🇺🇸 АҚШ-та Трамп бейнесі бар төлқұжаттар шығарылады

Ел тәуелсіздігінің 250 жылдығына орай АҚШ Мемлекеттік департаменті шектеулі серия ұсынады.

Жаңа дизайнда Дональд Трамп портреті Тәуелсіздік декларациясының мәтінімен бірге ішкі мұқабада орналасады.

Мерейтойлық нұсқа шілдеде жарық көреді, ал сыртқы мұқабада «250» белгісі мен 13 жұлдыз бейнеленеді.

Қауіпсіздік талаптары бұрынғыдай сақталады.

t.me/qaztaspa

Ұстаздарды күштеп іс-шараға апарғандар айыппұл арқалайды

Мәжіліс депутаты Асхат Аймағанбетовтің айтуынша, ұстазды сабақтан алып кетіп, түрлі жиындарға мәжбүрлеу заңбұзушылық, оған нақты жауапкершілік қарастырылған.

Егер мұғалімнің құқығы бұзылса, ол министрлік жанындағы арнайы комитетке шағым түсіруі керек.

Ресми өтініш болған жағдайда ғана тиісті шара қолданылады.

t.me/qaztaspa

‼️Желі арқылы алаяқтық жасады деген күдікті Ресейде ұсталды

Қазақстандық азамат 2023 жылы жалған автокөлік хабарландыруларын жариялап, 7 адамды алдап кеткен.

Күдікті жасырынып, халықаралық іздеуге берілген. Ол 2025 жылдың шілдесінде Белгород облысында ұсталып, елге экстрадицияланды.

Қазір тергеу изоляторында. Оған 7 жылға дейін бас бостандығынан айыру жазасы қаупі бар, мүлкі тәркіленуі мүмкін.

t.me/qaztaspa

Қаңғыбас иттер мәселесі: заң жобасы қайта қаралады

Сенат эвтаназия терминін алып тастап, иесіз жануарларды 5 күннен кейін жою нормасына қарсы шықты.

300-ден астам ұсыныс түскен талқылауға зооқорғаушылар мен сарапшылар қатысқан.

Жануардың иесі бар-жоғы негізгі белгі болуы керек деп, құжат Мәжіліске кері қайтарылды.

t.me/qaztaspa

⚡️ Нұрай Серікбай ісі: күдікті есі дұрыс деп танылды

Шымкентте 21 жастағы Нұрай Серікбайдың өліміне қатысты күдікті сот-психиатриялық сараптама бойынша есі дұрыс деп танылды.

ІІМ орынбасары Санжар Әділовтің айтуынша, ол заң алдында толық жауап береді. Қазір тергеу аяқталуға жақын.

Бұған дейін күдікті мәжбүрлі емдеуге жіберілгені хабарланған.

t.me/qaztaspa

❗️Алматыда алғашқы крематорий іске қосылды

Енді кремация жерлеудің баламасы ретінде ұсынылады. Таңдау әр адамның мәдени, діни және жеке шешіміне байланысты

Кешен заманауи жабдықпен қамтылған. Бір кремация шамамен 2 сағатқа созылады.

Қызмет тек ерікті түрде жүргізіледі. Құны 240 мың теңгені құрайды.

Видео: rauan.mutair

t.me/qaztaspa

‼️Алматыда жаппай төбелесте екі жасөспірім қаза тапты

Жанжал компьютерлік клубта басталып, көшеде жалғасқан. Төбелес кезінде пышақ қолданылып, екі жасөспірім көз жұмды.

Полиция 12 күдіктіні ұстады. Барлығы 17–18 жаста. Қылмыстық іс қозғалып, негізгі күдіктілер қамауға алынды.

t.me/qaztaspa

Шымкентте өзін тексеруші ретінде таныстырған алаяқ ұсталды

Күдікті өзін экономикалық тергеп-тексеру қызметінің өкілі ретінде көрсетіп, кәсіпкерге медмекемені тексеру тізімінен «алып тастаймын» деп уәде берген. Осы үшін 25 млн теңге алған.

Алайда оның бұл органға еш қатысы болмаған.

Күдікті қамауға алынды. Тергеу жүріп жатыр.

t.me/qaztaspa

🔥ШҚО-да орман өрті оқшауланды

Өрт Ұлан ауданында, Бұқтырма су қоймасы маңындағы Аюда шатқалында тіркелді. Орман алқабында шөп, бұта және ағаштар жанған.

Тілсіз жаумен күреске ТЖМ авиациясы, орман шаруашылығы қызметкерлері мен құтқарушылар жұмылдырылды. Таулы жер бедері мен жел жұмысты қиындатқан.

Қазіргі уақытта өрт оқшауланды.

t.me/qaztaspa

Тойда дрифт жасаған Шымкент тұрғыны қамауға алынды

Полицияның хабарлауынша, ер адам қала көшелерінің біріндегі қиылыста әдейі көлік тайдырған. Ол қауіпті маневрлер жасап, қарсы бағытқа шығып кеткен. Осылайша жол қозғалысы ережелерін өрескел бұзған.

Тәртіп сақшылары жүргізушіні жедел ұстап, қамауға алды. Белгілі болғандай, ол бұл әрекетін інісінің қуанышын «ерекше» атап өтпек болғанымен түсіндірген.

Алайда мұндай «ойын» өзге адамдардың өмірі мен денсаулығына нақты қауіп төндірген. Полицейлердің айтуынша, мұндай әрекеттер жол апатына әкелуі әбден мүмкін.

t.me/qaztaspa

😍Тұрсын Алагөзов қызметкерлерін қуантты

Белгілі кәсіпкер Тұрсын Алагөзов тағы да жомарттығымен көзге түсті. Ол «Шымкент сыра қайнату зауытының» жұмысшыларына 50 пәтер сыйлаған.

Кәсіпорын қызметкерлеріне су жаңа пәтер кілттері табысталды. Жиын кезінде кәсіпкердің өзі басынан өткерген қиын сәттерін еске алып, болашаққа деген сенім мен тұрақтылықтың маңыздылығын атап өтті.

t.me/qaztaspa

❗️Астанадағы тұрғын үй ауласында қайғылы жағдай болды

Көлік кішкентай баланы қағып кетіп, сәби алған жарақаттарынан оқиға орнында көз жұмды. Оның жасы небәрі 1 жас 8 ай болған.

Полиция аталған дерек бойынша қылмыстық іс қозғады. Қазір оқиғаның барлық мән-жайы анықталып жатыр.

t.me/qaztaspa

😱Өскемендегі зауытта жарылыс болды: жедел штаб құрылды

Өскемен қаласында зауыттардың бірінің аумағында шаң ұстағыш құрылғы жарылып, артынша өрт шыққан. Оған қоса нысанның бір бөлігі опырылып түскен.

Төтенше жағдайлар министрлігінің мәліметінше, оқиға орнына құтқарушылар жетіп, зардап шеккендерді анықтау үшін барлау жұмыстарын жүргізіп жатыр.

Алғашқы бөлімшелер келген кезде ашық жану болғаны анықталды. Қазір оперативтік құрылды, – деп хабарлады ведомство.

Зардап шеккендер туралы ақпарат нақтыланып жатыр.

t.me/qaztaspa

Өскеменде «Казцинк» аумағындағы өрт оқшауланды

Зардап шеккендерді іздестіру жұмыстары жалғасуда. Алдын ала мәлімет бойынша, 4 адам медициналық мекемеге жеткізілуде.

Оқиға орнында 40 адам жеке құрам мен 10 техника жұмылдырылды. Өрттің жалпы ауданы анықталуда.

ТЖМ жанында жедел штаб құрылып, оның құрамына мемлекеттік органдар мен өзара әрекет ететін қызметтердің өкілдері кірді.

t.me/qaztaspa

ТЖМ күштері өртті толығымен сөндірді

Құрылымдарды бөлшектеу және зардап шеккендерді іздеу жұмыстары жүргізілуде.

Қазақстан ТЖМ Стратегиялық жоспарлау орталығының базасында жедел штаб құрылды.

Жағдай ТЖМ бақылауында.

t.me/qaztaspa

Өскемендегі жарылыстан 2 адам қаза тапты

«Казцинк» ЖШС мәліметінше, түтінсорғышты тазалау кезінде жарылыс болып, артынан өрт шыққан. Салдарынан ғимараттың бір бөлігі опырылған.

Оқиға кезінде екі адам қаза тауып, тағы бес адам жарақат алған. Зардап шеккендерге медициналық көмек көрсетіліп жатыр.

Қазір оқиға орнында жедел қызметтер жұмыс істеп, салдарын жою жұмыстары жалғасуда.

t.me/qaztaspa