#rektor_e’tirofi

🏆 Lochin jamoasi qatorasiga uchinchi marta viloyat kubogini qo‘lga kiritdi

Bugun viloyat kubogining final bahsini ko‘pchilik qatori bevosita stadionda katta hayajon bilan kuzatdim. Uchrashuvdan avval futbolchilarni ruhlantirar ekanman, g‘alaba uchun maydonda bor kuchlarini berib o‘ynashlarini ta’kidladim.

Shukrki, jamoamiz Qarshi tumanining Beshkent jamoasi ustidan yirik hisobda (4-2) muvaffaqiyat qozonib, viloyat kubogini uchinchi bor boshlari uzra baland ko‘tarishdi. Lochin jamoasi tashkil etilganiga ko‘p vaqt bo‘lmadi, ammo qo‘lga kiritayotgan yutuqlari ko‘pchilikning havasini keltirishi aniq.

Takrorlashdan charchamayman: jamoamizning kelajagiga ishonamiz va qo‘llab-quvvatlashda davom etamiz. Futbolga muxlislikning ma’nosi ham shunda. Bugungi g‘alaba bilan universitet jamoasini va barcha futbol ixlosmandlarini samimiy tabriklayman.

Muvaffaqiyatlar bardavom bo‘lsin! Olg‘a Lochin!

Dilmurod Nabiyev
Qarshi davlat universiteti rektori, professor

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#g‘alaba_muborak_bo‘lsin

🏆Viloyat kubogi uchinchi marta ham klub muzeyidan joy oldi

Bugun Qarshi shahridagi Geolog stadionida "Viloyat kubogi-2024" musobaqasining final uchrashuvi bo‘lib o‘tdi.

Unda Qarshi davlat universitetining Lochin futbol klubi Qarshi tumanining Beshkent jamoasi bilan kuch sinashdi.

Shiddatli va keskin kurashlar ostida o‘tgan uchrashuvda jamoamiz 4-2 hisobida raqiblarini mag‘lubiyatga uchratib, "Viloyat kubogi-2024" musobaqasi g'olibiga aylandi.

Ushbu g‘alaba bilan futbolchilarimizni chin dildan qutlaymiz!

Ma’lumot uchun, Lochin futbol jamoasi 2022- va 2023-yillarda ham Viloyat kubogini qo‘lga kiritgan edi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#dolzarb_mavzu

⚡️Giyohvandlik vositalari va psixotrop moddalar – umr zavoli

Qarshi davlat universitetida “Giyohvandlik vositalari va psixotrop moddalar – umr zavoli” mavzusida tadbir tashkil etildi. Tadbirga viloyat DXX boshqarmasi mas’ul xodimi O.Toshtemirov, viloyat Ichki ishlar boshqarmasi mas’ul xodimlari Sh.Sharopov, A.Rashidov taklif etildi.

Ma’ruzachilar tomonidan mamlakatimizda jinoyatchilikka qarshi kurashish va huquqbuzarliklarning oldini olish borasidagi faoliyatni muvofiqlashtirish, aholining huquqiy madaniyati va ongini yuksaltirish, bu borada davlat tuzilmalarining ta’lim muassasalari, fuqarolik jamiyati institutlari, ommaviy axborot vositalari bilan o‘zaro samarali hamkorligini tashkil etish bilan bog‘liq aniq vazifalar belgilanganligi, Jinoyat kodeksining 270-276 moddalari bilan giyohvandlik vositalari, ularning analoglari va psixotrop moddalar bilan qonunga xilof ravishda muomila qilganlik uchun jinoiy javobgarlik tayinligi aytilib, ushbu moddalar bilan javobgarlikka tortilgan yoshlar hayotidan amaliy misollar keltirildi.

Shuningdek, BMT ma’lumotlariga ko‘ra, giyohvandlik og‘ir va o‘ta og‘ir jinoyatlarning sodir etilishiga, oilalar va millat genofondining buzilishiga sabab bo‘layotganligini alohida ta’kidlandi. Tadbir davomida mavzu doirasida videolavha namoyish etilib, yoshlarni qiziqtirgan savollarga batafsil javob berildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram