Вось такая вячэра сёння 🍽️
Паказывайце свае стравы ў каментарах!

Я ўжо даўно вяду кулінарны блог і шмат гатую страў беларускай кухні. За гэты час мне ўдалося прыгатаваць нямала аўтэнтычных страў, пра якія я даведваўся з кніг, размоў з людзьмі і розных крыніц. Але з кожным разам знаходзіць новыя, сапраўдныя рэцэпты становіцца ўсё складаней. Таму хачу звярнуцца да вас: калі ў вашай сям’і ёсць свае традыцыйныя рэцэпты беларускай кухні — стравы, якія гатавалі вашы бабулі, бацькі або якія былі характэрныя для вашай мясцовасці — падзяліцеся імі са мной. Пішыце мне ў Instagram, мне будзе вельмі цікава пра іх даведацца.

Сёння на вячэру прыгатаваў Cepelinai — адну з самых вядомых страў літоўскай кухні.

Цікава, што ў гэтай стравы ёсць вельмі блізкія «сваякі»:
у Беларусі — клёцкі з душамі,
а ў Польшчы — Kartacze.

Невялікія адрозненні ёсць, але ў аснове — адна і тая ж ідэя. І гэта невыпадкова, бо кухня — гэта не толькі ежа, але і гісторыя, традыцыі і культура, якія ў суседніх народаў часта пераплятаюцца.

ПЯЧЫСТА
Instagram
TikTok

📍 «Беларуская кухня»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #пячыста #рэцэпт

ЯЗЫК З ПАДКАЛОТКАЙ
Instagram
TikTok

📍 «Светлагорскі раён»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #рэцэпт #светлагорскіраён #языкзпадкалоткай

Ежа — гэта не проста пра смак. Гэта пра памяць.

Можна ўзяць той самы рэцэпт, тыя ж інгрэдыенты, але «як у бабулі» ўсё роўна не атрымаецца.

Бо мы на самой справе сумуем не па смаку, а па адчуванні, якое з ім было.

У сярэднім на стварэнне аднаго відэа ў мяне сыходзіць каля пяці–шасці гадзін — ад пачатку прыгатавання стравы да апошніх штрыхоў мантажу.

Але, як гэта часта бывае, відэа, у якія ўкладзена больш часу, сіл і энергіі, часам заходзяць горш, чым тыя, што былі зроблены прасцей і хутчэй. Такая ўжо заканамернасць: часам лёгкасць перамагае стараннасць.

Каб мае відэа маглі падарожнічаць далей і дайсці да большай колькасці людзей,
пакідайце каментары, дзяліцеся імі і стаўце падабайкі — менавіта гэта дапамагае кантэнту рухацца далей!

Таўканіца, бульбяная каша, камы, тоўчаная бульба — простая, але вельмі душэўная страва беларускай кухні. Бульбу адварваюць і таўкуць, а ўжо пасля — хто як любіць: можна дадаць смажаную цыбулю, скваркі, а можна пакінуць і без нічога.

Мая бабуля называла гэта “бабкай”: пасля таго як бульбу патаўклі, яна перакладала яе на патэльню і ставіла ў печ, каб з’явілася румяная скарыначка. І вось гэтая скарыначка — самае смачнае…

А ў вас так было? Падзяліцеся сваімі гісторыямі 🤍

КУМПЯК У ХЛЕБЕ
Instagram
TikTok

📍 «Лунінецкі раён»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #рэцэпт
#лунінецкіраён #кумпякухлебе

У беларускай кухні існуе багатая традыцыя хатніх каўбас — гэта не проста страва, а частка жывой кулінарнай культуры.

Іх рабілі са свініны, ялавічыны, дзічыны і вантробаў, імкнучыся выкарыстаць усё. Смак залежаў ад мясцовасці: дзесьці больш часныку, дзесьці — каляндры, часам дадавалі і крупы.

Каўбасы вэндзілі, сушылі, варылі або запякалі ў печы — адны захоўвалі доўга, іншыя елі адразу.

У гэтай простай ежы — цэлая гісторыя пра гаспадарлівасць, традыцыю і смак, які фарміраваўся пакаленнямі.

Праверым, наколькі добра вы ведаеце беларускую кухню 👀
З 5 фактаў ніжэй адзін — няпраўда. Знойдзеце які?

1️⃣ У некаторых раёнах Магілёўшчыны дранікі называюць «цертухамі»
2️⃣ У беларускай кухні слова «квас» магло абазначаць асобную першую страву
3️⃣ Канун — страва, якую гатавалі з вады з мёдам і кавалачкаў хлеба або выпечкі
4️⃣ На Палессі існавала традыцыя гатаваць «журовіну» — густы бульбяны кісель з даданнем цыбулі, які падавалі як асобную страву
5️⃣ У беларускай кухні сустракаюцца рэцэпты верашчакі на аснове бурачнага квасу

МАЧАНКА
Instagram
TikTok

📍 «Беларуская кухня»

ПАДТРЫМАЙ КАНАЛ 🤝
☕️ BuyMeACoffee
💙 Patreon
#беларускаякухня #мачанка #рецепт

1️⃣ ➕
У некаторых раёнах Магілёўшчыны дранікі называюць «цертухамі». Іх выпякалі вялікімі — на ўсю патэльню.

2️⃣ ➕
У беларускай кухні слова «квас» магло абазначаць не толькі напой, але і асобную першую страву.
Напрыклад, рыбны квас — традыцыйная страва з вёскі Спорава (Бярозаўскі раён). Гэта не напой, а суп з сушанай рыбай. Сустракаюцца таксама грыбныя варыянты або сумесь грыбоў і рыбы. Кіслату дадавалі з дапамогай капуснага расолу або несалодкага хлебнага квасу.

3️⃣ ➕
Канун — традыцыйная беларуская абрадавая страва, з якой пачыналі памінкі.
Яе гатавалі з разбаўленай мёдам вады (сыты) і крышанага прэснага каржа, булкі, абаранкаў ці іншай выпечкі.

4️⃣ ➖
Гэта сцвярджэнне не адпавядае рэчаіснасці.

5️⃣ ➕
Варыянтаў падрыхтоўкі верашчакі ў беларускай кухні шмат.
Напрыклад, на паўночным захадзе Беларусі яе гатавалі на бурачным квасе.