⚡️Ona tili – millatning ruhidir!

Til - davlat timsoli, mulki. Tilni asrash, rivojlantirish - millatning yuksalishi demak. O‘zbekiston Respublikasi Konstitutsiyasida davlat tilining maqomi huquqiy jihatdan mustahkamlab qo‘yilgan. Shu tariqa o‘zbek tili mustaqil davlatimizning Bayrog‘i, Gerbi, Madhiyasi qatorida turadigan, qonun yo‘li bilan himoya qilinadigan muqaddas davlat ramziga aylandi.

Ayni kunlarda Qarshi davlat universitetida 21-oktyabr — O‘zbek tiliga davlat tili maqomi berilgan kun munosabati bilan ma’naviy-ma’rifiy tadbirlar tashkil etilmoqda. Jumladan, Filologiya fakulteti va 1-, 10-sonli talabalar turar joylarida o'tkazilgan tadbirlarda o‘zbek tilining keng imkoniyatlari va jozibasini ko‘rsatadigan she'rlar, badiiy chiqishlar va raqslar, turli qiziqarli viktorinalar, tilimiz ravnaqi yo‘lida hissa qo‘shgan ajdodlarimiz siymosi talabalar tomonidan mohirona yoritildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#anjumanda_ishtirok

18-19-oktyabr kunlari Tarix fakulteti Falsafa va sotsiologiya kafedrasi professor-o’qituvchilari Termiz davlat pedagogika institutida tashkil etilgan “Erkin va farovon, qudratli yangi O‘zbekistonni barpo qilishning ijtimoiy, siyosiy va falsafiy muammolari” mavzusidagi respublika ilmiy-amaliy anjumanida ishtirok etdilar.

Anjumanda kafedra professor-o’qituvchilari - dotsentlar A.Do’lanov, T.Qurbonov, Z. Boymurodov va PhD A.Qurbonov "Yangi O‘zbekistonda “Uchinchi Renessans” poydevorini yaratishning falsafiy muammolari" mavzusida ma’ruzalar qildilar.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#milliy_liboslar_namoyishi

Universitet tuzilmasidagi Qatag‘on qurbonlari xotirasi muzeyida San'atshunoslik fakulteti Rangtasvir va amaliy san'at kafedrasi tashabbusi bilan “Nafosat: milliy va zamonaviy liboslar namoyishi" mavzusida tadbir tashkil etildi. Unda dizayn: libos va gazlamalar yo'nalishi 2-kurs 023-56-guruh talaba qizlari tomonidan milliy liboslar namoyish qilindi.

Ushbu tadbir talaba qizlarning kiyinish madaniyatini yuksaltirish, bejirim va nafis milliy liboslarni keng targ‘ib etish, o‘zligimiz va qadriyatlarimizga mos kiyimlarning betakror dizaynini qayta tiklash hamda zamonaviylikni uyg‘unlashtirishga xizmat qilishga qaratilganligi bilan ahamiyatli bo‘ldi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Qadring baland bo‘lsin, Ona tilim!

Bugun O‘zbek tiliga Davlat tili maqomi berilganligiga 35 yil to‘lishi munosabati bilan Qarshi davlat universiteti Filologiya fakultetining faollar zalida O‘zbek tilshunosligi kafedrasi tomonidan “Qadring baland bo‘lsin, Ona tilim!” mavzusida ma’naviy-ma’rifiy tadbir tashkil qilindi. Tadbirni dekan o‘rinbosari J.Boysunov ochib berdi. Ona tilimizga e’tibor, uning qadri, obro‘si haqida O‘zbek tilshunosligi kafedrasi professori, f.f.d. G.Tojiyeva “Til - milliy ma’naviyatimiz ko‘zgusi”, kafedra dotsenti, f.f.f.d. Z.Rahmatova “Til - millat boyligi, millat qiyofasi” va Xotin-qizlar masalalari bo‘yicha rektor maslahatchisi Sh.Karamova “Tilga e’tibor – elga e’tibor” mavzularida ma’ruza qildilar. Tadbir davomida talabalar tomonidan tilimizni madh etuvchi she’rlar, qo‘shiqlar, sahna ko‘rinishlari ijro etildi hamda kitoblar ko‘rgazmasi tashkil etildi.

Shu kuni Qashqadaryo viloyati hokimligi, Respublika Ma’naviyat va ma’rifat markazi Qashqadaryo viloyati bo‘limi, Qashqadaryo viloyati madaniyat boshqarmasi, Qarshi davlat universiteti O'zbek tilshunosligi kafedrasi, Abdulla Oripov nomli ijod maktabi hamkorligida "Qadring baland bo‘lsin, Ona tilim!” shiori ostida bayram dasturi tashkil etildi. Dastlab Abdulla Oripov haykali poyiga gulchambarlar qo‘yilib, maktab muzeyiga sayohat uyushtirildi. Hamkorlikda uyushtirilgan tadbirni viloyat hokimining tabrik nutqi bezadi. Qarshi davlat universiteti professori, filologiya fanlari doktori Nafas Shodmonov “Ona tili – millat ko‘zgusi” mavzusida ma’ruza qildi.

Tadbir davomida viloyat musiqali drama teatri aktyorlari ijrosida sahna ko‘rinishlari, maqomchilar jamoasi chiqishlari, Qarshi davlat universiteti Filologiya fakulteti talabalari hamda Abdulla Oripov nomli ijod maktabi o‘quvchilari ijrosida badiiy kompozitsiya, Ma’naviyat va ma’rifat markazi viloyat bo‘limi tomonidan “Yosh kitobxonlar” intellektual viktorinasi tashkil etildi. Tadbir yakunida Davlat tili rivojiga katta hissa qo‘shayotgan faollar taqdirlandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram