Қазақстан халықының бірлігі күні құтты болсын!

Бір шаңырақтың астындағы халқымыздың достығы мен өзара түсіністігі одан әрі жалғасып, еліміздегі ұлтаралық татулық әрдайым берік болып, қашан да ынтымақ, бірлік мәңгі жасай берсін!

#qazaqradiolary
#qazaqradiosy100

19-20 мамыр күндері Қасым-Жомарт Тоқаев Президент Эмомали Рахмонның шақыруымен Тәжікстан Республикасына ресми сапармен барады.

Сапар аясында Қасым-Жомарт Тоқаев пен Эмомали Рахмон шағын және кеңейтілген құрамда екіжақты келіссөздер өткізбек. Онда саяси диалогты, сауда-экономикалық, инвестициялық және мәдени-гуманитарлық байланыстарды одан әрі нығайта отырып, қазақ-тәжік стратегиялық серіктестігін дамытуға басымдық берілмек.

Барша қазақстандықтарды Жеңіс күнімен құттықтаймыз!

Сұрапыл соғыста өлшеусіз ерлік көрсеткен батырларға мың тағзым!

Бабалар ерлігі ұрпаққа үлгі! Еліміз тыныш, жеріміз бүтін, туымыз көкте мәңгі желбіресін!

#qazaqradiolary

Ораза айт құтты болсын!

Рухани тазару мен жаңаруға жол ашатын осы қасиетті мейрамда әр отбасына амандық тілейміз!

Айттан айтқа аман-есен жете берейік!

#qazaqradiolary

Елімізде коронавирус төмендеп келеді

Соңғы аптада елімізде коронавирустың анықталған жағдайы 4 мыңға дейін төмендеді. Бұл туралы Үкімет отырысында ҚР Денсаулық сақтау министрі Алексей Цой айтты

«Қазіргі уақытта ауру таралуы төмендеуінің оң динамикасы байқалады және эпидемиологиялық ахуал біртіндеп тұрақтанып келеді. Соңғы аптада сәуір айының соңы мен мамыр айының басындағы ауру-сырқау көрсеткішімен салыстырғанда коронавирус инфекциясы жағдайының анықталған саны 4 мыңға дейін төмендеді. Толықтай алғанда ауруға шалдығу 20 пайызға төмендеп отыр», - деді министр.

https://qazradio.fm/kz/news/20681/

«Балапан саз» радиобайқауының қорытынды концерті өтті

Бүгін 100 жылдық тарихы бар Қазақ радиосының эфирінде жүретін «Балапан саз» радиобайқауының қорытынды концерті өтті. Байқаудың арнайы хабары ағартушы–педагог Ыбырай Алтынсариннің 180 жылдығы, Қазақ радиосының ғасыр тойы және Ы. Алтынсарин атындағы ұлттық білім академиясының 100 жылдық мерейтойларына орай ұйымдастырылды.

https://qazradio.fm/kz/news/20704/

Сауд Арабиясы қажылыққа келетін жамағат үшін талапты қатаңдатты

Биылғы қажылық маусымындағы қажылар саны 60 мың адамға белгіленген.

Қажылық жасауға 18-60 жастар аралығындағы азаматтар өтініш бере алады.

Сондай-ақ Сауд Арабиясында ресми бекітілген вакцина түрлерінің (Pfizer-BioNTech, AstraZeneca, Johnson&Johnson және Moderna) екі дозасын қабылдау қажылардан талап етіледі.
https://qazradio.fm/kz/news/20707/

Бұл күн 1997 жыл­дан бері саяси қуғын-сүргін құрбан­да­рын еске алу күні болып аталып келеді.

Этностық және діни тегі бөлек миллиондаған адамдар, тоталитарлық жүйенің диірменіне тү­сіп, өзгеше ойлағаны үшін күнәсіз сотталып, ту­ған жерлерінен аяусыз айдалып, ГУЛАГ түр­мелерінде жазықсыз көз жұмды. Тәуелсіз Қазақстанның әрбір азаматы үшін оларды еске алу және есте сақтау қасиетті парыз.

