🎬«Құсни-Қорлан» әнінің шығу тарихына арналған телехикая түсіріледі

«Қазақстан» телерадиокорпорациясы «Естайдың Қорланы» атты екі бөлімді тарихи телехикая түсіруді қолға алды. Туындыда халық композиторы Естай Беркімбайұлының бүгінге дейін жеткен әйгілі «Құсни-Қорлан» әнінің шығу тарихы баяндалады.

Жобаны түсірудегі басты мақсат – қазақ халқының сал-серілік дәстүрін, ұлттық фольклордың кең тараған мұрасы – ғашықтық жырларының мәнін жеткізу, жастарға ХХ ғасыр басындағы қазақ қоғамындағы өнер мен өмір салтын көрсету. Телехикаяның сценарий авторы – «Qazaqstan» арнасы бұған дейін түсірген «Абай», «Ерте көктем» сериалдарының сценарийін жазған Сержан Зәкерұлы, режиссері – Нұргелді Садығұлов. Н.Садығұлов бұған дейін арнаның «Он алты жасар чемпион» сериалына режиссерлік етті.

«Естайдың Қорланы» телехикаясы Естай Беркімбайұлының туған өңірі Павлодар облысының Баянауыл ауылында және Екібастұз қаласында өтеді.

«Қазақстан» телерадиокорпорациясы телехикаядағы басты кейіпкерлерді сомдайтын актерлерге кастинг жариялайды.

Актерлерге қойылатын талаптар:
Жас Естай
– 18-25 жас;
– Бойы 175 см және одан жоғары болуы;
– Ән айту, домбыра тарту қабілеті, атқа міну дағдылары;
– Сахнада еркін қимылдау, көркем сөзге икемділік қажет.

Қарт Естай
– 65-75 жас;
– Ән айту, домбыра тарту, атқа міну қабілеті қажет.

Қорлан
– 17-22 жас;
– Аққұба, шашы ұзын;
– Атқа міне алуы керек.

Біржан сал
– 45-60 жас;
– Сал-сері бейнесіне сай келбет;
– Домбырамен ән айту қабілетінің болуы шарт.

Өтінімдер casting@qazaqstan.tv поштасына 2025 жылғы 20 мамырға дейін қабылданады. Байланыс нөмірі: +717 2 75 71 08.

📺@qazaqstantv