Ақтөбелік ер адам ағзасын сатпақ болған

Ақтөбеде ішкі органын сатып, 15 млн теңге табыс таппақ болған ер адам анықталды. Ол заңсыз келісім жасамақ болған сәтінде ұсталды.

Құқық қорғау органдары бұл фактіні әлеуметтік желілерге жүргізілген мониторинг кезінде анықтаған.

Қазір Қылмыстық кодекстің 116-бабы 1-бөлігі бойынша (Ағзаларды мәжбүрлі немесе заңсыз алу) сотқа дейінгі тергеу жүріп жатыр.

t.me/qaztaspa

Шерзат Полаттың өліміне айыптау жөніндегі іс бойынша ашық сот процесі жалғасуда

Сот отырысының онлайн трансляциясын Жоғарғы соттың Youtube-арнасынан көріңіз.

t.me/qaztaspa

Тоқаев туған күнін тағы да атап өтпейді

17 мамырда Қазақстан президенті Қасым-Жомарт Тоқаев 72 жасқа толады. Президенттің баспасөз қызметі хабарлағандай, мемлекет басшысының туған күніне орай ешқандай мерекелік шара жоспарланбаған. Тоқаев бұл күнді атап өтпейді.

Президент бұл ұстанымды өз қызметінің басынан бері ұстанып келеді.

t.me/qaztaspa

Жетісу облысында суға құлап жоғалып кеткен адамның денесі табылды

Осыған дейін ер адамның өзеннің бір жағынан келесі бетіне троспен өтпек болып, құлап кеткені жайлы жазған едік. Оқиға 10 мамыр күні болған. Бүгін ер адамның денесі табылды.

t.me/qaztaspa

Шымкентте мектеп оқушысы Free Fire ойынындағы аккаунт үшін алаяққа 2 миллион теңге беріп, алданып қалған

ІІМ мәліметінше, белгісіз ер адам мектеп оқушысына Free Fire мобильді ойынындағы аккаунтты сатып алуды ұсынған. Алтыншы сыныпта оқитын бала ұсынысқа қызығып, анасының банк картасының деректерін, соның ішінде ақша аудару кодын да берген. Осыдан кейін ата-анасының шоттарынан 2 миллион теңге шешіп алынған.

Шығынды байқаған баланың анасы дереу полицияға жүгінген. Күдікті қысқа уақыт ішінде ұсталып, қазіргі уақытта тергеушілермен жұмыс істеп жатыр.

t.me/qaztaspa

❗️Елімізде бұқаларды шетелге шығаруға үш айлық шектеу енгізілді

15 мамырдан бастап Қазақстаннан бұқаларды сыртқа шығаруға уақытша шектеу қойылды.

Бұл шешім ауыл шаруашылығы жануарларының экспортына қатысты заңнамаға енгізілген өзгерістерге сәйкес қабылданған.

📌Тыйым мерзімі – 3 ай.

t.me/qaztaspa

Ұлытау облысында төрт баланың анасы наркоздан кейін көз жұмды

Жаңаарқа кентіндегі аудандық ауруханада 42 жастағы көпбалалы анаға соқырішекті алып тастау үшін жасалған ота кезінде қайғылы жағдай болды. Наркоз алғаннан кейін әйелде анафилактикалық шок дамып, артынша кома мен ми ісігі пайда болған. Артында күйеуі мен төрт баласы қалды, кенжесінің жасы — небәрі 3-те.

Туыстарының айтуынша, әйелдің ота алдындағы қан қант мөлшері жоғары болып, ағзасында қабыну процесі жүрген. Соған қарамастан, аллергиялық сынама жүргізілмеген, дәрігерлер мұны қажетті жабдықтың жоқтығымен түсіндірген.

Қайғылы оқиғадан кейін ауруханада ауқымды тексеріс басталды. Қызметінен директор, оның орынбасары, хирург пен анестезиолог шеттетілді.

t.me/qaztaspa

Аризонада қазақстандық сарбаз рекорд жаңартты

АҚШ-тың Аризона штатында өтіп жатқан Best Warrior халықаралық жарысында Қазақстан Қарулы күштерінің әскери қызметкерлері ел намысын қорғауда.

Додада 54835 әскери бөлімінің сержанты Аслан Дархан мен 18404 бөлімнің гвардия сержанты Рауан Тоқтарбеков өнер көрсетіп жатыр.

Сайысқа әскери машық, тактикалық медицина, қару қолдану және 22 шақырымдық марш жүгіру сынды 10 түрлі тапсырма енген.

t.me/qaztaspa

🚇 Алматы метро пайдаланушыларына жақсы жаңалық

2025 жылдың күзіне қарай Алматы метросында жолақы төлеу бұрынғыдан да жеңіл болмақ.

Енді әр бекеттегі турникеттерге банк картасын немесе смартфонды тигізу арқылы төлем жасауға болады.

Бұған дейін картамен тек кассада немесе бір ғана арнайы турникетте төлеу мүмкін еді.

💳 Бұл жаңашылдық көлік картасын қолданбайтындар мен жетонға кезекте тұрғысы келмейтіндер үшін өте ыңғайлы. Ең бастысы – қолыңызда карта немесе смартфон болса жеткілікті.

t.me/qaztaspa

Алматыда ер адам автобус жүргізушісінің бетіне бұрышты газ баллонын шашып жіберген

Жанжал кезінде кроссовер жүргізушісі бұрышты газ баллонын шығарып, оны автобус жүргізушісінің бетіне шашқан. Ер адамның бұл әрекетіне автобустың жол бермегені себеп болған көрінеді.

Жетісу ауданының полиция басқармасы оқиғаның болғанын растады. Күдікті тез арада ұсталып, оның әрекеті «ұсақ бұзақылық» бабы бойынша бағаланған.

Сот шешімімен оған 5 тәулікке қамауға алу жазасы тағайындалды.

t.me/qaztaspa

Қызылордада апатты жағдайда қонған ұшақ адамдары табылды

Қызылорда облысында «Таң–Құмкөл» бағытымен ұшқан АН-2 ұшағы апатты жағдайда қонып, борттағы 3 адаммен байланыс үзілген.

8 сағатқа созылған іздеу кезінде олар айдалада табылды.

🔍 Іздеуге ТЖМ күштері мен «Қазавиақұтқару» тікұшағы жұмылдырылған.

Олар Тереңөзек кентіне жеткізілді, медициналық көмек қажет болмаған.

Қазіргі жағдайлары жақсы.

t.me/qaztaspa

😨 Шымкентте универдегі ұрлық схемасы әшкере болды

М.Әуезов атындағы ОҚУ-да ректордың міндетін атқарушы мен бірнеше бөлім басшыларына қатысты қылмыстық іс қозғалды.

Олар қызмет, құрылыс және тауар жеткізу бойынша жалған келісімшарттар жасап,
💸 бюджеттен 256 млн теңге жымқырған.
Негізі атқарылды делінген жұмыстар мүлде болмаған.

🔒 Тергеу аясында:
– 6 қымбат көлік
– 254 млн теңге тұратын элиталы коттеджге
сот санкциясымен тыйым салынды.

4 күдікті үйқамаққа алынды.
Қылмыстық іс сотқа жолданды.

t.me/qaztaspa

⚖️ Бұрынғы мәдениет және спорт вице-министрі Ерлан Қожағапанов 3 жылға сотталды

Сот оны 1 млрд теңгеден астам қаржыны жымқыру және қызметтік өкілеттігін асыра пайдалану ісі бойынша кінәлі деп таныды.

🕳 Сонымен қатар, оған өмір бойы басшылық қызмет атқаруға тыйым салынды.

Ал екінші айыпталушы — «Success K» компаниясының басшысы Ляззат Көккөзова
🔒 алаяқтық бабы бойынша 5 жылға бас бостандығынан айырылды.

t.me/qaztaspa

🔪 Алматыда жаппай төбелес болып, пышақ қолданылды

Оқиға «Ұш Сұңқар» ТҮК паркингінде болған.

Полицияның мәліметінше, тұрғындар арасындағы жанжал пышақ жарақатына ұласқан —
2 адам жараланып, оларға медициналық көмек көрсетілді.

🕵️‍♂️ Күдіктілер анықталды.
Қазір оқиға бойынша «қару қолданған бұзақылық» бабымен іс қозғалды.

t.me/qaztaspa

‼️ Астанада цирк қойылымы кезінде гимнаст 5 метрден құлап кетті

Оқиға 18 мамырда болған. Көрермен көзінше құлаған әртісті әріптестері сахнадан көтеріп алып кеткен.

🏥 Денсаулық сақтау басқармасының хабарлауынша, гимнаст жансақтау бөлімінде жатыр.

Диагнозы: бас жарақаты мен ми шайқалуы.

Жағдайы – орташа ауыр, бірақ тұрақты.

t.me/qaztaspa

⚡️ Жамбыл облысы көкпардан ел чемпионы болды

Финалда Жамбыл облысы мен Шымкент жастары шеберлік танытып, жанкүйерлердің қолдауымен алтын үшін таласты.

🏇 Турнирге еліміздің әр өңірінен 13 команда мен 156 спортшы қатысты.

Негізгі ойын 4:4 есебімен аяқталып, шешуші сәтте Жамбыл құрамасынан Арнұр Асен «алтын салым» салып, команданы жеңіске жеткізді.

🥇 Чемпион — Жамбыл облысы
🥈 Күміс — Шымкент
🥉 Қола — Алматы облысы

t.me/qaztaspa

🏓🇰🇿 Үстел теннисі: Жәния Бекмұхамбетова Болгариядағы турнирде алтын медаль жеңіп алды

Үстел теннисінен Қазақстан құрамасының өкілі Жәния Бекмұхамбетова Панагюриште қаласында (Болгария) өткен WTT Youth Contender халықаралық турнирінде жеңіске жетіп, алтын медаль алды.

t.me/qaztaspa