🇺🇿🥊Ўзбекистон профессионал бокс федерациясида янги давр бошланди

Яқинда Ўзбекистон профессионал бокс федерациясининг навбатдан ташқари Конференцияси ўтказилиб, унда Ижроия қўмитанинг янги аъзолари тасдиқланган эди.

Унга кўра, Умид Якубов Ўзбекистон профессионал бокс федерацияси раиси, Ғофур Раҳимов раиснинг биринчи ўринбосари, Қудратилла Рафиқов Васийлик кенгаши раиси этиб сайланганди. Шунингдек, Зиёвуддин Хожиниёзов раис ўринбосари, Олимпиада чемпионлари Муҳаммадқодир Абдуллаев, Баҳодир Жалолов, Ҳасанбой Дўсматов ва Фазлиддин Ғоибназаров Ижроия қўмитаси таркибига киритилишганди.

Ана шундай ўзгаришлар силсиласида Ўзбекистон профессионал боксини тарғиб қилиш, кўпроқ маълумотлар улашиш, янада кенг ёритишга эҳтиёж сезилади. Шу мақсадда Федерациянинг расмий Телеграм (proboxing_uz) ва Инстаграм (https://www.instagram.com/proboxing_uz/) каналлари ишга тушириляпти. Тез орада расмий сайт, Facebook ҳамда Youtube саҳифалари ҳам очилади.

Ўзбекистон профессионал бокси билан боғлиқ барча маълумотлар расмий каналларимизда бериб борилади.

Ўзбекистон профессионал бокс федерацияси матбуот хизмати

📹Ўтказиб юборманг!!!

Бугун "SEVIMLI" телеканалида соат 21:30да "Сўнгги раунд" фильми эфирга узатилади...

Обуна бўлинг 👉 Телеграм

🇺🇿🔥🥊WBC'нинг янгиланган рейтингида Жалолов кўтарилди, Мадримов ва Дўсматов ўз ўрнида

Бутунжаҳон Бокс иттифоқи (WBC) июль ойи учун янгиланган рейтингни эълон қилди. Ушбу рейтингдан 11 нафар чарм қўлқоп устамиз жой олган.

Оғир вазн: Баҳодир Жалолов 32-ўриндан 20-ўринга кўтарилди;

Суперўрта вазн тоифаси (76,2 кг): Азизбек Абдуғофуров 14-ўрин, Бектемир Мелиқўзиев 39-ўрин;

Суперярим ўрта вазн (69,8 кг): Исроил Мадримов ўтган ойдаги каби 9-ўринда;

Яримўрта вазн (66,6 кг): Қудратилло Абдуқаҳҳоров 21-поғонадан 20-ўринга кўтарилди, Шаҳрам Ғиёсов 25-ўриндан 24-поғонага юқорилади, Жамшидбек Нажмитдинов эса 30-ўриндан бир поғона пастлаб, 31-ўринга жойлашди.

Суперенгил вазн (63,5 кг): Шоҳжаҳон Эргашев 21-ўринда қайд этилди;

Ярименгил вазн (57,1 кг): Отабек Холматов 37-ўринни эгаллади;

Биринчи ярименгил вазн (55,3 кг): Исломбек Пирманов 37-ўринга жойлашди;

Биринчи ўта енгил вазн (48,8 кг): Ҳасанбой Дўсматовнинг поғонаси ўзгаришсиз қолди - 11-ўрин.

Обуна бўлинг 👉 Телеграм

🇺🇿🔥🥊Янгиланган IBF рейтинги эълон қилинди

Халқаро бокс федерацияси июль ойи учун янгиланган рейтингни эълон қилди. Ушбу рейтингдан 3 нафар чарм қўлқоп устамиз ўрин олган.

Биринчи ярим енгил вазн тоифасида (55,3 кг) Муроджон Аҳмадалиев чемпион;

Супер енгил вазнда (63,5 кг) Шоҳжаҳон Эргашев ўтган ойдагига нисбатдан икки поғона пастлаган ва айни пайтда рейтингда 6-ўринни банд этиб турибди;

Ярим ўрта вазн тоифасида (66,6 кг) IBF Шимолий Америка минтақавий чемпионлик камари соҳиби Шаҳрам Ғиёсов рейтингнинг 9-поғонасидан ўрин олди.

