⚡️Палітвязню Дзмітрыю Гопце адмовілі ў памілаванні

Пра гэта паведаміла ягоная маці. 22-гадовы Дзмітрый Гопта — жыхар Гомеля, мае псіхічнае захворванне, звязанае са значным парушэннем паводзін, якое патрабуе догляду і лячэння, з-за гэтага мае разумовую адсталасць. Аднак гэта не перашкодзіла суду асудзіць яго на 2 гады калоніі за падзеі 9 і 10 жніўня ў Жлобіне.

У снежні прадстаўнікі ініцыятывы «круглага стала» Юрыя Васкрасенскага паведамілі яго сваякам, што палітвязня могуць памілаваць да рэферэндуму.

🔺Як пісаць лісты, каб ён змог іх прачытаць:

🔹Пішыце на рускай мове, вялікімі і друкаванымі літарамі;
🔹Пазбягайце складаных сказаў;
🔹Для таго, каб Дзмітрыю было прасцей успрымаць ваш ліст, паспрабуйце падмацаваць кожны сказ малюнкам;
🔹Дзмітрый з задавальненнем падтрымае тэмы жывёл, спорта і машын.

💌Падтрымаць хлопца: ПК №3, 211322, Віцебская вобласць, г.п. Віцьба, Гопце Дзмітрыю Валер'евічу

🚌Новыя "этапы" палітвязняў. Падтрымай іх лістамі!

▪️28-гадовага Паўла Рэзановіча перавялі у гродзенскую турму №1.
💌Новы адрас для лістоў: Турма №1. 230023, г. Гродна, вул. Кірава, 1

▪️46-гадовага Валянціна Цераневіча перавялі ў гомельскі СІЗА-3.
💌Новы адрас для лістоў: СІЗА-3. 246003, г. Гомель, вул. Кніжная, 1А

▪️Аляксея Мельнікава перавялі ў жодзінскую турму №8.
💌Новы адрас для лістоў: Следчая турма №8. 222163, г. Жодзіна, вул. Савецкая, 22А

▪️Рамана Марусава накіравалі ў папраўчую калонію №3.
💌Новы адрас для лістоў:

▪️Станіслава Блашко перавялі ў СІЗА-1 на Валадарскага.
💌Новы адрас для лістоў: СІЗА-1. 220030, г. Мінск, вул. Валадарскага, 2

▪️32-гадовы Аляксей Зікееў быў пераведзены ў віцебскі СІЗА-2.
💌Новы адрас для лістоў: СІЗА-2. 210026, г. Віцебск, вул. Гагарына, 2

▪️36-гадовага Канстанціна Філіпава перавялі ў СІЗА-1 на Валадарскага.
💌Новы адрас для лістоў: СІЗА-1. 220030, г. Мінск, вул. Валадарскага, 2

▪️37-гадовы Раман Паўленка быў пераведзены ў папраўчую калонію №1.
💌Новы адрас для лістоў: ПК №1. 211440, г. Наваполацк, вул. Технічная, 8

▪️24-гадовага Аляксея Чашуна перавялі ў магілёўскую турму №4.
💌Новы адрас для лістоў: Турма №4. 212011, г. Магілёў, вул. Крупскай, 99А

▪️38-гадовага Юрыя Бялько накіравалі ў бабруйскую калонію №2.
💌Новы адрас для лістоў: ПК №2. 213800, г. Бабруйск, вул. Сікорскага, 1

▪️68-гадовую Эму Сцепулёнак перавялі ў віцебскі СІЗА-2.
💌Новы адрас для лістоў: СІЗА-2. 210026, г. Віцебск, вул. Гагарына, 2

▪️27-гадовага Вадзіма Чапялевіча накіравалі ў папраўчую калонію №3.
💌Новы адрас для лістоў: ПК №3. 211322, Віцебская вобласць, г.п. Віцьба

▪️52-гадовага Аляксандра Юрчыка перавялі ў папраўчую калонію №1.
💌Новы адрас для лістоў: ПК №1. 211440, г. Наваполацк, вул. Технічная, 8

▪️36-гадовага Дзмітрыя Дзямешку перавялі ў СІЗА-1 на Валадарскага.
💌Новы адрас для лістоў: СІЗА-1. 220030, г. Мінск, вул. Валадарскага, 2

▪️Уладзімір Жук пачаў адбываць пакаранне ў папраўчай калоніі №3
💌Новы адрас для лістоў: ПК №3. 211322, Віцебская вобласць, г.п. Віцьба

▪️24-гадовага Яраслава Пашкова перавялі ў гомельскі СІЗА-3.
💌Новы адрас для лістоў: СІЗА-3. 246003, г. Гомель, вул. Кніжная, 1А

👉Поўны спіс палітвязняў з актуальнымі адрасамі можна знайсці на сайце prisoners.spring96.org (з Беларусі — праз VPN). Пра перавод палітвязня можна паведаміць праваабаронцам @spring96info

📍Палітвязня Аляксандра Васілевіча пачнуць судзіць 24 студзеня

Справу сузаснавальніка анлайн-выданняў kyky.org і The Village-Беларусь Аляксандра Васілевіча пачнуць разглядаць у 11:30 24 студзеня ў судзе Савецкага раёна. Працэс будзе весці суддзя Марына Фёдарава, якая асудзіла фігурантаў «справы студэнтаў».

📌Нагадаем, палітвязень Аляксандр Васілевіч — бізнэсовец, сузаснавальнік анлайн-выданняў kyky.org і The Village-Беларусь, уладальнік агенцтва Vondel / Hepta і прасторы Галерэя Ў. Яго затрымалі 28 жніўня 2020 года. За кратамі Аляксандр знаходзіцца ўжо амаль паўтара года. Пакуль Аляксандр утрымліваўся пад вартай, другога снежня ў іх з жонкай нарадзілася дачка Уршуля.

💌Падтрымайце Аляксандра: СІЗА-1, 220030, г. Мінск, вул. Валадарскага, 2
Аляксандру Анатольевічу Васілевічу

‼️На «хіміі» ў Мазыры масава хварэюць зняволеныя, але адміністрацыя перашкаджае іх шпіталізацыі

Як стала вядома праваабаронцам «Вясны», у папраўчай установе адкрытага тыпу (ПУАТ) №21 у Мазыры цяпер хварэюць адразу каля 20 асуджаных. Іх змясцілі ў асобны ізаляваны паверх. Некаторых зняволеных з высокай тэмпературай адмаўляюцца шпіталізаваць, а супрацоўнікі ПУАТ перашкаджаюць прыёму ў паліклініку. Акрамя гэтага, вядома, што начальнік ПУАТ Дзмітрый Дзіваноўскі асабіста тэлефанаваў у паліклініку, каб «хімікам» не падаўжалі бальнічныя.

Таксама зняволеныя ПУАТ №21 распавядаюць пра жудасныя ўмовы ўтрымання, якія і сталі прычынай хваробы многіх зняволеных:

«Умовы ўтрымання ў ПУАТ — гэта павольнае забойства людзей. Будынак стары і вонкавыя працы не зробленыя. Усё прадзьмухваецца і цячэ, ад гэтага волкасць. На «адрамантаваным» пятым паверсе па раніцах па сценах цячэ вада і бачныя велізарныя мокрыя плямы ўздоўж столі. Тэмпература ў пакоях даходзіла да сямі градусаў. Эканоміць на атапленні адміністрацыя. Адразу пасля пераезду на новы паверх у людзей пачаўся ранішні кашаль з макроццем, які праходзіць да абеду. Пасля выходных кашаль цяжэй і даўжэй праходзіць».

Па інфармацыі «Вясны», у мазырскім ПУАТ №21 адбываюць пакаранне 14 палітвязняў.

🎉Палітзняволеная Гаянэ Ахціян 13 студзеня адзначыць 57-годдзе. Павіншуйце яе з днём Народзінаў!

🔻Гаянэ Ахціян — жыхарка Полацка, маці актывіста анархічнага руху Рамана Халілава. 26 лістапада сілавікі выламалі дзверы кватэры Гаянэ і правялі ператрус. Саму жанчыну затрымалі і даставілі ў Полацкі ГАУС, дзе склалі пратакол па арт. 24.3 КаАП (непадпарадкаванне супрацоўнікам міліцыі). Затым жанчыну асудзілі на 10 сутак арышту. Пазней стала вядома, што Гаянэ стала падазраванай па крымінальнай справе па ч.1 арт. 342 КК. На адным з праўладных тг-каналаў было распаўсюджана відэа пра затрыманне жанчыны з тытрам "Родители в ответе за своих детей".

📍13 студзеня Гаянэ будзе святкаваць 57-годдзе ў СІЗА-1 на Валадарскага.

💌Павіншаваць палітзняволеную са святам: СІЗА-1, 220030, г. Мінск, вул. Валадарскага, 2, Гаянэ Аляксандраўне Ахціян

‼️Палітвязню Юрыю Вяршуку па памілаванню змянілі пакаранне з «хіміі» на «хатнюю хімію»

Праваабаронцам «Вясны» стала вядома, што акрамя палітвязняў Уладзіміра Шурубейкі і Яраслава Збароўскага, 5 студзеня з «хіміі» на «хатнюю хімію» таксама перавялі палітзняволенага Юрыя Вяршука. Пакаранне на больш мяккае ім змянілі ў выніку памілавання.

📌Нагадаем, гамяльчука Юрыя Вяршука асудзілі за каментар на два гады «хіміі» за зневажальны каментар пад відэа, на якім старшыня Гомельскага аблвыканкама Салавей адказвае на пытанні грамадзян. Сваё пакаранне ён адбываў ў ПУАТ №36.

📲Калі вам вядомыя прозвішчы асуджаных, якіх таксама памілавалі, то паведамляйце нам 👉@spring96info

​​‼️Падтрымайце палітвязня Андрэя Новікава і яго сям’ю

Сям’я палітзняволенага валанцёра ініцыятыўнай групы Святланы Ціханоўскай Андрэя Новікава, якога асудзілі да 2,5 гадоў калоніі, жыве ў вёсцы Прусы на Пастаўшчыне. У сям’і Андрэя маленькая дачка з інваліднасцю і ёй перыядычна трэба праходзіць працэдуры. Цяпер і падчас навагодніх святаў яна ляжыць у бальніцы. Праз тое, што бальніца знаходзіцца ў іншай вобласці, жонка Андрэя Вольга плаціць за лячэнне дачкі.

Андрэй у лістах дзякуе за падтрымку сваёй сям’і:

«Мне очень приятно и успокоительно, что мои девчонки не забыты и не обделены вниманием в такой глубинке. Это многое значит».

📌Палітвязня Андрэя Новікава, які падчас прадвыбарчай кампаніі 2020 года быў валанцёрам ініцыятыўнай групы Святланы Ціханоўскай, утрымлівалі 7 месяцаў у межах «справы Ціханоўскага». 26 лістапада 2020 году Новікава дэпартавалі ў Расею, забараніўшы наведваць Беларусь цягам 10 гадоў. Але мужчына ўсё ж такі прыехаў у Беларусь, каб наведаць жонку з дзецьмі. 

5 жніўня палітвязня асудзілі за  да двух з паловай гадоў пазбаўлення волі ў калоніі агульнага рэжыму за ўдзел у групавых дзеяннях, якія груба парушаюць грамадскі парадак, і незаконнае перасячэнне мяжы.

💳Дапамагчы сям’і палітвязня:
карта 5127 2292 3672 1447, 09/23

💌Падтрымаць Андрэя: ПК №2. 213800, г. Бабруйск, вул. Сікорскага, 1, Новікаву Андрэю Анатольевічу

‼️Палітвязня Ягора Пракапчука, асуджанага да 4 гадоў калоніі, змясцілі на тыдзень у ШІЗА

🔻20-гадовы Ягор Пракапчук адбывае пакаранне ў папраўчай калоніі №22. Праваабаронцам стала вядома, што 6 студзеня адміністрацыя калоніі змясціла палітвязня ў штрафны ізалятар на тыдзень. Але прычыны сваякам не паведамілі. Маці Ягора кажа, што ён нядаўна хварэў і нават быў на бальнічным. Палітвязень толькі нядаўна выйшаў з ШІЗА пасля папярэдняга арышту — гэта ўжо трэці раз, калі яго караюць «суткамі» ў ізалятары.

📌Нагадаем, Ягора разам з бацькам Віталем Пракапчуком затрымалі яшчэ ў жніўні 2020 года па справе аб масавых беспарадках у Брэсце (ч. 2 арт. 293 КК). 10 сакавіка 2021 суд прысудзіў бацьку і сыну па 4 гады калоніі. Іх накіравалі ў розныя калоніі: Ягор — у Івацэвічах, Віталь — у «Віцьбе».

💌Падтрымаць Ягора: ПК №22, 225295, Брэсцкая вобласць, г. Івацэвічы, ст. Даманава, а/с 20, Ягор Вітальевіч Пракапчук 
💌Падтрымаць Віталя: ПК №3, 211322, Віцебская вобласць, г.п. Віцьба, Віталь Андрэевіч Пракапчук

💡Практычны дапаможнік па перадачах для вязняў ад “Вясны”

Амаль штодзённа па ўсёй Беларусі працягваюцца затрыманні беларусаў па крымінальных справах. За кратамі знаходзяцца тысячы чалавек, якія маюць патрэбу ў дапамозе і падтрымцы.

Таму нагадваем вам пра практычны дапаможнік па перадачах у СІЗА і калоніі, які спросціць збор пасылак і перадач. Што класці ў перадачы, як іх перадаваць, якія лайфхакі ёсць – у актуальным дапаможніку ад "Вясны".

⁉️Адказваем на пытанні:

🔹Якія перадачы бываюць?

🔹Чым адрозніваюцца пасылка і перадача?

🔹Як перадаць чалавеку перадачу і пасылку ў месца зняволення?

🔹Як і якую тэхніку можна перадаваць ў СІЗА?

🔹Колькі перадач можна перадаць для асуджаных у калонію?

🔹Што можна і нельга перадаваць у перадачах?

🔹Што рабіць, калі чалавек знаходзіцца ў карцары, ШІЗА або ПКТ?

🚃Сям’ю Рэзановічаў, затрыманых па «справе Аўтуховіча», перавялі ў гродненскую турму

Затрыманых 1 снежня 2020 года праваслаўнага святара Сяргея Рэзановіча, ягоную жонку Любоў і сына Паўла перавялі з брэсцкага СІЗА-7 у гродненскую турму №1. Там жа ўжо знаходзіцца былы палітвязень Мікалай Аўтуховіч і іншыя фігуранты справы так званай «справы Аўтуховіча». Іх родныя кажуць, што суд будзе праходзіць у Гродне, што тлумачыць пераводы абвінавачаных у турму №1. Следства па «справе Аўтуховіча» скончана і хутка будзе перадана ў суд. Па справе праходзіць 13 чалавек. Рэзановічаў, як і іншых, абвінавачваюць па арт. 289 Крымінальнага кодэкса – акт тэрарызму.

📍Вядома, што Аўтуховіч праводзіў у Брэсце ў гасцях у сям’і Разановіч. Па версіі следства, сям’я нібыта дапамагала Аўтуховічу хавацца ад сілавікоў. Любоў Разановіч раней валодала службай таксі, як і Аўтуховіч. Муж спадарыні Любові Сяргей Рэзановіч — праваслаўны святар з вёскі Сцяпанкі Жабінкаўскага раёна. На працу ездзіў з Брэста, настаяцелем у вёсцы быў ад 2004 года. Іх сын Павел Разановіч працаваў у аддзеле прымусовага выканання Ленінскага раёна Брэста.

