:: رسالة الى مجلس البلدية الجديد . .

اذا كان مجلسكم يهتم في محاسبة الفساد
والفاسدين .. عليه أن يدرك ان مؤسسات البلدية
ليس عليها لا حسيب ولا رقيب .

مكتبة البلدية فيها موظفين بروحو بداومو الظهر ساعتين زمن وبروّحو .. !
من المديرة لأصغر موظف بالمكتبة ..
( إلا من رحم ربي )
انا مش ضد البلدية ، لكن انا مواطن يدفع ضريبة معارف ونفايات ومياه وكهرباء لموظفي البلدية ،ومن حقي ان ارى موظفين قادرين على ادارة شؤون البلدية بكل محاورها وبكل مؤسساتها .

ما بدي احكي اسماء اشخاص .وعندي اسمائهم ومسمياتهم الوظيفية ،لكن مش همنا نشر الفتنة
و بلبلة بين الناس من تداول اسمائهم . 😏

راقبوا مشتل البلدية وكراج البلدية ومخازن
البلدية منييييح .. ! 😉😉

بلشو في هاي المؤسسات التابعة الكم ، لأنهن عمود الفقري للبلدية ..

و سلام عالزلام 🫡

مسا الخير ...
صحيح المطر هبة ونعمة من الله 🥰

لكن مُصرة زريبة بلدية قلقيلية على جعل هذا المطر نقمه على سكان البلد ..
ما بدنا نطالب زي الناس انو تسكرو الحُفر وتعبدو الشوارع وتحلو مشاكل الناس ..لا لا سمح الله ..😉

بدنا يضل كلشي زي مهو ، علشان الناس تضل تسب وتدعي عليكم وتضلو بنظر الناس انك فاشلين لوجستياً وإدارياً ..

سلام عالزلام 🫡

صباح الخير ..
لدي سؤال يراودني ..سؤال صعب ٌ 😆

هل سيخضع رئيس بلدية قلقيليه المنتدب الذي عُين من قبل وزارة الحكم المحلي الذي اُنهيت خدماته للجنة تحقيق بعد إنهاء عمله في قلقيليه من قبل الوزاره ؟

#السبب : ترقيات - تنقلات بين الموظفين - تجديد عفش ..الخ

👈 أم سيكون مثله مثل قبله؟
لا رقيب ولا حسيب !

يلا مهمي جورة بالبلد مش قادرين يسكروها
بدك اياهم يكونو ع قدر من المسؤولية 😂.

سلام ع الزلام 🫡

صباح الخير للناس يلي قلوبها بيضا
ولا صباح لزريبة بلدية قلقيلية السودا ..

حبيت اصبح وابارك للبلد على استلام رئيس البلدية الجديد ، إن شاء الله بكون عند حسن الظن ويكون قدها ، وما يكون زي يلي قبلو
بسرقو وبهربو 😉..

ع كل حال نتمنى للرئيس الجديد التوفيق والسداد والحكمة ،بعيداً عن ضباع البلدية الذين يحيطون به ..

اه صحيح قبل ما اروح ، الرئيس الجديد إمبارح
كان يتعرف ع اعضاء وموظفي البلدية ف لما وصل لمدير البلدية حكولو : هاذ مدير البلدية

حكالهم : هاذ إذا ضل 😆

فلتتجهزوا جميعا للتنقلات

و سلام عالزلام 🫡

للتواصل معنا .. والملاحظات..

ارسل رسالتك الى البوت👇
@QalqilyaMunicipality_bot

مراسلتلك لنا ستكون ضامنة لسرية معلوماتك

مش بالعادة أنشر بالمسا ..😉
دايماً بفاجئكم عالصبح 😆

بس عندي مثل بحب اقولو كثير
خليك مصحصح ..بلاش افاجئك 🤫

خلينا بالمهم 👇
عشان اخفف الضغط النفسي يلي إنتو فيه
وتناموا مرتاحين ، خففو بحث عني 😆
لاني برا البلاد ، وعامل vbn ع فلسطين عشان أشتتكم 😂..

بدل ما تدورو عليي ، دورو عالخلل يلي جواكم
لانو لو ما كان فيه فساد وخلل بمنظومتكم .
ما كانت هاي القناة إنعملت ..

إعقلوا ..بلاش أجيب بالأسماء والتواريخ
لحد الآن بحكي بالالغاز ..
يلي عندي بضيّع كثير منكم ..

و سلام عالزلام .. 🫡

:: مساء الخير..
::سؤال موجه لكل من يهمه الأمر في بلدية قلقيلية ::

الأرض التابعة للبلدية في كفر سابا يلي عقبال
صيدلية الرازي - جانب المركز الصحي الجديد .

اُستؤجرت من البلدية وفُتح فيها مقهىٰ ..

⚠️ قدمتوا فيها عطاء ؟ ولا راحت بالواسطة ؟

مش أي شي للبلدية بدها تتصرف فيه
بتنزل فيه عطاء او توضيح ؟

مش عشانكم ..عشان سُمعتكم 😉
و سلام عالزلام  🫡

قمنا سابقاً بإطلاق بوت جديد عبر منصة التلجرام، يهدف إلى تعزيز التواصل السري والآمن مع المواطنين.

يتيح البوت للمستخدمين الإبلاغ عن أي تحركات مشبوهة، أو نشاطات سرية ، أو حالات سرقة، أو أي قضايا فساد في بلدية قلقيلية.

كما ونؤكد أن جميع المعلومات التي يتم مشاركتها عبر البوت ستُعامل بسرية تامة، مع ضمان حماية هوية المبلغين.

تدعوكم قناة "بلدية قلقيلية - مصدر مطلع"
جميع المواطنين إلى التفاعل مع هذه الخدمة والإبلاغ عن أي وقائع او حالات فساد تسهم في الحفاظ على البلد ومقدراته .

⬿رابط بوت التواصل مع إدارة القناة👇
@QalqilyaMunicipality_bot

بدناش نعلق ع هاي الصور حاليا ..

بدنا نصبر عالمجلس الجديد ، لانو جديد 😉

بس يا ريت ما تكون هاي الصور زي كل صور بعملوها البلدية ،بتصورو وبروحو ..😉

وانت يا مصور البلدية مزهقتش من نفس النص زي كل سنة ، خليك مشغول في ملاحقة الناس عالفيسبوك عشان تضل تحظر فيهم 😂..

وسلام عالزلام 🫡

بما انو الدنيا مشمسة
تفضلوا اشتغلو عالاقل
بالله عليك يا مهندس البلدية مش مستحي ع حالك ؟
وانت بتوخذ مصاري حرام

جمالية البلد لا عيب فيها ..
بما انو فش عندكم مهندسين مثل الخلق ومافي ناس بدها تخدم البلد بالبلدية ..

ف حابب احكيلكم هاي النصيحه
البلد فيها امور مهمة وفي أهم .. والأولى انو مصاري هاي المشاريع تروح للأهم ، من تزبيط بنية تحتية يلي كثير منها كشفت غباءكم وعدم تحملكم للمسؤولية .

✍️ فيه مثل بقول ( قد لا تعرف أبداً نتيجة أفعالك ، لكن إذا لم تفعل شيء فلن يكون هناك أي نتائج ).

وسلام عالزلام 🫡

وهاذ الاعلان مش مبرر ..بل هو يدل على خيبة وفشل ، ودليل اخر على ان مشروع البلدية ليس إلا جباية وليست خدماتية .

مش كل رئيس بدو يجي عالبلدية بدو يرفع الكهربا اجورات ويقول مهي الدنيا ارتفعت !!
فيه مصاري بالبلدية بتروح هيييييك ..
فيه مشاريع بتروح بمئات الالآف الدولارات بسبب غباء يلي حوليك ، انت بتعرفهمش ..
بس رح تعرف لقدام مين بديّر البلدية 😉
وانك انت مجرد موظف عادي ..

علشان لما يطيروك يقولو يلي كان قبل :
( رفع وخرب وراح ) ..

وسلام عالزلام 🫡

قبل ما تنزلو نصائح لمشاكل المواطنين ..
يا ريت تصلحوها 😉 ..

• يعني انتو بتنصحوا الناس تبتعد عن الطرق المملوئة بالماء ..
( إذن تحتها حُفر بدها تسكير )

• بتنصحوا الناس تخفف السرعة ..
(إذن الشوارع مش مهيئة للسياقة )

• بتنصحوا الناس ما يبللو الناس من تجمعات المياه..
(إذن مافي بنية تحتية تستقبل مياه الامطار )

كيف بتنصحوا الناس بامور انتو مش قادرين تصلحوها ،وهي ما بدها ملايين الشواقل لصيانتها ؟؟!

ولا بس شاطرين تنزلوا صور وانتو تقصقصو شجر وتدهنو شوارع وووو .. الخ !

يا #مدير_البلدية انا وصلتني اخبار انك بتشتغل صح وحابب تعمل وتصلح ، بس يا ريت تغير الطاقم الفني والهندسي يلي حوليك ،لانهم بلا فايدة من سنين ،ومابالشوارع بشتغلو بضمير ..

▍ وتأكيداً على كلامي ..تنزلش عالشارع وتسأل الناس شو مشاكلها وتغلب حالك ..
إسمح للتمبل يلي ماسك صفحه البلديةخ ينزل منشور عنوانو ( ما هي اهم المشاكل التي تعاني منها البلد ) بدون ما يقعد يحذف تعليقات الناس ويعملو حظر لإلهم ..وإقرأ الشكاوي والتعليقات يلس بتشيب الراس ..

خطوة ممتازة ومن زمان بنشجع عليها لتحصيل الديون ، وبما انو بتحكوا عن حالكم مؤسسة خدماتية ، مقابل هاذ القرار شو قدمتو خدمة للمواطن ؟

بما إنو هسا صارت كل الخدمات تندفع خاوة على كرت الكهرباء ، تفضلوا اعطو الناس براءة ذمة !

براءة الذمة بتساعد ناس كثير تقدم على اشتراكات جديدة ، وتحل مشاكلها يلي الها عشرات السنين .

يا رئيس البلدية :
في حال سهلتو عالناس تقدم اشتراكات جديدة ، عاذ الاشي بساعدهم وبساعدكم على تحصيل الديون بشكل اوسع واشمل 

يعني مثلا : عمارة مكونة من ٣ او ٤ طوابق ،وكلهم على اشتراك واحد لانو على أب العائلة ديون ولا يستطيعون تقديم اشتراك جديد ، ( في حال قدموا على اشتراكات تستطيع البلدية ان توزع الديون على عدة ساعات ،وبدل الجباية من ساعه واحده ،اصبح بامكانكم تحصيل الديون بأكثر من ساعه )

بس بدها شوية جرأة وشطارة وذكاء ، والله ما بدها اشي ..سهلو عالناس

خطوة ممتازة و موفقة
ضل ساعات الكهرباء 😉