💬Елімізде жыл басынан бері 40 адам жұмыс орнында қаза тапты

Биыл 293 жұмысшы түрлі деңгейде жарақат алған. Оқыс оқиғалардың басым бөлігі өндіріс пен құрылыс саласында тіркелген.

Қаңтар-сәуір айларында жұмыс уақытында:
⚫️Қарағандыда — 31;
⚫️Қостанайда — 27;
⚫️Шығыс Қазақстан облысында — 24;
⚫️Ақтөбеде — 22;
⚫️Алматы қаласында — 19 адам зардап шеккен.

🔴Еңбек және халықты әлеуметтік қорғау министрлігінің мәліметінше, 2025 жылы тіркелген жазатайым оқиғалар саны өткен жылдың дәл осы кезеңімен салыстырғанда 17%-ға азайған. Бұл көрсеткіштің төмендеуіне апаттық-құтқару қызметтеріне қойылған талаптардың күшеюі ықпал еткен.

📺@qazaqstantv

⛈29 сәуірге арналған ауа райы болжамы

Бүгін Қазақстанның басым бөлігінде солтүстік-батыс циклоны мен атмосфералық фронттар әсерінен найзағай ойнап, жаңбыр жауады.

Солтүстігінде, солтүстік-батысында жауын-шашын (жаңбыр, қар) түседі, батысында, шығысында және оңтүстік-шығысында бұршақ жауады.

Тек елдің батысында ауа райы жауын-шашынсыз болады.

Республика бойынша жел күшейіп, оңтүстігінде, оңтүстік-шығысында шаңды дауыл тұрады, солтүстігінде, солтүстік-батысында, орталығында түнгі және таңертеңгі уақытта тұман түседі.

🌤Астанада күн бұлтты. Күндіз ауа температурасы +9+11°C, желдің жылдамдығы 15-20, күндіз 23-28 м/с-ге жетеді.

⛈Алматыда күн ала бұлтты, найзағай ойнап, жаңбыр жауады. Күндіз ауа температурасы +30+32°C, желдің жылдамдығы 3-8 м/с, күндіз екпіні 15-20 м/с-ге жетеді.

⛈Шымкентте күн бұлтты, найзағай ойнап, жаңбыр жауады. Күндіз ауа температурасы +31+33°C, желдің жылдамдығы түнде 8-13, күндіз 15-20 м/с-ге жетеді.

📺@qazaqstantv

🔴Еліміз бойынша 1363 бала қызылша жұқтырған

Ауруға шалдыққандардың 75 пайызы вакцина салдырмаған. Қызылша жұқтырған балалардың ең көбі Жамбыл облысында тіркелген. 300-ге жуық бала ауырған. Екінші Астана, үшінші кезекте Ақмола облысы.

Дегенмен мамандар биыл қызылша жұқтырғандардың саны былтырғы осы кезеңмен салыстырғанда айтарлықтай аз деді. Мәселен, былтыр 21 мыңнан аса бала қызылшамен ауырған.

Сондай-ақ көкжөтелге шалдыққан балалардың да саны былтырғымен салыстырғанда едәуір аз. Өткен жылы 550-ге жуық, биыл 183 жағдай тіркелген. Олардың 89 пайызы екпе салдырмаған.

📌Сондықтан мамандар дер кезінде екпе алуға кеңес береді.

📺@qazaqstantv

📸Сайрам-Өгем паркінде қар барысы фототұзаққа түсіп қалды

Сайрам-Өгем мемлекеттік ұлттық табиғи паркі аумағында қар барысы тағы да фототұзаққа іліккен.

Парк қызметкерлерінің айтуынша, Қазақстанның Қызыл кітабына енген әрі өте сирек кездесетін қар барысы биыл осымен 2-рет фототұзаққа түсіп отыр.

📺@qazaqstantv

🗓️Жаңа Рим папасын сайлау рәсімі 7 мамырда өтеді

Ватиканда Сикстин капелласы туристер үшін жабылды. XV ғасырда салынған ғимаратта жақында кардиналдардың конклавы өтеді. Құпия жиында католик шіркеуінің жаңа басшысы сайланбақ.

Алайда жаңа папаны сайлау бірнеше айға, тіптен жылға созылуы мүмкін. Мәселен, 1268 жылы конклав 2 жылға жалғасты. Ал ең қысқасы 1503 жылы өтіп, бірнеше сағатқа созылған.

📌2013 жылдан бері Рим папасы болған Франциск 21 сәуірде 88 жасында инсульттен қайтыс болды.

Шымкентте салмағы 1 келі нәрестенің жүрегіне күрделі ота жасалды

Туғанына небәрі 45 күн болған, салмағы 1 келіге жететін сәбиге туабітті жүрек ауруына байланысты ота жасалды.

