❤️Палітзняволены Максім Жараў цалкам адбыў тэрмін і выйшаў на волю

Максім — фігурант брэсцкай «справы карагодаў», распачатай па падзеях 13 верасня 2020 года ў горадзе (калі пратэстоўцы выйшлі на праезную частку, а іх разагнаў вадамёт).

Яму прад'явілі абвінавачванне па арт. 342 КК кодэкса (Актыўны ўдзел у групавых дзеяннях, якія груба парушаюць грамадскі парадак) і асудзілі да 2 гадоў «хіміі».

У пачатку чэрвеня палітвязень выйшаў на волю, цалкам адбыўшы тэрмін, піша @viasna_brest.

😔Палітвязня Дзяніса Сальмановіча змясцілі ў ШІЗА. Дзень народзінаў ён сустрэў там

Дзяніс Сальмановіч — палітвязень, асуджаны да 10 гадоў калоніі ва ўмовах узмоцненага рэжыму. Сілавікі называлі яго «галоўным візуальным рэдактарам» ролікаў «Кібер-партызан» і «Супраціву». Таксама Сальмановічу прызначылі штраф у памеры 6 400 рублёў. Пасля затрымання яго маці і бацька былі вымушаныя з'ехаць з краіны. Год таму КДБ унёс Дзяніса у спіс "асоб, якія маюць дачыненне да тэрарыстычнай дзейнасці".

У студзені 2023 года Дзяніса этапавалі папраўчую калонію № 3 у Віцьбе. Цяпер праваабаронцам стала вядома, што палітвязня змясцілі ў штрафны ізалятар, дзе ён і правёў свой Дзень народзінаў. 6 чэрвеня Дзянісу споўнілася 32 гады. Прычыны і тэрмін спагнання невядомыя.

💌Падтрымайце Дзяніса: ПК № 3. 211322, Віцебская вобласць, п. Віцьба
💻Напісаць анлайн

Палітвязня Уладзіміра Гундара раптоўна этапавалі у калонію. Праз гэтае жонка не паспела атрымаць спатканне з ім у турме

Як стала вядома @viasna_brest, 7 чэрвеня, адразу пасля апеляцыі на апошні прысуд, баранавіцкага палітвязня пачалі этапаваць у бабруйскую калонію.

Пра гэтым 6 чэрвеня жонцы Гундара суд сказаў на запыт на спатканне, каб жанчына патэлефанавала 9 чэрвеня і тады атрымае дазвол на спатканне.

💌Падтрымайце Уладзіміра: ПК № 2. 213800, Бабруйск, Сікорскага, 1, Уладзімір Тадэвушавіч Гундар
💻Напісаць анлайн

📍Палітвязень Дзяніс Граханаў выйшаў на волю

Стала вядома, што ўчора палітвязень Дзяніс Граханаў выйшаў на волю з віцебскай калоніі № 3, цалкам адбыўшы тэрмін.

Нагадаем, 15 лютага 2022 года Дзяніса затрымаў КДБ наўпрост у папраўчай установе № 45 пад Камянцом, дзе ён адбываў тэрмін за надпіс "Не забудзем" каля "Пушкінскай" у Мінску. Пазней палітвязню прад'явілі абвінавачванне паводле арт. 368 Крымінальнага кодэкса (Абраза Лукашэнкі). 

Пяць месяцаў да суда яго ўтрымлівалі ў гомельскім СІЗА. Па хадайніцтву пракурора суд амаль адразу зрабілі закрытым. Суддзя Вольга Церахава 5 ліпеня 2022 года канчаткова прызначыла Граханаву па сукупнасці прысудаў з улікам раней неадбытага пакарання — адзін год і сем месяцаў зняволення. 

🗓 Агляд навінаў пра палітвязняў за тыдзень

🔹 Палітвязнямі на гэтым тыдні былі прызнаныя 20 чалавек. На дадзены момант у спісе палітзняволеных налічваецца 1492 чалавек.

Цалкам адбылі тэрміны і выйшлі на волю: Алег Гармазінскі, Віктар Рысінскі, Вольга Кукушкіна, Вадзім Нікалаеў, Максім Жараў, Дзяніс Граханаў.

🔹 На гэтым тыдні стала вядома пра прысуды па палітычна матываваных справах:
Павел Петручэня — 6 гадоў калоніі;
Яна Пінчук — 12 гадоў калоніі;
Мікалая Васілевіч — 6 гадоў калоніі.

🔹Палізняволеную Сафію Сапегу вызвалілі па памілаванні.

🔹У палітзняволенай журналісткі Ларысы Шчыраковай памерла маці.

🔹 Палітзняволенага Арцёма Латышава ў чацвёрты раз запар змясцілі ў штрафны ізалятар. Да гэтага ён прабыў там 30 сутак, пасля чаго вярнуўся ў атрад.

🔹Справу відэааператара Паўла Падабеда перадалі ў суд.

🔹Палітвязня Дзяніс Сальмановіч змясцілі ў ШІЗА. Прычыны і тэрмін спагнання невядомыя.

🔹Анархіста Аляксандра Францкевіча зноў змясцілі ў ШІЗА на 10 сутак.

🔹Больш за 120 дзён няма ніякіх навінаў пра палітзняволенага Мікалая Статкевіча.

🔹Актывістку Паліну Шарэнду-Панасюк, якую хутка будуць судзіць па новай крымінальнай справе, адпраўлялі ў Навінкі

🌿 Тэксты «Вясны» пра палітвязняў:

Палітзняволеную Яну Пінчук, якую экстрадавалі з Расіі, асудзілі да 12 гадоў калоніі

Дайджэст вызваленых: 37 палітвязняў у траўні выйшлі з месцаў зняволення

#навіны_палітвязняў

🎉Павіншуйце палітвязня Артура Жвірыдоўскага з Днём народзінаў

Артур — жыхар Астраўца, асуджаны на 3 гады калоніі па двух артыкулах Крымінальнага кодэксу: ч. 1 арт. 339 (хуліганства) і арт. 370 (знявага дзяржаўных сімвалаў). Яго абвінавацілі ў тым, што ён уначы ў чэрвені 2021 года вывесіў бел-чырвона-белы сцяг на адной са школ Астраўца, а таксама намаляваў на камені тры БЧБ-паласы. Акрамя гэтага, зняў чырвона-зялёны сцяг з будынку адной з дзяржаўных установаў раённага цэнтру.

Сёння палітвязень адзначае 35-годдзе ў бабруйскай калоніі. Дашліце яму віншаванні праз лісты, паштоўкі або тэлеграмы.

💌Адрас для віншаванняў: ПК №2, 213800, г. Бабруйск, вул. Сікорскага, 1, Артур Анатольевіч Жвірыдоўскі
💻Напісаць анлайн

⁉️ Чаму важна падтрымліваць вязняў грашовымі пераводамі?

Ужо больш за два гады ў Беларусі колькасць палітычных зняволеных павялічваецца амаль штотыднёва. На жаль, у сваякоў не заўсёды атрымліваецца карыстацца ўсімі магчымымі спосабамі падтрымкі вязняў: ім блакуюць ліставанне, пазбаўляюць перадач, не дазваляюць замаўляць кнігі і абмяжоўваюць у падпісках на незалежныя газеты і часопісы. Адзінае, что застаецца — грашовыя пераводы.

Адпраўляць грошы вязням праз інтэрнэт-банкінг і на пошце. Грошы будуць пералічвацца на спецыяльны рахунак зняволенага. На атрыманыя грошы ён зможа замовіць у турэмнай краме прадукты харчавання, прадметы першай неабходнасці, прысмакі, канверты, паперу і іншыя неабходныя яму рэчы.

Грошы даходзяць на працягу некалькіх сутак. У следчых ізалятарах і турмах, тыя вязні, у дачыненні да якіх прысуд яшчэ не вынесены ці не ўступіў у сілу, могуць атрымліваць пераводы ад любога чалавека, а сума, якая можа знаходзіцца на рахунку затрыманага ў ізалятары і якую можна выкарыстоўваць, не абмежаваная.

Пасля таго, як прысуд уступіў у сілу, вязень будзе абмежаваны ў перадачах і грашовых пераводах, а рабіць гэта змогуць толькі сваякі. Але пры пераводзе ў іншы ізалятар або калонію сума на рахунку пераходзіць разам з чалавекам. Нават калі грошы выслалі ўжо пасля этапу, то грошы ўсё роўна дойдуць да зняволенага.

Таму дасылаць грошы на рахунак вязня да таго, як прысуд уступіць у сілу, будзе вялікай падтрымкай і яму, і яго сваякам. Бо ў калоніі праз абмежаванне на колькасць дазволеных базавых велічыняў падчас атаваркі, у зняволенага будзе магчымасць доўгі час атаварвацца на тыя грошы, якія яму дасылалі яшчэ да прысуду.

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

Як рабіць грашовы перавод, як атаварваюцца вязні і што адбываецца з грашыма пасля вызвалення чалавека?

Практычны дапаможнік па перадачах для вязняў ад “Вясны”

✊Паспейце падтрымаць журналіста Генадзя Мажэйку да апеляцыі

Палітзняволенаму журналісту «Камсамольскай праўды» ставілі ў віну два артыкулы Крымінальнага кодэкса: распальванне сацыяльнай варожасці (арт. 130 КК) і абразк Лукашэнкі (арт. 368 КК). Вядома, што справу аб абразе вылучылі ў асобную вытворчасць.

23 сакавіка суддзя Тацяна Фалькоўская прызначыла яму тры гады зняволення. Вярхоўны суд разгледзіць 16 чэрвеня апеляцыйную скаргу палітвязня. Рашэнне будзе прымаць суддзя Уладзімір Чаравач.

Да гэтага часу кожны чалавек можа падтрымаць Генадзя пасылкамі, грашовымі пераводамі і тэлеграмамі.

Былы палітвязень пасля вызвалення распавёў падрабязнасці затрымання Генадзя

💌Падтрымаць журналіста: СІЗА-1, 220030, г. Мінск, вул. Валадарскага, 2, Генадзь Мікалаевіч Мажэйка
💻Напісаць анлайн

📍Заснавальніка Symbal.bу Паўла Белавуса перавялі ў шклоўскую калонію

У Мінскім гарадскім судзе 11 траўня, агучылі прысуд палітзняволенаму заснавальніку крамы Symbal.bу і культурніцкаму мэнэджэру — 13 гадоў калоніі. Яго абвінавацілі паводле чатырох артыкулаў Крымінальнага кодэкса, у тым ліку за «здраду дзяржаве» (ч. 1 арт. 356 КК).

Паводле абвінавачвання, Павел «распаўсюджваў ідэі беларускага нацыяналізму», вёў «антыдзяржаўную дзейнасць», «стымуляваў варожасць суайчыннікаў у дачыненні да Радзімы». Суд праходзіў у закрытым рэжыме, таму пазіцыя Паўла па справе і іншыя падрабязнасці справы невядомыя.

Жонка палітвязня ў фэйсбуку паведаміла, што Паўла ўжо перавялі ў папраўчую калонію № 17.

"Кажа, што ўспрымае гэта як вандроўку, але крыху іншы фармат", — напісала Кацярына Маковіч.

💌Новы адрас для лістоў і паштовак: ПК № 17. 213004, г. Шклоў, вул. 1-я Заводская, 8, Павел Мікалаевіч Белавус
💻Напісаць анлайн

📍Днямі будзе разгледжана справа "аб змене прымусовага лячэння" ў дачыненні да Марыі Успенскай

У Мінгарсудзе 16 чэрвеня ў закрытым рэжыме разгледзяць справу "аб змене прымусовых мер бяспекі і лячэння" ў дачыненні да ўдавы загінулага ў перастрэлцы з супрацоўнікам КДБ айцішніка Андрэя Зельцэра Марыі Успенскай. Рашэнне па справе будзе прымаць суддзя Валянціна Зянькевіч.

Паводле арт. 103 Крымінальнага кодэкса, рашэнне прымаецца судом на падставе высновы псіхіятрычнай медычна-кансультацыйнай камісіі, якую асуджаныя мусяць праходзіць не менш за адзін раз на паўгода.

Нагадаем, роўна год таму суддзя Зянькевіч прызначыла Марыі прымусовае лячэнне ў псіхіятрычным стацыянары. Лячыцца яна будзе да выздараўлення — тэрмін не ўстанаўліваецца судом. Палітзняволеную абвінавацілі ў саўдзеле ў забойстве супрацоўніка КДБ Дзмітрыя Федасюка, але яе вызвалілі ад крымінальнай адказнасці, бо знаходзілася ў "стане непрытомнасці".

Былыя сукамерніца Марыі па СІЗА-1 распавяла пра ейны стан пасля затрымання

📍Палітвязня Дзмітрыя Гапанюка перавялі ў папраўчую калонію № 17

Дзмітрый быў затрыманы 9 студзеня 2023 года ў межах "справы карагодаў", распачатай у Брэсце па падзеях 13 верасня 2020 года, калі падчас акцыі пратэсту людзі вадзілі карагод на праезнай частцы. Дзмітрыя абвінавацілі паводле арт. 342 Крымінальнага кодэксу (Актыўны ўдзел у групавых дзеяннях, што груба парушаюць грамадскі парадак).

28 сакавіка ў судзе Пружанскага раёна палітзняволенага асудзілі на 1,5 года калоніі ва ўмовах агульнага рэжыму. 19 траўня Брэсцкі абласны суд пакінуў прысуд без зменаў.

Стала вядома, што нядаўна Дзмітрыя этапавалі ў шклоўскую калонію.

💌Адрас для лістоў і паштовак: ПК № 17. 213004, г. Шклоў, вул. 1-я Заводская, 8, Дзмітрый Юр'евіч Гапанюк
💻Напісаць анлайн

✊Падтрымайце Дзмітрыя Сасноўскага, асуджанага да 20 гадоў калоніі

Жыхар Ліды быў затрыманы 1 чэрвеня 2021 года. Апроч усяго, яго абвінавацілі ў замаху на прапагандыста Рыгора Азаронка. 5 снежня Дзмітрыя асудзілі да 20 гадоў калоніі ва ўмовах узмоцненага рэжыму і штрафу у памеры 700 базавых велічыняў.

Сасноўскі – адзіны па справе, хто не прызнаў віну па справе. Падчас дачы паказанняў Сасноўскі плакаў і заявіў, што ў злачынства ў дачыненні да Азаронка яго ўцягнулі падчас следчага эксперыменту. Ён таксама заявіў суду, што пасля затрымання каля дома Азаронка да яго "ўжывалі гвалт і катаванні, прымусілі напісаць чыстасардэчнае прызнанне". 

Учора Дзмітрый адзначыў 33-годдзе ў калоніі.

💌Даслаць словы падтрымкі палітвязню: ПК № 1. 211440, г. Наваполацк, вул. Тэхнічная, 8, Дзмітрыю Уладзіміравічу Сасноўскаму
💻Напісаць анлайн

😔Палітзняволенай Вікторыі Кульшы пакінулі прысуд без зменаў

Вікторыю двойчы за год асудзілі паводле ч. 1 арт. 411 КК (злоснае непадпарадкаванне законным патрабаванням адміністрацыі калоніі). Апошні раз суд прызначыў жанчыне яшчэ адзін год зняволення ў дадатак да трох з паловай гадоў калоніі.

За паўгода ў зарэчанскай калоніі Вікторыя адбыла мінімум 92 дні ў ШІЗА і паўгады ў ПКТ. Нядаўна праваабаронцам стала вядома, што адзін з наглядчыкаў душыў Вікторыю логцем, стоячы ззаду, а таксама цягаў яе па камеры. Акрамя гэтага, жанчына некалькі разоў у калоніі трымала галадоўкі на знак пратэсту супраць жудасных умоваў. Праз гэта ў яе двойчы здараўся сардэчны прыступ.

Гомельскі абласны суд 14 чэрвеня разглядзеў апеляцыйную скаргу Вікторыі. Суддзя Марына Святко пакінула скаргу без задавальнення, а прысуд — у сіле.

💌Адрас для падтрымкі: СІЗА-3. 246003, Гомель, Кніжная, 1А, Вікторыя Аляксандраўна Кульша
💻Напісаць анлайн

✊Як можна падтрымаць палітвязняў?

Амаль штодзённа па ўсёй Беларусі працягваюцца затрыманні беларусаў па крымінальных справах. За кратамі знаходзяцца тысячы чалавек, якія маюць патрэбу ў дапамозе і падтрымцы.

Мы заклікаем вас працягваць падтрымліваць кожнага і кожную, хто сутыкнуўся з палітычным пераследам. Дасылайце словы падтрымкі праз лісты і тэлеграмы, рабіце грашовыя пераводы, дасылайце пасылкі з прыемнымі дробязямі. Памятайце, што сіла беларусаў — у салідарнасці!

🌿Карысныя спасылкі па падтрымцы:

Практычны дапаможнік па перадачах для вязняў ад “Вясны”

"Наша сіла — у салідарнасці!" Вялікі дайджэст па дапамозе палітвязням

"Хачу напісаць вязню!" Распавядаем, як гэта зрабіць

Як рабіць грашовы перавод?

"Гэта надзвычай цудоўная падтрымка". Распавядаем пра пасылкі салідарнасці палітвязням

📨Адрасы і спіс усіх палітвязняў, якім можна даслаць паштоўку або ліст

💳Падтрымаць «Вясну» на Patreon

Падтрымайце палітзняволеную Юлію Лаптановіч

Гродзенскі абласны суд 18 ліпеня асудзіў яе па шасці артыкулах Крымінальнага кодэкса да пяці гадоў калоніі. У кастрычніку Вярхоўны суд скараціў ёй тэрмін на тры месяцы — да чатырох гадоў і дзевяці месяцаў зняволення, а таксама скарацілі суму штрафа амаль на тысячу рублёў.

Год таму Юлію і яе мужа Ігара асудзілі па "справе карагодаў". Ігара адправілі ў калонію, а жанчыне прысудзілі "хатнюю хімію". Праз некалькі месяцаў Юлію затрымалі па новай крымінальнай справе. На волі іх чакаюць трое дзяцей.

У снежні жанчыну перавялі ў гомельскую жаночую калонію № 4.

💌Падтрымайце Юлію: ПК № 4. 246035, г. Гомель, вул. Антошкіна, 3, Юлія Аляксандраўна Лаптановіч
💻 Напісаць анлайн 👉 bit.ly/3PIOcjz

💔Падтрымайце палітзняволеных Антаніну Канавалаву і Сяргея Ярашэвіча

У траўні 2021 Антаніну разам з яе палітзняволеным мужам Сяргеем асудзілі да 5,5 годоў калоніі па справе «Арміі з народам». Іх абвінавацілі ў «падрыхтоўцы да ўдзелу ў масавых беспарадках» і ў «падрыхтоўцы беспарадкаў». У Антаніны і Сяргея на волі засталіся двое маленькіх дзяцей: Ваня і Насця. За кратамі яны знаходзяцца больш за 33 месцы.

Вядома, што ў Антаніны за час зняволення моцна сапсаваўся зрок — ёй нават прызначылі трэцюю групу інваліднасці. А Сяргею ў студзені дадалі яшчэ 9 месяцаў зняволення па новай крымінальнай справе.

🔹Удалечыні ад дзяцей і мужа. Як жыве ў калоніі Антаніна Канавалава 

🔹Гісторыя пераследу Антаніны і Сяргея

💌Падтрымайце Антаніну: ПК №4, 246035, г. Гомель, вул. Антошкіна, 3, Антаніна Сяргееўна Канавалава

💌Падтрымайце Сяргея: ПК №11, 231900, г. Ваўкавыск, вул. Ракасоўскага, 118, Сяргей Міхайлавіч Ярашэвіч

🎉Павіншуйце палітвязня Аляксандра Раентава з Днём народзінаў

Заўтра палітвязень адзначыць 39-годдзе ў зняволенні.

Нагадаем, Раентаў першы раз быў жорстка затрыманы 29 жніўня ў тралейбусе разам са сваёй сястрой Наталляй. Відэа затрымання разляцелася па СМІ і сацыяльных сетках. Тады Аляксандр атрымаў арышт, на яго сястру была заведзеная крымінальная справа. Па крымінальнай справе ён быў затрыманы ў пачатку снежня. Яго абвінавацілі па арт. 342 КК і па арт. 363 КК. 17 траўня 2021 года Аляксандра пакаралі 5 гадамі калоніі.

Нядаўна палітвязню ўзмацнілі рэжым і перавялі ў жодзінскую турму № 8. Вядома, што ў мінулым чэрвені палітвязня змяшчалі ў ПКТ.

💌Павіншуйце Аляксандра: Следчая турма № 8, 222163, г. Жодзіна, вул. Савецкая, 22А, Аляксандр Сяргеевіч Раентаў
💻Напісаць анлайн 👉 bit.ly/3PIOcjz

📍Бабруйчаніна, якога абвінавачваюць у фінансаванні тэрарыстычнай дзейнасці, пачнуць судзіць 29 чэрвеня

Дзмітрый Слук быў затрыманыі 10 лютага ў Мінску наўпрост на вуліцы. Пасля 10 сутак у ізалятары на Акрэсціна яго перавялі ў СІЗА № 1.

Яму прад'явілі абвінавачванне па ч. 1 арт. 290-1 Крымінальнага кодэксу (Фінансаванне тэрарыстычнай дзейнасці) за данаты арганізацыі, прызнанай "тэрарыстычнай" у Беларусі. Яму пагражае ад 8 да 12 гадоў пазбаўлення волі.

Суд над ім распачнецца 29 чэрвеня ў судзе Заводскага раёна Мінска. Справу будзе разнглядаць суддзя Дзмітрый Астапенка.

КДБ у сакавіку дадаў палітвязня ў "спіс тэрарыстаў", праз гэта яму нельга даслаць грашовы перавод. Але вы можаце падтрымаць яго пасылкай, лістом і тэлеграмай.

💌Падтрымаць Дзмітрыя: СІЗА-1. 220030, Мінск, Валадарскага, 2, Слук Дзмітрый Васільевіч
💻Напісаць анлайн 👉 bit.ly/3PIOcjz

💔Палітвязень Уладзімір Гундар даслаў з калоніі першы ліст

Гродзенскі абласны суд 6 чэрвеня пакінуў прысуд палітвязню без зменаў — 20 гадоў калоніі. Ужо на наступны дзень адразу з карцара яго этапавалі ў калонію. Пры гэтым жонцы Гундара дазволілі спатканне з ім, але яна не паспела трапіць на яго праз хуткі этап.

Дачка Гундара ў фэйсбуку напісала, што ад Уладзіміра прыйшоў першы ліст:

"Піша, што пачуваецца нармальна і ў яго пасля ўсіх гадоў несправядлівага зняволення, з'явілася магчымасць пісаць за сталом, а не на каленку.

Вельмі знерваваўся, што нас пазбавілі законнага спаткання. І яшчэ адна непрыемная сітуацыя, што ў працэсе этапу страціў два сшыткі са сваімі складанкамі біблейскімі".

💌Падтрымайце Уладзіміра: ПК № 2. 213800, Бабруйск, Сікорскага, 1, Уладзімір Тадэвушавіч Гундар (на канвертах трэба пісаць «каранцін»)
💻Напісаць анлайн