📽Былтыр Қазақстанда 514 фильм түсірілді

Ал кинотеатрға 23 млн-нан астам көрермен барған.

Ұлттық статистика бюросының мәліметінше, 2024 жылы Қазақстанда 514 фильм түсірілді – бұл 2023 жылмен салыстырғанда 127 артық. Оның 18% толықметражды фильмдер, ал қалған 81,9% – қысқа метражды.

Оның ішінде:
▫️175 – ойын;
▫️215 – деректі фильм;
▫️83 – анимациялық;
▫️41 – хроникалық.

Толықметражды киносеанстарға барғандардың жалпы көрсеткіші 23 млн құрады, бір жыл ішінде көрсеткіш 11,2% өсті. Оның ішінде 53% шетелдік фильмдерді көрген, бұл 12,2 млн көрермен. Ұлттық фильмдерге барған көрермен үлесі 43%, ал бірлесіп түсірілген фильмдерге барғандар үлесі – 4,8%.

📌Айта кетейік, «Қазақстан» телерадиокорпорациясының «Balapan» телеарнасы 1 мамырдан бастап «Желаяқ» толықметрлі анимациялық фильмін прокатқа шығарады.

📺@qazaqstantv

🇰🇿🇹🇲Қасым-Жомарт Тоқаев пен Гурбангулы Бердімұхамедов Қожа Ахмет Ясауи кесенесіне зиярат етті

Қазақстан Президенті мен Түрікменстан Халк Маслахатының Төрағасы түркі тілдес елдерге ортақ ең көрнекті рухани және тарихи-мәдени ескерткіштердің бірі, ЮНЕСКО Бүкіләлемдік мұралар тізіміне енген Қожа Ахмет Ясауи кесенесіне барды.

📌Мәртебелі меймандар әйгілі ойшылдың рухына тағзым етіп, Құран бағыштады. Сондай-ақ кесенеде жүргізіліп жатқан реставрациялық және ғылыми-зерттеу жұмыстарымен танысты.

📺@qazaqstantv

🪙Алтын бағасы рекордтық көрсеткішке жетті

Алтын бағасы тарихи шекті еңсерді. Рейтерс агенттігінің мәліметінше, бүгін алтынның нарықтағы бағасы 1,7 пайызға өсіп, бір трой унциясы 3 395 долларға жеткен.

📈Бұл - бұрын-соңды тіркелмеген рекордтық көрсеткіш.

Сарапшылар бұл өзгерісті жаһандық экономикалық тұрақсыздақ кезінде инвесторлардың алтынға, яғни қауіпсіз активке бет бұруымен түсіндіреді.

📺@qazaqstantv

🌿Қызылордалық бағбан ауласына пальма өсірген

Қызылорданың сортаң жеріне бабын тапсаң, тропикалық бақ өсіруге болады. Қала тұрғыны қарапайым еңбек адамы Ыбырайхан Мұсабаев бүгінде үйінің ауласын жасыл желекке айналдырып, өсімдіктің сан алуан түрін шығарып отыр.

🟩Мұнда пальманың екі түрі бар. Вашингтон тұқымына жататын тропикалық өсімдіктің ұзындығы 5 метрге жуықтаған. Ал екіншісі трахикарпусты көбіне сәндік үшін өсіреді.

Тәжірибелі бағбанның ерекше бақшасын тілшіміз Әділбек Серікұлы көріп қайтты.

📺@qazaqstantv

🩺Көру қабілеті бұзылған сайлаушылар үшін дауыс беру процесі жеңілдейді

⏺Көру қабілеті бұзылған сайлаушылар енді ешкімнің көмегінсіз дауыс бере алады. Пилоттық режимде қолданылған NVDA дыбыстық бағдарламаcы қазір Павлодарда сынақтан өтіп жатыр.

Жаңа технология арқылы зағип жандардың сайлауға қатысу белсенділігі артпақ, дейді «Қазақ зағиптар қоғамы» қоғамдық бірлестігінің өкілі.

🤔Сондай-ақ жиында мүгедектігі бар азаматтардың сайлау құқығын қорғауға арналған жол картасы әзірленетіні айтылды.


📺@qazaqstantv

❓Ажырасу неге көбейді? Қазақстанда отау құрған 124 мың жұптың жартысы ажырасқан

💱Алимент төлеуден жалтарғандардың жасырын табысы тексеріледі. Әділет министрлігі баласына берешек борышкерлерді ерекше бақылауына алмақ

🏃🏻Марафон ұйымдастырушыларына талап күшейтіледі. Бұқаралық спортты өткізу тәртібі мен қауіпсіздік регламенті жіті қадағаланбақ

📡Қытай 10G желісін іске қосты. Жаңа технология 20 гигабайттық фильмді 20 секундта жүктейді. Тағы қандай мүмкіндіктері бар?

🏠3400 алматылық жас баспаналы болды. Жеңілдетілген ипотекалық бағдарламаның шарттары қандай?

📍Солтүстік Қазақстанда былтыр салтанатты түрде ашылған 38 емдеу мекемесінің 21-і бір күн де жұмыс істемей, жабылды. Ауылдық емханалар неге қаңырап бос тұр?

📺@qazaqstantv

🇰🇿🇹🇲Қазақстан Президенті мен Түрікменстан Халк Маслахатының Төрағасы Turkistan визит орталығына барды

Меймандарға көне «Күлтөбе» қалашығының тарихи келбетін сақтау және абаттандыру жобасы туралы мәлімет берілді.

Қасым-Жомарт Тоқаев пен Гурбангулы Бердімұхамедов тарихи ескерткішті музейге айналдыру барысымен танысты. Қалашықтың 27 гектар аумағында археологиялық қазба жұмыстары аяқталған.

Сонымен қатар таяуда ашылатын «Қолөнершілер қалашығының» тұжырымдамасы таныстырылды.

Осы орайда биыл 25 наурызда Түркістанға World Craft Council халықаралық ұйымының шешімімен «Қолөнершілер қаласы» деген мәртебе берілгенін атап өткен жөн.

📺@qazaqstantv

🔴Алимент төлеуден жалтарғандардың жасырын табысы тексеріледі

Қарызы басынан аса тұра, ақшасын құмар ойындарына шашатындар көбейген. Мәселен, былтыр 2,6 млрд теңге берешегі бар 1800-ге жуық борышкер 5 млрд теңгеден астам ақшасын онлайн-казино мен букмекерлік кеңеселерде қалдырған. Алимент төлемей, табысын жасырғандарды анықтайтын жаңа тетік енгізілмек.

Енді борышкерлердің өзге де кіріс көзі - электронды әмиян, букмекерлерлік кеңсе, бағалы қағаздар мен сауда биржасын, желілік маркетинг пен такси қызметі арқылы анықталмақ. Өйткені былтыр берешегі бар 1800-ге жуық борышкер 5 млрд теңгеден астам ақшасын құмар ойындарына құртыпты.

📹Жаңашылдық туралы тілшіміз Нұрсұлтан Тілектес баяндады.

📺@qazaqstantv

❗️Енді марафон ұйымдастырушыларға талап күшейеді

🔴Енді марафон ұйымдастырушыларға талап күшейтіледі. Бұқаралық спортты өткізу тәртібі, медициналық қамтамасыз етілуі мен қауіпсіздік регламенті жіті қадағаланады. Туризм және спорт министрілігі осылай деп отыр. Тексеріске себеп – Алматыдағы марафон кезінде екі адамның өліміне әкелген қайғылы жағдай. Халықаралық шараны ұйымдастырушылар қос қатысушы да бұрын марафонға бірнеше рет қатысқанын айтып отыр.

❓Жазатайым оқиғаға не себеп?


📺@qazaqstantv

🌐Әлемдегі техножаңалықтар: Қытайда 10G желісі іске қосылды

Жаңа технология жүктеу жылдамдығын секундына 9 834 мегабитке дейін жеткізіп, байланыс кідірісін 3 милиссекундқа дейін азайтқан.

Мәселен, көлемі 20 гигабайттық жоғары сапалы фильмді секундына 1 гигабит жылдамдықпен жүктеу үшін әдетте 7–10 минут қажет. Ал жаңа 10G желісімен дәл сол фильмді небәрі 20 секундта жүктеп алуға болады.

Әлемдегі техножаңалықтар туралы тілші материалында⬆️

📺@qazaqstantv