#saylov_va_yoshlar

Tarix va Fizika fakultetlarida talaba-yoshlarning saylov jarayonlarida ishtirokini faollashtirish va ularning huquqiy savodxonligini oshirish maqsadida “Saylov va yoshlar” mavzusida tadbir o‘tkazildi.

Tadbirlarda Tarix fakulteti dekan o‘rinbosari M.Karimov, Milliy g‘oya, ma’naviyat asoslari kafedrasi dotsenti D.Sunnatov tomonidan Oliy Majlis Qonunchilik palatasi va mahalliy Kengashlar deputatlari saylovlari haqida ma’lumotlar berildi. Xususan, aralash saylov tizimi, Saylov kodeksiga kiritilgan o‘zgarishlar va yangiliklar borasida so‘z yuritildi.

Yosh saylovchilarga mazkur muhim siyosiy jarayonda ishtirok etish tartibi, nomzodlar uchun qo‘yilgan talablar hamda ovoz berish jarayonidagi huquq va majburiyatlar ham atroflicha tushuntirib o‘tildi. Shuningdek, bugun Tibbiyot fakultetida “Men saylovga tayyorman” mavzusida insholar tanlovi o‘tkazildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#mensaylovgatayyorman

Kimyo-biologiya va Filologiya fakultetlarida "Men saylovga tayyorman" mavzusida insholar tanlovi o‘tkazildi. Unda kurslar kesimida iqtidorli va ijodkor talabalar ishtirok etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#disko_shou

Universitet yotoqxonalarida yashaydigan talaba-yoshlarning dars mashg‘ulotlaridan bo‘sh vaqtini mazmunli o‘tkazish maqsadida doimiy ravishda ma'naviy-ma'rifiy, ko‘ngilochar tadbirlar tashkil etiladi.

Jumladan, bugun bo‘lib o‘tgan "Disko shou" musiqiy dam olish dasturida jarang sochgan yoqimli musiqa, ajoyib qo‘shiqlar, qiziqarli shartlar asosida viktorinalar yig'ilganlarga xush kayfiyat, maroqli hordiq bag‘ishladi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

🥰🥰😇😇🥰🥰🥰

17-oktyabr kuni Matematika va kompyuter ilmlari fakulteti talaba-yoshlari ishtirokida Zakovat intellektual o’yini tashkil etildi. Unda fakultetning barcha bosqich talabalaridan tashkil topgan 7 ta jamoa - “Liderlar”, “Alif”, “Evrika”, “The best”, “Algoritm”, “Renessans”, “Pifagor” jamoalari ishtirok etdi.

Qizg‘in tarzda kechgan bellashuv yakunida “Evrika” jamoasi 6 ball bilan 1-o’rinni, “Liderlar” jamoasi 5 ball bilan 2-o’rinni, ”The best” jamoasi 3 ball to’plab 3-o’rinni qo’lga kiritdi. G‘oliblar rag‘batlantirildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#ichki_turizm

⚡️Ham sayohat, ham ziyorat

Geografiya va agronomiya fakulteti 1-bosqich talaba yoshlari Yoshlar bilan ishlash bo‘limi tyutorlari hamrohligida Qarshi tumani Qovchin qishlogʻida joylashgan Abul Muin an-Nasafiy ziyoratgohiga bordilar.

XI asrda yashagan Abu Muin Nasafiy bobomiz aqida ilmining buyuk namoyondalaridan biri bo'lib, Abu Mansur Moturidiy asos solgan moturidiya ta’limotining dunyoda keng miqyosda tarqalishida muhim rol o‘ynagan. Islom dini sofligini saqlash, aqidaparastlikka qarshi kurashishga qaratilgan ko‘plab ilmiy asarlar yozgan.

Sayohat davomida talabalar XI asrda qazilgan quduq, quduq yonidagi qadimiy kirish darvozaxonasi, qadimiy masjid hamda majmuada tashkil etilgan muzey, Abu Muin Nasafiyning qo‘lyozma asarlari hamda muzeyda saqlanayotgan Xitoy ipak qog‘oziga bitilgan noyob Qur’oni karim qo‘lyozmasi bilan yaqindan tanishdilar.

#O‘zbekiston_bo‘ylab_sayohat_qil!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram