#xalqaro_reyting #xushxabar

Nufuzli xalqaro QS reyting tashkiloti Osiyo Universitetlarining 2025-yil uchun (QS Asia University Rankings - 2025) reyting natijalarini e’lon qildi.

Quvonarlisi, Qarshi davlat universiteti ushbu xalqaro reytingda yuqori natija ko‘rsatib, mintaqadagi yetakchi universitetlar qatoridan joy oldi.

Jumladan, natijalarga ko‘ra, Qarshi davlat universiteti QS Osiyo reytingida 825-o‘rinni, Markaziy Osiyo universitetlari orasida esa 55-o‘rinni egalladi.

Ushbu yuksak natija bilan universitet jamoasini chin dildan qutlaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#profilaktik_tadbir

⚡️Kiberjinoyatlar va ularning salbiy oqibatlari

Fizika fakultetida “Kiberjinoyatlar va ularning salbiy oqibatlari” mavzusida davra suhbati tashkil etildi. Unda Qashqadaryo viloyati IIB Tezkor qidiruv xizmati Kiberxavfsizlik bo’limi mutaxassisi S.Muhammadiyev, universitet profilaktika inspektori M.Jabbarov, dekan o’rinbosari F.Muqimov, Yoshlar bilan ishlash bo‘limi tyutorlari va 1-bosqich talabalari ishtirok etdi. Tadbirda bugungi globallashuv davrida yoshlar ongi va tafakkuriga salbiy ta’sir etuvchi turli mafkuraviy nayranglar, axborot xurujlaridan saqlanish, internet va ijtimoiy tarmoqlardan oqilona foydalanish haqida so‘z yuritildi.

Shuningdek, kiberjinoyatchilik, huquqbuzarlik, giyohvandlik, ekstremizm va terrorizm kabi salbiy illatlardan saqlanish, ogohlik va hushyorlikni yo‘qotmaslik, axborot xurujlariga qarshi mafkuraviy immunitetni shakllantirish, vatanparvarlik tuyg‘ularini yuksaltirish har bir insonning eng muhim burchi, kundalik vazifasi bo‘lishi kerakligi ta’kidlandi. Mavzu doirasida yoshlarni qiziqtirgan savollarga javob berildi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#profilaktik_tadbir

7-noyabr kuni Kimyo-biologiya fakultetida “Kiberjinoyatlarga qarshi kurashish - davr talabi” mavzusida davra suhbati tashkil etildi. Unda Qashqadaryo viloyati IIB Tezkor qidiruv xizmati Kiberxavfsizlik bo’limi mutaxassisi S.Muhammadiyev, rektor maslahatchisi A.Jo‘rayev, universitet profilaktika inspektori M.Jabbarov, dekan o’rinbosari O'.Norchayev, Yoshlar bilan ishlash bo‘limi tyutorlari va 4- bosqich talabalari ishtirok etdi.

Tadbirda kiberjinoyatchilarning hiyla-nayranglariga qanday aldanib qolmaslik haqida ma’lumot berildi, shuningdek, hech kimga bank kartalarining ma’lumotlari va maxfiy kodlarini bermaslik, qimor o‘yinlari va boshqa tavakkalchilikka asoslangan o‘yinlarda qatnashmaslik kerakligi tushuntirildi.Yakunda yig‘ilganlarni qiziqtirgan savollarga javob berildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xalqaro_hamkorlik

Ma’lumki, 2021-yilda Qarshi davlat universiteti va Muxtor Auezov nomidagi Janubiy Qozog‘iston universiteti o‘rtasida hamkorlik shartnomasi imzolangan. Ushbu shartnoma doirasida joriy yilning 4-noyabridan 9-noyabrigacha bo‘lgan muddatda Qarshi davlat universiteti dotsentlari Nasiba Azizova, Yorqinoy Xamrayeva Janubiy Qozog‘iston universitetida xizmat safarini o‘tashmoqda.

Tashrifdan maqsad - QS reytingida 150-o‘ringa ega bo‘lgan Janubiy Qozog‘iston universiteti bilan akademik mobillikni yo‘lga qo‘yish, Erasmus+ dasturi loyihalarini amalga oshirish, qo‘shma ta’lim dasturlarini ochish kabilardan iborat.

Xizmat safari davomida universitetimiz olimalari hamkor OTM professor-o‘qituvchilariga "O‘zbekiston va Qozog‘iston o‘rtasida til va madaniyat mushtarakligi" mavzusida seminar o‘tkazdilar. Shuningdek, Filologiya fakulteti rus tili va adabiyoti yo‘nalishi talabalariga mutaxassislik fanlaridan ma’ruza darslari o‘tmoqdalar.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Talaba-qizlar bandligi doimiy e’tiborda

Talabalar bandligini ta’minlash maqsadida Qarshi davlat universitetida “Chevar qizlar” tikuvchilik sexi tashkil etilgan. Bu yerda universitet ichki ehtiyojlaridan kelib chiqib, talabalar turar joylari uchun tikuv-trikotaj buyumlari (yuqori sifatli sochiq, choyshab, matras, yostiq jildlari) ishlab chiqariladi. Tikuvchilik sexida 2 smenada ish tashkil qilingan bo‘lib, 20 nafar talaba-qizlar ish bilan ta’minlangan.

Ish jarayonida tikuv sexi ish yurituvchisi, Texnologik ta’lim kafedrasi o‘qituvchisi T.Qahhorova tomonidan boshlang‘ich tikuvchilikka tayyorlash, milliy kiyimlar tarixi, tikuv mashina jihozlari tuzilishi, tikuv buyumlarni konstruksiyalash va jihozlash, tikuvchilik texnologiyasi oid bilimlar ham berib boriladi. Mazkur tikuvchilik sexida ijtimoiy himoyaga muhtoj talaba-qizlarni o‘qitish va keyinchalik tadbirkorlik qilish orqali qo‘shimcha daromad topishlari maqsad qilingan.

Ma’lumot o‘rnida, “Chevar qizlar” tikuvchilik sexi 2022-yil 10-mart kuni ish boshlagan bo‘lib, hozirda sex faoliyatini yanada kengaytirish maqsadida alohida tikuv xonasi tashkil etildi hamda qo‘shimcha 10 ta yangi zamonaviy rusumdagi tikuv mashinalari xarid qilindi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram