⚡️Ta'lim va oila

Xorijiy tillar hamda Iqtisodiyot fakultetlarining bitiruvchi kurs talabalari ishtirokida “O‘z kelajaging uchun o‘zing mas’ulsan” shiori ostida “Ta'lim va oila” mavzusida tadbir tashkil qilindi. Tadbirga universitetda uzoq yillar faoliyat olib borgan faxriy ustozlar D.Hamrayeva, M.Rahimova va universitet xotin-qizlar bilan ishlash va psixologik maslahat markazi boshlig’i Sh.Karamova taklif qilindi.

Uchrashuvda so‘z olganlar muqaddas sanalmish oila qo‘rg‘onining mustahkam bo‘lishi jamiyatning har bir sohasiga o‘zining ijobiy ta’sirini ko‘rsatishi, sog‘lom oila a’zolari, xoh u katta bo‘lsin, xoh kichik, ularning har bir ishi, kayfiyati aynan o‘z oilasidagi muhitga bog‘liqligini ta’kidlashdi. Shuningdek, oilaning jamiyatimizdagi yuksak maqomi, unga berilayotgan katta ahamiyatning bugungi kunimiz uchun qanchalar dolzarbligi xususida so‘z bordi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#stajirovka

Avval xabar berganimizdek, ayni kunlarda Qarshi davlat universiteti professor-o’qituvchilaridan G’.Nabiyev, Sh.Muxitdinov, Sh.Sattorov hamda R.Vayskulov Turkiyaning Chanoqqal’a 18-mart universitetida stajirovka o‘tashmoqda. Stajirovka davomida o‘qituvchilarimiz Turkiy universitetlar ittifoqi tomonidan muvofiqlashtirilgan Xalqaro Bolqon qishloq xo‘jaligi kongressi (IBAC)da ishtirok etishdi.

Siyosiy fanlar fakulteti dekani Veli Yilanchi bilan uchrashib, iqtisodiyotga aloqador ta’lim yo’nalishlarni rivojlantirish, o’zaro ilmiy salohiyatni oshirish hamda kelajakda hamkorlikni yanada kuchaytirish bo’yicha kelishib olindi.

Ushbu fakultetda tahsil olayotgan talabalarga Qarshi davlat universitetida talabalarga zamonaviy bilimlarni olishlari uchun yaratilgan sharoitlar hamda “O‘zbekiston: zamonlar va madaniyatlaro sayohat” nomli taqdimot orqali O’zbekistonning turizm imkoniyati namoyish etildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#vazir_tashrifi

⚡️Yaratilgan sharoitlar ta’lim sifatini oshirishga xizmat qiladi

Oliy ta’lim, fan va innovatsiyalar vaziri Qo‘ng‘irotboy Sharipov Qashqadaryo viloyatiga qilgan xizmat safari davomida Qarshi davlat universitetiga tashrif buyurib, yangidan foydalanishga topshirilishi rejalashtirilayotgan 1000 o‘rinli Xorijiy tillar fakulteti o‘quv binosini ko‘zdan kechirdi.

Jumladan, vazir mas’ullar hamrohligida o‘quv binosidan o‘rin olgan xitoy, nemis, rus, fransuz tillariga o‘qitish markazlari, ingliz tili dasturlari markazi, Erasmus+ dasturlari ofisi, KOICA markazi, shuningdek, sinxron tarjima o‘quv auditoriyasi bilan tanishdi. Muloqot chog‘ida zamonaviy andozada bunyod etilgan ushbu o‘quv binosida yaratilgan sharoitlar ta’lim sifatini oshirishini alohida e’tirof etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram