100 mln so‘mgacha mikroqarzlar

Xabaringiz bor, endilikda banklardan 100 mln so‘mgacha mikroqarzlar olish mumkin.

Biz hozirgi kunda aynan qaysi banklardan ushbu mikroqarzlarni rasmiylashtirish mumkinligi haqida gaplashamiz)

🏦 Anorbank

Foiz stavkasi — 34-52 foiz;
Muddati — 3 yilgacha;
Miqdori — 100 mln so‘mgacha;
Ta’minoti — rasmiy ish daromadiga ega bo‘lish;
Batafsil

🏦 Garantbank

Foiz stavkasi — 32 foiz;
Muddati — 2 yilgacha;
Miqdori — 100 mln so‘mgacha;
Ta’minoti — pul mablag‘lari, avtotransport yoki ko‘chmas mulklar garovi asosida;
Batafsil

🏦 Hamkorbank

Foiz stavkasi — 27,9-32 foiz;
Muddati — 3 yilgacha;
Miqdori — 100 mln so‘mgacha;
Ta’minoti — kafillik yoki garov asosida;
Batafsil

🏦 Infinbank

Foiz stavkasi — 26,9-32,9 foiz;
Muddati — 3 yilgacha;
Miqdori — 100 mln so‘mgacha;
Ta’minoti — garov asosida;
Batafsil

🏦 Ipak yo‘li banki

Foiz stavkasi — 29,9-31,9 foiz;
Muddati — 5 yilgacha;
Miqdori — 100 mln so‘mgacha;
Ta’minoti — ko‘chmas mulk, transport vositalari, pul mablag‘lari, zargarlik buyumlari garovi asosida;
Batafsil

🏦 Kapitalbank

Foiz stavkasi — 33 foiz;
Muddati — 5 yilgacha;
Miqdori — 100 mln so‘mgacha;
Ta’minoti — sotib olingan avtotransport garovi va pul depoziti;
Batafsil

🏦 TBC bank

Foiz stavkasi — 28-49 foiz;
Muddati — 3 yilgacha;
Miqdori — 100 mln so‘mgacha;
Ta’minoti — kafillik va daromad to‘g‘risidagi ma’lumotnoma talab etilmaydi;
Batafsil

🏦 Universalbank

Foiz stavkasi — 36 foiz;
Muddati — 3 yilgacha;
Miqdori — 100 mln so‘mgacha;
Ta’minoti — kafillik, sug‘urta polisi yoki ko‘chmas mulk garovi asosida;
Batafsil

🏦 Xalq banki

Foiz stavkasi — 25-32 foiz;
Muddati — 4 yilgacha;
Miqdori — 100 mln so‘mgacha;
Ta’minoti — sug‘urta polisi;
Batafsil

🏦 O’zsanoatqurilishbank

Foiz stavkasi — 29-33 foiz;
Muddati — 4 yilgacha;
Miqdori — 100 mln so‘mgacha;
Ta’minoti — garov asosida;
Batafsil

Telegram • Instagram • YouTube • TikTok

Bugungi kunda onlayn firibgarlardan qanday qilib himoyalanishni bilish eng muhim ko‘nikmalardan biridir.

Keling, bugun buni qanday usullari borligini ko‘rib chiqamiz.

👍 Sizga noma’lum raqamdan yaqinlaringizga yordam berishingizni so‘rab qo‘ng‘iroq qilishdi yoki xabar yuborishdi.

Avvalo, sarosimaga tushmang, noma’lum shaxsning ko‘rsatmalarini bajarishga shoshilmang. Qo‘ng‘iroq qiluvchini firibgardan ajratishga yordam beradigan shaxsiy savollarni bering.

Turli bahonalar orqali suhbatdoshingiz bilan aloqani uzishga harakat qiling. Zudlik bilan yaqin qarindoshingizga qo‘ng‘iroq qilib, uning ahvolini surishtiring.

👍 Mavhum raqamdan go‘yoki “bank”dan qo‘ng‘iroq bo‘ldi yoki sms yuborildi.

Ko‘rsatmalarga rioya qilishga va so‘rovga javob berishga shoshilmang.

Noma’lum shaxslarga, hatto ular o‘zini bank xodimi sifatida tanishtirsa ham shaxsiy ma’lumotlarni oshkor qilmang.

Bankning aloqa markaziga qo‘ng‘iroq qilib holatga aniqlik kiriting. Darhol huquq- tartibot idoralariga murojaat qiling.

👍 Noma’lum raqamdan havola keldi

Biriktirilgan fayllarni ochmang, havola ustiga bosmang, shubhali xabarlarni o‘chirib tashlang.

Qo‘l telefonlari uchun ishlab chiqarilgan rasmiy antivirus dasturlaridan foydalaning. “Stop kontent” xizmatini yoqish orqali istalmagan xabar, qo‘ng‘iroqlardan himoyalaning.

👍 Onlayn sotuvchidan shubhalandingiz.

Hushyorlikni yo‘qotmang, shoshilinch qaror qabul qilmang va birinchi shubhada xaridni rad eting.

Onlayn sotuvchi bilan real hayot va jamoat joyida uchrashish kerak. Chunki bu eng xavfsiz kafolatlangan yo‘l.

Mahsulotni qo‘lga kiritgandan keyingina sotuvchiga pulni bering. Begona sotuvchilarga oldindan to‘lovni amalga oshirmang.

Yuqoridagi kabi vaziyatlardan qanday chiqib ketgansiz? @pulligap_bot — biz bilan o‘rtoqlashing!)

Telegram • Instagram • YouTube • TikTok

Talabalar uchun soliq imtiyozlari mavjudligidan xabaringiz bor bo‘lsa kerak?

Keling, bugun ularni to‘liq o‘rganib chiqamiz)

Kimlar 12 foiz miqdorida daromad solig‘ini qanday qaytarib olishi mumkin?

Ish haqi va boshqa daromadlaridan o‘zi, farzandi yoki 26 yoshga to‘lmagan turmush o‘rtog‘ining oliy o‘quv yurtida ta’lim olishi uchun to‘lovni amalga oshirgan bo‘lgan fuqarolar.

Biroq yuqoridagi 3 ta toifadan boshqalarning – aka-ukasi, opa-singlisi, kuyovi yoki kelini yoxud boshqa shaxslarning kontrakti uchun to‘lov qilinsa, hech qanday imtiyoz qo‘llanmaydi.

Shuningdek, mazkur imtiyoz professional ta’lim tashkilotlari – kasb-hunar maktablari, kollejlar va texnikumlarga ham tatbiq etilgan.

Imtiyoz professional va oliy ta’lim tashkilotlarida o‘qish uchun to‘lov:

👍 jismoniy shaxsning o‘z mablag‘lari;
👍 tijorat banklari tomonidan berilgan ta’lim kreditlari;
👍 yuridik shaxslar tomonidan jismoniy shaxslarga qaytarish sharti bilan berilgan mablag‘lar hisobidan amalga oshirilganda qo‘llaniladi.

Bu imtiyoz necha pul bo‘ladi?

Bitta talaba uchun kontrakt summasi to‘langanda, qancha pul miqdoridagi imtiyozga ega bo‘lishimizni hisoblaymiz:

Masalan, 2023-2024 o‘quv yili uchun tibbiyot sohasida o‘qiyotgan talabaning kontrakt summasi – 9 129 930 so‘mni (bakalavriat kunduzgi, stipendiyasiz). Ushbu imtiyozdan foydalangan holda bir yilda 1 095 591 so‘mni tejab qolish imkoniyatiga ega bo‘lasiz.

Biz ushbu daromad solig‘ini qanday qaytarib olish mumkinligi haqida video-qo‘llanma tayyorlaymiz.

Siz esa postimizga like bosing va uni yaqinlaringizga ham ulashing!

Telegram • Instagram • YouTube • TikTok

Boshlang‘ich to‘lovsiz ham avtomobil olishingiz mumkinligini bilasizmi?

Biz siz uchun Oʻzbekiston banklarida ajratilayotgan aynan shunday avtokreditlar haqida ma’lumotlar toʻpladik.

📲Bizda ma'lumotlar yangilandi.

Kelib tushayotgan xabarlarga ko‘ra, bugungi kunda O‘zbekistondagi banklardan 2 tasi boshlang‘ich to‘lovsiz avtokreditlar ajratayotgan ekan.

🏦 Ipak yo‘li bank:

Boshlang‘ich to‘lov — 0;
Fozi stavkasi — 29,99 foiz;
Muddati — 60 oygacha;
Miqdori — 600 mln so‘mgacha;
Garov — avtomobil, ko‘chmas mulk yoki sug‘urta polisi
Batafsil

🏦 Saderat bank:

Boshlang‘ich to‘lov — 0;
Fozi stavkasi — 28 foiz;
Muddati — 48 oygacha;
Miqdori — 170 mln so‘mgacha;
Kredit ta’minoti — xarid qilingan avtomobil
Batafsil

Avtokreditlar haqida to‘liq ma’lumot olish uchun videomizni tomosha qiling.

Ma’lumotlarimiz foydali bo‘lgan bo‘lsa, ularni do‘stlaringizga ham ulashing.

Unutmang, bu bizni ruhlantiradi!)

Telegram • Instagram • YouTube • TikTok

Aloqa botimizga kimlarga ijara haqini to‘lash uchun yordam berilishi haqida so‘rovlar kelib tushdi va biz bu mavzuni o’rganib chiqdik)

Ma’lumotlarga ko‘ra, “Yoshlar daftari”ga kiritilgan shaxslarga shu ko‘rinishdagi imtiyoz ajratilishi mumkin.

Bunday imtiyozlar uy va tadbirkorlik bilan shug‘ullanilayotgan binoning ijara haqini to‘lashda qo‘llanadi.

Ular quyidagi ko‘rinishda bo‘ladi:

👍 “Yoshlar daftari”ga kiritilgan yosh tadbirkor yoki o‘zini o‘zi band qilgan yosh fuqarolar biznesini noturar binoda yuritayotgan bo‘lishi kerak.

Shunda bir yilda 12 oygacha bo‘lgan ijara xarajatlarini 30 foizi (BHMning 25 baravarigacha bo‘lgan qismi – 8 500 000 so‘mgacha) to‘lab beriladi.

👍 Ijtimoiy himoyaga muhtoj yosh oilalarga yashayotgan xonadonining ijara to‘lovi uchun subsidiya ajratiladi.

Bu kompensatsiya 12 oygacha har oyda BHMning 3 baravaridan (1 020 000 so‘m) oshmagan miqdorda beriladi.

Bunda bir qator talablar bor:

● er-xotinning har ikkisi o‘ttiz yoshdan oshmagan (o‘ttiz bir yoshga to‘lmagan) bo‘lishi;

● mulk huquqi asosida turar joyi bo‘lmagan, ilgari maqsadli dasturlar doirasida imtiyozli ipoteka kreditlari orqali kvartira yoki yakka tartibdagi uy-joylar olmagan;

● ipoteka kreditlari bo‘yicha subsidiyalar yoki uy-joylar ta’minoti bilan bog‘liq boshqa imtiyozlardan foydalanmagan;

● har ikkisi yoki biri “Yoshlar daftari”ga kiritilgan bo‘lishi kerak.

Imtiyozdan foydalanish uchun vasiylik kengashiga turar joy ijara shartnomasi nusxasi bilan ariza berish kerak bo’ladi.

Telegram • Instagram • YouTube • TikTok

O‘zi qanday holatlarda mikroqarz olish sizning moliyaviy holatingizga zarar keltirishini bilasizmi?

Keling, bugun shunday holatlarni ko‘rib chiqamiz.

👍 Avvalgi kreditlarni yopish uchun mikroqarz

Ba’zida olingan kreditni to‘lashda qiyinchiliklarga duch kelishingiz mumkin. Bunday vaziyatdan esa yana yangi mikroqarz olish orqali chiqib ketish oson yo‘ldek ko‘rinadi.

Aslida, bu noto‘g‘ri qaror – faqatgina qarz yukining oshishiga olib keladi. Sizning holatingiz esa yaxshilanmay, bir kreditingiz ikkita bo‘ladi. Tabiiy-ki, ularning har biri, har qanday holatda ham bankka qaytarilishi kerak.

👍 Boshqalar uchun mikroqarz

Ba’zida qarindoshlar yoki do‘stlaringiz kredit olib berishingizni so‘rashadi, chunki negadir bank ularga kredit ajratishni rad etadi. Bu juda noqulay holat, lekin har kim bunday vaziyatda nima qilish kerakligini o‘zi hal qilishi kerak.

O‘z nomingizga kredit olib, uni boshqa odamga berib yuborsangiz, oxir-oqibat qarzni o‘zingiz qaytarishga majbur bo‘lishingiz mumkin.

👍 Kredit tizimi qanday ishlashi haqida bilmasdan kredit olish

Kredit pulni ma’lum vaqt davomida foizlar bilan bankka qaytarish kerakligini nazarda tutadi. Ammo foizlar qanday hisoblanishini, to‘lovlarni qachon amalga oshirishni va kredit bo‘yicha qanday ortiqcha to‘lovlar vujudga kelishini hamma ham tushunmaydi.

Mikroqarz uchun bankka murojaat qilishdan oldin, hisoblangan foizlar asosida har oy kredit uchun qancha to‘lashingiz kerakligini tushunishingiz kerak.

Kreditni o‘z vaqtida to‘liq to‘lash muhimligini hamma ham anglamaydi. Kredit bu, birinchi navbatda, mas’uliyatdir.

Telegram • Instagram • YouTube • TikTok

Ancha vaqtdan beri omonat ochish haqida o‘ylab, qaysi bankni tanlashni bilmayabsizmi? Endi bu muammo emas)

Bugungi ro‘yxatimiz yordamida uyingizdan chiqmasdan, o‘zingizga eng ma’qul bankdan omonat oching!

🏦 Agrobank

Foizi — 23 foiz;
Muddati — 13 oy;
Minimal summa — 500 ming so‘m;
To‘ldirib borish imkoniyati — yo‘q;
Batafsil

🏦 Anorbank

Foizi — 25 foiz;
Muddati — 24 oy;
Minimal summa — 1 mln so‘m;
To‘ldirib borish imkoniyati — 12 oygacha mumkin;
Batafsil

🏦 Asakabank

Foizi — 24 foiz;
Muddati — 24 oy;
Minimal summa — 100 ming so‘m;
To‘ldirib borish imkoniyati — mavjud;
Batafsil

🏦 Davr bank

Foizi — 27,09 foiz;
Muddati — 24 oy;
Eng kam miqdor — 100 ming so‘m;
To‘ldirib borish imkoniyati — 6 oygacha mumkin;
Batafsil

🏦 Hamkorbank

Foizi — 24 foiz;
Muddati — 18 oy;
Minimal summa — 500 ming so‘m;
To‘ldirib borish imkoniyati — mavjud;
Batafsil

🏦 Kapitalbank

Foizi — 26 foiz;
Muddati — 25 oy;
Minimal summa — 1 mln so‘m;
To‘ldirib borish imkoniyati — yo‘q;
Batafsil

🏦 Mikrokreditbank

Foizi — 25 foiz;
Muddati — 24 oy;
Minimal summa — 100 ming so‘m;
To‘ldirib borish imkoniyati — mavjud;
Batafsil

🏦 TBC Bank

Foizi — 27 foiz;
Muddati — 24 oy;
Minimal summa — 100 ming so‘m;
To‘ldirib borish imkoniyati — yo‘q;
Batafsil

🏦Ziraat Bank

Foizi — 26 foiz;
Muddati — 24 oy;
Minimal summa — 3 mln so‘m;
To‘ldirib borish imkoniyati — 6 oygacha mumkin;
Batafsil

Ma’lumotlarimiz foydali bo‘lgan bo‘lsa, ularni do‘stlaringizga ham ulashing.

Unutmang, bu bizni ruhlantiradi!)

Telegram • Instagram • YouTube • TikTok

“Bankers.uz” nashri asoschisi Ismoil Turopovdan loyihamizga kelib tushayotgan savollar yuzasidan intervyu oldik.

● Xo‘sh, kim aslida moliyaviy savodxon bo‘ladi?

● Buni qanday o‘rganish mumkin?

● Bu uy va mashinaga tezroq ega bo‘lishning asosiy vositasimi?

● Firibgarlarga aldanib qolishning sababi nima? Bundan qanday qochish mumkin?

Shu va shu kabi savollaringizga mutaxassis orqali javob oling!

👉 To‘liq intervyu: https://youtu.be/lSJsTJXyWI8

👍 Aytgancha, kanalga ovoz berishni unutmang: https://t.me/pulli_gap?boost)

Telegram • Instagram • YouTube • TikTok

Kechiktirilgan oylik ish haqi uchun foiz to‘lanishini bilarmidingiz? Keling, bugun shu mavzuni o‘rganib chiqamiz)

Agar ish beruvchi xodimlarining maoshi, ta’til pullari va shunga o‘xshash to‘lovlarini vaqtida bermasa, qo‘shimcha foiz – pulli kompensatsiya ham to‘lashi shart.

U qanday hisoblanadi?

Foizlar oylik kechiktirilgan kundan boshlab hisoblab boriladi.

Masalan, maosh har oyning 5-sanasida tushishi kerak bo‘lib, u 15-sanada tushsa, ish beruvchi 6-sanadan 15-sanagacha har bir kunga foiz to‘lashi shart.

Miqdori qancha?

Xodimga to‘lanadigan pulli kompensatsiyaning Markaziy bank qayta moliyalash stavkasining o‘n foizi miqdorida belgilanadi. 

U esa 2023-yil 17-martdan beri 14 foiz. Demak, ish haqi kechiktirilgan kun uchun kompensatsiya miqdori 1,4 foizni tashkil etadi.

Deylik, sizning ish haqingiz 3 mln so‘m. Ushbu summani 1,4 foizi 42 ming so‘m bo‘ladi. 

Agar sizning oyligingiz umumiy 10 kunga kechiktirilsa, shu kunlar uchun sizga 420 ming so‘m pulli kompensatsiya to‘lanishi kerak.

Muhim!

Bandlik vazirligiga ko‘ra, ish beruvchining oylikni kechiktirilishida aybi bo‘lsa ham, bo‘lmasa ham u sizga pulli kompensatsiya to‘lashga majbur.

Bularning barchasi, Mehnat kodeksining 333-moddasida belgilab qo‘yilgan.

Ma’lumotlarimiz foydali bo’lgan bo’lsa, uni do’stlaringizga ham ulashing!

👍 Aytgancha, kanalga ovoz berishni unutmang: https://t.me/pulli_gap?boost)

Telegram • Instagram • YouTube • TikTok

“Pulli Gap”da mavzular yanada qiziqarliroq yoritilishini istaysizmi?

Unday bo‘lsa, kanalimizga ovoz berib, bunga o‘z hissangizni qo‘shing!

Bu orqali qo‘shimcha yangi imkoniyatlar ham ochiladi.

Masalan, pul haqida foydali mavzularni doimiy stories'lar orqali o‘rganib borishingiz mumkin bo‘ladi)

👍 Shunday ekan, bizni qo‘llab-quvvatlang:

https://t.me/pulli_gap?boost

Telegram • Instagram • YouTube • TikTok

IELTS’dan 7 yoki undan balandroq ball olib, imtixon pulingizni qaytarib ololmayabsizmi?

Endi bu oson. Biz siz uchun batafsil video-qo‘llanma tayyorladik)

Ma’lumotlarimiz foydali bo’lgan bo’lsa, uni do’stlaringizga ham ulashing!

👍 Aytgancha, kanalga ovoz berishni unutmang: https://t.me/pulli_gap?boost

Telegram • Instagram • YouTube • TikTok

O‘zbekistonda ipoteka kreditlari uchun subsidiya ajratish jarayoni yana boshlandi.

