#قصص_الأنبياء
#الحلقة_الثانية_والعشرون
#قصة_يوسف(٤)
#الخروج_من_السجن

وقفنا المرة إللي فاتت عند يوسف عليه السلام لما طلب من الساقي إللي فسرله الرؤيا إنه يحكي قصته عند الملك،
لكن الساقي نسي موضوع يوسف عليه السلام بتقدير من ربنا، وقعد يوسف في السجن حوالي من ٣ إلى ٧ سنين، المدة بالضبط غير معروفة🤔
"وَقَالَ لِلَّذِي ظَنَّ أَنَّهُ نَاجٍ مِنْهُمَا اذْكُرْنِي عِنْدَ رَبِّكَ فَأَنْسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ"

في يوم من الأيام الملك رأى رؤيا، رأى إن في سبع بقرات ضعاف هزلانين بياكلوا سبع بقرات سِمان وطخان كده وحلوين😅
فقام من النوم مفزوع😳..ليه...لأن الطبيعي إن القوي السمين هو إللي ياكل الضعيف مش العكس🙃
فنام تاني ورأى سبع سنبلات يابسة بيتلفوا على سبع سنبلات خضراء وبيخلوهم يابسين زيهم، فقال باااس كده الموضوع فيه إنّ😨
"وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنْبُلَاتٍ خُضْرٍ وَأُخَرَ يَابِسَاتٍ"
جمع السحرة والكهان والوزراء وحكى لهم الرؤيا...وقالهم إيه رأيكم ؟ حد يفسرلي الرؤيا دي😥
فقالوا له كلهم : رؤيا إيه بس🙄
دي أضغاث أحلام ...أوهام ....وإحنا مش اختصاصنا تفسير الأحلام🤷‍♂️ إحنا بنفسر الرؤى بس لو دي رؤيا كنا فسرناها على طول😊
"قَالُوا أَضْغَاثُ أَحْلَامٍ وَمَا نَحْنُ بِتَأْوِيلِ الْأَحْلَامِ بِعَالِمِينَ"

☆يعني مش بس جهلة ، لأ ده يفتوا بغير علم، وكمان إيه بيجزموا بكده، يعني حتى مش شايفين إحتمال إنهم يكونوا غلط🙄 لأ ده كمان ادعوا الفضل لنفسهم: لو كانت رؤيا كنا عرفناها😤
أمّال يعني تضيع هيبتهم وإنهم مش عارفين😏
فينكروا الموضوع كله ونخلص😑
ولو أخدتم بالكم هتلاقوا النوعية دي في حياتنا ، تيجي تقوليلها معلومة إنتي سمعتيها من دكتور ولا حاجة تقولك لالا الكلام ده مش، ده الصح كذا وكذا😤
وخدوا بقى من ده كتير في الدين تلاقوا أحلى جهل وأحلى فتي🤓
تقولي لواحدة على حكم حاجة ولا تقوليلها معلومة، تقولك لأ مش صح🙄 أصل بالعقل كده إزاي يعني🤔ده الصح كذا😤
طيب ياحاجة والحديث ولا الآية بتقول كده😅
تقولك: لالا تفسيرها مش كده ..إنتم بتفسروا الدين على مزاجكم😑
طيب ياستي كلام العلماء وتفسيرهم كذا كذا تقولك : لا العلماء دول متشددين 😒وهي أصلا مبتعرفش تقرأ حتى قرآن صح 🤦‍♀️
مش فاهمة إن العلماء دول بيرجعوا للصحابة والتابعين وتابعي التابعين إللي رسول الله صلى الله عليه وسلم قال عنهم إنهم أفضل القرون على الإطلاق وبيشوفوهم فسروا الآيات والأحاديث فسروها وعملوا بيها إزاي، يعني مش بيخترعوا دين جديد ولا حاجة🙄
فالسحرة والكهان مقالوش حتى خلينا نبحث المسألة وندور، لأ ده قالوها خبط لزق كده ...دي أضغاث أحلام 😤

مين بقى إللي كان موجود في اللحظة دي وسمع الحواااار 😁
ساقي الملك 😉 إللي طلع من السجن ونسي خااالص موضوع يوسف .
وفي وسط القصر والملأ قاعدين والسحرة والكهنة والملك قاعد محتار يطلع صوت فجأة حد بيقول : أنا هقولكم تأويل الرؤيا دي إيه🙋‍♂️
"وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَا أُنَبِّئُكُمْ بِتَأْوِيلِهِ "
طبعا الكل بص مين إللي بيتكلم لقوه ساقي الملك🤨
وكأن نظراتهم ليه ساعتها بتقول : يعني إنت إللي هتجيب التايهة يا فالح😏
فعلى طول قال: ابعتوني بس للسجن في واحد هناك هو إللي هيفسر كل حاجة 👌
"فَأَرْسِلُونِ"
في اللحظة دي بس افتكر يوسف عليه السلام، وقال بكل ثقة إنه هيجيب لهم قرار الموضوع، وده بسبب ثقته الشديدة في يوسف عليه السلام😊
وفعلا بعتوه للسجن ودخل الساقي على يوسف عليه السلام
وأول ما بدأ كلامه مدحه وأثنى عليه يعني هو مش ناسي إن هو من المحسنين.
"يُوسُفُ أَيُّهَا الصِّدِّيقُ أَفْتِنَا"
حكى له الرؤيا وقاله إيه تفسيرها لعلي أرجع وأقول الناس عشان يعرفوا يتصرفوا إزاي وكمان عشان يعرفوا عنك وعن مكانتك فيكون ده سبب في إنك تخرج من السجن.
لأن الساقي خاف هنا إن يوسف عليه السلام ميرضاش يقولهم 😅
"أَفْتِنَا فِي سَبْعِ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعِ سُنْبُلَاتٍ خُضْرٍ وَأُخَرَ يَابِسَاتٍ لَعَلِّي أَرْجِعُ إِلَى النَّاسِ لَعَلَّهُمْ يَعْلَمُونَ"
يعني واحد سجنتوه ظلم ونسيتوه وبعدين في الآخر عايزيني أساعدكم🙄

لكن يوسف عليه السلام فسّر لهم الرؤيا وحتى ماشترطش إنه يطلع من السجن الأول في مقابل إنه يفسّر لهم الرؤيا،

قالهم: تزرعوا الأرض سبع سنين مستمرة وإللي تحصدوه خلوه في السنابل بتاعته حتى لا يَيبس ولا يفسد،
بس هتاخدوا إللي إنتم محتاجين تاكلوه، لأن هييجي بعد كده سبع سنين شداد، فيهم جدب وقحط ومفيش مطر فمش هتلاقوا حاجة تاكلوها إلا إللي إنتم خزنتوه،
وبعد كده هييجي عام هينزل فيه المطر والأوضاع تتحسن.
فوضح لهم الموضوع كله بكل أمانة 👌

"قَالَ تَزْرَعُونَ سَبْعَ سِنِينَ دَأَبًا فَمَا حَصَدْتُمْ فَذَرُوهُ فِي سُنْبُلِهِ إِلَّا

#قصص_الأنبياء(٢)
#السيرة_النبوية
#الحلقة_الثانية_والعشرون
#بين_هجرة_الحبشة_الأولى_والثانية

وقفنا المرة إللي فاتت عند إسلام عمر بن الخطاب وشوفنا إنه من بعد ما أسلم على طول راح نشر إسلامه في مكة كلها😅
وكان سبب إن المسلمين المستضعفين يصلوا عند الكعبة،
ويُقال في رواية فيها ضعف:
إنه لما أسلم قال لرسول الله :
يارسول الله مش احنا على الحق وهم على الباطل؟
فرسول الله قال له : نعم!
فقال عمر :طيب ليه نستخبى منهم خلينا نظهر إسلامنا👌
وخرج المسلمين صفين في مقدمة الصف الأول حمزة بن عبد المطلب،
ومقدمة الصف الثاني عمر بن الخطاب ويتقدمهم رسول الله صلى الله عليه وسلم،
فلما كفار مكة شافوهم اتغاظوا واتنكدوا جدا 👌
《من كتاب: ما شاع ولم يثبت في السيرة النبوية》

المهم إن الكفار أكيد اتنكدوا بإسلام حمزة وعمر وده إللي يهمنا😅
واستمر أذى المشركين للمسلمين لكن أخف من الأول ،
وكان رسول الله بيدعوهم ويقرأ عليهم القرآن،
في مرة لما كان رسول الله بيدعو سادات مكة،
جاء له رجل من الصحابة اسمه عبد الله بن أم مكتوم وهو ابن خال خديجة زوجة رسول الله،
وكان رجل أعمى،وكان عايز يسأل رسول الله عن آيات من القرآن سمعها،
فكان طول ماهو ماشي بيسأل أين محمد ...أين رسول الله؟...فالناس تقول له كمل في طريقك،
وهو عمال يمشي بسرعة كأنه بيجري مع إنه أعمى😮
وأصلا الأعمى لما بيمشي لوحده بيضرب بالعصاية بتاعته ضربة على اليمين وضربة على اليسار ،
وضربة أمامه عشان يعرف يمشي خطوة😕
فتخيلوا شدة حماسه عشان يسمع القرآن من رسول الله 😊
فلما قرب منه وسأل الناس أين رسول الله قالوا له:
هو هناك أمامك،
فلما وصل عنده سمع صوت رسول الله بيتكلم مع واحد من سادات مكة هو الوليد بن المغيرة وقيل أُبي بن خلف،
فقال لرسول الله صلى الله عليه وسلم:
يارسول الله علمني مما علمك الله...عايزه يعلمه القرآن ،
وكان رسول الله زي ماتقولوا مركز مع الوليد في الدعوة 😅
فعبد الله بن أم مكتوم أعمى،
فمش شايف الموقف عشان يقدر يحكم،
هل المناسب إني أمشي ولا المناسب إني أسأل لحد ما رسول الله يجاوبني🤔
فعبد الله بن أم مكتوم فضل يلح على رسول الله إنه يقرأ له
وكان جاي بسرعة متحمس شاغله إنه يتعلم القرآن من رسول الله،
فهو تخيل إن رسول الله تبسم له وهيبدأ يقرأ عليه القرآن ويجاوب على كل أسئلته😊
لكن رسول الله اتضايق من كثرة إلحاحه وإنه شغله عن دعوة الوليد إللي كان حاسس إنه بدأ يلين،
ورسول الله كان حريص على إسلام سادات مكة،
لأن الناس هتتبعهم وكمان هيبطلوا تعذيب المسلمين،
فكل ده كان بيدور في رأس رسول الله وبعدين فجأة لقى حد بيقاطعه وبيلح عليه😅
فعبس رسول الله في وجه الأعمى يعني كشّر وأعرض عنه وكمل كلامه مع الوليد،

☆زي مثلا لما تكوني بتتكلمي مع أحد ومندمجين في الكلام في موضوع مهم وخلاص قربتي تقنعي إللي قصادك،
فييجي حد ويقاطعك ويبدأ يسألك عن حاجة ويلح عليكي فهيكون رد فعلك إيه😅

الموقف ده محدش شافه من الصحابة لكن ربنا رآه 👌
هل الموقف ده يعدي؟
أنزل الله في الموقف ده قرآن يُتلى إلى يوم القيامة😊
نزل جبريل على رسول الله صلى الله عليه وسلم وقال له:
"عَبَسَ وَتَوَلَّى * أَنْ جَاءَهُ الْأَعْمَى * وَمَا يُدْرِيكَ لَعَلَّهُ يَزَّكَّى* أَوْ يَذَّكَّرُ فَتَنْفَعَهُ الذِّكْرَى*
أَمَّا مَنِ اسْتَغْنَى فَأَنْتَ لَهُ تَصَدَّى* وَمَا عَلَيْكَ أَلَّا يَزَّكَّى * وَأَمَّا مَنْ جَاءَكَ يَسْعَى * وَهُوَ يَخْشَى فَأَنْتَ عَنْهُ تَلَهَّى* كَلَّا إِنَّهَا تَذْكِرَةٌ "
فربنا بيرشد رسول الله إنه يساوي بين الناس في الدعوة لأن هو عليه البلاغ فقط أما الهداية فهي بيد الله👌

فكان لما عبد الله بن أم مكتوم يأتي لرسول الله بعد الحادثة دي كان يكرمه ويتبسم في وجهه ويحسن إليه😊

أما بالنسبة لقول رسول الله:
"مرحباً بالذي عاتبني ربي من أجله"
فالحديث ده ضعيف 👌

☆ممكن هنا حد يسأل سؤال 🤔
يعني كده إن رسول الله أخطأ وهو معصوم🙊

فاكرين لما اتكلمنا في قصص الأنبياء عن عصمة الأنبياء😉
هقولها تاني عشان أفكركم بها وعشان إللي مكنش يعرف يعرف 😁
وعشان هتحصل معانا مواقف ثانية في السيرة فلازم تكونوا فاكرين معنى عصمة الأنبياء😉

أولا :الأنبياء معصومين من الخطأ في تبليغ الوحي سواء خطأ متعمد أو خطأ غير متعمد ومعصومين من الكفر قبل الوحي وبعده.
ثانيا: الأنبياء معصومين من الوقوع في الكبائر
ثالثا : الأنبياء معصومين من الصغائر التي تدل على الخسة زي سرقة لقمة مثلا.
لكن ممكن يقعوا في الصغائر التي لا تدل على الخسة مع عدم إقرارهم عليها.
زي آدم عليه السلام لما وقع في معصية الأكل من الشجرة ناسيا، ومستمرش عليها ده تاب واستغفر على طول وربنا قبل توبته.
"وَعَصَىٰ آدَمُ رَبَّهُ فَغَوَىٰ *ثُمَّ اجْتَبَاهُ رَبُّهُ فَتَابَ عَلَيْهِ وَهَدَىٰ"

فالخطأ إللي وقع فيه رسول الله هو خطأ بشري عادي لا يتعارض مع حسن خلقه صلى الله عليه وسلم😉
فرسول بشر بيفرح ويحزن ويغضب وده بيظهر على ملامح الوجه،

#قصص_الأنبياء
#الحلقة_الثانية_والعشرون
#قصة_يوسف(٤)
#الخروج_من_السجن

وقفنا المرة إللي فاتت عند يوسف عليه السلام لما طلب من الساقي إللي فسّر له الرؤيا إنه يحكي قصته عند الملك،
لكن الساقي نسي موضوع يوسف عليه السلام بتقدير من ربنا، وقعد يوسف في السجن حوالي من ثلاثة إلى سبع سنين، المدة بالضبط مكنتش معروفة🤷‍♂️
"وَقَالَ لِلَّذِي ظَنَّ أَنَّهُ نَاجٍ مِنْهُمَا اذْكُرْنِي عِنْدَ رَبِّكَ فَأَنْسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ"

في يوم من الأيام الملك رأى رؤيا، رأى إن فيه سبع بقرات ضعاف هزلانين بياكلوا سبع بقرات سِمان وطخان كده وحلوين😅
فقام من النوم مفزوع😳
ليه🤨
لأن الطبيعي إن القوي السمين هو إللي ياكل الضعيف مش العكس🙃
فنام تاني ورأى سبع سنبلات يابسة بيتلفّوا على سبع سنبلات خضراء وبيخلوهم يابسين زيهم، فقال باااس كده الموضوع فيه حاجة😨
"وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنْبُلَاتٍ خُضْرٍ وَأُخَرَ يَابِسَاتٍ"
جمع السحرة والكهان والوزراء وحكى لهم الرؤيا...وسألهم إيه رأيكم ؟ أنا عاوز حد يفسرلي الرؤيا دي😥
فقالوا له كلهم : رؤيا إيه بس🙄
دي أضغاث أحلام ...أوهام ....واحنا مش اختصاصنا تفسير الأحلام🤷‍♂️
احنا بنفسر الرؤى بس، لو دي رؤيا كنا فسرناها على طول😊
"قَالُوا أَضْغَاثُ أَحْلَامٍ وَمَا نَحْنُ بِتَأْوِيلِ الْأَحْلَامِ بِعَالِمِينَ"

☆يعني مش بس جهلة؛ لأ ده بيفتوا بغير علم😑
وكمان إيه، بيجزموا بكده بكل ثقة😏
يعني حتى مش شايفين احتمال إنهم ممكن يكونوا غلط🙄 لأ ده كمان ادّعوا الفضل لنفسهم:
لو كانت رؤيا كنا عرفناها😤
أمّال يعني تضيع هيبِتهم كده قدام الملك والحاشية ويبان إنهم مش عارفين😏
فالأسهل والأحسن لشكلهم إيه؟ إنهم ينكروا الموضوع كله وخلاص، وبكل ثقة كده😐
ده حتى مقالوش طب خلينا نبحث المسألة وندور، لأ ده قالوها خبط لزق كده ...دي أضغاث أحلام 😤

☆ولو أخدتم بالكم هتلاقوا النوعية دي في حياتنا
تيجي تقول له معلومة انت سمعتها من دكتور مثلا ولّا حد على علم بيها،
تلاقيه يقولك لا لا لا.. الكلام ده مش مظبوط ده كلام فارغ، الصح كذا وكذا😤
وخدوا بقى من ده كتير في الدين تلاقوا أحلى جهل وأحلى فتي🤓
تقول لواحد على حكم حاجة ولّا معلومة، يقوم يضرب بعرض الحائط العلم والأدلة ويتكلم برأيه ويقول لك لأ مش صح🙄
أصل بالعقل كده إزاي دي تيجي يعني 🤔
ده الصح كذا ..طيب يابني ابحث ودور واتأكد، ولا الهوا😶
طيب يافلان والحديث الصحيح الفلاني؟ طب الآية الصريحة الفلانية 😅
يقولك: لالا تفسيرها مش كده احنا أصلا لازم نعيد قراءة النصوص دي كلها ونحط لها تفسير عصري يناسب الناس، انتم بتفسروا الدين على مزاجكم وديننا بريء من الخرافات بتاعتكم دي😑
طيب يا سيدي كلام العلماء والأئمة الفلانية وتفسيرهم كذا كذا ده مش كلامي !
يقولك : لا العلماء دول متشددين وما وصلهمش الأحاديث إللي وصلت للي جم بعدهم😒
عمال يقاوح معاك ويفتي بالباطل في دين الله، وهو أصلا مابيعرفش يفرق بين الفاعل من المفعول أو يقرأ حتى القرآن صح 🤦‍♂️
مش فاهم إن العلماء دول بيرجعوا للصحابة والتابعين وتابعي التابعين إللي رسول الله ﷺ قال عنهم إنهم أفضل القرون على الإطلاق وبيشوفوهم فسروا الآيات والأحاديث وطبقوها إزاي في حياة النبي ﷺ وبعد وفاته وعلى الأساس ده بينقلوا عنهم،
يعني مش بيخترعوا دين جديد ولا حاجة🙄
لكن هنقول إيه😞

المهم،
مين بقى إللي كان موجود في اللحظة دي وسمع الحواااار 🤭
ساقي الملك إللي طلع من السجن ونسِي خااالص موضوع يوسف 💁‍♂️
وفي وسط القصر والملأ قاعدين والسحرة والكهنة والملك قاعد محتار،
إذ فجأةً يطلع صوت حد بيقول: أنا هقول لكم تأويل الرؤيا دي إيه🙋‍♂️
"وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَا أُنَبِّئُكُمْ بِتَأْوِيلِهِ "
طبعا الكل بص مين إللي بيتكلم ده! لقوه ساقي الملك🤨
وكإن نظراتهم ليه ساعتها بتقول : يعني إنت إللي هتجيب التايهة يا فالح😏
راح على طول قال لهم: ابعتوني بس للسجن.. فيه واحد هناك هو إللي هيفسر كل حاجة 👌
"فَأَرْسِلُونِ"
في اللحظة دي بس افتكر يوسف عليه السلام، وقال بكل ثقة إنه هيجيب لهم خُلاصة الموضوع، وده بسبب ثقته الشديدة في يوسف عليه السلام😊
وعلى رأي المثل: اسأل مجرب..
هو جرب بنفسه صدق تأويل يوسف للرؤى.. ده غير إنه قعد معاه فترة في السجن وعاشره بنفسه وشاف صلاحه وحسن خلقه وتقواه،
وفعلا بعتوا الساقي للسجن ودخل على يوسف عليه السلام
وأول ما بدأ كلامه مدحه وأثنى عليه، لإنه مش ناسي فعلا أد إيه يوسف كان إنسان صالح ومحترم ومن المحسنين.

فحكى له الرؤيا، وقال له إيه تفسيرها لعلي أرجع وأقول للناس عشان يعرفوا يتصرفوا إزاي وكمان عشان يعرفوا عنك وعن مكانتك وقدرك وفضلك فيكون ده سبب مُحتمل في إنك تخرج من السجن.
"يُوسُفُ أَيُّهَا الصِّدِّيقُ أَفْتِنَا فِي سَبْعِ بَقَرَاتٍ سِمَانٍ

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثانية_والعشرون
#علامات_الساعة_الكبرى_الجزء_السابع
#هلاك_الدجال_ونزول_عيسى

المرة إللي فاتت قلت لك إن المسيح الدجال هيتوجه للمدينة عشان يدخلها فالملائكة هتمنعه وتخليه يتوجه إلى الشام ومعاه أتباعه،
والملائكة صرفت الدجال إلى الشام نحو بيت المقدس؛ لأن فيها هلاكه زي ما رسول الله ﷺ قال:
"حتى إذا جاء دُبُرَ أُحُدٍ تَلَقَّتْهُ الملائكةُ فَضربَتْ وجْهَهُ قِبَلَ الشَّامِ هُنالِكَ يُهْلَكُ...هُنالِكَ يُهْلَكُ"
《السلسلة الصحيحة》

في الوقت إللي الدجال كان متوجه فيه للشام كان المهدي بيجهز جيش من المؤمنين لقتال الدجال،
بعد ما الجيش تجهز وساوُوا الصفوف جاء وقت صلاة الصبح فتقدم المهدي ليصلي بالمسلمين،
في الوقت ده بقى ينزل عيسى عليه السلام👌
عيسى عليه السلام كان رُفِع إلى السماء وهو حي ولم يُقتَل ولم يُصلَب،
وهو الآن موجود في السماء، لحد ما ييجي آخر الزمان فهينزل للأرض، ونزول عيسى عليه السلام علامة من علامات الساعة الكبرى،
قال تعالى:
"وَإِنَّهُ لَعِلْمٌ لِّلسَّاعَةِ"《سورة الزخرف آية (61)》

☆ملحوظة:
قصة عيسى عليه السلام أنا شارحاها كاملة في سلسلة قصص الأنبياء للي عايز يقرأها، الرابط في التعليقات👇

فدلوقتي جاء وقت نزوله عليه السلام زي ما قال رسول الله ﷺ في 《صحيح ابن ماجه》،
قال إنه هينزل من السماء عند المنارة البيضاء شرقي دمشق وهي لحد دلوقتي مكانها معروف في دمشق،
وهيكون فيها معسكر المسلمين إللي بيجهزوا لقتال الدجال وإمامهم المهدي،
هينزل عيسى عليه السلام وهو واضع كفيه على أجنحة مَلكين ولابس ثوبين مصبوغين، إذا طأطأ رأسه يعني إذا وطّى رأسه يقطر ماءً يعني ينزل منه قطرة بعد قطرة، وإذا رفعه تحدّر منه جُمَانٌ كاللؤلؤ،
يعني المقصود إن العَرق إللي بينزل منه زي حبات اللؤلؤ في الصفاء والحسن، فلا يحل لكافر يجد ريح نَفَسِه إلا مات، ونَفَسَه ينتهي حيث ينتهي طرفه،
يعني في دائرة نصف قطرها مد بصر عيسى عليه السلام، كل الكفار في الدائرة دي يموتوا،
وبعدين يروح للمسلمين هيلاقي الإمام بتاعهم وهو المهدي تقدم للصلاة فيرى عيسى عليه السلام فيقوم راجع للوراء ويقدم عيسى للصلاة؛
لأن عيسى عليه السلام أفضل من المهدي والفاضل هو إللي بيتقدم للإمامة فيقول لعيسى عليه السلام:
" تَعَالَ صَلِّ لَنَا"
فيضع عيسى عليه السلام يده على ظهر المهدي بين كتفيه ويقول له:
"لاَ. إِنَّ بَعْضَكُمْ عَلَى بَعْضٍ أُمَرَاءُ، تَكْرِمَةَ اللَّهِ هَذِهِ الأُمَّةَ"
《صحيح مسلم》

☆وفي هنا ملحوظة:
عيسى عليه السلام رفض إنه يكون هو الإمام عشان متحصلش شبهة بين الناس،
لأن رسول الله ﷺ قال:"أنا خاتم النبيين لا نبي بعدي"
《صححه الألباني》
فلو صلى عيسى عليه السلام بالناس إمام؛ هتحصل لخبطة، والناس هتسأل هو تقدم عشان يكون نائب ولّا جاي بشريعة جديدة؟!
فصلى مأموم عشان يقفل باب الشبهة ده خالص؛ لأن عيسى عليه السلام هيطبق شريعة الإسلام بين الناس👌

بعد الصلاة، عيسى عليه السلام هياخد الجيش ويتوجهوا لبيت المقدس عشان يقابلوا الدجال هناك عشان يقاتلوه هو واليهود إللي معاه،
فيوصل عيسى لبيت المقدس ويقول عليه السلام: افتحوا الباب!
فيفتحوا الباب ومن وراء الباب الدجال ومعه سبعون ألف يهودي كلهم معاهم سيوف مُحلاّة يعني مُزَينة ولابسين الطيلسان،
فيدعوا عيسى عليه السلام اليهود للإسلام ولا يقبل منهم إلا الإسلام أو القتل، خلاص مبقاش في جزية،
فيُسلم منهم من يُسلم ويبقى الباقي على اليهودية فيقاتلهم عيسى عليه السلام ومعه جيش المسلمين،
وأول ما الدجال يشوف عيسى عليه السلام يبدأ الدجال في الذّوبان،
يذوب الدجال زي ما الملح يذوب في الماء،
قال رسول الله ﷺ:
"فَإِذَا رَآهُ عَدُوُّ اللهِ ، ذَابَ كَمَا يَذُوبُ الْمِلْحُ فِي الْمَاء..."
《صحيح مسلم》
ويطلع يجري عايز يهرب من عيسى عليه السلام فيلحقه عيسى عند باب لُدْ ومعاه الحربة بتاعته فيقتل بها الدجال،
ولو تركه عيسى عليه السلام لذاب ومات، ولكن عيسى عليه السلام كان عايز يُورّي الناس دم الدجال على حربته ويثبت لهم إن ده الدجال مش إله،
"...فَلَوْ تَرَكَهُ لَانْذَابَ حَتَّى يَهْلِكَ، وَلَكِنْ يَقْتُلُهُ اللهُ بِيَدِهِ ، فَيُرِيهِمْ دَمَهُ فِي حَرْبَتِهِ" 《صحيح مسلم》
وبكده قتل مسيح الهداية مسيح الضلالة الدجال،
وجيش المسلمين بيقاتل اليهود، فيهزم الله اليهود وتحصل فيهم مقتلة عظيمة ،ويروحوا يختبئوا من جيش المسلمين،
فلا يبقى شيء مما خلق الله عز وجل يختبئ وراءه يهودي إلا أنطق الله ذلك الشيء ويقول:
"يَا مُسْلِمُ يَا عَبْدَ اللهِ هَذَا يَهُودِيٌّ خَلْفِي ، فَتَعَالَ فَاقْتُلْه إِلَّا الْغَرْقَدَ ، فَإِنَّهُ مِنْ شَجَرِ الْيَهُودِ"

#الخلفاء_الراشدون_إيمان_شلبي
#سيرة_أبو_بكر_وعمر
#الحلقة_الثانية_والعشرون
#حروب_الردة
#التعريف_بقادة_جيوش_المسلمين_في_حروب_الردة

وقفنا المرة إللي فاتت عند الجيش السادس إللي أخرجه أبو بكر رضي الله عنه لقتال المرتدين وإللي كان بقيادة أرطبون العرب《عمرو بن العاص بن وائل》رضي الله عنه😁

☆كلمة الأرطبون معناها الرجل الداهية شديد الذكاء، وهي مأخوذة من كلام الرومان، يعني أصل الكلمة من عند الرومان👌
و دُهاة العرب أربعة منهم عمرو بن العاص، وأسماء الثلاثة الباقيين هي: "معاوية بن أبي سفيان، المُغِيرة بن شعبة، زياد بن أبيه"

فعمرو بن العاص رضي الله عنه كان من دُهاة العرب وشجعانهم وأصحاب الرأي السديد، وعشان كده قريش كانت أرسلته إلى النجاشي ملك الحبشة ليرد عليهم من هاجر من المسلمين إلى بلاده، فهو كان سفير لقريش قبل الإسلام،
وقصة عمرو مع ملك الحبشة احنا حكيناها في السيرة في الحلقة ٢٣ و٢٤، تقدروا ترجعوا لها لو حابين لأن صعب أحكيها هنا تاني😅

وعمرو يكون ابن العاص بن وائل السهمي إللي كان زعيم وسيد من سادة قريش،
وتذكر كتب التاريخ إن فارق السن بين عمرو وابنه الأكبر عبد الله هو اثنتا عشرة سنة،
يعني عمرو تزوج وهو عمره من عشرة لإحدى عشرة سنة😮
أرقام عجيبة والله😄
المرة اللي فاتت شوفنا سجاح إللي في الثلاثينات من عمرها وتزوجت مُسيلمة إللي عمره فوق المائة وعشرين سنة،
ودلوقتي عمرو تزوج في سن العاشرة أو الحادية عشرة😅
فمحدش يستغرب لما يسمع إن رسول الله ﷺ تزوج عائشة وهي ابنة تسع سنين💁
ده كان عادي في مجتمعهم وكانت أجسادهم مختلفة تماما عن أجساد الناس دلوقتي حتى صغار السن منهم👌

كان عمرو يعمل في الجاهلية جزارًا، وكذلك كان يحترف التجارة، وكان يسافر بتجارته إلى الشام واليمن ومصر والحبشة،
و كان من فرسان قريش وأبطالهم المعدودين،
استمر عمرو بن العاص على الكفر حتى جاء العام الثامن من الهجرة، وقبل فتح مكة بحوالي ستة أشهر ذهب عمرو إلى المدينة ليُسلم بعد ما دعاه النجاشي للإسلام،
فتقابل مع خالد بن الوليد وعثمان بن طلحة في الطريق إلى المدينة وذهبوا إلى رسول ﷺ،
يقول خالد رضي الله عنه إنهم لما دخلوا على رسول الله ﷺ نظر إليهم وقال في سعادة:
"قد رمتكم مكة بأفلاذ كبدها"
ولما أراد عمرو مبايعة رسول الله ﷺ على الإسلام اشترط إنه يتغفر له كل إللي عمله ضد الإسلام فأخبره رسول الله ﷺ أن"الإِسْلامَ يَهْدِمُ مَا كَانَ قَبْلَهُ"《صحيح مسلم》
وبعد ما أسلم كان رسول الله ﷺ يقربه منه لمعرفته لشجاعته وقدراته،
وجعله رسول الله ﷺ قائد لسرية ذات السلاسل وكان في الجيش أبو بكر وعمر،
وكانت السرية دي متجهة لقبائل بني قُضاعة إللي هم أقارب عمرو بن العاص من ناحية أمه، فهو كان الشخص المناسب للسرية دي، وكان أداءه ممتاز في السرية وانتصر فيها،
لكن كان في اعتراضات من الصحابة الموجودين في الجيش على بعض أفعال عمرو بن العاص رضي الله عنه وخصوصا إنه ساعتها كان لسه مسلم جديد، لدرجة إنهم اشتكوا لرسول الله ﷺ من عمرو لما رجعوا للمدينة😅
لكن رسول الله ﷺ أقر عمرو على إللي عمله؛ لأن المصلحة كانت في إللي عمله، وظهر في السرية دي ذكاء وحكمة وفطنة عمرو رضي الله عنه👌
واتكلمنا بالتفصيل عن أحداث السرية دي في حلقات السيرة النبوية قبل كده.

وشهد رسول الله ﷺ لعمرو بن العاص بالإيمان، فقال:
"ابنا العاصى مؤمنانِ: هشامٌ و عَمرو"
《صحيح الجامع》
يعني رسول الله ﷺ بيشهد لعمرو وأخيه بالإيمان، وكمان لما رسول الله ﷺ قال لعمرو إنه عايزه يتولى قيادة سرية ذات السلاسل وإنه هيغنم من العدو، قال له عمرو إنه لم يتّبعه بسبب المال، فقال له رسول الله ﷺ:
"نِعْمَ المالُ الصَّالحُ للمَرءِ الصَّالحِ."
《صحيح الأدب المفرد》
يعني رسول الله ﷺ بيشهد لعمرو إنه رجل صالح👌

ولما أراد رسول الله ﷺ إنه يُرسل رسالة لحكام عُمان عبد وجَيْفر ابنا الجُلندِي يدعوهما فيها للإسلام؛ أرسل إليهم عمرو بن العاص إللي كان سفير لقريش قبل الإسلام زي ما قلنا من شوية،
فهو بيعرف يتعامل بذكاء مع الملوك، وهو نفسه في مشيته وهيئته وكلامه يُشبه الملوك والأمراء حتى إن عمر بن الخطاب رضي الله عنه شافه مرة وهو ماشي فقال عنه:
"ما ينبغي لأبي عبد الله أن يمشي على الأرض إلا أميرًا"
《الإصابة في تمييز الصحابة》
يعني عمرو مينفعش يكون حاجة تانية غير إنه يكون أمير، زي كده لما نشوف شخص ونقول عليه إنه شكله دكتور ومينفعش يكون حاجة تانية غير كده، فده مقصد عمر رضي الله عنه😅

فلما ذهب عمرو إلى ملوك عمان تحاور مع الأول مع عبد بن الجلندي وطلب منه إنه يُدخله على أخوه جيفر،
وبعد حوار طويل مع جيفر وعبد وبحكمة وذكاء شديد من عمرو بن العاص رضي الله عنه استطاع إنه يقنع عبد وجيفر بالإسلام وبالفعل أسلما،
وأسلم معهم شعب عُمان، ودخلت دولة عمان بكاملها في دولة الإسلام👌