••• Vazhdimi•••

🔤🔤🔤🔤🔤  🔤  🔤🔤🔤🔤🔤🔤🔤

Thotë autori:
وأَشْهَدُ أَن لاَّ إلَهَ إِلاَّ اللهُ وَحْدَهُ لا شَرِيكَ لَهُ إِقْرَارًا بِهِ وَتَوْحِيدًا‏.‏
"Dëshmoj se nuk ka të adhuruar tjetër me të drejtë përveç Allahut, të Vetmit, i Cili nuk ka shok (ortak), duke e pranuar me zemër (jo vetëm me fjalë) dhe duke e thënë me teuhid (sinqeritet vetëm për Atë)."

• Fjala Eshehedu - Deklaroj apo lajmëroj duke pasur njohuri dhe duke e ditur atë (shehadetin). Pastaj duhet të besojë saktësinë e saj dhe të pranojë me zemër se (shehadeti) është i vërtetë, zemra të jetë në përputhje me gjuhën. Shehadeti nuk pranohet nëse personi e thotë vetëm me gjuhë, pa e pranuar me zemër (siç kanë bërë hipokritët). Pastaj duhet t'i bindet shehadetit.

• Shehadeti është fjala e teuhidit. Fjala La ilahe ilAllah ka qenë boshti rreth të cilit është vërtitur daveti i Pejgamberëve. Ajo është obligimi i parë dhe më i madhi për çdo njeri. E nuk është siç kanë thënë disa prej sekteve se obligimi i parë është njohja e Allahut duke shikuar në argumentet e Tij në univers, apo siç kanë thënë disa të tjerë se mjafton vetëm të kesh qëllim të njohësh këto argumente etj. Pejgamberi salAllahu alejhi ue selem i ka thënë Muadhit kur e ka dërguar në Jemen për t'i thirrur Ithtarët e Librit në Islam: "Gjëja e parë në të cilën do t'i thërrasësh le të jetë fjala La ilahe ilAllah Muhameden resulullah."

• Sa i përket njohjes së Allahut: Ai e ka krijuar dhe e ka bërë natyrshmërinë e njeriut të atillë që ai ta njohë Atë dhe ta besojë për Zot. "Çdo fëmijë lind në natyrshmëri..."

• Fjala La ilahe ilAllah dëshmon për tri llojet e teuhidit.

-Si tregon kjo fjalë se vetëm Allahu duhet të njësohet me adhurim (për teuhidin uluhije)? Përgjigja: Fillimi i saj përmban mohim (Nuk ka të adhuruar tjetër me të drejtë) dhe fundi përmban pohim (përveç Allahut). D.m.th. çdo adhurim i mohohet dikujt tjetër, pastaj i pohohet vetëm Allahut.
-Si tregon ajo se vetëm Allahu është Krijues, furnizues, sistemues (për teuhidin rububije)? Përgjigja: Vetëm Allahu ka mundësi të krijojë, furnizojë dhe sistemojë, andaj vetëm Ai duhet të adhurohet.
-Si tregon ajo se vetëm Allahu ka cilësi të përsosura? Përgjigja: Nuk mund të ekzistojë një gjë nëse nuk ka cilësi me të cilat cilësohet e përshkruhet. E Allahu ka cilësitë më të përsosura, andaj vetëm Ai meriton të adhurohet.

• Fjala La ilahe ilAllah ka dy shtylla: pohimin dhe mohimin (siç sqaruam).

• Kushtet e saj janë shtatë:
1. Dija për të.
2. Bindja.
3. Sinqeriteti.
4. Vërtetësia.
5. Dashuria.
6. Pranimi.
7. Pasimi.

• Domethënia e fjalës La ilahe ilAllah: Nuk ka të adhuruar tjetër me të drejtë përveç Allahut. Gabim është kur përkthehet: Nuk ka Zot tjetër përveç Allahut, apo Allahu ka mundësi dhe fuqi të krijojë, apo Nuk ka të adhuruar përveç Allahut (pa ia shtuar me të drejtë).

• Realizimi i saj: Duke iu përmbajtur urdhrave të Allahut dhe duke iu larguar ndalesave të Tij.

• Dobia e saj: Ai që e thotë atë duke plotësuar shtyllat dhe kushtet e saj do të ketë lumturi në këtë botë dhe tjetrën.

Zhvlerësueset e saj janë të shumta, më e madhja: Shirku.

Hoxhë Lulzim Perçuku.
Transkriptim - Akide uasitije.

🌹

--- Vazhdimi---

🔤🔤🔤🔤🔤 🔤 🔤🔤🔤🔤🔤🔤🔤


Thotë autori:
وَأَشْهَدُ أَنَّ مُحَمَّدًا عَبْدُهُ وَرَسُولُهُ ـ صَلَّى اللهُ عَلَيْهِ ـ
"Dhe dëshmoj se Muhamedi është i rob i Allahut dhe i Dërguar i Tij- Allahu dërgoftë salavate mbi të!"

• Nuk mjafton të thuash vetëm eshehedu en la ilahe IAllah pa ia bashkëngjitur edhe pjesën e dytë të shehadetit we eshehedu enne Muhameden resulullah. Ato vazhdimisht shkojnë bashkë, si: në ezan, në teshehud etj.

•"Rob i Allahut dhe i Dërguar i Tij" dy cilësi, dhe kjo tregon se ai, Muhamedi salAllahu alejhi ue selem, është personi më i ngritur. Rob - abd d.m.th. ka arritur të realizojë adhurimin ndaj Allahut. Sa më shumë që njeriu arrin të realizojë qëllimin për të cilin është krijuar (të adhurojë vetëm Allahun), do të jetë më i larti e më i ngrituri (në të dy botët). Këtë gjë më së shumti e ka arritur Pejgamberi salAllahu alejhi ue selem.

• Allahu e ka përshkruar abd Pejgamberin salAllahu alejhi ue selem në çdo gjendje e pozitë e cila ka qenë më e larta, si: kur ka treguar se e ka ngritur në Isra dhe Miraxh mbi shtatë qiej, kur i ka sfiduar jobesimtarët të sjellin një sure sikur suret e Kuranit, po ashtu kur ka treguar se i ka shpallur prej Shpalljes së Tij.

• Kjo (përshkrimi abd) është një kundërpërgjigje për ata të cilët e kanë tepruar në lavdërimin ndaj Pejgamberit salAllahu alejhi ue selem, duke i dhënë cilësi të rububijes dhe uluhijes (sufitë), dhe për ata të cilët nuk e kanë pasuar fenë e tij (jehudët) edhe pse e kanë ditur se ai është i Dërguar i Allahut, apo dhe për disa prej vetë muslimanëve të cilët nuk e pasojnë sunetin e tij.

• Ne e lavdërojmë më së shumti Pejgamberin salAllahu alejhi ue selem kur themi se ai është rob i Allahut.

• Është quajtur Muhamed që d.m.th i lavdëruar, për shkak të cilësive të shumta të lavdëruara që ka pasur. Ne duhet të krenohemi me të. Me këtë emër është quajtur edhe në Tevrat, ndërsa në Inxhil është quajtur Ahmed.

• "Salawat" d.m.th. lutje, ndërsa fetarisht d.m.th: Allahu e lavdëron atë tek engjëjt.

Hoxhë Lulzim Perçuku.
Transkriptim - Akide uasitije