💌Падтрымаць палітзняволеную сям’ю Рэзановічаў:
турма №1, 230023, г. Гродна, вул. Кірава, 1, Павел Сяргеевіч Рэзановіч, Сяргей Анатольевіч Разановіч, Любоў Аляксандраўна Рэзановіч

‼️На волю выйшаў палітвязень Васіль Пілец. Ён цалкам адбыў пакаранне

Сёння, 11 студзеня, на волю выйшаў палітзняволены гарадзенец Васіль Пілец. Яго абвінавацілі па арт. 339 Крымінальнага кодэксу (хуліганства) за тое, што ён 14 снежня 2020 года штурхануў агрэсіўных прыхільнікаў Аляксандра Лукашэнкі і актывістаў руху "Антывандал", калі тыя зафарбоўвалі выяву бел-чырвона-белага сцяга. 

Судом Кастрычніцкага раёна Гродна 12 лютага Васіль Пілец быў асуджаны да аднаго года «хатняй хіміі». Але па пратэсту пракурора яму змянілі пакаранне на 1 год «хіміі».

З траўня Васіль адбываў прысуд у ваўкавыскай ПУАТ №29.

‼️На волю выйшаў палітвязень Ілля Лабацэвіч. Ён цалкам адбыў пакаранне

Праваабаронцам стала вядома, што са шклоўскай калоніі 11 студзеня на волю выйшаў палітвязень Ілля Лабацэвіч. Ён цалкам адбыў увесь тэрмін пакарання ў калоніі.

📌Іллю асудзілі на паўтара года калоніі па артыкуле аб гвалтоўных дзеяннях у адносінах да супрацоўніка міліцыі (арт 364 КК РБ). 14 верасня, у адзін з нядзельных маршаў у Наваполацку, Ілля гуляў з маці, калі побач з імі амапаўцы пачалі збіваць чалавека. Яны вырашылі заступіцца за хлопца. У выніку іх таксама пачалі збіваць. Ілля стаў бараніць ад удараў маці, за што атрымаў сур'ёзны ўдар па галаве дубінкай.

🔻Ілля Лабацэвіч — стрыечны брат палітзняволенага анархіста Аляксандра Францкевіча.

📸Фотафакт: Ілля Лабацэвіч з маці пасля вызвалення са шклоўскай калоніі №17.

❗️Палітвязень Яўген Цітоў адбыў пакаранне на «хіміі» і выйшаў на волю

Сёння, 12 студзеня, у палітзняволенага жыхара Жлобіна Яўгена Цітова скончыўся тэрмін адбыцця пакарання. Яго асудзілі па арт. 370 КК (Апаганьванне дзяржаўнай сімволікі) за сарваны дзяржаўны сцяг да аднаго года «хіміі». Пакаранне Цітоў адбываў у папраўчай установе №49 у Шклове.

🎉Палітзняволеная Анастасія Міронцава 15 студзеня адзначыць 26-годдзе. Павіншуйце яе са святам!

Анастасію і яе сястру Вікторыю затрымалі яшчэ ў кастрычніку 2020 года ў межах крымінальнай справы па ч. 1 арт. 342 КК (Актыўны ўдзел у групавых дзеяннях, якія груба парушаюць грамадскі парадак). Справа звязана з падзеямі 10 жніўня ў Мінску — дзяўчыны трапілі на відэа з пратэстаў, што стала падставай для затрымання. Пазней іх абвінавацілі яшчэ ў гвалце ў дачыненні да супрацоўнікаў МУС, а Вікторыю таксама абвінавацілі ў супраціве супрацоўніку органаў унутраных справаў. 1 красавіка Анастасію асудзілі да 2 гадоў калоніі, а Вікторыю — да 2,5 гадоў.

15 студзеня Анастасія Міронцава будзе святкаваць дзень Народзінаў. У Instagram прыхільнікі творчасці Анастасіі стварылі старонку, дзе посцяць малюнкі, якія яна і Вікторыя дасылаюць з-за кратаў. Як можна павіншаваць і падтрымаць Анастасію, чытайце ў «Вялікім джайджэсце».

💌Павіншаваць Анастасію: ПК №4, 246035, г. Гомель, вул. Антошкіна, 3, Міронцавай Анастасіі Віктараўне

‼️На палітвязня Эміля Гусэйнава ціснуць у калоніі. Да 4 лютага яго будуць утрымліваць у ПКТ

У сваіх лістах на волю Эміль Гусэйнаў піша пра ціск з боку адміністрацыі папраўчай калоніі №15. Ён распавёў, што ў лістападзе яго ўтрымлівалі ў ШІЗА 30 сутак. Потым яго змясцілі ў ПКТ (памяшканне камернага тыпу). А ў снежні яго зноў пакаралі 10 суткамі ў штрафным ізалятары. Пры гэтым, тэрмін ШІЗА не залічваецца ў тэрмін ПКТ.

У памяшканні камернага тыпу Эміль будзе знаходзіцца да 4 лютага 2022. У гэты перыяд яму забаронена атрымоўваць пасылкі і перадачы, мець званкі і спатканні з роднымі.

📌Эміля абвінавацілі адразу па трох артыкулах Крымінальнага кодэкса: ч. 2 арт. 293, ч.1 арт. 342, ч.1 арт. 363. Крымінальную справу супраць палітвязня ўзбудзілі за падзеі 23 верасня 2020, калі ў Мінску прайшла інаўгурацыя Лукашэнкі. Эмілю прысудзілі 5 гадоў калоніі ўзмоцненага рэжыму.

💌Лісты ў ПКТ не забаронены, таму падтрымайце палітвязня добрымі словамі: ПК №15, 213105, г. Магілёў, п / а Вейна, Слаўгарадская шаша 183

​​📍Палітзняволеную Таццяну Канеўскую перавялі з калоніі ў турму, але якую — невядома

«Радыё рацыя» паведамляе, што палітзняволеную актывістку Таццяну Канеўскую перавялі з жаночай калоніі ў турму. Меркавана, ёй хочуць змяніць рэжым на турэмны за «сістэматычныя парушэнні правілаў унутранняга распарадку». Але адміністрацыя калоніі адмовілася паведаміць адвакату, куды этапавалі Таццяну, таму яе месцазнаходжанне пакуль невядома.

🔻У сваім нядаўнім лісце Канеўская напісала, што з лістапада яе двойчы закідвалі ў ШІЗА агулам на 30 сутак. Акрамя гэтага, за «парушэнні» яе змясцілі ў ПКТ (памяшканне камернага тыпу) на тры месяцы да 20 сакавіка.

📌Таццяна Канеўская — актывістка, давераная асоба кандыдаткі ў прэзідэнты Святланы Ціханоўскай у Гомелі. Змагалася за свабоду свайго сына, якога асудзілі па наркатычным артыкуле. Яна некалькі гадоў змагалася за змены ў антынаркатычные заканадаўства ў якасці прадстаўніцы ініцыятывы “Матчын рух 328”. Таццяна з'яўлялася ініцыятаркай галадоўкі маці асуджаных за наркотыкі. У парламенцкіх выбарах-2019 яна брала ўдзел у якасці кандыдаткі ў дэпутаты. У траўні 2021 Таццяну асудзілі да 6 гадоў калоніі па двух артыкулах Крымінальнага кодэкса: ч. 2 арт. 293 (удзел у масавых беспарадках) і арт. 292 (захоп будынкаў).

❗️Справу палітзняволенай Вольгі Класкоўскай перадалі ў пракуратуру. Хутка можа пачацца суд

Днямі маці палітзняволенай Вольгі Класкоўскай атрымала ліст, у якім дачка распавяла пра свой «Калядны тур» у Навінкі, як яна гэта перажыла і пра тое, што ўжо азнаёмілася з матэрыяламі новай крымінальнай справы.

🔹У сярэдзіне снежня палітзняволеную накіравалі ў Навінкі для псіхіятрычнай экспертызы, дзе яна была тыдзень. Але этап з СІЗА-7 у Брэсце туды і назад быў доўгі — за месяц яна двойчы паспела пабыць у баранавіцкім СІЗА-6 і на «Валадарцы». Гэты шлях сама Вольга, жартуючы, назвала «Калядным турам». Падчас этапу жанчына прастудзілася, але аптымізму не згубіла, бо «пазнаёмілася з новымі людзьмі, даведалася шмат навінаў і нават сустрэлася з ужо знаёмымі палітвязнямі».

🔻Класкоўская таксама паведаміла, што ўжо азнаёмілася з матэрыяламі справы па арт. 369 КК (Абраза прадстаўніка ўлады). Днямі справу перадалі ў пракуратуру для накіравання ў суд, таму хутка ўжо можа адбыцца судовы працэс.

🎉30 студзеня Вольга Класкоўская адзначыць за кратамі сваё 40-годдзе.

💌Падтрымайце Вольгу: СІЗА-7. 224030, г. Брэст, вул. Савецкіх памежнікаў, 37, Вольга Аляксандраўна Класкоўская

📍Палітзняволеную Таццяну Канеўскую перавялі з жаночай калоніі ў магілёскую турму, піша «Гомельская вясна».

💌Падтрымайце Таццяну па новым адрасе: Турма №4, 212011, г. Магілёў, вул. Крупскай, 99А, Таццяне Васільеўне Канеўскай

📲З’явілася магчымасць рабіць грашовы перавод у СІЗА-1 праз інтэрнэт-банкінг

У Беларусі колькасць палітычных зняволеных павялічваецца амаль штодзённа. На жаль, у сваякоў не заўсёды атрымліваецца карыстацца ўсімі магчымымі спосабамі падтрымкі вязняў: ім блакуюць ліставанне, пазбаўляюць перадач, не дазваляюць замаўляць кнігі і абмяжоўваюць у падпісках на незалежныя газеты і часопісы. Адзінае, что застаецца — грашовыя пераводы. Бо на атрыманыя грошы ён зможа замовіць у турэмнай краме прадукты харчавання, прадметы першай неабходнасці, прысмакі, канверты, паперу і іншыя неабходныя яму рэчы.

💡Раней у СІЗА-1 пераводы дасылаць можна было толькі з пошты. Але цяпер дапамагаць вязням стала прасцей. Рэквізіты для пераводаў на «Валадарку»:

IBAN: BY52BAPB36429197000200000000
BIC: BAPBBY2X
УНП: 100744291

Дадаткова трэба будзе пазначыць адрас утрымання зняволенага(-ай) (СІЗА-1, 220030, г. Мінск, вул. Валадарскага, 2), яго/яе імя і прозвішча, вашыя імя і прозвішча, суму, якую жадаеце перавесці. Грошы вязням даходзяць на працягу некалькіх сутак. 

Як рабіць грашовы перавод, як атаварваюцца вязні і што адбываецца з грашыма пасля вызвалення чалавека?

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

💔«Ёсць простыя рэчы, якія можна зрабіць прама цяпер». Палітвязень Сцяпан Латыпаў даслаў з калоніі паветранага змея для маленькага хлопчыка

Беларуска ў фэсбуку падзялілася кранальным лістом ад палітзняволенага Сцяпана Латыпава, асуджанага да 8,5 гадоў калоніі, якое атрымала яшчэ перад яго судом:

«Ёсць простыя рэчы, якія можна зрабіць прама цяпер. Напрыклад, змайстраваць паветранага змея аднаму маленькаму хлопчыку. Самае складанае было сплесці вяровачкі на аброць і хвост. А самае вясёлае — бегаць па камеры ў спробе падабраць вагу хваста. Запускай на здароўе».

✨Разам з лістом ён даслаў і паветранага змея, якога Сцяпан самастойна змайстраваў у СІЗА-1.

💌Дасылайце Сцяпану лісты салідарнасці: ПК №22, 225295, Брэсцкая вобласць, г. Івацэвічы, ст. Даманава, а/с 20, Латыпаву Сцяпану Сяргеевічу