Daromadi yuqori boʻlmagan va uy-joyga muhtoj aholi uchun ipoteka kreditlari asosida subsidiya ajratiladi.

Subsidiya — ipoteka bilan uy sotib olishda boshlang‘ich badal yoki kredit foizlarining bir qismini qoplab berish uchun davlat budjetidan ajratiladigan mablag‘.

Ipoteka krediti uchun subsidiya olsangiz, bu mablag‘larni davlatga qaytarib berishingiz shart emas.

Masalan, siz yillik 18 foizga ipoteka krediti olgan boʻlsangiz, dastlabki besh yil mobaynida foiz toʻlovlarining 10 foiz qismini oʻz hisobingizdan, 8 foiz qismini davlat subsidiyalari yordamida toʻlashingiz mumkin boʻladi.

Uy joy sotib olishda davlatdan subsidiya olish uchun ariza beruvchi yoki oilaning oylik daromadi quyidagicha boʻlishi kerak:

👍 Qoraqalpogʻiston va viloyatlarda — mehnatga haq toʻlashning eng kam miqdorini 2,7 baravaridan 8 baravarigacha (2 mln 835 ming so‘mdan 8 mln 400 ming so‘mgacha);

👍 Toshkent shahrida — mehnatga haq toʻlashning eng kam miqdorini 2,7 baravaridan 9,2 baravarigacha (2 mln 835 ming so‘mdan 9 mln 660 ming so‘mgacha).

2023-yilning may oyidan boshlab O‘zbekistonda mehnatga haq to‘lashning eng kam miqdori 1 mln 50 mingni tashkil etmoqda.

Subsidiya uchun ariza

Fuqarolar ipoteka kreditlari boʻyicha subsidiya olish uchun my.gov.uz portali orqali elektron tarzda ariza yuborishlari mumkin.

Komissiya quyidagi hollarda arizani rad etishi mumkin:

👍 ilgari uy-joy va imtiyozli ipoteka krediti boʻyicha subsidiya olgan oila aʼzolarining takroriy arizasi;
👍 taqdim etilgan maʼlumotlarning talab qilinadigan ijtimoiy mezonlarga mos kelmasligi;
👍 joriy yilda hududga ajratilgan subsidiyalar soni tugab qolganida;
👍 oʻrtacha oylik daromad miqdorining komissiya talablariga mos kelmasligi;

Subsidiya berish tartibi haqida to‘liq ma’lumot olish uchun videomizni tomosha qiling.

Telegram • Instagram • YouTube • TikTok

Bilasiz, “bola puli” olish uchun arizani faqat mahallaga topshirish talab etilardi.

Endi esa buni uyingizdan chiqmasdan onlayn amalga oshirishingiz ham mumkin bo‘ldi!

My.gov.uz orqali ko‘rsatiladigan ushbu qulaylikdan kam ta’minlangan, jumladan, oilasida 18 yoshgacha farzandi bor ijtimoiy nafaqa olish istagida bo‘lganlar foydalanishi mumkin.

👍 Bolalar nafaqasi 12 oy (bola 18 yoshga to‘lgunga qadar), moddiy yordam esa 6 oy muddatga to‘lanadi.

Bolalar nafaqasi va moddiy yordam miqdorlari qonunchilik hujjatlari bilan belgilangan.

Buni qanday amalga oshirish mumkin?

Xizmatdan foydalanish uchun:

👍 my.gov.uz da ro‘yxatdan o‘tish;
👍 tegishli xizmatni tanlash;
👍 undagi so‘rovnomani to‘ldirish va yuborish kerak.

Ushbu xizmatdan onlayn foydalanish mutlaqo bepul.

Ariza bir oy davomida “Ijtimoiy himoya yagona reestri” axborot tizimi tomonidan o‘rganiladi.

Bu borada to‘liq video-qo‘llanma tayyorlashimizni istaysizmi?

Unday bo‘lsa ushbu postimizga like bosing va uni do‘stlaringizga ham ulashing)

👍 Aytgancha, kanalga ovoz berishni ham unutmang: https://t.me/pulli_gap?boost

Telegram • Instagram • YouTube • TikTok