كل عام وانتم بخير وعساكم من عوادة ❤️.

كل عام وانت عيدي ومن غيري بعيد
‏وكل عام يمر . . ياجعلني ما أودعك

‏موتي الفرقى ولقياك هي عيدي السعيد
‏جعل عيدي الجاي . . ما يأتي إلا معك

مايشبهك حتى إنعكاس المرايات
‏يابو الجمال المدهِش الغير عادي

‏بالعيد..وانت توزّع الإبتسامات
‏كنّك على العالم "توزّع عيادي"

عيدي معك حب وغرام ومواصيل
‏وعيدي مع باقي المخاليق " واجب ".

لا صار زولك بـ أول العيد موجود
‏انا الحظيظ اللي يـ عيّد بـ عيدين .

عطني امل في شوفتك ثاني العيد 
‏ان كان مالي .. بأول العيد خانه

لاستانس الخافق ذكر من يحبه
‏و رجع يراجع فى الوناسات ما فات

من غسل قلبه من الحقد والغيبه
‏" شرّعت بيبان الارزاق . . قدامه "

عطيتك من بشوت الهقاوي ثلاث بشوت
‏ولا فيه بشتٍ جا مقاسك ولا قدّك

‏أحسبك من اللي لا دعيته يرد الصوت
‏وأثاريك تسمعني وودّك ولا ودّك

‏أنا والله المخطي خطا ما عليه ثبوت
‏عطيتك سلاحٍ يرتعد في كنف يدك

‏وذخرتك لو انك ما تنذخر في لعب بلوت
‏وتقدمت بك حدٍ ماهو والله بحدك

‏من طيبنا سقنا النوايا مغاتير
‏ومنكم مجاهيم النوايا فجعتنا .

تحاليت الجروح اللي تجيني من يدينك لين
‏دريت إن كل جرحٍ في حشاي أغلى من الثاني

صرفنا الحسايف كلها والندم بالذات
‏ على اللي .. نعلّمه الرمايه و يرمينا

‏اليوم لا ( صفو بال ) ولا طمآنينة
‏أعوذ بالله من نفسي و وسواسي

‏يقلقني المستريح اليا غفت عينه
‏ما يطرد نعاسه اللي يطرد نعاسي

‏ويغيظني صمتي اللي: حد سكينه
‏يحول بيني .. وبين وجيه جلاسي

‏آودع الليل .. « كني » من محبينه
‏واستقبل الصبح كني لاجئ سياسي

‏عبدالله السراهيد

غفلت عن عمري وسايرت الأيام
والعمر مثل العصر والعصر فوات .

‏جامل ، وخل اللي يعدى يعدي
‏الهرج واجد واكثر الناس يدرون .

شيمة الأنسان ميزان إعتداله وإنحرافه
‏تنّذره لا شافت الأوضاع ماهي مستتبّه .