متى نغاديك ونراوحك فنقر عينا

سيعود حقك ذات يوم !

حتى لو فهمت متأخر !


المهم ( فهمت )


وحتى لو وصلت متأخر !


المهم ( وصلت )

​هل إليك يا ابن أحمد سبيل فتلقى؟

هل يتصل يومنا منك بعدة فنحظى؟

متى نرد مناهلك الروية فنروى؟

متى ننتقع من عذب مائك فقد طال الصدى؟

يگول

من الطبيعي ان تشوف
السفينة بالماي
بس من الخطر
انهُ تشوف الماي بالسفينة !

وهكذا هو حالك
صير انت بگلب الدنيا
ولا تخلي الدنيا بگلبك
اذا خسرت شي ما توقعت فد يوم تخسره !
فان الله راح يرزقك شي ما تتوقع فد يوم تملكه !
شبيك خايف ومكبرها ومثگلها ؟
وهو الي يگول
( فإن مع العسر يسرا
إن مع العسر يسرا )
وتخيل هالكلام صادر عن
صاحب الملكوت وكل شي بيده !
وتشيل همها ؟
لا والله ثق واعتقد وتيقن
انهُ النملة الي باقصى الارض يرزقها
والنملة الي بعمق الارض يرزقها
والنملة الي بنص الجبال يرزقها
ينساك انت الي ( خلقك فسواك ) !
حاشاه

يگولون

اذا كتلت صرصور
انت بطل ؟

بس اذا كتلت فراشة
انت شرير ؟

مع العلم اثنينهن مخلوقات حية!
واثنينهن كائنات ضعيفة !
چا الخلل وين؟
يگول
العامل الي يعاملونك بيه
على هاي القضية تحديدًا
هو معيار ( القبح والجمال ) !

( أَيَحْسَبُ الْإِنسَانُ أَن يُتْرَكَ سُدًى )

اكو كتاب اسمه لسان العرب
مؤلفة جمال الدين الافريقي
قريتله سالفة يگول بيها

أن العرب قديمًا إذا كبرت الناقة وصارت عجوزًا، فلا يعود لها لبن ولا ولد ولا يؤكل لحمها،
يأخذونها إلى الصحراء ويوثقونها وثاقاً غير محكم، ثم يرحلون عنها.

وبعد برهة تفك النّاقة وثاقها وتبقى تهيم في الصحراء حتى آخر عمرها.

فكان العرب يُسمون هذه الناقة ( السُّدَى )

ولذلك يقول المولي عز وجل:
( أَيَحْسَبُ الْإِنسَانُ أَن يُتْرَكَ سُدًى )
أي أن يترك يهيم يفعل ما يريد ويذهب أينما يريد بلا أوامر ولاشريعة.

واحنه نگول كذلك

ذهبت حياته سُدى أي ضاعت حياته هائما فيها من غير فائدة.

بما معناه

وجودك بهالدنيه وفق قانون الهي

الشغلة مو تايهة

ترى انت انسان
مو معادلة رياضية ثابتة !
واي شي يطرأ عليها تبقى على حالها

فمارس تغييراتك وتقلباتك
مره ضايج
مره زعلان
مره فرحان
مره تريد تهج
مره تريد توزع چكليت
يعني خليك وي هالتغييرات
لا تظل نايم بمعادلة 2+2=4
وما تگدر تغير شي منها
وحاصر نفسك بزاوية وحدة ومنعزل
وكل شي يصيبك توگف عنده
ويتراكم عليك وتصير خرگه
اطلع من هالسجن الي انت بيه
ضجت من الصار؟
ضوج وتحرك
زعلك الصار ؟
ازعل وتغير
طلع روحك الوضع؟
خل يطلع وابدي من جديد

گلي
صير ضد نفسك
گتله
شلون؟
گلي
يعني لا تنطيها كل شي
گتله
ليش ؟
گال
( راح تندم )
گتله
شلون؟
گلي
اكيد شايف طفل مدلل
بزيادة عند اهله شلون حاله ؟
گتله
اي !
گال
وصفلياه هالطفل !
گتله
مخربط ما متزن وكح ما ينجرع
يكسر كل شي محد يحاسبه
يبچي بكل مكان يتطلب يعبث
شتنطيه ما يقنع شتنطيه يريد بعد
وهواي اشياء يسويها
وحتى يصير ما محبوب بالمجتمع
گال
اوگف شويه هنا لاتكمل
هي هاي نفسك الي تدللها
فصير ضدها !

هو ليش البلاء موجود ؟
حتى تتعلم !
شلون اتعلم وهو بلاء ( مؤذي ) ؟
تعال وياي لعهد النبي يوسف ع
شنو مر عليهم من بلاء؟
سبع سنين من القحط والجفاف
شسون الهم ذني السنين ؟
علمنهم
العبادة
والصبر
والحكمة
واهم نقطة تعلموها
( التدبير )
التدبير الي تكدر ترتب بيه كل حياتك
من كل النواحي من كل الجوانب
الي لو فقدته
راح تعيش بحالة من الفوضى
لذلك مرات تبتلى
بس حتى ( تتعلم التدبير ) !

فإليك يا رب نصبتُ وجهي

وإليك يا رب مددتُ يدي

فبعزتك استجب لي ( دُعائي )

اللهم اغفر لي الذنوب

التي تحبس ( الدعاء )

شدعيت؟

يدبر امري ويعدل حياتي

وشصار؟

تفلش كل شي !

اي بالخير عليك على هالنعمة

شنو بالخير جاي اگلك تفلش كل شي!

چا غير هو هذا الطلبته بدعائك ؟

طلبت تتعدل مو تتفلش !

زين سؤال ؟

جواب

اذا بيتك ماخذ رطوبة وبناءه قديم
وكل حيطانه منتهيه، وارضيته منتهيه
وما بيه شي صاحي بحيث تگدر
تعيش بيه يومك
لا يحميك من حر
ولا يدفيك من برد
وما يعبرك حتى ايام ويطيح
واجاك ابن خير ومتمكن حيل
وگلك فلان شمحتاج بس گول
اكيد اول ما تلتفت لبيتك
وراح تگله ( بيتي متدمر ) !
فيگلك الك خيارين مني واثنينهن
اكدر اسويهن بسهولة

تريد ارممه الك ترميم
يعني اصلحلك الصبغ والماي
واشيل الرطوبة واحط بيبان جدد
وهم چم سنة وترجعلك الوضعية

لو تريد
اهدمه كله وابنيلك بيت بالمواصفات
وكل شي جديد ومرتب ومعدل
وتعيش باحسن بيت !

گال اكيد اختار الهدم والبناء
من جديد

گتله وهذا السواه رب العالمين الك

فلش، حتى يبنيك من جديد

ازغر التفاصيل تشوفها مو مهمه
بس هي بالحقيقة والواقع
تقيد وتعيق اكبر الاشياء !

شلون؟

تعال وياي بهالموضوع
شوف شگد حجم الطير
وكبر جناحاته الي
تفوق حجم همرتين !
وزغر رجليه بكل تفاصيلهن
مجرد ما تقيد الطير من رجليه
كبر جناحاته وحجمهم
ما راح ينفعنه بشي اذا تقيدن !
فالتفاصيل الزغار
مكملات للتفاصيل الكبار

كذلك انت بحياتك العامة
رغم ازغر التفاصيل الي تمر بمشكلتك
بس تشوفها تقيد وتوگف
موضوع شكبره وشگده

زين والحل ؟

التفصيلة الي تستهين بيها اليوم لأن تشوفها "ما تسوى"، هي نفسها الي راح تعثرك باچر. لما تشوف موضوعك الكبير واگف وما يمتد، لا تباوع للهدف كله وتتحسر... باوع لجوا، تحت رجليك، ودور على "الخيط" الي مكتفك.

