Путин Жеңістің 80 жылдығына байланысты атысты тоқтатуға бұйрық берді

7-8 мамыр 22:00-ден бастап, 10-11 мамыр түн ортасына дейін Ресей әскері соғысты уақытша тоқтатады.
Ресей Украина да осы бастаманы қолдауы керек деп санайды. Егер тәртіп бұзылса, жауап қайтарылады.

t.me/qaztaspa

Шерзат Полат ісінде куәгер Эльмира Нұрбекованың статусы өзгеруі мүмкін

Соттан шыққан адвокат Мейірман Шекеевтің айтуынша, Нұрбекованың тергеу мен соттағы жауаптарында айырмашылықтар бар. Бұл оны қылмыстық жауапкершілікке тартуға негіз болуы мүмкін.

Адвокаттың сөзінше, Нұрбекова тергеуде бір жауап берсе, сотта мүлде басқа мәлімдемелер жасаған. Қазақ тілінде жауап бере алатынын дәлелдегенімен, сотта орыс тілінде жауап бергені де күдік тудырды.

Қаруға қатысты сұрақтар әлі зерттеліп жатыр.
Сот соңында нақты шешім қабылдануы мүмкін.

t.me/qaztaspa

Қазақстанда мемлекеттік білім гранттарының саны 40 мыңға азаяды

Алдағы жаңа оқу жылынан бастап талапкерлерге бөлінетін грант саны айтарлықтай қысқарады. Биыл шамамен 220 мың үміткердің ішінде тек 71 844 адам ғана мемлекеттік грант иегері атана алады.

Білім беру гранттарының басым бөлігі инженерия, өңдеу өнеркәсібі және құрылыс салаларына бөлінбек — бұл бағыттарға 20 878 грант қарастырылған.
Сонымен қатар, педагогикалық мамандықтарға 17 898 грант ұсынылады.
Ақпараттық-коммуникациялық технологиялар саласына 12 087 грант бөлінетіні белгілі болды.

t.me/qaztaspa

Шерзат Полаттың ісі бойынша сот отырысы басталды

Сот отырысының онлайн трансляциясын Жоғарғы Соттың Youtube-арнасынан көре аласыз

t.me/qaztaspa

Сотта Нұрғанат Ғайыпбаевтың тергеу кезінде берген жауабы оқылып жатыр

t.me/qaztaspa

Мектептегі тағы бір әлімжеттік оқиғасының видеосы тарады

Бұл жолы оқиға Алматы облысындағы Қараой ауылында орналасқан №49 мектепте болған. Жасөспірім қатарластарына қысым көрсетіп, оларды мектептің әжетханасына жинап алып, бірінен соң бірін ұрған.

Әлеуметтік желіде тараған видеода бала балағат сөз айтып, өзінен кішілердің беті мен ішінен ұрып жатқаны анық көрінеді. Ал соққыға жығылған оқушылар үнсіз, ешқандай қарсылықсыз тұр.

Аталған факті бойынша өңірлік білім басқармасы қызметтік тексеріс басталғанын хабарлады. Тексеру нәтижесінде нақты шаралар қабылданатыны айтылды.

t.me/qaztaspa

Талғар ауданында бір топ адам ер адамды есінен танғанша ұрып-соққан

Желіде тағы бір ұрып-соғу дерегі бейнеленген видео тарады. Оқиға 27 сәуірде Алматы облысы Талғар ауданы Бесағаш ауылында «Нұрия» ТҮК-те түсірілген.

Полицияға ешқандай арыз түспеген. Оқиға желіге мониторинг жасау кезінде анықталды. Аталған дерек бойынша қылмыстық іс қозғалды. Сотқа дейінгі тергеу жүргізіліп жатыр. Қазір төбелеске қатысы барлар іздестірілуде. Полиция кінәлілердің табылып, жауапкершілікке тартылатынын айтты.

t.me/qaztaspa

📢 30 сәуірде Алматыда дабыл жүйесі тексеріледі

Сейсенбі, 30 сәуір күні сағат 11:00-де Алматы қаласында сиреналық және дауыс зорайтқыш жүйелерін қосу жоспарланып отыр.

Бұл шара сейсмикалық дайындыққа арналған жалпықалалық оқу-жаттығудың бір бөлігі ретінде өтеді.

Жаттығу барысында теледидар мен радио арналардағы бағдарламалар уақытша үзіліп, төтенше жағдай туралы хабар таратылады. Сонымен қатар, тұрғындарға арнайы мобильді қосымшалар арқылы да ескерту жіберіледі.

t.me/qaztaspa

Маңғыстау облысында 460 баланың улануына себеп болған мектеп асханасының меңгерушісі сотталды

2024 жылдың 6 қыркүйегінде Мұнайлы ауданындағы Бесшоқы ауылында орналасқан №8 мектептің 460 оқушысы асханадан тамақ ішкеннен кейін уланған.

Тексеру нәтижесінде ас дайындайтын орында ішек инфекциясын тудыратын бактериялар табылған. Бұған қоса, 12 қызметкер стафилококк жұқтырғаны белгілі болды. Ал ыдыс жуушы дизентерияны тасымалдаушы болып шықты.

