Jang maydoniga hujumga kirayotgan askar birinchi o’qdayoq halok bo’ladi. Lekin diqqat askarga emas, uning formasiga qaratiladi. Askarlar bir yerda dafn etiladi, formalar esa yig’ib olinib, tozalangandan so’ng, yangi safarbar qilinganlarga yuboriladi.

O’sha harbiy kiyimni maktabni yaqindagina bitirgan, biroq allaqachon propaganda qurboniga aylangan Paul Baumer oladi.

Ekranlashtirilgan mashxur roman - “G’arbiy frontda o’zgarish yo’q” filmiga taqriz: https://azizapulatova.medium.com/ekran-yuzini-korgan-roman-garbiy-frontda-o-zgarish-yo-q-filmiga-taqriz-e3a69cb1655a

@pslog

Odamlarning gap-so’ziga qulog’ingni berkit. Barchasini yangitdan boshla va bundan aslo qo’rqma!

Endi insonlarning emas, aksincha, orzularing ortidan yugur. Ro’yobga chiqishini istagan qanday niyat qilgan bo’lsang, haqiqatga aylantir. Ko’ngling tusagan nima bo’lsa, barchasini qil. Mark Tven shunday degan edi: Oradan 20 yil o’tib, qilganlaring uchun emas, qila olmaganlaring uchun ezilasan. Iloji boricha xatolaringni tuzat. Mustahkam kemada uzoqlarga yelkan och. Shamolni izla, uni tut va his qil.

Hayot seniki. Yashash go’zal. Sen chiroyli umr kechirishga qodirsan.

✍️ Mirach Chag’ri Oqtosh

https://azizapulatova.medium.com/hayot-yutqazgan-joyingdan-boshlanar-93bb74c90068

@pslog

Tanamiz his-tuyg'ularimizning eng sukunatli, biroq eng kuchli tilidir...

Ko'krakda og'irlik hissi, mushaklar tortishishi, ko'ngil aynishi... Bularning barchasi aslida bostirilgan his-tuyg'ular va xavotirning boshqa bir ko'rinishi bo'lishi mumkin.

Compassionate Inquiry tananing biz bilan so'zlashayotgan ovozsiz tilini tushunishga va o'zimizni yanada chuqurroq anglashimizga yordam berishi mumkin. 🌱

✅ A psychotherapeutic approach developed by Dr. Gabor Maté

https://azizapulatova.medium.com/tananing-sadosiz-tili-compassionate-inquiry-qarashi-b3157f114abc

States of mind...

Bir psixiatrning sirli kundaligi | Kitob taqrizi

https://azizapulatova.medium.com/bir-psixiatrning-sirli-daftari-59850dc1832e

💭 Holdan toyish ortida doimo ish yuki turavermaydi.


Shaxsiy chegara masofa yaratish uchun emas, balki siz va qarshingizdagi insonga tegishli zonalarini asrab qolish uchun kerak. “Yo’q” deya olmaganingizda o’z ehtiyojlaringizni keyinga o’ringa surasiz va oqibatda horg’in, qizishgan va hafsalasiz kishiga aylanasiz.


Sog’lom chegaralarni qo’yganingizda esa, o’z energiyangizni asraysiz va ishtiyoq o'sishiga yo'l berasiz.

🌱 Chunki, chegara o’rnatish boshqalarni rad etish emas, balki o’zimizni inkor qilmaslikdir.

@pslog

💭 Bolaga qachon cheklov qo’yish kerak deb o’ylaysiz?

Florian, 14 yoshda. Onam menga ko’ngli bo’shlik qilyapti. Ba’zan qattiqroq turishini, masalan, uy vazifalarimni bajarmasam, ko’chaga chiqishga ruhsat bermasligini xohlardim. Vaqti kelganda, o’zimga o’zim cheklovlar qo’yishga qiynalaman, shuning uchun o’rtoqlarim bilan hali u yoqda, hali bu yoqda sang’ib yuraman. Men, bolalarim baqir-chaqir qilganda ham ko’ngli tusagan har ishni qilaverishiga to’sqinlik qilgan bo’lardim. Hech shubhasiz. Hayotda qiynalishlarini xohlamayman. Bo’lmasa, hamma nima qilsa, shuni qiladigan, o’ziga o’zi cheklov qo’ya olmaydigan bo’lib qolishadi. O’zlari xohlagan yo’lni tanlagan taqdirda ham, mustaqil bo’la olishmaydi.

Bolaga ko’ngli tusagan har qanday ishni qilishga ixtiyor bermaslik, yetuklikda unga mustaqil bo’lish fursatini berish demaktir…

📕 Catherine Mathelin “Freud’a ne yaptik da çocuklarmiz böyle oldu?”

@pslog

Yaponlarning fikricha, kishida uch qiyofa bo'ladi. U birinchi qiyofasini atrofdagilarga ko'rsatadi. Ikkinchi qiyofasini yaqin do'stlari va oilasiga ko'rsatadi. Uchinchi qiyofasini esa hech kimga ko'rsatmas ekan va bu uning asl qiyofasi ekan…

@pslog

#psixologikfakt

Ahmoqona savolga sarkazm bilan javob qaytara olish qobiliyati miyaning sog'lom ishlayotganidan darak beradi.

