جيتني بالحلم ليّت الحلم ياروحي حقيقه
يوم شفتك في منامي قلت ياحي هالزياره

والعيون الي تحبك في مدامعها غريقه
لاتظن اني عطيت الدمع في غيابك وقاره

والله اني ذارفه وأبكيك ياقايد فريقه
والبكا في واحد مثلك حشاء ماهو خساره

جيتني في الحلم ياوجه تزايد في بريقه
تبتسم واشوف نور الكون في وجهك نهاره

أتغيشم بعض الأحيان —— لو ماني غشيّم
واتجاهل بعض الأشياء وانا أداريها

وشلون ماهو يطغيك الكبر والغرور
وأنتي لك من الوصوف الندر ماتشتهين

من كثر مافيك من نور السماوات نور
أحيان ما أصدّق إنك من طين من ظهر طين

أحيان أقول إنك آيه للظَّلوم الكفور
وأحيان فتنه على المسلم وسحرٌ مبين

وأحيان أقول إن ما أنتي بنت تسعه شهور
الزين هذا شويه فيّه — تسع سنين —

عليّك قلبي رحيم وفيك قلبي لطيف
‏الطف من مداعب الشايب —— لبنت ولده

أحسب اني مثل ما أغليك تغليني
‏ما دريت انك عدواً وقوماني

‏أثر لك يامتلف الروح قلبيني
‏قلب يبغضني وقلب يتمناني

هي فرصه وحده ومن عقبّها
أنا مثل السراب تشوفني بس — ماتوصلني

تجي كنّك على قلبي سحابة خير
وأشوفك تضحك ويضحك معك همّي

تراك أنت الوحيد اللي بحياتي غير
وتراك أنت اللي غرامه يسري بدمي

أحس روحي معك كنّها بخفه طير
شعور أعظم وأكبر من حكي فمي

تدري وأدري بدونك ما أصير بخير
وقلبي عن هوى غيرك معمي

شرواي مايرضى إنه على مفرق طريق
إما تخليني على المشراف وإلا خلني

دارت الأيام وأنتِ مثل ما أنتِ
تجبرين كسور قلبي بابتسامه

تنكسف شمس المحبه لاحزنتي
ماعلى جرح الهوى ، غير الملامه

من دخلتي صدري الخايف آمنتي
مابعد رجفه غلاك إلا السلامة

قمت أرتب فوضى قلبي من سكنتي
موطنك هالقلّب إلى يوم القيامة

لا قالو تحبّه قلت ماعادني أبيه
وأنا أشفق له أشفق من سقيم المرض لدواه

لك علي إني ما أحطك على لسّان الشموت
و لي عليك إن كان صدرك تضايق مرني

مستعد أموت لأجلك ولكن قبل أموت
كان عندك شي يثبت غلاتي ورني

انا صويّب الحب وانا قتيله
أمسي من أشواقي معذب وملتاع

عزّ ممشاك عن ارض ما تحوفك
ومن يشتري خاطرك اشتريه بعمرك

ومن الجمايل لا عجزت تردها قدّرها
واللي مايثمر فيه خيرك ذوقه مُرك

ومن يستكثر عليك الوضوح أتركه
مصير الليالي السوّد يظهر قمرها

لو تزيّن كل عذراء معك ماتستفيد
‏زينك يغطي كل احياء العرب وامواتها

‏وجهك لو يمرّه حزين اقفى سعيد
‏تستلذ العين وتجف من دمعاتها

‏نظرتك ترمي ولامن رمت تصيد
‏كيف بسلم من عيونك؟ ونظراتها

‏لذة الدنيا؟ ليا جابك الحظ السعيد
‏كيف تغريني بعد لذّتك لذاتها

تدللّي وأرضيك وأزيدك غرور
وكل اللي على بالك أبشري وعلى خشمي

سمي وش اللي بس تبينه و ألبيه
لا رحم أبو من لا سعى في دلالك

من بحة حروفك الين آخر التيه
ضاعت علومي بين رجفة حبالك

أنتي القصيد العذب .. وأنا مغنيه
وأنتي القبول اللي تخيّر جمالك

ودي المّ الوقت حولي وأهنيه
وأكايد الحظ الردي في سؤالك

مانقصت سود المقادير قدري
للحين أمر العليا .. وأعتليّها

كبيره وعزومي على الطيب كبري
والحاجة اللي ماتبيني ما أبيها

بعض الوجيه أحطها في جوف صدري
وبعض الوجيه أمرها وأطى عليها

انتي اللي تستحقين ما لا تملكين
من كنوز الارض ومن الحفاوة والرحاب

وانتي اللي ما يضاهيك غير الاكسجين
والورود الطايفيه مع انسام الضباب

طاولي في عنجهيتك حد الفرقدين
وانزلي مثل المطر من عناقيد السحاب

والبسي في عنقك من الغلا عقد ثمين
جعل يفدا عنقك الطايلات من الرقاب

شمس غابت تعلن في غيّبتها بدايات « الربوع »
أخ يالغروب الفارق .. يالغروب الفاارق العذبّ

أسمعوها واذكروني بين دعواتكم ولكم بالمثل ❤️