🇺🇿Ўзбекистон Республикаси давлат рамзларидан бири – ГЕРБ қабул қилинганига 32 йил тўлди

Давлат герби 1992 йил 2 июлда «Ўзбекистон Республикасининг Давлат герби тўғрисида»ги қонун ҳамда Олий Кенгаш қарори билан қабул қилинган.

Ўзбекистон Бадиий академиясининг бир гуруҳ рассомлари ва график усталари томонидан яратилган герб – мамлакатимизнинг давлат рамзи сифатида расмий ҳужжатларда ўз ифодасини топган.

Мамлакатимиз миллий терма жамоаси спортчиларининг расмий либосларида ҳам герб тасвири акс этган. Спортчиларимиз нуфузли халқаро мусобақаларда ғалаба қозонганларида миллий рамзимиз давлат байроғи кўтарилса, уларнинг кўксидаги давлат герби тасвири эса юртимиз номи ва шарафини янада улуғлайди.

Бугун Ўзбекистон Республикаси Давлат герби қабул қилинганига 32 йил тўлди. Шу муносабат билан барча юртдошларимизни ушбу қутлуғ сана билан муборакбод этамиз. Мамлакатимиз мустақиллиги абадий бўлсин!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

📹📸✍️2 июль - Халқаро спорт журналистлари куни!

Бугун бутун курраи заминимизда спорт соҳасида фаолият юритаётган журналистлар ўз касб байрамларини нишонлаяптилар.

1995 йилнинг айнан шу санасидан эътиборан ҳар йили халқаро миқёсда спорт журналистлари куни кенг нишонлаб келинади.

Бу сананинг ўзига яраша кичик бир тарихи бор. 1924 йил 2 июль куни Франция пойтахти Париж шаҳрида Халқаро спорт журналистлари ассоциацияси ташкил этилган эди. Қарийб бир аср аввалги кун тарихи кейинчалик касб байрами санаси сифатида қабул қилинишига замин яратганди.

Ўзбекистон профессионал бокс федерацияси спорт журналистикаси йўналишида фаолият юритаётган ҳамкасбларимизни бугунги касб байрами билан чин қалбдан муборакбод этади. Шарафли касбингизда омад, зафар ва куч-қувват тилайди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇬🇧🥊Энтони Жошуа - Даниэль Дюбуа бокс оқшомининг тўлиқ карди билан танишинг

Хабарингиз бор, "Matchroom Boxing" ва "Quensberry" промоутерлик компаниялари "Riyadh Season" ташкилоти билан ҳамкорликда 21 сентябрь куни Лондонда (Буюк Британия) катта профессионал бокс оқшомини ўтказади.

Оқшомнинг марказий жанги супероғир вазн тоифасида собиқ жаҳон чемпиони Энтони Жошуа ҳамда унинг ватандоши Даниэль Дюбуа ўртасида кечади. Жанглар "Уэмбли" стадионида бўлиб ўтади.

✅Турнирнинг тўлиқ карди:

Марказий жанг: Энтони Жошуа — Даниэль Дюбуа
Энтони Какаче — Жош Уоррингтон
Жошуа Буатси — Вилли Хатчинсон
Тайлер Денни — Хамза Шираз
Жош Келли — Лиам Смит
Марк Чемберлен — Жош Пэдли.

Обуна бўлинг 👉 Телеграм

🥊Кун тарихи. Ўтказилганига бир асрдан ошган жанг!

Бундан роса 103 йил аввал, 1921 йилнинг шу куни Жек Демпси оғир вазн тоифасидаги чемпионлик камарини муваффақиятли ҳимоя қилганди. У тўртинчи раундда яримоғир вазн чемпиони Жорж Карпентьени нокаутга учратган эди.

💰Ушбу жанг бокс тарихида миллион доллардан кўпроқ фойда келтирган илк жанг ҳисобланади.

🏟Икки вазн чемпионлари ўртасидаги жангни 91 000 томошабин стадиондан кузатганди...

📻🎙Ушбу жанг тўғридан-тўғри радио эфирида шарҳланган биринчи бокс жанги ҳисобланади...

Обуна бўлинг 👉 Телеграм

🇷🇺🥊Рой Жонс Москвада мусиқачига қарши жанг ўтказади

Яримоғир вазнда собиқ мутлақ жаҳон чемпиони Рой Жонс "Лужники" мажмуасида Москва спорт куни доирасида кўргазмали жанг ўтказади.

Россия фуқаролигига эга Жонснинг рақиби машҳур мусиқачи бўлиши айтилмоқда, лекин унинг исми ҳали очиқланмаган.

"Ринг мен учун иккинчи уй ва у ерда бўлишдан катта завқ оламан. Албатта, мен аллақачон профессионал фаолиятимни якунлаб бўлганман, шунинг учун тайёрланишга қўшимча вақт сарфлашимга тўғри келди. Рақибим жанг санъатида катта тажрибага эга эканлигини эшитдим. Ишончим комил-ки, биз Москвадаги спорт байрамида ажойиб шоу намойиш этамиз ва барча мухлисларни қизиқарли жанг билан хурсанд қиламиз", дея хабарга муносабат билдирган Рой.

Маълумот учун, Рой Жонс Сеул Олимпиадасида кумуш медаль соҳибига айланган. У 1989 йилдан 2023 йилгача профессионал боксда 76 та жанг ўтказди. Чарм қўлқоп устасининг тўртта вазн тоифасида чемпионлик камарларини қўлга киритганини таъкидлаш лозим.

Обуна бўлинг 👉 Телеграм

🇺🇿🥊🔥Янгиланган WBА рейтингидан 8 боксчимиз жой олди, 3 нафари вазн пешқадами!

Бутунжаҳон бокс ассоциацияси (WBА) июнь ойи якунларига кўра янгиланган рейтингни эълон қилди.

Ушбу рейтингдан 8 боксчимиз ўрин олган бўлиб, уларнинг 3 нафари ўз вазн тоифаларида 1-ўринни эгаллаб турибди. Исроил Мадримов эса супер яримўрта вазн чемпиони ҳисобланади.

✅Рейтингдаги боксчиларимиз:

Ҳасанбой Дўсматов - (минимал вазн) 1-ўрин (ўтган ойда 1-ўрин;)

Муроджон Аҳмадалиев (биринчи ярим енгил вазн) - ўтган ойдаги сингари 1-ўрин;

Муҳаммад Шехов (биринчи ярим енгил вазн) - 10-ўрин (ўтган ойда ҳам 10-ўрин);

Отабек Холматов (ярим енгил вазн) - 5-ўрин (ўтган ойда 4-ўрин эди;)

Ботир Аҳмедов (супер енгил вазн) - 13-ўрин (ўтган ой 10-ўринда эди);

Шаҳрам Ғиёсов (яримўрта вазн) - ўтган ойдаги сингари 1-ўрин;

Исроил Мадримов (супер ярим ўрта вазн) - вазн чемпиони;

Бектемир Мелиқўзиев (супер ўрта вазн) - 5-ўрин (ўтган ой 4-ўринда эди).

Обуна бўлинг 👉 Телеграм

🇺🇿🥊Бектемир Мелиқўзиев 10 август куни Лас-Вегасдаги бокс оқшомида рингга кўтарилади

Иккинчи ўрта вазн тоифаси WBA рейтингида 5-ўринни эгаллаб турган 28 ёшли Бектемир Мелиқўзиев навбатдаги жангини 10 август куни ўтказади.

Лекин ҳозирча унинг рақиби аниқ эмас. Бектемир иштирокидаги жанг АҚШнинг Невада штати Лас-Вегас шаҳрида ташкил этиладиган проф бокс оқшомидан ўрин олади. Ушбу турнирнинг марказий жангида Вержил Ортис Сергей Богачукка қарши рингга чиқади.

Катта эҳтимол билан чарм қўлқоп устамизнинг рақиби Топ-10 рейтингидан жой боксчи бўлади. Яна битта ғалаба Бектемирни чемпионлик камари учун яқинлаштиради. Аммо ҳозирча Топ-10`даги рақиблар Мелиқўзиев билан жангдан қочишяпти.

Обуна бўлинг 👉 Телеграм

🇺🇸🇩🇪⚖️Чемпион Стивенсон ва даъвогар Арутюнян тарозидан ўтиб олди

Енгил вазнда WBC чемпиони Шакур Стивенсон ҳамда рейтингнинг еттинчи поғонасидан жой олган Артем Арутюнян эртанги жанг олдидан тарозидан муваффақиятли ўтиб олишди.

Бизнинг вақт билан эртага тонг саҳарда АҚШнинг Ньюарк шаҳрида бўлиб ўтадиган бокс оқшоми Top Rank промоутерлик компанияси томонидан ташкил этилмоқда. Бу 27 ёшли Стивенсон учун ўзи учун учинчи вазн тоифасидаги биринчи чемпионлик ҳимоя жанги бўлади...

Америкалик Шакур Стивенсон 60,83 кг, 33 ёшли асли келиб чиқиши арманистонлик, ҳозирда Германия шарафини ҳимоя қилаётган Арутюнян — 61,14 кг вазн қайд этди...

Обуна бўлинг 👉 Телеграм