Yoshlarga ijtimoiy-psixologik xizmat ko'rsatish markazining Yoshlar oyligi doirasida o'tkazilgan Maqolalar tanlovining Respublika bosqichida oliy o'rinni egalladim 😊

Mehr yordamida stressni yengish

📚 "Stressni yengish" kitobi muallifi psixiatr Tim Kantofer o'z kitobida "mehr bilan stressni yengish" degan bobni kiritgan. Uning aytishicha, boshqalarga mehr bilan muomala qilish sog'lom hamda baxtli bo'lishimizga hissa qo'shadi.

🔸Siz atrofdagilarga yoki yoki sizga kimningdir mehribon bo’lishi, bu stressdan farq qiluvchi tamoman o’zgacha hissiyotdir. Mehribonlik bilan munosabatda bo'lish iliqlik va yaqinlik hissiyotlari hamroxligida “mehr garmoni” yoki oksitosin deb nomlanuvchi garmonning ajralishi jarayoni bilan birga kechadi.

↪️ O'zingizga va o'zgalarga mehribon bo'lish qon bosimini pasaytiradi, immunitet tizimini yaxshilaydi, asab tizimini tinchlantiradi, yurak-qon tomir tizimini himoya qiladi, qolaversa, depressiyaga qarshi “dori” bo’lishi mumkin.

@getpsychedup

🎯 "Muammolar bu ijodkorlik uchun uyg'onishdan boshqa narsa emas ."

Gerhard Gschwandtner
Selling Power asoschisi va bosh direktori

@getpsychedup

🔍 Bostondagi Massachusets universiteti go'daklar va ota-onalarning ruhiy salomatligi dasturi rahbari Doktor Tronik onalarning ruhiy tushkunligi hamda boshqa stressli holatga tushgandagi xulq-atvorlari go’daklar va bolalarning hissiy rivojlanish va salomatligiga ta’sirini tadqiq etadi.

🤱 Uning shunday tadqiqotlaridan biri "Still face experiment"i bo'lib, bunda ona o'z farzandi bilan bo'ladigan munosabatlarida farzandiga beradigan e'tiborning ahamiyatini ko'rsatib beradi.

@getpsychedup

“Ifodasiz yuz” eksperimenti

👉 Ushbu eksperiment ona va bolaning yuzma-yuz holda o’tirishi bilan boshlandi. Ona farzandi bilan o’ynashni, unga tabassum qilishni va u bilan suhbatlashishni boshlaydi. 1 yoshli go’dak onasining bunday munosabatiga allaqachon o’rgangan. Keyin uning onasi yuzini orqaga o’giradi. Keyingi jarayonda ona farzandiga ifodasiz yuzda yoki farzandi holatiga 2 daqiqa davomida ahamiyat bermaydi.

↪️ Eksperimentning “ishorasiz yuz” qismi yakunlanganidan so’ng, onasi u bilan o’ynash va suhbatlshishda davom etadi. Ushbu eksperimentning qiziqarli tomonini onaning xatti-harakatlarida emas, balki farzandining bunga bildirgan munosabatida ko’rish mumkin. Siz dastlab onasi bilan kulib o’ynayotgan quvnoq bolani ko’rasiz. Kichkintoy onasi bilan harakatlar va ovozlar yordamida muloqotda bo’lishga intilmoqda.

🔹Dastlab eksperimentning “ifodasiz yuz” qismi boshlanganida bolaga bu holat chalkashdek tuyuladi. U onasining e’tiborini tortish uchun o’zida bor qobiliyatdan foydalanishga urinadi.

💬 Go’daklar ma’lum tovushlar va harakatlar doirasida cheklangan bo’lib, ushbu videodagi kichkintoy ham onasining e’tiborini tortish uchun turli usullardan foydalanishiga guvoh bo’lasiz. U xonaning har tomoniga nigoh tashlaydi, tabassum qilib ko’radi, keyin nimanidir ko’rsatishga urinib ko’radi.

🕑 Onasi bilan aloqa o’rnatishga bo’lgan urinishlari e’tiborsiz qoldirilishining davom etishi bilan undagi tashvishlanish va xafagarchilikni kuzata boshlaymiz.

🕓 U yig’lashni keyin esa qichqirishni boshlaydi. Ushbu eksperimentdagi go’daklar ko’pincha postural nazoratni yoqotib qo’yishgan. Ularning markaziy nerv tizimi juda ta’sirlanishi ularni jismoniy jihatdan zaif holatda qoldirgan. Bu kichkintoy ehtimol o’z-o’zini tinchlantirish uchun hattoki o’z qo’lini tishlay boshlaydi.

