🗓 Агляд навінаў пра палітвязняў за тыдзень

🔹 Палітвязнямі на гэтым тыдні былі прызнаныя 13 чалавек. На дадзены момант у спісе палітзняволеных налічваецца 1449 чалавек.

Цалкам адбылі тэрміны і выйшлі на волю: Аляксандр Івулін, Андрэй Аніскевіч, Уладзімір Севярын і Кацярына Гібкая.

🔹 На гэтым тыдні стала вядома пра прысуды па палітычна матываваных справах:
Андрэю Шункевічу — 2,5 гады калоніі;
Юрыю Гладчуку — 2,5 гады калоніі;
Ігару Пастухову — 1 год калоніі;
Даніілу Касцюкевічу — 3 гады калоніі;
Анатолю Пугачу — 1 год калоніі.

🔹Журналіста Алеся Любянчука ў калоніі пазбавілі пасылак, перадач і спатканняў тэрмінам на тры месяцы за парушэнне "правілаў унутранага распарадку".

🔹Палітвязня Уладзіслава Карэцкага збіраюцца пераводзіць на турэмны рэжым. Суд з гэтай нагоды адбудзецца 6 сакавіка.

🔹Палітвязня Алеся Папковіча яшчэ да апеляцыі перавялі ў віцебскую калонію № 3, дзе адразу змясцілі ў ПКТ

🔹Палітвязня Алега Рубца 60 сутак утрымлівалі ў ШІЗА.

🔹Паліну Шарэнду-Панасюк працягваюць бесперапынна ўтрымліваць у ШІЗА мінімум 40 дзён.

🔹Да палітзняволенай Алены Лазарчык у калоніі не пускаюць адваката, таму родныя не маюць ніякай інфармацыі пра стан здароўя жанчыны.

🌿 Тэксты «Вясны» пра палітвязняў:

У гадавіну нападу Расіі на Украіну распавядаем пра вынікі пераследу беларусаў за антываенную пазіцыю

#навіны_палітвязняў

✊Падтрымайце 62-гадовага Аляксея Вячэрняга, асуджанага за антываенны верш

Суд Віцебскага раёна 8 ліпеня разгледзеў крымінальную справу палітвязня, абвінавачанага ў абразе Лукашэнкі (ч.1 арт 368 КК). Аляксей — грамадзянін Беларусі, паводле нацыянальнасці ўкраінец, які нарадзіўся ў Чаркаскай вобласці. Удзельнічаў у рэспубліканскіх фестывалях народнай творчасці ў Беларусі. Выхоўвае 16-гадовага сына.

Пасля пачатку абстрэлу Украіны з тэрыторыі Беларусі на эмацыйнай хвалі напісаў верш, запісаў яго на відэа і выклаў у Tik-Tok. У ім прысутнічалі словы, якія нібыта "абразілі" Лукашэнку.

У выніку яму прысудзілі 1 год і 9 месяцаў калоніі. Тэрмін палітвязень адбывае ў папраўчай калоніі № 22.

Падтрымайце палітвязня: ПК № 22. 225295, Брэсцкая вобласць, г. Івацэвічы, ст. Даманава, а/с 20, Аляксей Іванавіч Вячэрні
💻Напісаць анлайн

🎉Павіншуйце палітвязняў з Днём народзінаў!

🔺Сяргей Бабко 
🔺Міхаіл Башкатаў
🔺Павел Нікіценка 
🔺Павел Аўчароў
🔺Артур Рыбін
🔺Ілля Бохан
🔺Сяргей Лапко
🔺Артур Халімончык
🔺Антон Валавік
🔺Уладзімір Кобрынец
🔺Ганна Аблаб
🔺Павел Манкіненка 
🔺Марына Сачыўка
🔺Мікіта Ганчароў
🔺Генадзь Драздоў
🔺Аляксандр Жмуро
🔺Андрэй Кунцэвіч
🔺Сяргея Кірыковіча

💌Самы просты спосаб павіншаваць палітзняволеных — адправіць паштоўку. Гэта можна зрабіць праз Майстэрню паштовак салідарнасці і письмо.бел.

📲Таксама прапануем дасылаць палітвязням тэлеграмы. Гэта можна зрабіць на пошце або па нумару тэлефона 166 (толькі з гарадскога) і надыктаваць тэкст. Не забывайце падпісвацца, каб яны ведалі ад каго дайшла вестка.

📍Прызначана дата разгляду апеляцыйнай скаргі палітзняволенай Дар'і Лосік

У Брэсцкім абласным судзе 19 студзеня агучылі прысуд Дар‘і Лосік: два гады пазбаўлення волі ў калоніі агульнага рэжыму. Муж Дар'і Ігар Лосік адбывае тэрмін у наваполацкай калоніі, а чатырохгадовая дачка Паўліна цяпер знаходзіцца з бабулямі і дзядулямі.

Нядаўна палітзняволеную перавялі ў баранавіцкі СІЗА-6. Апеляцыйную скаргу Дар'і разгледзяць 21 сакавіка.

