#قصص_الأنبياء(٢)
#السيرة_النبوية
#الحلقة_مائة_وثمانية_وستون
#أحداث_السنة_الثامنة_من_الهجرة
#موقف_رسول_الله_مع_سُهيل_وصفوان

وقفنا المرة إللي فاتت عند سؤالنا عن سُهيل بن عمرو وصفوان بن أمية حصل معاهم إيه،
احنا كنا قلنا إنهم جمعوا أوباش قريش وكوّنوا فرقة لقتال المسلمين وانهزموا وهربوا كلهم بعد كده وكان معاهم عكرمة بن أبي جهل وعرفنا قصته وإنه دخل في الإسلام خلاص،
اتبقى سهيل بن عمرو وصفوان بن أمية،

◇أولا: سهيل بن عمرو:
بعد ما سهيل بن عمرو هرب، دخل بيته وقفل عليه بابه لأن إللي كان بيدخل بيته ويقفل عليه بابه كان بيبقى آمن زي ما قلنا قبل كده،
لكن سهيل مش هيفضل محبوس في بيته على طول،
و برده كان خايف يخرج ؛
لأنه خايف إنه يُقتل واحنا عارفين تاريخ سهيل بن عمرو مع رسول الله ﷺ عامل إزاي وموقفه الشديد على رسول الله ﷺ يوم صلح الحديبية وإللي عمله مع أبو جندل ابنه😅
حتى سهيل نفسه كان بيقول:
" تذكرتُ أثَرِي عند محمد وأصحابه، فليس أحدٌ أسوأْ أثراً مني، وإني لَقِيتُ رسول الله ﷺ يوم الحديبية بما لم يَلْقه أحد"
يعني بيقول هو افتكر الحاجات إللي عملها مع رسول الله ﷺ و الصحابة فلقى إن محدش ساب عندهم أثر سيء زيه.

فأرسل سهيل إلى ابنه عبد الله إنه يشفع له عند رسول الله ﷺ عشان يُعطيه الجوار،
وعبد الله بن سهيل ده كان أسلم من زمان وكان من الصحابة إللي حضروا غزوة بدر، وكان موجود في جيش رسول الله ﷺ يوم فتح مكة،
فذهب عبد الله بن سهيل إلى رسول الله ﷺ فقال له:
يا رسول الله! هل تُأَمِّنْ أبي؟
يعني هل تعطي أبي سهيل الأمان إنه لو خرج من بيته محدش يقتله،
فقال له رسول الله ﷺ:
"نعم، هو آمن بأمان الله، فليظهر"

شوفتوا تعامل رسول الله ﷺ مع زعماء مكة عامل إزاي👌
رسول الله ﷺ لو كان عايز الانتقام وهمّه بس
《احتلال مكة》 زي ما في ناس بتتهم رسول الله ﷺ بكده مكنش إداله الأمان وكان أمر جيش المسلمين إنه يتتبعه لحد ما يقتله،
وده فعلا إللي الدول المحتلة بتعمله لما تدخل تحتل دولة تانية، تلاقيهم بيتتبعوا الأمراء والوزراء والكبراء في البلد في كل مكان عشان يقتلوهم أو يسجنوهم في السجن فترات طويلة، أو يُمثّلوا بهم، أو...أو...
لكن رسول الله ﷺ أعطى له الأمان وكمان قال له 《 فليظهر》
يعني خليه يخرج من بيته عادي ويتحرك زي ما هو عايز ميخافش،
وقال رسول الله ﷺ للصحابة:
من لَقِي سهيل بن عمرو فلا يَشُد النظر إليه، فليخرج، فلعمري إن سهيلاً له عقل وشرف،
وما مثل سهيل جَهِل الإسلام، ولقد رأى ما كان يُوضع فيه أنه لم يَكن له بناء"
يعني إللي يشوف فيكم سهيل بن عمرو ميقعدش يبصله أوي ويخوّفه، ومحدش يقول له كلمة تضايقه أو يعلق عليه بأي بتعليق سلبي،
هو خلاص عرف مشكلته وعرف إن إللي كان بيعمله عشان يحارب الإسلام مكنش له أي فايدة وهو رجل حكيم شريف، فمش واحد زيه هيجهل الإسلام 👌
راح عبد الله بن سهيل لأبيه وأخبره باللي قاله رسول الله ﷺ، فقال سهيل:
"كان والله براً صغيراً وكبيراً"
يعني بيقول إن رسول الله ﷺ طول عمره مُحسن سواء لما كان صغير أو حتى لما كِبر،
وخرج سهيل من بيته وكان بيتحرك عادي جدا في مكة وحضر غزوة حنين مع رسول الله ﷺ وهو مُشرك وأعطاه رسول الله ﷺ من الغنائم وأسلم بعد غزوة حنين في مكان اسمه الجُعْرانة قريب من مكة، وهنعرف التفاصيل إن شاء الله لما ييجي وقتها👌
وكان سُهيل بعد إسلامه كثير الصيام والصلاة وكان بيخرج للجهاد كتير جدا مع إنه كان كبير جدا في السن رضي الله عنه.

◇نشوف بقى صفوان بن أمية:
أمية بن خلف أبو صفوان كان من أشد المعاندين لرسول الله ﷺ، وكان أمية هو إللي بيعذب بلال رضي الله عنه لو تفتكروا، وكان أمية بن خلف من إللي قُتلوا في بدر،
صفوان بن أمية ورث الكراهية للإسلام والمسلمين من أبيه،
وحارب رسول الله ﷺ بكل طاقته،
وكان من الناس إللي الْتَفّت على المسلمين في غزوة أحد من عند جبل الرماة هو وخالد بن الوليد رضي الله عنه،
واشترك اشتراك كبير في قتل سبعين من شهداء الصحابة رضي الله عنهم وأرضاهم،
واشترك كمان في غزوة الأحزاب، وطبعا مننساش تدبيره لمحاولة قتل رسول الله ﷺ مع عمير بن وَهْب وكنا اتكلمنا عنها في الجزء الثالث والستين،
وساعتها تعهّد صفوان بن أمية لعمير بن وهب إنه يتحمل عنه عياله وإنه يسدد عنه دينه، في مقابل إن عمير بن وهب يروح يقتل رسول الله ﷺ ،
وشوفنا إزاي عمير أسلم ساعتها،
وآخر محاولة بقى لصفوان ضد رسول الله ﷺ و المسلمين لما جمع أوباش مكة عشان يقاتل المسلمين لما دخلوا مكة، يعني هو له تاريخ أسود مع المسلمين😅
فهرب صفوان بن أمية من مكة كلها، وفي رواية بتقول إن صفوان كان من الناس إللي رسول الله ﷺ أهدر دمهم وأمر بقتلهم،
فدلوقتي مفيش له أي مكان في مكة وحتى خارج مكة معظم القبائل إما على الإسلام أو في بينها وبين رسول الله ﷺ معاهدات، يعني من الآخر كده محدش هيستقبله في الجزيرة العربية،
فقرر إنه يركب البحر ويشوف بقى هيروح فين،
فخرج فعلا في اتجاه البحر الأحمر ومش معاه غير غلام اسمه يَسَار،

#قصص_الأنبياء(٢)
#السيرة_النبوية
#الحلقة_مائة_وتسعة_وستون
#أحداث_السنة_الثامنة_من_الهجرة
#حد_السرقة_في_الإسلام

اتكلمنا المرة إللي فاتت عن المرأة المخزومية إللي كانت بتستلف حاجة الناس وبعدين تقولهم أنا مخدتش منكم حاجة،
وأضافت للجحود ده بقى إنها سرقت، وحد السرقة في الإسلام للي يثبت عليه السرقة فعلا هو قطع اليد،
ربنا بيقول:
"وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِّنَ اللَّهِ ۗ وَاللَّهُ عَزِيزٌ حَكِيمٌ "

طيب خلّونا الأول كده نفهم موضوع السرقة في الإسلام،
السرقة هي: إن واحد بالغ مُكلّف ياخد مال واحد تاني في الخفاء ،
يعني مينفعش نقيم حد السرقة على المجنون مثلا إللي ملوش عقل يميز بيه😅

فعشان تُقطع يد السارق ده لازم شروط معينة تتحقق،
يعني عشان فعلا نقدر نسمي إللي حصل ده سرقة وبالتالي تُقطع يد السارق، لازم يكون عندنا ستة شروط يتحققوا مع بعض عشان يتم قطع يد السارق:
◇الشرط الأول:
أن يكون أَخذُ الشيء على وجه الخِفْيَةِ ومن غير ما يكون له فيه شبهة حق، فإن لم يكن على وجه الخِفْيَةِ فلا تُقْطَع،
يعني مثلا واحد يدخل مكان وهو متخفّي عشان يسرق إللي فيه من غير ما حد يشوفه،
لكن لو واحد بيسرق على مَرأى ومسمع من الناس في الشارع مثلا زي واحد سرق شنطة وهرب قصاد الناس، ده لا تُقطع يده لأن صاحب المال يمكنه طلب النَّجدة من إللي حواليه ومفيش هنا استخفاء👌
لكن طبعا له عقوبة تانية، لكن مش قطع اليد.
وميكونش له شبهة حق، يعني ممكن واحد بيسترجع ماله إللي اتاخد منه بالغصب أو له حق عند الشخص إللي بياخد منه المال ده بأي طريقة يعني.

◇ الشرط الثاني:
أن يكون المسروق مالا محترماً؛ لأن ما ليس بمال لا حرمة له ، كآلات اللهو والخمر والخنزير.
يعني الحاجة إللي اتسرقت دي تكون لها قيمة...مال حلال له حُرمة زي مثلا المال المعروف وزي الذهب، مش تكون حاجة مُحرمة زي آلات الموسيقى والخمر ولحم الخنزير مثلا.

◇الشرط الثالث:
أن يكون المسروق نِصاباً ، وهو ثلاثة دراهم إسلامية أو ربع دينار إسلامي ، أو ما يُقابل أحدهما من النقود الأخرى.
يعني لازم الحاجة إللي اتسرقت دي تكون بلغت نصاب السرقة، ونصاب السرقة هو ربع دينار فأكثر،
والدينار الواحد يساوي أربعة جرامات ذهب وربع،
يبقى حد السرقة هو ثمن جرام ذهب بالإضافة إلى ربع الربع الباقي،
يعني مثلا لو هنفترض إن جرام الذهب بمائة جنيه، يبقى الدينار يساوي أربعمائة جنيه وخمسة وعشرين جنيه،
يبقى حد السرقة هنا هيبقى ربع ال 425 يعني هيبقى :
106,25 يعني مائة وستة جنيه وخمسة وعشرين قرش،
طبعا ده مثال للتوضيح بس👆😅
لكن لازم نشوف سعر الذهب كام في الحقيقة عشان نقدر نطلع نِصاب السرقة بالضبط وهل فعلا الحاجة إللي اتسرقت دي بلغت النصاب ولاّ لأ👌

◇رابعا:
أن يُأخُذَ المسروق من حِرْزه ، وحرز المال : ما تَعَوَّدَ الناس على حِفظ أموالهم فيه كالخِزَانَة مثلاً .
يعني يا جماعة الحاجة إللي اتسرقت دي تكون محطوطة في مكان لحفظ الأموال، زي المحفظة أو الخزنة أو أي مكان لحفظ الأموال،
يعني مش واحد سايب فلوسه كده قصاد الناس ممكن أي حد ياخدها، هنا مش هتبقى سرقة لأن الأموال مش موجودة في مكان لحفظ المال.

◇الشرط الخامس:
لا بد من ثُبُوتِ السرقة، وتكون إما : بشهادة عَدْلَيْنِ ، أو بإقرار السارق على نفسه مرتين.
يعني لازم نتحقق من وقوع السرقة فعلا، وده بيكون إما بيكون عن طريق وجود شاهدين عَدل يشهدوا على ووع السرقة،
أو إن السارق نفسه يعترف على نفسه مرتين إنه فعلا سرق.

◇الشرط السادس:
لابد أن يُطالِب المسروق منه بماله فإذا لم يطالِب لم يجب القطع،
يعني لازم الشخص إللي اتسرق منه يطالب بالحاجة إللى اتسرقت منه دي وإلا خلاص كده مفيش سرقة أصلا🤷‍♂️

فاحنا كده لازم يكون عندنا الشروط الستة دي عشان نقدر نطبق حد السرقة، ولو شرط واحد بس مش متوفر يبقى مش هينفع نطبق حد السرقة وهو قطع اليد،
وعلى فكرة قطع اليد يعني قطع اليد اليمنى فقط من عند الرّسغ🤚 إللي عند مفصل الكف كده مش اليد كلها،
ولو حصل تاني وسرق تُقطع رجله اليسرى.

فالمرأة المخزومية توفر فيها الشروط الستة إللي قلنا عليها دي عشان كده استحقت قطع اليد،
لكن المشكلة إللي كانت بتواجه رسول الله ﷺ زي ما قلنا المرة إللي فاتت إنه لو طبّق حد السرقة على المرأة الشريفة دي من بني مخزوم احتمال كبير تحصل مشاكل مع قبيلة بني مخزوم،
لكن برغم كل المشاكل إللي ممكن تحصل قرر رسول الله ﷺ إنه يطبق حد السرقة على المرأة المخزومية👌

☆طب ليه رسول الله ﷺ اختار إنه يطبق الحد وأهل مكة لسه يادوب داخلين في الإسلام وميعرفوش أحكام الإسلام،
ومن وجهة النظر العامة إن المفروض إن رسول الله ﷺ يوري أهل مكة سماحة الإسلام عشان مينفروش من الإسلام ويكرهوا الدين يعني زي ما في ناس بتقول كده فعلا في زماننا دلوقتي😕

إللي يجاوبنا على السؤال ده هو رسول الله ﷺ نفسه،
شوفوا حصل إيه👌
انتشر الخبر بين أهل مكة إن رسول الله ﷺ هيقطع يد المر

#قصص_الأنبياء(٢)
#السيرة_النبوية
#الحلقة_مائة_وسبعون
#أحداث_السنة_الثامنة_من_الهجرة
#هند_بنت_عتبة_وتسامح_رسول_الله_معها

اتكلمنا المرة إللي فاتت عن بعض الأحداث إللي حصلت في مكة وكان من الأحداث دي سرقة المرأة المخزومية واتكلمنا عن حد السرقة،
قبل ما نكمل باقي الأحداث عندنا سؤالين من التعليقات،
◇السؤال الأول:
إيه هو حكم الناس إللي بتسرق الأطفال أو بتخطفهم من أهلهم🤔

العلماء قالوا إن إللي يعمل كده يدخل في الحِرابة، ويقام عليه حد الحِرابة، زي ما ربنا بيقول:
" إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنيَا وَلَهُمْ فِي الآخِرَةِ عَذَابٌ عَظِيمٌ"
وحد الحرابة هو :
القتل أو الصّلب يعني يتعلّق على خشبة ثم يُقتل وهو مصلوب بحَرْبَة،
أو تقطيع الأيدي والأرجل من خلاف: يعني قطع اليد اليمنى مع القدم اليسرى، أو النفي من الأرض،
إللي يحدد أنهي عقوبة يستحقها إللي أفسد في الأرض ده هو الحاكم أو القاضي، بيشوف أحداث القضية كانت إيه،
هل خطف بس، أو خطف وتعذيب، أو خطف وتعذيب وتعدي أو....أو....
في حالات تستحق القتل وفي حالات تستحق الصلب وحالات تستحق القطع و هكذا👌

◇طبعا يا جماعة موضوع الحِرابة ده باب واسع وفي اختلافات بين العلماء في تطبيقه وشروطه، فصعب إني أشرحها كلها ومش قضيتنا أصلا😅
إللي يهمنا بس هنا إننا نعرف إن الناس إللي بتخطف الأطفال دي لهم حكم في الشرع، وحكم رادع كمان، ولو الحكم ده اتطبق مش هنلاقي حد بيخطف أطفال تاني، بس مين يعقل🙂

☆السؤال التاني:
ما هو جزاء إللي السارق الذي لم تتوفر فيه كل شروط السرقة🤔

مادام لم تتوفر فيه كل شروط السرقة يبقى لا يُطبق عليه حد السرقة وهو قطع اليد،
لكن لو كان الشيء المسروق أقل من نصاب السرقة فهنا السارق يُعزّر،
و التعزير معناه :التأديب على ذنوب لم تُشرع فيها الحدود،
يعني القاضي أو الحاكم يحكم بعقوبة معينة على الشخص إللي عمل حاجة غلط والحاجة دي ملهاش حد في الشرع،
زي إللي سرق مبلغ معين ولكنه أقل من نصاب السرقة،
فلو الموضوع وصل للقاضي أو الحاكم فهو يقضي بعقوبة هو يحددها ويشوفها مناسبة عشان يأدب السارق ده 👌
ولو موصلش للقاضي فباب المسامحة والتوبة مفتوح،
لكن العقوبة أو الحد الشرعي يتطبق لو وصل للحاكم أو القاضي زي ما قلنا المرة إللي فاتت😊
《لو عايزين تفصيل للكلام إللي قلته كله 👆هتلاقوه في روابط في التعليقات👇》

نرجع بقى لباقي الأحداث إللي حصلت في مكة،
رسول الله ﷺ قعد يبايع الناس إللي أسلموا جديد،
فجاء أبو بكر الصديق رضي الله عنه بأبيه أبو قحافة عشان يُسلم،
وأبو قحافة قبل فتح مكة على طول لما كان رسول الله ﷺ موجود بذي طُوى وكان الخبر انتشر إن جيش المسلمين هيدخل مكة، كان قال لأصغر بناته إنها تاخده وتطلع بيه على الجبل وكان ساعتها أعمى،
فلما طلعوا على الجبل سألها: شايفة إيه؟
فقالت له: سوادا مُجتَمِعاً، فقال لها : تلك والله الخيل!
وكملت البنت كلامها وقالت:
وأرى بين ذلك السواد رجلا يسعى مقبلا ومدبراً.
يعني شايفة رجل رايح جاي بين الخيول دي،
فقال لها أبو قحافة: ذاكَ الوازِع، يعني إللي بيأمر الخيل ويحركها،
وكان ساعتها رسول الله ﷺ أمر أبو بكر يكون هو المشرف على الخيل،
فالرجل إللي البنت شافته كان رايح جاي ده هو أبو بكر الصديق أخوها وابن أبي قحافة،
فكملت البنت كلامها وقالت لأبوها:
وأرى ذلك السواد قد انتشر، يعني الخيول بدأت تتحرك من مكانها، فقال لها أبوها:
قد والله دُفعت الخيل، فاسرعي👌
يعني الخيل هتدخل مكة خلاص فخلينا نرجع بيتنا بسرعة قبل ما يمسكونا،
فنزلوا من على الجبل لكن ملحقوش يوصلوا بيتهم، وأخذتهم خيل المسلمين،
فجاء به أبو بكر ودخل على رسول الله ﷺ وكان أبو قحافة رجل كبير جدا في السن وشعره شاب،
فلما شافه رسول الله ﷺ قال لأبي بكر :
هلاّ تركت الشيخ في بيته حتى أكون أنا آتيه فيه ؟
يعني كنت خلي الشيخ في بيته بلاش تتعبه وأنا كنت هجيله وأبايعه على الإسلام،
فقال أبو بكر :
"يا رسول الله هو أحقّ أن يمشي إليك من أن تمشي أنت إليه"
يعني يا رسول الله انت إللي تستاهل إن هو إللي يجيلك مش انت إللي تروحله👌
فأجلسه أبو بكر أمام رسول الله ﷺ، فمسح رسول الله ﷺ صدر أبي قحافة وقال له:
أسلم! فأسلم أبو قحافة، وقال رسول الله ﷺ: غَيِّرُوا هَذَا بشيء ، وَاجْتَنِبُوا السَّوَادَ.
يعني أمرهم إنهم يصبغوا شعر أبي قحافة بلون تاني لكن الأسود لأ،
وطبعا الأمر هنا على الاستحباب، يعني مستحب إن إللي يشيب شعره ويتحول للأبيض إنه يصبغه بلون تاني ما عدا الأسود، فدي سنة أمر بها رسول الله ﷺ👌

جاءت مجموعة من النساء عشان يُبَايِعن رسول الله ﷺ على الإسلام،
وكان رسول الله ﷺ بيبايع الرجال باليد، يعني يحط إيده في إيدهم ويبايعهم على الإسلام والجهاد،
أما النساء فكان يب

#قصص_الأنبياء(٢)
#السيرة_النبوية
#الحلقة_مائة_وواحد_وسبعون
#أحداث_السنة_الثامنة_من_الهجرة
#هوازِن_ومالك_بن_عوف

كنا واقفين المرة إللي فاتت عند التوتر إللي كان حاصل في مكان قريب من مكة،
المكان إللي كان حاصل فيه توتر ده هو المكان إللي تسكنه قبيلة هَوَازِن، ليه بقى التوتر ده🤔
شوفوا،
فتح مكة بصفة عامة دفع كثير من أهل الجزيرة العربية للتفكير في الإسلام، لكنه في نفس الوقت خلّى بعض القبائل تاخد موقف مُعادي من الإسلام؛ لأنها حست إن نمو الدولة الإسلامية معناه القضاء على نفوذ القبائل دي،
فبدأت القبائل دي تستعد عشان تحارب دولة الإسلام،
وكان من أخطر القبائل دي هي قبيلة هَوَازِن 👌

محتاجين نرجع بالزمن شوية عشان نفهم إيه موضوع قبيلة هوازن ده وعلاقتها بقريش،
العرب يا جماعة بينقسموا بصفة عامة إلى قسمين رئيسيين: عدنَانِيِّين وقَحْطَانِيين،
العدنانيون دول بينقسموا إلى فرعين: رَبِيعة، و مُضَر،
يعني ربيعة ده زي رئيس عيلة كده وييجي أبناؤه وأحفاده وأحفاد أحفاده، و مُضَر نفس الموضوع، ماشي كده😁
فرع مُضَر ينقسم إلى: إِليَاس و عَيْلاَن،
قبيلة قريش جاية من فرع إلياس، وقبيلة هوازن جاية من فرع عَيْلاَن،
وكل ما الأنساب بعدت عن بعض زادت الحزازيات بين القبائل، ده أصلا بيحصل بينهم تنافسات وصراعات بين بطون القبيلة الواحدة بسبب العصبية القبيلية، زي ما كان بيحصل بين بني هاشم وبني مخزوم، والأوس والخزرج، فما بالكم بالقبائل البعيدة عن بعض في النسب😅
فدلوقتي رسول الله ﷺ جاي برسالة الإسلام من قبيلة قريش،
فكانت القبائل البعيدة عن قريش بتفكّر في الإسلام بصورة أكثر تَحفُّظ عن القبائل القريبة من قريش،
وهنلاقي إن أواخر القبائل إللي دخلت في الإسلام هي أبعد القبائل عن قريش، والقبائل دي كانت من أشد القبائل قسوة على المسلمين،
زي مثلا قبيلة قُضَاعة إللي كانت قتلت أربعة عشر رجلا من الصحابة وعرفنا قصتهم وإللي رسول الله ﷺ أرسل لهم عمرو بن العاص في سرية،
المهم يعني إن قبائل عَيْلاَن كانت تُنافس قبائل إلياس إللي منها قريش، وقبائل عيلان دي كثيرة لكن أشهر وأهم ثلاثة قبائل من عَيْلاَن ثلاثة هم:
《غَطَفَان، وبنو سُلَيم، وهوازن》
واخدين بالكم من غطفان وبنو سليم، غطفان دي إللي كان بيعاني منها المسلمين وزعيمهم الأحمق المطاع، وحاصروا المسلمين في الأحزاب،
وكل شوية يجهزوا جيش عشان يحاربوا المسلمين ورسول الله ﷺ يرسل لهم سرية😑
وبنو سليم همّ كمان كانوا عاملين مشاكل مع المسلمين من بعد غزوة بدر، وحتى رسول الله ﷺ خرج لهم بنفسه في غزوة، فده يفسر لنا العداء إللي كان بين غطفان وبنو سليم وبين المسلمين،
وهمّ دلوقتي جاءوا وأسلموا، لكن واضح إن إسلامهم كان إسلام المضطر بعد ما شافوا قوة المسلمين وانبهروا بيها وعرفوا إن ملهمش طاقة بالمسلمين فآثروا السلامة وعدم الوقوف في وجه المسلمين،
وعلى فكرة رسول الله ﷺ كان عارف موضوع إسلام غطفان وبني سليم ده، وواخد باله منهم،
وهنشوفه بعدين حتى بعدين إزاي كان بيتألّف قلوبهم👌

الشاهد بقى من الكلام ده إن في فرعين رئيسيين مهمين جداً من عيلان أسلما مضطرين وأعلنا الهزيمة أمام الرسول القرشي محمد ﷺ،
ومتبقاش غير قبيلة هوازن فقط، فهي إللي لسه رافعة راية عَيْلاَن💁‍♂️
وكانت انتصارات رسول الله ﷺ المتكررة بتمثل خطر كبير على هوازن،والموضوع زاد جداً بعد فتح مكة؛ لأن منازل هوازن قريبة جداً من مكة، يعني هي في الشمال الشرقي من مكة،
ومن وجهة نظرهم فهمّ مش مستبعدين أبداً إن الدور هييجي عليهم سواء دلوقتي أو بعدين👌

