Obunachilarimizning so‘roviga binoan yil davomida yozilgan eng foydali postlarimizni bir joyda to‘pladik.

👍 Qanday qilib o‘z-o‘zimni band qilishim mumkin?

👍 Nomimda kredit bor, endi xorijga chiqa olmaymanmi?

👍 Ishsizlik nafaqasi borligidan xabardormisiz?

👍 To‘langan ipoteka kreditingizdan daromad solig‘ini qaytarib oling!

👍 Kimlar mol-mulk solig‘idan ozod qilinadi?

👍 Talabalar uchun soliq imtiyozi;

👍 Nega mayda pullar muomaladan chiqariladi?

👍 Kechiktirilgan ish haqi uchun foiz undirish mumkin;

👍 Endi “bola puli”ni onlayn olish mumkin;

👍 Qanday qilib kamroq foizli ipoteka kreditlari olish mumkin?

👍 Haydovchilik guvohnomasi onlayn rasmiylashtirish mumkin;

👍 Mahalla tavsiyasi asosida ipoteka kreditlari;

👍 Nega O‘zbekistonda kredit foizlari yuqori?

👍 Samarali investitsiya: O‘zbekistonda oltin sotib olish;

👍 Kafillikdan voz kechish mumkinmi?

👍 Ipotekamni to‘lay olmasam uysiz qolamanmi?

Ma’lumotlarimizni o‘qing. Ularni foydali deb topgan bo‘lsangiz, do‘stlaringizga ham ulashing.

Unutmang, bu bizni yanada ruhlantiradi!)

Telegram • Instagram • YouTube • TikTok

Kirib kelgan yangi yilingiz muborak bo‘lsin!

🤝 O‘tgan yil davomida biz bilan bo‘lganingiz, loyihamizga qiziqish bildirib qo‘llab-quvvatlaganingiz uchun tashakkur.

✨ 2025-yil barchamizga yangi muvaffaqqiyatlar olib kelsin.

Albatta, oilangizdan baxt-u saodat, xonadonlaringizdan tinchlik-xotirjamlik arimasin.

👍 Hurmat bilan, Pulli Gap jamoasi!

Keling, bugun sizlar bilan banklar saqlaydigan muhim sirlar haqida gaplashamiz.

Bank xizmatlaridan foydalanganingizda banklar moliyaviy ma’lumotlaringizni maxfiy saqlashga va’da berishadi. Ular buni “bank siri” deb atashadi.

Banklar sizning ruxsatingizsiz uchinchi shaxslarga hech qanday tafsilotlarni oshkor qilmaydi. Bank, uning mijozi, va Markaziy bankdan boshqa barcha shaxslar uchinchi shaxslar hisoblanadi.

Ya’ni bankda sizning qancha omonatingiz bor, qancha kredit olgansiz, kimga qancha pul jo‘natgansiz, qancha dollar sotib olgansiz va shu kabi ma’lumotlar sir saqlanadi.

Ammo ayrim hollarda bank bu kabi ma’lumotlarni tegishli tomonlarga taqdim qilishiga to‘g‘ri keladi. Bular (prokurorning sanksiyasi bilan):

👍 prokuratura organlariga;

👍 dastlabki tergov, surishtiruv organlariga;

👍 tezkor-qidiruv faoliyatini amalga oshiruvchi organlarga.

Ma’lumotlarimiz foydali bo‘lgan bo‘lsa, like bosing va do‘stlaringizga ham ulashing.

Unutmang, bu bizni yanada ruhlantiradi!)

Telegram • Instagram • YouTube • TikTok

Uy-joyingizni ta’mirlash uchun imtiyozli ipoteka krediti ajratilayotganidan xabaringiz bormi?

Keling, bugun yana shu mavzuga to‘xtalamiz.

Bu ipoteka krediti kamabag‘allikni qisqartirish dasturiga kiritlgan va uy-joy sharoitini yaxshilashga muhtoj bo‘lgan shaxslarga Iqtisodiyot va moliya vazirligi mablag‘lari hisobidan ajratiladi.

👍 Kredit shartlari

⏺ Miqdori – 120 million so‘m;
⏺ Foiz stavkasi – 17,5 foiz;
⏺ Muddati – 20 yil.

Bunda boshlang‘ich badal miqdori 15 foizni tashkil etishi ko‘rsatilgan va ushbu badal summalari subsidiya yoki fuqarolarning o‘z mablag‘lari orqali qoplanadi.

Demak, bank tomonidan taqdim etiladigan ipoteka kreditining maksimum miqdori 102 mln so‘mni tashkil qiladi.

Kredit olish uchun “Mahalla yettiligi”ning xulosasi talab etiladi.

Uni olish uchun online-mahalla.uz platformasining “Uy-joy ta’miri uchun kreditga ariza berish” bo‘limi orqali ariza qoldirish mumkin.

Bunda talabgor uy-joyining ta’mirtalab ekanini asoslantirib berishi kerak.

Bu ipoteka krediti uchun dastlabki to‘lov va foiz xarajatlarining bir qismini qoplash bo‘yicha subsidiyalar “subsidyplatform.mf.uz” platformasi orqali ajratiladi.

👍 Ma’lumotlarimiz foydali bo‘lgan bo‘lsa, like bosing va do‘stlaringizga ham ulashing.

Unutmang, bu bizni yanada ruhlantiradi!)

Telegram • Instagram • YouTube • TikTok

Uy-joy ta’miri bo‘yicha ipoteka kreditlari berilmayaptimi?

Xabaringiz bor, 2024-yil 1-dekabrdan boshlab bu turdagi kreditlar berilishi bo‘yicha Kambagʻallikni qisqartirish va bandlik vazirligi xabar bergan edi.

Bugun Online mahalla platformasiga aloqaga chiqishimiz natijasida, tizimda texnik ishlar olib borilayotgani, shu sababli imtiyozli kredit ajratish vaqtincha to‘xtatilgani haqda ma’lumotga ega bo‘ldik.

Aytishlaricha, texnik ishlar qachon yakunlanishi va nega bu haqda hech qayerda ma’lumot berilmagani haqda ularning xabari yo‘q.

Mavzu bo’yicha yangiliklar bo’lsa, albatta ularni sizga yetkazamiz.

👍 Bizni kuzatishda davom eting!

Telegram • Instagram • YouTube • TikTok

Farzandlaringiz ta’limi uchun sarflayotgan pulingizni daromad solig‘idan ozod qilsa bo‘lishini bilasizmi?

Keling, bugun shu mavzuni o‘rganib chiqamiz)

👍 Ma’lumotlarimiz foydali bo‘lgan bo‘lsa, like bosing va do‘stlaringizga ham ulashing.

Unutmang, bu bizni yanada ruhlantiradi!)

Telegram • Instagram • YouTube • TikTok

Nega O‘zbekistonda ipoteka kreditlarining maksimal miqdori mavjud?

Uy olishni orzu qilayotgan ko‘pchilik ipoteka kreditlari haqida o‘ylaganda, “Nega kredit miqdori cheklangan?” degan savolga duch keladi. Uy narxi yuqori bo‘lsa, bu cheklovlar yetmay qoladigandek tuyuladi. Keling, bu masalani sodda qilib tushuntirib beramiz.

👍 Nima uchun kredit summasida chegaralar bor?

Banklar xavfsizligi:
Agar bank juda katta kredit bersa va mijoz uni qaytara olmasa, bank zarar ko‘radi. Maksimal miqdor bankning moliyaviy barqarorligini taʼminlash uchun belgilangan.

Ko‘proq odamlarga imkoniyat berish:
Kredit cheklovi ko‘proq odamga ipoteka olish imkoniyatini beradi. Bu orqali hamma teng imkoniyatga ega bo‘ladi.

Uy narxlarining barqarorligini ta'minlash:
Agar kredit miqdorlari cheklanmasa, uy narxlari sunʼiy ravishda oshib ketishi mumkin. Bu bozor barqarorligini saqlash uchun muhim.

👍 Agar maksimal miqdor yetarli bo‘lmasa, nima qilish mumkin?

Boshlang‘ich to‘lovni oshirish:
Banklar odatda kreditni uy narxining bir qismi uchun beradi. Shuning uchun, mijoz boshlang‘ich to‘lov sifatida o‘z ulushini ko‘proq kiritishi orqali yetishmayotgan summani qoplashi mumkin.

Qo‘shimcha moliyalashtirish:
Uy narxining qolgan qismini qoplash uchun boshqa kreditlardan foydalanish mumkin, lekin bu qo‘shimcha to‘lov yukini keltirib chiqaradi.

Davlat dasturlari va subsidiya:
O‘zbekistonning ayrim hududlarida uy-joy qurilishi va sotib olishni qo‘llab-quvvatlash uchun davlat tomonidan subsidiyalar va imtiyozlar taklif etiladi.

Demak, ipoteka kreditlarining maksimal miqdori banklarning xavfsizligi, ko‘proq mijozlarga yordam berish va uy-joy bozorini muvozanatda ushlab turish uchun belgilangan.

Telegram • Instagram • YouTube • TikTok

Avval ham aytganimizdek, bank omonatlari nafaqat pulni tejash, balki jamg‘armalarni ko‘paytirishning ham ishonchli usulidir.

Deylik, siz bankka ma’lum miqdordagi pulni topshirasiz, bank esa sizga mablag‘lar saqlangan muddati uchun foizlar to‘laydi.

Boshqacha aytganda, siz pul ishlab topasiz va siz ishlab topgan pullar siz uchun ishlashni boshlaydi.

Shunday ekan, keling bugun yana omonat mavzusiga qaytib, ularni tanlashda aynan nimalarga e’tibor qaratish kerakligiga to‘xtalamiz.
 
👍 Foiz chegarasi

Banklarda 14 foizdan 27 foizgacha bo‘lgan omonat turlari mavjud. Ularning har birida shartlar o‘rtasidagi farqlar ham bor.

Ya’ni, bir bankdagi omonatlar turiga qarab turli foizda bo‘lishi mumkin. Mijozlarga bevosita omonat shartnomalari bilan to‘liq tanishib chiqish tavsiya etiladi.

👍 Miqdor chegarasi

Banklar omonat ochishdagi eng kam pul miqdorini  belgilashda mustaqil. Masalan, siz hozir O‘zbekiston banklaridan minimal summasi 100 ming so‘m bo‘lgan omonat turlarini ham, 10 mln so‘m bo‘lgan omonat turlarini ham topishingiz mumkin.
 
👍 Muddat chegarasi

Banklarda omonat muddatlari ham bir-biridan farqlanishi mumkin.

Lekin aksariyat banklardagi omonat turlari 6 oydan 12 oychaga bo‘lgan muddat uchun mo‘ljallangan.

Demak, bankka omonat qo‘yib, ko‘proq pul jamg‘arish uchun ushbu jihatlarga diqqat bilan e’tibor qaratish lozim. Yo‘qsa, kutilmalar o‘zini oqlamaydi.

Ha, aytgancha, agar omonat ochsangizu, bank yopilib ketgan taqdirda ham pullaringiz davlat tomonidan qoplab beriladi)

Telegram • Instagram • YouTube • TikTok

👍 Mehnat muhojirlariga ham kredit va subsidiya berilishi kutilmoqda

Bugungi kunda rasmiy ish joyingiz bo‘lmasa ham, daromadingizni deklaratsiya asosida ko‘rsatib, ipoteka krediti olishingiz mumkin.

Ammo xorijda ishlayotgan migrantlar bu imkoniyatdan foydalana olmayapti. Sababi ularning “O‘zbekistonda rasmiy daromadi yo‘q”.

Shu tarzda, xorijdan oilasiga muntazam pul yuborib turgan fuqarolar ham kredit yoki subsidiya olish imkoniyatidan chetda qolmoqda.

Endi bu masalani hal qilish bo‘yicha ishlar boshlanmoqda.

Mutasaddilarga xorijda ishlayotgan va so‘nggi olti oy davomida muntazam pul jo‘natgan aholining daromadini hisobga olish uchun tizim yaratish vazifasi berildi.

Agar bu tizim joriy qilinsa, xorijdagi mehnat muxojirlari ham kredit va subsidiya olish imkoniyatiga ega bo‘ladi.

Bundan tashqari, endi uylarning 50 foizi qurilganda, aholi kredit va subsidiya olishi mumkin bo‘ladi.

Bu nafaqat imtiyozli, balki tijorat ipotekasi uchun ham amal qilishi kutilmoqda.

Shuningdek, qurilishda “eskrou” tizimi joriy qilinmoqda.

Bu orqali qurilish boshidan ipoteka va subsidiya olish, uy bitmasdan turib ham uni boshqa odamga sotish mumkin bo‘ladi.

Ular haqda batafsil ma’lumotlarni esa yaqin kunlarda sizga ulashamiz)

👍 Ma’lumotlarimiz foydali bo‘lgan bo‘lsa, like bosing va do‘stlaringizga ham ulashing.

Unutmang, bu bizni yanada ruhlantiradi!)

Telegram • Instagram • YouTube • TikTok

Toshkentda Qashqadaryodan 2,4 barobar ko‘p — hududlarda o‘rtacha ish haqi qanday?

O‘zbekistonda 2024-yildagi o‘rtacha oylik ish haqi 5 mln 357 ming so‘mni tashkil etibdi.

Hududlar kesimida eng yuqori ko‘rsatkich Toshkent shahriga tegishli bo‘lgan — 9,1 mln so‘m.

Eng kam o‘rtacha oylik ish haqi esa Qashqadaryo viloyatida qayd etilgan — 3,8 mln so‘m.

👍 Ma’lumotlarimiz foydali bo‘lgan bo‘lsa, uni do‘stlaringizga ham yuboring.

Unutmang, bu bizni yanada ruhlantiradi!)

Telegram • Instagram • YouTube • TikTok

Avtomobilingiz uchun elektron ishonchnoma olmoqchisizu, buni qanday qilishni bilmayabsizmi?

Keling, bugun shu haqda gaplashamiz)

👍 Ma’lumotlarimiz foydali bo‘lgan bo‘lsa, uni do‘stlaringizga ham yuboring.

Unutmang, bu bizni yanada ruhlantiradi!)

Telegram • Instagram • YouTube • TikTok

Haydovchilik guvohnomasini olish uchun bepul o‘qish mumkin.

👍 Qanday qilib deysizmi?

Bu uchun mahalla yoshlar yetakchisiga murojaat qilishingiz lozim. Uning yordamida sizning o‘qish xarajatlaringiz davlat tomonidan qoplab beriladi.

Aynan shu maqsadlarda qariyb 20 ming yoshlarning o‘quv kurslari uchun 21 mlrd so‘m miqdorda mablag‘ ajratilgan.

Ushbu imkoniyatdan foydalanish uchun “Yoshlar daftari”ga kiritilgan bo‘lishingiz zarur.

Mahallangizdagi yoshlar yetakchisi esa shu jarayonda sizga yordam beradi. Unga ariza qoldirasiz, arizangiz 5 ish kunida Vasiylik kengashi tomonidan ko‘rib chiqiladi.

Shundan so‘ng, siz o‘qimoqchi bo‘lgan kursga BHMning 4 baravarigacha ya’ni 1,5 million so‘mgacha bo‘lgan mablag‘ o‘tkazib beriladi.

👍 Ma’lumotlarimiz foydali bo‘lgan bo‘lsa, uni do‘stlaringizga ham yuboring.

Unutmang, bu bizni yanada ruhlantiradi!)

Telegram • Instagram • YouTube • TikTok

Bugungi kunda Toshkent shahridagi ijara narxlari qanday?

Keling, bugun shu mavzuni birga ko‘rib chiqamiz)

👍 Ma’lumotlarimiz foydali bo‘lgan bo‘lsa, uni do‘stlaringizga ham yuboring.

Unutmang, bu bizni yanada ruhlantiradi!)

Telegram • Instagram • YouTube • TikTok

Pensionerlar O‘zbekiston hududidan chiqib ketganda, vaqtincha nafaqa ololmay qolishini bilarmidingiz?

Xo‘sh, o‘zi pensioner O‘zbekistondan chiqib ketganda pensiya qanday to‘lanadi?

“Davlat pensiyalarini tayinlash va to‘lash tartibi to‘g‘risidagi nizom”ga ko‘ra, bugungi kunda:

👍 pensioner O‘zbekistondan tashqariga chiqib 3 oydan ortiq vaqt mobaynida qaytib kelmaganida pensiyani to‘lash vaqtincha to‘xtatib turiladi.

Bunda vaqtincha to‘xtatilgan pensiyani to‘lash pensioner O‘zbekistonga qaytib kelgandan so‘ng qayta tiklanadi.

