#قصص_الأنبياء
#الحلقة_الثامنة_والعشرون
#قصة_موسى(٣)
#المواجهة

كنا واقفين المرة إللي فاتت عند موسى عليه السلام لما ربنا أعطاه المعجزتين وقاله إنه يروح يدعو فرعون لعبادته وحده،
موسى عليه السلام كده هيروح لفرعون إللي كان عايز يقتله وهو هربان منه أصلا😥
لكن مش دي كانت المشكلة بالنسبة لموسى عليه السلام😊
هو مقلش لربنا إنه خايف من القتل وإنه مش هيقدر يوصل الرسالة عشان ميعرضش نفسه للأذى ،
لأ خالص...ده كان كل همه في الدعوة👌
قال لربنا وهو أعلم بيه سبحانه إنه عنده مشكلة في لسانه ومش بيعرف يقول الكلام مظبوط عشان عنده لثغة من الجمر لما كان صغير فاكرين😉
"ولا ينطلق لساني..."
فقاله يارب لو أنا هروح فحل لي المشكلة دي عشان الناس تفهم كلامي ومكنش عِبئ على الرسالة أو المعنى ميوصلش بسبب إني معرفش اتكلم كويس😔
"وَاحْلُلْ عُقْدَةً مِنْ لِسَانِي * يَفْقَهُوا قَوْلِي"

وفي مشكلة تانية وهي إني قتلت منهم واحد فلو روحت دعيتهم أخاف إنهم يقتلوني😰...وتبقى دي نهاية الرسالة 😞
لكن أنا عندي الحل ...يارب أرسل لهارون أخي يكون نبي معايا، لو أنا مت هو يكمل...لو معرفتش أتكلم هو يتكلم بدالي وهو أفصح مني في الكلام.
"وَاجْعَلْ لِي وَزِيرًا مِنْ أَهْلِي * هَارُونَ أَخِي"
فموسى عليه السلام مكنش شاغل باله غير إنه يوصل رسالة ربنا وبس...مش مهم بالنسبة له الأذى إللي هيحصل له ...مش مهم إنه ممكن يتقتل ...عادي جدا...مادام في سبيل الله خلاص كله يهون😊
فربنا طمّنه وقاله إنه هيبعث معاه أخوه عشان يشجعه ويكون سبب يتقوى بيه،
فموسى عليه السلام قال لربنا إنه خايف برده أحسن فرعون يقتلهم هم الإتنين، فربنا طمّنه بإنه هيكون معاهم بسمعه وبصره فمفيش أي داع للقلق👌

☆يعني إحنا كمان ربنا معانا في كل مكان😕
أيوة ربنا معانا في مكان لكن مش بذاته لأن ربنا استوى فوق العرش استواء يليق بيه سبحانه إحنا عقلنا ميستوعبش الموضوع وهنعرف لما ندخل الجنة إن شاء الله ونشوفه😊
فهو معانا بعلمه :يعلم عننا كل شيء،
وسمعه يعني بيسمع كل شيء مهما كان الصوت واطي،
وبصره :يعني يرى كل شيء حتى لما تكون الدنيا ضلمة جدا👌
وهو سمعه وبصره وعلمه غيرنا إحنا البشر، احنا بنشترك في الأسماء بس ، عارفين زي إيه ولله المثل الأعلى يعني😅
لما نسمي طفل محمد على اسم رسول الله محمد صلى الله عليه وسلم، هل محمد ده زي محمد ده؟
لأ طبعا لكن هم بيشتركوا في الاسم بس، فربنا له سمع وبصر وعلم خاص بيه سبحانه غير أي حد😁

ربنا أوحى إلى هارون عليه السلام أخو موسى بنفس الرسالة إللي قالها لموسى عليه السلام.
رجع موسى عليه السلام لأهله بعد ما كلّم ربنا على جبل الطور، وحكى لهم إللي حصل ووصلوا مصر، وتقابل موسى مع هارون وقاله إللي حصل فقال له هارون إز ربنا أوحى له هو كمان واتفقا إنه يروحوا لفرعون.
تاني يوم راح موسى عليه السلام ومعاه هارون وداخلين على القصر شافوهم الجنود ...حصل قلق ...ابن فرعون رجع 😮
وصل الخبر لفرعون وكان قاعد مع وزراؤه وحاشيته،
قعد مستني عشان يشوف إيه إللي رجع موسى عليه السلام بعد السنين دي كلها🤨
دخل موسى وهارون عليهما السلام على فرعون،
أول ما شافه فرعون قاله :
هو مش إنت إللي احنا ربيناك لما كنت صغير وربيناك وكبرناك😏...ومع ذلك محفظتش الجميل وعملت عملتك إللي من شدة ماهي رهيبة مش قادر أنطقها وبعدين وهربت😤
"أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ "
"وَفَعَلْتَ فَعْلَتَكَ الَّتِي فَعَلْتَ وَأَنْتَ مِنَ الْكَافِرِينَ"

☆موسى عليه السلام عمل كارثة فظيعة لما قتل انسان بدون قصد نهائي، لكن لما فرعون ذبح مئااات الأطفال عامد متعمد كده كان بيعمل رز بلبن🤓

موسى عليه السلام عشان يقفل الحوار ده خالص ، قاله أنا عملت كده قبل ما ينزل علي وحي من رب العالمين
وهربت عشان كنت خايف منكم،
"فَفَرَرْتُ مِنْكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ"
ثم إنت بتمنّ علي بإيه بالضبط ، وهو أنا إيه خلاني أتربى في قصرك أصلا غير إنك كنت مستعبد بني إسرائيل وكنت بتقتل الأطفال الصغيرين🙄
"وَتِلْكَ نِعْمَةٌ تَمُنُّهَا عَلَيَّ أَنْ عَبَّدْتَ بَنِي إِسْرَائِيلَ"

أوباااا😅فرعون اتزنق🙊 هيرد يقول إيه ولا يدافع بإيه 😏
وده لا يتعارض مع وصية ربنا لموسى بأنه يدعو فرعون بالحسنى والقول اللين،
"وقُولا له قوْلاً لينا"
هو اتكلم بأدب وقال الحقيقة فأفحمه👌
، لأن مش معنى القول اللين إني أنافق وآجي على كرامتي عشان إللي قصادي🙄
☆ودي حاجة ربنا بيعلمها لنا😉
لما نقابل حد بيحاول يستفزنا وبيعايرنا بذنوبنا أو عيوبنا إللي فاتت بدل ما نقعد ندافع ونبرر ...نعترف ونقول أيوة صح معاك حق أنا كنت غلطان والحمد لله اتغيرت لما عرفت الصح😊
ونريح دماغنا وبكده قطعنا الطريق وأفحمنا الشخص ده وقفلنا الموضوع وكسبنا الجولة 😎
زي مثلا لما تيجي تنصحي واحدة تقوليلها على فكرة الشتيمة حرام والرسول صلى الله عليه وسلم قال: "ليس المؤمن

#قصص_الأنبياء(٢)
#السيرة_النبوية
#الحلقة_الثامنة_والعشرون
#رحلة_الطائف

وقفنا المرة إللي فاتت عند رسول الله ﷺ لما خرج من مكة ومعاه زيد بن حارثة عشان يروح الطائف يدعو فيها الناس وتكون بديل لمكة،
وصل رسول الله ﷺ للطائف بعد حوالي يومين من مشيه على قدميه في الصحراء،
نحاول نحط نفسنا مكان رسول الله ﷺ ونفكر معاه هنبتدي إزاي👌
خلونا نقف مع رسول الله ﷺ على باب مدينة الطائف،
نبدأ إزاي ومنين ، وندعوا مين 🤔
وخصوصا إن الموضوع المرة دي مش مجرد دعوة للدخول في الإسلام فقط،
ده دعوة وكمان رسول الله ﷺ هيطلب منهم إنهم ينصروه ضد قريش🙊
فاحنا محتاجين ناس لها وزن في البلد وكلمتها مسموعة،
فهنروح لمين🤔
طبعا هنروح لسادات أهل الطائف، لأن دي مهمة سياسية مش هينفع فيها عوام الناس المستضعفين💁‍♀️
لأن المستضعفين مش هيقدروا يحموا رسول الله ﷺ ودعوة الإسلام من قريش،
عايزين حد يتحمل المسؤولية ...له نفوذ ومكانته عالية بين الناس لما يقول الكلمة الناس بصفة عامة تسمع وتطيع،
ولأن رسول الله ﷺ ملوش حد يُجيره أو يحميه في الطائف،
فمش هيقدر يدعو أي أحد إلا لما يكون في حماية له🤷‍♀️
فذهب رسول الله ﷺ إلى ثلاثة إخوة وهم من سادات الطائف عشان يتكلم معاهم👌

☆ممكن حد يسأل طيب ليه ربنا ميحمهوش ويؤيده بالمعجزات يعني وخلاص ،ماهو ربنا قادر 🤔

قلنا قبل كده إن رسول الله ﷺ قدوة، وحياته منهج ،وربنا أمرنا إننا نتبعه في كل حاجة،
عشان كده رسول الله ﷺ لازم يأخذ خطوات عملية تنفع لأي أحد يأتي من بعده وهيكون في نفس الموقف بتاعه👌
وحصل فعلا إن واحد من المسلمين اتحط في موقف شبيه بموقف رسول الله ﷺ،
الموقف كان لواحد اسمه عبد الرحمن بن معاوية بن هشام بن عبد الملك،
إللي اتعرف بإسم 《عبد الرحمن الداخل》 ، لما كان العباسيون بيقتلوا أي أحد من بيت الخلافة الأموية،
هرب عبد الرحمن الداخل في قصة طويلة وكان مُطارد ومطلوب الرأس في كل مكان،
لحد ما وصل للأندلس ، وقبل ما يدخل الأندلس كان أرسل مولاه لرؤساء قبائل البربر عشان يساعدوه في الدخول للأندلس،
ويقفوا معاه عشان يقدر يحكم الأندلس ويخلصها من الظلم إللي كانوا فيه ساعتها ويقيم الخلافة الأموية في الأندلس بعد سقوطها في المشرق،
فده واحد من المسلمين استفاد من سيرة رسول الله ﷺ وتخطيطه للدخول للطائف👌

وصل رسول الله ﷺ لسادات الطائف الثلاثة وعرفهم بنفسه ودعاهم للإسلام وشرح لهم وضع المسلمين كله،
وإنهم محتاجين الدعم والنصرة ضد قريش،
هم كانوا ثلاثة إخوة أبناء واحد من سادات الطائف اسمه عمرو بن عُمير، خلونا نشوف ردوا على رسول الله ﷺ قالوا إيه :
الابن الأول كان اسمه عبد ياليل قال لرسول الله ﷺ:
ده أنا أقطع أستار الكعبة لو ربنا أرسلك 😤
《بيقول كده إعتراضا على ربنا يعني إزاي يرسلك إنت رسول😑》

الابن الثاني وكان اسمه :مسعود قال:
هو ربنا ملقاش غيرك يرسله يعني🙄

الابن الثالث كان اسمه حبيب، وده حاول يستظرف شوية 😀
قال:
أنا مش هكلمك أبدا 🤚
لو كنت رسول فأنت أعظم من إني أتكلم معاك😰
ولو كنت كاذب فأنت أحقر من إني أكلمك😒
يعني كده كده مش هكلمك😑

ردودهم على رسول الله ﷺ كانت في قمة السفاهة وانعدام الأدب معاه😞
تخيلوا نفسية رسول الله ﷺ وهو بيسمع الكلام ده، والصدمة إللي اتصدمها من كلامهم😥
ومع ذلك رسول الله ﷺ قال لهم:
طيب ده رأيكم ، بصوا متقولوش لأحد إننا حصل بيننا الكلام ده، خلوه سر بيننا!
ورسول الله ﷺ مش عايز الخبر يوصل لقريش، لأنهم لو عرفوا هيتهموه صراحة كده بالتخابر مع قبيلة أجنبية وإنه عايز يزعز نظام الحكم في مكة ،
وإنه عايز يثير الفتنة، ومش بعيد يأخذوها سبب عشان يقتلوا رسول الله ﷺ ويقولوا للناس ده خائن وتبقى قضية رأي عام بقى،
وحتى الناس إللي كانوا متعاطفين معاه ينقلبوا ضده،
وإنتم عارفين باقي القصة😀

الثلاثة دول لم يحفظوا سر رسول الله ﷺ ، مكنش عندهم لا أخلاق ولا مروءة،
مش بس أفشوا سر رسول الله ﷺ ، ده كمان حرضوا السفهاء والغلمان على أذية رسول الله ﷺ 😑

رسول الله ﷺ لم ييأس وقعد في الطائف عشرة أيام مسبش واحد من أشرافهم إلا وكلمه،
ومحدش استجاب منهم إطلاقا وكلهم رفضوا دعوة الإسلام ونصرته ﷺ 😞
في اليوم العاشر قالوا له: اخرج من بلدنا ،مش عايزينك فيها 😡
وعملوا صفين من العبيد والسفهاء خارج الطائف،
ولما أخرجوا رسول الله ﷺ جعلوه يعدي بين الصفين دول وبدأ العبيد والسفهاء يرموه بالحجارة وبدأ رسول الله ﷺ ينزف ،
وهو مش عارف يتصرف إزاي،
وكان معاه زيد بن حارثة بيحاول يبعد عنه الحجارة ومش عارف،
الحجارة بتتحدف من كل مكان، واتفتحت رأس زيد رضي الله عنه، ده غير الشتيمة واللعن 😞
ورسول الله ﷺ ومعاه زيد بيحاولوا إنهم يخرجوا من بين الصفين دول ،
وحتى العبيد لم يتركوهما، طلعوا يجروا وراهم يحدفوهم بالطوب لمسافة كبيرة في روايات تقول قعدوا يجروا وراهم خمسة كيلو،
لحد ما لقوا حديقة فدخل فيها رسول الله ﷺ ومعاه زيد حارثة،
فخاف العبيد يدخلوا وراءهم ورجعوا للطائف،
دخل رسول الله ﷺ وقعد في الحدي

#قصص_الأنبياء
#الحلقة_الثامنة_والعشرون
#قصة_موسى_الجزء_الثالث
#المواجهة

كنا واقفين المرة إللي فاتت عند موسى عليه السلام لما ربنا إداله المعجزتين وقاله إنه يروح يدعو فرعون لعبادته وحده،
موسى عليه السلام كده هيروح لفرعون إللي كان عايز يقتله وهو هربان منه أصلا😥
لكن مكنتش دي المشكلة بالنسبة لموسى عليه السلام،
هو مقلش لربنا إنه خايف من القتل، أو إنه مش هيقدر يِوَصّل الرسالة عشان ميعرضش نفسه للأذى،
لأ خالص...ده كان كل همه هو الدعوة👌
فقال لربنا إنه عنده مشكلة في لسانه ومش بيعرف يقول الكلام مظبوط، وربنا أعلم بيه سبحانه،
فاكرين اللثغة إللي حصلت له من الجمر إللي داقه لما كان صغير؟
أهه هي دي إللي ربنا قال عنها في القرآن على لسانه موسى: "وَلَا يَنْطَلِق لِسَانِي"
فقاله يارب لو أنا هروح فأرجوك إنك تحل لي المشكلة دي عشان الناس تفهم كلامي ومكنش عِبء على الرسالة أو المعنى مايوصلش بسبب إني ما بعرفش اتكلم كويس😔
"وَاحْلُلْ عُقْدَةً مِنْ لِسَانِي * يَفْقَهُوا قَوْلِي"

وفي مشكلة تانية يارب، وهي إني قتلت من بني إسرائيل واحد قبل كده،
فلو روحت دعيتهم أخاف إنهم يقتلوني😰
وتبقى دي نهاية الرسالة 😞
" قَالَ رَبِّ إِنِّي قَتَلْتُ مِنْهُمْ نَفْسًا فَأَخَافُ أَنْ يَقْتُلُونِ"

هو مش خايف من الموت، هو بيحاول يحل كل العقبات إللي هتعطل تبليغ الرسالة، فكمّل كلامه وقال:
لكن أنا عندي الحل يا رب، أرسِل لهارون أخي يكون نبي معايا، بحيث لو أنا مت هو يكمّل...ولو معرفتش أتكلم هو يتكلم بدالي وهو أفصح مني في الكلام.
*"وَاجْعَلْ لِي وَزِيرًا مِنْ أَهْلِي * هَارُونَ أَخِي* اشْدُدْ بِهِ أَزْرِي وَأَشْرِكْهُ فِي أَمْرِي"
"وَأَخِي هَارُونُ هُوَ أَفْصَحُ مِنِّي لِسَانًا فَأَرْسِلْهُ مَعِيَ رِدْءًا يُصَدِّقُنِي ۖ إِنِّي أَخَافُ أَن يُكَذِّبُونِ "

فموسى عليه السلام مكنش شاغل باله غير إنه إزاي يِوَصّل رسالة ربنا بنجاح وبس...مش مهم بالنسبة له الأذى إللي هيحصل له ...مش مهم إنه ممكن يتقتل ...عادي جدا...مادام في سبيل الله خلاص كله يهون👌
فربنا طمّنه وقاله إنه هيرسل معاه أخوه عشان يشجعه ويكون سبب يتقوى بيه،
فموسى عليه السلام قال لربنا إنه خايف برده أحسن فرعون يقتلهم هم الإتنين وكده الرسالة بردو تقف، فربنا طمّنه بإنه هيكون معاهم بسمعه وبصره فمفيش أي داعي للقلق👌
"قَالَ لَا تَخَافَا ۖ إِنَّنِي مَعَكُمَا أَسْمَعُ وَأَرَىٰ"

☆يعني احنا كمان ربنا معانا في كل مكان😕
أيوة ربنا معانا في كل مكان لكن مش بذاته سبحانه، لإن ربنا عز وجل في السماء، مُستوِي فوق العرش استواء يليق بيه سبحانه،
"الرَّحْمَنُ عَلَى الْعَرْشِ اسْتَوَى"
احنا عقلنا مايستوعبش الموضوع ده بتكويننا الدنيوي ده، وهنعرف لما ندخل الجنة إن شاء الله ونشوفه،
فهو معانا عز وجل بعلمه: يعلم عننا كل شيء حتى الغيب إللي احنا منعرفوش عن أنفسنا،
ومعانا بسمعه، يعني بيسمع كل شيء مهما كان الصوت من داخل خواطرنا وأنفسنا،
ومعانا ببصره: يعني يرى كل شيء حتى لما تكون الدنيا ضلمة جدا👌
وحتى لو الأشياء محجوبة بأشياء تانية، هو الظاهر والباطن عز وجل لا يخفى عن بصره أو سمعه أو علمه شيء،
وسمعه وبصره وعلمه غيرنا احنا البشر،
احنا بنشترك في الأسماء بس والمعاني، لكن الكيفية والتمثيل لأ👌
عارفين زي إيه ولله المثل الأعلى يعني😅
لما نسمي طفل محمد على اسم رسول الله محمد ﷺ، هل محمد ده زي محمد ده؟
لأ طبعا لكن هم بيشتركوا في الاسم بس ومعنى الاسم، لكن صفات صاحب الاسم وذاته؟ لأ..
ولله المثل الأعلى وليس كمثله شيء👌

المهم،
ربنا استجاب لدعاء موسى عليه السلام وأوحى إلى أخيه هارون عليه السلام في المكان إللي كان فيه ساعتها بنفس الرسالة إللي قالها لموسى عليه السلام،
رجع موسى عليه السلام لأهله بعد ما كلّم ربنا عند جبل الطور، وحكى لهم إللي حصل ووصلوا مصر،
واتقابل موسى مع هارون وحكاله إللي حصل فقال له هارون إن ربنا أوحى له هو كمان بالفعل واتفقوا إنهم يروحوا لفرعون.

◇لما الواحد يلاقي أول شخص بيؤيد دعوته وشاف آياتها زيه بالظبط هو أخوه أكيد هيبقى حاسس بالاطمئنان والثبات،
وتَحقّقت دعوة موسى عليه السلام إللي قال فيها:
"وأَشْركه في أمري"
وأي حد يكون في وضع شبه ده ويستعين بحد قريب منه ده مش شرك ولا تعلّق بالمخلوقين احتياحنا لبعض وائتناسنا بدعم بعض دي فطرة طبيعية ربنا غرسها فينا،
لكن بعد الاستعانة بالله طبعا والتعلق بيه وحده سبحانه👌

المهم،
تاني يوم راح موسى عليه السلام ومعاه هارون، وداخلين على القصر شافوهم الجنود ...حصل قلق ...ابن فرعون رجع 😮
وصل الخبر لفرعون وكان قاعد مع وُزراؤه وحاشيته،
قعد مستني عشان يشوف إيه إللي رجّع موسى عليه السلام بعد السنين دي كلها🤨
دخل موسى وهارون عليهما السلام على فرعون،
أول ما شافه فرعون قال له :
مش إنت إللي ربِّيناك لما كنت صغير وكبَّرناك😏
"أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ"
و مع ذلك محفظتش الجمي

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثامنة_والعشرون
#المرحلة_الثالثة_اليوم_الآخر
#الحشر

اتكلمنا المرة إللي فاتت عن البعث والنشور وإنه أول مرحلة هيمر بيها الإنسان يوم القيامة،
بعد البعث هييجي الحشر، وهو معناه تجميع الناس يوم القيامة و سَوْقهم لأرض المحشر وهي الأرض إللي هيتحاسب عليها الناس،
وهي أرض غير أرضنا،
والحشر أربعة، اثنين✌ في الدنيا واثنين✌ في الآخرة:

1️⃣الحشر الأول حصل ليهود بني النضير لما جمعهم رسول الله ﷺ وأخرجهم من المدينة،
وإللي عايز يعرف القصة بالتفصيل يبقى يرجع للسيرة النبوية أنا شارحة القصة بالتفصيل في الحلقة 85 و86.
وربنا ذكر الحشر ده في أول سورة الحشر، قال تعالى:
"هُوَ الَّذِي أَخْرَجَ الَّذِينَ كَفَرُوا مِنْ أَهْلِ الْكِتَابِ مِنْ دِيَارِهِمْ لِأَوَّلِ الْحَشْرِ"
《الحشر آية(2)》

2️⃣الحشر الثاني إللي هييجي في آخر الزمان وهو النار إللي تسوق الناس إلى محشرهم واتكلمنا عنه في علامات الساعة الكبرى وهو آخر علامة من علامات الساعة الكبرى.

3️⃣الحشر الثالث هو إللي هيكون بعد البعث وإللي هنتكلم عنه بالتفصيل النهاردة إن شاء الله.

4️⃣ الحشر الرابع حشر أهل المَوْقف إلى الجنة، أو إلى النار،
وده يوضحه قول الله عز وجل في سورة الزمر:
"وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا"
"وَسِيقَ الَّذِينَ كَفَرُوا إِلَىٰ جَهَنَّمَ زُمَرًا"
وهنتكلم عنه بالتفصيل إن شاء الله لما ييجي وقته.

احنا النهاردة هنتكلم عن الحشر الثالث وهو حشر الناس و سَوْقُهم لأرض المحشر،
ومش بس الناس، ده الإنس والجن وكل الدواب، كل الخلق هيُجمعوا ويُساقوا لأرض المحشر على أقدامهم محدش هيكون راكب أي دابة،
قال تعالى:
"وَمَا مِنْ دَابَّةٍ فِي الْأَرْضِ وَلا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ مَا فَرَّطْنَا فِي الْكِتَابِ مِنْ شَيْءٍ ثُمَّ إِلَى رَبِّهِمْ يُحْشَرُونَ"
《الأنعام آية(38)》

وأرض المحشر دي هتكون أرض غير أرضنا، الأرض بتاعتنا هيحصل فيها تغيرين أو تبديلين✌
التغيير أو التبديل الأول هيكون في صفاتها، فمش هيبقى عليها جبال ولا بحار ولا عليها أي شيء وهتكون مستوية،
وده هيحصل واحنا في القبور،
ولما نُبعَث هنخرج من باطنها ونقوم نمشي عليها وهنلاقيها أرض مستوية مفيش عليها أي جبال ولا بيوت ولا أي مَعلَم لأحد.

والتبديل الثاني هيكون تبديل في ذات الأرض، يعني هي نفسها هتتبدل وتبقى شيء آخر، هتتبدل وتكون《خُبْزَة بيضاء》
والتبديل ده هيحصل لما الناس يكونوا عند الصراط: إما أثناء مرورهم عليه، أو ينتظرون المرور عليه.
عَنْ عَائِشَةَ، قَالَتْ:
" سَأَلْتُ رَسُولَ اللهِ ﷺ عَنْ قَوْلِهِ عَزَّ وَجَلَّ:
"يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ"{إبراهيم آية48}
فَأَيْنَ يَكُونُ النَّاسُ يَوْمَئِذٍ يَا رَسُولَ اللهِ؟
فَقَالَ: عَلَى الصِّرَاطِ" 《رواه مسلم》

¤إيه موضوع إن الأرض هتكون خُبْزَة بيضاء ده🤔

براحة كده وواحدة واحدة،
قال رسول الله ﷺ:
"تَكُونُ الأرْضُ يَومَ القِيامَةِ خُبْزَةً واحِدَةً، يَتَكَفَّؤُها الجَبَّارُ بيَدِهِ كما يَكْفَأُ أحَدُكُمْ خُبْزَتَهُ في السَّفَرِ، نُزُلًا لأهْلِ الجَنَّةِ"《صحيح البخاري 》

والحديث معناه إن ربنا يوم القيامة هيحول أرض الدنيا إلى خُبْزَة واحدة، وكلمة خُبْزَة معناها الطُّلْمَةُ،
وده عبارة عن عجين يُوضَع في الحُفرة بعد إيقاد النَّار فيها؛
فالله عز وجل يجعلُ الأرض كالطُّلْمة والرغيف العظيم.
وكلمة "يتكفَّؤها" معناها: يُقلِّبها ويُمِيلها "الجبَّار" تعالى "بيده"، من هاهنا إلى هاهنا،
ولله المثل الأعلى في السماوات والأرض؛ زي كده لما واحدة بتقلب قرص العجين من إيد لإيد زي ما رسول اللهﷺ قال:
"كما يَكْفَأ" يعني زي ما يَقلِب "أحدكم خُبزته" من يدٍ إلى يد، بعد أن يَجعلَها في الحفرة بعد إيقاد النَّار فيها حتى تستوي،
والأرض إللي بقت خبزة دي هيقدمها الله لعباده المؤمنين إللي هيدخلوا الجنة ليأكلوها إما قبل دخولهم الجنة مباشرة أو بعد دخولهم الجنة مباشرة👌

◇عشان أقرب لك المعنى،
شوف كده لما ييجي لك ضيف عزيز وانت ناوي تُكرمه بأطايب الطعام فأول ما يدخل بيتك بتكون مجهز له حاجة كده سريعة ياكلها قبل ما تقدم له أحسن حاجة عندك؟!
أهه ولله المثل الأعلى ربنا بيقدم لأهل الجنة حاجة كده زي تصبيرة، وفي قول بيقول إنهم هيأكلوا منها وهم واقفين في أرض المحشر قبل حتى ما يوصلوا للجنة والله أعلم.
لكن الأكيد إن الأرض هتتحول لخبزة يأكلها أهل الجنة من المؤمنين،
ومش محتاجة أفكرك بأن لله عز وجل يد تليق بجلاله وكماله وهو ليس كمثله شيء، وإننا بنثبت لله ما أثبته لنفسه،
في الحديث قال يد ووصَف إنه يقلب الأرض من يد ليد يبقى نثبت الكلام ده بدون تشبيه ولا تصوير ولا أي حاجة👌

#الخلفاء_الراشدون_إيمان_شلبي
#سيرة_أبي_بكر_وعمر
#الحلقة_الثامنة_والعشرون
#حروب_الردة
#من_شهداء_الصحابة_في_معركة_اليمامة_الجزء_الأول

اتكلمنا المرة إللي فاتت عن انتصار المسلمين في معركة اليمامة وقلنا إن النصر ده كان ثمنه غالي وإن عدد كبير من الصحابة استشهدوا منهم الطُّفَيْلُ بن عمرو الدوسي واتكلمنا عنه بالتفصيل،
وقلنا كمان إن كان منهم:
♡عبّاد بن بشر،
♡عبد الله بن عبد الله بن أبي بن سلول،
♡عبد الله بن سهيل بن عمرو،
♡السائب بن عثمان بن مظعون،
♡يزيد بن ثابت،
♡السّائب بن العوّام

فاحنا هنتعرف سريعا كده على الصحابة دول في حلقة النهاردة والحلقة الجاية إن شاء الله،
♡عبّاد بن بِشْر:
كان من سادة الأوس ومن أوائل الناس إللي أسلمت على يد مصعب بن عمير لما جاء للمدينة قبل هجرة رسول الله ﷺ، حتى إن عبّاد كان أسلم قبل أُسيد بن حُضير وسعد بن معاذ رضي الله عنهما،
وكان عمره لما أسلم خمسة وعشرين سنة،
وكان القرآن شغله الشاغل وكان يردده ليل نهار لدرجة إنه اتعرف بين الصحابة بلقب:《الإمام وصديق القرآن》
وكان في مرة يتهجد في مسجد رسول الله ﷺ فسمعه رسول الله ﷺ وهو يتلو القرآن فسأل السيدة عائشة هل ده صوت عبّاد عشان يتأكد فقالت له إنه فعلا عباد فدعا له رسول الله ﷺ وقال:
"اللَّهُمَّ ارْحَمْ عَبَّادًا."《صحيح البخاري》

وحضر عبّاد مع رسول الله ﷺ كل الغزوات،
وكان شجاع وشديد القوة وكان من الذين اشتركوا في قتل كعب بن الأشرف واتكلمنا عن قصة قتله بالتفصيل في الحلقة الخامسة والستين من السيرة النبوية للي حابب يعرف القصة👌

وكان عبّاد متخصص في الحراسة،
يعني في غزوة الأحزاب مثلا تولى حراسة قُبة أو خيمة رسول الله ﷺ وكذلك في غزوة تبوك،
وفي غزوة ذات الرّقاع تولى الحراسة هو وعمار بن ياسر رضي الله عنه وحصلت معاه حادثة أثناء الحراسة،
وهي إنه لما كان رسول الله ﷺ مع المسلمين في غزوة ذات الرّقاع؛ واحد من المسلمين أصاب زوجة رجل من المشركين بجروح وكان زوج المرأة دي غائب،
فلما رجع المشرك وعرف إللي حصل لزوجته وكان جيش المسلمين خلاص في طريق رجوعه للمدينة؛ أقسم إنه مش هيسيب جيش المسلمين إلا لما يُصيب أحد أصحاب رسول الله ﷺ بجراح،
فخرج الرجل يتتبع أثار جيش المسلمين،
في الوقت ده كان رسول الله ﷺ والجيش إللي معاه نزلوا في وادي عشان يريحوا فيه، فرسول الله ﷺ قال للصحابة:
" مَنْ رَجُلٌ يَكْلَؤُنَا لَيْلَتَنَا هَذِهِ"
《صحيح أبي داود》
يعني مين إللي يحرسنا الليلة دي، فتطوع عمار بن ياسر من المهاجرين و عبّاد بن بِشر من الأنصار،
نام رسول الله ﷺ ومعاه الجيش، وخرج عبّاد وعمار من الوادي عشان يستلموا الحراسة،
فسأل عمار عبّاد بن بشر إذا كان عايز نوبة الحراسة تكون له الأول ولّا ينام وبعدين يصحى يبدّل مع عمار،
فقال له عباد إنه هيبتدي الحراسة هو الأول، فنام عمار بن ياسر، وقام عباد بن بشر يصلي جنبه،
في الوقت ده الرجل المشرك كان وصل لمكان جيش المسلمين فشاف إن في واحد واقف من بعيد فعرف إن ده حارس جيش المسلمين،
فالمشرك عايز ينفّذ قسمه، فراح واخد سهم وحاطه في القوس ورمى بيه عبّاد🙊
السهم أصاب عباد لكنه متحركش من مكانه، عبّاد شد السهم من جسمه ورماه وكمّل صلاته😳
المشرك استغرب إن عبّاد لسه واقف، فقال أكيد السهم لم يُصب عباد؛ لأن الطبيعي إللي يتصاب بسهم بيقع ميبقاش واقف كده ولا كأنه حصل له حاجة😅
المشرك أخذ سهم تاني وراح رامي عبّاد بن بشر، والسهم أصاب عباد، وعباد لسه واقف زي ما هو، كل إللي عمله إنه شد السهم من جسمه تاني ورماه وكمل صلاته😳
والرجل المشرك مش قادر يستوعب إللي بيحصل😅
فراح واخد سهم ثالث ورمى بيه عباد بن بشر للمرة الثالثة🙊
والسهم أصاب عباد، فنزع السهم من جسمه ورماه، وبعدين ركع وسجد وكمل صلاته وسلم وأيقظ عمار بن ياسر إللي كان نايم في الأرض،
عمار صحي شاف الدم بينزف من عباد رضي الله عنه اتخض طبعا من المنظر وشاف الثلاثة أسهم في الأرض،
فقال عمار لعباد:
سُبحانَ اللَّهِ ألا أنبَهْتَني أوَّلَ ما رمى😲
يعني مش كنت تصحيني من أول مرة اتصبت فيها،
فقال له عباد:
"كنتَ في سورةٍ أقرَؤُها فلَم أحبَّ أن أقطعَها"
《صحيح أبي داود》
وفي رواية تانية قال:
"كنت في سورة أقرأها فلم أحب أن أقطعها حتى أفرغَ منها، وايْم الله لولا خوفي أن أُضيعَ ثغراً أمرني رسول الله ﷺ بحفظه لكان قَطْعُ نَفَسِي أحبّ إلى من قطعها"
يعني بيقول لعمار إنه كان بيقرأ سورة من القرآن ومحبش إنه يقطع قراءة السورة إلا لما يخلصها، وكان فعلا ناوي على كده حتى لو كانت النتيجة هي موته،
لكنه تذكر إن رسول الله ﷺ استأمنه على سلامته وعلى سلامة الجيش إللي معاه، فكان لازم يُقدم أمر رسول الله ﷺ على هواه ورغبته الشخصية فكمّل الصلاة وأيقظ عمار،