طيب خلونا كده نعرف مين هي قبيلة هوازن والوضع الداخلي بتاعها إيه🤔
قبيلة هوازن تنقسم داخلها لقبائل كثيرة جداً،
لكن أشهر قبائل هوازن ثلاث:
◇بنو نَصر.
◇بنو سعد:
بنو سعد دول همّ إللي كان منهم حليمة السعدية إللي أرضعت رسول الله ﷺ.
◇القبيلة الثالثة خطيرة جداً ومشهورة وهي قبيلة: 《ثقيف》
وكانت بتعيش في مدينة الطائف في الجنوب الشرقي لمكة المكرمة، واستقرت فيها من زمان،
لكن التجمع الرئيسي لهوازن كان في الشمال الشرقي لمكة،
فقبيلة ثقيف من أهم القبائل العربية مطلقاً ومن أقوى القبائل العربية،
ومدينة الطائف هي المدينة الثانية في الجزيرة العربية بعد مكة؛ وحتى ربنا أخبر عن الكفار قولهم:
" لَوْلا نُزِّلَ هَذَا الْقُرْآنُ عَلَى رَجُلٍ مِنَ الْقَرْيَتَيْنِ عَظِيمٍ "
القريتين هما مكة والطائف، والرجلين المقصودين في الآية هما الوليد بن المغيرة أبو خالد في مكة،
وعروة بن مسعود الثقفي في الطائف، إللي اتكلم مع رسول الله ﷺ في صلح الحديبية لو تفتكروا،
واحنا اتكلمنا عن صفات الطائف بالتفصيل في الجزء السابع والعشرين لما رسول الله ﷺ اختارها هي بالذات عشان يدعوا الناس فيها، فمش هعيد الكلام بقى😅

فاللي يهمنا نعرفه دلوقتي إن ثقيف كانت بتشعر بالمساواة دائماً مع قريش، لأ وكمان كانت بتحس بالتفوق على قريش عسكرياً واقتصادياً وعددياً👌
فأرض الطائف كانت جيدة جداً والتجارة فيها كانت تجارة رائدة،
لكن

#قصص_الأنبياء(٢)
#السيرة_النبوية
#الحلقة_مائة_واثنان_وسبعون
#أحداث_السنة_الثامنة_من_الهجرة
#الطريق_إلى_حُنَيْن

اتكلمنا المرة إللي فاتت عن مالك بن عوف وقلنا إنه كان عنده
صفات قيادية متميزة وإنه استطاع يجمع كل قبائل هوازن المُشركة تحت راية واحدة،
وقلنا إن أول سلبية عنده كانت إنه بيدعو إلى قومية وقبلِية بغض النظر عن مواطن الحق والعدل،
والسلبية التانية كانت إنه بيستخدم البلاغة وحُسن البيان في خداع الناس،
◇النقطة السلبية الثالثة في مالك بن عوف كانت إنه لم يُقِم وزناً يُذكر لشعبه، يعني شعبه ده مش مهم بالنسبة له،
فهو معندوش أي مانع إنه يضحي بشعبه كله بكل ممتلكاته عشان يحقق مجد شخصي له😑
عمل إيه مالك بن عوف؟
أمر أن تُؤخذ النساء والأطفال والأنعام والأموال وكل ممتلكات شعب هوازن لأرض القتال ويخلوها خلف الجيش،
طيب ليه أمر بالخطة الخارقة للذكاء دي🙄
قال عشان يحفّز الجيش على القتال😏
يعني بيقولهم خدوا بالكم انتم لو انهزمتم المسلمين هياخدوا ممتلكاتكم ونساءكم، فلازم تقاتلوا باستماتة،
يعني هو مفكرش في احتمالية الهزيمة، مع إنها احتمال وارِد جدا وممكن يحصل، وطبعا مفكرش في مصير النساء والأطفال وأموال المقاتلين دول،
هو عايزهم يضحوا بكل شيء عشان يحقق النصر، فمفيش عنده مشكلة إن الشعب كله يدفع ثمن تحقيق مجد شخصي له🙂
☆ممكن حد يقول مش يمكن فعلا مالك بن عوف يهمه مصلحة شعبه وعايزهم ينتصروا فعلا فبيحفزهم ومش بيفكر في مجده الشخصي واحنا إللي ظالمينه😕
شوفوا،
الطبيعي في الشخص إللي بيكون عايز مصلحة إللي حواليه إنه بيستشير أهل الخبرة ويدرس الموضوع كويس ويشوف الأصلح إيه وبيعمله 💁‍♂️
مالك بن عوف معملش كده، بالعكس بقى ده كان ديكتاتور مُستبد برأيه ومش بيسمع لحد، زي فرعون كده:
" مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ"
ودي كانت النقطة السلبية الرابعة في مالك بن عوف👌
بعض الخبراء العسكريين في هوازن زي دُرَيْد بن الصُّمّة حاولوا يبعدوا مالك بن عوف عن قرار أخذ النساء والأطفال والأنعام والأموال لأرض المعركة،
لكنه أصر إصرار عجيب على قراره🤦‍♂️
و دُرَيْد بن الصُّمّة ده مكنش رجل عادي، ده كان عمره فوق المائة سنة وكان رأيه حكيم و خاض حروب كتيرة وعنده خبرة واسعة،
فلما خرج مع الجيش وسمع أصوات الأغنام والبعير وبكاء الأطفال سأل عن الأصوات دي وكان ساعتها أعمى، فالناس قالوا له إن مالك أمر بإخراج النساء والأطفال وأخذ الأموال لأرض المعركة،
فقال لهم نادوا لي مالك بن عوف، فجاءه مالك وسأله دُرَيْد بن الصُّمّة عشان يتأكد منه إذا كان فعلا أمر بإخراج البعير والنساء والأطفال،
فقال له مالك إنه فعلا أمر بكده، فدُرَيْد سأله ليه عمل كده فقال له مالك:
أردتُ أن أجعلَ خلف كل رجلٍ أهله ومالَه ليُقاتِل عنهم😤
فهنا دُرَيْد بن الصُّمّة غضب جدا وقال لمالك:
راعي ضَأْنٍ والله😠
هل يرد المُنهزمَ شيء؟😳
إنها إنْ كانت لك لم يَنفعك إلا رجل بسيفه ورمحه، وإن كانت عليك فُضِحْت في أهلك ومالِك😑
يعني دُرَيْد بيقول لمالك انت آخرك تكون راعي غنم، انت متنفعش للقيادة العسكرية، هو المقاتل لما بينهزم في حاجة بتوقفه، ده ما بيصدق يهرب!
لو النصر كان من نصيبك فمش هينفعك غير المقاتل بسيفه ورمحه، ولو حصلت الهزيمة أهلك ومالك كلهم هيضيعوا منك وهتبقى فضيحة لك،
فقاله يرجع النساء والأطفال والأموال ويخليهم في مكان آمن
لكن مالك بن عوف لم يسمع له، ولم يأخذ بمشورته، ومكنش شايف غير رأيه هو بس، يبقى ده واحد فارق معاه مصلحة شعبه ولاّ مش بيفكر غير في نفسه وإنه يحقق الانتصار وخلاص بغض النظر عن التمن إللي ممكن الناس تدفعه،
ومع ذلك دريد لم ييئس، واستمر معاه في الحوار وسأله:
ما فعلت كَعْب وكِلاَب؟
☆كَعْب وكِلاَب دول أفضل بطون هوازن عسكرياً وفيهم العدد والعدة،
قال له مالك : لم يشهد منهم أحد😕
يعني محدش منهم جاء يشارك في الحرب،
فقال دريد وهو عنده يقين إن رأيه صح:
غاب الحَدّ والجِدّ، لو كان يومَ عَلاءٍ ورِفْعة لم تغِب عنه كعب وكلاب👌
يعني بيقوله لو المعركة دي كان هيبقى فيها نصر وعِز لهوازن مكنش كعب وكلاب غابوا عنها،
وقاله يخلي النساء والأطفال والأموال في مكان آمن بعيد عن أرض المعركة عشان لو حصلت الهزيمة يكونوا في أمان،
لكن مالك بن عوف مقتنعش بكلام دريد وفضل مصمم على رأيه، وقال لدريد: والله لا أفعل ولا أغير أمراً صنعته، إنك قد كَبِرت وكَبُر عقلك😏
يعني بيقوله هو ده القرار إللي أخدته ومش هرجع فيه، انت خلاص كبرت في السن وخرّفت،
يعني مالك بن عوف مش يقول مثلا أسباب مُقنعة عشان يفضل متمسك برأيه كده،
لأ، ده هو مش عايز يرجع في كلامه عشان كبريائه وكرامته ميسمحلوش بكده🙄
وهي دي شخصية الديكتاتور، شخصية لا تقبل أبداً أي رأي معارض لرأيها ولو على سبيل الاقتراح أو المشورة؛
لأن الشورى عنده بتبقى طاعنة للكبرياء والكرامة،
وبالتالي فالدكتاتوريين مش عايزين الخير إلا إذا جاء منسوباً لهم👌
◇النقطة السلبية الخامسة في

#قصص_الأنبياء(٢)
#السيرة_النبوية
#الحلقة_مائة_وثلاثة_وسبعون
#أحداث_السنة_الثامنة_من_الهجرة
#تحريم_زواج_المتعة
#الهزيمة_في_حنين

اتكلمنا المرة إللي فاتت عن خروج جيش المسلمين من مكة في اتجاه وادي حنين لقتال هوازن،
وقلنا إن بعض المسلمين الجُدد من الطلقاء لما عدّوا على شجرة خضراء عظيمة افتكروا شجرة ذات أنواط إللي العرب كانوا بيلعقوا عليها أسلحتهم وبيطوفوا حولها وبيعظموها، فقالوا لرسول الله ﷺ:
"يا رسول الله! اجْعَلْ لَنَا ذَاتَ أَنْوَاطٍ كما لهم ذَاتَ أَنْوَاطٍ"
فقال لهم رسول الله ﷺ:
" الله أكبر، إنها السُّنَنْ! قُلتم والذي نفسي بيده كما قالت بنو إسرائيل لموسى:
"اجْعَلْ لَنَا إِلَهًا كَمَا لَهُمْ آلِهَةٌ قَالَ إِنَّكُمْ قَوْمٌ تَجْهَلُونَ"
لتركبن سَنَنَ مَن كانَ قبلكم"
يعني رسول الله ﷺ غضب من كلامهم وقال الله أكبر، وكان من عادته إنه لما بيغضب بيقول الله أكبر أو سبحان الله،
وقال لهم إن عبادة الأشجار والأحجار والتأَسّي بالآباء والأسلاف هي السُّنّة المعروفة عند الناس،
فرسول الله ﷺ قالهم والله انتم قلتم زي ما قالت بنو إسرائيل لموسى اجْعَلْ لَنَا إِلَهًا كَمَا لَهُمْ آلِهَةٌ،
ولو تفتكروا في قصص الأنبياء لما اتكلمنا عن هلاك فرعون بني إسرائيل شافوا بعينهم إزاي ربنا أهلكه بالغرق ونجاهم،
فبعد ما خرجوا من البحر عدّوا على ناس بيعبدوا الاصنام فطلبوا من موسى إن يكون عندهم إله يعبدوه زي ما الناس دي عندهم إله يعبدوه،
وكأن ربنا مش موجود في حساباتهم أصلا😅
فالمسلمين الطلقاء عاشوا زمن طويييل جدا بيعبدوا الأصنام، فلسه مش فاهمين مين هو ربنا، وإن الإسلام جاء لإلغاء الشركيات دي كلها،
زي بني إسرائيل كده لما قعدوا في مصر أربعمائة سنة وكانوا شايفين أهل مصر بيعبدوا الأصنام، ومكنوش فاهمين طبيعة الإله الخالق إللي أرسل موسى عليه السلام لهم👌

☆وخدوا بالكم هنا إن العبرة بالحقائق والمعاني مش بالألفاظ،
يعني المسلمين الطلقاء قالوا اجعل لنا ذات أنواط،
وبني إسرائيل قالوا اجعل لنا إلها،
الألفاظ والكلمات مختلفة لكن المعنى واحد وهو إنهم طلبوا حاجة فيها شرك بالله،
زي مثلا لو تفتكروا في قصص الأنبياء كل الأقوام إللي كانوا بيعبدوا الأصنام كانوا بيقولوا لأنبيائهم:
" إِنَّا وَجَدْنَا آبَاءَنَا عَلَى أُمَّةٍ وَإِنَّا عَلَى آثَارِهِمْ مُقْتَدُونَ"
يعني احنا لقينا آباءنا وأجدادنا بيعملوا كده فاحنا هنعمل زيهم ،
ففي ناس في عصرنا دلوقتي ماشيين بنفس المنطق ده،
لما نيجي نقولهم حاجة في الدين يقولوا طيب ما أباءنا وأمهاتنا مكنوش بيعملوا كده، فاحنا هنبقى زيهم😤
فالألفاظ مختلفة عن الموجودة في القرآم لكن المعنى واحد وهو التمسك باللي كان عليه الآباء والأجداد حتى لو كان باطل👌

المهم بقى رسول الله ﷺ قالهم بعد كده كلمة خطيرة🙊
"قال: "لتركبُن سَنَنَ مَن كانَ قبلكم"
يعني هييجي يوم من الأيام وهتقلدوا اليهود والنصارى، وحصل فعلا وواقع وشايفينه زي ما رسول الله ﷺ قال بالضبط👌
واقع في زماننا دلوقتي الغُلو في الصالحين والغُلو في الأنبياء، وعُبدت القبور وعُظّمت وبُني عليها القِباب والمساجد،
والناس بقت تعتقد في الأبراج والحظ وكل ده من الشركيات،
ومحصلش الاتباع لليهود والنصارى في العقيدة وبس ده كمان في نواحي تانية من الحياة،
سواء الاحتفالات أو اللبس أو الشكل والهيئة وقصّات الشعر،
يعني مثلا من كم سنة كان لما الواحد يبقى في لبسه حتة مقطوعة مكنش يرضى لبسها حتى لو كانت قطعة صغيرة،
لكن لما الغرب طلّعوا موضة لبس المقطع بقى المسلمين بيتسارعوا في لبس المقطع إلا من رحم الله وعَصَمه من اتباع الموضة دي،
وخدوا إعفاء اللحية ولبس البنطلون القصير إللي على السنة مثال برده، كانوا الناس بيسخروا من إللي بيعملهم وبيلتزم بيهم،
لكن لما طِلعوا موضة من عند الغرب بقى الشباب بيسارعوا لتقليدهم ومفيش أي اعتراض عليهم😑
وقيسوا بقى على كده👌
فاللي عايز ينجوا يا جماعة يتبع منهج رسول الله ﷺ والصحابة، ويبعد تماما عن اتباع اليهود والنصارى والموضات إللي بيطلعوها لنا👌

☆ملحوظة مهمة:
أنا بتكلم في أمور العقيدة والحاجات إللي بتخالف ديننا ومينفعش إننا نقلد فيها الكفار من يهود أو نصارى أو غيرهم،
لكن أي حاجة فيها فايدة لينا و《مش بتخالف عقيدتنا》 فمفيش مشكلة إننا ناخدها منهم، زي الموبايلات مثلا وزي السيارات وغيرها من الحاجات المفيدة لينا،
ولو تفتكروا في غزوة خيبر رسول الله ﷺ أخذ من الغنائم أسلحة مكنتش موجودة عند المسلمين واستعملها في القتال ضد اليهود أنفسهم👌
وبالمناسبة دي صحيح في حديث مشهور بيقول :
" الحكمة ضالة المؤمن أنّى وجدها فهو أحق الناس بها"
الحديث ده بقى ضعيف جدا لا يصح نسبته لرسول الله ﷺ 🙅‍♂️❌
هو معنى الحديث صحيح وفي شواهد في الشرع بتؤكد المعنى ده، لكن الحديث نفسه بالألفاظ دي وألفاظ تانية مقاربة له لا يصح عن رسول الله ﷺ👌

قبل ما نرجع للجيش إللي كان في طريقه لوادي حنين ونشوف حصل معاه إيه،
في نقطة مهمة عايزة أقولها حصلت بعد ما

#قصص_الأنبياء(٢)
#السيرة_النبوية
#الحلقة_مائة_وأربعة_وسبعون
#أحداث_السنة_الثامنة_من_الهجرة
#سبب_الهزيمة_في_حنين_ثم_النصر