Қазақ радиосы «Urker - 2021» ұлттық сыйлығының арнайы жүлдесімен марапатталды

Жүлдені Ақпарат және қоғамдық даму министрі Аида Балаеваның өзі табыстады. Бұл қазақ даласын ақпаратпен қамтыған тұңғыш радионың ғасырлық тойы қарсаңындағы тамаша тарту болды.

«Байқаудың арнайы жүлдесін анықтау біз үшін үлкен мәнге ие. Бұл жүлдені алып отырған ұжымның орны бөлек десе де болады. Бір ғасыр бойы халықты үздіксіз ақпаратпен және ұлтымыздың әні мен жырын, мәдениетін халыққа жеткізіп отырған еліміздің бас радиосы – «Қазақ радиосына» беріледі. Қазақ радиосы ұжымын шын жүректен құттықтаймын! Еліміздің радиосы мыңжылдықтар бойы қазақтың үнін жеткізе берсін. Дендеріңізге саулық, отбасыларыңызға амандық тілеймін», - деді ҚР Ақпарат және қоғамдық даму министрі Аида Ғалымқызы.

Еске салайық, елордадағы Қазмедиа орталығында баспа, радио, интернет-журналистика саласындағы «URKER-2021» ұлттық бәйгесінің жеңімпаздары марапатталды.

https://qazradio.fm/kz/news/20993/

Бүгін – халықтың тіршілігінен, әлеуметтік әл-ауқатынан, руханияты мен қоғам тынысынан хабар тарататын ақпарат саласының қызметкерлерінің кәсіби мерекесі. 2004 жылдан бері маусым айының соңғы жексенбісі журналистер күні ретінде аталып өткенімен, былтыр ел Президентінің арнайы тапсырмасымен 28 маусым Бұқаралық ақпарат құралдары қызметкерлерінің күні болып белгіленді. Осы арқылы бұл сала мамандарының кәсіби мерекесін дербес атап өтуге мүмкіндік жасалды.
Мереке құтты болсын, әріптестер!
#qazaqradiolary

Мемлекет басшысының Жарлығымен Сапархан Кесікбайұлы Омаров Қазақстан Республикасының Мемлекет басшысының Жарлығымен Сапархан Кесікбайұлы Омаров Қазақстан Республикасының Ауыл шаруашылығы министрі лауазымынан босатылды. Бұл туралы Ақорданың ресми сайты хабарлады.

Үкіметтің кеңейтілген отырысында Президент Ауыл шаруашылығы министрінің жұмысын сынға алды. Айтуынша, елдегі қуаңшылықта министрлік жұмысты тиімді ұйымдастыра алған жоқ.

«Сондықтан осы салаға жауапты тұлға ретінде министр Сапархан Омаровтың отставкаға кеткені дұрыс деп есептеймін», - деді Президент.

Мемлекет басшысы қиындыққа тап болған өңірлерге жем-шөпті жедел жеткізіп, малдың қырылуын тоқтату керектігін айтты.

Жамбыл облысында әскери бөлім қоймасында жарылыс болды

Бұл туралы ҚР Қорғаныс министрлігінен мәлім етті.

«Бүгін сағат шамамен 19:00-де Жамбыл облысының Байзақ ауданында орналасқан әскери бөлім қоймаларының бірінен өрт шықты. Өрт салдарынан белгісіз зат жарылды. Өртті сөндіруге бөлімнің шынжыр табанды өрт сөндіру машинасы мен өрт сөндіру командасы жұмылдырылған. Оларға Жамбыл облыстық ТЖД өрт сөндіру бөлімшелері көмек көрсетуде. Өрт ошағының жою жалғасып жатыр. Өрттің неден шыққаны анықталуда», - делінген министрлік таратқан ақпаратта.

Президент Жамбыл облысындағы қайғылы оқиғаға байланысты 29 тамызды Жалпыұлттық аза тұту күні деп жариялады