#قصص_الأنبياء
#الحلقة_السابعة_والأربعون
#أصحاب_السبت

بما إننا اتكلمنا عن يأجوج ومأجوج والسد..وقلنا إننا نحط بينا وبين الفتن سد،
فأنسب قصة نتكلم عنها النهاردة هي قصة أصحاب السبت😊
اليهود كانوا بيقولوا إنهم أحباب الله، فربنا قال لهم،
لو كلامكم صحيح ..طيب بيعذبكم بسبب ذنوبكم وعصيانكم ليه؟😒
أيوة ربنا فضّل بني إسرائيل بالنبوة والملك على باقي البشر في زمانهم، لكن إللي يعصي ربنا بيعذبه في الدنيا قبل الآخرة،
"وَقَالَتِ الْيَهُودُ وَالنَّصَارَىٰ نَحْنُ أَبْنَاءُ اللَّهِ وَأَحِبَّاؤُهُ ۚ قُلْ فَلِمَ يُعَذِّبُكُم بِذُنُوبِكُم ۖ بَلْ أَنتُم بَشَرٌ مِّمَّنْ خَلَقَ "

عايزين مثال إن إللي بيعصي ربنا بيعذبه في الدنيا..عندكم قصة أصحاب السبت👌
"وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ"

أصحاب السبت دول هم قوم من بني إسرائيل ، منعرفش زمانهم كان إمتى بالتحديد، لكن يُقال إنهم كانوا في زمن داوود عليه السلام،
وكانت قرية اليهود دي جنب البحر، فطبعا ده معناه إنهم بيعتمدوا على صيد السمك في غذائهم،
ربنا كان محرم عليهم صيد السمك في يوم السبت...باقي الأسبوع حلال لكن يوم السبت لأ👌

☆طيب اشمعنى يوم السبت😕
كل نبي من الأنبياء بيقول لقومه على يوم الجمعة وفضله،
فلما موسى عليه السلام قال لبني إسرائيل عن يوم الجمعة زي باقي الأنبياء ،
بني إسرائيل اعترضوا وقالوا لأ السبت أحسن ، وقعدوا يبرروا فربنا قال لهم خليكم في السبت،
فلما جه زمن قرية أ، ربنا ابتلاهم إنهم لا يصطادوا السمك يوم السبت اختبار وامتحان لهم👌

في البداية كانوا ملتزمين بعدم صيد السمك، وكانوا بيصطادوا في باقي أيام الأسبوع،
لكن مفيش سمك في البحر غير يوم السبت😶
طول الأسبوع مفيش ولا سمكة..يوم السبت السمك كثير جدا لدرجة إنه بينط على بعض وبيشوفوه بعنيهم😅

☆زي مثلا لما الواحد بيبدأ يتبع أوامر ربنا ونواهيه،
يقول خلاص بس أنا تبت 😤
مثلا تبت من سماع الأغاني..فكل ما يمشي في مكان يسمع الأغاني إللي كان بيحبها وعلى طول بيسمعها😳
واحدة تابت من اللبس الضيق والميكب ولبست الحجاب الشرعي،
طول ما هي ماشية عمالة تشوف البنات لابسة وعاملين في نفسهم البدع..ودي تقولها إنتي كبرتي نفسك ليه،
والتانية تقولها شكلك وحش والرابعة تقول ...والخامسة والسادسة....كل ده اختبار👌
ماهو ياجماعة سهل جدا إن الواحد يقول أنا مؤمن أو أنا ملتزم بأوامر ربنا😅
إزاي الإنسان يعرف إذا كان صادق فعلا في كلامه ولا لأ؟
بالإبتلاء والمشاكل و...و...
هو ربنا عالم الغيب، وعالم إذا كان الشخص ده صادق ولا لأ،
بس ربنا مش بيحاسبنا بسابق علمه فينا😊
بيحاسبنا باللي إحنا بنعمله،
فبيبتلي الإنسان عشان يقوله شوف نفسك..شوف أفعالك.. هل إنت فعلا صادق في كلامك وايمانك والتزامك ولا لأ👌
فلو صبر الإنسان قصاد الفتن والمُغريات واستمر على طريق الإلتزام يبقى هو فعلا كان صادق، لكن لو رجع خالص زي الأول وأكثر يبقى مكنش صادق🤷‍♀️
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ"

فربنا خلى السمك يطلع على وش المية يوم السبت بكميات كبيرة ويغوص في أعماق البحر باقي الأسبوع،
بني إسرائيل كانوا صابرين على أوامر ربنا، لحد ما واحد عمل إيه🙊
عمل حيلة ...حفر يوم الجمعة زي حفرة كبيرة جنب البحر عشان لما الموج يجيب السمك يوم السبت يدخل السمك في الحفرة وميعرفش يطلع تاني،
وييجي هو يوم الأحد ياخد السمك فهو استعمل حاجة حلال حيلة مشروعة عشان يوصل لشيء محرم،
حفر الحفرة أو حوض يوم الجمعة دخل السمك لوحده يوم السبت وهو أخده يوم الأحد ،وبكده هو مصطدش يوم السبت ...معرفتكش أنا كده بقى👈😏👉

☆عارفين زي إيه 😅
رسول الله صلى الله عليه وسلم قال :" لعن الله الواشمات والمُتَفَلّجات للحُسْن والمُتَنمّصات المُغَيّرات لخلق الله"
فعلة التحريم التغيير لخلق الله👌
فتيجي واحدة تعمل إيه😕
تقوم مشقرة حواجبها《 وترفعها خااالص كأنها متنمصة بالضبط》...وتقول أنا مشلتش ولا شعراية أهه أنا شقرت بس🤷‍♀️
طيب ماهي النتيجة هنا واحدة...وهو التغيير لخلق الله..وده سبب التحريم أساسا🙃
وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي "السَّبْتِ إِذْ تَأْتِيهِمْ حِيتَانُهُمْ يَوْمَ سَبْتِهِمْ شُرَّعًا وَيَوْمَ لَا يَسْبِتُونَ ۙ لَا تَأْتِيهِمْ ۚ كَذَٰلِكَ نَبْلُوهُم بِمَا كَانُوا يَفْسُقُونَ "

فالراجل بعد ما أخذ السمكة راح بيته وشواها ، وإنتم عارفين السمك المشوي ريحته بتبقى عاملة إزاي😅
فجاره شم الريحة وجه يسأله إنت جبت السمك منين وعملت إيه،
حكى له إللي عمله راح التاني عامل زيه،
والثالث والرابع لحد ما الموضوع انتشر في بني إسرائيل😶

☆حاولوا تربطوا كده بواقع بني إسرائيل والواقع بتاعنا😞
زمااان مكنش في واحدة تقدر تمشي كاشفة وشها،
لحد ما كشفت واحدة من النساء وشها والنساء بقت تقلدها وبقى اسمه تحرر،
وبعد

#قصص_الأنبياء(٢)
#السيرة_النبوية
#الحلقة_السابعة_والأربعون
#في_طريق_الهجرة

كنا واقفين عند رسول الله ﷺ لما تجهز هو وأبو بكر رضي الله عنه عشان يهاجروا من مكة ويتجهوا ليثرب وشرحنا الخطة بتاعتهم،
لما خرج رسول الله ﷺ من مكة نظر إليها وقال :
"وَاللهِ إِنَّكِ لَخَيْرُ أَرْضِ اللهِ وَأَحَبُّ أَرْضِ اللهِ إِلَيَّ، وَاللهِ لَوْلَا أَنِّي أُخْرِجْتُ مِنْكِ مَا خَرَجْتُ"

☆محتاجين نقف هنا وقفة عشان نفهم معنى مهم جدا👌
حب الوطن ده من المشاعر الفطرية في الإنسان،
زي حب الإنسان لأولاده وأمه وأبيه وحبه لكل شيء جميل وطبيعي إن الإنسان يحب يقضي حياته في المكان إللي له فيه ذكريات جميلة،
حلو الكلام😁
طيب لو الإنسان اتمنع إنه يُظهر دينه زي مثلا إنه مش عارف يؤدي الصلاة وباقي شعائر الإسلام والناس بتحاربه وبتؤذيه يبقى هنا الوضع إيه😕
يبقى يعمل زي رسول الله ﷺ ويسيب وطنه ده ويروح مكان تاني يقدر يُقيم فيه دينه ويعبد ربنا براحته،
طبعا لو كان يقدر إنه يسيب وطنه ده😉
والهجرة دي واجبة على الإنسان لو يقدر ، قال تعالى:
"يَا عِبَادِيَ الَّذِينَ آمَنُوا إِنَّ أَرْضِي وَاسِعَةٌ فَإِيَّايَ فاعبدون"
وإللي ميقدرش يهاجر يخفي إيمانه لحد ما ربنا يسهل له أمره،
زي المسلمين إللي معرفوش يهاجروا من مكة واتحبسوا فيها،
فاحنا عندنا في الإسلام الحفاظ على الدين مقدم على كل شيء👌
وبالمناسبة الحديث المشهور بتاع :
"حب الأوطان من الإيمان"
حديث موضوع😊
وحتى بالعقل يعني حب الأوطان بيشترك الناسِ فيه من غير فرق بين أهل التقوى والإيمان وأهل الكفر والفسوق والعصيان،
يبقى فين الإيمان بقى🤷‍♀️
وحتى رسول الله ﷺ لما قال كلامه ده مكنش يقصد حب الأرض ذات نفسها ولا التراب مثلا ولا لأنها وطن وهيفارقه بقى وكده 😅
لكن لأن مكة خير بقاع الأرض عند الله تعالى بنص الحديث
في رواية تانية: "وَأَحَبُّ أَرْضِ اللهِ إِلَى الله"
وده لأنها أماكن عبادة وفيها الحج وفيها تعظيم شعائر الله، وربنا قال:
"وَمَن يُعَظِّمۡ شَعَٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ "
ورسول الله ﷺ يقول: "أَحَبُّ البِلَادِ إِلَى اللهِ مَسَاجِدُهَا"
فالخلاصة إن حب الوطن حب فطري لكن لو تعارض مع إقامة الدين يبقى يجب علينا لو نقدر نسيب الوطن ونروح مكان تاني نقيم فيه ديننا👌
طيب وإللي مش هيعمل كده ، يعني إللي مش عارف يقيم دينه ومع ذلك مش هيهاجر مع إنه يقدر ده إيه نظامه😕
للأسف آخرته وحشة😶
شوفوا ربنا بيقول إيه :
"إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنفُسِهِمْ قَالُوا فِيمَ كُنتُمْ ۖ قَالُوا كُنَّا مُسْتَضْعَفِينَ فِي الْأَرْضِ ۚ
قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا ۚ فَأُولَٰئِكَ مَأْوَاهُمْ جَهَنَّمُ ۖ وَسَاءَتْ مَصِيرًا"

فرسول الله ﷺ ترك وطنه لأنه مش قادر يُقيم فيه دينه وخرج هو وأصحابه من المسلمين لأرض ثانية عشان يعبدوا الله فيها،
اتجه رسول الله ﷺ مع أبي بكر الصديق رضي الله عنه لحد ما وصلوا لغار ثور وده كان في أواخر صفر من السنة الرابعة عشة للبعثة ،
وبدأ تنفيذ الخطة من جميع الأطراف كل واحد عارف دوره،
في الوقت إللي كان فيه رسول الله ﷺ في الغار مع أبي بكر الصديق، كانت مكة مقلوبة🙊
محمد ﷺ اختفى، راح فين.. طلع من مكة إزاي ...طيب فين أبو بكر.. مش لاقيينه هو كمان ...كده كل إللي كانوا خايفين منه هيحصل😮

☆وهنا في قصة مشهورة لكنها غير صحيحة🙅‍♀️❌
بعد ما خرج رسول الله ﷺ ومعاه أبو بكر للهجرة جاء مجموعة من كفار قريش وعلى رأسهم أبي جهل وسأل عن أبي بكر فأسماء قالت إنها متعرفش فراح أبو جهل ضربها ضربة وقعت الحلق من أذنها،
القصة دي مع شهرتها لكنها غير صحيحة👌

دي آخر فرصة ممكن يلحقوا فيها رسول الله ﷺ قبل ما يهاجر، فطلعوا على الطرق يدوروا عليه،
حطوا مكافأة مائة ناقة لأي حد يلاقيه أو يقتله، ومائة ناقة في زمانهم كانت مبلغ كبير😅
فكل الناس بدأت تدور عشان تاخد المكافأة، كل مجموعة أخذت مكان تبحث فيه، وصل مجموعة من المشركين عند غار ثور إللي فيه رسول الله ﷺ وأبو بكر،
وقف المشركون على باب الغار وقعدوا يتكلموا، ولو واحد منهم بص لتحت رجله كده هيشوفهم🙊
متخيلين موقف رسول الله ﷺ وأبو بكر بعد الخطة المحكمة دي، لقوا المشركين واقفين في المكان إللي هم فيه،
ولو المشركون شافوا رسول الله ﷺ وأبو بكر المرة دي هيقتلوهم أكيد😶
فكان أبو بكر الصديق رضي الله عنه خايف وقال لرسول الله ﷺ:
يا رسول الله لو واحد منهم بص تحت رجله هيشوفنا😥
فقال له رسول الله ﷺ :
متخفش! تخيل لما يكون اثنين الله ثالثهما إيه إللي ممكن يحصل، ربنا معانا👌
" إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا ۖ "
فهنا ربنا أنزل عليهم السكينة وساعدهم بجند من جنوده،
وهي الملائكة، فهي صرفت بصر المشركين عن النظر لداخل الغار،
"فَأَنزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا."
ومشي المشركون وتركوا الغار من

#قصص_الأنبياء
#الحلقة_السابعة_والأربعون
#أصحاب_السبت

بما إننا اتكلمنا عن يأجوج ومأجوج والسد..وقلنا إننا نحط بيننا وبين الفتن سد،
فأنسب قصة نتكلم عنها النهاردة هي قصة أصحاب السبت😊
ليه يعني🤨
خلونا نشوف السبب👌

اليهود كانوا بيقولوا إنهم أحباب الله،
فربنا قال لهم لو كلامكم صحيح ، طيب ليه بيعذبكم بذنوبكم وعصيانكم وجحودكم 😒
ربنا مش بيعذب إللي بيحبه، ممكن يعاقب المؤمن عشان يفوق من غفلته ، لكن نزول العذاب من ربنا على ناس معينة مش بيكون وهو بيحبهم عز وجل..
"وَقَالَتِ الْيَهُودُ وَالنَّصَارَىٰ نَحْنُ أَبْنَاءُ اللَّهِ وَأَحِبَّاؤُهُ ۚ قُلْ فَلِمَ يُعَذِّبُكُم بِذُنُوبِكُم ۖ بَلْ أَنتُم بَشَرٌ مِّمَّنْ خَلَقَ"

أيوة ربنا فضّل بني إسرائيل بالنبوة والمُلك على باقي البشر في زمانهم، لكن إللي بيعصي وبيُعرِض عن البينات ويؤذي الرسل ويُبارز ربنا بعصيان أمره؛ ربنا بيعذبه في الدنيا قبل الآخرة..
عايزين مثال إن إللي بيفسق عن أمر ربه ويبارزه بالعصيان ده ربنا بيعذبه في الدنيا؟
عندنا قصة أصحاب السَّبْت👌

أصحاب السبت دول هم قوم من بني إسرائيل، منعرفش زمانهم كان إمتى بالتحديد، لكن يُقال إنهم كانوا في زمن داوود عليه السلام،
وكانت قرية اليهود دي جنب البحر، فطبعا ده معناه إنهم كانوا بيعتمدوا على صيد السمك في غذائهم.
ربنا كان محرّم عليهم صيد السمك في يوم السبت... باقي الأسبوع مباح الصيد عادي، لكن يوم السبت لأ👌

☆طيب اشمعنى يوم السبت😕
كل نبي من الأنبياء بيقول لقومه على يوم الجمعة وفضله،
فلما موسى عليه السلام قال لبني إسرائيل عن يوم الجمعة زي باقي الأنبياء؛
بني إسرائيل اعترضوا وقالوا لأ السبت أحسن، وقعدوا يبرروا ويجادلوا، فربنا قال لهم خليكم في السبت..
فلما جاء زمن قرية أصحاب السبت ربنا ابتلاهم إنهم لا يصطادوا السمك يوم السبت، كاختبار وامتحان لهم على الطاعة👌
في البداية كانوا ملتزمين بعدم صيد السمك، وكانوا بيصطادوا في باقي أيام الأسبوع،
لكن مكنش بيطلع لهم سمك في البحر غير يوم السبت😶
طول الأسبوع مفيش ولا سمكة.. ويوم السبت السمك كثير جدا لدرجة إنه بينط على بعض وبيشوفوه بعنيهم😅

☆زي مثلا لما الواحد بيبدأ يتبع أوامر ربنا ونواهيه، ويقول خلاص بس أنا تبت 😤
مثلا تبت من سماع الأغاني والمعازف والمسلسلات.. فبقى كل ما يمشي في مكان يسمع الأغاني إللي كان بيحبها وكان على طول بيسمعها، وكإن الشارع كله قرر فجأة يشغلها😳
أو مثلا واحدة تابت من التبرج ولبست الحجاب الشرعي، تقوم طول ما هي ماشية عمالة تشوف البنات المتبرجة بعدد كبير وكإنهم مكنوش موجودين قبل كده🤨
همّ كانوا موجودين، لكن لإنها بقت مختلفة عنهم فبقوا باينين جدا قصادها، وربنا بيختبرها بيهم،
يعني دي تقول لها إنتِ كبّرتي نفسك ليه باللبس الغريب ده؟! والتانية تقولها شكلك وحش كده، والتالتة تقول ...والعاشرة والعشرين....كل ده اختبار👌
ماهو ياجماعة سهل جدا إن الواحد يقول أنا مؤمن أو أنا ملتزم بأوامر ربنا.. الكلام سهل😅
إزاي الإنسان يعرف إذا كان صادق فعلا في كلامه ولّا لأ؟
بالإبتلاء والامتحانات ومُفترق الطرق وعند المشاكل والصعاب والفتن والشهوات....و...و .. و
ربنا يعلم الغيب أيوة، ويعلم إذا كان الشخص ده صادق ولّا لأ، بس مش بيحاسبنا عز وجل بسابق علمه فينا😊
إنما بيحاسبنا باللي احنا بنعمله👌
فبيبتلي الإنسان عشان يقوله شوف نفسك.. شوف أفعالك.. هل انت فعلا صادق في كلامك وايمانك والتزامك ولّا لأ👌
فلو صبر الإنسان قصاد الفتن والمُغرِيات واستمر على طريق الإلتزام يبقى هو فعلا كان صادق،
لكن لو رجع خالص زي الأول وأكثر يبقى مكنش صادق🤷‍♂️
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ"

فربنا خلى السمك يطلع على وش المية يوم السبت بكميات كبيرة ويغوص في أعماق البحر باقي الأسبوع،
وسبحان الله لو مكنوش جادلوا في يوم الجمعة، كان زمانهم بياكلوا السمك عادي يوم السبت😏
☆وهنا ملحوظة مهمة:
وهي إننا لما بنطمع في حاجة غير اللي ربنا إداهالنا، أحيانا بنكون بنتمنى الشر لأنفسنا واحنا مش عارفين..
ربنا بيقول:
"وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ ۖ وَكَانَ الْإِنسَانُ عَجُولًا"،
فدايما في أمور الدنيا نرضى بالمقسوم ونحمد ربنا عليه ونطمئن لاختيار ربنا لينا دايما،
ولو هنطلب شي دنيوي محدد نقول في الآخر: يارب لو فيه خير،
لكن في أمور الآخرة والنجاة، ندعي براحتنا طبعا بدون قلق👌

المهم،
بني إسرائيل كانوا صابرين على ابتلاء يوم السبت وثابتين على طاعة ربنا في عدم الصيد فيه، لحد ما واحد منهم عمل إيه🙊
عمل حيلة ...
حفر يوم الجمعة زي حفرة كبيرة جنب البحر، عشان لما الموج يجيب السمك يوم السبت، يدخل السمك في الحفرة، وميعرفش يطلع تاني، وييجي هو يوم الأحد ياخد السمك من الحفرة.. وبكده ما يبقاش اصطاد يوم السبت، وكإن ربنا مش مطلع على مكره وتحايله على الحرام🙂
"وَاسْأَلْهُمْ عَنِ الْقَرْيَةِ الَّتِي كَانَتْ حَاض

#قصة_نهاية_البداية_إيمان_شلبي
#الدار_الآخرة_بالعامية
#الحلقة_السابعة_والأربعون
#المرحلة_الثالثة_اليوم_الآخر
#الأحداث_في_أرض_المحشر_الجزء_الثامن_عشر
#رؤية_الله_عز_وجل_في_عَرَصات_القيامة

قلنا المرة إللي فاتت إن كل واحد هيتبع معبوده إللي عَبَده في الدنيا ويَبْقَى رسول الله ﷺ وأمته واقفين متحركوش من مكانهم،
ومعهم مَن كانَ يَعْبُدُ اللَّهَ مِن بَرٍّ أوْ فَاجِرٍ،
قال رسول الله ﷺ:
"فيتمثلُ الربُّ تباركَ وتعالى، فَيأتيهِمُ فيقولُ: ما لَكُمْ لا تَنْطَلِقُونَ كما انطلقَ الناسُ؟
فَيقولونَ: إِنَّ لَنا إِلَهًا ما رَأَيْناهُ بَعْدُ.
فيقولُ: هل تَعْرِفُونَهُ إنْ رأيتُمُوهُ ؟
فَيقولونَ: إنَّ بينَنا وبينَهُ عَلامَةٌ إذا رأيناهُ ، عرفناهُ،
فيقولُ: ماهيَ ؟ فَيقولونَ: يَكْشِفُ عن ساقِهِ.
فعندَ ذلكَ يَكْشِفُ عن ساقِهِ، فَيَخِرُّ كلُّ مَنْ كان لِظهرِهِ طَبَقٌ ساجدًّا، ويَبْقَى قومٌ ظُهورُهُمْ كَصَياصِي البَقَرِ ، يُرِيدُونَ السُّجُودَ فلا يَسْتَطِيعُونَ، وقد كَانُوا يُدْعَوْنَ إلى السُّجُودِ وهُمْ سالِمُونَ،
ثُمَّ يقولُ: ارفعُوا رؤوسَكُمْ ، فَيَرْفَعُونَ روؤسَهُمْ ، فِيُعْطِيهِمْ نُورَهُمْ على قدرِ أَعْمالِهِمْ"
《صحيح الترغيب والترهيب》

وفي رواية في《صحيح البخاري》قال رسول الله ﷺ:
فيُقَالُ لهمْ: ما يَحْبِسُكُمْ وقدْ ذَهَبَ النَّاسُ؟
فيَقولونَ: فَارَقْنَاهُمْ، ونَحْنُ أحْوَجُ مِنَّا إلَيْهِ اليَومَ، وإنَّا سَمِعْنَا مُنَادِيًا يُنَادِي: لِيَلْحَقْ كُلُّ قَوْمٍ بما كَانُوا يَعْبُدُونَ، وإنَّما نَنْتَظِرُ رَبَّنَا.
فَيَأْتِيهِمُ الجَبَّارُ في صُورَةٍ غيرِ صُورَتِهِ الَّتي رَأَوْهُ فِيهَا أوَّلَ مَرَّةٍ، فيَقولُ: أنَا رَبُّكُمْ،
فيَقولونَ: أنْتَ رَبُّنَا، فلا يُكَلِّمُهُ إلَّا الأنْبِيَاءُ،
فيَقولُ: هلْ بيْنَكُمْ وبيْنَهُ آيَةٌ تَعْرِفُونَهُ؟
فيَقولونَ: السَّاقُ، فَيَكْشِفُ عن سَاقِهِ، فَيَسْجُدُ له كُلُّ مُؤْمِنٍ، ويَبْقَى مَن كانَ يَسْجُدُ لِلَّهِ رِيَاءً وسُمْعَةً، فَيَذْهَبُ كَيْما يَسْجُدَ، فَيَعُودُ ظَهْرُهُ طَبَقًا واحِدًا"

