيت علاسب احاكيكن واقلكن منهم وعيس انه ليلى جت والكل قدهو الكل يدرى .. الي جاء معي أخي ومرته وعياله داريه عتستغربين لكن وبداءت تحكي لهن ...


ريم : تلفونها بيرن 📱 وتكنسل وحسها عند التلفون ماعدهيش داريه مابتقل خالتها لان ايمن رسل لها ( 3 دقايق اذا ماخرجتيش شادخل أنا ودق جرس الباب مره واحده ورسلها هذه بس علشان تتأكدي اني شدخل) .. سنبت بسرعه و حملت سحبت طرحه من فوق الشماعه حقها وبتلبسها وهي بتخرج من الغرفه وقلبها بيدق ❤...


عفاف : بتصيح ييييه مالش نبعتي هكذا اين عتسيري بتسمعي مابينقلش ...


سماح : حست انها عتخرج تبسر أيمن غالطت .. هاه خاله مابلا هي اليوم تاعبه شويه وبترجع من الصبح شكلها حملت الحمام بس شلت معاها طرحه عتقل لابه رجال ...


عفاف : هآه كان يله لما تجي وأنا شدخلها هي وليلى يسلمين ع خالهن ...


سماح : اوذا شخطي ابسرها لاتتعب وخطيت تلحقها ..

ليلى : مطننه في وش أمها 🤔 وليش ماقد حكيتوا لنا من خالي هذا ..

عفاف : تنهدت 😔 ذلحين مش وقت خالش ماحصل معش ..

ليلى : بكيت 😭 وحطت رآسها في حضن أمها .. سامحوني ياماما وبتحكي لها ...



......... ........ .......


داخل في الديوان ...


هاشم : جالس جنب أخته وبيتجابر معاها وع كل حياتهم الي قد مضت وماقد حصل فيها ..


محمد : عاجبه سام وبيتجابر معه ...

أسامه : لفت لخاله .. ذلحين ياخال كيف عنفعل أنا الصدق قد شجنن وقلبي بياكلني ان عمي توفيق هاربي معقوله المجرم يجلس حر هكذا ...


هاشم : أن شاء الله عيشبحوه قالوا قد بلغوا سفارتنا في مصر وع الله إطمن ان شاء الله مهما هرب المجرم لابد مايجي له يوم ذلحين جابروني أنتوا مابتفعلوا مابتشتغلوا كيف حياتكم جابروني من مشاكلكم ماشقدر افعل لكم اشتي اعوضكم واعوض خواتي كل السنين الي فاتت ..


أسامه : بيجابره ويتحاكوا ع حياتهم ومابيفعلوا وانه خاطب وريم مخطوبه الخ ...


سندس : طبعا جالسه قدهي متضايقه حاسه نفسها غريبه وكل شويه تجابر امها بصوت واطي ليش مادخلتش ريم ع الاقل به بنت شاجابرها بدل الشباب هذولاء ...


سامي : بيحاول يسايرهم فالكلام بس لا اراديا عيونه كل شويه تلفت لسندس 👀 ..



......... ......... ........

عند باب 🚪 الحوش ..

ريم : خرجت وبتتصل📱 لأيمن من الحوش وبصوت واطي معصب😡 مااهو مالك ماتشتي ماهو هذا الجنان ماتشتي ..

أيمن : ماسك فمه وبيضحك 😂 إشتي ادخل بيتكم أنا حر أدخل أقلهم زوجوني بنتكم أنا بينحب ريم ...

ريم : بتصيح 😡 أييمن بطل خباله بغير جنان قدنا فالحوش خرجت يله رحلك ..


أيمن : بيبسرها قد عتجنن وقد عيطفح ضحك 😂 خلاص تشتي اروح افتحي

الباب ابسرش واحاكيش.


سماح: خطيت‍♀ لعندها ..ووقفت مابه..

ريم : قدهي مفتجعه 😰 غطت السماعه بيدها . قال افتح الباب يبسرني ويحاكيني ولا عيدخل ..


سماح : صيحت 😡 ماهو ماله هذا مجنون اخطي انتي ادخلي تبسري خالش عيقلوا اين جيتي انا قلت انش فالحمام وانا شتصرف محد عيركز عليا وشلت التلفون من يدها ...


ريم : دخلت وقدهي بتنتفض ويدها بترتعش مفتجعه من أيمن وماله فعل هكذا 😰....


أسامه : قام بيدورهن يدخلين مالهن تأخرين ابسرها ع رجعتها .. أين كنتي هيا عيب ادخلين خالي مراعيين ..


ريم : حسها مش عنده .. خال مه .. هاه تمام ادخل وشاجي مع خالتي عفاف وخطيت لعندها تدعيها ...


أسامه : حرك يده باستغراب .. مالها هذه مربوشه الصدق ماعندها حجه كل يوم ومعاها حاجه جديده قد عيرتبش الي مايرتبش الله يعيننا كلنا ..


🌹meme_abdalgaleel


@qesasanani

🎬
🎬
🎬

بارت 153


خارج فالحوش ..

سماح : فتحت الباب 🚪 ومخبايه قفاه .. وبصوت واطي معصب 😡 ماهووو ماتتشتي ..

أيمن : مغطى فمه وبيضحك 🙊 أشتي أدخل اقلهم اني بينحبش واشتي اخطبش ودهف الباب بيده ودخل ولاحتى لفت لها بيحانكها ...


سماح : قفا الباب 🚪 نزلت بطونها 😰 عجمت ماعاد قدرت تفتح فمها بكلمه وتجمدت مكانها لاقدرت تخرج عيبسرها ولا قدرت تلحقه تمسكه ماعيدخل يفعل ...


عفاف : مسكت ريم وليلى في يدها ودخلتهن بيسلمين ع خالهن وناديه وسندس ..


سندس : أول مادخلين فرحت وسنبت 🙂 منهي ريم ..

ريم : مشي حاسه بشي عقلها وفكرها خارج ماحصل مع سماح وريم ... ردت عليها انا ..

ليلى : بضبح 😤 وتجابر نفسها .. عادها ماقد قالتش بسم الله اول يوم نعرفها وقدهي طريق ريم ..


هاشم : أبسر ريم وأبتسم 🙂 وبيحاكى نفسه والله وطلعت خطير يا أيمن عرفت تختار .. وقام بيسلم عليهن الثنتين ..


سندس : بعد ماكملين يسلمين قامت وجلست جنب ريم وبتجابرها ...


أميره : ابسرت لناديه يوووه هيا بتبسري ع قد نسوه التهينا بالمجابره ولا حتى سكبنا لكم شي تشربوه 🍹...


محمد : ماعاد يشربوا هذه الساع مابلا قدهن يقومين يقربين لنا عشاء ..


ريم : فرصه وجت لها من ذهب لانها جالسه ومتوتره 😰 نبعت ع طول .. اوذا شاقوم انا وخرجت بسرعه تشتي تبسر سماح مافعلت خرجت ع طول وطريق الحوش .


أيمن : ع دخلته من الحوش مسنب عند باب البيت عادهو يشتي يداعي يدخل ..

ريم : إبسرته قدامها حست قلبها وقف ❤ وبدون تركيز بتدهفه بيدها ... اخرررج بسرررعه قوووى عيبسررروك ..


أيمن : عرفها من صوتها وعيونها 👁 بيبسرها ومبتسم 🙂 يوووه محلاااش أجمل من ماكنت متوقع بخيرات ...


ريم : خلاص باقي لها لحضه ويوقف قلبها 😰 ماعادهيش قادره تمسك نفسها نزلت دموعها اخرج قووى هم هانا ...


أيمن : حس انها خلاص منتهيه رحمها ... طيييب تمام وقفى سعم عيخرج ..

ريم : غلقت باب🚪 البيت بسرعه وتنهدت وجلست مرتزحه قفاه وسمعت صوت سامي كان فالصاله خطيت بسرعه للمطبخ تسكب لهم عصير وقد ركبها بترتعش ...



سامي : استغرب ماله أيمن ماعد دخلش سار يبسره لقيه فالحوش . بيصيح له هيييا أين أنت مازد دخلت قد خرجت ابسرك ..

أيمن : قحص أسنانه 😬 وحك رآسه وارتبش 😅 هآه جت لي مكالمه قدنا كنت داخلي اوذا بتبسرني يله هيا وبيخطى معه وهو بيضحك ع ريم وراحم لها ...


سماح : جالسه قفاء الباب 🚪 قد عتموت ابسرته خطي مع سامي مادريت ماتفعل حملت بسرعه وسارت من الباب الثاني الي من وراء بتدقدقه تدخل ..


ريم : بتسكب العصير 🍹 ومش حاسه بنفسها من الخوف سمعت الباب حملت تبسره افتجعت لاقدهو ايمن ابسر باب ثاني ورجع ..


سماح : ابسرتها .. وهي مهدومه يوووه ياريم ايمن فلتني ودخل وانا مقدرتش امسكه و...

أميره : قاطعتهن ... بتصيخ 😠 يوووه وانتين هانا بتتجابرين وما اسكبتيش العصير ياريم ..


ريم : بربشه ... هاه هاه الا الا قد سكبته اوذا شديه الان ادخلوا وحملت بسرعه للمطبخ تدخله 🍹🍹...



....... ........ ........


في الديوان ...


سامي : ماسك أيمن .. هيا ادخل عادهو عيخزا تسلم ع عمتك ...


أيمن : دخل وهو موطي راسه مساء الخير وبيسلم ع العيال .. ويبتسم ابسرتوا الصدف ...


ليلى : بلمت ..😳 ولفتت لسندس هذا اخوش الي بتقلوا لسامي يقوم يبسره ...


سندس : هزت راسها .. أيوه استغربتي صح انه طلع صاحب أخوش ...


ليلى : حست نفسها ثلجت وتنهدت ... يعني أيمن ابن خالي وماعاد قدرت ترفع راسها ..


أيمن : سلم ع اميره ومد يده لعند ليلى يسلم مشهو داري انهي هي اول مره يبسرها فاتشه..

عفاف : هيا هذه بنتي ليلى يا أيمن الي سيرتوا تدوها ...


ليلى : مدت يدها تسلم وهي موطيه راسها ولاقدرت ترفع عينها لعنده ..


أيمن : فعل نفسه عادي .. سلم وخطي جلس جنب أبوه ...



ريم : داخليه وفي يدها العصير 🍹🍹 ماسكه له بيدها تشتي تدخله . أبسرت أيمن قدامها جالس لا اراديا حست بالفجيعه ونكع الصحن من يدها ...


أسامه : حمل يمسكها ... ماالش ...


أميره : حملت بتحط فاين .. إسهل إسهل ابتهن ...


سندس : لفتت لأيمن وابتسمت وغمزت له 😉..


أيمن : بهرر فوقها🙄 وقام يشل علبه الفاين وبيبعد عمته .. اجلسوا بس ياعمه اوذا شمسحه أنا ووطى بيمسحه ورفع عيونه لعند ريم وابتسم 🙂..


ريم : واقفه ساع الصنم مبلوده عجمت 🙊ولاعاد حركه ...

هاشم : ضحك بقوه 😂 لانه فهم ماحصل هههههه. هذا ابني ياريم أيمن ابن خالش ...


محمد : بيضحك هههه هيا مال اختي اليوم عيقلوا مشنتي مشحوطه بعدا ..


سامي : تأكد انه ريم بتحب أيمن لانه حس ربشتها غير طبيعيه اول ما ابسرته انه هو استاذها حق المعهد بس سكت ودعمم ...


ريم : تشتي تتهرب . اوذا شاسير ابدل قد توسخت وخرجت .🚶🏻‍♀..وحمله حمله طريق سماح تحكي لها ..


أيمن : خرج تلفونه وبيرسل لها ( لهذه الدرجه شكلي يخوف لما نكعتي العصير بس الصدق تجنني يابنت عمتي طلعتي قمر فوق ماكنت متخيل ربي

يخليش لي ويجعلش من نصيبي ذلحين اقدر اوقف ضد خطيبش وامنعه يتزوجش وانا مش خايف من أحد .. وأنا آسف ع الموقف الي فعلته انا كنت متعمد احانكش شويه وابسر رده فعلش لما تعرفي اني ابن خالش .. احبببك )..



ريم : بتحكي لسماح ماحصل وبتقراء رسالته وقدهي خازيه قووي ماعدهيش داريه كيف عتفعل حاسه الكل فهم انها بتحبه وتعرفه ..


هاشم : بعد ماحس بجو التوتر الي حصل مع ريم .. حب انه يغير الجو ويخرجهم كلهم وشل خواته والعيال وخرجوا كلهم يتعشوا خارج وطبعا ريم ولاعاد قدرت ترفع عينها جهه أيمن وبتحاول تتجنب نظراته ..وأيمن بيحاول قدر الأمكان مايبين شي بس عيونه بتفضحه من كثر مابتلاحقها ....أما ليلى فكانت حاسه نفسها انها شخص منبوذ بعد كل الي فعلته مع امها واخوها وايمن رغم ان محد تكلم معاها بشي ...




🌹meme_abdalgaleel



@qesasanani

🎬
🎬
🎬

بارت 154


بعد 5 شهووور ...


في بيت هاشم ....

سندس : بتقيم أيمن وتفتح البردات .. هيييا عررريس ماقد شبعتش نووم😴 ..


أيمن : بيتمطط .. امممم والله اننا منعس صددق وملاني نوم 😴 بعد السمره حق أمس والجنان لكن الصدق محلى عاداتنا ومحلى البرع والمزمار ..


سندس : تصدق بقدر مانا كنت ضابحه من جيتي اليمن بقدر ماحبيت عاداتنا وثقافتنا حاليه ...بس به حاجات خيرات ناقصه لنا ضروري نعدلها واولها ان شعبنا يهتم بمظهره ونظافته ونظافه بلاده وعلمه ويتخلص من بعض العادات الي متمسكين فيها مثل زواج القاصرات والبنات يبطلين دراسه وانه محد مأمن عندهم بالحب بيعتبروه غلط وانه لوحبت البنت خلاص جريمه او الولد ..


أيمن : وانا معش بس في حدود الصح عندش سهيل كم استغل البنات بإسم الحب وعندش أنا وريم ...

سندس : بعدت البطانيه من فوقه وابتسمت 🙂 تصدق لو احد احكي له قصتك مع ريم ماعيصدقش كيف تعرفتوا وتفرقتوا وتطلع بنت عمتك وترجعوا كلكم توقفوا ضد زوجها وتخلوه يطلقها وترجعوا له زلطه واليوم عرسكم ...


أيمن : ضحك😂 وخفعها بالوساده ناهي ناهي ما انتي ماقد فعلتي شي ناضلتي تشتي ترجعي تكملي دراستش في المانيا وفعلتي الف قصه وفالاخير رضيوا بابا واقنعتيهم ترجعوا ..


سندس : أيوووه ياحساد عنرجع انا وياهم واكمل دراستي انت خلاص ماعد تشتي قدوذا عتتزوج بالي حبيتها وعتعيش مثل ماتمنيت في بيت جدي وعتمسك شغل بابا هانا ...


أيمن : ضحك وبيحانكها 😜 بس حتى لو سافرتي مصيرش عترجعي ولا نسيتي انش بعد ماتكملي دراستش عترجعي وتتزوجي بسامي يعني مهما هربتي عترجعي لليمن ..


سندس : ضحكت وخزيت منه ☺ ناهي يله شرق عليك قوم اتحمم ورانا الف حاجه وحاجه عرس ..



........ ......... ........


في بيت علي ...

ريم : بتتفرج بيتهم وابسرت امها زاعله انها عتفارقها وتتزوج قربت لعندها ... ليش الزعل والدموع هذه 😢 هيا مه انتوا تشتوا سعادتي ...


أميره : حبتها في راسها 😘 الله يسعدش يابنتي ويفرحش طول عمرش بس اقتهرت لوشي ان أبوش جنبش ظلمكم في حياته وظلم نفسه بالي فعله ...


عفاف : الله يرحمه ياختي ادعيله ان ربي يغفر له بس ماعاد تجوز ع الميت الا الرحمه وبعدا الله اخبر بحسابه ما استفاد جمع له زلط وبخل ع جهاله وتستر ع توفيق في قتل ابي وسرقته لزلطه💵 وحقه وفي الاخير رجع قتله ..


أميره : وتوفيق قدوذا شل جزاه وحبسوه مؤبد لوشي انهم عيحكموا عليه بالإعدام بس هاشم الله يطول في عمره ويجبرنا براسه تنازل ع حق الدم في أبي علاسب عيالش ..


عفاف : يووه ربي يحفظه صدق ابسرتي كيف ماعاد رضيش يخليني اجلس في بيوت الايجار وادالي شقه فالعماير حقه الي بيعمروا ...

ريم : انتوا اتجابروا انا شدخل اكمل اتجهز شرق ..

سماح : ذلحين مارائيكم عنجلس نتجابر ونفلت العرس هيا نقوم شرق ورانا كوافير وعرس وقاعه ..


عفاف : ابسرت سماح .. قوى يابنتي ابسري ليلى لاهي عترضى تجي معاكن الكوافير مدري مالها من حين رجعت بينحسها مكسوره ..


سماح : في نفسها .. تستاهل هذه جزاه افعالها ... ابسرتها طيب حاضر شابسرها ...


........ ........ ........


في بيت الحج أحمد ...

سمر : بتلبس عيسيرين العرس .. ابسرت سهى بتبدل وتتصلح وقد بطنها كبيره . قربت جنبها .. سهى ..ممكن اسالش سؤال مشنتي زاعله ان اليوم عرس أيمن ...

سهى : وهي بتصلح شعرها .. ضحكت هههه 😂 مجنونه عادش ذاكره .. والله ماعد في حسي واني بينتمنا له كل خير وربي يسعده مثل ما انا سعيده مع امين ...


ساميه : دخلت لعندهن .. هيا يابناتي شرق علينا نخطى نعاون عمتكن ونخطى القاعه معاها ..


سمر : هيييا الان جاهزات عقبال ماقدهو عرسي وضحكت😂 ...


ساميه : تنهدت .. ان شاء الله يارب وقدهو عرسش وعرس اخوش ويرجعه بالسلامه..

سمر : اقتهرت عليها 😔 هيا ياماما لكن بتدوروا زعل اليوم وهو عرس خلاص هو اختار طريقه خلوه كما جلس عيدكم راسه ويعقل ...


ساميه : الله كريم .. يله هيا شرق علينا ..


...... ....... ........

العشي 🌚...


في بيت جدي ..

أيمن : ماسك يد ريم👫 وبيوريها البيت هيا دريتي ليش مارضيتش اخليش تبسري البيت مع الباقيين كلهم لانه كنت اشتي اول دخله لش فيه تكون مرتي ..وبياشر لها👇🏻 ابسري كنت احاكيش من هذه البقعه ولما تزاعلنا كنت اجلس هانا ..

ريم : ضحكت بخزا ههه ☺ وكنت تفعل ساع الافلام وتجلس مطنن والتلفون في يدك ..

أيمن : مسكها من خدها وقبصها ☺ بيتحيلا لها بتضحكي عليا ياشوعه ...

ريم : ضحكت 😊 لو انا شوعه ماحبيتني ولا قدنا مرتك ..


أيمن : مسك يدها وابتسم حبيتش 😍وشجلس احبش طول عمري وأعوضش ع كل شي حصل معش في حياتش وع كل لحضه زعل وحزن ..

ريم : تسلم لي وربي يعوضني معك ولايحرمني معك ..


أيمن : ويخليش لي يا أحلى وأصدق حب😍 عشته في حياتي وحبها في راسها 😘...



عمر الحب ❤ الصادق الي يبداء صح مايضيع وكل ظالم لابد ما يجي له يووم وربي ياخذ بحق كل مظلوم منه ومهما تكبرت ع الناس

وخدعت وخنت يجي لك يوم..

في الأخير أتمنى أن القصه عجبتكم وسامحوني ع أي تقصير حصل معي اكيد كانت بسبب ظروف خارجه عني وتسلموا لي ع صبركم وتعاونكم ...


🌹meme_abdalgaleel

🌹النهااااااااااايه 🌹


#النهاية
@qesasanani

الحَمْدُ لله

🌸
أهلا بكم متابعي قناة

📚 قصص صنعاني 📚


القناة الأولى والحصرية لعرض أعمال

الكاتبة المبدعة والمتألقة😍

🌹 ميمي عبدالجليل 🌹

نود نبلغكم انه سيتم عرض

الرواية الخا5سة

هنا كعرض اول وحصري انشروا الرابط

التالي
https://t.me/joinchat/AAAAAERja9LRzSkmuZYIRw

لكل من يحب الروايات والقصص


ودمتم🌸

انتظرونا😍
قررريبا على قناتكم 🌹
@qesasanani

📖 رغم أحلامنا من الصغر
رغم أننا عشنا معآ

رغم أننا أقسمنا أن لن يقرقنا القدر
رغم كل ماكان بيننا

الإ أن نصيبنا لم يكن لدينا منه مفر ....


هذه العبارات شملت محتوى قصتنا فالقدر لابد منه ولكن هذه المره ليس بأيدينا ولكن المجتمع وإختلاف الطبقات هو من كان السبب ولكن هل سيستسلم أبطال قصتنا رهف ومحمد للقدر أم أنهم سيواجهوا المجتمع ...

توقعاتكم ؟؟؟؟؟

👤 انتِ كاتبة مبدعة وكل رواياتك مميزة بالتوفيق ومنتظرين للرواية بفارغ الصبر

👤 اكيد قصة روعه وتجنننن. منتظر بفارغ الصبر تبدأ

👤 منتظرين لابداعتك واكيييد عتكون. روايه حلوووه مثل روايتك السابقه

👤 متحمسين للروايه ياريت تكون حلوه مثل الروايات الاوله ❤️😍

👤 متى بتنزلوها

👤 حبكات رواياتك متقنه لذلك من الصعب الجزم بالنهايات دائما تفاجئينا بإبداعاتك بالتوفيق💐

👤 صار لرواياتك شغف ولهفه شديدة ساحرة ورواياتك ساحرة مثلك ايضاً Thank you so much منتظرين القادم💓💓💓💞💞

👤 الرواية باينة من بدايتها حاليه..💜 بس ياريت ماتكثروا البارتات 🙈❤️ Good like .. 🌸

👤 تبادل

👤 مبدعةه دائماً و منتظرين بفاااارغ الصبر ..❤️

👤 ماوصلت الرسالة ليش

👤 6

👤 لآ مـآفي قصـة يسـتسـلمـوآ آلآبطـآل فيهآ للقدر لگن في آلوآقع بيسـتسـلمـوآ ونص 👌😪

👤 قللي البارات عشان المتابع مايمل با الكثير 15

👤 لو سمحتو ليش ماعاد تنزلو قصة وجع السنين

👤 كتابه رووووعه واتمنى تسرعي في قصه رهف ومحمد

👤 سلااام

👤 حبيت قصه وجع السنين كوير وراح يوجهوان المجتمع وراح يكونو البعض

👤 فِّيِّ مَأّجِد😍ِ أّوِ رهِفِّ 😞

👤 لو سمحتي كوني نزلي بارتات كثيره خلاص ماعد نقدر نصبر والله متوترين

👤 عن جد اجمل رواية قرئتها وبترجاك ترسلي لي الرابط حق القصه بالكامل لانه مابتوصل بقية القصه إلا وقد خرجت نفسي وانا منتظر

👥 21 people have voted so far

شاركوا متابعينا بآرائكم ولن تظهر اسماؤكم

@qesasanani

وجع السنين💔

بارت ١

@qesasanani

عائله حسين :

 رهف : 17 سنه طالبه ثانويه عامه عيونها👁 وساع عسلي مايل للخضار ..رموشها كثيفه وطويله .. شعرها بني فاتح مايل للأشقر طويل لخصرها وكثيف.. بشرتها بيضاء صافيه طويله وجسمها متوسط  معاها غمازات شفايفها 👄وخدودها وردي .. اسنانها صف لولي .. تحب تهتم بنفسها وجمالها .. ناعمه ورقيقه .. حساسه وزعوله بس ترضى بسرعه واي كلمه حلوه تاثر فيها  ..
أكثر شي تحبه  في دنيتها محمد وأخوها ريان والورد🌹 واللون الاحمر ..

هيفاء : أم رهف حنونه وطيبه وعمرها 48 سنه وتحب جيرانها وكأنهم أسره واحده وخدومه ...

حسين : أبو رهف عمره 54 سنه محترم ويحب يساعد الناس عنده مرض القلب 😔 موظف مدير إداره  حالته الماديه  مرتاحه  ويحب رهف أخر العنقود لأنه جت له بعد ١٢ سنه زواج ...

ماجد : أخو رهف الكبير عمره 27 سنه .. جدي وعصبي يحب يفرض كلمته ونفسه ع الكل متزوج ومعه طفلين فارس 5 سنوات وفراس 3 سنوات ..

ريان :  أخو رهف الأوسط أكبر منها بسنتين 19  سنه  وسيم عيونه 👁 عسلي نفس شكل عيون رهف وشعره بني مقرب جدا من رهف وبير أسرارها سنه أولى هندسه نفط ..

@qesasanani

رنا : زوجه ماجد 25 سنه متوسطه الجمال أبو وجهين الي في قلبها عكس الي في لسانها👅 وتحب تتودد للناس وتجامل بتغير من رهف .

عائله أحمد👨🏼 :


احمد :  رجل غني ومن أسره عريقه لها أصول معروفه  كلمته مسموعه في الحاره  متزوج ب ثنتين عمره 58 سنه ..


الزوجه الاولى : ناديه  لسانها طويله 👅 وشايفه نفسها انها بنت فلان والناس عندها مقامات معاها ثلاث بنات متزوجات ( هناء ، بلقيس ، امل) تزوج عليها لأنها ماجابت له ولد ..

الزوجه الثانيه: غاده  معاها ولدين وبنت  علاقتها قوويه مع جيرانها وأم رهف بعكس طبينتها ..


 محمد🧑🏻:  بطل قصتنا  شخصيته قويه وله هيبه برغم طيبه قلبه يكره العنصريه اللي في إسرته متواضع رغم غناء وفلوس أبوه  وسيم وجذاب شعره أسود كثيف مع شنب ودقنه خفيفه سوداء وحبه خال في خده  عيونه 👁 سود وسيعه ورموشه طويله وكثيفه وجسمه رياضي  .. سنه ثانيه هندسه نفط عمره 21 سنه ..


مهند : أخو محمد مغرور وشايف نفسه بأهله وسيم ودلوع أبوه  مايرفض له طلب رغم إن محمد الكبير  سنه اولى تجاره وعمره 19 سنه..

سلا:  دلوعه اخوها محمد مقربه منه بقوه تدرس مع رهف في نفس الفصل وصديقتها من الطفوله  هادئه وكتومه شعرها قصير كاري اسود👩🏻 عيونها وسط سود  وبشرتها بيضااء وطولها متوسط وجسمها ممتلئ ومعاها خدود يجننو 😊.
عمرها 17 سنه..



🌹meme_abdalgaleel


@qesasanani

بارت 2
@qesasanani

في بيت 🏡حسين :


هيفاء : في المطبخ بتجهز الغداء 🍱 .. سمعت جرس الباب بيدق .. بتداعي ... يارررنا قووى يابنتي إفتحي الباب اظاهر إن قدهي رهف جت من المدرسه قدهو وقتها ..

رنا : في الصاله بتبدل لفراس عاده كمل يلعب بالماء .. طييب حااضر ياعمه من عيوني اوذا شااقوم خطيت تفتح الباب 🚪 وهي بتحطم داخلها قدوذا جت الهانم الدلووعه ..


رهف : مسنبه عند باب بيتهم مراعيه يفتحوا سمعت صوت من وراها نكزت😨 ...

محمد : بإبتسامه 🙂 بخ كيف القمر حقي ليحين عتجلسي تعاندي هكذا وماتتلثميش بينغييير كيف أفهمش .


رهف : ضحكت ووطت راسها ☺ وبددلع بسسس بطل يامحمد أمانه الدحس حقك مااعه ماشتلثمش وبعدا يله روح لو أحد يبسرك ..


محمد : رفع حواجبه 🤨 أروووح هاااه طييب وقلد انه عيخطى يرحله ..


رهف : رحمته .. ولفت راسها لعنده .. خلاص بس أمانه هيا ادخل اتغداء🍱 عندنا ..


محمد : مع مش اليوم يوم الجمعه علشان تطبخي لي انتي ذلحين شاروح اتغداء وأرقد شويه قدنا تاعب من الجامعه ومد يده فيهن ملازم وورق 📑 هذولاء مكني ريان اديتهن له بدل مايشتري حقي حق السنه الأوله ..


رهف : مدت يدها شلتهن 📑 تمام ولما تقوم اتصلي ..


محمد :بغمزه 😉 ليش عتفقديني ..


رهف : وطت راسها وضحكت ☺ يله باي شدخل فتحت الباب🚪 ودخلت ..


رنا : أبسرتها ع دخلتها .. يوه مالش ماقد دخلتيش لاذلحين قد نسيت أيحين فتحت لش ..


رهف : إرتبكت 😅 هااه أصلا لقيت محمد فالباب مكني هذه الملازم لريان ..

هيفاء : ع خرجتها من المطبخ .. سمعتهن 👂🏻 بنظره حاده 😠
هيييا مه ياارهف قلنا ماعدنشتيش مجابره مع محمد خلااص قدش مره ماذلحين ماعاديسبرش هذك كان زمان تلعبوا وتتجابروا عادنتوا كنتوا جهال ..

@qesasanani

رهف : بحركه أسنانها المعتاده تضغط عليهن وتبتسم 😬 ياماما هييا ناهي لكم احنا اخووه وبعدا سلا بتحاكي ريان وماجد عادي مايقع انتوا بس بتعقدوها ..

رنا : سنبت جنب عمتها .. هيا اومه ياعمه إنه مايسبرش والله اننا صيحت فوقها هي وسلا اليوم الأول ولا بيعقلين ..

هيفاء : ناهي يله شررق هاه اخطى بدلي قد عيجي ابوش واخوش نخطى نتغداء 🍱 ولا معش واجبات انجزي حليهن اليوم مرت عمش خالد معاها جلسه نشتي نخطي بحين ..


رهف : تكره بيت عمها خالد لأن يوسف ابن عمها بيجلس يزعجها رسايل واتصالات ويوسط أخته سميه يشتي يتقدم لها ....حطت يدها ع وشها 😱 يووه معي اختبار غطوه ماشقدرش أجي عنذاكر أنا وسلا عتجي عندي ولا شاسير عندها ..

هيفاء : مشتيتي أنت أخبر يله أخطى بسرعه بدلي ..شررق علينا ..

رهف : دخلت تبدل ورسلت لسلا تقلها عتجي عندها وتقل ان معاهن اختبار ....



🌹meme_abdalgaleel


@qesasanani

بارت 3 ..

@qesasanani

بعد العصر ...

في بيت 🏬أحمد :

ناديه : جالسه مخزنه وقدامها الشيشه .. بتبسر غاده من طرف عيونها 😏 ذلحيين أنا نفسي أفهم كييف عاجبش بنتش تساير هذه رهف وليل الله مع نهاره وهن جمعه ..


غاده : بإبتسامه خفيفه 🙂 لييش يا أختى بيت جيراننا وإحنا ساع الأهل وماقد ابسرنا منهم الإ كل خير والله إن هيفاء تسوى الدنيا ومافيها وانحنا اعظم من خوات ..


ناديه : اتوضعت سواء وسبرت المدكى و عووجت فمها 😏 بس ولو بنتش عتشل من طباعهم ولا تنسيش أحنا من طبقه غير طبقتهم ومعانا عادات وبعدا مهما كان الناس مقامات حتى لو معاهم زلط ..

غاده : يا أختى كلنا عيال أدم وحواء والناس سواسيه كاأسنان المشط بطلوا التفريق العنصري حقكم كم أكره هذه الطبيعه في أسرتنا .. شنزل أبسر البنات لاهن يشتين شي وفلتتها ونزلت 🚶🏼‍♀..


https://t.me/joinchat/AAAAAERja9LRzSkmuZYIRw

في غرفه سلا :


رهف : قدام المرايه بتمشط شعرها وتتحيلى له ..

سلا : جالسه فالأرض وفي يدها الصباغ 💅🏻 بتصبغ اظافيرها ..


رهف : أبسرتها وضحكت ههه 🙂 والله لو يجوا ماما يبسرونا ونعم ع مذاكره ..


سلا : إسهل وأنتي خلينا نفتهن شويه قد إحنا كل يوم مذاكره أهم شي إنش ماسرتيش بيت عمش ..

رهف : فعلت شعرها ع جنب وجلست فوق السرير .. وبتبسرها .. أيووه كان ماتشتي أسير ويرجع أخوش يفعلي حفله ويزعل قد أنا هكذا أحسن لو ذكرت بس اسم بيت عمي قدامه يقتلب وجهه ونتصايح ..

@qesasanani

سلا : بتغمز لها 😉 بيغير بيغير ههههه ..

رهف : قفت وجهها بدلع ☺ أكيييد يغير معه قمر مثلي وماتشتيش يغير عليها ...

سلا : غلقت الصباغ 💅🏻 ناهي
ياقمر هييا اتصلي لمحمد قليله يجي يجعل لنا ماعيسخاش يقلش ماشي ..

رهف : هزت أكتافها .. ماااعه عيصيح فوقي هو قد قلي عيرقد سيري قيميه أنتي ..


سلا : خلاص إبردي شاخلي الحارس يسير هو غر قلت لاقلتي له أنتي عيدلعنا بجعاله حاليه ..


باب الغرفه بيدق 🚪...


سلا : حملت تفتح الكتاب 📖..

رهف : سنبت جنبها سعمنها بتسمع لها ..


غاده: فتحت الباب ودخلت .. هيا كيف المذاكره يابنات ماتشتين شي ..


سلا : الحمدلله بسيطه .. لكن لو تخلوا أحد يجعل لنا نفتهن شويه ونرتاح نأكل.

غاده : خلاص تمام شاخلي الحارس وشاخلي الشغاله تطلع لكن شاهي ☕ وكيك .

سلا : غمزت لرهف 😉 محمد راقد قيموه هو يجعل لنا ذوقه حالي الحارس مابيشتريش
حاجه تعجبنا ..



🌹meme_abdalgaleel



@qesasanani