⭕️⭕️⭕️
2026-yil uchun oliy taʼlim va ilmiy tashkilotlarida stajyor-tadqiqotchi, tayanch doktorantura va doktoranturaga Oʻzbekiston Respublikasi davlat budjeti mablagʻlari hisobiga oʻqitish uchun qabul kvotalari quyidagicha belgilandi:

Doktoranturaga - 718 ta;
Tayanch doktoranturaga - 4182 ta;
Stajyor-tadqiqotchilikka - 400 ta.

Jami 5300 ta.

Avgust oyida ilmiy va ta’lim tashkilotlari kesimida ixtisosliklar bo‘yicha oliy ta’limdan keyingi ta’lim institutlarining samaradorlik ko‘rsatkichlariga asosan qabul kvotasi tasdiqlanadi.

👉 @ilmiy_darajali_kadrlar

Bugungi kunda O‘zbekistonda ilmiy izlanuvchilar soni 31 932 nafarni tashkil etadi.

Shundan 19 614 nafari mustaqil izlanuvchi, 12 318 nafari esa davlat budjeti hisobidan tahsil olayotganlar.

Bu raqamlar 38 milliondan ortiq aholiga nisbatan qariyb 0,08 foizni tashkil qiladi. Taqqoslash uchun: Germaniyada bu ko‘rsatkich 0,3 foiz, AQShda esa 0,2 foiz atrofida. Shunga qaramay, O‘zbekistonda mustaqil izlanuvchilar ulushi yuqoriligi jamiyatda ilmiy madaniyat va shaxsiy tashabbus kuchayayotganidan dalolat beradi.

Jahon amaliyotiga nazar tashlasak, PhD’ni o‘z vaqtida yakunlash ko‘rsatkichlari ham turlicha:

AQSh va Kanadada 10 yil ichida PhD’ni yakunlash darajasi 56,6 foizni tashkil etadi. Bu ko‘rsatkich gumanitar yo‘nalishda 49 foiz, muhandislikda esa 63,6 foiz.

Buyuk Britaniyada grant beruvchi kengashlar doktorantlardan 4 yil ichida 70 foiz submission ko‘rsatkichini kutadi, biroq real yakunlash foizi bundan pastroq.

OECD ma’lumotlariga ko‘ra, ko‘plab davlatlarda doktorantura nazariy jihatdan 3 yil qilib belgilangan bo‘lsa-da, amalda ko‘pincha 6–10 yil davom etadi.

Xalqaro tajriba shuni ko‘rsatadiki, doktorantlarning atigi 15–30 foizi ishini o‘z vaqtida yakunlaydi. O‘zbekistonda esa statistikaga ko‘ra, qabul qilinganlarning 30–35 foizi o‘z vaqtida himoyaga yetib boradi.

Shunday bo‘lsa-da, O‘zbekistonda bugun 32 mingga yaqin izlanuvchi faoliyat yuritayotgani — bu katta ilmiy kuch va salohiyatdir. Jahon amaliyoti o‘z vaqtida yakunlashning oson emasligini ko‘rsatadi, biroq mavjud raqamlarning o‘ziyoq mamlakatimizda ilmga bo‘lgan qiziqish va intilishning kuchli ekanini namoyon qiladi. Agar sifat masalasiga alohida e’tibor qaratilsa, bu ko‘plab yangi himoyalar, kuchli maqolalar va xalqaro miqyosda tan olingan ilmiy maktablarga olib keladi.

👉 @ilmiy_darajali_kadrlar