Праверым, наколькі добра вы ведаеце беларускую кухню 👀
З 5 фактаў ніжэй адзін — няпраўда. Знойдзеце які?

1️⃣ У некаторых раёнах Магілёўшчыны дранікі называюць «цертухамі»
2️⃣ У беларускай кухні слова «квас» магло абазначаць асобную першую страву
3️⃣ Канун — страва, якую гатавалі з вады з мёдам і кавалачкаў хлеба або выпечкі
4️⃣ На Палессі існавала традыцыя гатаваць «журовіну» — густы бульбяны кісель з даданнем цыбулі, які падавалі як асобную страву
5️⃣ У беларускай кухні сустракаюцца рэцэпты верашчакі на аснове бурачнага квасу

МАЧАНКА
Instagram
TikTok

📍 «Беларуская кухня»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #мачанка #рецепт

1️⃣ ➕
У некаторых раёнах Магілёўшчыны дранікі называюць «цертухамі». Іх выпякалі вялікімі — на ўсю патэльню.

2️⃣ ➕
У беларускай кухні слова «квас» магло абазначаць не толькі напой, але і асобную першую страву.
Напрыклад, рыбны квас — традыцыйная страва з вёскі Спорава (Бярозаўскі раён). Гэта не напой, а суп з сушанай рыбай. Сустракаюцца таксама грыбныя варыянты або сумесь грыбоў і рыбы. Кіслату дадавалі з дапамогай капуснага расолу або несалодкага хлебнага квасу.

3️⃣ ➕
Канун — традыцыйная беларуская абрадавая страва, з якой пачыналі памінкі.
Яе гатавалі з разбаўленай мёдам вады (сыты) і крышанага прэснага каржа, булкі, абаранкаў ці іншай выпечкі.

4️⃣ ➖
Гэта сцвярджэнне не адпавядае рэчаіснасці.

5️⃣ ➕
Варыянтаў падрыхтоўкі верашчакі ў беларускай кухні шмат.
Напрыклад, на паўночным захадзе Беларусі яе гатавалі на бурачным квасе.

ProFood віншуе ўсіх, хто сёння святкуе Вялікдзень! 🌿🥚

Няхай гэты светлы дзень прынясе ў Ваш дом мір, гармонію і цеплыню, напоўніць яго водарам вясны і радаснымі сустрэчамі з блізкімі. Няхай у сэрцы заўсёды жывуць надзея, дабрыня і вера ў лепшае.

Жадаю Вам утульных сямейных імгненняў, смачных святочных пачастункаў і сапраўднага вясновага настрою! 💛

З чаго пачалася ваша раніца? ☕
У мяне сёння без сняданку — толькі амерыкана.

ПАНЦАК З ШАЛЬБАБОНАМ
Instagram
TikTok

📍 «Беларуская кухня»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #панцак #шальбабон #рэцэпт

Хрыстос уваскрос!
У гэтае светлае свята хачу пажадаць вам цяпла, спакою і радасці ў кожным дні. Няхай у доме будзе ўтульна, за сталом — смачна, а побач — самыя блізкія людзі.
Вялікдзень — гэта пра простыя рэчы: сустрэчы, размовы, традыцыі і тую асаблівую атмасферу, якую мы ствараем самі. Няхай яна напаўняе ваш дом святлом і душэўнасцю.
Няхай будзе натхненне гатаваць, дзяліцца і збірацца разам — не толькі сёння, але і кожны дзень.
З Вялікаднем! Няхай у жыцці будзе больш светлых момантаў, а ў доме — заўсёды пахне смачнай ежай і любоўю.

З цеплынёй,
ProFood — ваш кулінарны канал ❤️

ДРАНІКІ З ТВАРАГОМ
Instagram
TikTok

📍 Пастаўскі раён, Віцебская вобласць

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #дранікі #твараг #рэцэпт

Добрай раніцы ☀️
У мяне сёння на сняданак кава і "біскоцці" з велікоднай булкі — выдатны спосаб даць ёй другое жыццё.

А вы што робіце з булкамі, якія застаюцца пасля Вялікадня? Дзяліцеся ідэямі 👇

Адкрыў сезон халадніка 🥣
Халаднік — гэта не пра адзін рэцэпт, а пра традыцыю: на Брэстчыне — на квасе, у Гродзенскім рэгіёне — з кіслінкай воцату ці цытрыны, пад Мінскам — на кефіры з бацвіннем. Раней, дарэчы, асновай былі менавіта маладыя лісты буракоў.
Сёння зрабіў свой варыянт — на бурачным квасе са смятанай і свежай зелянінай.
А як вы гатуеце халаднік? 👇

ХАЛАДНІК НА БУРАЧНЫМ КВАСЕ
🫜БУРАЧНЫ КВАС
Instagram
TikTok

📍 «Беларуская кухня»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #халаднік #бурачныквас #рэцэпт

25 траўня — 4 гады каналу 🎉
Давайце святкаваць разам і пачнём ужо зараз

Гатуйце па маіх рэцэптах, адзначайце мяне —
зробім невялікі флэшмоб 🙌

Мне вельмі хочацца пабачыць, як беларуская кухня жыве ў вашых дамах ❤️

Гэты канал расце дзякуючы вам — вашай увазе, рэакцыям і падтрымцы.
І калі хочацца быць часткай яго далейшага развіцця —
можна сімвалічна «пачаставаць кавай» ☕️

Усё, што вы робіце, дапамагае каналу жыць і рухацца далей.

ГРАЧАНІКІ
Instagram
TikTok

🍽 «Беларуская кухня»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #грачанікі #рэцэпт

ПРАЖАНАЯ КУРКА Ў ЖЫТНІМ ЦЕСЦЕ
Instagram
TikTok

📍 Мінская вобласць

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #курка #жытняецеста #рэцэпт

Дым ад вогнішча — гэта таксама частка беларускай кухні.
Многія стравы, якія сёння лічацца традыцыйнымі, калісьці гатавалі проста на агні: кулеш, паляўнічы бігас, верашчаку, каўбасы, дзічыну.
Гэта была не палявая рамантыка, а звычайнае жыццё: лес, дарога, паляванне, доўгія вечары і ежа, якая павольна гатавалася над агнём. Магчыма, таму смак дыму ў нашай кухні дагэтуль успрымаецца так натуральна.

Шашлык — страва не беларускага паходжання. На нашых землях ён з’явіўся адносна позна і прыйшоў разам з каўказскімі кулінарнымі традыцыямі.

Але сама звычка гатаваць мяса на агні для беларусаў зусім не новая. Яшчэ ў часы ВКЛ на ражне смажылі птушку, дзічыну і вялікія кавалкі мяса. У старых кулінарных апісаннях нават сустракаецца назва «верчанае» мяса — тое, што гатавалі над жаром і дымам.

Вядома, гэта быў не сучасны шашлык з марынадамі і мангалам. Але агонь, дым і мяса — рэчы, якія заўсёды былі часткай беларускай кулінарнай традыцыі.