السفينة العملاقة ما تغرقها الموجة العالية الي تضربها من برّه... يغرقها الثقب الزغير الي تهمله من جوّه!

تخيل قصر عملاق...
بي أحدث الأجهزة، وأفخم أثاث، وراحة ما تحلم بيها،
ومبني على مساحة أمتار هائلة.
​شلون يتوقف كل هذا؟
​تعال وياي بهالموضوع...
​شوف حجم القصر وفخامته،
وقارنه بـ "مفتاح زغير" ما يتجاوز طوله كم سنتيمتر!
مجرد ما يضيع منك هذا المفتاح وتنقفل الباب،
حجم القصر وفخامته وكل الإمكانيات الي بيه...
ما راح تنفعك بشي وأنت واقف برّه بالشارع بالبرد!
فالمفتاح الزغير هو الي ينطيك الصلاحية حتى تعيش بالقصر الكبير.
​كذلك أنت بحياتك اليومية...
تجهز لمشروع، لسفرة، أو لخطوة عمرك،
بس تستهين بتفصيلة زغيرة (ورقة ناقصة، موعد مأجل، أو حوار بسيط ما حسمته)،
وتشوف هاي التفصيلة الزغيرة تقيد وتوگف موضوع شكبره وشگده

(وَكَانَ الْإِنْسَانُ عَجُولًا)
​گلي: لا تمد ايدك على الشي وهو بعده بالنار!
​گتله: بس انه حيل مشتهيه وأريده هسة!
​گال: ينچوي قلبك ويضرك.
​گتله: شلون يضرني وهو كل أملي؟
​گال: شايف الخبزة لما تنحط بالتنور؟
​گتله: اي شايفها.
​گال: هم جربت تشلعها وتطلعها قبل لا تاخذ حقها من الاستواء؟
​گتله: اي.. تطلع عجين، تلصق باللسان وتوجع البطن.
​گال: وطعمها شلون كان؟
​گتله: ما ينبلع، وتضل حسرة بقلبك لان خربتها بيدك!
​گال: وچا الخبزة اللي تتركها لما تتحمر وتشگسب وترفع روحها براحتها؟
​گتله: هاي تقند الراس، وريحتها تترس المكان وطعمها ما يتفوت!
​گال: هاي هيه سالفتك..
حاجتك وأمنيتك مثل هالخبزة،
لو استعجلت وطلعتها من قدر ربك قبل وكتها، تجيك عجين وتغص بيها وتأذيك..
بس لو صبرت عليها لما تتطعم وتستوي، تجيك حارة وكاسبة، وبوكتها المضبوط

​مو دائمًا النتيجة هي اللي تحدد شعورنا
وإنما الطريقة اللي وصلنا بيها للنتيجة

​نفس گلاس الماي اللي تشربه وأنت گاعد بالفيّ،
يشربه شخص ثاني چان يركض بساعات الشمس وماشي مسافة.
​اثنينكم شربتوا نفس الماي،
ونفس الكمية بالضبط..
لكن بالنسبة إلك مجرد "شربة ماي"،
وبالنسبة إله كانت هي الشغلة اللي رجعت به الروح!
​نفس الشي..
ونفس النتيجة..
بس القيمة مو بالشي نفسه، القيمة بـ شگد چنت محتاجه بلحظتها.
​بالحياة همين؛
مرّات اثنين يوصلون لنفس الخطوة،
واحد وصلها وهو مستريح،
وواحد وصلها بعد ما طلع دخان من راسه وهو يركض.
​اثنينهم واگفين بنفس المكان،
بس الأوّل يشوف المكان عادي..
والثاني يشوفه "معجزة"!
​لذلك مو كل وصول يشبه الوصول الثاني،
ومرات الإنسان ما يفرح بالشي لأنه يملكه،
يفرح لأنه يعرف بيا ثمن جابه،
وبيا لحظة چان يظن بيها إنه راح يضيع..
​وبعدين گال لنفسه:
​لا !!!
بعدني أگدر أوصل