#musobaqa

Xorijiy tillar hamda Matematika va kompyuter ilmlari fakultetlari talaba-yoshlarining bo‘sh vaqtlarini mazmunli tashkil etish maqsadida “Sport – salomatlik garovi” shiori ostida sportning stritbol turi bo‘yicha o'rtoqlik uchrashuvi o‘tkazildi. Qizg’in kechgan o’yinda durang natija qayd etilib, do'stlik g'alaba qozondi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#shoirga_ehtirom

Atoqli qoraqalpoq shoiri va mutafakkiri Ajiniyoz Qo‘siboy o‘g‘li o‘zining betakror va sermazmun ijodi bilan xalqimiz madaniyati va adabiyotini rivojlantirish, yosh avlodni vatanparvarlik va ezgu g‘oyalar ruhida tarbiyalash, o‘zbek va qoraqalpoq xalqlari o‘rtasidagi azaliy do‘stlik va og‘izbirchilikni mustahkamlashga munosib hissa qo‘shgan ulkan ijodkordir. Hassos shoirning she’r va dostonlarida aks etgan gumanistik falsafiy qarashlar el-yurtimiz qalbidan chuqur joy egallagan.

Ajiniyoz Qo‘siboy o‘g‘li tavalludining 200 yilligi munosabati bilan Filologiya fakultetida ma’naviy-ma’rifiy tadbir o‘tkazildi. Tadbirni kirish so‘zi bilan Yoshlar masalalari va ma’naviy- ma’rifiy ishlar bo‘yicha dekan o‘rinbosari J.Boysunov ochib berdi. Tadbirda Filologiya fakulteti, Yangi o‘zbek adabiyoti va adabiyot nazariyasi kafedrasi dotsenti Sh.Karamovaning shoir hayot yo‘li va ijodi haqida ma’ruzasi tinglandi. Qoraqalpoq farzandi bo‘lgan Filologiya fakulteti 1-bosqich talabasi Ruxshona Farhodova tomonidan shoir ijodidan she’rlar o‘qildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#chellenj

⚡️Yoshlar korrupsiyaga yo‘q deydi!

Universitet Korrupsiyaga qarshi kurashish “komplayens-nazorat” tizimini boshqarish bo‘limi tomonidan talabalar o‘rtasida “Biz korrupsiyaga qarshimiz” mavzusida o‘ziga xos chellenj o‘tkazilmoqda. Galdagi chellenj Pedagogika, Geografiya va agronomiya hamda Kimyo-biologiya fakultetlarida bo‘lib o‘tdi.

Shuningdek, Kimyo-biologiya fakultetida “Yoshlar korrupsiyaga yo‘q deydi” mavzusida tadbir tashkil etilib, korrupsiyaga qarshi kurash bo‘yicha qabul qilingan normativ-huquqiy hujjatlari va ularning mazmun-mohiyati, asosiy prinsiplari haqida so‘z bordi.

Korrupsiyaga qarshi kurashish “komplayens-nazorat” tizimini boshqarish bo‘limi xodimi Sh.Ahmedov korrupsiyaning yuzaga kelish tarixi, mazkur illatni tadqiq qilgan bir qator yirik mutaxassislar tomonidan ko‘rsatilgan korrupsiyani yuzaga keltiruvchi omillar, korrupsiya minimum darajaga tushgan davlatlarda foydalanilgan korrupsiyaga qarshi kurashish usullari to‘g‘risida ma’lumotlar berdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#psixologik_xizmat_ko‘rsatish_markazi_faoliyati

Psixologik xizmat ko‘rsatish markazi psixologi A.Husanov, Matematika va kompyuter ilmlari fakulteti dekan o‘rinbosari A.Jo‘rayev, Yoshlar bilan ishlash bo‘limi tyutorlari bilan hamkorlikda matematika yo‘nalishi 1-kurs talabalari ishtirokida "Psixologiyaning inson hayotidagi o‘rni" mavzusida psixologik seminar-trening o‘tkazdi.

Tadbir davomida talabalarga psixologiyaning inson hayotiga ta’sir qilish darajasi, biologik va sotsial vaziyatlarda insonning irodaviy xususiyatlari va boshqa bir qancha psixologik xususiyatlari to‘g‘risida ma'lumot berib o’tildi. Shuningdek, talabalarning taklifiga binoan turli xil psixologik muammolardan chiqib ketish uchun ko‘nikmalar hosil qilish maqsadida "Tanishuv o‘yinlari" treningi o‘tkazildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Ta’lim va oila

Tibbiyot fakultetida “Ta’lim va oila” mavzusida davra suhbati tashkil etildi. Unda universitet Xotin-qizlar bilan ishlash va psixologik maslahat markazi boshlig'i Sh.Karamova, fakultet Xotin-qizlar masalalari bo'yicha dekan maslahatchisi M.Muhammadiyeva, Yoshlar bilan ishlash bo'limi tyutorlari N.Ergasheva, L.Yakubova hamda talaba-qizlar qatnashdi.

Tadbirda aytilganidek, inson avvalo oila bag‘rida unib-o‘sadi, shaxs sifatida shakllanadi. Oiladagi ta’lim-tarbiya, ma’naviy-axloqiy qadriyatlar keyinchalik odamlar orasida, mahalla-kuyda, ta’lim muassasalarida sayqal topadi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram