📝Палітвязень Уладзімір Гундар ў калоніі піша біблейскія складнікі

Ад палітвязня на волю пачалі даходзіць лісты. Таксама ў сваякоў атрымалася даслаць яму заказным лістом Біблію. Вядома, што ў зняволенні Уладзімір піша свае складнікі:

Жыву ў турэмнай няволі, а душа на волю просіцца.
І малюся аб міры ў сэрцы і спакоі.
Прашу аб іх у Госпада Ісуса.
Мір — Божае святое слова,
але прыйшла ў свет вялікая бяда.
Чалавек забыў каштоўнасць слову «мір».
І амаль не засталося міру ў сэрцы чалавека.
«Мір» у свеце папулярнае слова.
Яго папулісты свету дэвальвавалі на сваю карысць.
Слова «мір» яны эксплуатуюць бессаромна.
«За мір», з гэтымі словамі яны войны развязваюць.
У свеце без міру людзі міру пакутуюць.
І ў малітвах да Ісуса яны просяць, каб ім мір у сэрцы даў.
Бог чуе іх малітвы ды просьбы.
І дае мір у сэрцы людзям тым,
чые не зачарствелі сэрцы
і любяць Ісуса ўсім сэрцам сваім.
Я таксама думаю і разважаю аб міры
у сваім неспакойным сэрцы.
Можа, мая любоў да Ісуса —
мір майго сэрца неспакойнага.
Хочацца ведаць адказ.
Але хто мне яго скажа? Вядома ж сэрца.
Малюся, каб Бог мяне вызваліў ад клопатаў, праблемаў і пакутаў.
Прашу міра ўладарства ў сэрцы праз Госпада Ісуса.

Акрамя гэтага, ён піша, што ў адміністрацыі з'явілася чарговая нагода, каб адправіць палітвязня ў ШІЗА — ён схаваў пад падушку мачалку, каб прышыць матузок, але не паспеў і яе забралі падчас чарговага вобшуку.

💌Падтрымайце Уладзіміра: ПК № 2. 213800, Бабруйск, Сікорскага, 1, 16 атрад, Уладзімір Тадэвушавіч Гундар
💻Напісаць анлайн

😔Палітвязня Аляксея Глотава могуць перавесці на турэмны рэжым

Палітвязня асудзілі да 20 гадоў калоніі ва ўмовах узмоцненага рэжыму і штрафа ў памеры 700 базавых велічыняў (22 400 рублёў) па справе "Атрады грамадзянскай самаабароны Беларусі", якую ў Беларусі прызналі тэрарыстычнай арганізацыяй. Аляксея прызналі вінаватым паводле чатырох артыкулаў Крымінальнага кодэкса.

Яму і яшчэ 4 палітвязням інкрымінавалі тры эпізоды – спроба падрыва вузла сувязі Вайскова-марскога флоту Расеі ў Вілейцы, замах на прапагандыста Рыгора Азаронка і спроба знішчыць лесанарыхтоўчую тэхніку ў лясгасах. 

Аляксей адбывае пакаранне ў шклоўскай калоніі № 17.

Стала вядома, што 4 жніўня ў Шклове адбудзецца суд па змене палітвязню рэжыму ўтрымання. Па рашэнні суддзі Аляксандра Тараканава яго могуць перавесці на турэмны рэжым

💌Падтрымаць палітвязня: ПК № 17. 213004, г. Шклоў, вул. 1-я Заводская, 8, Аляксей Уладзіміравіч Глотаў
💻Напісаць анлайн

🤬На палітвязня ў калоніі ціснуць праз скаргі ад яго маці

Па інфармацыі праваабаронцаў, у адной з папраўчых калоній мужчыну (імя не называецца ў мэтах бяспекі), асуджанага па палітычных матывах, змясцілі ў ШІЗА на 10 сутак і перавялі на самую складаную працу праз скаргі ад маці да адміністрацыі ўстановы.

Але такі метад ціску — спроба ўладаў схаваць парушэнні правоў чалавека ў калоніі.

Поводле юрыстак "Вясны", скаргі — гэта адзіны спосаб юрыдычна зафіксаваць парушэнне. Бо, калі парушэнне зафіксавана, прасцей будзе атрымаць кампенсацыі ў будучыні. Адсутнасць скаргі дазваляе ўладам казаць, што чалавек нібыта згодзен з прынятым рашэннем.

🔹Звярнуцца па дапамогу па юрыдычных пытаннях, а таксама скласці скаргі:
Telegram: @zvarot96 | Email: zvarot@spring96.org

🔹Распавесці пра ўмовы ўтрымання ў ізалятарах журналістам «Вясны»:
Telegram: @Viasnainfo | Email: viasna@spring96.org

Палітвязню Змітру Дашкевічу, верагодна, адмовілі ў змене меры стрымання

У судзе Барысаўскага раёна сёння, 28 ліпеня, разглядалася скарга абаронцы Дашкевіча на пастанову аб прымяненні меры стрымання ў выглядзе заключэння пад варту. Рашэнне прымала суддзя Таццяна Шыман. Хутчэй за ўсё, скаргу не задаволілі, таму Зміцер застанецца ў СІЗА.

Нагадаем, Зміцер павінен быў выйсці на волю па заканчэнні тэрміну 11 ліпеня. Але адразу па выхадзе яго затрымалі ў межах новай крымінальнай справы па арт. 411 КК (злоснае непадпарадкаванне патрабаванням адміністрацыі калоніі).

А ўчора стала вядома, што адразу па прыбыцці ў жодзінскую турму палітвязня змясцілі ў карцар. Паводле ягоных сваякоў, яго пакаралі за адмову ісці ў камеру да гвалтаўнікоў.

💌Падтрымаць Змітра: Следчая турма № 8. 222163, г. Жодзіна, вул. Савецкая, 22А, Зміцер Вячаслававіч Дашкевіч
💻Напісаць анлайн
✊Як падтрымаць палітвязня Змітра Дашкевіча, якога перазатрымалі па новай крымінальнай справе?

✊Як можна падтрымаць палітвязняў?

Амаль штодзённа па ўсёй Беларусі працягваюцца затрыманні беларусаў па крымінальных справах. За кратамі знаходзяцца тысячы чалавек, якія маюць патрэбу ў дапамозе і падтрымцы.

Мы заклікаем вас працягваць падтрымліваць кожнага і кожную, хто сутыкнуўся з палітычным пераследам. Дасылайце словы падтрымкі праз лісты і тэлеграмы, рабіце грашовыя пераводы, дасылайце пасылкі з прыемнымі дробязямі. Памятайце, што сіла беларусаў — у салідарнасці!

🌿Карысныя спасылкі па падтрымцы:

Практычны дапаможнік па перадачах для вязняў ад “Вясны”

"Наша сіла — у салідарнасці!" Вялікі дайджэст па дапамозе палітвязням

"Хачу напісаць вязню!" Распавядаем, як гэта зрабіць

Як рабіць грашовы перавод?

"Гэта надзвычай цудоўная падтрымка". Распавядаем пра пасылкі салідарнасці палітвязням

📨Адрасы і спіс усіх палітвязняў, якім можна даслаць паштоўку або ліст

💳Падтрымаць «Вясну» на Patreon

🗣«Свет мусіць пра гэта ведаць». Былыя вязні і праваабаронца пра статус палітвязня і апублічванне рэпрэсій

У Беларусі налічваецца ўжо амаль 1500 палітычных зняволеных. Але гэта далёка не поўная карціна тых, хто ў нашай краіне трапляе пад палітычны пераслед і рэпрэсіі. Праз запалоханасць і пагрозы беларусы менш паведамляюць і распавядаюць гісторыі пераследу.

Паразмаўлялі з былымі палітвязнямі і праваабаронцай «Вясны» Наталляй Сацункевіч пра тое, што (не) дае статус палітвязня, ці варта апублічваць факты пераследу і на што гэта ўплывае.

«Як кажуць, катаванні любяць цішыню, і лепш за ўсё катаванні і злачынствы робяцца, калі ніхто не бачыць, таму публічнасць дапамагае гэта спыняць у большасці выпадкаў».

Чытаць па спасылцы 👉 bit.ly/3Jujvwe

✍️Дапамажыце свету даведацца пра маштаб рэпрэсій у Беларусі — паведамляйце пра затрыманні і суды
💳Падтрымаць «Вясну» на Patreon | аднаразовым данатам

📍Падтрымайце палітзняволеных мужа і жонку, асуджаных да пазбаўлення волі

Алена і Дзмітрый Паўловічы — гаспадары фотастудыі «Ліса» ў Барысаве. Іх затрымалі 26 ліпеня 2022 года, і з таго часу сям’я знаходзіцца на «Валадарцы». Пры вобшуку сілавікі прымусілі Алену здзіраць са сцяны бел-чырвона-белыя шпалеры. На волі ў мужа і жонкі засталіся двое непоўнагадовых дзяцей, якія цяпер знаходзяцца з бабуляй.

13 кастрычніка 2022 года ў судзе Партызанскага раёна Мінска Алене прысудзілі 2 гады калоніі, а Дзмітрыю — 1,5 года калоніі. Сужэнцаў прызналі вінаватымі ва ўдзеле ў паслявыбарчых акцыях пратэсту паводле ч. 1 арт. 342 Крымінальнага кодэкса.

💌Падтрымайце мужа і жонку лістамі, паштоўкамі і тэлеграмамі:
ПК № 4. 246035, г. Гомель, вул. Антошкіна, 3, Алена Аляксандраўна Паўловіч
ПК № 3. 211322, Віцебская вобласць, п. Віцьба, Дзмітрый Мікалаевіч Паўловіч
💻Напісаць анлайн

✊Падтрымайце палітзняволеных Дар'ю і Ігара Лосікаў

У Брэсцкім абласным судзе 19 студзеня суддзя Мікалай Грыгаровіч агучыў прысуд Дар‘і Лосік: два гады пазбаўлення волі ў калоніі агульнага рэжыму.

На пытанне суда, як Дар'я ставіцца да ўсяго таго, што адбываецца, яна адказала: «Калі мяне хацелі пакараць, я прыму гэта з гонарам. Але разам са мной пакаралі маю сям'ю, у тым ліку маю малую дачку».

Дар'ю абвінавацілі ў «садзейнічанні экстрэмісцкай дзейнасці» за інтэрв'ю пра мужа тэлеканалу «Белсат» вясной 2022 году. Муж Дар'і Ігар Лосік адбывае тэрмін у наваполацкай калоніі, а чатырохгадовая дачка Паўліна цяпер знаходзіцца з бабулямі і дзядулямі.

💌Заклікаем падтрымаць Дар'б і Ігара лістамі, паштоўкамі і тэлеграмамі:
- ПК № 4. 246035, г. Гомель, вул. Антошкіна, 3, Дар'і Аляксандраўне Лосік
- ПК № 1. 211440, г. Наваполацк, вул. Тэхнічная, 8, Ігар Аляксандравіч Лосік
💻 Напісаць анлайн

✊Падтрымайце праваабаронцаў «Вясны» Алеся Бяляцкага, Валянціна Стэфановіча і Уладзя Лабковіча

14 ліпеня 2021 года да іх і іншых «вясноўцаў» прыйшлі з ператрусамі. Праваабаронцаў абвінавачвалі ў «кантрабандзе» і «фінансаванні групавых дзеяннях, якія груба парушаюць грамадскі парадак».

3 сакавіка суддзя Марына Запаснік прысудзіла «вясноўцам» вялікія тэрміны: Уладзю — 7 гадоў калоніі, Валянціну — 9 гадоў калоніі, Алесю — 10 гадоў калоніі. Праваабаронцы не прызналі віну ні па адным артыкуле, які ставіўся ім у віну.

💌Падтрымайце «вясноўцаў» лістамі салідарнасці, паштоўкамі і тэлеграмамі:
- ПК № 9, 213410, Горкі, Дабралюбава, 16, Аляксандру Віктаравічу Бяляцкаму
- ПК № 15, 213105, Магілёў, п/а Вейна, Слаўгарадская шаша 183, Валянціну Канстанцінавічу Стэфановічу
- ПК № 17, 213004, Шклоў, 1-я Заводская, 8, Уладзіміру Мікалаевічу Лабковічу
💻Напісаць анлайн 👉 bit.ly/3PIOcjz
💳Падтрымаць «Вясну» на Patreon | Аднаразовым данатам

❗️Фігуранта "справы Ціханоўскага" Уладзіміра Кнігу асудзілі да яшчэ аднаго года калоніі

У судзе г. Жодзіна 25 ліпеня палітзняволенага асудзілі паводле арт. 411 КК (злоснае непадпарадкаванне законным патрабаванням адміністрацыі турмы). Суддзя Іван Грынкевіч прызнаў Уладзіміра вінаватым і прызначыў яму яшчэ адзін год зняволення ў дадатак да чатырох гадоў калоніі.

Раней палітвязню ўзмацнілі пакаранне і перавялі з барысаўскай калоніі на турэмны рэжым у Жодзіна, дзе мінімум чатыры месяцы ўтрымлівалі ў ШІЗА.

Чытайце падрабязнасці па спасылцы.

💌Падтрымайце палітвязня: Следчая турма № 8. 222163, г. Жодзіна, вул. Савецкая, 22А, Уладзімір Іванавіч Кніга
💻Напісаць анлайн

❗️"Супрацоўнікі КДБ вазілі яго шукаць зброю", — сукамернік Яраслава Саковіча распавёў пра палітвязня

Нагадаем, Яраслава 7 жніўня будуць судзіць за "здраду дзяржаве". Супрацоўнікі КДБ яго катавалі ўсю ноч, каб выбіць прызнанне ў тым, што раней ён ваяваў на баку Украіны. Сілавікі тэлефанавалі ягонай жонцы і абяцалі выслаць ягоную галаву.

Былы вязень, які ўтрымліваўся з ім у СІЗА-1 восенню 2022 года распавёў "Вясне" пра Саковіча:

"Супрацоўнікі КДБ вазілі яго шукаць зброю. Сказалі: "Вось тэлефон з месцам, а мы цябе здымаць будзем". Пасадзілі ў мікрааўтобус, давезлі да месца, далі палку і сказалі шукаць... У КДБ яго прымушалі пісаць жонцы, каб завербаваць, але яна адразу ўсё зразумела".

Віну, як кажа сукамернік Яраслава, ён не прызнаваў.

У Яраслава няма блізкіх сваякоў, якія б маглі рабіць перадачы, таму доўгі час ён утрымліваўся ў шортах, у якіх яго затрымалі.

Падрабязнасці па спасылцы.

💌Падтрымайце Яраслава грашовымі пераводамі і пасылкамі: СІЗА-1, 220030, г. Мінск, вул. Валадарскага, 2

😔Пенсіянерку Наталлю Пятровіч будуць судзіць паводле пяці крымінальных артыкулаў за каментары

68-гадовую Наталлю затрымалі 19 снежня 2022 года дома за каментары. Яе абвінавачваюць паводле ч. 1 арт. 368 КК (абраза Лукашэнкі), арт. 130 (распальванне іншай сацыяльнай варожасці), ч. 3 арт. 361-1 КК (удзел у экстрэміскім фармаванні), арт. 369 (абраза прадстаўніка ўлады) і ч. 3 арт. 361 КК (заклікі да санкцыяў). Справу жанчыны пачнуць разглядаць у Мінгарсудзе 7 жніўня. Працэс будзе весці суддзя Вера Галаўкова.

Нядаўна яна даслала ліст на волю:

"Вы за мяне, калі ласка, не перажывайце, ва ўсякім разе я нікога не забіла, нічога не ўкрала, нікога не падманула і любому чалавеку магу спакойна і адкрыта глядзець прама ў вочы. Я ў парадку."

💌Падтрымайце Наталлю грашовымі пераводамі, пасылкамі і тэлеграмамі: СІЗА-1. 220030, г. Мінск, вул. Валадарскага, 2, Наталля Іванаўна Пятровіч
💻Напісаць анлайн

❗️Палітвязня Аляксея Кудасава, асуджанага да 11 гадоў калоніі, зноў будуць судзіць

25-гадовага Аляксея затрымалі 1 ліпеня 2021 года ў Мінску. Яго абвінавацілі паводле чатырох артыкулаў Крымінальнага кодэка і асудзілі да 11 гадоў калоніі. Паводле інфармацыі праўладнага тг-канала, Кудасава судзілі за распальванне сацыяльнай варожасці, абразу прадстаўнікоў улады, а таксама за арганізацыю масавых беспарадкаў і стварэнне телеграм-канала «Каскад».

Тэрмін палітвязень адбываў у ваўкавыскай калоніі № 11, дзе яго неаднаразова змяшчалі ў ШІЗА.

Цяпер стала вядома, што Аляксея зноў будуць судзіць паводле ч. 2 арт. 361-1 КК (стварэнне экстрэмісцкага фармавання, здзейсненае паўторна). Справу разгледзяць у закрытым рэжыме ў Гомельскім абласным судзе 3 жніўня, працэс будзе весці суддзя Вадзім Бобыраў..

💌Падтрымайце палітвязня: СІЗА-3. 246003, г. Гомель, вул. Кніжная, 1А, Аляксей Фірдаўсавіч Кудасаў
💻Напісаць анлайн

📍Палітзняволеную актывістку Алену Гнаук перавялі ў жаночую калонію ў Зарэччы

У Чыгуначным раёне Гомеля 28 красавіка агучылі прысуд па трэцяй крымінальнай справе супраць пружанскай актывісткі — 1 год пазбаўлення волі. Канчатковы тэрмін пакарання складае 2 гады і 11 месяцаў зняволення.

Гэтым разам Алену абвінавацілі паводле арт. 411 КК за "злоснае непадпарадкаванне патрабаванням адміністрацыі папраўчай калоніі". Вядома, што ў жаночай калоніі яе часта адпраўлялі ў ШІЗА, а таксама змяшчалі на некалькі месяцаў у ПКТ.

Стала вядома, што нядаўна Алену перавялі ў жаночую калонію № 24 у Зарэччы. У гэтай калоніі ўтрымліваюцца яшчэ Вікторыя Кульша і Паліна Шарэнда-Панасюк, на якіх увесь час жорстка цісне адміністрацыя.

💌Падтрымайце жанчыну: ПК № 24. 247526, вул. Вытворчая, 44, г. п. Зарэчча, Рэчыцкі раён, Гомельская вобласць, Алена Пятроўна Гнаук
💻Напісаць анлайн

😔Палітзняволенага Арцёма Латышава перавялі на турэмны рэжым у Магілёў

Арцём — жыхар Віцебска, асуджаны да 4,5 гадоў калоніі за перформанс на магіле з выявай Лукашэнкі, а таксама за псаванне банэраў з выявай супрацоўнікаў ДАІ. У верасні 2022 года палітвязня этапавалі ў бабруйскую калонію.

1 чэрвеня Арцёма ў чацвёрты раз запар змясцілі ў штрафны ізалятар. Да гэтага ён прабыў там 30 сутак, пасля чаго вярнуўся ў атрад. Перад апошнім змяшэчннем у ШІЗА супрацоўнікі калоніі запатрабавалі ад Латышава прыбраць санвузел, тым самым паспрабаваўшы надаць яму «нізкі статус», аднак мужчына адмовіўся. Гэта, верагодна, і стала прычынай накіравання ў штрафны ізалятар.

Па інфармацыі MAYDAY TEAM, 26 ліпеня адбыўся суд па змене Арцёму рэжыму ўтрымання. Палітвязня перавялі на турэмны рэжым і ўжо этапавалі ў магілёўскую турму № 4. Да пераводу яго ўтрымлівалі ў ШІЗА.

💌Падтрымайце Арцёма: Турма № 4, 212011, г. Магілёў, вул. Крупскай, 99А, Арцёму Аляксандравічу Латышаву
💻Напісаць анлайн

🎉Павіншуйце палітвязня Рамана Багнаўца з Днём народзінаў

Рамана абвінавацілі ва ўдзеле ў масавых беспарадках у Пінску ў ноч з 9 на 10 жніўня (арт. 293 КК). Яго асудзілі па "пінскай справе" да 6 гадоў калоніі ўзмоцненага рэжыму. Да затрымання палітвязень працаваў маналітчыкам у Менску, а ў родны Пінск прыехаў якраз 9 жніўня, каб развязаць некаторыя сямейныя пытанні і прагаласаваць.

Пасля затрымання мужчыну моцна збілі: ад паясніцы да каленяў брат быў амаль чорны, яму адбілі ныркі. Як ён сам распавядаў, завялі ў нейкі склеп і там білі. Хто, ён не бачыў, яны былі ў масках.

Тэрмін палітвязень адбывае ў наваполацкай калоніі № 1, дзе яго перыядычна змяшчаюць у ШІЗА.

Сёння Раман адзначае 39-годдзе ў зняволенні.

💌Павіншуйце Рамана лістамі салідарнасці і паштоўкамі: ПК №1, 211440, г. Наваполацк, вул. Тэхнічная, 8, Раман Анатольевіч Багнавец
💻Напісаць анлайн

🎉Павіншуйце палітвязня Іллю Верамеева з 20-годдзем

24 лютага Ілля Верамееў з Гомеля пачаў перапіску ў Telegram з сястрой Янай каля пятай раніцы. Прычына — уварванне расійскіх войскаў ва Украіну і абстрэл горада Мікалаеў, у якім жыла на той момант ягоная сястра. Ілля вельмі хваляваўся за яе. Праз тры дні хлопца затрымалі — пасля ягоных заклікаў у мясцовым чаце аказваць супраціў і пачаць дзейнічаць супраць вайны: на месцы збору з гамельчукамі яго чакалі сілавікі.

Іллю асудзілі да 6,5 гадоў калоніі. 1 снежня КДБ уключыў хлопца ў "спіс асобаў, датычных да тэрарыстычнай дзейнасці", а 2 снежня МУС уключыў яго ў "спіс экстрэмістаў". Адбываць тэрмін яго накіравалі ў бабруйскую калонію № 2.

Сёння Ілля адзначае Дзень народзінаў.

🔹Гісторыя 19-гадовага Іллі Верамеева, якога асудзілі да 6,5 гадоў калоніі за заклікі ў чаце (🇺🇦Читати українською мовою)

💌Павіншуйце хлопца паштоўкамі, лістамі і тэлеграмамі: ПК № 2, 213800, г. Бабруйск, вул. Сікорскага, 1 Ілля Аляксандравіч Верамееў
💻Напісаць анлайн