Заклікаем падтрымаць яе да гэтага часу любым магчымым спосабам:

🔹Зрабіць грашовы перавод. Грошы, якія будуць пералічаныя на яе рахунак у СІЗА, перойдуць з ёй у калонію.

🔹Даслаць тэлеграму праз пошту або па нумару тэлефона 166 (толькі з гарадскога).

🔹Працягваць дасылаць словы падтрымкі праз лісты і паштоўкі.

💌Адрас для падтрымкі: СІЗА-6. 225413, г. Баранавічы, вул. Брэсцкая, 258 В, Дар'і Аляксандраўне Лосік
💻 Напісаць анлайн

🎉Павіншуйце палітвязня Паўла Аўчарова з Днём народзінаў

Адміністрацыя шклоўскай калоніі № 17, дзе Павел апошні год адбываў свой тэрмін, ініцыявала ўзбуджэнне супраць палітвязня крымінальнай справы паводле ч. 2 арт. 411 КК — злоснае непадпарадкаванне патрабаванням адміністрацыі папраўчай установы. 

У судзе Шклоўскага раёна 6 ліпеня Паўлу прысудзілі ў дадатак да пяці гадоў зняволення яшчэ 1,5 года ў калоніі. Таксама Аўчарову змянілі рэжым адбыцця пакарання з узмоцненага на строгі. Раней палітвязня асудзілі да пяці гадоў калоніі па шэрагу артыкулаў за падзеі 23 верасня 2020 года, калі ў Мінску прайшла інаугурацыя Лукашэнкі. 

6 сакавіка Паўлу споўніцца 27 год.

💌Падтрымайце Паўла: ПК № 13. 211791, г. Глыбокае, вул. Савецкая, 205, Павел Алегавіч Аўчароў (на лістах пазначайце «каранцін»)
💻Напісаць анлайн

💔"Вельмі хочацца ўбачыць блізкіх", — былая выкладчыцца МДЛУ Наталля Дуліна з-за кратаў

Палітзняволеную пачалі судзіць 7 лютага ў Мінскім абласным судзе. Яе абвінавачваюць паводле ч. 1 арт. 361-4 КК (Садзейнічанне экстрэмісцкай дзейнасці) і ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак). Працэс адразу зрабілі закрытым. Сёння суд над жанчынай працягваецца.

Днямі ад яе на волю прыйшоў ліст:

"Пачуваюся добра, бадзёрая і гатова да 1 сакавіка. Збіраюся "адарвацца па поўнай". Шкада, што працэс закрыты. Але ў дзень прысуду павінны адкрыць, гэта нармальная працэдура. Вельмі хочацца ўбачыць блізкіх. Велізарнае прывітанне ўсім-усім!"

💌Падтрымайце палітзняволеную: СІЗА-1. 220030, Мінск, Валадарскага, 2, Наталля Алегаўна Дуліна
💻 Напісаць анлайн

📍Палітвязень Алег Корзун, асуджаны па «справе Зельцэра», выйшаў на волю

Алега асудзілі 7 кастрычніка 2022 года ў Пінску да 2 гадоў калоніі са штрафам памерам 100 базавых велічыняў. Яго абвінавацілі паводле арт. 369 Крымінальнага кодэкса (Абраза прадстаўніка ўлады).

Яго затрымалі 30 верасня 2021 года па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра.

25 лютага Алег выйшаў на волю з бабруйскай калоніі № 2, цалкам адбыўшы тэрмін. У зняволенні палітвязень утрымліваўся 1 год, 4 месяцы і 26 дзён.

✊Падтрымайце мінчука, якога ўтрымлівалі на «сутках» амаль тры месяцы, а потым асудзілі да двух гадоў калоніі

У Мінскім гарадскім судзе 12 снежня разглядзелі крымінальную справу паводле ч. 1 арт. 130 (распальванне іншай сацыяльнай варожасці) і ч. 1 арт. 342 (актыўны ўдзел у дзеяннях, якія груба парушаюць грамадскі парадак) КК супраць 37-гадовага Віталя Енаровіча. Суд прызначыў яму два гады калоніі.

Мужчыну затрымалі ў сакавіку і ўтрымлівалі на «сутках» у ЦІП Акрэсціна амаль тры месяцы без зменнага адзення і сродкаў гігіены. Яго былыя сукамернікі распавялі, што летам на Акрэсціна ён ўсё яшчэ быў у зімовай вопратцы. Важна адзначыць, што час, праведзены на Акрэсціна, не будзе залічаны ў тэрмін па крымінальнай справе.

Апеляцыйную скаргу палітвязня 3 сакавіка ў Вярхоўным судзе разгледзіць судовая калегія пад старшынствам суддзі Пятра Лістраценка.

💌Падтрымайце вязня тэлеграмамі, пасылкамі, грашовымі пераводамі: Турма № 4. 212011, г. Магілёў, вул. Крупскай, 99А, Віталь Леанідавіч Енаровіч
💻 Напісаць анлайн

💔Палітзняволеная Дар’я Афанасьева на волю: "Нічога няма ўнутры і не ведаю, як далей"

Дар'я — актывістка, фемблогерка вядомая як «Дафна». У Instagram дзяўчына вяла асветніцкую працу, распавядала пра сэксізм і фемінізм. Суд прызначыў Афанасьевай 2,5 гады зняволення за ўдзел у паслявыбарчых акцыях пратэсту ў жніўні 2020 года ў Мінску.

Нядаўна ад яе прабіўся ліст на волю:

"…Передавайте извинения, что не отвечаю полно и развёрнуто, совсем нет сил, нет настроения, нет ресурсов. Ничего нет внутри и не знаю, как дальше.

И иногда думаю, что больше не могу, а потом опять могу, и так по кругу. Поэтому никому ничего не отвечаю персонально, но мне очень приятно, когда про меня вспоминают. Понимаю, там жизнь кипит и продолжается, но так сложно вместить в голову, что кто-то может защитить диплом, пока у меня здесь жизнь остановилась. Сложно смотреть за окном как кипит жизнь (я вижу магазин "Ашан" и улицу) и иногда такая мгновенная дезориентация, ужас. И сесть написать письмо сложно".

Крыніца: @dafna2099_free

💌Падтрымайце Дар’ю: ПК №4, 246035, г. Гомель, вул. Антошкіна, Дар'я Аляксандраўна Афанасьева
💻 Напісаць анлайн 👉 bit.ly/3PIOcjz

😔Журналіста Андрэя Пачобута тыдзень трымалі ў адзіночнай камеры

Пачобута абвінавацілі паводле арт. 361 КК — заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь і арт. 130 КК — распальванне расавай, нацыянальнай, рэлігійнай альбо іншай сацыяльнай варожасці. Працэс у Гродзенскім абласным судзе у закрытым рэжыме разглядаў суддзя Дзмітрый Бубенчык. У лютым яму прысудзілі 8 гадоў калоніі.

У лісце на волю ён папрасіў перадаць прывітанне "як мага большай колькасці людзей". Таксама ён піша, што ў турме яму нечакана вырашылі зладзіць "вясёлае жыццё". Падрабязнасці ён распавесці ў лісце не можа, бо не прапусцяць. Толькі адзначыў, што яго тыдзень утрымлівалі ў адзіночнай камеры. Ён спытаў, калі ў яго з'явяцца суседзі, але яму прапанавалі звярнуцца з гэтым "да операў". Таксама Пачобут падаў апеляцыйную скаргу на прысуд.

💌Падтрымайце палітвязня тэлеграмамі і пасылкамі: Турма № 1. 230023, г. Гродна, вул. Кірава, 1, Андрэй Станіслававіч Пачобут
💻 Напісаць анлайн

📍Палітзняволенага анархіста Дзмітрыя Дубоўскага перавялі ў калонію

У судзе Заводскага раёна Мінска 25 лістапада Дзмітрыя асудзілі да пяці гадоў пазбаўлення волі ў калоніі ўзмоцненага рэжыма. Паколькі раней Дубоўскага ўжо асудзілі да 18 гадоў калоніі, шляхам частковага складання пакаранняў, канчаткова яго асудзілі да 20 гадоў калоніі. Дзмітрыя абвінавачвалі паводле падзей у Мінску і Салігорску ў 2009 і 2010 гадах. 25 лютага палітвязень пачаў адбываць тэрмін у папраўчай калоніі № 3.

Сястра палітвязня падзялілася вестачкай ад яго:

"Всем остальным огромнейший привет от меня. Спасибо за доверие и солидарность! Пусть удача сопутствует всем Нам! Наше время непременно наступит, и Мы к нему всё ближе!"

💌Падтрымайце палітвязня: ПК № 3. 211322, Віцебская вобласць, г.п. Віцьба, Дзмітрый Мікалаевіч Дубоўскі
💻Напісаць анлайн

🎄"Змайстравалі са сшытка ялінку, упрыгожылі цацкамі з фальгі", — палітвязень Мікалай Куляшоў пра святкаванне Новага году

Мікалай — былы мытнік, актывіст Беларускай сацыял-дэмакратычнай партыі «Грамада». Яго затрымалі 21 верасня ў Гродне пры спробе перасекчы мяжу з Літвой. Яго вінавацяць у тым, што ён дапамагаў ахвотным за грошы незаконна пераходзіць беларуска-літоўскую мяжу. 13 сакавіка яго пачнуць судзіць паводле шэрагу крымінальных артыкулаў.

"Ужо чацвёрты месяц у няволі. Даводзіцца спадзявацца, што хутка ўсё скончыцца.

Дзякуй за віншаванне. Новы год мы сустракалі пад бой гадзінніка і салюту ў цэнтры горада, але за сценамі бастыёна. Змайстравалі са сшытка ялінку, упрыгожылі цацкамі з фальгі. Быў святочны стол, елі, пілі, віншавалі адзін аднаго, узгадвалі сваіх родных".

💌Падтрымайце Мікалая: Турма № 1. 230023, г. Гродна, вул. Кірава, 1 Мікалай Анатольевіч Куляшоў
💻Напісаць анлайн 👉 bit.ly/3PIOcjz