شو الفرق بين :
'' IP '' - '' PORT '' - '' PROTOCOL ''
🔸 بفرض عندك شبكة بالبيت وبدك توصل كم جهاز مع بعضن عالشبكة رح تحتاج ل آيبي و بورت و بروتوكول.
🔸 طيب خلونا نعرف شو يعني هدول وشو بيفرقو عن بعض :
🔱 ال '' آيبي - IP '' :
🔹 هوي عبارة عن الهوية الرقمية لأي جهاز متصل بالشبكة وطبعا لكل جهاز IP محدد الو داخل الشبكة و IP محدد الو خارج الشبكة. يعني انت عندك جهاز متصل ع شبكة الرواتر و بدك تتصل بجهاز تاني موجود ع نفس الشبكة بتستخدم ال IP الداخلي .. اما اذا بدك تتصل بجهاز تاني خارج شبكتك انت بتستخدم ال IP الخارجي.
🔹ومن أشكال ال IP :
-- الداخلي : 192.168.1.1
-- الخارجي : 62.42.25.105
🔱 ال '' بورت - PORT '' :
🔹 هوي عبارة عن المنفذ او البوابة يلي بتسمح بتمرير البيانات بين الاجهزة. طبعاً وكل كنفذ الو شغل خاص فيه مثلا عندك البورت 21 هوي بورت مختص بالتحميل من الانترنت والبورت 25 بيسمحلك ترسل بريد إلكتروني.. طبعاً اكيد لحتى تمشي العمليات هي بتحتاج بروتوكول يستخدم هالبورتات.
🔹طبعاً عنا ما يقارب 65536 بورت وكل بورت الو شغل معين.
-- Port (110 – 21 – 53 – 23 )
🔱 ال '' بروتوكول - PROTOCOL '' :
🔹 هوي عبارة عن القواعد المسؤولة عن تبادل البيانات والمعلومات بين الاجهزة يعني مثلآ انا عندي جهاز وبدي اتصفح الإنترنت بكون عندي بروتوكول خاص بتصفح الانترنت ويلي هوي HTTP ولكل شغلة في بروتوكول خاص فيها وكل بروتوكول بيشتغل ع بورت معين.
🔹بعض البروتوكولات المشهورة :
-- ftp : بروتوكول التحميل من الانترنت ع بورت 21
-- SMTP : إرسال رسائل بريد إلكتروني ع بورت 25
-- POP : استقبال رسائل البريد الإلكتروني ع بورت 110
#tech #information #network #ip #port #protocol #internet