والكلام معناه إن ربنا عز وجل هيتمثل لأمة محمد ﷺ ومَن كانَ يَعْبُدُ اللَّهَ مِن بَرٍّ أوْ فَاجِرٍ كما يَشاءُ وكيف شاءَ بما يَليقُ بِجَلالِه، احنا علينا نُؤمن فقط بما أخبر به الله عن نفسه وما أخبر به عنه رسول الله ﷺ، أما الكيفية فدي مش بتاعتنا👌
فبعد ما يتمثل بما يليق بجلاله سبحانه هيأتيهم ويسألهم انتم ليه متحركتوش زي باقي الناس؟
فيردوا عليه ويقولوا احنا لما كنا في الدنيا فارقنا الناس إللي كانوا بيعبدوا غير الله لله مع إننا كنا محتاجينهم ومحتاجين دعمهم،
ودلوقتي كمان احنا فارقناهم لأننا النهاردة أشد حاجة لله تعالى،
واحنا إلهنا إللي كنا بنعبده لسه مشفناهوش عشان نتبعه، وهو له علامة وَصَفَها لنا رسولُ اللهِ ﷺ،
فهيسألهم ويقول لهم يعني انتم لو شوفتوه هتعرفوه؟
فهيقولوا احنا بينا وبينه علامة، فلو شفنا العلامة دي هنعرفه👌
فالعلامة دي هي إن ربنا هيكشف عن ساقه، وفي الحديث إثبات لصفة ‏الساق لله سبحانه كغيرها من الصفات التي تليق بجلاله،
فاحنا نؤمن بها لفظاً ومعنىً ونفوّض ‏كيفيتها إلى الله سبحانه القائل: "ليس كمثله شيء وهو السميع البصير"

فالمؤمنين إللي كانوا بيصلوا وبيسجدوا لله عز وجل في الدنيا برغبتهم لما يشوفوا الساق؛ هيسجدوا مختارين راغبين راهبين لرب العالمين،
فيخرّون سجداً لله ويوفقهم الله عز وجل ويعينهم على كده زي ما رسول الله ﷺ قال:
"فَلَا يَبْقَى مَنْ كَانَ يَسْجُدُ لِلَّهِ مِنْ تِلْقَاءِ نَفْسِهِ إِلَّا أَذِنَ اللهُ لَهُ بِالسُّجُودِ"
《رواه البخاري ومسلم》
في ناس بقى هيحاولوا يقلدوا المؤمنين ويسجدوا زيهم لكن مش هيقدروا وتكون ظهورهم 《كَصَياصِيِّ البَقَرِ》يعني ظهورهم هتبقى عاملة زي ذيول البَقَرِ الجافَّةِ،
فهتبقى طبقة واحدة مستقيمة لا تَنْثنِي، فيحاولوا يسجدوا؛
ميقدروش وهؤلاء هم المنافقون إللي كانوا بيعملوا الأعمال رياء ويُظهروا للناس عكس إللي في قلوبهم.
قال رسول الله ﷺ:
"وَلَا يَبْقَى مَنْ كَانَ يَسْجُدُ اتِّقَاءً وَرِيَاءً إِلَّا جَعَلَ اللهُ ظَهْرَهُ طَبَقَةً وَاحِدَةً، كُلَّمَا أَرَادَ أَنْ يَسْجُدَ خَرَّ عَلَى قَفَاهُ"《رواه البخاري ومسلم》
وقال تعالى:
"يَوْمَ يُكْشَفُ عَنْ سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ"
《سورة القلم آية(42)》
وقال عن المنافقين:
"وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ"
《سورة القلم آية(43)》
يعني كانوا يُدْعَوْنَ إلى الإيمانِ باللهِ في الدنيا والسُّجودِ له وهم بقُوَّتِهم وسَلامَةِ أجْسادِهم، ولكنَّهم رَفَضوا ذلك، فلا يَسْتَطيعون الانْحِناءَ، ولا السُّجودَ للهِ في الآخِرَةِ؛
لأنَّهم ما كانوا في الحقيقةِ يَسْجُدونَ مُخْلِصينَ للهِ في الدُّنْيا، وإنَّما كانوا يَسْجُدونَ من أجْلِ أغْراضِهم الدُّنْيويَّةِ.