اتكلمنا المرة إللي فاتت عن دخول المسلمين وادي حنين بعد ما قعدوا أربعة أيام في الطريق، وشوفنا إزاي دخلوا أرض المعركة على طول بدون تأَنّي أو تفكير،
وكنتيجة للخطأ العسكري ده كان جيش هوازن مجهز كمائن في الوادي فالكمائن دي هجمت على المسلمين بالسهام والحِراب،
وبسبب إللي حصل ده بدأ جيش المسلمين يهرب من أرض المعركة ومتبقاش مع رسول الله ﷺ غير عشرة فقط،
طبعا في رويات تانية عن العدد إللي ثبت مع رسول الله ﷺ، يعني في رواية بتقول إنهم كانوا أربعة وفي رواية إنهم كانوا مائة،
لكن أصح رواية هي الرواية إللي فيها العشرة،
احنا بقى عايزين نعرف ليه حصل كل ده😕
المسلمين وهمّ خارجين في الطريق لحنين، شافوا إن عددهم اثنا عشر ألفا و ده أول أكبر عدد للمسلمين،
فقال بعض المسلمين من الطّلقاء:
لن نُغلب اليوم من قِلة👌
يعني احنا عددنا كتير ومش هنتغلب النهاردة،
وطبعا الكلمة دي كارثة😶
لأنه كده حصل عندهم عُجب، والمقصود بالعُجب هنا هو الاعتماد على الأسباب ونسيان رب الأسباب، بمعني إني أظن إن أنا إللي عملت كذا وكذا والفضل يرجع لي أنا ولمجهودي مش لربنا،
واحنا لو سألنا حد من الصحابة أو الصالحين سؤال مباشر وقلنا:
هل النصر من عندك أم من عند الله؟
مفيش أي شك إن الكل هيجاوب بدون تردد : طبعا النصر من عند الله😤
لكن شعور الإعجاب بالنفس والغرور بيبقى شعور خفي بيتسلل للنفس براحة ومن غير ما الواحد ياخد باله وميحسش بيه إلا بعد ما بيكبر جواه وتحصل له الكوارث بسببه👌
ومشكلة الأمراض القلبية دي بقى زي العُجب والكبر وحب الدنيا والحسد وغيرها إنها أمراض مُعدية😬
يعني لو ظهرت في مجموعة بسيطة ومتعالجتش كويس هتنتشر زي الوباء،
إللي أعجبتهم الكثرة كانوا مجموعة من المسلمين من الطلقاء إللي لسه مسلمين جديد؛ لأن الصحابة جايين من المدينة في عشرة آلاف ومحصلهمش العُجب، فمش الألفين الزيادة دول همّ يعني إللي هيفرقوا😅
فمع إن مجموعة صغيرة هي إللي قالت الكلمة دي، إلا إن باقي الجيش اتأثر بيها ودخل العجب في قلوبهم من غير ما يحسّوا،
عشان كده ييجي دور الأمر بالمعروف والنهي عن المنكر إللي كان واضح إنه متحققش هنا في الغزوة دي على أكمل وجه بين المسلمين، وإلا كان المفروض إن الصحابة يقولوا لبعض لأ، احنا مش بننتصر بالعدد ولا بالسلاح ده ربنا هو إللي بينصرنا،
لكن واضح إن محدش قال كده😐
ودي نتيجة خروج ضِعاف الإيمان في وسط الجيش المؤمن👌
ولو تفتكروا في غزوة أحد لما المنافقين انسحبوا قبل بداية المعركة إزاي انسحب بسببهم بعض المؤمنين الصادقين،
وربنا بعدها قال عنهم :
"لَوْ خَرَجُوا فِيكُمْ مَا زَادُوكُمْ إِلَّا خَبَالًا وَلَأَوْضَعُوا خِلالَكُمْ"
همّ الطلقاء مكنوش منافقين ولكنهم كانوا حديثي عهد بجاهلية، لسه مسلمين من أقل من شهر، ولم يمروا بتجارب إيمانية كافية عشان قلوبهم تثبت على الإيمان زي باقي الصحابة،
لكن رسول الله ﷺ كان مضطر ياخدهم معاه لأنه خاف لو تركهم في مكة ينقلبوا ويرجعوا للكفر مرة تانية وينفصلوا بمكة عن الدولة الإسلامية زي ما قلنا قبل كده،
ففي الظروف العادية الأفضل ألا يخرج للقتال متذبذب الإيمان؛ لأن للأسف في مؤمنين صادقين هيسمعوا لضعفاء الإيمان دول ويتأثروا بيهم زي ما ربنا قال:
"وَفِيكُمْ سَمَّاعُونَ لَهُمْ"
وهو ده إللي حصل، لما اتقالت كلمة : لن نُغلب اليوم من قِلة،
انتشرت الكلمة في جيش المسلمين واتأثروا بيها،
طيب إيه بقى مشكلة العُجب هنا🤔
يعني الجملة إللي قالوها ظاهرها صحيح، اثنا عشر ألف مقاتل مش عدد صغير،
وحتى في حديث عن رسول الله ﷺ بيقول:
" لا يُغلب اثنا عشر ألفاً من قلة"
《الحديث ده 👆على خلاف بين العلماء، علماء قالوا صحيح وعلماء قالوا ضعيف》
فمعنى الحديث إن اثنا عشر ألف مقاتل مش هيُغلبوا بسبب قلة عددهم، لكن ممكن يُهزموا لسبب تاني زي أسباب مادية أو أسباب قلبية،
يعني يكون عندنا اثنا عشر ألف مقاتل لكن معندهمش إعداد عسكري، أو معندهمش قوة سلاح،
أو عندهم خلل في الخطة، أو عدم مهارة في القيادة.. أو غيرها من الأمور المادية،
لكن جيش المسلمين إللي كان خارج لحنين كان على أعلى مستوى من التجهيزات، فحصل له الهزيمة بسبب العُجب إللي دخل قلوبهم👌

◇طب رسول الله ﷺ لما سمع الكلمة وعرف خطورتها ليه متكلمش ونبههم🤔
رسول الله ﷺ لما سمع الكلمة دي حس إن في مشكلة هتحصل، وحزن لما سمعها،
وعرف إن العُجب دخل في قلوب المسلمين، فمهما هيقول أي كلام مش هيأثر لازم حاجة شديدة تحصل تخليهم ينتبهوا للمرض الخطير ده،
فربنا لم يُرِد لرسول الله ﷺ إنه يقول كلمة أو خطبة تُشعر المسلمين بمدى المأساة إللي هتحصل لهم إذا أُصيبوا بداء العجب؛
لأنهم لو خرجوا بكلمة أو خطبة من غير ما يحصل لهم أمر شديد، المرض ده هيتسلل أكثر وأكثر إلى قلوبهم،
فكان لا بد من مصيبة تهز المسلمين وتوضح لهم الرؤية وتوضح لهم الصورة تمام الوضوح👌
فوقع

#قصص_الأنبياء(٢)
#السيرة_النبوية
#الحلقة_مائة_وخمسة_وسبعون
#أحداث_السنة_الثامنة_من_الهجرة
#بداية_حصار_الطائف

اتكلمنا المرة الأخيرة عن سبب هزيمة جيش المسلمين في معركة حُنين وشوفنا إزاي رسول الله ﷺ عالج المشكلة واستطاع إنه يجمّع المسلمين حوله مرة تانية،
ولما الصحابة إللي سمعوا نداء العباس رجعوا يدافعوا عن رسول الله ﷺ ويقاتلوا معاه؛ ربنا أنزل السكينة عليهم،
"ثُمَّ أَنزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ "
وبدأ القتال الشديد بين الصحابة إللي اتجمعوا حول رسول الله ﷺ وبين جيش المشركين،
هنا بقى لما تغير واقع المسلمين وثبتوا؛ ربنا أَذِن بنزول النصر 👌
وكالعادة يأتي النصر بصورة لا يتوقعها المسلمون عشان الكل يعرف إن النصر فعلا من عند الله 👌
◇أول عامل من عوامل النصر:
إن ربنا أنزل السَّكِينة على رسول الله ﷺ وعلى المؤمنين الثابتين زي ما قلنا من شوية، والسَّكِينة معناها الطمأنينة والهدوء والاستقرار، وراحة البال والثبات،
فالمسلمين كان بالهم رايق ومطمنين وثابتين مع إنهم مجموعة صغيرة بيواجهوا خمسة وعشرين ألف 👌
◇ثاني عامل من عوامل النصر:
إن ربنا ألقى الله الرعب في قلوب الكافرين فبدأوا يهربوا، متنازلين بسهولة شديدة عن النصر إللي كانوا حققوه🤭
◇ثالثا:
أنزل الله عز وجل الملائكة تقاتل مع المسلمين،
" وَأَنزَلَ جُنُودًا لَمْ تَرَوْهَا"
وسبحان الله في دقائق معدودة الهزيمة تتحول لنصر، ويهرب الجيش إللي عدده خمسة وعشرين ألف وإللي كان متجهز بالدروع والسلاح وكان مستحوذ على الأماكن الاستراتيجية في أرض المعركة👌
لما ربنا بيأذن بالنصر احنا ساعتها منسألش عن الأسباب المادية، لكن نفهم معنى:
"وَمَا النَّصْرُ إِلا مِنْ عِنْدِ اللَّهِ"

كل واحد من الصحابة إللي حضر القتال ده بقى بعدين بيحكي إللي شافه في أرض المعركة،
يعني واحد من الصحابة قال إن رسول الله ﷺ لما أخد تراب من الأرض ورماه في وجوه الكفار ودخل التراب في عيون وأنوف جميع الكفار المشركين بقوا يقاتلوا قتال ضعيف وبدأوا يهربوا وهم أَذِلة،
وواحد تاني من الصحابة قال: لم يثبتوا لنا حَلْب شاة 👌
يعني المشركين انهزموا في وقت قصير جدا، مكملوش الزمن إللي الواحد بياخده في حَلْب الشاة،
زي ماحنا بنقول كده : ده مخدش في إيدي غَلْوَة😅

وكان من المواقف إللي حصلت في أرض المعركة إن أم سُلَيم صاحبة أغلى مهر في الإسلام إللي اتكلمنا عنها في الجزء الخامس والستين؛ اتخذت خنجر وخلته معاها، ومكنش من عادة النساء القتال،
همّ كانوا بيخرجوا مع الجيش لتطبيب الجرحى مثلا أو يكونوا مع أزواجهم، لكن مكنوش بيقاتلوا إلا لو اضطروا لكده،
يعني أم سليم لما أخذت الخنجر وخلته معاها وزوجها أبو طلحة شافها قال لرسول الله ﷺ:
يا رسول الله هذه أم سليم، معها خنجر!
فسألها رسول الله ﷺ:
ما هذا الخنجر ؟!
يعني انتِ واخدة الخنجر ده ليه، فقالت له:
اتّخذْتُه، إن دَنَا مني أحد من المشركين بقَرْتُ بهِ بطنَه😤
يعني بتقوله أنا أخدت الخنجر وخليته معايا عشان لو واحد من المشركين قرب مني أشق بطنه،
ودي شجاعة ظاهرة من أم سليم رضي الله عنها، مش أي حد يثبت في أرض، يعني ممكن أشجع الرجال يهرب في مرحلة من المراحل، فما بالكم بامرأة طبيعتها الضعف أصلا😅
فلما سمعها رسول الله ﷺ قعد يضحك😁
فقالت له:
يا رسول الله، اقْتُلْ مَن بَعْدَنَا مِنَ الطُّلَقَاءِ انْهَزَمُوا بكَ😤
يعني هي عايزة رسول الله ﷺ يقتل الطُّلقاء إللي أظهروا الضعف وهربوا من أول المعركة،
فقال لها رسول الله ﷺ: يا أم سليم! إن الله قد كَفَى وأحسن.
يعني خلاص ربنا كفانا أمرهم وأبعدهم عنا، فمش هنُسِيء احنا لهم، وده من حسن خُلُقه ﷺ👌

ومن المواقف إللي حصلت كمان في أرض المعركة قَتْل حامل راية المشركين،
وكان الرجل حامل راية المشركين ده راكب على جمل لونه أحمر وماسك في إيده رمح طويل متعلق عليه راية سوداء والمسلمين من أمامه وهوازن خلفه،
فكان لما يعرف يوصل لحد من المسلمين برمحه الطويل ده يقوم طاعنه،
ولما يكون بعيد عنهم يقوم رافع الراية ويتحرك والمشركين يتحركوا وراه،
وفضل يعمل كده طول المعركة،
وهو بقى على الحال ده انقض عليه علي بن أبي طالب ومعاه رجل من الأنصار عشان عايزين يقتلوه،
فجاءه علي من خلفه وضرب الجمل على عُرْقُوبِه يعني على رجل الجمل من الخلف فسقط الجمل والأنصاري وثب على الرجل فضربه ضربة أَطَنّ قدمَه بنصف ساقه،
يعني الأنصاري نط على الرجل المشرك وضربه على رجله بالسيف قطعهاله مع نصف ساقه وسقطت الراية،
واشتد القتال وانهزم المشركون وبدأوا في الهروب في كل اتجاه والرعب يملأ قلوبهم،
وتركوا وراءهم أموالهم وأنعامهم وأكثر نسائهم وأولادهم، وزي ما قال دريد بن الصمة :
"وهل يَرد المنهزم شيء؟"
ربنا بقى وصف موقف المشركين بعد عودة المسلمين إلى ربهم سبحانه وتعالى بكلام بليغ مختصر مُعجِز، قال عز وجل:
"وَعَذَّبَ الَّذِينَ كَفَرُوا وَذَلِكَ جَزَاءُ الْكَافِرِينَ"
◇من العذاب أن تأخذ قرار الفرار.
◇ من العذاب أن ت

#قصص_الأنبياء(٢)
#السيرة_النبوية
#الحلقة_مائة_وستة_وسبعون
#أحداث_السنة_الثامنة_من_الهجرة
#فك_الحصار_عن_الطائف_والرجوع_إلى_الجُعرانة

اتكلمنا المرة إللي فاتت عن فرض رسول الله ﷺ الحصار على الطائف، وشوفنا بعض محاولاته لفتح الحصن لكن الحصن كان منيع وأهل الطائف عندهم أكلهم وشربهم إالي يكفيهم سنة وأكثر،
ورسول الله ﷺ مش هينفع يفضل في الحصار ده إلى أجل غير مسمى للأسباب إللي قلناها المرة إللي فاتت، وفترة الحصار طالت جدا يعني رسول الله ﷺ قعد أربعين ليلة محاصر لحصن الطائف من غير أي فايدة🤷‍♂️
فاستشار رسول الله ﷺ واحد من أصحابه من أصحاب الخبرة العسكرية والرأي السديد،
لما تعرفوا اسم الصحابي إللي رسول الله ﷺ استشاره ده هتستغربوا جدا😅
الصحابي ده اسمه : 《نوفل بن معاوية الدَّيْلِي》
نسيتوه صح🤭
خلوني أفكركم بيه كده😁
نوفل بن معاوية ده هو زعيم بني بكر، القبيلة إللي دخلت مع قريش في صلح الحديبية،
وهو إللي قاد قومه لقتل خزاعة، وإللي كان سبب في نقض صلح الحديبية، وإللي دخل الحرم المكي واستمر في عملية قتل رجال خزاعة،
وإللي رد بالرد الكفري على قومه لما قالوا له: يانوفل إلهك إلهك، فقال لهم: يا بني بكر! لا إله لكم اليوم،
وإللي كان سبب في خروج رسول الله ﷺ إلى فتح مكة المكرمة وبعدين حنين، وبعدين الطائف،
سبحان مقلب المقلوب والله،
من شهرين ثلاثة بس نوفل بن معاوية الديلي عمل الجرائم دي كلها وبعدها أسلم وحَسُن إسلامه وانضم إلى الجيش المسلم وبقى مستشار أمين من المستشارين العسكريين لرسول الله ﷺ👌
واحنا وإن كنا نعجب من تحوّله من الكفر إلى الإيمان، ومن الغدر إلى الأمانة، ومن حِلفه لقريش إلى دخوله في الإسلام،
فالعَجَب كل العجب في موقف رسول الله ﷺ معاه،
رسول الله ﷺ معملش زي إللي القادة بيعملوه مع قادة الجيش المعادي بالقتل والإبادة والسجن والتعذيب، زي بنشوف في كل مكان،
لكنه وظّف طاقته في خدمة الإسلام، وده كان من عادته في كل حياته ﷺ،
ولو تفتكروا في سرية ذات السلاسل لما جعل عمرو بن العاص قائد السرية دي بعد ما أسلم بوقت بسيط،
فرسول الله ﷺ بلغ قمة الحكمة في التعامل مع الناس، وقمة الحكمة في إِنزال الناس منازلهم، وقمة الحكمة في احترام أرائهم واستغلال قدراتهم،
وهو يعلم ﷺ إن القوّاد إذا هُمّشوا وأُهملوا مش بس هتضيع قواتهم، لأ، ده ممكن يكونوا وبال على الأمة👌

فلما استشار رسول الله ﷺ نوفل بن معاوية الديلي يعملوا إيه في الحصار إللي طال ده، قال له معاوية:
"هم ثعلبٌ في جُحر، إن أقمتَ عليه أخذْتَه، وإن تركته لم يَضُرك"
يعني هو بيشبه أهل ثقيف بالثعالب، وده حقيقي ومشتهر عنهم وسط العرب، حتى إن عيينة بن حصن قال عنهم:
"إنهم قوم مناكير" يعني قوم أصحاب دهاء وفطنة،
ومعاوية بن نوفل بيؤكد إنهم ملهمش مهرب من الحصون دي لما قال:《إن أقمتَ عليه أخذته》
لكنه في نفس الوقت بيشير لأمر مهم جدا لما قال:
《وإن تركته لم يضرك》
الكلمة دي معناها إن شوكة ثقيف وهوازن خلاص اتكسرت ومعنوياتهم هبطت للحضيض، ومش هتقوم لهم قائمة بعد إللي حصلهم في حنين، فهزيمتهم في حنين انتشرت وسط العرب،
فهو بيقول لرسول الله ﷺ إنه لو صبر على الحصار هيوصل لمراده وغايته من فتح الحصن، لكن تضييع الوقت في حصارهم هيكون ضار بالجيش الإسلامي أكثر من ضرره بثقيف👌
فهنا قرر رسول الله ﷺ فك الحصار عن الطائف والانسحاب والرجوع لوادي الجعرانة إللي فيه الغنائم بعد ما شاف إن فعلا مفيش فايدة الحصار،
فأرسل رسول الله ﷺ إلى عمر بن الخطاب إنه ينادي في الناس ويقول: "إنا قافلون غداً إن شاء الله"
يعني احنا خلاص هننسحب وهنرجع بكرة لوادي الجعرانة،
لكن بعض الصحابة من المتحمسين اتضايقوا من قرار العودة وترك الطائف من غير ما يفتحوها، فقالوا:
نذهب ولا نفتح حصون الطائف؟!
يعني إزاي نمشي من غير نفتح حصون الطائف، فلما رسول الله ﷺ شاف كثرتهم ورغبتهم، احترم رأيهم وكان عايزهم يتعلموا الدرس بصورة عملية، فقال لهم:
اغدوا على القتال👌
يعني ما دام انتم عايزين تقاتلوا خلاص روحوا قاتلوا، فسمح لهم بالقتال في اليوم الثاني،
وخرج المسلمون للقتال، وفي اليوم ده بالذات أُصيب المسلمون بإصابات شديدة😅
ومع ذلك رسول الله ﷺ مقعدش يلوم عليهم ويقول لهم مثلا مش قلت لكم، ما كنتم تسمعوا الكلام من الأول بدل الإصابات إللي أصابتكم دي،
لأ، قال لهم بس:
《إنا قافلون غداً إن شاء الله》
والمرة دي محدش اعترض وقبلوا أمر رسول الله ﷺ واقتنعوا إن مفيش فايدة من القتال، وبدأوا في جمع حاجاتهم والاستعداد للرحيل بسرعة،
فلما رسول الله ﷺ شاف سرعتهم في جمع رحالهم قعد يضحك ﷺ😁
خلاص اتعلموا الدرس وعرفوا إن رأي رسول الله ﷺ هو الأصلح والأصوب👌

☆قرار الانسحاب إللي أخذه رسول الله ﷺ ده بيعلمنا درس مهم جدا وهو 《الواقعية في الحياة》،
يعني يا جماعة مش عيب إننا نفشل في أمر من الأمور،
ومش لازم كل معاركنا وكل مشاريعنا تبقى ناجحة،
لكن المهم إننا منغرقش في العمل من غير ما ندرك إن الهدف بتاعنا غير قابل للتحقيق، لكن برده مش

#قصص_الأنبياء(٢)
#السيرة_النبوية
#الحلقة_مائة_وسبعة_وسبعون
#أحداث_السنة_الثامنة_من_الهجرة
#توزيع_غنائم_حنين

وقفنا المرة إللي فاتت عند توزيع رسول الله ﷺ للغنائم، وقلنا إنه استنى كم يوم قبل توزيعها، استنى أكثر من عشر أيام لعل ثقيف يأتوا مسلمين فيرد عليهم رسول الله ﷺ أموالهم ونساءهم وأولادهم،
فلما لم يأتوا ومع إلحاح الأعراب والمسلمين الجدد بتوزيع الغنائم بدأ رسول الله ﷺ بتوزيع الغنائم.
مبدئيا كده قبل ما نشوف الغنائم اتوزعت إزاي، خلونا نفهم يعني إيه غنائم🤔
الغنائم هي ما يُؤخذ في الحرب قهرًا أو عنوةً، سواء ذهب أو فضة أو أموال أو غيرها،
والغنائم هي خَصِيصة لأمة الإسلام زي ما رسول الله ﷺ قال:
" أُعطيتُ خَمساً لم يُعطَهُن أحدٌ من الأنبياء قبلي، وذكر منها:《وأُحلّت ليَ الغنائم》
يعني في الأمم السابقة لما كانوا يقاتلوا ويأخذوا غنائم من عدوّهم مكنوش بياخدوها لنفسهم،
ولكن بيجمعوها وتنزل نار من السماء تأخذ الغنائم دي زي ما قلنا قبل كده في قصة يوشع بن نون عليه السلام،
فالغنائم بقت حلال لأمة الإسلام، فهي نعمة من الله عز وجل وحافز قوي للمجاهد،
فهي عوض للمجاهد عن تركه للديار وللأعمال وللأسرة وللوطن؛ وخصوصا إن أمة الإسلام هي الأمة الوحيدة المفروض عليها جهاد الطلب،
فكان طبيعي يبقى في حافز للمجاهدين،
وأكيد يعني الجيش إللي هتتوزع عليه الغنائم هيُقاتل بحمية وبقوة تختلف عن الجيش إللي لا يتجاوز فيه راتب الجنود دراهم معدودة🤷‍♂️

تقسيمة الغنائم بقى في الشرع الإسلامي هي:
أربعة أخماس الغنيمة تُوزع على أفراد الجيش المقاتل، وخُمس الغنيمة المتبقية يذهب للدولة تتصرف فيه حسب المصلحة،
لكن للأسف في زماننا دلوقتي القادة الكبار والزعماء بيستكثروا العطاء الضخم ده للجنود، وبيحتفظوا بالأموال للدولة أو لنفسهم، وياخدوا حق الجنود 😑
وطبعا ده هيكون له انعكاس كبير سيء على قتال الجنود في المعارك، وعلى أداء الجنود في الحروب👌
بدأ رسول الله ﷺ في توزيع الغنائم على حسب التقسيمة إللي قلناها، خلونا نحسبها بالأرقام:
كانت الغنائم أربعة وعشرين ألف (24000) من الإبل، وأربعين ألف (40000) شاة، و أربعة آلاف(4000) أوقية من الفضة، ده غير الستة آلاف(6000) من السبي.

يبقى أربعة أخماس الغنيمة تساوي تسعة عشرة ألف ومائتان (19200) من الإبل، واثنان وثلاثون ألف(32000) شاة، وثلاثة آلاف ومائتان(3200) أوقية من الفضة، وأربعة آلاف وثمانمائة(4800) من السبي، فهذه الغنائم توزع على (12000) مقاتل.

وكانوا يقيّمون الجمل الواحد بعشرة من الشّياه، يعني كل واحد من أفراد الجيش هيأخد إما جَملين، وإما عشرين من الشّيَاه،
أما تقسيم الفضة فكل واحد هياخد رُبع أُوقية من الفضة،
وبالنسبة للسبي فبيتقسم بمعرفة الزعيم أو الإمام أو رئيس الدولة، وبما أن السبي (4800) وعدد الجيش (12000) ففي ناس هتاخد وناس لأ،
فكان رسول الله ﷺ أحيانا بيعمل قُرعة بين الصحابة مين هيطلع من نصيبه السبي، وساعات كان بيعوضهم بالمال،
فالقاعدة إللي تحكم هي: التقسيم بالتساوي بالنسبة لأربعة أخماس الغنائم بين المقاتلين👌
أما بالنسبة للخُمس الباقي، فالمال ده هو مال الدولة، ورسول الله ﷺ كقائد يوجهه في الوجه الأصلح للدولة،
يعني ممكن يشترى بالمال ده سلاح،
أو يفتدى به الأسرى، أو تكون منه الهِبَات لأهل البأس والقوة في الحرب، أو ممكن تُعطى منه رواتب وأجور، أو يدخل في مشروعات الدولة المختلفة،
المهم إن القائد هينفق المال ده في الوجه الأصلح للدولة💁‍♂️

☆طيب إيه بقى الوجه الأصلح للدولة في الوقت ده🤔
شوفوا،
رسول الله ﷺ عارف إن في جيشه إللي متردد جداً في الإسلام،
وفي إللي دخل الإسلام عشان خايف من قوته، أو دخل الإسلام رغباً في الغنائم،
وفي منهم إللي كان سيداً مطاعاً في قومه محدش في العرب يقدر يمشي كلمته عليه، فبقى دلوقتي تابع لرسول الله ﷺ،
ومنهم إللي لو أمر قبيلته بالردة ومحاربة المسلمين هيعملوا كده فعلا،
فالناس دي لسه الإيمان مكنش ملأ قلوبهم واستقر فيه ولا اقتنعوا تماما بالإسلام، ورسول الله ﷺ كان عارف كل ده، عشان كده كان لازم يكون في حل عشان يتألف قلوب الناس دي ويُثَبّت قلوبهم على الإسلام👌
فكان الحل إن رسول الله ﷺ يراضيهم بعطاء سخي عظيم،
فساعتها هيحسوا إن حالتهم المادية استقرت، وإن أموالهم كثُرَت، وإن وضعهم الاجتماعي تحسّن بعد انتمائهم للدولة الإسلامية،
وبالتالي هيحبوا الدولة إللي حققت لهم الرخاء ده، ويحاولوا بكل طاقتهم إنهم يدعموا الدولة دي عشان وضعهم يستمر في التحسّن،
وبكده يَأْمن رسول الله ﷺ جانبهم وإنهم مينقلبوش للكفر مرة تانية، ولا يأثروا على قومهم ويرجعوهم للكفر تاني؛
لأن النظام القَبلي المترسخ في الجزيرة العربية بقاله قرون يخلي قائد القبيلة له الكلمة العليا المطلقة في قبيلته؛
فعشان كده رسول الله ﷺ كان عايز يشتري رضا الزعماء واستقرارهم بالمال💁‍♂️
وبالتالي هيكون لهم تأثير إيجابي على أَتْباعهم من القبائل المختلفة،
يعني يا جماعة باختصار رسول ال