UZULOY XAYDAROVA ✍️

SHOIR

Qalamni egasi qolib bir chetda,
Maddoh o‘zicha qalam taroshlar.
Bechora shoirga qilar xo‘p alam,
Yozgan asarida ko‘zlarin yoshlar.

Haqiqat so‘zlar qoladi yotdek,
Soxta madhiyalar topadi qanot.
Vijdonlar sukutda, yotar o‘rtanib,
Yolg‘onlar ichida yo‘qolgan hayot.

Kimdir haqiqatni sotar bir zumda,
Manfaat yo‘lida bukilar qalam.
Shoirning yuragi qon yig‘lar jimjit,
So‘zlari titraydi, ichida alam.

Shoirni so‘zlarin o‘g‘irlasang gar,
Uning darlarin ham qo‘shib o‘g‘irla.
O‘zingni pokdomon inson atasang,
Bu hayot yo‘lida so‘zing to‘g‘irla.

Shoirning shoirdan farqi bor asli,
Bilib qo‘y yasama so‘zlar emas bu.
O‘zing ikki enlik satr yozib ko‘r,
Bir achchiq nasixat shoirangdan shu.

UZULOY XAYDAROVA ✍️

CHORLOV

Sen bir hakka bolasi aniq,
Burgutlikka qilmagin daʼvo.
Sendek ikki yuzli ko‘paydi,
Darding seni tuzalmas vabo.

Sherlar ingrar narasi bo‘g‘iq,
Quyon, tulki zamoni keldi.
Laganbardor urchidi rosa,
Bu qiyomat kunlardan belgi.

Osmon jimdir, yer ham sukutda,
Adolat ham kutar navbatin.
Har bir kimsa soyasiga qul ,
Yo‘qotmoqda asl qimmatin.

So‘z ko‘paydi, amal yo‘qoldi,
Til uchida yolg‘onlar o‘ynar.
Kimdir kulib, kimdir yig‘laydi,
Bu zamon ham sinovlar qo‘yar.

Lekin tonglar baribir yorug‘,
Qorong‘ulik abadiy emas.
Yuraklarda haqiqat uyg‘ot,
Yolg‘onlarga qoldirma asos.

Assalomu alaykum! Bu mukofotni kutmagandim. To‘maris mukofoti.Men o‘zbek To‘marisi etib tan olindim. O‘zbekistonimga muborak bo‘lsin! Juda xursand bo‘ldim mukofotga loyiq ko‘rilganimdan. Tashakkurlarimni aytaman. Niftali Goyceli muallim va Surxay janoblariga.Yana bir bor tashakkur!

08.07. 2026-cı il itedadlı, Turan məfkurəli özbək şairi Uzuloy Xanımın yubileyi olacaq... TYB Uzuloy xanımı yüksək adla: TURAN XALQ ŞAİRİ adı ilə dəyərləndirir və uzun ömür, can sağlığı, doğmaları ilə xoş günlər yaşamasını arzu edir... Özbək qələm sahibləri sırasında mərhum Cahangir Mirzodan sonra bu ada layiq görülən ikinci şairdir... Bir daha uğurlar!.

Hurmatli Neftali Go‘ychali!

Sizga samimiy qalbimdan chuqur minnatdorlik bildiraman.
Menga bildirgan yuksak e'tiboringiz, ezgu tilaklaringiz hamda "TURAN XALQ SHOIRI" degan sharafli unvon bilan taqdirlaganingiz men uchun ulkan faxr va katta mas'uliyatdir. Bu e'tirof ijod yo‘limda menga yanada kuch, ilhom va ishonch bag‘ishlaydi.
Turon birligi, adabiyoti va ma'naviy qadriyatlari yo‘lida qilayotgan fidokorona mehnatlaringiz tahsinga sazovordir. Sizga mustahkam sog‘lik, uzoq umr, oilaviy baxt va ijodiy zafarlar tilayman.
Yana bir bor samimiy ehtirom va ezgu tilaklaringiz uchun cheksiz rahmat.

Hurmat bilan,

Uzuloy Xaydarova

Чин дилдан табриклайман энажоним Буюк турон шоири унвони муборак .келгусида Узбекистон хал шоири деган ном насиб килсин Узбегим Тумарислари купаяверсин юртимизда .Амин.Асрорбобо.

Assalomu alaykum singlim, - Xalqaro Buyuk Turon shoirasi,
Vatanim Toʻmaris!,
Oʻzbekiston Respublikasi bebaho olmosi, jigarim Uzuloy Xaydarova!
Tavallud ayyoming muborak boʻlsin!
Ollohim umringni uzoq qilsin!
Fidokorona qalaming doimo, xalqqa xizmat uchun yozsin!
Oʻzbek adabiyotining yirik vakili deb tayinlanishing tugʻulgan kunga toʻyona boʻlibdi.
Ollohim doimo madadkor boʻlsin!
Shaxsiy hayotingdayam ajoyib oʻzgarishlar tilab qolaman!
Chin yurakdan yuksak faxrdir!
Ota-onamning pok ruhlari va barcha Ustozlar hamda barcha samimiy insonlar duosi ijobatidir!

Toʻyga toʻyona deganlaridek,
Ushbu gʻazalim qoʻshigʻi toʻyona boʻlsin!
San'atkor, Bastakor Ilhomjon Gʻopporovga oʻz minnatdorchiligimni bildiraman!

Hurmat bilan: Nasiba Xaydarova
(Nasiba Nafis)

💐💐💐💐
БАХТНИНГ ЯПРОГИДАН
ТУТАЙ ГУЛДАСТА,
БАРЧА ФАРИШТАЛАР
ТУРАР ХАВАСДА.
ЮРАКДАН ПИЧИРЛАБ
АЙТАМАН АСТА,
❤️:::::::::::::❤️
ТАВАЛЛУД КУН
БУЛСИН МУБОРАК ❤️😘
💐💐💐💐
КАДРДОН ШОИРА СИНГЛИМ УЗИЛОЙ ХАЙДАРОВА
МУХАММАД САЛЛОЛОҲУ АЛАЙҲИ ВАССАЛАМГА УММАТ БУЛГАН КУНИНГИЗ, ЯЪНИ ШУКРОНА КУНИНГИЗ БИЛАН ЧИН КАЛБИМДАН МУБОРАКБОД ЭТАМАН 😘🤗
💐💐💐💐
УМРИНГИЗ УЗОК, РИСКИНГИЗ УЛУГ, МАРТАБАНГИЗ ХАМИША БАЛАНД БУЛСИН.
💐💐💐💐
УЗИЛОЙ СИНГЛИМ
СОГ САЛОМАТ БУЛИНГ ОИЛАНГИЗ, Ота онангиз BAXTIga
💐💐💐💐
УМРИНГИЗ ЗИЁДА БУЛСИН ХУРМАТИМДАСИЗ.
ЯНА БИР БОР ШУКРОНА КУНИНГИЗ БИЛАН ТАБРИКЛАЙМАН
💐💐💐💐
🌸BEK🌸
НОМИДАН КАБУЛ КИЛИНГ.

🎂🎂🎂🎂🎁🎁🎁🎁
🥳🥳🥳🥳🎉🎉🎉🎉

🌹❤️🎂UZULOY 💐

Mehriban, müdrik bacım,
Sehirli könül tacım,
Məsum gözlü əlacım.
Mübarəkdir, ad günün!

Qəlbimə nur saçırsan,
Gülüm çiçək açırsan,
Üzü anam, bacımsan,
Mübarəkdir, ad günün!

Anam əkən reyhanım,
Ürək pərim, cananım,
Əmanətim, mehmanım,
Mübarəkdir, ad günün!

Ümmanların mehrisən,
Ədəbiyyat Sehrisən,
Ozbək qızım, hurisən,
Mübarəkdir, ad günün!

Arzuların çin olsun,
Alpomuş bəxtin olsun,
Addımın mətin olsun,
Mübarəkdir, ad günün!

Həyatın eşqlə dolsun,
Vəfalı yarın olsun,
Xoşbəxtlik səni bulsun,
Mübarəkdir, ad günün!

SINGLIM

Muallif:Nasiba Xaydarova✍

(Singlim Uzuloy Xaydarovani ya'ni Sehriyoni tugʻilgan kuniga tabrik she'r)

Mehribonim, oqila singlim,
Sehring ila, yorishar koʻnglim.
Koʻzi humor, begʻuborligm
Tugʻilgan kun, boʻlsin muborak!

Qalbi quyosh, nurli oftobim,
Gullarning a'losi, sen mohitobim.
Onamning siymosi, sen shamchirogʻim
Tugʻilgan kun, boʻlsin muborak!

Onajonim ekkan rayhonim,
Dilimning parisi, pari-paykonim.
Omonatimdirsan, aziz mehmonim
Tugʻilgan kun, boʻlsin muborak!

Mehri ummon kabi, mehirigiyosan,
Adabiyot mulkida, Sehriyodirsan.
Oʻzbegim qizisan, ibo-hayosan
Tugʻilgan kun, boʻlsin muborak!

Orzularing, baxtlarga eltsin,
Alpomishdek yigit, baxt boʻlib kelsin.
Har qadaming, yutuqqa eltsin
Tugʻulgan kun, boʻlsin muborak!

Hayotingda topilsin, chiroyli ilinj,
Axdga vafo qilar, vafodorni quch.
Hayoting chulgʻasin, baxt degan ovunch
Tugʻilgan kun, boʻlsin muborak!

2025-yil.7-iyul.

Ассалому алейкум! Узулой соғ саломат юрибсизми? Ўқишларингиз яхши кетобдими? Таваллуд айёмингиз муборак бўлсин! Умрингизга, ижодингизга ва барча ишларингизга Аллоҳим барака берсин! Доим соғ саломат бўлиб юринг! Ютуқларингиз бардавом бўлсин, бизлар ютуқларингиздан фахрланиб юрайлик!
Ҳурмат билан Зиёдулла Олимов.

🌿🌿🌿🌿🌷🌷🌷🌷🌿🌿🌿🌿

ТАБРИКЛАЙМИЗ-ҚУТЛАЙМИЗ!

🌸🌿🌸🌿🌸🌿🌸🌿🌸🌿🌸

АССАЛОМУ  АЛАЙКУМ
Узулой Ҳайдарова (Sehriyo)

    Сизни таваллуд айёмингиз билан ўзим ва "Ijod gulshani" халқаро ижодий гуруҳимиз номидан ҳам чин дилдан қутлайман! 
     Сизга узоқ умр, мустаҳкам ирода, сихат- саломатлик, тўкин ҳаёт, туганмас бахт ва кетмас омад тилайман. 
     Ҳар кунингиз шодумон бўлсин, орзу тилакларингиз ушалишига тилакдошман!
Қалбингиз
сарвиқор тоғлар каби сокин, 
эзгу ҳисларга бой бўлсин!

      Дунёдаги жами эзгуликлар Сизга ёр бўлсин!


  Биби Марям

    🌷🌸🌷🌸🌷🌸🌷🌸

Ассалом алайкум чин юракдан табриклайман

UZULOY XAYDAROVA ✍️

GUL QO‘YIB KET QABRIM BOSHIGA

Gul qo‘yib ket qabrim boshiga,
Duo bo‘lsin qalbing qo‘shig‘i.
Yod etsang bas, chin mehr ila,
Shod bo‘ladi ruhim oshig‘i.

Ko‘z yoshingni to‘kma behuda,
Hijron yukin ortma yelanga.
Yaxshi so‘zing yetar menga ham,
Rahmat bo‘lar so‘nggi manzilga.

Umr karvon, o‘tkinchi mehmon,
Bir kun ketar shohu ham gado.
Ezgu amal qolar ortimizda,
Shu haqiqat — so‘nggi intiho.

Agar bir kun meni sog‘insang,
Shamol bo‘lib esar nafasim.
Gul qo‘yib ket qabrim boshiga,
Boshim uzra elar bir nasim.

Bahor kelsa ochilgan gullar,
Meni eslab sekin tebransin.
Muhabbatim, samimiy so‘zlar,
Qalbing ichra mangu yashasin.

Yomg‘ir yog‘sa qabrim ustiga,
Rahmat bo‘lib tomsin tomchilar.
Har bir duong yetib ruhimga,
Nurga to‘lsin qorong‘u tunlar.

Kelgan chog‘ing sukut saqlagin,
Dardlaringni Yaratganga ayt.
Men uchun ham Fotiha o‘qib,
Mehring ila yana ortga qayt.

Hayot o‘tar yeldek bir nafas,
Hech kim qolmas bu foniy joyda.
Yaxshilikni meros et faqat,
Noming qolsin elning dilida.

Bir oq gulni qo‘ysang boshimga,
U ming so‘zdan ortiq so‘z bo‘lar.
Samimiyat yashar qalbingda,
Ruhim shunda taskinga to‘lar.

Men ketarman, ammo sevgimmas,
Ezgu so‘zim qolur yodingda.
Gul qo‘yib ket qabrim boshiga,
Duo bilan yashay dilingda.

© Mualliflik huquqi qonun bilan himoyalangan. She’rlarimni o‘g‘irlab, o‘z nomidan yozganlar jinoiy javobgarlikka tortiladi, mualliflik huquqim himoya qilinadi, moddiy va ma’naviy tovon puli talab qilinadi.

UZULOY XAYDAROVA ✍️

QISHLOQ ZULMATDA QOLMASIN!

(Maqola)

Bugun elektr energiyasi oddiy qulaylik emas. U — hayot tomiri, taraqqiyot nafasi, xonadonlar farovonligining tayanchidir. Chiroq o‘chganda faqat uy qorong‘ulashmaydi — insonning mehnati, ro‘zg‘ori, orzu-umidlari ham sinovga duch keladi.
Bir savol borki, u har bir mas'ul rahbarning vijdonini uyg‘otishi kerak: nega elektr energiyasi uchun haqini o‘z vaqtida va to‘liq to‘lagan qishloq aholisi uzluksiz elektr ta'minotidan yetarlicha foydalana olmasligi kerak? Fuqaro o‘z majburiyatini bajargan ekan, xizmat ko‘rsatuvchi tashkilot ham o‘z zimmasidagi burchni qonun, adolat va mas'uliyat asosida bajarishi shart.
Bugun muzlatkichlarda shunchaki oziq-ovqat emas, oilaning rizqi, mehnat bilan topilgan ne'matlar saqlanmoqda. Go‘sht, sut mahsulotlari, dori-darmonlar, bolalar taomi... Uzoq davom etgan elektr uzilishi tufayli ularning yaroqsiz holga kelishi minglab oilalar uchun moddiy zarar demakdir. Qimmatchilik hukm surayotgan bugungi kunda bunday yo‘qotish oddiy noqulaylik emas, balki mehnatkash insonning cho‘ntagiga urilgan zarbadir.
Qishloq ahli bu yurtning nonini yetishtirayotgan, chorvasini boqayotgan, iqtisodiyotiga hissa qo‘shayotgan fidoyi insonlardir. Ularni ikkinchi darajali fuqaro sifatida ko‘rishga hech kimning ma'naviy ham, huquqiy ham haqqi yo‘q. Qonun oldida ham, davlat e'tiborida ham shahar va qishloq aholisi teng bo‘lishi kerak.
Albatta, avariya yoki ta'mirlash ishlari sababli elektr uzilishi zarur bo‘lishi mumkin. Ammo bunday holatlarda fuqarolarni oldindan xabardor qilish, uzilish muddatini imkon qadar qisqartirish va muammoni tezkor bartaraf etish — xizmat madaniyatining ajralmas talabidir. Xalqni noaniqlikda qoldirish esa ishonchni yemiradi.
Har bir rahbar shuni chuqur anglashi kerak: mansab — imtiyoz emas, xalq oldida qasamyod qilingan mas'uliyatdir. Odamlar hisobotlarga emas, amaldagi adolatga baho beradi. Ishonch balandparvoz so‘zlar bilan emas, amaliy xizmat bilan qozoniladi.
Vijdon oldida hech bir lavozim qalqon bo‘la olmaydi. Har bir qaror ortida minglab xonadonlarning taqdiri, bolalarning rizqi, keksalarning salomatligi, mehnatkash insonlarning umidi turibdi. Ana shu mas'uliyatni his qilgan rahbargina xalq hurmatiga sazovor bo‘ladi.
Qishloqqa yorug‘lik yetkazish — bu shunchaki sim tortish yoki tok uzatish emas. Bu inson qadriga hurmat, xalq ishonchiga sadoqat va davlat xizmatining asl mazmunidir. Qishloq ravnaq topsa, yurt ravnaq topadi. Qishloq nurli bo‘lsa, Vatan nurli bo‘ladi.
Adolatning nuri har bir xonadonga barobar yetsin! Chunki qishloq ham Vatanning yuragi. Yurakni zulmatda qoldirib, taraqqiyot sari dadil odimlab bo‘lmaydi.

Bu qishloqni ovozi men xolisona yetkazdim. Tarozi pallasini teng tutish bu qishloq ahlini rozichiliga sabab bo‘ladi. Har bir joyda haqiqat bo‘lsin.

UZULOY XAYDAROVA ✍️

SUKUTNING TARJIMAI HOLI

Sukut ham so‘zlaydi, tinglay bilsang gar,
Yurakning sirlarin anglasang agar.
Jimlikning bag‘rida ming doston yotar,
Baʼzida bol kabi baʼzida zaxar.

Sukutning goh ajib tarjimai holi,
Unda yashar hijron, visol, iqboli.
Kulgan chehralarning pinhon yoshiday,
Yashirin dardlarning bitmas savoli.

Ba'zan u sabrning eng oliy tili,
Ba'zan armonlarning so‘nmas manzili.
Qalblarni kuydirar aytilmagan so‘z,
Jimlikdir ayriliq yozgan dalili.

Shamollar daraxtga doston aytganda,
Bulutlar ko‘k yuzin yoshga to‘ldirar.
Sukut bir musavvir — rangsiz suratlar,
Yurakni sabrga qayta ko‘ndirar.

So‘z aytish osondir, jim turish qiyin,
Sukutda pishadi ming saboq, yaqin.
Har bir sukut ortin anglay olgan zot,
Haqiqat haqqini etgay pok talqin.

Sukutning tarjimai holi shudir bas,
Unda na yolg‘on bor, na soxta havas.
Qalbini pok tutgan inson nigohida,
Jimlik ham hikmatdir,
anglaganga dars.

© Mualliflik huquqi qonun bilan himoyalangan. She’rlarimni o‘g‘irlab, o‘z nomidan yozganlar jinoiy javobgarlikka tortiladi, mualliflik huquqim himoya qilinadi, moddiy va ma’naviy tovon puli talab qilinadi.

UZULOY XAYDAROVA ✍️

SOYANING YOLG‘IZLIGI

Soyadek kezdim jahonni, dard ila hamdam bo‘lib,
Shams botar, men qolurman g‘am bila mahram bo‘lib.

Kimki ko‘rdi, bosdi ustim, holim etmadi savol,
Qismatim sukut ichinda dard ila bir dam bo‘lib.

Tong otib, nur yog‘ilur, men chekinurman yana,
Borlig‘im go‘yo yo‘qolur, zulmat ichra g‘am bo‘lib.

Yaproq uzra titrar erdim yel esib o‘tgan mahal,
Ko‘z yoshimni pinhon etdim shabnam ila nam bo‘lib.

Har qadamda bir egam bor, hech biri meniki yo‘q,
El aro yurdim mudom benishonu nom bo‘lib.

Oy jamolin suvda ko‘rdim, qo‘l uzatdim zor ila,
Mavj kelib sindirdi aksin, dardim ortdi jam bo‘lib.

Bir kun oxir shams ham botgay, men ham unda yo‘q bo‘lur,
Foniy olam anglashilgay bir nafas mavhum bo‘lib.

Ey ko‘ngul, soya misoli kibr ila kezma zinhor,
Nurni tutgil rahnamo deb, Haq sari mahkam bo‘lib.

Uzuloy, soya misoli xor sanama hech kimni sen,
Mehr ulash har bir ko‘ngulga, el aro malham bo‘lib.

© Mualliflik huquqi qonun bilan himoyalangan. She’rlarimni o‘g‘irlab, o‘z nomidan yozganlar jinoiy javobgarlikka tortiladi, mualliflik huquqim himoya qilinadi, moddiy va ma’naviy tovon puli talab qilinadi.

UZULOY XAYDAROVA ✍️

DARAXTNING TUSHI

Tun bag‘rida bir tush ko‘rdim, ey sabo, ayla bayon,
Shoxlarimda kuldi bahor, ochdi ming gul, guliston.

Barglarimni erkalardi mehr ila tongning yeli,
Har yaprog‘im zikr aylar: «Bo‘lmasin hech dil xazon.»

Ildizimdan quvvat olib, elga bo‘ldim soyabon,
Mevam ila bahra topsin har musofir, har inson.

Bulbul aytdi: «Ishqing ila bog‘ erur go‘yo jahon»,
Men dedim: «Bir kun qurisam, qolsin ezgu bir nishon.»

Nogahon bolta ko‘rindi, larzaga tushdi tanim,
Lekin umid so‘nmagaydir, yashnar yana bu makon.

Mehr qo‘li bir niholni bag‘rim uzra ayladi,
Shunda uyg‘ondim tabassum-la, tark etib dildan fig‘on.

Ey inson, sen ham bu foniy bog‘ aro bir daraxtsan,
Ezgulikdan meva bergil, bo‘lmagin shayton tamon.

Uzuloy der: bu tush ichra ming nasihat bor, jahon,
Ezgu nom qolg‘ay abad, bo‘lmasin umring ziyon.

© Mualliflik huquqi qonun bilan himoyalangan. She’rlarimni o‘g‘irlab, o‘z nomidan yozganlar jinoiy javobgarlikka tortiladi, mualliflik huquqim himoya qilinadi, moddiy va ma’naviy tovon puli talab qilinadi.

UZULOY XAYDAROVA ✍️

O‘ZINGNIKI QIL MENI

Tunlar aro sog‘inchim yurakni o‘rtar har dam,
Sensiz o‘tgan lahzalar bo‘ldi armon, bo‘ldi g‘am.
Bir umr senga atalgan muhabbatimdir olam,
Charchadim yolg‘izlikdan o‘zingniki qil meni,
Boqmasin o‘zga ko‘zlar ko‘zingniki qil meni.

Ko‘zlaringda tong kulsa, ochilar baxt gulzori,
Mehring ila yashnaydi dilning so‘nmas bahori.
Sen-la kamol topgaydir ishqimning bu diydori,
Charchadim yolg‘izlikdan o‘zingniki qil meni,
Boqmasin o‘zga ko‘zlar ko‘zingniki qil meni.

Vasling menga umrdir, hijron esa ming o‘lim,
Sensiz qolgan nafasim go‘yo kuzdek bir zulm.
Kelgin, endi ayirma muhabbatdan hech ko‘nglim,
Charchadim yolg‘izlikdan o‘zingniki qil meni,
Boqmasin o‘zga ko‘zlar ko‘zingniki qil meni.

Yulduzlardan tiladim visolingning nurini,
Qalbim yozar har kecha muhabbatning sirini.
Baxtim etgin umrbod, beza taqdir yo‘lini,
Charchadim yolg‘izlikdan o‘zingniki qil meni,
Boqmasin o‘zga ko‘zlar ko‘zingniki qil meni.

Ishq yo‘lida sabr ila kutdim seni beomon,
Ko‘nglimdagi muhabbat bo‘lsin senga armug‘on.
Vasling bilan yashasin qalbim mangu begumon,
Charchadim yolg‘izlikdan o‘zingniki qil meni,
Boqmasin o‘zga ko‘zlar ko‘zingniki qil meni.

© Mualliflik huquqi qonun bilan himoyalangan. She’rlarimni o‘g‘irlab, o‘z nomidan yozganlar jinoiy javobgarlikka tortiladi, mualliflik huquqim himoya qilinadi, moddiy va ma’naviy tovon puli talab qilinadi.

UZULOY XAYDAROVA ✍️

JIM TURGAN QO‘NG‘IROQ

Jim turgan qo‘ng‘iroq, so‘zsiz bir guvoh,
Sukut ham ba'zan der ming sirni, ey voh.
Kutishning yo‘llari uzun bo‘lsa ham,
Umidning ko‘ksida so‘nmas edi oh.

Har tongda termuldim yo‘llarga ma'yus,
Ko‘nglimda sog‘inchning alangasi tus.
Bir jiring kutardi sabrimni sinab,
Ko‘zlarim yo‘llarda, yuragim mahbus.

Tunlarning bag‘rida oydin xayollar,
Yulduzlar tinglardi dardli savollar.
Jimlik ham ba'zan bir sinov ekanda,
Sabrla oshildi buyuk davonlar.

Shamollar olib ketdi g‘am izlarini,
Tong yuvdi ko‘nglimning mung yuzlarini.
Har sukut ortida bir hikmat bordir,
Eritdi yurakni tosh muzlarini.

Birdan qo‘ng‘iroqning jarangi yangrab,
Yurakning torlari quvonchga to‘ldi.
— "Men keldim..." degan o‘sha tanish ovoz,
Hijronning zulmati bir zumda so‘ndi.

Endi bu qo‘ng‘iroq jim turmas aslo,
Dilimiz bog‘ida ochildi dunyo.
Muhabbat qo‘lidan ushlab ikkimiz,
Baxt tomon chorladi bizlarni Xudo.

© Mualliflik huquqi qonun bilan himoyalangan. She’rlarimni o‘g‘irlab, o‘z nomidan yozganlar jinoiy javobgarlikka tortiladi, mualliflik huquqim himoya qilinadi, moddiy va ma’naviy tovon puli talab qilinadi.

UZULOY XAYDAROVA ✍️

MEN O‘SHA QO‘SHRABOT QIZI

Men o‘sha Qo‘shrabot qizi,
Yuragida sevgi jo‘sh urgan.
Mehri go‘yo jannat daraxti,
Meva emas, vijdon undirgan.

Men o‘shaman, haqdan qaytmagan,
To‘g‘rilikni qalqon qilganman.
Sadoqatni iymon deb bilib,
Pok vijdon-la umr surganman.

Men o‘zimni elga bag‘ishlab,
Yurt dardini dardim qilganman.
Vatan degan ulug‘ tuyg‘uni,
O‘z qalbimda mangu qurganman.

Men o‘sha tog‘ bag‘rin quchgan qiz,
Sabrlardan qanot bog‘lagan.
Har sinovni kulib qarshilab,
Armonlarni bag‘rin dog‘lagan.

Yolg‘onlarga egmasman boshim,
Rost so‘zimdir yurak nidosi.
Nomusimni ko‘zga surtarman,
Shudir mening umrim ziyosi.

Mehr ulashsam, ko‘nglim boyiydi,
Yaxshilikdan toparman kamol.
Bir duoning nurli nafasi,
Yo‘lim etar hamisha halol.

Qo‘shrabotning mard qizlaridan,
Bir niholman, ildizim buyuk.
El ishonchi — eng ulug‘ davlat,
Menga hatto tuprog‘i suyuk.

Kim tanisa, so‘zimdan tanir,
Ko‘nglimdagi ezgu niyatni.
Men yashayman sadoqat bo‘lib,
Ulug‘lab sof mehr-u shafqatni.

Yurtim desam, jo‘sh urar qonim,
Shon-shuhrati mening faxrimdir.
Qo‘shrabotdan boshlanib yo‘lim,
O‘zbekiston mening taxtimdir.

Orzuim ham elga naf bo‘lsin,
So‘zim ezgu dillarga yetsin.
Yaxshilikning urug‘in sochib,
Har bir qalbda umidlar o‘ssin.

Men o‘sha Qo‘shrabot qizi,
Or-nomusim — eng ulug‘ tojim.
Haq yo‘lida sobit qolurman,
Vatan bilan barhayot nomim.

© Mualliflik huquqi qonun bilan himoyalangan. She’rlarimni o‘g‘irlab, o‘z nomidan yozganlar jinoiy javobgarlikka tortiladi, mualliflik huquqim himoya qilinadi, moddiy va ma’naviy tovon puli talab qilinadi.