❓Түркияда болған жер сілкісінен зардап шеккендер бар ма?

📝Үкіметте елді газдандыру бойынша бірқатар мәселелер айтылды

🧑‍⚖️Руслан Берденовке қатысты жүргізіліп жатқан іс прокуратура бақылауында

🇺🇸🇺🇦АҚШ дипломаттары Украина жөніндегі келіссөздерге қатыспады

💸Еуропа Одағының заңдарын бұзғаны үшін Apple-ге 500 млн, Meta-ға 230 млн доллар айыппұл салынды

📚Қазақстанда отандық авторлардың 100 таңдаулы кітабы айқындалады

✍️Авторлық құқыққа қатысты заң жобасына бірқатар өзгеріс енгізіледі

📺Толығырақ 20:00-де Ақпаратта.

📺@qazaqstantv

🗣Мәскеуде ауа температурасы рекордтық көрсеткішке жетті

Мәскеуде күн күрт жылынып, ауа температурасы 23,4 градусқа дейін жетті. Осылайша сынап бағанасы 30 жылдық рекордты жаңартты. Соңғы рет 1995 жылы 23 cәуірде ауа температуасы 23,3 градусқа дейін көтерілген.

❗️Мамандар аптап ыстық алдағы екі күн сақталатынын айтады. Ал Төтенше жағдайлар министрлігі өрт оқиғасы артатынын ескертіп, қауіпсіздік талаптарын сақтауды талап етіп отыр.

📺@qazaqstantv

🔴Стамбұлда жер сілкінісі қайталануы мүмкін

Стамбұл халқын бүгін жойқын дүмпулер дүрліктірді. 1 сағатта бес рет жер сілкінді. Зілзалының магнитудасы 6,2 баллға жеткен. Үрейлеген тұрғындар қайда бас сауғаларын білмей дал болған.

📌Мамандар жер сілкінісі қайталануы мүмкін деген болжам айтып отыр. Сондықтан Ердоған Түркияның тиісті министрліктеріне жағдайды бақылауда ұстап, қажетті шараларды қолға алуды тапсырды.

📺@qazaqstantv

🌐Huawei және China Unicom Сюнанда алғашқы 10G кең жолақты байланысын бірлесіп іске қосты: өлшенген жылдамдық 9800 Мбит/с-тен асты, деп хабарлайды lxbt.

💲Биткойн қалпына келе бастады, ал доллар мен АҚШ қор индекстеріне арналған фьючерстер төмендеуде. Бұл қозғалыстардың себебі ортақ: президент Федералдық резерв жүйесінің төрағасын қатты сынға алып, оның тәуелсіздігіне қауіп төндіріп отыр. Доллардың индексі 2024 жылдың қаңтарынан бері ең төменгі деңгейге жетті, өйткені Ұлттық экономикалық кеңестің директоры Кевин Хассетт жұма күні Трамптың Пауэллді қызметтен босата ала ма, жоқ па, соны зерттеп жатқанын айтты.

🥇Сарапшы Эд Ярдени 2026 жылдың соңына дейін алтын бағасы 5 000 долларға жетеді деп болжауда.

🇰🇷🇯🇵1999 жылдан бері алғаш рет Жапония Оңтүстік Кореядан күріш импорттады. Бұл елде осы өнімнің айтарлықтай тапшылығы мен бағаның өсуіне байланысты орын алды. Bloomberg агенттігінің мәліметінше, оңтүстіккореялық NongHyup ауыл шаруашылығы федерациясының жапондық бөлімшесі 2 тонна күріш жіберді, ал жақын уақытта тағы 20 тонна жеткізіледі деп күтілуде.

📱Еуропалық комиссия (ЕК) Apple Inc. компаниясына 500 миллион еуро, ал Meta Platforms Inc.-ке 200 миллион еуро айыппұл салды. Бұл айыппұлдар Цифрлық нарықтар туралы заңды (Digital Markets Act, DMA) бұзғаны үшін салынды.

📺@qazaqstantv

📱Авторлық сыйақыны қамтамасыз ету үшін цифрлық платформа құрылады

💸Ақын, әнші, сазгерлер авторлық сыйақыларын әділ түрде алуы үшін, цифрлық платформа құрылмақ. Ол жерде гонорар қалай есептелмек? Мәжіліс депутаттары авторлық құқыққа қатысты заңға өзгертулер енгізді.

📝Сондай-ақ бұдан былай мүмкіндігі шектеулі жандар кез келген туындыны автордың рұқсатынсыз оның қарпін өзгертуге және аудиожазбасын жазу құқығына ие болады. Бүгін осы заң жобасы бірінші оқылымда мақұлданды.

⏺Толығырақ тілші Самал Қабышеваның материалында.


📺@qazaqstantv

🇺🇸🇺🇦Украина жөніндегі келіссөздерге АҚШ дипломаттары қатыспай қойды

💬Бүгін Ұлыбритания астанасында АҚШ, Украина, Еуропа арасындағы келіссөздер тығырыққа тірелді. Себебі Құрама Штаттардың Мемлекеттік хатшысы Марко Рубио Лондонға сапарын кенеттен доғарған.

Вашингтон атынан президент Дональд Трамптың Украина бойынша арнайы елшісі Кит Келлог өкілдік етеді.

💬Бұған дейін Трамп Мәскеу мен Киев келіссөздерінде прогресс байқалмаса, Украинадағы соғысты тоқтату әрекетінен бас тартатынын мәлімдеген еді.

Келіссөздерді тұралатып отырған басты мәселе – территория. Болжамдарға қарағанда, Вашингтон Украинаның оккупацияланған төрт облыс пен Қырымды Ресейдің бақылауына өткізгенін қалайды.

❗️Алайда президент Владимир Зеленский ешқандай бейбіт келісім аясында Мәскеуге жер бермейтінін ескертіп отыр.


📺@qazaqstantv

🛣Алматыда BRT құрылысы басталады

Алматының ірі магистралі саналатын Райымбек даңғылындағы BRT құрылысы басталады. Жоба аясында BRT желісіне, яғни жүрдек автобусына арнайы жолақтар салынып, жаңа аялдамалар орнатылады. Нәтижесінде автобустардың орташа жылдамдығы 70%-ға артады. Бағыттар бойынша қоғамдық көлікті күту уақыты 4-7 минут аралығында болады. Бастапқыда тоғыз негізгі маршрут іске қосылады.

✅Арнайы жолақтың салынуы қоғамдық көлікке басымдық беріп, алып шаһардағы кептелісті азайтуға сеп болмақ. Құрылыс екі кезеңге бөлінеді. Біріншісі кезінде маусым айына дейін арық жүйесі орнатылады, жаңа аялдамалар салынады. Сондай-ақ суару, инженерлік жүйелер көшіріледі. Ал маусым айынан бастап жаңа асфальт төселіп, жол таңбалары сызылады. Бағдаршамдар жаңартылып, тротуарлар, велосипед жолдары, көгалдандыру жұмыстары жүргізіледі.

📺@qazaqstantv

☀️24 сәуірге арналған ауа райы болжамы

Бүгін фронтальды бөлімдер әсерінен еліміздің басым бөлігінде найзағай ойнап жаңбыр жауады.

📌Республика бойынша тұман түсіп, жел күшейеді. Күндіз Маңғыстау облысында шаңды дауыл соғуы ықтимал. Түркістан облысының батысында, шөлді аудандарында және Қызылорда облысының шығысында, орталығында жоғары өрт қаупі болуы мүмкін.

🌤Астанада күн ала бұлтты. Күндіз ауа температурасы +18+20°C, желдің жылдамдығы күндіз 9-14 м/с.

⛈Алматыда жаңбыр жауып, найзағай ойнайды. Күндіз ауа температурасы +20+22°C, желдің жылдамдығы 3-8 м/с.

🌤Шымкентте күн ала бұлтты. Күндіз ауа температурасы +25+27°C, желдің жылдамдығы 5-10 м/с.

📺@qazaqstantv

📖Қазақстанда қанша кітапхана бар?

2024 жылдың қорытындысы бойынша елімізде 10 мыңнан астам қызметкер жұмыс істейтін 3920 қоғамдық кітапхана бар. Оның 15-і жекеменшік кітапхана.

Сонымен қатар елімізде 265 балалар кітапханасы, 20 ғылыми, 19 арнайы және басқа да 8 кітапхана жұмыс істейді.

✔️Кітапхананың ең көп саны Түркістан облысында – 399. Одан кейінгі орында 358 кітапханасы бар Батыс Қазақстан облысы мен 341 кітапханасы бар Ақмола облысы тұр.

Ал ең аз кітапхана елордада – 27 бірлік.

📚Қазақстанның кітапхана қорында 110,3 млн басылым бар. Электрондық каталогтың көлемі 1,7 млн бірлікті құрайды. Ең үлкен қор Алматыда. Онда 37,1 млн басылым бар. Жалпы кітапханалардағы кітап қоры – 69,4 млн.

Өткен жылы кітапханаларға азаматтар 55,4 млн рет барған.

📺@qazaqstantv

📚Абай облысында 233 ауыл мектебіне 13 мыңнан астам кітап таратылды

Әр мектепке арнайы әзірленген қорап ішінде қазақ және әлем әдебиетіндегі балалар мен жасөспірімдерге арналған үздік шығармалар енген 60 түрлі кітап бар.

Оның ішінде «Қазақ тарихының әліппесі», «Алаш жылнамасы», «Қош бол, майдан», «Соңғы соққы», «Ағыраптағы аты жоқ адам» сияқты рухани мазмұны терең шығармалар бар.

«Артық білім кітапта» жобасы Ұлттық кітап күніне орай ұйымдастырылған.

📺@qazaqstantv

🏘Қазақстанда қандай ипотекалық бағдарламалар қолжетімді?

«Таңшолпан» бағдарламасында қонақта болған сарапшы Ақерке Бодаубекқызы тиімді ипотекалық бағдарламалар туралы айтты. Бағдарламалардың негізгі шарттары, бастапқы жарна, пайыздық мөлшерлеме мен жеңілдіктерге тоқталды.

🔴Сарапшының айтуынша, бүгінде елімізде 2025 жылға арналған бірнеше ипотекалық бағдарлама жұмыс істеп тұр. Соның бірі – «7-20-25» бағдарламасы. Бұл бағдарлама аясында пәтерді 20 пайыз бастапқы жарнамен, 7 пайыздық мөлшерлемемен рәсімдеуге болады. Алайда қатысу үшін соңғы бір жарым жыл ішінде атыңызда тұрғын үй болмауы тиіс. Сонымен қатар, бағдарламаға қатысу үшін азаматтар банкке арнайы кезекке тұруы қажет.

📺@qazaqstantv

Астанада Қазақстан халқы Ассамблеясының XXXIV сессиясы басталды

Биылғы сессияның тақырыбы – «Бірлік пен келісім жолындағы 30 жыл».

Шараға 1600-ден аса делегат қатысады. Олардың қатарында депутаттар, өңірлерден келген ассамблея мүшелері, этномәдени және діни бірлестіктердің өкілдері бар.

📺@qazaqstantv