🕔 Eksperiment yakuni yaqinlashib qolganda bola onasining e’tiborini o’ziga qaratishdan sovugan va umidsiz bo’lib qoladi.

🔸Eksperimentning “ifodasiz yuz” deb nomlanuvchi qismi yakun topgach, ya’ni ona farzandi bilan o’zaro munosabatlarga kirishganida, go’dakdagi quvonch va xotirjamlikka guvoh bo’lasiz.

✔️Onasi qarshisida bola o’z emotsiyalarini tezlik bilan tartibga sola oladi va o’ynashda davom etadi.

🧸“Ifodasiz yuz” eksperimenti, bu har kuni ota-onalar taom pishirishni yakunlash yoki boshqa bolalariga qarash vaqtida duch keladigan holatga birgina misoldir.

🧠 Ota-onalarning o’z farzandlarini qisqa vaqt davomida e’tiborsiz qoldirishi hech qanday muammo tug’dirmaydi, ammo agar bu uzoqroq vaqt davom etsa, bu bolaning rivojlanishiga zararli ta'sir ko'rsatishi mumkin.

Xuddi shu eksperimentning otalar va ularning farzandlarida o’tkazilganligini 👉 ushbu videoda ko’rishingiz mumkin.

@getpsychedup

💯Muvaffaqiyat kaliti hissiy barqarorlikdir. Boyib ketish uchun IQ ning yuqori ko‘rsatkichi kerak emas.

Dunyo milliarederi
Uorren Baffet

@getpsychedup

Yoqimtoy hayvonlarning rasmlari ish samaradorligingizni yaxshilashi haqida bilasizmi?

🔎 Hiroshi Nittono ismli Yapon tadqiqotchisi shunga guvoh bo'ldiki, kuchukcha va panda bolalari rasmlariga qaragan, shu bilan bir qatorda badjahl mushuk videolarini tomosha qilgan tadqiqot sinaluvchilarining nafaqat kayfiyatlari ko'tarilgan, balki ishlash samaradorligi oshgan.

🐼 Tadqiqotda sinaluvchilar hayvon bolalari, jonivorlar va neytral buyumlar sanalgan oziq-ovqat rasmlarini birma-bir ko'rishdan oldin va undan keyin ulardan bilim va diqqatni talab etuvchi bir qancha topshiriqlarni bajarishgan. Yoqimtoy hayvon bolalari rasmlarini tomosha qilganlar boshqa ikki guruh vakillariga qaraganda ancha yaxshiroq natijalarni ko'rsatishgan.

💡Tadqiqot natijasidan shunday xulosaga kelindiki, faoliyat samaradorligining o'sishiga bir necha omillar, shu jumladan, yuqori kayfiyat va videolarning diqqatni jamlashga yordamlashganligi hisobiga erishilgan


https://telegra.ph/Yoqimtoy-hayvonlarning-rasmlari-faoliyatingiz-samaradorligini-yaxshilashi-haqida-bilasizmi-07-02

⏩ @getpsychedup

⏰ @getpsychedup

💬 Faqatgina bitta savol.

@getpsychedup

Do'stlaringiz bilan ulashishni unutmang 😉

@getpsychedup

Ijobiy emotsiyalarning foydali tomonlari

Barabara L. Fredirikson tomonidan o'tkazilgan tadqiqotlar ijobiy emotsiyalarning bir qancha foydali tomonlariga ishora qilmoqda, shu jumladan:

🙃 Hayot uchun ijobiy natijalar taqdim etadi;
🤔 Faoliyat va fikrlash jarayoniga samarali ta'sir ko'rsatadi;
🤓 Shaxsiy resurslarni hosil qiladi;
😊 Salomatlikni yaxshilaydi..

✨Ijobiy emotsiyalar tom ma'noda yuragimiz va ongimiz chegaralarini ochadi va kengaytiradi, atrofga bo'lgan dunyoqarashimizni o'zgartiradi.

🌅 "Tasavvur qiling, erta tongda nilufar gulining barglari yopiq bo'ladi. Rasmga nazar solsangiz, unga quyosh nuri biroz tushib turganini ko'rasiz. Ammo, quyosh osmonga ko'tarilishi bilan bu o'zgara boshlaydi, gul tom ma'noda ochiladi va ko'proq narsalarni ko'ra boshlaydi. Quyosh nuri xuddi shunday gullarni ochilishiga imkon bergani kabi ongimiz va yuragimiz ochiqligi ijobiy emotsiyalarga ehtiyoj sezadi."

Barbara Fredirikson


Do'stlaringiz bilan ulashishni unutmang 😉
@getpsychedup

Moviy rang sizda qanday hissiyotlarni uyg'otadi?

🎨 Insonlar uzoq vaqt davomida ranglar turlicha kayfiyat va hissiyotlar uyg'ota olishiga ishonishgan va ba'zi tadqiqotlar ranglarning psixologik ta'sir kuchiga ega ekanligini tasdiqlagan.

🌊 Moviy - ko'pincha tabiatda uchraydigan rang, masalan kunduzgi osmonning och ko'k rangi yoki chuqur suv havzasidagi to'q ko'k rang. Ehtimol aynan shu sababli kishilar ko'pincha ko'k rangni sokin va musaffo deb tasvirlashar.

❄️ Salqin rang sifatida ko'k rang ba'zan sovuq, haroratsiz va hatto qahraton rangdek tuyulishi mumkin..

Moviy ko'pchilik tomonidan sevimli rang sifatida tasvirlanadi va aksariyat hollarda, erkaklar bu rangni tanlashadi.

💰Moviy rang ko'pincha barqarorlik va ishonchlilik belgisi sifatida qaraladi. Xavfsizlik imidjini namoyish etmoqchi bo'lgan tadbirkorlar o'zlarining reklama va oldi-sotti faoliyatida ko'k rangdan foydalanishadi.

🤷‍♀ Moviy kishida shuningdek g'amginlik yoki yakka-yu yolg'izlik hissiyotlarini yarata oladi. Qalin moviy bo'yoqlarda tasvirlangan rasm, misol uchun Pikasso tomonidan uning "ko'k davri" deb nomlangan davr mobaynida yaratilgan asarlar yolg'iz, g'amgin va tushkundek tuyulishi mumkin.

🔍 Moviy rang ko'pincha offislarni ta'mirlashga ishlatiladi, chunki tadqiqotlar moviy xonalarda kishining ish samaradorligi oshishini aniqlagan.

🧑‍🍳Moviy rang eng mashhur ranglardan biri, biroq bu rang ishtaha ochish bobiga kelganda u eng past o'rinda turadi. Ba'zi vaznni yo'qotish retseptlari o'z taomingizni ko'k likopchalarda yeyishni tavsiya qiladi. Golubika va ba'zi olchalarni hisobga olmaganda, ko'k rang oziq-ovqat mahsulotlarida tabiiy holatda kamdan-kam uchraydi.

✅ Moviy rang shuningdek, yurak urish tezligi va tana haroratini pasaytirishi mumkin.

Moviy rang sizda qanday hissiyotlar uyg'otadi? Moviy rangni ma'lum sifat yoki vaziyatlarga bog'laysizmi?

📌 Moviy rang psixologiyasi o'rganish qanchalik qiziqarli bo'lmasin, rangga bildiriladigan munosabat o'ta shaxsiy doirada bo'lishi mumkinligini yodda tutish muhim. O'tmish tajribalari kishilarning turli ranglar borasidagi hissiyot va bu ranglarga munosabatini shakllantirishda muhim rol tutishi mumkin.

💙 Ba'zi insonlar moviyga mahzun yoki sokin rang sifatida qarashsa, boshqalar bu rangni osoyishta yoki ruhlantiruvchi deya talqin qiladilar.

https://telegra.ph/Moviy-rang-07-06

@getpsychedup

🔖 Framingham Heart Study tomonidan Framingham, Massachusetts shtatida o’tkazilgan 2008-yilgi tadqiqot 1983-yildan 2003-yilgacha 4,739 sonli kishini bir qiziqarli savolga javob izlash maqsadida kuzatib bordi: Bizning baxtlilik darajamiz atrofimizdagi insonlarning baxtlilik darajasiga bog’liqmi?

🗒 Tadqiqot natijalariga ko’ra, siz bilan1 kilometr masofa oralig’ida yashovchi do’stingizning xursand bo’lishi sizning ham xursand bo’lishingiz ehtimolligini taxminan 25%ga oshiradi.

🔸Ushbu natijalar er-xotinlar (25%gacha yaxshilanish), aka-uka, opa-singillar (28%gacha) hamda yonqo’shnilar (70%gacha)ga ham tegishli edi.

🔹Qiziqarlisi shundaki, birga ishlovchi hamkasblarning baxtlilik darajasi bir-birinikiga hech qanday ta’sir ko’rsatmagan.

♻️Bularning barchasi nimani anglatadi? Atrofingizni iloji boricha ko’proq baxtli insonlar bilan to’ldiring, chunki ularning baxt hissi sizga ham o'tishi ehtimoldan xoli emas.

@getpsychedup

🔎 Hozirgacha o'tkazilgan tadqiqotlar natijasi itlar va shimpanzelarning insonlar kabi turli emotsiyalarni his qila olishini ko'rsatmoqda.

@getpsychedup

Yashar ekanman baxtli bo'laman...
Yashar ekanman baxtli qilaman.
Tabiiyki, baxtsiz ham bo'lishim mumkin...
Ammo toki hayot ekanman noumid va noshukur bo'lmayman.

- Shams Tabreziy


@getpsychedup

💡 Miyani charxlashning sodda usullari

♻️@getpsychedup

🎯 Istak bo'lsa, vaqt ham imkoniyat ham topiladi

@getpsychedup

Fikr nima?

🤔 Javob berish mumkin bo'lgan oddiy savol deb o'ylashingiz mumkin: fikr, bu shunchaki biror narsani amalga oshirishingizga turtki bo'luvchi ongingizdagi so'zlar, tog'rimi? Aslini olganda, bu savol olimlarni o'n yillardan beri qiynab kelgan va aniq javob esa hanuzgacha tadqiqot mavzusi bo'lib kelmoqda.

Fikrlarning emotsioanal ta'siri haqida nima deyish mumkin?

🔹 Fikrlarimiz miyamizda joylashgan neurotransmitterlarga o'z ta'sirini ko'rsata olishi mumkinligi haqida bilamiz.
Ijobiy fikrlash kasalliklar bilan kurashishda yaxshi immunitetni ta'minlay olsa, deppressiv fikrlar immunitetning pasayishiga olib kelishi mumkin.

📢 Aytaylik, agar siz ertalab boshingizni ko'rpaga burkab oldingiz va bu tabiyki, boshqa fikrlarning faollashuviga, misol uchun "Men charchaganman," " O'rnimdan tura olmayman," yoki "Hayot juda og'ir,".. olib keladi hamda miyangizdagi o'zaro murakkab munosabatlar tanangizning boshqa qismlariga xabar berishi mumkin.

📨 Buning o'rniga o'rningizdan turib "Bu unchalik ham yomon emas," "Endi boshlab ham oldim" yoki "Bugun hayotimdagi eng ajoyib kun bo'ladi" deb o'ylasangiz, nerv hujayralaringizga(neyronlarga) yuboruvchi xabarlar ham o'zgacha bo'lishi tabiiy.

Biz bu jarayonning barcha nozik qirralarini halicha bilmasak-da, fikrlaringiz ahamiyatli ekanligini aytish uchun bu yetarlidir.

Fikrlaringizni qanday o'zgartira olashingiz mumkin?

🗯 Fikrlaringizga nima turtki bo'layotganligi to'g'risida aniq tasavvurga ega bo'ling, ana shunda siz hissiyotlaringiz va o'z sog'ligingizni o'zgartira olish kuchiga ega bo'lasiz.

⏰ O'rnidan turishni istamagan kishi misolida uning fikrlariga ta'sir qilayotgan narsa budilnik bo'lishi mumkin. Sizda budilnik va "Men o'rnimdan turishni xohlamayman."degan fikr o'rtasida mental assotsatsiya mavjud. Bunday munosabatni o'zgartirish uchun siz yo bu fikrning sababchisini o'zgartirishingiz yoki bu fikrga tegishli assotsatsiyaga barham berishingiz kerak.

📆 Buni uddasidan chiqishning bir usuli 30 kun davomida, u siz uchun odat tusiga aylanmaguniga qadar o'zingizni boshqa fikrlarni o'ylashga undang. Misol uchun, 30 kun davomida o'zingizni "Men o'rnimdan turishni juda yaxshi ko'raman" deb o'ylashga majburlashingiz mumkin. Buning natijasi qanday bo'lishini kuzating. Agar bunday o'ylash biroz haqiqatdan yiroq bo'lsa, unda "Bu unchalik yomon emas. Agar buni eplay oladigan bo'lsam, erta turganimdan xursand bo'laman." deyishga urinib ko'ring.

Yoki yaqinda bo'ladigan taqdimotdan xavotir olyapsizmi?

🚫 Bezovtali o'y-xayollar "Yaxshi bo'lib o'tmasachi? Juda xavotirdaman" sizni xavotir va bezovta hislar qurshovida qoldiradi, aksincha ✅ "Men qo'limdan kelganicha harakat qilyapman" degan birgina fikr tanangizga tinchlanish mumkinligi to'g'risidagi xabarlarni yetkazishga yordam beradi.
https://telegra.ph/Biz-oylayotganimizda-tanamizda-nimalar-roy-beradi-07-08

@getpsychedup