🔵Мамандардың айтуынша, ота сәтті өткен. Қазіргі уақытта нәрестенің жағдайы – ауыр, бірақ бірқалыпты, тұрақты бақылауда.

📺@qazaqstantv

💱8,5 млн теңге: Ауылға жұмысқа келетін аса тапшы медицина қызметкерлеріне біржолғы төлем беріледі

Қазақстанда ауылдық жерлерге жұмысқа келетін аса тапшы медицина қызметкерлеріне біржолғы ақшалай төлемді көздейтін норма іске асырылуда. Оның мөлшері – 8,5 млн теңге.

🔵Сонымен қатар Денсаулық сақтау министрі Ақмарал Әлназарованың ақпараты бойынша, ауылдық елдімекендерге жұмыс істеуге және тұруға келген денсаулық сақтау мамандарына «Дипломмен ауылға!» бағдарламасы аясында әлеуметтік қолдау шаралары көрсетіледі.

📌Бүгін Үкіметте медицина және құрылыс мәселесі қаралып жатыр.

📺@qazaqstantv

🔴Түркістан облысында майнинг жабдықтарының жоғалуына байланысты 28 полиция қызметкері жазаланды

Құны 400 млн теңге тұратын майнинг фермасының жабдықтары жоғалып кеткен. Бұл факті ІІМ тексерісі кезінде анықталды.

📌Тәртіптік жаза қатардағы тергеушілерден бастап, жоғары шенді офицерлерге дейін қолданылды. Түлкібас аудандық ІІБ бастығы қызметінен кету туралы өтініш жазса, облыстық ПД басшылары мен бөлім жетекшілеріне қатаң сөгіс берілді.

📺@qazaqstantv

🇺🇦Зеленский 30 күнге бітім жариялауды ұсынды

Украина президенті Владимир Зеленский 8 мамырды күтпей, шұғыл түрде 30 күнге атысты тоқтатуды ұсынды.

🔵«Бұл нағыз дипломатиялық диалог бастауға мүмкіндік береді», - деді ол.

Ал Владимир Путин алдағы мерекелерге орай Украинадағы соғысты үш күнге тоқтатуды ұсынған.

💬Сондай-ақ АҚШ-та өз пікірін білдірді: Ақ үйдің баспасөз хатшысының айтуынша, Дональд Трамп соғыстың тұрақты тоқтағанын қалайды.

📺@qazaqstantv

📌Петропавлда үйдің іргетасынан қару бөлшектері табылды

Петропавлдағы Заречный кентінде бөгеттерді нығайтып жатқан әскерилер 50-ге жуық мылтық ұңғысын тауып алды. Қарудың бөлшектері цементпен бірге үйдің іргетасына қаланған.

Учаскеде кезекшілік атқарып жүрген полицейлер іргетасты бұзып, 46 мылтық ұңғысы мен аңшылық қарудың бөлшектерін алып шықты.

⚪️Полиция департаментінің баспасөз қызметі табылған қару бөлшектеріне қатысты тергеу жүргізіліп, оны іргетаспен бірге кім қалағаны анықталатынын жеткізді.

📺@qazaqstantv

❓«100 кітап» жалпыұлттық сауалнамасына қалай қатысуға болады?

Сауалнамаға қатысу үшін екі тәсіл ұсынылады:

1️⃣eGov мобильді қосымшасы арқылы:
Порталға кіріп, басты бетте орналасқан «Таңдаулы 100 кітапты бірге анықтайық!» батырмасын басып, кітап ұсыну бетіне өтесіз. Сол жерде өзіңіз таңдаған 10 үздік кітаптың атауы мен авторын енгізіп, «Дайын» батырмасы арқылы сауалнаманы аяқтайсыз.

2️⃣QR-код арқылы қатысу:
Экранда көрсетілген QR-кодты сканерлеу арқылы кітап ұсыну бетіне тікелей өтуге болады.

Сауалнама үш ай бойы жүргізіледі.

Сауалнама нәтижелері 10 тамыз күні, Абай күніне орай жарияланады.

📌Жобаның бас ақпараттық серіктесі – «Қазақстан» телерадиокорпорациясы.

📹Instagram 📹TikTok 💬WhatsApp 📒Facebook

Шымкенттік оқушы шетелдік 12 университеттің грантын жеңіп алды

Шымкент қаласындағы орта мектептердің бірінде оқитын Алина Есенгелдиева оқу жылы аяқталмай жатып, шетелдік 12 жоғары оқу орнының арнайы грантына ие болып, шақырту алды.

Алина Есенгелдиеваның ғарышқа ұшыратын қондырғысы шетелде білім алуына жолдама берді. Жерден басқарылатын шағын құрал лазер арқылы ғаламшарды қоқыстан тазартуға арналған.

Ғылыми жоба алдымен Шымкентте өткен жарыстарда үздік деп танылды. Астанада өткен әлемдік білім сайысында теңдессіз жаңалық деп бағаланды. Осылайша шетелдік оқу орындарының қызығушылығын оятты.

11-сынып оқушысының таңдауы 12 жоғары оқу орнының ішінде Лос-Анжелес университетіне түсіп тұр. Ол биоинжинер мамандығын игеріп шықпақ.

📺@qazaqstantv

🔴Түркияда көшкін салдарынан бір отбасының мүшелері қаза тапты

Түркияның Самсун провинциясында көшкін салдарынан бір отбасының үш мүшесі қайтыс болды. Қайғылы оқиға көлік жуу бекетінің жанында болған. Таудан сырғыған тас пен топырақ жанармай құю станциясы маңындағы көлікті басып қалған.

📌Оқиға орнында 36 жастағы ер адам және 5 пен 7 жастағы екі бала қаза тапты. Олардың анасы ауыр жарақатпен ауруханаға жеткізілді.

Қауіпсіздік талаптарын өрескел бұзғаны үшін жанармай бекетінің иесі қамауға алынды. Қазір тергеу амалдары жүріп жатыр.

📺@qazaqstantv

🧑‍⚖️Шерзат Полаттың ісі: Куәгерлерден жауап алынды

🔴Шымкентте 36 азамат кәсіп ашуға бөлінген қаржыны мақсатсыз жұмсаған

📍Қостанай облысында жыл басынан бері 510 бас ірі қара малдан бруцеллез анықталған

🔵Петропавлда бір тәулікте Есіл өзенінің деңгейі 3 см-ге түсті

📊Қазақстан мен Жапония ғалымдары жаңа гербицидті қолданысқа енгізбек

📺@qazaqstantv

🛵Мопед пен самокат: Алматыда қанша жол-көлік оқиғасы тіркелген?

Жыл басынан бері Алматыда мопедтердің қатысуымен 256 жол-көлік оқиғасы тіркелді. Салдарынан 267 адам зардап шегіп, екеуі қайтыс болды.

Ал самокаттың қатысуымен 41 жол-көлік оқиғасы тіркелген. Жалпы, 41 адам зардап шеккен, қаза тапқандар жоқ.

📺@qazaqstantv

🧑‍⚖️Шерзат ісі: Куәгерлерден жауап алынды

Талдықорғанда болып жатқан сот процесінде түске дейін бес адам сұралды. Оның екеуі - Талғар аудандық полиция басқармасының қызметкерлері.

Түнгі кезекшілікте болған Жәнібек Әмірақынның айтуынша, қоңырау түскен соң бірден Менделеев көшесіне барған. Артынша қосымша көмек шақырған.

Сотта полицейлер тау маңындағы көліктен Аскентай Дарханды ұстағандарын айтты. Прокурордың мәлімдеуінше, оқиға кезінде сотталушылармен бірге екі қыз болған. Бірі дүкенге кіріп, есікті сыртынан тіреп қойған. Төбелес басталғанда қыздардың бірі көліктен пышақтарды алып берген.

📺@qazaqstantv

Президент «Бәйтерек» ұлттық басқарушы холдингі» АҚ басқарма төрағасы Рустам Қарағойшинді қабылдады

Мемлекет басшысына холдингтің былтыр атқарған жұмысы туралы есеп беріліп, биылғы жоспары таныстырылды.

Холдинг тарапынан 6 трлн теңгеге жуық қолдау көрсетілген:
🔹 Оның 4,1 трлн теңгесі ірі, орта және шағын бизнесті қолдауға,
🔹 ал 1,9 трлн теңгесі тұрғын үй-құрылыс секторына бағытталған;
🔹 Холдинг активтері 14,1 трлн теңгеге жеткен;
🔹 Инвестициялық және несие портфелі 10,3 трлн теңгеге дейін ұлғайған;
🔹 Таза табыс 416 млрд теңгені құрады.

«Даму» кәсіпкерлікті дамыту қоры» базасында екі кепілдік қоры іске қосылған:

▫️Оның бірі шағын және орта бизнесті қолдауға арналған.
▫️ал екіншісі құны 7 миллиард теңгеден асатын ірі жобаларды қаржыландыруды көздейді.

Қасым-Жомарт Тоқаев экономиканың нақты секторын«Бәйтерек» холдингіне екінші деңгейлі банктермен бірлесіп, қаржыландыруды, Энергетикалық және коммуналдық секторларды жаңғырту ұлттық жобасын іске асыруға қаржы тарту мәселесін шешуді тапсырды.

📺@qazaqstantv