⚡️Ijara xonadonlari o’rganilmoqda

23-oktyabr kuni Matematika va kompyuter ilmlari fakulteti dekan o'rinbosari A.Jo'rayev, Xotin-qizlar masalalari bo'yicha dekan maslahatchisi F.Klicheva va Yoshlar bilan ishlash bo’limi tyutori H.Ibodullayev tomonidan ijara xonadonlarida istiqomat qiluvchi talaba qizlar holidan xabar olindi.

Ijara xonadonining yashash sharoiti, issiqlik tizimining mavjudligi hamda talabalarning dars tayyorlashlari uchun xonadonlarda yaratilgan sharoitlar o'rganildi. Ijara xonadon egalari bilan ham suhbat o’tkazilib, talabalarning ijara mas’uliyati haqida eslatib o’tildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Giyohvandlik - umr zavoli!

“Asr vabosi” nomini olgan giyohvandlik insonning osuda hayotiga rahna solib, ongini o‘ziga bo‘ysundiruvchi zahri qotildir. Bu shunday qurolki, o‘z domiga ilintirgan odamni razolat dunyosiga yetaklaydi va bu jarayonda inson jamiyatdagi o‘rnini yo‘qota boshlaganini anglamay qoladi.

23-oktyabr kuni Xorijiy tillar fakultetida tashkil etilgan davra suhbatida yoshlar o‘rtasida avj olayotgan giyohvandlik kasalligining sabablari va oqibatlari hamda uni oldini olish choralari haqida batafsil ma’lumotlar berib o‘tildi. Bu kabi tadbirlar yoshlar o‘rtasida jinoyat va huquqbuzarliklarni oldini olishga, o‘zlariga tegishli xulosa qilishlariga ko‘mak beradi.

Tadbirda rektor maslahatchisi A.Jo’rayev, universitet profilaktika inspektori D.Ro'ziyeva hamda Qashqadaryo viloyati ichki ishlar boshqarmasi Giyohvandlik va psixotrop moddalarga qarshi kurashish bo'limi mutaxassis-xodimlari Sh.Sharopov, A.Rashidov o'z ma'ruzasi bilan ishtirok etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Psixologik xizmat ko‘rsatish markazi faoliyati tanishtirilmoqda

Qarshi davlat universiteti 1-kursga qabul qilingan Tibbiyot fakulteti talabalariga Psixologik markazning faoliyati va psixologik xizmat turlari haqida ma’lumot berish hamda talabalar bilan yaqindan tanishish maqsadida markaz psixologi A.Husanov, Yoshlar bilan ishlash bo'limi tyutorlari bilan hamkorlikda uchrashuv o‘tkazildi.

Yuzma-yuz muloqot davomida A.Husanov yoshlarni talabalik maqomiga erishganliklari bilan tabriklab, faoliyatlari davomida paydo bo‘ladigan psixologik muammolari bilan guruhiy va individual tarzda, shuningdek, onlayn shaklda ham murojaat qilishlari mumkinligi to‘g‘risida ma’lumot berib o‘tdi.

Tadbir davomida talabalar o'rtasida stress va salbiy emotsiyalarni boshqarish uchun mo'ljallangan "Meni tushun" deb nomlangan trening mashg'uloti o'tkazildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#tanlov

Qarshi davlat universitetida “Kitob mening do‘stim” respublika ko‘rik-tanlovining universitet bosqichi tashkil etildi. Tanlovda 25 nafar talaba test, annotatsiya, kitobxonlkik va mutolaa ma’daniyatini keng targ’ib qilish shartlari bo‘yicha bellashdilar.

Yakuniy natijalarga ko‘ra, Filologiya fakulteti 4-bosqich talabasi Ismigul Samadova 1-o‘rinni egallab respublika bosqichiga yo‘llanmani qo‘lga kiritdi. Pedagogika fakulteti 1-bosqich talabasi Mukarram Xushvaqtova 2-o‘rinni va Xorijiy tillar fakulteti 1-bosqich talabasi Qilicheva Nilufar 3-o‘rinni egalladilar. G‘olib va sovrindorlar rag‘batlantiriladi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram