❗️Палітзняволеную маці двух непаўналетніх дзяцей будуць судзіць паводле пяці крымінальных артыкулаў

Жанну Волкаву затрымалі ў гомельскай школе № 63, куды яна прыйшла для сустрэчы з настаўніцай яе дзіцяці 11 траўня. Цяпер Жанна Волкава знаходзіцца ў гомельскім СІЗА.

Цяпер яе абвінавачваюць адразу паводле пяці артыкулаў Крымінальнага кодэкса: ч. 1 арт. 367 (паклёп на Лукашэнку); ч. 1 і ч. 2 арт. 361-4 (садзейнічанне экстрэмісцкай дзейнасці); ч. 1 арт. 130 (распальванне іншай сацыяльнай варожасці); ч. 1 арт. 368 КК (Абраза Лукашэнкі); ч. 1 арт. 342 (актыўны ўдзел у дзеяннях, якія груба парушаюць грамадскі парадак).

Суд над жанчынай распачнецца 9 кастрычніка ў Гомельскім абласным судзе. Справу будзе разглядаць суддзя Алег Харошка. Працэс будзе праходзіць у закрытым рэжыме.

💌Падтрымайце Жанну грашовымі пераводамі, пасылкамі і лістамі: СІЗА-3. 246003, г. Гомель, вул. Кніжная, 1А, Жанна Пятроўна Волкава
💻Напісаць анлайн

✊Падтрымайце палітзняволеных Іну і Валерыю Глінскіх, асуджаных за перадачу дадзеных у «ЧКБ»

У Мінскім гарадскім судзе 20 студзеня агучылі прысуд палітзняволеным супрацоўніцам МТБанку — 7 і 6,5 гады калоніі ва ўмовах агульнага рэжыму адпаведна.

Маці і дочку асудзілі за перадачу ў 2020 годзе дадзеных сілавікоў у тэлеграм-канал «Чорная кніга Беларусі» па трох артыкулах: ч. 3 арт 130 (распальванне іншай сацыяльнай варожасці), ч. 3 арт. 203-1 (незаконныя дзеянні ў дачыненні да інфармацыі аб прыватным жыцці і персанальных дадзеных), арт. 352 (неправамернае завалоданне камп'ютарнай інфармацыяй).

28 красавіка Вярхоўны суд пакінуў ім прысуд без зменаў, а апеляцыйныя скаргі без задавальнення. Цяпер яны адбываюць тэрміны ў гомельскай калоніі.

💌Падтрымайце палітзняволеных: ПК № 4, 246035, Гомель, Антошкіна, 3 (Валерыя Андрэеўна Глінская, Іна Валер'еўна Глінская)
💻Напісаць анлайн

💔Экс-кіраўнік «Аховы птушак Бацькаўшчыны» Віктар Фенчук — на волі

Віктар — прафесійны арнітолаг, каардынатар праграм Франкфурцкай заалагічнай супольнасці і арганізацыі «Ахова птушак бацькаўшчыны». Узначальваў апошнюю з 2007 па 2014 год, затым быў яе супрацоўнікам. Яго называюць «адвакатам дзікай прыроды».

Палітзняволенага асудзілі да 2,5 гадоў калоніі па ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Згодна з матэрыяламі справы, «ён блакаваў рух транспарта на праезнай частцы і выкрыкваў розныя лозунгі. Падчас расследавання выяўлена яшчэ пяць аналагічных эпізодаў, здзейсненых ім».

Фенчук адбываў тэрмін у магілёўскай калоніі № 15.

Па інфармацыі @euroradio, Віктар цалкам адбыў тэрмін і выйшаў на волю.

✊Як можна падтрымаць палітвязняў?

Амаль штодзённа па ўсёй Беларусі працягваюцца затрыманні беларусаў па крымінальных справах. За кратамі знаходзяцца тысячы чалавек, якія маюць патрэбу ў дапамозе і падтрымцы.

Мы заклікаем вас працягваць падтрымліваць кожнага і кожную, хто сутыкнуўся з палітычным пераследам. Дасылайце словы падтрымкі праз лісты і тэлеграмы, рабіце грашовыя пераводы, дасылайце пасылкі з прыемнымі дробязямі. Памятайце, што сіла беларусаў — у салідарнасці!

🌿Карысныя спасылкі па падтрымцы:

Практычны дапаможнік па перадачах для вязняў ад “Вясны”

"Наша сіла — у салідарнасці!" Вялікі дайджэст па дапамозе палітвязням

"Хачу напісаць вязню!" Распавядаем, як гэта зрабіць

Як рабіць грашовы перавод?

"Гэта надзвычай цудоўная падтрымка". Распавядаем пра пасылкі салідарнасці палітвязням

👨‍👩‍👧‍👧Падтрымаць фінансава сем'і палітзняволеных

📨Адрасы і спіс усіх палітвязняў, якім можна даслаць паштоўку або ліст

💳Падтрымаць «Вясну» на Patreon

✊Падтрымайце палітзняволенага інжынера, асуджанага да 5 гадоў калоніі

Андрэй Крылоў — інжынер тэхнічнага нагляду з Ваўкавыска. Яго затрымалі 16 красавіка 2021 года. Мужчыну абвінавацілі ў закліку да ўдзелу ў масавых беспарадкаў шляхам размяшчэння паведамлення ў тэлеграм-чаце "Банда Лукі". На судзе Крылоў віну не прызнаў і ў апошнім слове заявіў, што не мае датычнасць да дзеянняў, якія яму ставяцца ў віну.

У верасні 2021 года Андрэю прызначылі 5 гадрў калоніі ва ўмовах узмоцненага рэжыму. Свой тэрмін палітвязень адбывае ў івацэвіцкай калоніі № 22.

💌Падтрымайце Андрэя лістамі і паштоўкамі: ПК № 22. 225295, Брэсцкая вобласць, г. Івацэвічы, ст. Даманава, а/с 20, Андрэй Максімавіч Крылоў
💻Напісаць анлайн

Падтрымайце палітвязня Анатоля Пугача, які хварэе на анкалогію

Хлопца затрымалі 13 снежня, на наступны дзень пасля вяртання з Польшчы. У Беларусь ён прыехаў на абследванне, бо за мяжой у яго вынайшлі анкалагічнае захворванне. Яго абвінавацілі ў абразе Лукашэнкі паводле ч. 1 арт. 368 КК. Справу разглядала суддзя Аксана Літвінчык.

Па матэрыялах абвінавачання, хлопец «пасля прагляду відэазапісаў, якія змяшчалі абразу прэзідэнта, размясціў на сваёй старонцы ў сацыяльнай сетцы ўказаныя відэазапісы, тым самым прынізіў гонар і годнасць Аляксандра Лукашэнкі». Суд прызначыў Пугачу 1 год калоніі ва ўмовах агульнага рэжыму.

💌Падтрымайце палітвязня лістамі, паштоўкамі і тэлеграмамі: ПК № 1. 211440, г. Наваполацк, вул. Тэхнічная, 8, Анатолю Барысавічу Пугачу
💻Напісаць анлайн

😔Палітзняволенага анархіста Дзмітрыя Рэзановіча змясцілі ў ПКТ

Па інфармацыі тг-канала «Права на паўстанне», палітвязня перавялі ў памяшканне камернага тыпу да сакавіка. Раней паведамлялася, што Дзмітрыя неаднаразова змяшчалі ў ШІЗА, а таксама пазбавілі спатканняў і перадач і пагражалі перавесці на турэмны рэжым.

Нагадаем, Дзмітрый быў затрыманы напрыканцы кастрычніка 2020 года. 22 снежня Мінскі абласны суд прызначыў Аліневічу і Раманаву — па 20 гадоў калоніі; Рэзановічу — 19 гадоў калоніі; Дубоўскаму — 18 гадоў калоніі. Суд з першага пасяджэння адбываўся ў закрытым рэжыме.

💌Падтрымаць палітвязня: ПК № 22. 225295, Брэсцкая вобласць, г. Івацэвічы, ст. Даманава, а/с 20, Дзмітрый Рыгоравіч Рэзановіч
💻Напісаць анлайн

📍Палітзняволеную Ларысу Шчыракову перавялі ў гомельскую калонію

Як стала вядома "Гомельскай Вясне", журналістка і краязнаўца ўжо пачала адбываць тэрмін у жаночай калоніі № 4.

Нагадаем, 31 жніўня Ларысе прызначылі 3,5 года пазбаўлення волі ў калоніі ва ўмовах агульнага рэжыму. Яе абвінавацілі паводле арт. 369-1 КК (дыскрэдытацыя Рэспублікі Беларусь), ч. 1 і ч. 2 арт. 361-4 КК (садзейнічанне экстрэмісцкай дзейнасці і тое ж дзеянне, якое ажыццяўляецца паўторна). Палітзняволеная не падавала апеляцыйную скаргу ў Вярхоўны суд на прысуд.

💌Падтрымаць журналістку: ПК № 4, 246035, Гомель, Антошкіна, 3, Ларыса Фёдараўна Шчыракова
💻Напісаць анлайн

⚖️Сёння ў Рэчыцы пачынаюць у трэці раз судзіць палітзняволеную Паліну Шарэнду-Панасюк

Маці двух непаўнагадовых сыноў спачатку асудзілі да 2 гадоў калоніі. У мінулым годзе Паліну асудзілі па ч. 2 арт. 411 КК да яшчэ аднаго года калоніі. Падставай для ўзбуджэння справы сталі шматлікія "парушэнні" ў гомельскай калоніі: "спала, седзячы на падлозе, паклаўшы галаву на тумбу для сядзення"; "выконвала фізічныя практыкаванні лежачы на падлозе ў забаронены час, зняўшы адзенне"; "расшпіліла пінжак".

Нядаўна супраць яе ўзбудзілі ўжо новую справу за "злоснае непадпарадкаванне адміністрацыі калоніі" (ч. 2 арт. 411 КК). У мінулым кастрычніку яе змясцілі на паўгода ў ПКТ і працягваюць рэгулярна змяшчаюць у ШІЗА.

Суд над Палінай распачынаецца сёння, 2 кастрычніка, у судзе Рэчыцкага раёна. Справу разглядае суддзя Станіслаў Іванюценка.

💌Падтрымайце палітзняволеную: ІЧУ АУС Рэчыцкага райвыканкама. 247483, Гомельская вобл., г. Рэчыца, вул. Савецкая, 35
💻 Напісаць анлайн

💔Амаль 8 месяцаў ад палітзняволенага Мікалая Статкевіча няма вестак

Пра гэта днямі ў фэйсбуку напісала жонка палітыка Марына Адамовіч. Акрамя гэтага, да Мікалая зноў не пусцілі адваката:

"А з навінаў у нас — поўная адсутнасць навінаў. 232 дні.

Чарговы раз была ў калоніі. Чарговы раз не пусцілі адваката. Чарговы раз "няма заявы".

І гэта, канешне, нічога не значыць, што я, як "прадстаўнік па даверанасці", пакінула там (у межах прадстаўленых паўнамоцтваў) ад імя Мікалая заяву на спатканне з адвакатам, а яшчэ даслала тэлеграму, аб атрыманні якой "упаўнаважанай асобай" маю паведамленне.
Ну не хоча Мікола Статкевіч ні мне пісаць, ні з адвакатам сустракацца".

Нагадаем, Статкевіч знаходзіцца за кратамі больш за 3 гады і 4 месяцы. Яму прысудзілі 14 гадоў зняволення ў калоніі асаблівага рэжыму. Увесь час яго рэгулярна змяшчаюць у ШІЗА.

💌Падтрымайце палітвязня: ПК № 13, 211791, Глыбокае, Савецкая, 205, Мікалаю Віктаравічу Статкевічу
💻Напісаць анлайн

📍Палітвязня Ягора Лянкевіча перавялі на турэмны рэжым у Магілёў

Ягора затрымалі 9 снежня 2021 года ў межах крымінальнай справы паводле арт. 342 КК (Актыўны ўдзел у групавых дзеяннях, што груба парушаюць грамадскі парадак) і ч. 2 арт. 293 КК (удзеле ў масавых беспарадках).

У судзе Маскоўскага раёна Мінска 12 сакавіка 2022 года Ягора асудзілі да 5 гадоў і 6 месяцаў пазбаўлення волі ў калоніі ўзмоцненага рэжыму. У чэрвені 2022 года КДБ уключыў палітвязня ў спіс "асобаў, датычных да тэрарыстычнай дзейнасці".

Ён адбываў тэрмін у наваполацкай калоніі № 1. Стала вядома, што ў Наваполацку 5 верасня адбыўся суд па замене палітвязню рэжыму ўтрымання. Па рашэнні суддзі Ірыны Жаровай яго перавялі на турэмны рэжым.

💌Падтрымаць Ягора па новым адрасе: Турма № 4. 212011, г. Магілёў, вул. Крупскай, 99А, Ягор Паўлавіч Лянкевіч
💻Напісаць анлайн

😔Палітзняволенай Насце Лойцы пакінулі прысуд без зменаў

У Мінскім гарадскім судзе 20 чэрвеня палітзняволенай прызначылі 7 гадоў калоніі за падрыхтоўку даклада "Пераслед анархістаў, антыфашыстаў, левых і сацыяльных актывістаў у Беларусі" (2017-жнівень 2018 года). У ім нібыта даецца крытычная ацэнка дзейнасці супрацоўнікаў міліцыі.

Суд праходзіў у закрытым рэжыме, таму падрабязнасці і пазіцыя самой Насты невядомыя.

Вярхоўны суд 3 кастрычніка разглядзеў апеляцыйную скаргу праваабаронцы. Судовая калегія пад старшынствам суддзі Пятра Лістраценкі пакінула прысуд без зменаў, а скаргу — без задавальнення. Хутка яе перавядуць у калонію

💌Падтрымаць Насту лістамі і тэлеграмамі: СІЗА-1, 220030, Мінск, Валадарскага, 2, Анастасія Юр'еўна Лойка
💻Напісаць анлайн

❗️Палітзняволеную Вікторыю Кульшу зноў змяшчалі ў ШІЗА

Вікторыю двойчы за год асудзілі паводле ч. 1 арт. 411 КК (злоснае непадпарадкаванне законным патрабаванням адміністрацыі калоніі). Апошні раз суд прызначыў жанчыне яшчэ адзін год зняволення ў дадатак да трох з паловай гадоў калоніі.

За першыя паўгода ў зарэчанскай калоніі Вікторыя адбыла мінімум 92 дні ў ШІЗА і паўгады ў ПКТ. Па інфармацыі праваабаронцаў, адзін з наглядчыкаў душыў Вікторыю логцем, стоячы ззаду, а таксама цягаў яе па камеры. Акрамя гэтага, жанчына некалькі разоў у калоніі трымала галадоўкі на знак пратэсту супраць жудасных умоваў. Праз гэта ў яе двойчы здараўся сардэчны прыступ.

22 чэрвеня жанчыну зноў этапавалі ў жаночую калонію № 24.

Цяпер стала вядома, што нядаўна яе ў чарговы раз змяшчалі ў ШІЗА на 30 сутак. Прычыны спагнання невядомыя.

💌Адрас для падтрымкі: ПК № 24. 247526, вул. Вытворчая, 44, г. п. Зарэчча, Рэчыцкі раён, Гомельская вобласць, Вікторыя Аляксандраўна Кульша
💻Напісаць анлайн

🎉Павіншуйце палітвязня Дзяніса Дземідовіча з Днём народзінаў

Дзяніса затрымалі 12 верасня 2022 года. Яго абвінавацілі паводле ч. 2 арт. 368 КК (абраза Лукашэнкі) і ч. 2 арт. 367 КК (паклёп на Лукашэнку). 11 лістапада 2022 году суд Ленінскага раёну Гродна прызнаў яго вінаватым і асудзіў да трох гадоў пазбаўлення волі ў калоніі ва ўмовах агульнага рэжыму.

6 кастрычніка Дзяніс адзначыць 47-годдзе ў калоніі.

💌Дашліце палітвязню віншаванні праз лісты і паштоўкі па адрасе: ПК № 17. 213004, г. Шклоў, вул. 1-я Заводская, 8, Дзянісу Васільевічу Дзямідовічу
💻Напісаць анлайн