Обуна бўлинг 👉 Телеграм

🇺🇿🥊Ўзбекистон профессионал бокс федерацияси расман WBC ташкилоти аъзоси

Осиё WBC бокс иттифоқи штаб квартирасидан Ўзбекистон профессионал бокс федерациясига расмий мактуб келди. Унда Ўзбекистон профессионал бокс федерацияси расман Осиё WBC бокс иттифоқига, бу эса ўз навбатида автоматик тарзда Бутунжаҳон бокс уюшмаси (WBC)га қабул қилинганлиги айтилган.

"Биз улкан мамнуният ила Ўзбекистон профессионал бокс федерациясининг сафимизга расман қабул қилинганини эълон қиляпмиз. WBC ва Ўзбекистон ўртасида кенг қамровда ҳамкорлик ўрнатилади. Истеъдодли, келажаги порлоқ сифатида қаралаётган профессионал боксчиларга WBC шафеълигида ўтказиладиган минтақавий чемпионатлар, бокс оқшомларида иштирок этиш учун амалий кўмак берилади. Шунингдек, Ўзбекистон ҳудудида ҳам WBC байроғи остидаги бокс кечалари ўтказилади", дейилади WBC-АBC президенти Ковит Бхакдибхуми томонидан имзоланган мактубда.

WBC қоидаларига кўра, миллий федерацияларга WBC ташкилотига аъзолик қитъавий уюшма томонидан тақдим этилади. Осиё WBC бокс иттифоқига аъзо бўлиш эса тўғридан-тўғри WBC ташкилотининг тўлақонли аъзоси бўлишни англатади.

WBC – дунёдаги энг нуфузли бокс ташкилоти ҳисобланади. Ушбу ташкилотга 1963 йилда асос солинган бўлиб, штаб-квартираси Мексикада жойлашган. Айни пайтда мексикалик Маурисио Сулейман WBC президенти лавозимида ташкилотни бошқариб келмоқда. Турли йилларда Муҳаммад Али, Жо Фрейзер, Майк Тайсон, Леннокс Льюис, Флойд Мейвезер, Виталий Кличко, Мэни Пакьяо ва бошқа кўплаб дунё бокс афсоналари WBC йўналишида жаҳон чемпиони бўлишган.

WBC ташкилотига аъзо бўлиш Ўзбекистон профессионал бокс федерациясига кенг имкониятлар эшигини очади. Биринчи навбатда юртимизда профессионал бокс ривожланишнинг янги босқичига кўтарилади. Ўзбекистон профессионал бокс федерацияси WBC билан ҳамкорликда таниқли экспертлар иштирокида ҳакамлар, катменлар, шифокорлар, супервайзерлар, мураббийлар ва бошқа соҳа мутахассисларининг маҳорат ҳамда тажрибасини ошириш учун тренинг ва мастер-класслар ўтказади.

WBC ва бошқа нуфузли ташкилотлар билан халқаро муносабатларни кенг қамровда йўлга қўйиш апрель ойида иш бошлаган янги Ўзбекистон профессионал бокс федерацияси раҳбарияти олдида турган устувор вазифалардан биридир. Янги жамоанинг қисқа муддатда олиб борган саъй-ҳаракатлари илк натижани берди. Расман WBC аъзолигига қабул қилиндик. Энди WBA, WBO ва IBF сингари қолган нуфузли бокс ташкилотлари билан ҳамкорликни йўлга қўямиз. Бу борада ҳам амалий ишлар бошланган.

Маълумот ўрнида айтиш жоиз, Ўзбекистон профессионал бокс федерациясининг биринчи ўринбосари Ғофур Раҳимов мамлакатимиз профессионал бокси асосчиларидан бўлиб, соҳа ривожига улкан ҳисса қўшиб келяпти. Айнан Ғофур Аҳмедовичнинг ташаббуси билан Ўзбекистонда биринчи профессионал бокс кечаси ташкил этилган. 2001 йилнинг 21 сениябрь куни пойтахтимиздаги “Юнусобод” спорт мажмуасида ўтказилган профессионал бокс оқшомида ҳаваскорлар ўртасида Олимпиада ва жаҳон чемпиони Муҳаммадқодир Абдуллаев, ҳаваскорлар ўртасида икки карра жаҳон чемпиони, профессионалларда WBA йўналиши чемпиони Руслан Чагаев, WBO йўналишида икки карра Осиё ва Тинч-Океания минтақаси чемпиони Қувончбек Тойгонбаев, россиялик Олимпиада ва жаҳон чемпиони Александр Лебзяк ҳамда бошқа таниқли боксчилар рингга кўтарилишган эди.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊ФПБУ ПОЛУЧИЛА ЧЛЕНСТВО В WBC

Федерация профессионального бокса Узбекистана (ФПБУ) получила письмо Азиатского боксерского совета WBC о предоставлении членства в самой престижной международной боксерской организации – Всемирном боксерском совете (WBC).

В письме, подписанном президентом WBC-АBC Ковитом Бхакдибхуми говорится, что «мы с большим удовольствием приветствуем Федерацию профессионального бокса Узбекистана с официальным присоединением», а также выражается надежда на «плодотворное сотрудничество в предоставлении перспективным профессиональным боксерам из Узбекистана возможности участвовать в региональных чемпионатах, аффилированных с WBC на территории Узбекистана». По правилам WBC, членство национальным федерациям предоставляется через континентальные подразделения WBC, в случае с ФПБУ – через Азиатский боксерский совет WBC.

WBC – самая престижная международная боксерская организация, санкционирующая поединки мирового уровня. Она была создана в 1963 году со штаб-квартирой в Мексике, и в настоящее время возглавляется мексиканцем Маурисио Сулейманом. В разное время чемпионами мира WBC были такие легенды бокса как Мухаммад Али, Джо Фрейзер, Майк Тайсон, Леннокс Льюис, Флойд Мейвезер, Виталий Кличко, Мэни Пакьяо и другие.

Членство ФПБУ в WBC открывает новые широкие перспективы для развития профессионального бокса в нашей стране. В частности, ФПБУ планирует организацию различных тренингов и мастер-классов с участием топ-экспертов WBC для повышения квалификации судей, супервайзеров, катменов, врачей, тренеров и других профильных специалистов в сфере профессионального бокса Узбекистана.

Развитие международных связей и вступление в члены различных престижных международных организаций – одна из главных задач, поставленных новым руководством ФПБУ, которое было избрано в апреле этого года. И вот, благодаря целенаправленной работе за три месяца были получены первые результаты, а именно – членство в WBC. ФПБУ также планирует в ближайшем будущем наладить тесные связи и с другими крупными боксерскими организациями, такими как WBA, WBO и IBF.

Напомним, что первый заместитель председателя ФПБУ Гафур Рахимов стоял у истоков профессионального бокса Узбекистана. Именно благодаря ему был организован первый в Узбекистане международный вечер профессионального бокса. 21 сентября 2001 года на ринг спорткомплекса “Юнусабад” в Ташкенте вышли олимпийский чемпион и чемпион мира среди любителей Мухаммадкодир Абдуллаев, двукратный чемпион мира среди любителей и двукратный чемпион мира по версии WBA Руслан Чагаев, двукратный чемпион Азии и тихоокеанского региона по версии WBO Куванычбек Тойгонбаев, олимпийский чемпион и чемпион мира среди любителей из России Александр Лебзяк, который проводил первый бой в профессиональной карьере, а также другие известные узбекские и зарубежные боксеры.

Обуна бўлинг 👉 Телеграм

🎁Таваллуд айём муборак, Ғофур Аҳмедович!

Бугун таниқли халқаро спорт арбоби, Ўзбекистон профессионал бокс федерацияси раисининг биринчи ўринбосари Раҳимов Ғофур Аҳмедович ўзининг қутлуғ 71 ёшини нишонламоқда.

Ғофур Раҳимов турли йилларда Халқаро бокс ассоциацияси, Осиё бокс конфедерацияси, Осиё Олимпия кенгаши, Миллий олимпия қўмитаси, Ўзбекистон ҳаваскор бокс федерацияси каби турли нуфузли спорт ташкилотларида фаолият олиб борган. У киши Ўзбекистон ва жаҳонда олимпия ҳаракати ривожига улкан ҳисса қўшиб келмоқда.

Ўзбекистон профессионал бокс федерацияси оиласи ҳамда боксга бефарқ бўлмаган инсонлар номидан Ғофур Аҳмедовични бугунги унутилмас кун, қутлуғ сана билан самимий муборакбод этамиз. Уларга сиҳат-саломатлик, оилавий бахт, фарзандлар, набираю эваралар роҳатини узоқ йиллар кўриб юришларини тилаймиз.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🔥🥊Шоҳжаҳон Эргашевнинг навбатдаги жанги тасдиқланди

🇺🇸10 август куни АҚШнинг Мичиган штати Детройт шаҳрида биз учун аҳамиятли бокс оқшоми бўлиб ўтади.

Salita Promotion промоутерлик компанияси томонидан ташкил этилаётган ушбу бокс оқшоми доирасида ҳамюртимиз Шоҳжахон Эргашев ҳам рингга кўтарилади. Айнан ушбу компаниянинг мижози бўлган чарм қўлқоп устамизга бўлажак жангда мексикалик Анхель Мартинес Эрнандес рақиблик қилади.

Рақибнинг статистикасига назар ташлайдиган бўлсак, у проф боксда 17 та жанг ўтказиб, 14 тасида ғалаба қозонган. Ғалабаларнинг барчасини муддатидан олдин қўлга киритган. Фақат 1 та жангда мағлуб бўлган ва яна 2 тўқнашув дуранг билан якунланган.

Шоҳжаҳон Эргашев эса 22 та жанг ўтказиб, барчасида зафар қучган. Ҳисобида 19 та нокаут бор. Сўнгги бор 26 май куни Луис Альберто Веронга қарши саккиз раундлик жангда рингга чиқиб, рақибини очколар ҳисобига кўра таслим этган эди.

Обуна бўлинг 👉 Телеграм

🇺🇿🎁Қутлуғ 65 ёшингиз муборак, Шавкат Миромонович!

Бугун Ўзбекистон Республикаси Президенти Шавкат Мирзиёев таваллуд топган кун.

Ҳурматли Юртбошимиз бугун қутлуғ 65 ёшни қарши олдилар. Шу муносабат билан Ўзбекистон профессионал бокс федерацияси, юртимиздаги барча проф боксчилар, мураббийлар номидан Шавкат Миромоновични бугунги қутлуғ сана билан чин юракдан муборакбод этамиз.

Илоҳим, халқимиз бахтига ҳамиша соғ ва саломат бўлинг! Эл-юрт равнақи йўлида олиб бораётган оқилона ва доно сиёсатингиз туфайли Ўзбекистон янада гуллаб-яшнасин, дунёнинг етакчи давлатлари орасида ўз ўрни ва мавқейига эга бўлаверсин!

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🎁Таваллуд айём муборак, Танзила Камаловна!

Бугун Ўзбекистон Республикаси Олий Мажлиси Сенати раиси, Ўзбекистон велосипед спорти федерацияси раиси Танзила Норбоева ҳам ўз таваллуд айёмини нишонламоқда.

Норбоева Танзила Камоловна – 1956 йил 24 июл куни Андижон вилояти Шаҳрихон туманида туғилган. Тошкент Давлат университети (ҳозирги ЎзМУ)нинг филология факультетида тахсил олган. Меҳнат фаолиятини 1974 йил Шаҳрихон туманидаги ўрта таълим мактабида ўқитувчиликдан бошлаган.

2010-2016 йилларда Ўзбекистон Касаба уюшмалари федерацияси кенгаши раиси, 2016-2019 йилларда Ўзбекистон Республикаси Хотин-қизлар қўмитаси раиси лавозимларида ишлади. 2019 йил Ўзбекистон Республикаси Олий Мажлиси Сенатининг йигирманчи ялпи мажлисида Сенат Раиси лавозимига тайинланган.

Ўзбекистон профессионал бокс федерацияси Танзила Камаловнани бугунги унутилмас кун билан муборакбод этади.

Ўзбекистон профессионал бокс федерацияси матбуот хизмати

Обуна бўлинг 👉 Телеграм