#saylov_va_yoshlar

Xorijiy tillar hamda Matematika va kompyuter ilmlari fakultetlari hamkorligida joriy yil 27-oktyabrda bo‘lib o‘tadigan Oliy Majlis Qonunchilik palatasi va mahalliy Kengashlar deputatlari saylovlarida yoshlarning faolligini oshirishga qaratilgan “Saylovlar demokratiya ko‘zgusi: yangi saylov tizimi — yoshlar nigohida” mavzusida tadbir o‘tkazildi.

Unda ishtirok etgan Falsafa va sotsiologiya kafedrasi o‘qituvchisi R.Boymatov, universitetning mustaqil tadqiqotchisi S.Haqqulov saylov mamlakatning siyosiy-ijtimoiy hayotidagi eng muhim siyosiy jarayon ekanini, unda aholi, ayniqsa, yoshlarning faol ishtiroki mamlakat kelajak taraqqiyotini belgilovchi yuksak mezon sanalishini qayd etdilar. Tadbir yakunida yoshlar tomonidan berilgan barcha savollarga atroflicha javoblar berildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#stipendiya_dasturi #sinov_imtihonlari

18-oktyabr kuni "Sho‘rtan gaz kimyo majmuasi" MCHJning stipendiya dasturi doirasida Qarshi davlat universiteti Kimyo-biologiya fakulteti kimyo ta’lim yo‘nalishi 4-bosqich talabalari hamda kimyo (fan yo‘nalishlari) mutaxassisligi 1-2-bosqich magistrantlari orasidan iqtidorlilarni tanlab olish maqsadida sinov imtihonlari oʻtkazildi.

G‘oliblarga 2024/2025-oʻquv yili yakuniga qadar stipendiya toʻlab boriladi. Stipendiya dasturi bir necha bosqichda amalga oshiriladi va har bir bosqich imtihon natijalari majmuaning rasmiy telegram kanali orqali e'lon qilib boriladi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#ijodiy_ko'rgazma

18-oktyabr kuni San’atshunoslik fakultetida O‘zbek tiliga davlat tili maqomi berilganligining 35 yilligi hamda “O‘zbek tili bayrami kuni” munosabati bilan “Ilk qadam” deb nomlangan ijodiy ishlar ko‘rgazmasi tashkil qilindi.

Ko‘rgazma avvalida so‘zlaganlar millatning ruhi hisoblangan ona tilimizni avaylab-asrash barchamizning burchimiz ekanligini ta’kidlab, ko‘rgazmadan o‘rin olgan ijodiy ishlarning badiiy saviyasi yuksakligi, ayniqsa, har bir mavzu mahorat bilan ochib berilganini e’tirof etdilar.

Ijodiy ko‘rgazmada fakultet talabalari Asror Hamrayev, Rayhona Sultonova va Shaxzoda Eshimovaning 40 ga yaqin turli mavzudagi ijodiy ishlari namoyish etildi. Tadbir yakunida ijodkor talabalar taqdirlandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#stajirovka #jarayon

Ayni kunlarda Qarshi davlat universiteti professor-o‘qituvchilari G’.Nabiyev, Sh.Muxitdinov, Sh.Sattorov hamda R.Vayskulov Turkiya davlatining Chanoqqal’a 18-mart universitetida stajirovka o‘tashmoqda. Stajirovkaning dastlabki kunida Qarshi davlat universiteti o‘qituvchilarini Turizm fakulteti dekani Mustafo Boz qabul qildi.

Muloqot davomida Qarshi davlat universiteti bilan tuzilgan memorandumga binoan, ilmiy izlanishlar hamda akademik faoliyatga oid ilmiy tajriba hamda ma'lumotlar almashinuvi, hamkorlikda ilmiy-tadqiqot loyihalarini amalga oshirish, ikki oliy ta’lim muassasasi professor-o’qituvchilarining kelishgan holda darsliklar, o‘quv qo‘llanma va ilmiy maqolalarini nashr etish, xalqaro konferensiya, ilmiy-metodik seminarlar tashkil etish borasida o’zaro kelishuvlar olib borildi. Universitetda turizm sohasida tahsil olayotgan talabalarning ma’ruza hamda amaliy mashg’ulotlarining o’tilish jarayoni yaqindan tanishib chiqildi.

Stajirovka davomida tajriba almashilib, mazkur universitetda tahsil olayotgan talabalarga O’zbekistonda turizm sohasi hamda uni rivojlantirish bo’yicha amalga oshirilayotgan ishlar bo’yicha dars mashg‘ulotlari o‘tildi. Stajirovka davom etmoqda.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram