🪙Алтын бағасы жаңа тарихи рекорд орнатты

💲Ақша айырбастау пункттерінде ескі үлгідегі долларға қатысты мәселе туындап жатыр

🇺🇸Трамп әлемдік саудаға тағы салық енгізбек

📍Сербияда студенттердің ауқымды шеруі өтті

✅АҚШ-та аутизмнің экологиялық себебін анықтауға қатысты зерттеу жүргізілмек

💱Енді пойыз 1 сағаттан артық кешіксе, билет бағасы толық қайтарылады

📺Толығырақ 10:00-де Ақпаратта.

📺@qazaqstantv

🔥ШҚО-да 150 тонна шөп өртеніп кетті

Оқиға Зайсан ауданында болған.

Бекбай учаскесінде шаруа қожалығының аумағында 150 тонна шөп өртенген.

📌Өрт сөндірушілер өртті сөндірді. Фермаларға от таралмаған.

📺@qazaqstantv

🖼ШҚО-да Қасым Қайсеновке арналған мурал салынады

ШҚО-да Ұлан ауданының орталығындағы №9 үйдің қасбетіне Халық қаһарманы Қасым Қайсеновке арналған мурал салынады.

Сондай-ақ Жеңістің 80 жылдығы қарсаңында Батырлар аллеясы мен ескерткіш стелланы қайта жөндеу, тас төсеніштерді ауыстыру, гүлзарлар мен қоршаулар орнату жоспарланып отыр.

📌Облыс әкімдігінің мәліметінше, Украинка ауылында жаңа мұражай ашу көзделуде.

📺@qazaqstantv

🚞Енді пойыз кешіксе, билет бағасы толық қайтарылады

Енді пойыз 1 сағаттан артық кешіксе, билеттегі орын бос болмаса, жол ақысы комиссиясыз толық қайтарылады. Көлік министрлігінің тасымалдау қағидаларына өзгерістер енгізілді.

Сонымен қатар теміржол билеттері пойыз жүргеннен бұрын 10 минутқа дейін ғана сатылады. Бұрын бұл талап 1 тәулік болатын.

Балалармен сапарлайтын ата-аналарға да құлақ қағыс: бұдан бұлай 7 жасқа дейінгі балаға билет алу міндетті емес. Ал орын қажет болса, билетті жеңілдікпен алуға болады.

📺@qazaqstantv

💬Алтын бағасы тарихи рекорд орнатты

Алтынның биржадағы құны жаңа тарихи шекті еңсеріп, бір троя унциясы үшін 3 301,62 долларға жетті. Маусым айындағы алтын фьючерстері 1,89%-ға, яғни 61,22 долларға қымбаттаған.

Сарапшылардың айтуынша, бағаның күрт өсуіне Қытайдың АҚШ-қа қатысты жаңа кедендік баж салығын енгізуі себеп болған.

📺@qazaqstantv

📚«Ұлттық кітап күні» мерекесіне арналған іс-шаралар апталығы басталды

Мәдениет және ақпарат министрлігінің қолдауымен Ұлттық академиялық кітапханада «Ұлт және ұлттық кітап» атты ашық есік күні өтті.

Шара аясында кітапханадағы жаңартылған коворкинг орталығының салтанатты ашылуы өтті. «Кітап – ұлттық құндылық» атты дөңгелек үстел ұйымдастырылып, отандық әдебиетті қолдауға бағытталған тәуелсіз жоба — Mecenat.kz әдеби сыйлығы таныстырылды.

🔵Сонымен қатар ҚР Мемлекеттік сыйлығының лауреаты Роза Мұқанованың «Кітап – ақыл нұры» атты шеберлік сабағы, «Айнадан/Зазеркалье» сурет көрмесі және мектеп оқушыларына арналған «Озық ой алаңы» атты book quiz ұйымдастырылып, журналист Мәншүк Шымырбайдың «Dana. The World Citizen» деректі фильмі көрсетілді.

📌«Ұлттық кітап» күніне орай еліміздің барлық өңірінде әртүрлі шара ұйымдастырылды.

📺@qazaqstantv

Қасым-Жомарт Тоқаев бірқатар мемлекеттің елшісінен сенім грамоталарын қабылдады

«Ақорда» резиденциясында жеті мемлекеттің төтенше және өкілетті елшілерінің Қазақстан Президентіне сенім грамоталарын табыстау рәсімі өтті.

Сенім грамоталарын:

🇧🇾 Беларусь Республикасының елшісі Алексей Богданов,

🇹🇭 Таиланд Корольдігінің елшісі Пияпин Нийомреркс,

🇲🇩 Молдова Республикасының елшісі Штефан Горда,

🇲🇲 Мьянма Одағы Республикасының елшісі Тит Линн Оун,

🇰🇪 Кения Республикасының елшісі Питер Мутуку Матуки,

🇦🇱 Албания Республикасының елшісі Блерта Кадзадеш,

🇮🇹 Италия Республикасының елшісі Антонелло де Риу тапсырды.

📌Мемлекет басшысы дипломаттарды Қазақстандағы миссияларының басталуымен құттықтап, еліміздің өзара мүддеге негізделген ынтымақтастықты дамытуға жан-жақты қолдау көрсететінін жеткізді.


📺@qazaqstantv

Шерзат Полаттың ісі: Қорғаушылар сотты Алматыда өткізуді сұрады

Шерзат Полаттың ісі бойынша ашық сот отырысында екі жақтың қорғаушылары сот отырысын Алматы қаласында өткізуді сұрады. Олар Алматы қаласы бәріне жақын екенін атап өтті.

Бірақ судья бұл өтінішті қанағаттандырмады. Сот отырысы Талдықорғанда жалғасатын болды.

📌Еске сала кетейік, сот талқылауы Жетісу облысының қылмыстық істер жөніндегі мамандандырылған ауданаралық сотының ғимаратында өтіп жатыр.

📺@qazaqstantv

⚡️Дархан Кәлетаев Қазақстанның Украинадағы елшісі лауазымынан босатылды

Бұл қызметке Мемлекет басшысының Жарлығымен Төлежан Барлыбаев тағайындалды.

📺@qazaqstantv

🗣Трамп әлемдік саудаға тағы салық енгізбек

Дональд Трамп Америка экономикасы мен әлемдік саудаға тағы соққы бермек. АҚШ президенті енді елге сауда кемелерін кіргізуге салық салмақшы. Бұл - Американың Қытаймен бәсекеде жеңіліп қалған кеме жасау өнеркәсібін жаңғыртуға бағытталған шара. Сонымен бірге бюджетке кіріс тартудың көзі.

Жаңа ереже Пасха мерекесіне дейін жариялануы мүмкін.

📺@qazaqstantv

⚽️УЕФА ЕУРОПА ЛИГАСЫ

1/4 финал

🇩🇪АЙНТРАХТ - ТОТТЕНХЭМ🏴󠁧󠁢󠁥󠁮󠁧󠁿

📺Ойынды бүгін ⏰23:55-те «Qazaqstan» телеарнасынан тікелей эфирде көріңіз.

📹Instagram 📹TikTok 💬WhatsApp 📒Facebook

🪙Ұлттық банк «Ақ тұңғиық» монеталарын сатылымға шығарды

Бүгін Ұлттық банктің «AQ TUŃǴIYQ» монеталары сатылымға шығарылады.

Бұл - «Қазақстанның флорасы мен фаунасы» сериясы бойынша 3D технологиясымен жасалған 925 сынамалы күміс монета.

Сондай-ақ мельхиордан жасалған монеталар да сатылымға шықты.

📺@qazaqstantv

Президент Астана және Қазақстан митрополиті Александрды I дәрежелі «Достық» орденімен марапаттады

Мемлекет басшысы митрополит пен барша православ қауымын Пасха мерекесімен құттықтады.

Қасым-Жомарт Тоқаев Православ шіркеуінің дәстүрлі және отбасылық құндылықтарды насихаттауға, жас ұрпақты тәрбиелеу мен еліміздің бай мәдени мұрасын сақтауға елеулі үлес қосып келе жатқанын атап өтті.

🎖Президент митрополит Александрды I дәрежелі «Достық» орденімен марапаттады. Бұл оның Қазақстандағы қызметіне 15 жыл толуына орай, сондай-ақ бейбітшілік пен келісімді нығайтудағы еңбегі үшін беріліп отыр.

📺@qazaqstantv

⏺Шерзат Полат ісі: 4 сотталушы бұрын істі болған

Талдықорғанда Шерзат Полаттың ісіне қатысты негізгі сот отырысы басталды. Қозғалған қылмыстық іс бойынша 9 айыпталушы сот залына жеткізілді. Олардың біреуі - кәмелетке толмаған жасөсіпірім.

Анықталғандай, 4 сотталушы бұрын істі болған. Кәмелетке толмаған жасөспірім Талғар ауданына қарасты Тұрар Рысқұлов ауылындағы мектептің 11-сынып оқушысы.

Толығырақ сот отырысына қатысып жатқан тілшіміз Қуан Нұрақын баяндады⤴️

📺@qazaqstantv

🔷II Орталық Азия медиафорумы: Медиасарапшылар шеберлік сағат өткізуде

Бүгін Астанада II Орталық Азия медиафорумының 2-күн өтіп жатыр. Жиын Орталық Азия медиа өкілдері мен халықаралық серіктестер арасындағы ынтымақты нығайтуға бағытталған.

Шараға алыс-жақын шетелден 700-ге жуық адам келді. Ал бүгін Ұлыбритания, АҚШ және Ресейден келген медиасарапшылар Орталық Азия елдерінің журналистері мен жоғары оқу орындарының студенттеріне шеберлік сағатын өткізіп жатыр.

📺@qazaqstantv

🔴Алматыда марихуананың ірі партиясы тәркіленді

Алматы қалалық ПД есірткі қылмысына қарсы күрес басқармасының қызметкерлері Әуезов аудандық полициясының жедел уәкілдерімен бірлесіп, есірткі өсімдіктерін заңсыз өсіру дерегін анықтады.

Жедел-іздестіру іс-шаралары барысында полиция қызметкерлері құрамында есірткі бар өсімдіктер өсірілетін жабдықталған фитозертхананы анықтады.

Ғимараттан өзіне тән иісі бар 31 түп өсімдіктер, сондай-ақ арнайы техника, тыңайтқыш, судың қышқылдығы мен температурасын өлшейтін құрылғы тәркіленді.

📌Сараптамаға сәйкес, өсімдіктер марихуана есірткісі деп танылды, салмағы 21 келіден асады.

📺@qazaqstantv

Пәкістанда ірі бұршақ жауды

Пәкістан астанасы Исламабад қаласында ірі бұршақ жауды. Салдарынан бірнеше автокөлік зақымданған.

Жергілікті биліктің мәліметінше, бұршақтың көлемі теннис добының мөлшеріне дейін жеткен.

Сондай-ақ қаланың бірқатар аудандарында ағаштар құлап, күн панельдері бүлінген және электр қуатымен қамтуда үзілістер орын алған.

📺@qazaqstantv

💰Экономика жаңалықтары:

🗣Қытайлық әуе компанияларына Boeing ұшақтарын сатып алуға тыйым салу, егер бұл жарты жылдан ұзаққа созылса, америкалық авиагигантқа айтарлықтай қаржылық шығын келтіреді: Boeing компаниясының жыл сайынғы шығындары 10-15 миллиард долларды құрауы мүмкін, деп түсіндірді РИА Новости агенттігіне саясаттану ғылымдарының кандидаты, Г.В. Плеханов атындағы РЭУ-дың саяси талдау және әлеуметтік-психологиялық үдерістер кафедрасының доценті Павел Севостьянов.

🗣2025 жылдың алғашқы үш айында 188 ірі америкалық компания банкроттық туралы мәлімдегенін S&P Global Market Intelligence мәліметтері көрсетті. Бұл — соңғы 15 жылдағы рекордтық көрсеткіш: 2010 жылдың бірінші тоқсанында мұндай өтініштер саны 254 болған, ал 2024 жылы — 139, деп хабарлайды Bloomberg.

🗣Financial Times басылымының жазуынша, әлемдік автосаладағы жағдай түбегейлі өзгерді: бұған дейін Қытай еуропалық автокөліктерді көшірсе, енді еуропалық автоконцерндер қытайлықтардан үйреніп жатыр. Қытайлық электрлі көлік (EV) өндірушілері маңызды технологиялар бойынша — бағдарламалық қамтамасыз ету, аккумуляторлар және автономды жүргізу салаларында — Еуропаны басып озды. Енді Volkswagen, Mercedes-Benz және BMW сынды еуропалық компаниялар Қытай фирмаларымен серіктестік орнатып, артта қалмауға тырысуда.

🗣 Алтын бағасы алғаш рет тарихта тройск унциясы үшін $3350 деңгейінен асып, жаңа рекорд — $3354-ке жетті. Бұл туралы Нью-Йорктегі Comex биржасындағы сауда деректері хабарлайды.

📺@qazaqstantv