@pslog

Hayotga havasini yo’qotgan 23-yoshli bu yigit universitetni tark etib, 3 yildan buyon uyidan tashqariga chiqmaydi. Telefon va gadjetlarga mixlanib qolgan.

“Hech narsa qilgim kelmagani ichun, cho’milmayman ham. Qo’limdan kelsa hojatxonaga ham bormasdim, ovqat ham yemasdim. Bularni majburdan qilaman”

P.S Hikokomori ga o’xshash holat.

@pslog

Brain Rot – Chindan ham miya chirishi mumkinmi?

“Brain Rot” insonning aqliy yoki intellektual holatining yomonlashuvini ifodalaydi. Bu holat internetdagi past sifatli yoki qiymatsiz kontentni ko’p iste’mol qilish bilan bog’liqdir. Tik tok kabi platformalarda yoyiladigan qisqa va “diqqat o’g’irlovchi” kontentlar ichiga sho’ng’ib ketish holati, ushbu atamaning zamonaviy ma’nosi yaralishiga sabab bo’ldi.

Aslida bu atamani ilk bor 19-asrda Henry David Thoreau o’zining Walden nomli asarida qo’llagan edi. Thoreau olomonni fikr qashshoqligida ayblar ekan, shu savolni bergan edi:

“Angliyada kartoshka chirishi xavfini oldini olishga chora ko’riladi-yu, undan xavotirliroq va xavfliroq bo’lgan miya chirishiga indamay qarab turiladimi?”

Hozirda esa bu atama ekran qarshisida ko’p o’tirish natijasida yuzaga kelgan aqliy charchoqni tasvirlash uchun ishlatiladi.

https://azizapulatova.medium.com/brainrot-chindan-ham-miya-chirishi-mumkinmi-e5e8c5ac348b

@pslog

Menimcha, deya davom etdi Breuer, “inson, charchoqqa soluvchi yashash tarzini tanlash orqali, o’zi bilmagan holda kasallikni o’ziga chaqirgan bo’lishi mumkin. Bu stress tobora oshsa yoki surunkali davom etadigan bo’lsa, ayrim tana a’zolari faoliyatining qo’zg’alishiga sharoit yaratadi.

Aniqroq aytadigan bo’lsak, odam kasal bo’lishni emas, stress girdobida qolishni tanlaydi. Kasallikni chaqirgan esa aynan shu stressdir!

Shu boisdan, bizning dushmanimiz stress bo’ladi va mening shifokor sifatidagi vazifam hayotimizdagi stressni kamaytirishga hissa qo’shish.”


📖 “Nitsshe yig’laganda” – Irvin Yalom

@pslog

Shu kunlarda Irvin Yalom’ning “Nitshe yig’laganda” kitobini o’qiyapman.

Voqealar psixoanaliz tug’ilishi arafasidagi 19-asr Vena shahrida bo’lib o’tadi. Ziyoli insonlar qurshovi. Havo sovuq…

Nitsshe. Ikki kitobi haliyam nashrdan chiqmagan, hech kim tanimaydigan bir filosof. Tanholikni tanlagan. O’z dardlariga quchoq ochgan. Bor-budi, bitta chamadon va ongida yaratayotgan kitoblar. Rafiqasi, odamlar orasidagi mas’uliyati va hech qanday vatani yo’q. Umidsiz. Yolg’izlikni yoqtiradi.
Breuer; Insonni tashhislash borasida afsonaviy bir daho. Umidsiz kishilarning eshigini taqillatgan shifokor. Psixoanalizning ilk asoschilaridan biri.
Freyd; Breur’ning do’sti. Hali yosh. Kelajagi porloq.
Salomé; Erkaklarning boshini aylantiradigan ayol. Ayniqsa rassom va olimlarni tanlaydi.

Kitob: Umidsizlik haqida. O’zi va hayot bilan yuzma-yuz kelishdan chekinmaydiganlar uchun…

@pslog

Swipe left or right? – “Bowlby Tinder a’zosi bo’lsaydi…”

John Bowlby hozir hayot bo’lsaydi…ehtimol, bog’lanish uslublari analizi bilan shug’ullanish o’rniga Tinder ilovasining ishlash mexanizmi ustida bosh qotirayotgan bo’lardi.

https://medium.com/@pulatovaaziza/bowlby-tinderda-bo-lsaydi-ff1337aa9cb4

@pslog

Hamma bolalar kun kelib ulg’ayadi, hayot haqiqatlarini anglay boshlaydi. Lekin ba’zi bolalarda bu ertaroq yuz beradi, xuddi Zeze’ga o’xshab…

https://azizapulatova.medium.com/kunlarning-birida-qayguni-kashf-etgan-bir-bolakay-hikoyasi-77c4338eeba1