Асхананы жалға алып, жұмысын ұйымдастырған кәсіпкер Дәметкен Шәкенова ҚР Қылмыстық кодексінің 304-бабының 1-бөлігі бойынша кінәлі деп танылды. Сот үкімімен ол бір жылға бас бостандығынан айырылып, үш жыл қоғамдық тамақтандыру саласында жұмыс істеу құқығынан айырылды.

t.me/qaztaspa

Алматыда дабыл жүйесі іске қосылды

Бүгін жоспарлы жалпықалалық сейсмикалық оқу-жаттығу өтіп жатыр.

t.me/qaztaspa

Атырауда NCOC мұнай компаниясының бөлім басшысы кісі қолынан қаза тапты

Атырауда өз пәтерінен 45 жастағы Бибігүл Шпанованың мәйіті табылды. Ол North Caspian Operating Company компаниясында игеру жоспары бөлімінің басшысы болып жұмыс істеген.

Әйелдің пышақ жарақатын алғаны анықталды. Одан бөлек, пәтердегі сейф ашылған. Бұл туралы Қазақстандағы Адам құқықтары бюросы хабарлады.

Полиция күдіктіні «ізін суытпай» ұстағанын мәлімдеді. 38 жастағы ер адамнан айғақ заттар тәркіленді. Ол уақытша ұстау изоляторына қамалды. «Кісі өлтіру» бабы бойынша қылмыстық іс қозғалған.

t.me/qaztaspa

"Ақтөбе" клубы қызметкерлері ойыншылардың тамақтануына бөлінген қаржыны жымқырған

Бас прокуратура Ақтөбе футбол клубына тексеріс жүргізді. Нәтижесінде 250 миллион теңге көлемінде қаржылай заң бұзушылық анықталды.

Ақпаратқа сәйкес, клуб қызметкерлері ойыншылардың жүріп-тұруы мен тамақтануына бөлінген қаржыны өз қажетіне жұмсаған.

Енді прокуратура сотқа дейінгі тергеп-тексеруді бастады.

t.me/qaztaspa

Қосылған құн салығының мөлшерлемесі 16% болып бекітілді

Мәжіліс депутаттары жаңа Салық кодексін және салық салуға қатысты түзетулерді екінші оқылымда қабылдады.

Хабарламада айтылғандай, үкімет пен депутаттардың бірлескен жұмысының нәтижесінде, соның ішінде қосылған құн салығын реформалау аясында бірқатар шешімдер қабылданды. Бастапқыда ұсынылған 20 пайыздық ҚҚС мөлшерлемесі 16 пайызға дейін төмендетілді. Сондай-ақ, ҚҚС бойынша міндетті тіркеу шегі 15 миллион теңгеден 40 миллион теңгеге дейін көтерілді.

Жаңа Салық кодексіне сәйкес, дәрі-дәрмектер мен медициналық қызметтерге ҚҚС-тың төмендетілген мөлшерлемелері енгізіледі: 2026 жылы — 5 пайыз, ал 2027 жылдан бастап — 10 пайыз мөлшерінде қолданылады.

t.me/qaztaspa

Жамбыл облысында тағы бір мектеп оқушысы өзіне қол жұмсады

Бұл туралы Halyqstan Telegram-арнасы жазды.

Байзақ ауданы, Түймекент ауылында 11-сынып оқушысы асылып қалған күйінде табылды. Марқұм Ғазиз Байтасов атындағы мектепте оқыған. Жасөспірімді көршілес тұрған ағасының қорасынан туыстары тапқан. Полиция бұл оқиғаға қатысты Қылмыстық кодекстің “өзін-өзі өлтіруге итермелеу” бабы бойынша іс қозғады.

t.me/qaztaspa

«Қорғас» арқылы Қазақстанға 1,7 тонна полицей формасын алып өтпек болған

Қытай тарапынан келіп жатқан МЦПС қонақтарының жүктерін тексеру барысында ішкі істер органдарының символикасы бар форма табылды. Автокөлік ішінде 71 жүк орны болған, жалпы салмағы – 1 775 кг.

Мемлекеттік кірістер комитетінің мәліметінше, мұндай ресми белгілері бар формалық киімдер жеке пайдалану заттарына жатпайды және елге әкелудің арнайы тәртібін талап етеді. Барлық тауарлар уақытша сақтау қоймасына жөнелтілді.

t.me/qaztaspa

Қызылордадағы жекеменшік балабақшада 1,5 жастағы қыздың арқасын 25 жерден тістеп тастаған

Оқиға тәрбиешінің көмекшісі “горшокқа” шыққан кезде болған — бөлмеде қалған 1 жас 3 айлық бала қызға осылай шабуыл жасаған.

Бала жарақат алғанына қарамастан, балабақша тарапынан медициналық көмек те көрсетілмеген, ата-анасына да бірден айтылмаған.

Тіс іздері баланың тек арқасында ғана емес, бетінде де бар. Анасының айтуынша, тәрбиеші оған баланы алып кетуге келгенде тек бетін тістеп алғанын айтқан.

t.me/qaztaspa

Трамп 8 мамырды Екінші дүниежүзілік соғыстағы АҚШ-тың Жеңіс күні деп жариялады

Truth Social желісінде ол: «Біз бұл соғыста өзгелерден әлдеқайда көп үлес қостық. Сондықтан 8 мамыр — Екінші дүниежүзілік, ал 11 қараша — Бірінші дүниежүзілік соғыстағы Жеңіс күні», – деп жазды.

t.me/qaztaspa