Eslatib o‘tamiz, fuqaro O‘zbekistonga qaytib kelgandan so‘ng olinmay qolgan oylardagi pensiyasini 24 oyligini olish huquqiga ega.

Lekin bu pensiyani olish maqsadida murojaat etilganidan oldingi 24 oydan oshmagan davr uchungina taalluqli.

Pensiya to‘lovlarini qayta tiklash pensioner yoki uning qonuniy vakili tomonidan Pensiya jamg‘armasi bo‘limiga ariza va shaxsni tasdiqlovchi hujjat bilan shaxsiy murojaat qilish orqali amalga oshiriladi.

Bundan tashqari, pensiya to‘lovlari Qonun hujjatlarida nazarda tutilgan boshqa hollarda ham to‘xtatilishi mumkin. Bu haqda esa keyinroq to‘xtalamiz)

👍 Ma’lumotlarimiz foydali bo‘lgan bo‘lsa, uni do‘stlaringizga ham yuboring.

Unutmang, bu bizni yanada ruhlantiradi!)

Telegram • Instagram • YouTube • TikTok

Banklarning mobil ilovalari orqali hech qanday hujjatlarsiz, skoring asosida onlayn mikroqarz ajratish yo‘lga qo‘yilganidan xabardormisiz?

Bugun biz siz uchun shunday banklar ro‘yxatini tuzdik!

🏦 Agrobank

Foizi — yillik 32 foiz;
Muddati — 24 oygacha;
Miqdori — 100 mln so‘mgacha.

Byudjet tashkiloti xodimlariga:

Foizi — 25 foiz;
Muddati — 24 oygacha;
Miqdori — 100 mln so‘mgacha;
Ta’minoti — sug‘urta polisi.

🏦 Aloqabank

Foiz — yillik 28-30 foizgacha;
Muddati — 48 oygacha;
Miqdori — 100 mln so‘mgacha.

🏦 Anorbank

Foizi — 27–45 foizgacha;
Muddati — 36 oygacha;
Miqdori — 100 mln so‘mgacha.

🏦 Davrbank

Foizi — 27-49 foizgacha;
Muddati — 60 oygacha;
Miqdori — 100 mln so‘mgacha.

🏦Ipak Yo‘li banki

Foizi – 30,9–40,9 foizgacha;
Muddati – 36 oygacha;
Miqdori — 100 mln so‘mgacha.

🏦 Ipoteka bank

Foizi — 24–45 foizgacha;
Muddati — 60 oygacha;
Miqdori — 100 mln so‘mgacha.

🏦 TBC Bank

Foizi — 28–49 foizgacha;
Muddati — 36 oygacha;
Miqdori — 100 mln so‘mgacha.

🏦 Tenge Bank

Foizi — 35,9–49 foizgacha;
Muddati — 24 oygacha;
Miqdori — 50 mln so‘mgacha.

🏦 Xalq banki

Foizi – 25–30 foizgacha;
Muddati – 48 oygacha;
Miqdori — 100 mln so‘mgacha.

Mikroqarz aslida nima ekani va uni qanday olish mumkinligi haqida bilish uchun videomizni tomosha qiling.

Nomingizda kredit borligi uchun yana boshqa kredit ololmayman deb o‘ylayabsizmi? Adashasiz! Batafsil ushbu postimiz orqali ma’lumot oling.

Telegram • Instagram • YouTube • TikTok

Bilasiz, omonat ochish pul tejash va jamg‘armalarni ko‘paytirishning eng ishonchli usullaridan biri hisoblanadi.

Aytaylik, bankka ma’lum miqdordagi pulni omonatga qo‘ydingiz, bank esa sizga pulingiz saqlangan muddati uchun foizlar to‘laydi.

Shunday qilib, siz ishlayotganingizda pullaringiz ham siz uchun ishlaydi!

🏦 Bugungi kunda Agrobank ham o‘zining yangi “Sandiq” omonatini taqdim etmoqda:

Foizi — 23 foiz;
Muddati — 18 oy;
Onlayn “Sandiq”da minimal summa — 100 ming so‘m;
Bank filiallaridagi “Sandiq”da – 1 million so‘m.

Eng muhimi unda pul to‘ldirish va yechib olish imkoniyati mavjud!

Pullaringizni uyingizdagi eski sandiqda emas, Agrobankning “Sandiq” omonatida saqlang va xavfsiz jamg‘armaga ega bo‘ling)

👍 Ma’lumotlarimiz foydali bo‘lgan bo‘lsa, uni do‘stlaringizga ham yuboring.

Unutmang, bu bizni yanada ruhlantiradi!)

Telegram • Instagram • YouTube • TikTok

Bugungi kunda avtomobilingizga gaz ballon o‘rnatish yanada osonlashganidan xabaringiz bormi?

Ha, adashmayabsiz. Endi uni onlayn tarzda, sodda amalga oshirish mumkin.

👍 Keling, shu mavzuni o‘rganib chiqamiz.

Endi my.gov.uz orqali avtomobilga gaz ballon o‘rnatish uchun ruxsatnoma olish yanada qulaylashdi.

Bu jarayonda hech qanday ortiqcha hujjatlar talab etilmayapti.

Siz faqat onlayn tarzda ariza to‘ldirib, uni Yo‘l harakati xavfsizligi xizmatiga (YHXX) yuborsangiz kifoya.

Qolganini YHXX xodimlarining o‘zi bajaradi.

Ha, arizangiz ko‘rib chiqilgach, natijasi my.gov.uz dagi shaxsiy kabinetingizga yuboriladi.

💳 Xizmat ko‘rsatilishi uchun to‘lov – 112 500 so‘m (0,3 BHM)

Gaz ballon o‘rnatishga ruxsatnoma olishning yangi tartibi uchun videoqo‘llanma tayyorlashimizni istaysizmi?

Unda ushbu postimizni do‘stlaringizga yuboring, va albatta like bosishni unutmang.

👍 Bu bizni yanada ruhlantiradi!

Telegram • Instagram • YouTube • TikTok

Ko‘pchilik kunlik dollar kursini kuzatib yursa kerak-a? Dollar bir kuni ko‘tarilsa, boshqa kuni biroz pasayadi.

Xo‘sh o‘zi valyuta kursi nima? U qanday shakllanadi?

Valyuta kursi – bu bir davlatning milliy pulining boshqa davlat puliga nisbatan qiymati. Masalan, 1 AQSH dollari 13 000 so‘mga teng bo‘lsa, bu dollarning so‘mga nisbatan kursidir.

Valyuta kursi savdo, investitsiya va xalqaro munosabatlarda muhim ahamiyatga ega.

👍Valyuta kursi qanday shakllanadi?

Talab va taklif asosida

Valyuta kursi bozordagi talab va taklifga qarab o‘zgaradi. Masalan, eksport ortishi bilan mamlakatning milliy puliga talab oshib, uning qiymati oshadi. Agar import ko‘payib ketsa, milliy valyutaga talab pasayadi va uning kursi tushadi.

Markaziy bank siyosati

Markaziy bank o‘zining intervensiyalari yoki qoidalari orqali valyuta kursini nazorat qilishi mumkin. U milliy valyuta barqarorligini ta’minlash uchun bozorda chet el valyutasini sotishi yoki sotib olishi mumkin.

Xalqaro iqtisodiy holat

Mamlakatning tashqi savdo balansi, chet el investitsiyalari va moliyaviy operatsiyalari ham valyuta kursiga ta’sir qiladi. Masalan, mamlakatga ko‘p investitsiya kirsa, milliy valyuta qiymati oshadi.

Iqtisodiy barqarorlik

Mamlakatdagi inflyatsiya, ishsizlik darajasi va iqtisodiy o‘sish milliy valyutaga ishonchni oshiradi yoki pasaytiradi. Barqaror iqtisodiyot valyuta kursiga ijobiy ta’sir ko‘rsatadi.

Siyosiy holat

Mamlakatda siyosiy barqarorlik bo‘lsa, chet el sarmoyadorlari milliy valyutaga ishonadi va uning kursi yuqori bo‘ladi. Siyosiy inqiroz yoki notinchlik esa milliy valyuta qiymatini tushiradi.

👍 Qisqacha aytganda, valyuta kursi – bu mamlakatning iqtisodiy va siyosiy holatini ifodalovchi muhim ko‘rsatkich.

U bozordagi talab va taklif, hamda davlatning iqtisodiy siyosatiga bog‘liq holda shakllanadi.

Telegram • Instagram • YouTube • TikTok