Miyamizning 10 foizinigina ishlatishimiz haqiqatmi?

Ko’pchilikda katta qiziqish uyg’otgan Lucy filmidagi bosh qahramon sanalmish Lucy obrazini Skarlet Johanson jonlantirgan. Filmdagi yetakchi g’oya inson o‘z aqliy salohiyatining atigi 10 foizidan foydalanadi, degan uydirmadan iborat.

Film inson miyasini 100 foizdan ortiq ishlata olmaydi, agar ishlata olganida super qobiliyatlar egasiga aylangan bo’lar edi, degan yanglish fikr ustiga qurilgan. 20-asrning mashhur psixologi Uilyam Jeyms “Biz o‘z aqliy imkoniyatlarimizning to’liq foydalana olmaymiz”, — deb aytgan edi. Vaholanki, u aslida miyaning noto’liq ishlashini emas, balki insonning irodasizligini, dangasaligini nazarda tutgan edi. Miyaning 10 foizigina ishlashi haqidagi yanglish fikr 1900-yillarda Karl Lashley ismli neyrojarroh ishlari sabab paydo bo’lgan. Shu tariqa, oddiy odam o‘z aqliy salohiyatining atigi 10 foizidan foydalanishi haqidagi asossiz fikrlar keng yoyilgan.

Ammo miya skanerlari tadqiqotlaridan yaxshi ma'lumki, biz miyaning barcha sohalarini bir vaqtning o‘zida ishlatmasak-da, undan to'laqonli(ya'ni,100 foiz) foydalanamiz.

Bo‘ron-u to‘fonlarning barchasi hayotimizni yakson qilish uchun kelmaydi. Ayrimlari hayotimizdagi ortiqcha narsalarni supurib-uchirib ketadi.

@pslog

Xafa bo'lmagin,
hammasi yaxshi
bo'ladi degin!

Yashash – yaxshi.
Shuni esga ol,
bo'ladi yaxshi!

Qushlar-u
asalarilarga,
Muzqaymoq,
bulutlar va
ko'zguga boq
quvonasan shu choq.

Kappuchino,
Limon choy isi
Bunga qo'shimcha
Javondagi kitobning hidi

Xafa bo'lmagin,
hammasi yaxshi
bo'ladi degin!

Yashash – yaxshi.
Shuni esga ol,
bo'ladi yaxshi!

@pslog

Doim sizni eng ko'p qo'rqitayotgan tanlovni tanlang, chunki u SIZNI rivojlanishingizga yordam beradigan birdan-bir qaror bo'ladi!

@pslog

O‘shanda hali bola edim. Onam mashaqqatli ish kunidan qaytib, har kech biz uchun non pishirardi.
Bir kuni vaqt allamahal bo‘lgan, onaizorim shosha-pisha biz uchun kechki ovqat tayyorlardi. Bir ozdan keyin u otamning oldiga ovqat va non qo‘ydi. Mening ikki ko‘zim nonda edi. Kimdir nonning kuyganiga e’tibor berarmikan deb kutib turdim.
Lekin otam nonni indamasdan chaynadi va mendan maktabdagi kunim qanday o‘tganini so‘radi.
O‘sha kun unga qaytargan javobimni eslay olmasam ham, ovqatdan keyin volidamning otamga non bir oz o‘tib ketganini ming xijolat bilan aytgani kechagidek qulog‘im ostida.
Otam o‘sha kuni jilmayib turib, onamga “Azizam, kuygan non menga yoqadi-ku,” dedi.
Uxlashdan oldin otamga xayrli tun tilash uchun uning oldiga kirdim va undan kuygan nonni rostdan ham yaxshi ko‘rish-ko‘rmasligini so‘radim. Otam meni bag‘riga bosib, qattiq quchoqladi.
“O‘g‘lim, onang kun uzoq ishlab, juda charchagan. Bir marta kuygan non yesam, menga biror nima bo‘lmaydi. Lekin, yomon so‘z onangni qattiq jarohatlagan bo‘lar edi,” dedi.

Biz barchamiz xom sut emgan bandalarmiz. Kezi kelganda muhim sanalarni, zarur narsalarni, burchlarimizni esdan chiqarib qo‘yamiz. Shuncha yillar mobaynida o‘rganganim shuki, bir-birimizni kamchiliklarimiz bilan qabul qilishimiz kerak. Boisi, hayot afsuslar bilan uyg‘onish uchun juda ham qisqalik qiladi.

© Abdul Qalam

Manba: kh-davron.uz

Hissiyotlarni aniqlashni sizga kim o'rgatgan?

Gʻazab hissi turli insonlar tomonidan turlicha ifodalansa ham, uning birdan-bir sababi — adolatsizlik.

Koʻngil qolishining sababi esa, kutilgan natijalarga erishilmagani.

Umidsizlikning sababi — maqsadingiz yoʻlida toʻsiqqa uchrash hissi.

Ularga eʼtibor qaratish insonlarni yaxshiroq tushunish va qabul qilishga yordam beradi.

https://link.medium.com/TacjxOylJob

Hayot - hissiyotlar bilan yashaydigan uchun tragediya, aql bilan yashaydigan uchun esa komediyadir.

~ Jan de Labryuyer

@PsLog

Psixiatr Aoron Bek tomonidan ishlab chiqilgan kognitiv terapiya g'oyasiga ko'ra, tushkun kayfiyat odamlarning o'z hayotiy tajribalarini idrok etishdagi buzilishlar tufayli yuzaga keladi.

Masalan, ruhiy tushkunlik(depressiya)ga chalingan odam faqat salbiy voqealarga e'tibor qaratib, ijobiy narsalarni esa bee'tibor qoldirishi mumkin.

Oddiy misol. O'qituvchi o'z o'quvchisini ham maqtaydi, ham tanqid qiladi. Agar o'quvchi maqtovga e'tibor berib, ertasi kuni uni eslasa, u o'zini a'lochi bolalardek his qilishi mumkin. Biroq, agarda u tanqidga e'tibor berib, ertasi kuni ham bu haqda o'ylashda davom etsa, u o'zini landovur his qilishni boshlashi mumkin.

@pslog

Inson ijodkorlikdan to'xtamaydi: xoh so'zlari, xoh ko'zlari, xoh sadolari bilan dunyoni qaytadan kashf etaveradi.

Insoniyatning qoʻl mehnatiga asoslangan manufaktura sanoatidan mashinalashgan yirik industriyaga oʻtishi uchun sakkiz ming yil kerak bo'ldi. Sanoat to'ntarishidan atigi 120 yil o'tib lampochka ixtiro qilindi. Undan 90 yil o'tib inson birinchi marta oyga qadam qo'ydi. Hech qancha vaqt o'tmay(atigi 22 yil) Internet dunyo yuzini ko'rdi. Tarixiy kashfiyotlardan shu narsa ayon bo'ladiki, olamshumul ixtirolar yaratilishi uchun uzoq muddat kerak emas. Bu insoniyat tafakkurining taraqqiy etib borayotganidan darak beradi. Bugungi kunda dunyoning turli mamlakatlarida noodatiy arxitektura yodgorliklarini uchratish mumkin. Arxitektura mo'jizalaridan biri noodatiy uslubda qurilgan Sopot, Polshadagi Drunk building

Bu bino 2003-yilda qurilgan bo'lib,.“Rezident” savdo markazining bir qismini tashkil qiladi. Unda savdo do‘konlari, restoran, ko‘ngilochar o‘yinlar markazi va bitta radiostansiya joylashgan.

@pslog

Qanchalik sevsang ham, ko'rmagan yuzing asta-sekin unutiladi. Baxt bu sevgan insoningga yaqin bo'lishdir.

© O'rxan Pomuq 

@pslog

Hayotda olg'a qadam tashlash uchun..

Odamlar sizdan tortib ola olmaydigan narsalar ustida ko'proq ishlang. Bular sizning fikringiz, xarakteringiz, shaxsiyatingiz, halolligingiz, butun borlig'ingiz kabi narsalardir.

@pslog