🇷🇺🇺🇦Путин Зеленскиймен келіссөз жүргізуге ашық екенін білдірді

Ресей президенті 2022 жылы ақпанда басталған соғыстан бері алғаш рет осындай ниет танытып отыр. Мұны көрші ел лидері мемлекеттік телеарна журналисі Павел Зарубинге берген сұқбатында айтты.

✍️Ал Зеленский Путиннің бұл мәлімдемесіне тікелей жауап бермесе де, бейбіт халыққа қарсы соққыларды тоқтату үшін «барлық әңгімеге дайын» екенін хабарлады.

📺@qazaqstantv

🧑‍⚖️Руслан Берденовке оқ атқан күдіктіге қатысты қылмыстық іс қозғалды

Қала әкімдігі ғимаратының алдында оқ тиген әкім орынбасары Руслан Берденовтің жағдайы жақсарып келеді. Дәрігерлер барлық медициналық көмекті көрсетіп жатыр. Сайга-12 қаруынан үш рет атылған оқтан Берденовтің кеудесі, бауыры мен аяғы жараланған.

⏺Лауазымды тұлғаға оқ атқан күдікті оқиға орнында бірден құрықталды. Қазір тергеу абақтысында. Қылмыстық іс қозғалып, тергеу жүріп жатыр.

Полиция департаменті бұл оқиға қатысты әзірге ешқандай түсініктеме берген жоқ. Белгілісі 31 жастағы күдікті әкімдікке қарасты жауапкершілігі шектеулі серіктестікте қызмет еткен. Жуырда ғана жұмыстан шеттетілген.

📺@qazaqstantv

Өртке оранған пәтерден бесіктегі сәбиді аман алып шыққан оқушы

Пойызда жағдайы күрт нашарлаған балаға жедел көмек көрсеткен жолсерік пен ұшқыш арулар «Жақсылық жаса» бағдарламасында.

Осы жұма 21:25-те тікелей эфирді көріңіз.

📺@qazaqstantv

🛫«Семей – Астана – Семей» бағытында жаңа әуе рейсі қатынайды

⏺Жаңа бағыттағы рейс 27 сәуірден бастап іске қосылмақ. «Южное небо» әуе компаниясына тиесілі рейсте 48 орындық Ан-24 ұшағы жолаушыларға қызмет көрсетеді. 10 мамырға дейін рейстер аптасына үш рет, сонан соң аптасына бес рет ұшады.

Ал 1 мамырдан бастап «Алматы – Семей – Алматы» және «Астана – Семей – Астана» бағыттары бойынша қосымша рейстер қосылады.

⏺1 маусымда «FlyArystan» әуе компаниясы дүйсенбі және бейсенбі күндері ұшатын «Шымкент – Семей – Шымкент» жаңа бағытын ашса, «Скат» әуекомпаниясы «Алматы – Үржар – Алматы», «Астана – Үржар – Астана» рейстерін көбейтіп, аптасына 6 рет орындамақ.

📺@qazaqstantv

💸Қытайда банкоматқа алтын өткізіп те ақша алуға болады

⚖️Шанхай қаласында ақылды аппарат салмағы 3 грамнан асатын, ал құрамында кемі 50 пайыз алтыны бар зергерлік бұйымдар қабылдайды.

Жергілікті БАҚ өкілдерінің мәліметінше, бұл банкоматқа қазір сұраныс жоғары. Тұрғындар мамыр айына дейін кезекке жазылған.

🟡Ал Норвегияда суға төгілген мұнай дақтарын жасанды интеллект анықтамақ.

Толығырақ тілші материалында.

📺@qazaqstantv

🔴Атырау облысындағы Бөкейхан ауылының тұрғындары 18 жылдан бері өзен суын ішіп отыр

💸Атырау облысындағы Бөкейхан ауылының тұрғындары өзен суын ішіп отыр. 400-дей түтіні бар ауыл 18 жылдан бері тіршілік нәрінен тарығып келеді. Осыдан 6 жыл бұрын бюджеттен 1 млрд теңгеден астам қаражат жаңа су құбырының құрылысына бөлінді. Жоба басталғанымен әлі іске қосылмады.

Толығырақ тілші Нұрсұлтан Нұрсейіттің бейнематериалында.

📺@qazaqstantv

📖23 сәуір – Ұлттық кітап күні

Үкімет қаулысымен 2024 жылы елімізде жаңа мереке 23 сәуір – Ұлттық кітап күні болып бекітілді.

Атаулы күн Мемлекет басшысының үшінші Ұлттық құрылтайда қоғамда оқу мәдениетін дамыту жөнінде берген тапсырмасы негізінде енгізілді.

📺@qazaqstantv

⛈Найзағай ойнап, жаңбыр жауады: 23 сәуірге арналған ауа райы болжамы

Еліміздің бірқатар өңірінде жаңбыр мен найзағай күтіледі, кей жерлерде тұман түсіп, жел күшейеді.

• Астанада найзағай ойнап, жаңбыр жауады. Күндіз ауа температурасы +22+24°C, желдің жылдамдығы күндіз 9-14, ал түнде 3-8 м/с-ге жетеді.

• Алматыда жаңбыр жауып, найзағай ойнауы мүмкін. Күндіз ауа температурасы +20+22°C, желдің жылдамдығы 3-8 м/с-ге жетуі мүмкін.

• Шымкентте найзағай ойнап, жаңбыр жауады. Күндіз ауа температурасы +23+25°C, желдің жылдамдығы 7-12 м/с.

📺@qazaqstantv

🇮🇱🇵🇸Израиль мен ХАМАС-қа атысты тоқтату бойынша жаңа келісім ұсынылды

Газа секторындағы атысты тоқтату бойынша Египет пен Қатар жаңа келісім жобасын ұсынды. Оған сәйкес Израиль аймақтан әскерін толықтай шығаруы, барлық израильдік тұтқындар босатылуы керек. Сонымен қатар палестиналық сотталушылардың да еркіндікке шығуы қарастырылған.

Қазірде екі тараптан да ресми жауап берілген жоқ. Бұған дейін ХАМАС Израиль ұсынған шарттарды қабылдамай, қаруды тапсыру талабына қарсы екенін мәлімдеген болатын.

Айта кетейік, Египет пен Қатар елдері ХАМАС пен Израильді ортақ мәмілеге келтіруге тырысып жүр.

📺@qazaqstantv

📚Ұлттық кітапхана қорында 40 мыңға жуық сирек кездесетін кітап бар

115 жылдық тарихы бар Ұлттық кітапхана қорында 7 миллионға жуық кітап бар. Оның 40 мыңға жуығы әлем бойынша кездесетін бірегей еңбек. Ал мыңнан астам қолжазба түпнұсқа күйінде сақталған.

🔖Қордағы тарихи еңбектер белгілі температура мен ылғалдылығы қатаң бақыланатын бөлмелерде сақталады. Бұл олардың сарғайып не бүлініп қалмауы үшін қажет.

📺@qazaqstantv

Президент Қасым-Жомарт Тоқаев қазақстандықтарды Ұлттық кітап күнімен құттықтады

– Биыл алғаш рет аталып жатқан Ұлттық кітап күні құтты болсын! Бұл – білімпаздық, ізденімпаздық, кітапқұмарлық сияқты игі қасиеттерді дәріптейтін күн. Кітап оқыған ұрпақ озық ойлы болады. Сапалы ұлт осындай құндылықтар арқылы қалыптасады, – делінген құттықтауда.

Былтыр Атырауда өткен Ұлттық құрылтайда Қасым-Жомарт Тоқаев Ұлттық кітап күнін белгілеу жөнінде тапсырма берген болатын.

Соған сәйкес, биылдан бастап 23 сәуір – Ұлттық кітап күні болып белгіленді.

📺@qazaqstantv

✔️Испания үкіметі «Көкжиде» жерасты су орнын зерттеуге грант бөледі

Ақтөбе облысындағы «Көкжиде» жерасты су орнынан Қазақстанның батыс өңірлерін ауыз сумен қамтамасыз ету жобасы әзірленіп жатыр. Кен орнындағы таза судың қоры тәулігіне 173,4 мың текше метр.

Су ресурстары және ирригация министрлігі кен орнында аэромагниттік түсірілім жүргізу үшін испандық Xcalibur Smart Mapping компаниясымен келісімге қол қойды.

Сондай-ақ мұнай өндірудің жерасты су орны суларына әсерін зерттеуге қазақстандық мұнай-газ және энергетика кешені ұйымдарының қауымдастығы 250 млн теңге бөлген. Зерттеу жұмыстары Қ.Сәтбаев атындағы Қазақ ұлттық техникалық зерттеу университеті жүргізіп жатыр.

📺@qazaqstantv

👨‍⚕️🩺Алматыда әлемнің үздік хирургтері тікелей эфирде 15 ота жасады

Оны Қазақстанның әр өңірінен және шетелден келген дәрігерлер мен мамандар онлайн бақылады. Операциялар Алматы қаласының Перинатология және балалар кардиохирургиясы орталығының базасында өтті.

Сондай-ақ халықаралық шеберлік сағатына Үндістан, Италия, Қытай, Израиль және тағы басқа елдерден келген 600-ден астам дәрігер, ғалым мен сарапшы қатысты.

📺@qazaqstantv

💻Еліміздегі барлық мектептерде STEM және робототехника кабинеттері ашылуда

Оқушыларды сапалы және заманауи білім ресурстарымен қамтамасыз ету мақсатында 2039 мектепте 3128 жаңа пәндік кабинеттермен жабдықталды. Оның ішінде 336-ы робототехника бағытында іске қосылған.

2029 жылға дейін тағы 945 осындай кабинет ашу жоспарланып отыр.

🔴Ұлттық білім беру деректер қорының мәліметінше, еліміздегі мектептерде 1800-ге жуық робототехника кабинеті жұмыс істейді. Оның 858-і қалалық мектептерде, ал 942-і ауылдық білім ошақтарында орналасқан.

📺@qazaqstantv

✔️Биыл халықтың 62 пайызы газбен қамтылады

Үкімет отырысында газ өндіру саласындағы проблемалық мәселелер көтерілді. Оның ішінде Жаңаөзенде салынып жатқан газ өңдеу зауытының құрылысы 3 жылға кешігіп жатқаны айтылды.

Сондай-ақ Ұлытау облысында газ саласына бөлінген 2,7 млрд теңгенің басым бөлігі игерілмеген. Осыған байланысты Премьер-Министр облыс әкіміне ескерту жасады.

Энергетика министрлігінің мәліметінше, 2025 жылы Қазақстанда 62,8 миллиард текше метр газ өндіру жоспарланған. Биыл 12 миллионнан астам адам газға қол жеткізеді деген жоспар бар.

📺@qazaqstantv