📍Палітзняволеную Вольгу Класкоўскую этапавалі ў гомельскую калонію

Днямі брэсцкі абласны суд разглядзеў апеляцыйную скаргу палітзняволенай Вольгі Класкоўскай на рашэнне суда Маскоўскага раёна Брэста. Прысуд пакінулі без зменаў.

Праз некалькі дзён Вольгу ўжо перавялі ў жаночую калонію №4.

📌Нагадаем, год таму Вольгу асудзілі за ўдзел у пратэстах у 2020 годзе, а ў студзені 2022 — за каментар у адрас брэсцкага міліцыянта. За «абразу прадстаўніка ўлады» Вользе прысудзілі 1,5 года «хатняй хіміі». Шляхам складання тэрмінаў Класкоўскай прызначылі 2 гады і 6 месяцаў калоніі агульнага рэжыму. За ўвесь час у няволі Класкоўскую неаднаразова змяшчалі ў карцар і ў памяшканне камернага тыпу.

💌Падтрымайце Вольгу: ПК №4. 246035, Гомель, Антошкіна, 3, Вользе Аляксандраўне Класкоўскай

😡 Мікіту Емяльянава зноў кінулі ў карцар

Палітзняволены Мікіта Емяльянаў з 12 сакавіка знаходзіцца ў карцары. Пра гэта сямья хлопца даведалася, калі прыехала ў турму №4 г. Магілёва на спатканне, якое дазволіў суд. Спачатку Мікіту прызначылі пяць сутак карцару, якія ён павінен быў адбыць 17 сакавіка. Аднак родныя, якія прыехалі ў гэты дзень на спатканне, так і не змаглі пабачыць Мікіту, бо адміністрацыя калоніі паведаміла, што Емяльянаву зноў вынеслі спагнанне за адмову прыбіраць прагулачны дворы - на гэты раз 10 сутак карцара.

На асабістай сустрэчы з намеснікам начальніка турмы родныя палітвязня ўказалі на тое, што, згодна з заканадаўствам, вязняў нельга змяшчаць у карцар больш, чым на 10 сутак. Аднак на рашэнне адміністрацыі гэта не паўплывала.

Вядома, што чацвёра сутак Мікіта галадаў на знак пратэсту са змяшчэннем у карцар, але спыніў галадоўку па стане здароўя.

Нагадаем, 11 сакавіка Мікіту Емяльянава асудзілі на два гады пазбаўлення волі па ч. 2 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы за парушэнне правілаў унутраннага распарадку ), а канчаткова прызначылі па сукупнасці прысудаў з улікам раней неадбытага пакарання - тры з паловай гады калоніі ўзмоцненнага рэжыму. Ад пачатку года хлопцу зноў і зноў выносілі спагнанні, ён ужо адбыў у карцары больш за 40 сутак.

❗️За што Мікіту Емяльянава кідаюць у ШІЗА?

💌 Падтрымайце палітвязня паштоўкамі і лістамі салідарнасці:
Турма №4, 212011, г. Магілёў, вул. Крупскай, 99А,
Емяльянаву Мікіту Уладзіміравічу

🗓Агляд навінаў пра палітвязняў за тыдзень:

🔹У спіс палітвязняў на гэтым тыдні трапілі 19 чалавек. На дадзены момант палітзняволенымі лічуцца 1094 чалавек.

🔹Прысуды на гэтым тыдні вынесеныя трынаццаці палітзняволеным:
Ягору Марціновічу і Андрэю Скурко — па 2 гады і 6 месяцаў калоніі;
Паўлу Адамавічу — 3 гады «хатняй хіміі»;
Сяргею Шаўчэнку — 3 гады «хатняй хіміі»;
Ірыне Радзьковай — 3 гады «хатняй хіміі»;
Анастасіі Вайтовіч — 3 гады «хіміі»;
Вячаславу Кандыбу — 7 гадоў калоніі;
Дзмітрыю Падрэзу — 7 гадоў калоніі;
Паўлу Вінаградаву — 5 гадоў калоніі;
Юліі Гарачка — 2 гады калонііі;
Сяргею Красоўскаму — 1,5 года калоніі;
Аляксандру Антанюку — 1,5 года калоніі;
Андрэю Чудзінаву — 2 гады калоніі.

🔹На волю на гэтым тыдні выйшлі:
Палітзняволеныя Вольга Лойка, Аляксандр Дайнека і Андрэй Аўдзееў, якія знаходзіліся пад вартай па «справе TUT.ВY».
Палітвязень Аляксей Караткоў, які цалкам адбыў тэрмін.

🔹Прысуд палітзняволенай Вользе Класкоўскай пакінулі ў сіле и амаль адресу перавялі ў гомельскую калонію.

🔹У калоніі асуджаным забаронена камунікаваць з палітвязнем Міколам Дзядком, а адміністрацыя знішчыла больш за 30 лістоў. На знак пратэсту ён адмовіўся ад працы.

🔹Палітвязень Глеб Койпіш, асуджаны да 2 годоў «хіміі», пачаў адбываць пакаранне ў папраўчай ўстанове адкрытага тыпу №21.

🔹Прысуд палітзняволенай Вользе Залатар пакінулі без зменаў.

🔹У закрытым рэжыме працягваюцца суды над палітзняволеным мастаком Алесем Пушкіным, і над экс-пракурорам Яўгенам Бабаком.

🔹Палітвязень Андрэй Баранаў, якога асудзілі да 2 гадоў "хіміі", пакінуў Беларусь. Цяпер ён знаходзіцца ў бяспецы.

🔹 Следства па "справе Вясны" працягнута яшчэ на два месяцы. Пад вартай ужо 8 месяцаў застаюцца старшыня "Вясны" Алесь Бяляцкі, намеснік старшыні Валянцін Стэфановіч і юрыст Уладзімір Лабковіч.

🔹Палітвязня Дзмітрыя Дубоўскага змясцілі ў карцар на 10 дзён.

🔹Палітзняволенай Марыі Калеснікавай у калоніі не дазваляюць займацца спортам і зусім не перадаюць лісты.

🔹На палітвязня Івана Зянько, асуджанага да 5 гадоў калоніі, завялі новую крымінальную справу. Вядома, што 16 сакавіка палітвязня змясцілі на 10 сутак у ШІЗА.

🔹На палітвязня Ціхана Осіпава, асуджанага да 11 гадоў калоніі, завялі новую справу за злоснае непадпарадкаванне адміністрацыі калоніі (ч. 2 арт. 411 КК). Цяпер яму пагражае да двух гадоў зняволення.

🔹За люты палітзняволены Максім Знак зарабіў у калоніі 56 капеек, а з 11 лютага ніводнага ліста ад не сваякоў не атрымлівае.

🔹Палітзняволеная беларуска Яна Пінчук, якая знаходзіцца ў СІЗА Пецярбурга, выйшла замуж.

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

Мы заклікаем вас не спыняцца і працягваць прабіваць сцяну цэнзуры, каб не пакідаць палітвязняў сам-насам у такі цяжкі час. Даслаць лісты можна праз звычайную пошту, а таксама праз электронныя сэрвісы: Майстэрню паштовак салідарнасці; ініцыятыву “Вклеточку” і письмо.бел.

🎉На гэтым тыдні свой Дзень Народзінаў адзначаюць дваццаць тры палітзняволеных:

🔺Сіман Канцэвіч
🔺Сяргей Коршун
🔺Міхаіл Шабалюк
🔺Паліна Шарэнда-Панасюк
🔺Крысціна Васількова
🔺Юрый Усніч
🔺Арцём Ісакаў
🔺Станіслаў Блашко
🔺Ілля Дубскі
🔺Максім Пыцель
🔺Міхаіл Гладыш
🔺Мікіта Емяльянаў
🔺Ілля Міронаў
🔺Уладзімір Кніга
🔺Арсеній Чыжык
🔺Антон Кошчанка
🔺Артур Аміраў
🔺Аляксандр Касянчук
🔺Дзяніс Марусевіч
🔺Яўген Прывалаў
🔺Максім Сергяенка
🔺Антон Сташэўскі
🔺Сяргей Бобашаў
🔺Лявон Халатран

💌Самы просты спосаб павіншаваць палітзняволеных – адправіць паштоўку. Гэта можна зрабіць праз Майстэрню паштовак салідарнасці, ініцыятыву “Вклеточку” і письмо.бел.

📲Таксама прапануем дасылаць палітвязням тэлеграмы. Гэта можна зрабіць на пошце або па нумару тэлефона 166 (толькі з гарадскога) і надыктаваць тэкст. Не забывайце падпісвацца, каб яны ведалі ад каго дайшла вестка.

📍Палітвязень Уладзімір Шынкевіч выйшаў з калоніі на волю

54-гадовы Уладзімір Шынкевіч 19 сакавіка цалкам адбыў тэрмін і выйшаў на волю з папраўчай калоніі №22.

Яго асудзілі на адзін год і тры месяцы калоніі агульнага рэжыму. Па версіі следства, Уладзімір Шынкевіч апублікаваў у сацыяльнай сетцы «Одноклассники» зневажальны пост у дачыненні Лукашэнкі. Што канкрэтна ўтрымлівала публікацыя, невядома, бо справа разглядалася на закрытым судовым паседжанні.

🎉Палітзняволеная Паліна Шарэнда-Панасюк адзначае 47-годдзе. Павіншуйце яе са святам!

📍Сёння, 21 сакавіка, Паліна Шарэнда-Панасюк адзначае свой Дзень народзінаў у калоніі. Ёй спаўняецца 47 гадоў.

Маці двух непаўналетніх сыноў у чэрвені асудзілі да 2 гадоў калоніі агульнага рэжыму. Паліну вінавацілі па шэрагу артыкулаў Крымінальнага кодэксу: арт. 364, арт. 368 і арт. 369. У канцы 2021 года Паліну ўтрымлівалі мінімум 15 дзён у карцары, а потым змясцілі ў ПКТ да 18 сакавіка.

У лютым стала вядома, што супраць палітзняволенай узбудзілі новую крымінальную справу за злоснае непадпарадкаванне адміністрацыі турмы (ч. 2 арт. 411 КК). Цяпер ёй пагражае да двух гадоў зняволення.

💌Павіншуйце Паліну: ПК №4, 246035, г. Гомель, вул. Антошкіна, 3, Паліне Сяргееўне Шарэнда-Панасюк

🕊Былая палітзняволеная Наталля Хершэ нагадала, як лісты салідарнасці падтрымліваюць вязняў за кратамі

Наталлю Хершэ асудзілі да 2,5 годоў калоніі агульнага рэжыму за сарваную з супрацоўніка АМАПу балаклаву. 18 студзеня яна выйшла на волю па памілаванню. Пры гэтым, Наталля так і не напісала прашэнне аб памілаванні. За кратамі яе ўтрымлівалі 517 дзён.

«Дорогие мои соотечественники и все неравнодушные!
Хочу выразить вам мою огромную благодарность за вашу поддержку и солидарность в непростое для меня время. Письма для всех политических являются связующим звеном с реальностью из которой они были вырваны режимом, они дают силы и сознание, что ни один человек не забыт. И даже, когда режим всеми правдами и неправдами старается препятствовать этой связи, я уверена, что позитивная энергия писем обязательно дойдёт до адресата и укрепит его. Так было у меня, когда 10-ти дневная голодовка, по причине отсутствия корреспонденции , не принесла результата, я сказала себе: «Ты должна чувствовать позитивную энергию поддержки не имея ей документального подтверждения в руках!» Это сделало мой дух ещё крепче. С того момента отсутствие корреспонденции для меня перестало быть мерой их воздействия.
Я ощущала вашу поддержку и знала, что за мной большинство, за мной правда, за нами Бог.
Спасибо всем!»

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

Мы заклікаем вас не спыняцца і працягваць прабіваць сцяну цэнзуры, каб не пакідаць палітвязняў сам-насам у такі цяжкі час. Даслаць лісты можна праз звычайную пошту, а таксама праз электронныя сэрвісы: Майстэрню паштовак салідарнасці; ініцыятыву “Вклеточку” і письмо.бел.

📍Палітвязень Андрэй Гарбуноў выйшаў на волю пасля года на «хіміі»

Бабруйчаніна Андрэя Гарбунова асудзілі да 1 года «хіміі» за абразу міліцыянта ў тэлеграме (арт. 369 Крымінальнага кодэксу). Тэрмін Андрэй адбываў у папраўчай ўстанове адкрытага тыпу №24.

Таццяна Ласіца: "У мяне вельмі загружаныя зараз дні, працую на швейнай фабрыцы"

Палітзняволеная валанцёрка "Вясны" Таццяна Ласіца даслала вестачку з-за кратаў. Яна піша, што настрой бадзёры, вучыцца шыць у калоніі, бачыць неба:

"У мяне таксама вельмі загружаныя зараз дні, працую на швейнай фабрыцы, рэжымныя моманты трэба выконваць, працу розную. Так што буду імкнуцца адказваць на лісты, якія прыходзяць да мяне, і па магчымасці ты таксама мне пішы.

Толькі патрапіла ў свой атрад, шмат чаго яшчэ не ведаю. Нядаўна напісала заяву на званкі, але дазваляюць размаўляць па тэлефоне толькі са сваякамі, магчыма змагу патэлефанаваць ім у красавіку.

Умовы ўтрымання тут нармальныя, кормяць добра. Ну вядома хочацца смачненькага, у асноўным садавіны - яблыкаў, апельсінаў. У краму яшчэ не хадзіла, мусіць быць па графіку на гэтым тыдні".

💌 Падтрымайце Таццяну лістамі і паштоўкамі:
ПК №4, 246035, г. Гомель, вул. Антошкіна, 3
Таццяне Леанідаўне Ласіцы
💻 Напісаць анлайн 👉 bit.ly/3jwJMLn

‼️Палітвязня Яўгена Афнагеля могуць перавесці на тры гады ў «крытую» турму

Камісія наваполацкай калоніі прапанавала перавесці актывіста «Еўрапейскай Беларусі» Яўгена Афнагеля на турэмны рэжым тэрмінам на тры гады, паведамляе жонка палітвязня. Суд па справе «аб пераводзе ў папраўчую ўстанову іншага тыпу і змяненні ўмоваў рэжыму» павінен адбыцца ў красавіку.

Нагадаем, у пачатку сакавіка Яўгена перавялі ў ПКТ (памяшканне камернага тыпу) адразу пасля ШІЗА, дзе ён правёў апошнія 1,5 месяца. Таксама яму зменшылі атаварку да 1 базавай велічыні ў месяц. 25 траўня 2021 палітвязня асудзілі да 7 гадоў калоніі ўзмоцненага рэжыму.

💌Падтрымаць Яўгена: ПК №1, 211440, г. Наваполацк, вул. Тэхнічная, 8, Яўгену Ігаравічу Афнагелю

😔«Канца-краю пакуль гэтаму ўсяму не бачна, і гэта засмучае», — палітвязень Генадзь Мажэйка пра зняволенне

Журналіста «Камсамольскай праўды» Генадзя Мажэйку ўтрымліваюць за кратамі амаль паўгады. Яму ставяць у віну два артыкулы Крымінальнага кодэкса: аб распальванні сацыяльнай варожасці або розні (арт. 130 КК РБ) і аб абразе прадстаўніка ўлады (арт.369 КК). Палітвязня затрымалі ў Маскве 1 кастрычніка 2021 года. Па папярэднім дадзеным, затрыманне звязана з артыкулам «Камсамольскай праўды», у якім знаёмая загінулага Андрэя Зельцэра станоўча пра яго адгукнулася. Менавіта аўтарства Генадзя стаяла пад гэтым тэкстам. 

«Press Club Belarus» падзяліліся ў фэйсбуку нядаўнім лістом ад Генадзя. У ім ён напісаў, што нядаўна ў СІЗА сустрэў палітзняволеную Алену Талкачову. Таксама ён піша, што падтрымкі з волі стала значна менш і спадзяецца, што яго не забудуць.

«Кажется, что я нахожусь за забором уже сто лет, хотя по факту я только перезимовал. Конца-края пока этому всему не видно, и это печалит. Но ничего, стараюсь не унывать.

Еще не хватает новостей с той стороны. Я смотрю новости по телевизору, читаю СБ, еще выписал “Беларусы и Рынок”. Раз в неделю что-то рассказывает адвокат. Но моих инфопотребностей это, конечно, не закрывает. Недавно встретил Лену Толкачеву — у нас с ней было несколько секунд невербального общения».

Еще чувствуется некоторое охлаждение поддержки извне. Но это и понятно, по ту сторону забора жизнь идет своим чередом, да и инфо-повестка сейчас сместилась на войну. Надеюсь, на воле меня не забудут».

💌Падтрымаць журналіста па новым адрасе: СІЗА-1, 220030, г. Мінск, вул. Валадарскага, 2, Генадзь Мікалаевіч Мажэйка

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

Мы заклікаем вас не спыняцца і працягваць прабіваць сцяну цэнзуры, каб не пакідаць палітвязняў сам-насам у такі цяжкі час. Даслаць лісты можна праз звычайную пошту, а таксама праз электронныя сэрвісы: Майстэрню паштовак салідарнасці; ініцыятыву “Вклеточку” і письмо.бел.

‼️Палітвязня Міколу Дзядка змясцілі ў ПКТ на чатыры месяцы за адмову выходзіць на працу

Пра гэта распавёў «Новаму Часу» бацька палітвязня Аляксандр Дзядок. Нагадаем, 10 сакавіка Мікола адмовіўся ад працы на знак пратэсту супраць пазбаўлення яго перапіскі і пераследу тых асуджаных, якія з ім камунікуюць. Адміністрацыя за гэта пакарала Дзядка чатырма месяцамі ў памяшканні камернага тыпу (ПКТ). А двух асуджаных, якія працягвалі з ім камунікаваць, змясцілі ў ШІЗА. Бацька палітвязня адзначае, што ў ПКТ холадна і брудна, і нягледзячы на тое, што ноччу бывае мінусавая тэмпература паветра, там выключаюць ацяпленне.

Ліставанне Міколе фактычна заблакавалі. Тыя лісты, якія яму дасылаюць у калонію, адміністрацыя наўпрост знішчае.

Аляксандр 22 сакавіка спрабаваў перадаць сыну належную яму па законе рэчавую перадачу, але яе не прынялі:

«Там неабходныя рэчы — зубныя пасты, шчоткі, прылады для галення. Але каб пазбавіць яго магчымасці прыводзіць сябе ў чалавечы выгляд, яны адмовіліся прымаць гэтую рэчавую перадачу. Таксама я прывёз медыцынскую перадачу, але яе таксама адмовіліся прымаць. Яму патрэбныя медыцынскія прэпараты, а дэ-факта атрымліваецца, што яго пазбавілі медыцынскай дапамогі».

Таксама Аляксандра Дзядка не пусцілі да адміністрацыі калоніі і спрабавалі справакаваць на канфлікт.

Учора Міколу змагла наведаць адвакат. Па яе словах, выглядае ён нядрэнна, хоць у цэлым абстаноўка цяжкая.

«Але ён трымаецца, ён моцны чалавек, і ён будзе змагацца, наколькі гэта магчыма».

📌Нагадаем, Дзядка затрымалі 11 лістапада 2020, пасля чаго моцна збівалі і катавалі. 10 лістапада палітвязня асудзілі да пяці гадоў калоніі ва ўмовах агульнага рэжыму па трох артыкулах Крымінальнага кодэкса: арт. 342, арт. 361, арт. 295-3. Мікола не прызнаў віну ні па ніводным артыкуле.

💌Падтрымаць палітвязня лістамі салідарнасці: ПК №9, 213410, г. Горкі, вул. Дабралюбава, 16, Дзядку Мікалаю Аляксандравічу

📍Палітвязень Дзмітрый Качаноўскі месяц таму пачаў адбываць тэрмін на «хіміі». На яго ўжо пачала ціснуць адміністрацыя

Дзмітрый Качаноўскі 1 сакавіка быў накіраваны ў папраўчую ўстанову адкрытага тыпу №43. Вядома, што адміністрацыя ўстановы прымусіла яго на відэакамеру прыбіраць туалеты. Праз гэта астатнія асуджаныя, якія адбываюць пакаранне не па палітычных матывах, адмаўляюцца есці з ім за аднім сталом. Таму цяпер ён вымушаны есці, седзячы на падваконні.

У верасні 2021 Дзмітрыя асудзілі паводле арт. 370 Крымінальнага кодэкса за тое, што ён зняў дзяржаўны сцяг з дзіцячага садка. А ў канцы студзеня Дзмітрыя ўжо судзілі за абразу былой прэс-сакратаркі МУС Вольгі Чамаданавай паводле арт. 369 Крымінальнага кодэкса. Шляхам паглынання менш строгага пакарання больш строгім яму канчаткова прызначылі тры гады «хіміі».

💌Падтрымайце Дзмітрыя лістамі салідарнасці: Папраўчая ўстанова адкрытага тыпу №43. 212003, г. Магілёў, вул. Чалюскінцаў, 76А

😔«Падзеі ва Украіне пачаліся шмат у чым з-за адсутнасці ў аўтарытарнай улады павагі да чалавечай годнасці», — Мікола Дзядок з турмы роўна сем годаў таму

У 2015 годзе палітзняволенаму анархісту Мікалаю Дзядку за пяць дзён да вызвалення прысудзілі год калоніі па арт. 411 КК (злоснае непадпарадкаванне патрабаванням адміністрацыі папраўчай установы). Тады Мікалай перадаў з магілёўскай турмы адкрыты ліст, у якім выказаўся наконт прысуду за «парушэнне рэжыму адбыцця пакарання».

Прайшло сем гадоў, але словы палітвязня актуальныя нават сёння:

«Безумоўна, увага ўсяго свету і ў першую чаргу Еўропы сёння прыкавана да Украіны, дзе людзі гінуць дзесяткамі і сотнямі і ў параўнанні з гэтым здаецца, што ўяўляюць сабой пакуты нейкіх пяці палітычных зняволеных у адносна стабільнай і, галоўнае, мірнай Беларусі? Аднак узгадаем, што і падзеі ва Украіне пачаліся шмат у чым з-за адсутнасці ў аўтарытарнай улады павагі да чалавечай годнасці, за спробу навязаць грамадству жыццё ў страху і антыдэмакратычную сістэму каштоўнасцяў. Тое ж мы назіраем і ў Беларусі, ці не праўда?

Таму я звяртаюся са сваім заклікам да вас і ўсім, у каго ёсць сілы і магчымасць паўплываць на становішча з надзеяй, што тое, што адбываецца са мной больш не адбудзецца ні з кім у Беларусі.

Мікалай Дзядок
Турма № 4
Cакавік 2015 года».

💌Падтрымаць палітвязня лістамі салідарнасці: ПК №9, 213410, г. Горкі, вул. Дабралюбава, 16, Дзядку Мікалаю Аляксандравічу

📭Палітвязень Сяргей Коршун, які днямі адзначыў 44-годдзе, не атрымаў ніводнага віншавання

Сяргей Коршун — блогер тэлеграм-канала “Армія з народам”, былы супрацоўнік міліцыі. Яго затрымалі ў ліпені 2020 у межах справы па арт. 342 КК. Потым артыкул Коршуну перакваліфікавалі на 293 КК (Навучанне ці іншая падрыхтоўка асоб для ўдзелу ў масавых беспарадках, альбо фінансаванне гэтай дзейнасці).

Мінскі абласны суд 7 траўня 2021 прысудзіў Сяргею чатыры з паловай гады пазбаўлення волі ў калоніі ўзмоцненага рэжыму.

🔺Сёння ён патэлефанаваў з калоніі да сваёй сястры і паведаміў, што не атрымаў на Дзень народзінаў ні лістоў, ні тэлеграм нават ад сваякоў. Сястра таксама піша, што ўжо доўгі час яны амаль не атрымліваюць лісты ад палітвязня.

💌Падтрымайце Сяргея: ПК №3. 211322, Віцебская вобласць, г.п. Віцьба, Сяргею Уладзіміравічу Коршуну

✊«Валадарка — гэта адно з нешматлікых месцаў, якое вытрымала ўсе войны і беды», — палітвязень Павел Белавус з-за кратаў

Заснавальнік крамы Symbal.by і культурніцкі мэнэджэр Павел Белавус даслаў на волю ліст, у якім распавёў пра свае справы:

«У меня ўсе добра, трымаюся бадзёра. Гледзячы на тыя падзеі, якія адбываюцца вакол, разумею, што ізаляцыя ў турме выратоўвае шмат маіх нервовых клетак. Ну і наогул трэба нагадаць, што Валадарка — гэта адно з нешматлікых месцаў, якое вытрымала ўсе войны і беды, якія праходзілі праз горад Мінск за апошнія 200 гадоў, як раз з моманту яе пабудовы.

Таму моцна не пережывайце за мяне, бо ў сённяшніх умовах жыхары Валадаркі — гэта моцны інтэлектуальны клуб з пэўнымі абмежаваннямі. Але жыць можна».

💌Падтрымайце Паўла: СІЗА-1, 220030, г. Мінск, вул. Валадарскага, 2

💔Валянцін Стэфановіч падзяліўся сваімі ўспамінамі пра Стамбул

Праваабаронца «Вясны» Валянцін Стэфановіч даслаў ліст з-за кратаў, у якім ён успамінае пра Стамбул і марыць туды вярнуцца разам з жонкай:

«Мора мне таксама падабаецца рознае. Неспакойнае, штормавае мора мне таксама вельмі да спадобы. Такое мора турбуе, узбуджае. Назіраць за стыхіяй хвалі, якія б’юцца аб бераг і скалы — гэта прыгожая карціна. Часам я ўяўляю сябе на беразе сярод дзюнаў, з вогнішчам і бутэлькай віскі. Я б піў з рыльца і глядзеў на начныя зоры, а за дзюнамі бушавала б халоднае стальное мора. Галоўнае потым не лезці ў тое мора купацца. Таму лепей гэтае выкшталцонае баўленне часу раздзяліць з добрай кампаніяй сяброў і сябровак.

У Стамбул я б хацеў яшчэ раз патрапіць са сваёй жонкай. Мы былі там удвох, і гэта быў вельмі рамантычны час».

💌Дашліце Валянціну ліст падтрымкі і салідарнасці: СІЗА-1, 220030, Мінск, Валадарскага, 2, Валянціну Канстанцінавічу Стэфановічу

Больш навінаў пра зняволеных праваабаронцаў "Вясны" — freeviasna.org

😡Да палітзняволенага Леаніда Судаленкі два месяцы не даходзяць лісты. Адміністрацыя калоніі сцвярджае, што не перашкаджае ліставанню

Праваабаронца Леанід Судаленка ў калоніі знаходзіцца з 27 студзеня. Нядаўна жонка Леаніда атрымала ад яго ліст, у якім ён паведаміў, што з таго часу яму яшчэ не перадалі ніводнага ліста. Днямі яго сябар Васіль Палякоў напісаў заяву на імя начальніка папраўчай калоніі №3 з патрабаваннем не перашкаджаць ліставанню і перадаваць лісты Леаніду.

У адказе на заяву адміністрацыя ПК-3 напісала, што «ўся карэспандэнцыя, якая паступае на імя асуджанага Судаленкі Л. Л., выдаецца яму ў адпаведнасці з дзейным заканадаўствам». Таму Палякоў збіраецца звярнуцца з патрабаваннем да Дэпартаменту выканання пакаранняў.

Нагадаем, 3 лістапада праваабаронцам "Вясны" Леаніду Судаленку і Таццяне Ласіцы вынеслі прысуд — тры і два з паловай гады калоніі адпаведна. Судовы працэс праходзіў у закрытым рэжыме.

💌 Працягвайце падтрымліваць Леаніда: ПК №3. 211322, Віцебская вобласць, г.п. Віцьба