Алматы облысында ер адам балалардың көзінше әйелін ұрып-соққан

Алматы облысы Қарасай ауданында ер адам жанжал кезінде әйелін балалардың көзінше соққыға жыққан. Көршілердің айтуынша, 10 жастағы ұлы әкесін тоқтатуға тырысқан, ал қыздары қорқып: «Әке, қойыңызшы» деп айқайлап, көшеге жүгіріп шыққан.

Белгілі болғандай, бұл отбасында тоғыз бала тәрбиеленіп жатыр.

Видео: abdulla_kz_kz

t.me/qaztaspa

Жамбыл облысында жаяу жүргіншілер жолағында екі қызды көлік қағып кетті

Оқиға Қордай ауылында болған. Жоғары жылдамдықпен келе жатқан көлік екі қызды жаяу жүргіншілер жолағында қағып кеткен. Жарақат алған балалар орталық аудандық ауруханаға жеткізілді.

Аталған дерек бойынша жол жүру ережесін бұзып, ауыр дене жарақатына әкеп соқтырғаны үшін сотқа дейінгі тергеу басталды.

t.me/qaztaspa

Қазақстандық түлек 9 елдің 86 университетінен шақырту алды

Түркістан облысы, Арыс қаласының тумасы Айсұлтан Алтынбек әлемнің 9 еліндегі 86 университеттен оқуға шақырту алған. Оның ішінде ғылым, технология, бизнес және әлеуметтік ғылымдар саласында үздік саналатын 10 беделді жоғары оқу орны бар.

Айсұлтан - Абай атындағы Білім-инновация лицей-интернатының түлегі. Мектеп ұжымы шәкіртінің бұл жетістігін зор мақтанышпен жеткізді.

Ол шақырту алған үздік университеттердің қатарына мыналар кіреді:

• Budapest University of Technology and Economics
• Eötvös Loránd University
• University of East London
• Albion College
• Hampshire College
• Drexel University
• DePaul University
• University of Colorado Boulder (CU Boulder)
• Drake University
• Temple University

Жалпы Айсұлтанға ұсынылған білім гранттарының құны 4,6 миллион долларды құрайды.

t.me/qaztaspa

Дженнифер Лопес Қазақстанда екінші концертін береді

Әнші 10 тамыз күні Алматы қаласында өнер көрсетеді, деп хабарлады продюсер Мәлік Хасенов Динара Сатжанға берген сұхбатында.

Джей Лоның алғашқы концерті 1 тамызда Астанада өтеді.

t.me/qaztaspa

💡 Алматыда электр энергиясы қымбаттайды

1 маусымнан бастап 1 киловатт-сағаттың бағасы ҚҚС-сыз 38,66 теңге болады.

Тұтыну көлеміне қарай сараланған тарифтер де өседі (ҚҚС-сыз):

🔸 1-деңгей – 1 кВт/сағ үшін 26,80 теңге (қазіргі бағасы – 25,6 теңге)
🔸 2-деңгей – 35,42 теңге (қазір – 33,11 теңге)
🔸 3-деңгей – 44,28 теңге (қазір – 41,39 теңге)

t.me/qaztaspa

«Саған көп сұрақ қоймайды, уайымдама, сөйлесіп қойғанмын»

Кеше, 21 мамырда Шерзат ісі бойынша өткен сот отырысында судья түскі үзіліс жариялағаннан кейін айыпталушылардың дауысы тікелей эфирден естіліп қалды. Бұл сәт әлеуметтік желіде бірден тарап, қолданушылардың арасында қызу талқыға түсті.

– Көзімнен жас шығып кете жаздады, дүрыс сөйледім бе?
– Саған көп сұрақ қоймайды, уайымдама, сөйлесіп қойғанмын.

Видеода нақты кімнің дауысы екені белгісіз. Алайда, осыған дейін Дидар Қалиахмет жауап берген еді. Ал Жоғарғы соттың Youtube-арнасында сақталған эфирінде аталмыш үзінді болған жоқ.

t.me/qaztaspa

Бүгін Алматыда терроризмге қарсы оқу-жаттығу өтеді

Бүгін Беларусь көшесі, 15 мекенжайында орналасқан Алматы метрополитені депосының аумағында сағат 09:00-ден 17:00-ге дейін жоспарлы антитеррорлық оқу-жаттығулар өтеді.

t.me/qaztaspa

⚖️ БҚО-да арнайы жасақтың бұрынғы қызметкері фельдшер өлімі үшін 10 жылға сотталды

24 жастағы Әлихан Биғазиев 30 жастағы Диар Туысовты өлімші етіп соққаны үшін 10 жылға бас бостандығынан айырылды, деп хабарлайды Мой Город.

Оқиға 2024 жылғы 17 қарашада Тасқала ауданында болған. Марқұмның әкесі ұлының басынан бірнеше рет соққы алып, ауруханада көз жұмғанын айтады. Туысовтың қызы әкесінің жаназасы күні дүниеге келген.

Биғазиевпен бірге тағы екі адам сотталды: біреуі – 3 жылға, екіншісі – 10 жылға. Сот үшеуін марқұмның туыстарына 19 млн теңге өтемақы төлеуге міндеттеді.

t.me/qaztaspa

⚡Джей Лоның концерті Орталық стадионда өтпей қалуы мүмкін — «Қайрат» клубы мәлімдеме жасады

«Қайрат» футбол клубының хабарлауынша, 9 немесе 10 тамызда Орталық стадионда ел біріншілігі аясында «Қайрат» пен «Жеңіс» арасындағы матч өтуі тиіс. Сонымен қатар 7 және 12 тамызда команда еурокубок ойындарына қатысады. Осы себепті стадион УЕФА талаптарына сай дайындалып, ол күндері өзге іс-шаралар ұйымдастыруға рұқсат етілмейді.

Клуб мәдени шараларға түсіністікпен қарайтынын және кез келген диалогқа ашық екенін де атап өтті.

t.me/qaztaspa

⚡Алматыда электромобильдерге арналған 622 жаңа қуаттау орны пайда болады

“Алматы” әлеуметтік-кәсіпкерлік корпорациясы электр көліктерін қуаттайтын станциялар орнату үшін 311 жер телімін бөлді.

Әр бекетте екі автотұрақ орны қарастырылған, осылайша қалада электромобильдерге арналған 622 қосымша қуаттау орны ашылады.

Қуаттау станциялары адамдар жиі жиналатын базарлар, мейрамханалар мен саябақтар маңында орнатылады. Барлығы жыл соңына дейін іске қосылмақ.

t.me/qaztaspa

Шерзат ісі бойынша судья «келісім» жайлы видеоны прокурордың назарға алуын талап етті

Еске салайық, эфирге екі ер адамның әңгімесі кездейсоқ түсіп қалған. Болжам бойынша, олардың бірі әңгімелесіне «оған көп сұрақ қойылмайтынын» және «келісіп қойғанын» айтқан.

Осыған байланысты судья Ержан Жанұзақов соттың жеке қаулы шығаруды қажет деп тапқанын мәлімдеді. Прокурорға 15 күн ішінде жазбаның шынайылығын, әңгімеге қатысушылардың кім екенін, әңгіменің мазмұнын анықтап, тиісті шара қолдану тапсырылды. Судья сонымен қатар Конституцияға сәйкес шешімді тек сот қана шығаратынын еске салды. Кез келген алыпқашпа әңгімеге жол берілмейді.

t.me/qaztaspa

Алматыда екі электр маманын тоқ соқты

Оқиға “Жастар” тұрғын үй кешенінде жөндеу жұмыстары кезінде орын алған. Куәгерлердің айтуынша, зардап шеккендердің киімі жанып, біреуі есінен танып қалған.

Екі науқас анестезиология, реанимация және қарқынды терапия бөліміне жеткізілді. Қазіргі уақытта оларға барлық қажетті ем-дом шаралары көрсетіліп жатыр.

t.me/qaztaspa

Сәтпаевта ер адам қызға шабуыл жасап, зорламақ болған

Оқиға бейнебақылау камерасына түсіп қалған. Кадрдардан жас қыздың подъезге кіріп жатқан сәті, артынан ер адамның жүгіріп кіріп, оған тап беріп, аузын қолымен жауып, баспалдақтың астына қарай сүйрегені көрінеді.

Қыз айқайлай бастағанда, ер адам қорқып қашып кеткен. Бірінші қабаттағы пәтерден әйел адам шығып, көмек көрсеткен. Ұлытау облысының ПД мәліметінше, «Зорлау» бабы бойынша қылмыстық іс қозғалды. Күдікті ұсталып, уақытша ұстау изоляторына қамалды.

t.me/qaztaspa

Шерзат ісі бойынша сот отырысы жалғасуда

Сот отырысының тікелей трансляциясын Жоғарғы соттың Youtube-арнасынан көре аласыздар.

Дәл қазір тергеу кезінде марқұм Нұрқанат Ғайыпбаев пен Нұрқияс Ілиясовты беттестірген сәт көрсетіліп жатыр.

t.me/qaztaspa

Гарвард университетіне шетелдік студенттерді қабылдауға тыйым салынды

АҚШ-тың Ішкі қауіпсіздік департаменті Гарвард университетіне қатысты жаңа шектеу енгізді. Трамп әкімшілігі қабылдаған шешімге сәйкес, енді бұл оқу орнына шетел азаматтарын қабылдау тоқтатылды. Сондай-ақ, қазіргі уақытта білім алып жатқан шетелдік студенттерге де талап күшейтілді – олар басқа оқу орындарына өз еркімен ауысуы керек. Олай болмаған жағдайда, көші-қон мәртебесінен айырылуы мүмкін.

Халықаралық академиялық қоғамдастыққа қарасты оқу орнында шамамен 10 мың адам тіркелген, олардың 6 793-і – шетел азаматтары. Бұл – студенттердің 27 пайызын құрайды.

t.me/qaztaspa

«Тұлпар мінгізем деген едің»: қария Қайрат Нұртастың бұрын берген уәдесін еске салды

Ташкенттегі концерт кезінде Қайрат Нұртастың қарт жанкүйері әншіге алғысын білдіріп, оған сыйлықтар табыстады. Алайда ол мұнымен тоқтамай, әртістің бірнеше жыл бұрын берген уәдесін еске салды.

2017 жылы өткен концерттердің бірінде Қайрат белдігін ұмытып кеткен, ал қария оған өз белдігін беріпті. Сол кезде Қайрат Нұртас алғысын білдіріп, оған тұлпар сыйлайтынын айтыпты. Ташкенттегі сахнада әлгі қария «Уәде еткен тұлпарымды қашан бересің?» — деп сұрады. Әнші сәл кідіріп, уәдесін орындайтынын айтты.

t.me/qaztaspa