🍂 “Har kuni bir oz yaqinroqda”
🖊️ İrvin Yalom

Psixiatr Irvin Yalom o’z bemori bo’lmish yosh, qobiliyatli yozuvchi Ginny Elkin’ni terapiya tajribasi haqida birgalikda yozishga taklif qiladi. Psixiatr va bemor seanslarga oid bir-birlaridan ayro kundaliklar tutishni boshlaydi. Shu tariqa, terapevt va bemor o’rtasidagi munosabatlar qil ustida qurilishini ko’rsatuvchi bir kitob dunyo yuzini ko’radi. Terapiya jarayonini boshdan kechirishga va psixoterapiyaning qanchalik manfaatli bo’lishi mumkinligiga qiziquvchilar uchun. Bu kitobni o’qish ayni paytda terapiya ko’rayotgan kishiga noqulaylik his qildirishi mumkin. Bunga sabab kitobda bir xil tajribaga qaraydigan ikkita alohida ovoz mavjudligida.

Ham terapiya stoli ortida, ham qarshisida bo’lish tajribalarini boshdan kechirganlargina, Ginny’ning bora-bora o’zi haqida ongli xulosalarga ega bo’lib borishini kuzatish orqali ko’p narsalarni o’rganishi mumkin.

@pslog

Nevrolog olim Oliver Sacks ushbu kitobda 24 tur kasallik haqida so’z yuritadi. Xotinini shapka deb o’ylagan odam, amneziyasiga nisbatan amneziya holatida bo'lgan, o'zini 19 yoshli navqiron yigitdek his qiladigan dengizchi, ichida tinmay musiqa chaladigan ayol, ikki oyoqli ensiklopediya va shu kabi boshqa bir-biridan g'aroyib hayotiy hikoyalarni faqatgina shu kitobda topishingiz mumkin 💫

Xotinini shapka bilan adashtirgan odam

Bu hikoya vizual agnoziyaning o’zgacha bir turi haqida boradi. Dr. P. musiqa maktabida o’qituvchilik qilardi. Ba’zida o’quvchilardan biri unga o’zini tanishtirsa, Dr. P. uni tanimas, aniqroq aytganda, bu o’quvchining chehrasini ko’z oldiga keltira olmas edi. O’quvchi gapirar-gapirmas, ovozidan uning kimligini faxmlab olardi. Dr. P ariqdagi suv va yo’l belgilarini bolalarning boshi deb, mehr bilan siypalar, predmetlarni insonlar sanab, ularni gapga tortishga harakat qilardi. Uning musiqiy iqtidori havasqilarli darajada ajoyib edi. O’zini esa har doimgidan ham ko’ra yaxshiroq his qilardi. “G’alati hodisalar” yuz berayotganini bilishiga 3 yil kerak bo’ldi va bu orada u diabetga chalindi. Qand kasalligining ko’rishga ta’sirini oldini olish uchun, ko’z shifokori huzuriga boradi. Ko’z shifokori esa unga ko’zlarining sog’lomligini, biroq miyasining ko’rish bilan bog’liq sohasida muammo bo’lishi mumkinligini aytadi. Ko’z shifokorining tavsiyasi bilan Dr. P. Oliver Saks ko’rigiga ketadi. Ko’rik vaqtida Dr. P rafiqasining boshini chindan ham o’zining shapkasi deb o’ylaydi!

A.S. Luria o'zining “Dunyosi parchalangan inson” kitobida miyasining o’ng yarimkurrasida jiddiy bir hastaligi bo’lgan bemor haqida aytadi.

Luria ta’riflagan Zazetskiy’da “xayolot olami” saqlanib qolgan bo’lsa-da, u avvalgiday shatranj o’ynay olmasdi. Zazetskiy va Dr. P bir olamda yashardilar. Lurianing aytishicha, ular orasidagi achinarli farq shunda ediki, Zazetskiy “la’natlangan inson” day yo’qotgan sezgilarini tiklash uchun astoydil kurashsa, Dr. P.ning esa bu xayoliga ham kelmas, nimalardan mosuvoligini o’zi ham bilmasdi.

@pslog

“Kasalliklarsiz ham yashay olgan bo’larmidik?”

"Hayvonlar ham kasal bo’lishadi, lekin faqat insonlar kasallikdan og’rib, yotib qolishadi."

“Oyog’i yoki ko’zini yo’qotgan inson nimadan mahrum ekanligini biladi; shaxsini yo’qotganida esa, inson hech narsani bila olmaydi, sababi buni biladigan hech vaqosi qolmagan bo’ladi.”

“Populus vult decipi, ergo decipiatur." – Insonlar aldanishni istaydilar, qo’yavering, aldanaversinlar.

Oliver Sacks, "Xotinini shapka bilan adashtirgan odam"

Kitobdagi boshqa hikoyalarni bu yerda o'qishingiz mumkin: https://medium.com/@pulatovaaziza/xotinini-shapka-bilan-adashtirgan-odam-85142344af1c